མཱ་ཏི་ཀཱ
༡. ཨེ་ཀ་ཀ་ནི་དྡེ་སོ
༧༦༡. པ་ཉྩ ཝི་ཉྙཱ་ཎཱ ན ཧེ་ཏུ་མེ་ཝ, ཨ་ཧེ་ཏུ་ཀ་མེ་ཝ, ཧེ་ཏུ་ཝི་པྤ་ཡུ་ཏྟ་མེ་ཝ, ས་པྤ་ཙྩ་ཡ་མེ་ཝ, ས་ངྑ་ཏ་མེ་ཝ, ཨ་རཱུ་པ་མེ་ཝ, ལོ་ཀི་ཡ་མེ་ཝ, སཱ་ས་ཝ་མེ་ཝ, སཾ་ཡོ་ཛ་ནི་ཡ་མེ་ཝ, ག་ནྠ་ནི་ཡ་མེ་ཝ, ཨོ་གྷ་ནི་ཡ་མེ་ཝ, ཡོ་ག་ནི་ཡ་མེ་ཝ, ནཱི་ཝ་ར་ཎི་ཡ་མེ་ཝ, པ་རཱ་མ་ཊྛ་མེ་ཝ, ཨུ་པཱ་དཱ་ནི་ཡ་མེ་ཝ, སཾ་ཀི་ལེ་སི་ཀ་མེ་ཝ, ཨ་བྱཱ་ཀ་ཏ་མེ་ཝ, སཱ་ར་མྨ་ཎ་མེ་ཝ, ཨ་ཙེ་ཏ་སི་ཀ་མེ་ཝ, ཝི་པཱ་ཀ་མེ་ཝ, ཨུ་པཱ་དི་ནྣུ་པཱ་དཱ་ནི་ཡ་མེ་ཝ, ཨ་སཾ་ཀི་ལི་ཊྛ་སཾ་ཀི་ལེ་སི་ཀ་མེ་ཝ, ན ས་ཝི་ཏ་ཀྐ་ས་ཝི་ཙཱ་ར་མེ་ཝ, ན ཨ་ཝི་ཏ་ཀྐ་ཝི་ཙཱ་ར་མ་ཏྟ་མེ་ཝ, ཨ་ཝི་ཏ་ཀྐ་ཨ་ཝི་ཙཱ་ར་མེ་ཝ, ན པཱི་ཏི་ས་ཧ་ག་ཏ་མེ་ཝ, ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་མེ་ཝ, ནེ་ཝ ད་སྶ་ནེ་ན ན བྷཱ་ཝ་ནཱ་ཡ པ་ཧཱ་ཏ་བྦ་ཧེ་ཏུ་ཀ་མེ་ཝ, ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་མེ་ཝ, ནེ་ཝ་སེ་ཀྑ་ནཱ་སེ་ཀྑ་མེ་ཝ, པ་རི་ཏྟ་མེ་ཝ, ཀཱ་མཱ་ཝ་ཙ་ར་མེ་ཝ, ན རཱུ་པཱ་ཝ་ཙ་ར་མེ་ཝ, ན ཨ་རཱུ་པཱ་ཝ་ཙ་ར་མེ་ཝ, པ་རི་ཡཱ་པ་ནྣ་མེ་ཝ, ནོ ཨ་པ་རི་ཡཱ་པ་ནྣ་མེ་ཝ, ཨ་ནི་ཡ་ཏ་མེ་ཝ, ཨ་ནི་ཡྻཱ་ནི་ཀ་མེ་ཝ, ཨུ་པྤ་ནྣཾ མ་ནོ་ཝི་ཉྙཱ་ཎ་ཝི་ཉྙེ་ཡྻ་མེ་ཝ, ཨ་ནི་ཙྩ་མེ་ཝ, ཛ་རཱ་བྷི་བྷཱུ་ཏ་མེ་ཝ.
༧༦༢. པ་ཉྩ ཝི་ཉྙཱ་ཎཱ ཨུ་པྤ་ནྣ་ཝ་ཏྠུ་ཀཱ, ཨུ་པྤ་ནྣཱ་ར་མྨ་ཎཱ་ཏི ཨུ་པྤ་ནྣ་སྨིཾ ཝ་ཏྠུ་སྨིཾ ཨུ་པྤ་ནྣེ ཨཱ་ར་མྨ་ཎེ ཨུ་པྤ་ཛྫ་ནྟི.
པུ་རེ་ཛཱ་ཏ་ཝ་ཏྠུ་ཀཱ, པུ་རེ་ཛཱ་ཏཱ་ར་མྨ་ཎཱ་ཏི པུ་རེ་ཛཱ་ཏ་སྨིཾ ཝ་ཏྠུ་སྨིཾ པུ་རེ་ཛཱ་ཏེ ཨཱ་ར་མྨ་ཎེ ཨུ་པྤ་ཛྫ་ནྟི.
ཨ་ཛ྄ཛྷ་ཏྟི་ཀ་ཝ་ཏྠུ་ཀཱ, བཱ་ཧི་རཱ་ར་མྨ་ཎཱ་ཏི པ་ཉྩ་ནྣཾ ཝི་ཉྙཱ་ཎཱ་ནཾ ཝ་ཏྠུ ཨ་ཛ྄ཛྷ་ཏྟི་ཀཱ ཨཱ་ར་མྨ་ཎཱ བཱ་ཧི་རཱ.
