༤. ཙ་ཏུ་ཀྐ་ནི་དྡེ་སོ
༧༩༣. (༡. ཀ) ཏ་ཏྠ ཀ་ཏ་མཾ ཀ་མྨ་སྶ་ཀ་ཏ་ཉཱ་ཎཾ? ‘‘ཨ་ཏྠི དི་ནྣཾ, ཨ་ཏྠི ཡི་ཊྛཾ, ཨ་ཏྠི ཧུ་ཏཾ, ཨ་ཏྠི སུ་ཀ་ཏ་དུ་ཀྐ་ཊཱ་ནཾ ཀ་མྨཱ་ནཾ ཕ་ལཾ ཝི་པཱ་ཀོ, ཨ་ཏྠི ཨ་ཡཾ ལོ་ཀོ, ཨ་ཏྠི པ་རོ ལོ་ཀོ, ཨ་ཏྠི མཱ་ཏཱ, ཨ་ཏྠི པི་ཏཱ, ཨ་ཏྠི ས་ཏྟཱ ཨོ་པ་པཱ་ཏི་ཀཱ, ཨ་ཏྠི ལོ་ཀེ ས་མ་ཎ་བྲཱ་ཧྨ་ཎཱ ས་མྨ་གྒ་ཏཱ ས་མྨཱ་པ་ཊི་པ་ནྣཱ ཡེ ཨི་མ་ཉྩ ལོ་ཀཾ པ་ར་ཉྩ ལོ་ཀཾ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དེ་ནྟཱི’’ཏི – ཡཱ ཨེ་ཝ་རཱུ་པཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཀ་མྨ་སྶ་ཀ་ཏ་ཉཱ་ཎཾ’’. ཋ་པེ་ཏྭཱ ས་ཙྩཱ་ནུ་ལོ་མི་ཀཾ ཉཱ་ཎཾ, ས་བྦཱ་པི སཱ་ས་ཝཱ ཀུ་ས་ལཱ པ་ཉྙཱ ཀ་མྨ་སྶ་ཀ་ཏ་ཉཱ་ཎཾ.
(ཁ) ཏ་ཏྠ ཀ་ཏ་མཾ ས་ཙྩཱ་ནུ་ལོ་མི་ཀཾ ཉཱ་ཎཾ? ‘‘རཱུ་པཾ ཨ་ནི་ཙྩ’’ནྟི ཝཱ ཝེ་ད་ནཱ…པེ… ས་ཉྙཱ… ས་ངྑཱ་རཱ… ‘‘ཝི་ཉྙཱ་ཎཾ ཨ་ནི་ཙྩ’’ནྟི ཝཱ ཡཱ ཨེ་ཝ་རཱུ་པཱི ཨ་ནུ་ལོ་མི་ཀཱ ཁ་ནྟི དི་ཊྛི རུ་ཙི མུ་དི པེ་ཀྑཱ དྷ་མྨ་ནི་ཛ྄ཛྷཱ་ན་ཀྑ་ནྟི – ཨི་དཾ ཝུ་ཙྩ་ཏི ‘‘ས་ཙྩཱ་ནུ་ལོ་མི་ཀཾ ཉཱ་ཎཾ’’.
(ག) ཙ་ཏཱུ་སུ མ་གྒེ་སུ པ་ཉྙཱ མ་གྒ་ས་མ་ངྒི་སྶ ཉཱ་ཎཾ.
(གྷ) ཙ་ཏཱུ་སུ ཕ་ལེ་སུ པ་ཉྙཱ ཕ་ལ་ས་མ་ངྒི་སྶ ཉཱ་ཎཾ.
༧༩༤. (༢) མ་གྒ་ས་མ་ངྒི་སྶ ཉཱ་ཎཾ དུ་ཀྑེ་པེ་ཏཾ ཉཱ་ཎཾ, དུ་ཀྑ་ས་མུ་ད་ཡེ་པེ་ཏཾ ཉཱ་ཎཾ, དུ་ཀྑ་ནི་རོ་དྷེ་པེ་ཏཾ ཉཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ་པེ་ཏཾ ཉཱ་ཎཾ.
