༥. པ་ཉྩ་ཀ་ནི་དྡེ་སོ

༨༠༤. (༡) ཏ་ཏྠ ཀ་ཏ་མོ པ་ཉྩ་ངྒི་ཀོ ས་མྨཱ་ས་མཱ་དྷི? པཱི་ཏི་ཕ་ར་ཎ་ཏཱ, སུ་ཁ་ཕ་ར་ཎ་ཏཱ, ཙེ་ཏོ་ཕ་ར་ཎ་ཏཱ, ཨཱ་ལོ་ཀ་ཕ་ར་ཎ་ཏཱ, པ་ཙྩ་ཝེ་ཀྑ་ཎཱ་ནི་མི་ཏྟཾ. དྭཱི་སུ ཛྷཱ་ནེ་སུ པ་ཉྙཱ པཱི་ཏི་ཕ་ར་ཎ་ཏཱ. ཏཱི་སུ ཛྷཱ་ནེ་སུ པ་ཉྙཱ སུ་ཁ་ཕ་ར་ཎ་ཏཱ. པ་ར་ཙི་ཏྟེ ཉཱ་ཎཾ ཙེ་ཏོ་ཕ་ར་ཎ་ཏཱ. དི་བྦ་ཙ་ཀྑུ ཨཱ་ལོ་ཀ་ཕ་ར་ཎ་ཏཱ. ཏ་མྷཱ ཏ་མྷཱ ས་མཱ་དྷི་མྷཱ ཝུ་ཊྛི་ཏ་སྶ པ་ཙྩ་ཝེ་ཀྑ་ཎཱ་ཉཱ་ཎཾ པ་ཙྩ་ཝེ་ཀྑ་ཎཱ་ནི་མི་ཏྟཾ. ཨ་ཡཾ ཝུ་ཙྩ་ཏི པ་ཉྩ་ངྒི་ཀོ ས་མྨཱ་ས་མཱ་དྷི.

(༢) ཏ་ཏྠ ཀ་ཏ་མོ པ་ཉྩ་ཉཱ་ཎི་ཀོ ས་མྨཱ་ས་མཱ་དྷི? ‘‘ཨ་ཡཾ ས་མཱ་དྷི པ་ཙྩུ་པྤ་ནྣ་སུ་ཁོ ཙེ་ཝ ཨཱ་ཡ་ཏི་ཉྩ སུ་ཁ་ཝི་པཱ་ཀོ’’ཏི པ་ཙྩ་ཏྟ་ཉྙེ་ཝ ཉཱ་ཎཾ ཨུ་པྤ་ཛྫ་ཏི. ‘‘ཨ་ཡཾ ས་མཱ་དྷི ཨ་རི་ཡོ ནི་རཱ་མི་སོ’’ཏི པ་ཙྩ་ཏྟ་ཉྙེ་ཝ ཉཱ་ཎཾ ཨུ་པྤ་ཛྫ་ཏི. ‘‘ཨ་ཡཾ ས་མཱ་དྷི ཨ་ཀཱ་པུ་རི་ས་སེ་ཝི་ཏོ’’ཏི པ་ཙྩ་ཏྟ་ཉྙེ་ཝ ཉཱ་ཎཾ ཨུ་པྤ་ཛྫ་ཏི. ‘‘ཨ་ཡཾ ས་མཱ་དྷི ས་ནྟོ པ་ཎཱི་ཏོ པ་ཊི་པྤ་སྶ་དྡྷ་ལ་དྡྷོ ཨེ་ཀོ་དི་བྷཱ་ཝཱ་དྷི་ག་ཏོ ན ས་ས་ངྑཱ་ར་ནི་གྒ་ཡ྄ཧ་ཝཱ་རི་ཏ་ག་ཏོ’’ཏི པ་ཙྩ་ཏྟ་ཉྙེ་ཝ ཉཱ་ཎཾ ཨུ་པྤ་ཛྫ་ཏི. སོ ཁོ པ་ནཱ་ཧཾ ཨི་མཾ ས་མཱ་དྷིཾ ས་ཏོ ས་མཱ་པ་ཛྫཱ་མི ས་ཏོ ཝུ་ཊྛ་ཧཱ་མཱི’’ཏི པ་ཙྩ་ཏྟ་ཉྙེ་ཝ ཉཱ་ཎཾ ཨུ་པྤ་ཛྫ་ཏི. ཨ་ཡཾ པ་ཉྩ་ཉཱ་ཎི་ཀོ ས་མྨཱ་ས་མཱ་དྷི. ཨེ་ཝཾ པ་ཉྩ་ཝི་དྷེ་ན ཉཱ་ཎ་ཝ་ཏྠུ.

པ་ཉྩ་ཀཾ.