(༡༥) ཏཱི་ཎི ཏི་ཏྠཱ་ཡ་ཏ་ནཱ་ནི

༩༢༣. ཏ་ཏྠ ཀ་ཏ་མཱ་ནི ཏཱི་ཎི ཏི་ཏྠཱ་ཡ་ཏ་ནཱ་ནི? ཨི་དྷེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ཡཾ ཀི་ཉྩཱ་ཡཾ པུ་རི་ས་པུ་གྒ་ལོ པ་ཊི་སཾ་ཝེ་དེ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ, ས་བྦཾ ཏཾ པུ་བྦེ ཀ་ཏ་ཧེ་ཏཱུ’’ཏི; ཨི་དྷ པ་ནེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ཡཾ ཀི་ཉྩཱ་ཡཾ པུ་རི་ས་པུ་གྒ་ལོ པ་ཊི་སཾ་ཝེ་དེ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ, ས་བྦཾ ཏཾ ཨི་སྶ་ར་ནི་མྨཱ་ན་ཧེ་ཏཱུ’’ཏི; ཨི་དྷ པ་ནེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ཡཾ ཀི་ཉྩཱ་ཡཾ པུ་རི་ས་པུ་གྒ་ལོ པ་ཊི་སཾ་ཝེ་དེ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ, ས་བྦཾ ཏཾ ཨ་ཧེ་ཏུ ཨ་པྤ་ཙྩ་ཡཱ’’ཏི – ཨི་མཱ་ནི ཏཱི་ཎི ཏི་ཏྠཱ་ཡ་ཏ་ནཱ་ནི.