(ཀ) ཏ་ཏྠ ཀ་ཏ་མཾ དུ་ཀྑེ ཉཱ་ཎཾ? དུ་ཀྑཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘དུ་ཀྑེ ཉཱ་ཎཾ’’.
(ཁ-གྷ) དུ་ཀྑ་ས་མུ་ད་ཡཾ ཨཱ་ར་བྦྷ…པེ… དུ་ཀྑ་ནི་རོ་དྷཾ ཨཱ་ར་བྦྷ…པེ… དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ’’.
༧༩༥. (༣) ཀཱ་མཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ ཀཱ་མཱ་ཝ་ཙ་རཱ པ་ཉྙཱ, རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ རཱུ་པཱ་ཝ་ཙ་རཱ པ་ཉྙཱ, ཨ་རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ ཨ་རཱུ་པཱ་ཝ་ཙ་རཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་པ་རི་ཡཱ་པ་ནྣཱ པ་ཉྙཱ.
༧༩༦. (༤. ཀ) ཏ་ཏྠ ཀ་ཏ་མཾ དྷ་མྨེ ཉཱ་ཎཾ? ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ དྷ་མྨེ ཉཱ་ཎཾ.
(ཁ) སོ ཨི་མི་ནཱ དྷ་མྨེ་ན ཉཱ་ཏེ་ན དི་ཊྛེ་ན པ་ཏྟེ་ན ཝི་དི་ཏེ་ན པ་རི་ཡོ་གཱ་ལ༹ྷེ་ན ཨ་ཏཱི་ཏཱ་ནཱ་ག་ཏེ་ན ན་ཡཾ ནེ་ཏི. ‘‘ཡེ ཧི ཀེ་ཙི ཨ་ཏཱི་ཏ་མ་དྡྷཱ་ནཾ ས་མ་ཎཱ ཝཱ བྲཱ་ཧྨ་ཎཱ ཝཱ དུ་ཀྑཾ ཨ་བྦྷ་ཉྙཾ་སུ [ཨ་བྦྷ་ཉྙིཾ་སུ (སྱཱ.) ཨེ་ཝ་མུ་པ་རི་པི], དུ་ཀྑ་ས་མུ་ད་ཡཾ ཨ་བྦྷ་ཉྙཾ་སུ, དུ་ཀྑ་ནི་རོ་དྷཾ ཨ་བྦྷ་ཉྙཾ་སུ, དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑ་ས་མུ་ད་ཡཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑ་ནི་རོ་དྷཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྦྷ་ཉྙཾ་སུ. ཡེ ཧི ཀེ་ཙི ཨ་ནཱ་ག་ཏ་མ་དྡྷཱ་ནཾ ས་མ་ཎཱ ཝཱ བྲཱ་ཧྨ་ཎཱ ཝཱ དུ་ཀྑཾ ཨ་བྷི་ཛཱ་ནི་སྶ་ནྟི, དུ་ཀྑ་ས་མུ་ད་ཡཾ ཨ་བྷི་ཛཱ་ནི་སྶ་ནྟི, དུ་ཀྑ་ནི་རོ་དྷཾ ཨ་བྷི་ཛཱ་ནི་སྶ་ནྟི, དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑ་ས་མུ་ད་ཡཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑ་ནི་རོ་དྷཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྷི་ཛཱ་ནི་སྶ་ནྟཱི’’ཏི – ཡཱ ཏ་ཏྠ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཨ་ནྭ་ཡེ ཉཱ་ཎཾ’’.
(ག) ཏ་ཏྠ ཀ་ཏ་མཾ པ་རི་ཡེ ཉཱ་ཎཾ? ཨི་དྷ བྷི་ཀྑུ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཙེ་ཏ་སཱ ཙེ་ཏོ པ་རི་ཙྩ པ་ཛཱ་ནཱ་ཏི. ས་རཱ་གཾ ཝཱ ཙི་ཏྟཾ ‘‘ས་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ ཙི་ཏྟཾ ‘‘ཝཱི་ཏ་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ ཙི་ཏྟཾ ‘‘ས་དོ་སཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ ཙི་ཏྟཾ ‘‘ཝཱི་ཏ་དོ་སཾ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ ཙི་ཏྟཾ ‘‘ས་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ ཙི་ཏྟཾ ‘‘ཝཱི་ཏ་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ ཙི་ཏྟཾ ‘‘སཾ་ཁི་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ ཙི་ཏྟཾ ‘‘ཝི་ཀྑི་ཏྟཾ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ ཙི་ཏྟཾ ‘‘མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ ཙི་ཏྟཾ ‘‘ཨ་མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ ཙི་ཏྟཾ ‘‘ས་ཨུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ ཙི་ཏྟཾ ‘‘ཨ་ནུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ ཙི་ཏྟཾ ‘‘ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ ཙི་ཏྟཾ ‘‘ཨ་ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ ཙི་ཏྟཾ ‘‘ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ ཙི་ཏྟཾ ‘‘ཨ་ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏཱི་ཏི – ཡཱ ཏ་ཏྠ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘པ་རི་ཡེ ཉཱ་ཎཾ’’.
(གྷ) ཋ་པེ་ཏྭཱ དྷ་མྨེ ཉཱ་ཎཾ ཨ་ནྭ་ཡེ ཉཱ་ཎཾ པ་རི་ཡེ ཉཱ་ཎཾ, ཨ་ཝ་སེ་སཱ པ་ཉྙཱ ས་མྨུ་ཏི་ཉཱ་ཎཾ.
༧༩༧. (༥. ཀ) ཏ་ཏྠ ཀ་ཏ་མཱ པ་ཉྙཱ ཨཱ་ཙ་ཡཱ་ཡ ནོ ཨ་པ་ཙ་ཡཱ་ཡ? ཀཱ་མཱ་ཝ་ཙ་ར་ཀུ་ས་ལེ པ་ཉྙཱ ཨཱ་ཙ་ཡཱ་ཡ ནོ ཨ་པ་ཙ་ཡཱ་ཡ.
(ཁ) ཙ་ཏཱུ་སུ མ་གྒེ་སུ པ་ཉྙཱ ཨ་པ་ཙ་ཡཱ་ཡ ནོ ཨཱ་ཙ་ཡཱ་ཡ.
(ག) རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཀུ་ས་ལེ པ་ཉྙཱ ཨཱ་ཙ་ཡཱ་ཡ ཙེ་ཝ ཨ་པ་ཙ་ཡཱ་ཡ ཙ.
(གྷ) ཨ་ཝ་སེ་སཱ པ་ཉྙཱ ནེ་ཝ ཨཱ་ཙ་ཡཱ་ཡ ནོ ཨ་པ་ཙ་ཡཱ་ཡ.
༧༩༨. (༦. ཀ) ཏ་ཏྠ ཀ་ཏ་མཱ པ་ཉྙཱ ནི་བྦི་དཱ་ཡ ནོ པ་ཊི་ཝེ་དྷཱ་ཡ? ཡཱ་ཡ པ་ཉྙཱ་ཡ ཀཱ་མེ་སུ ཝཱི་ཏ་རཱ་གོ ཧོ་ཏི, ན ཙ ཨ་བྷི་ཉྙཱ་ཡོ པ་ཊི་ཝི་ཛ྄ཛྷ་ཏི ན ཙ ས་ཙྩཱ་ནི – ཨ་ཡཾ ཝུ་ཙྩ་ཏི ‘‘པ་ཉྙཱ ནི་བྦི་དཱ་ཡ ནོ པ་ཊི་ཝེ་དྷཱ་ཡ’’.
(ཁ) སྭེ་ཝ པ་ཉྙཱ་ཡ ཀཱ་མེ་སུ ཝཱི་ཏ་རཱ་གོ ས་མཱ་ནོ ཨ་བྷི་ཉྙཱ་ཡོ པ་ཊི་ཝི་ཛ྄ཛྷ་ཏི ན ཙ ས་ཙྩཱ་ནི – ཨ་ཡཾ ཝུ་ཙྩ་ཏི ‘‘པ་ཉྙཱ པ་ཊི་ཝེ་དྷཱ་ཡ ནོ ནི་བྦི་དཱ་ཡ’’.
(ག) ཙ་ཏཱུ་སུ མ་གྒེ་སུ པ་ཉྙཱ ནི་བྦི་དཱ་ཡ ཙེ་ཝ པ་ཊི་ཝེ་དྷཱ་ཡ ཙ.
(གྷ) ཨ་ཝ་སེ་སཱ པ་ཉྙཱ ནེ་ཝ ནི་བྦི་དཱ་ཡ ནོ པ་ཊི་ཝེ་དྷཱ་ཡ.
༧༩༩. (༧. ཀ) ཏ་ཏྠ ཀ་ཏ་མཱ ཧཱ་ན་བྷཱ་གི་ནཱི པ་ཉྙཱ? པ་ཋ་མ་སྶ ཛྷཱ་ན་སྶ ལཱ་བྷིཾ ཀཱ་མ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ.
(ཁ) ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ.
(ག) ཨ་ཝི་ཏ་ཀྐ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ.
(གྷ) ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. དུ་ཏི་ཡ་སྶ ཛྷཱ་ན་སྶ ལཱ་བྷིཾ ཝི་ཏ་ཀྐ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨུ་པེ་ཀྑཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཏ་ཏི་ཡ་སྶ ཛྷཱ་ན་སྶ ལཱ་བྷིཾ པཱི་ཏི་སུ་ཁ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨ་དུ་ཀྑ་མ་སུ་ཁ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཙ་ཏུ་ཏྠ་སྶ ཛྷཱ་ན་སྶ ལཱ་བྷིཾ ཨུ་པེ་ཀྑཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨཱ་ཀཱ་སཱ་ན་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཨཱ་ཀཱ་སཱ་ན་ཉྩཱ་ཡ་ཏ་ན་སྶ ལཱ་བྷིཾ རཱུ་པ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཝི་ཉྙཱ་ཎ་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཝི་ཉྙཱ་ཎ་ཉྩཱ་ཡ་ཏ་ན་སྶ ལཱ་བྷིཾ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨཱ་ཀི་ཉྩ་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཨཱ་ཀི་ཉྩ་ཉྙཱ་ཡ་ཏ་ན་སྶ ལཱ་བྷིཾ ཝི་ཉྙཱ་ཎ་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ.
༨༠༠. (༨) ཏ་ཏྠ ཀ་ཏ་མཱ ཙ་ཏ་སྶོ པ་ཊི་ས་མྦྷི་དཱ? ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཨ་ཏྠེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, དྷ་མྨེ ཉཱ་ཎཾ དྷ་མྨ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨི་མཱ ཙ་ཏ་སྶོ པ་ཊི་ས་མྦྷི་དཱ.
༨༠༡. (༩) ཏ་ཏྠ ཀ་ཏ་མཱ ཙ་ཏ་སྶོ པ་ཊི་པ་དཱ? དུ་ཀྑ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ, དུ་ཀྑ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ, སུ་ཁ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ, སུ་ཁ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ.
(ཀ) ཏ་ཏྠ ཀ་ཏ་མཱ དུ་ཀྑ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ? ཀི་ཙྪེ་ན ཀ་སི་རེ་ན ས་མཱ་དྷིཾ ཨུ་པྤཱ་དེ་ནྟ་སྶ ད་ནྡྷཾ ཏ་ཎྛཱ་ནཾ ཨ་བྷི་ཛཱ་ན་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘དུ་ཀྑ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ’’.
(ཁ) ཏ་ཏྠ ཀ་ཏ་མཱ དུ་ཀྑ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ? ཀི་ཙྪེ་ན ཀ་སི་རེ་ན ས་མཱ་དྷིཾ ཨུ་པྤཱ་དེ་ནྟ་སྶ ཁི་པྤཾ ཏ་ཎྛཱ་ནཾ ཨ་བྷི་ཛཱ་ན་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘དུ་ཀྑ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ’’.
(ག) ཏ་ཏྠ ཀ་ཏ་མཱ སུ་ཁ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ? ཨ་ཀི་ཙྪེ་ན ཨ་ཀ་སི་རེ་ན ས་མཱ་དྷིཾ ཨུ་པྤཱ་དེ་ནྟ་སྶ ད་ནྡྷཾ ཏ་ཎྛཱ་ནཾ ཨ་བྷི་ཛཱ་ན་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘སུ་ཁ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ’’.
(གྷ) ཏ་ཏྠ ཀ་ཏ་མཱ སུ་ཁ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ? ཨ་ཀི་ཙྪེ་ན ཨ་ཀ་སི་རེ་ན ས་མཱ་དྷིཾ ཨུ་པྤཱ་དེ་ནྟ་སྶ ཁི་པྤཾ ཏ་ཎྛཱ་ནཾ ཨ་བྷི་ཛཱ་ན་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘སུ་ཁ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ’’. ཨི་མཱ ཙ་ཏ་སྶོ པ་ཊི་པ་དཱ.
༨༠༢. (༡༠) ཏ་ཏྠ ཀ་ཏ་མཱ་ནི ཙ་ཏྟཱ་རི ཨཱ་ར་མྨ་ཎཱ་ནི? པ་རི་ཏྟཱ པ་རི་ཏྟཱ་ར་མྨ་ཎཱ པ་ཉྙཱ, པ་རི་ཏྟཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ, ཨ་པྤ་མཱ་ཎཱ པ་རི་ཏྟཱ་ར་མྨ་ཎཱ པ་ཉྙཱ, ཨ་པྤ་མཱ་ཎཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ.
(ཀ) ཏ་ཏྠ ཀ་ཏ་མཱ པ་རི་ཏྟཱ པ་རི་ཏྟཱ་ར་མྨ་ཎཱ པ་ཉྙཱ? ས་མཱ་དྷི་སྶ ན ནི་ཀཱ་མ་ལཱ་བྷི་སྶ ཨཱ་ར་མྨ་ཎཾ ཐོ་ཀཾ ཕ་ར་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘པ་རི་ཏྟཱ པ་རི་ཏྟཱ་ར་མྨ་ཎཱ པ་ཉྙཱ’’.
(ཁ) ཏ་ཏྠ ཀ་ཏ་མཱ པ་རི་ཏྟཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ? ས་མཱ་དྷི་སྶ ན ནི་ཀཱ་མ་ལཱ་བྷི་སྶ ཨཱ་ར་མྨ་ཎཾ ཝི་པུ་ལཾ ཕ་ར་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘པ་རི་ཏྟཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ’’.
(ག) ཏ་ཏྠ ཀ་ཏ་མཱ ཨ་པྤ་མཱ་ཎཱ པ་རི་ཏྟཱ་ར་མྨ་ཎཱ པ་ཉྙཱ? ས་མཱ་དྷི་སྶ ནི་ཀཱ་མ་ལཱ་བྷི་སྶ ཨཱ་ར་མྨ་ཎཾ ཐོ་ཀཾ ཕ་ར་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་པྤ་མཱ་ཎཱ པ་རི་ཏྟཱ་ར་མྨ་ཎཱ པ་ཉྙཱ’’.
(གྷ) ཏ་ཏྠ ཀ་ཏ་མཱ ཨ་པྤ་མཱ་ཎཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ? ས་མཱ་དྷི་སྶ ནི་ཀཱ་མ་ལཱ་བྷི་སྶ ཨཱ་ར་མྨ་ཎཾ ཝི་པུ་ལཾ ཕ་ར་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་པྤ་མཱ་ཎཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ’’. ཨི་མཱ་ནི ཙ་ཏྟཱ་རི ཨཱ་ར་མྨ་ཎཱ་ནི.
(༡༡) མ་གྒ་ས་མ་ངྒི་སྶ ཉཱ་ཎཾ ཛ་རཱ་མ་ར་ཎེ་པེ་ཏཾ ཉཱ་ཎཾ, ཛ་རཱ་མ་ར་ཎ་ས་མུ་ད་ཡེ་པེ་ཏཾ ཉཱ་ཎཾ, ཛ་རཱ་མ་ར་ཎ་ནི་རོ་དྷེ་པེ་ཏཾ ཉཱ་ཎཾ, ཛ་རཱ་མ་ར་ཎ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ་པེ་ཏཾ ཉཱ་ཎཾ.
(ཀ) ཏ་ཏྠ ཀ་ཏ་མཾ ཛ་རཱ་མ་ར་ཎེ ཉཱ་ཎཾ? ཛ་རཱ་མ་ར་ཎཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཛ་རཱ་མ་ར་ཎེ ཉཱ་ཎཾ’’.
(ཁ-གྷ) ཛ་རཱ་མ་ར་ཎ་ས་མུ་ད་ཡཾ ཨཱ་ར་བྦྷ…པེ… ཛ་རཱ་མ་ར་ཎ་ནི་རོ་དྷཾ ཨཱ་ར་བྦྷ…པེ… ཛ་རཱ་མ་ར་ཎ་ནི་རོ་དྷ་གཱ་མི་ནིཾ པ་ཊི་པ་དཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཛ་རཱ་མ་ར་ཎ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ’’.
༨༠༣. (༡༢-༢༡) དྷ་མྨ་ས་མ་ངྒི་སྶ ཉཱ་ཎཾ ཛཱ་ཏི་ཡཱ་པེ་ཏཾ ཉཱ་ཎཾ…པེ… བྷ་ཝེ་པེ་ཏཾ ཉཱ་ཎཾ…པེ… ཨུ་པཱ་དཱ་ནེ་པེ་ཏཾ ཉཱ་ཎཾ…པེ… ཏ་ཎྷཱ་ཡ་པེ་ཏཾ ཉཱ་ཎཾ…པེ… ཝེ་ད་ནཱ་ཡ་པེ་ཏཾ ཉཱ་ཎཾ…པེ… ཕ་སྶེ་པེ་ཏཾ ཉཱ་ཎཾ…པེ… ས་ལཱ༹་ཡ་ཏ་ནེ་པེ་ཏཾ ཉཱ་ཎཾ…པེ… ནཱ་མ་རཱུ་པེ་པེ་ཏཾ ཉཱ་ཎཾ…པེ… ཝི་ཉྙཱ་ཎེ་པེ་ཏཾ ཉཱ་ཎཾ…པེ… ས་ངྑཱ་རེ་སུ་པེ་ཏཾ ཉཱ་ཎཾ, ས་ངྑཱ་ར་ས་མུ་ད་ཡེ་པེ་ཏཾ ཉཱ་ཎཾ, ས་ངྑཱ་ར་ནི་རོ་དྷེ་པེ་ཏཾ ཉཱ་ཎཾ, ས་ངྑཱ་ར་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ་པེ་ཏཾ ཉཱ་ཎཾ.
ཏ་ཏྠ ཀ་ཏ་མཾ ས་ངྑཱ་རེ་སུ ཉཱ་ཎཾ? ས་ངྑཱ་རེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ས་ངྑཱ་རེ་སུ ཉཱ་ཎཾ’’.
ས་ངྑཱ་ར་ས་མུ་ད་ཡཾ ཨཱ་ར་བྦྷ…པེ… ས་ངྑཱ་ར་ནི་རོ་དྷཾ ཨཱ་ར་བྦྷ…པེ… ས་ངྑཱ་ར་ནི་རོ་དྷ་གཱ་མི་ནིཾ པ་ཊི་པ་དཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ས་ངྑཱ་ར་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ. ཨེ་ཝཾ ཙ་ཏུ་བྦི་དྷེ་ན ཉཱ་ཎ་ཝ་ཏྠུ.
ཙ་ཏུ་ཀྐཾ.