ཨ་ས་མྦྷི་ནྣ་ཝ་ཏྠུ་ཀཱ, ཨ་ས་མྦྷི་ནྣཱ་ར་མྨ་ཎཱ་ཏི ཨ་ས་མྦྷི་ནྣ་སྨིཾ ཝ་ཏྠུ་སྨིཾ ཨ་ས་མྦྷི་ནྣེ ཨཱ་ར་མྨ་ཎེ ཨུ་པྤ་ཛྫ་ནྟི.
ནཱ་ནཱ་ཝ་ཏྠུ་ཀཱ, ནཱ་ནཱ་ར་མྨ་ཎཱ་ཏི ཨ་ཉྙཾ ཙ་ཀྑུ་ཝི་ཉྙཱ་ཎ་སྶ ཝ་ཏྠུ ཙ ཨཱ་ར་མྨ་ཎ་ཉྩ, ཨ་ཉྙཾ སོ་ཏ་ཝི་ཉྙཱ་ཎ་སྶ ཝ་ཏྠུ ཙ ཨཱ་ར་མྨ་ཎ་ཉྩ, ཨ་ཉྙཾ གྷཱ་ན་ཝི་ཉྙཱ་ཎ་སྶ ཝ་ཏྠུ ཙ ཨཱ་ར་མྨ་ཎ་ཉྩ, ཨ་ཉྙཾ ཛི་ཝ྄ཧཱ་ཝི་ཉྙཱ་ཎ་སྶ ཝ་ཏྠུ ཙ ཨཱ་ར་མྨ་ཎ་ཉྩ, ཨ་ཉྙཾ ཀཱ་ཡ་ཝི་ཉྙཱ་ཎ་སྶ ཝ་ཏྠུ ཙ ཨཱ་ར་མྨ་ཎ་ཉྩ.
༧༦༣. ན ཨ་ཉྙ་མ་ཉྙ་སྶ གོ་ཙ་ར་ཝི་ས་ཡཾ པ་ཙྩ་ནུ་བྷོ་ནྟཱི་ཏི ཙ་ཀྑུ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ སོ་ཏ་ཝི་ཉྙཱ་ཎཾ ན པ་ཙྩ་ནུ་བྷོ་ཏི, སོ་ཏ་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཙ་ཀྑུ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. ཙ་ཀྑུ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ གྷཱ་ན་ཝི་ཉྙཱ་ཎཾ ན པ་ཙྩ་ནུ་བྷོ་ཏི, གྷཱ་ན་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཙ་ཀྑུ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. ཙ་ཀྑུ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ ཛི་ཝ྄ཧཱ་ཝི་ཉྙཱ་ཎཾ ན པ་ཙྩ་ནུ་བྷོ་ཏི, ཛི་ཝ྄ཧཱ་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཙ་ཀྑུ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. ཙ་ཀྑུ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ ཀཱ་ཡ་ཝི་ཉྙཱ་ཎཾ ན པ་ཙྩ་ནུ་བྷོ་ཏི, ཀཱ་ཡ་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཙ་ཀྑུ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. སོ་ཏ་ཝི་ཉྙཱ་ཎ་སྶ…པེ… གྷཱ་ན་ཝི་ཉྙཱ་ཎ་སྶ…པེ… ཛི་ཝ྄ཧཱ་ཝི་ཉྙཱ་ཎ་སྶ…པེ… ཀཱ་ཡ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ ཙ་ཀྑུ་ཝི་ཉྙཱ་ཎཾ ན པ་ཙྩ་ནུ་བྷོ་ཏི, ཙ་ཀྑུ་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཀཱ་ཡ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. ཀཱ་ཡ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ སོ་ཏ་ཝི་ཉྙཱ་ཎཾ ན པ་ཙྩ་ནུ་བྷོ་ཏི, སོ་ཏ་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཀཱ་ཡ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. ཀཱ་ཡ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ གྷཱ་ན་ཝི་ཉྙཱ་ཎཾ ན པ་ཙྩ་ནུ་བྷོ་ཏི, གྷཱ་ན་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཀཱ་ཡ་ཝི་ཉྙཱ་ཎཾ ན པ་ཙྩ་ནུ་བྷོ་ཏི. ཀཱ་ཡ་ཝི་ཉྙཱ་ཎ་སྶ གོ་ཙ་ར་ཝི་ས་ཡཾ ཛི་ཝ྄ཧཱ་ཝི་ཉྙཱ་ཎཾ ན པ་ཙྩ་ནུ་བྷོ་ཏི, ཛི་ཝ྄ཧཱ་ཝི་ཉྙཱ་ཎ་སྶ གོ་ཙ་ར་ཝི་ས་ཡ་མྤི ཀཱ་ཡ་ཝི་ཉྙཱ་ཎཾ ན པ་ཙྩ་ནུ་བྷོ་ཏི.
༧༦༤. ན ཨ་ས་མ་ནྣཱ་ཧཱ་རཱ ཨུ་པྤ་ཛྫ་ནྟཱི་ཏི ས་མ་ནྣཱ་ཧ་ར་ནྟ་སྶ ཨུ་པྤ་ཛྫ་ནྟི.
ན ཨ་མ་ན་སི་ཀཱ་རཱ ཨུ་པྤ་ཛྫ་ནྟཱི་ཏི མ་ན་སི་ཀ་རོ་ནྟ་སྶ ཨུ་པྤ་ཛྫ་ནྟི.
ན ཨ་བྦོ་ཀི་ཎྞཱ ཨུ་པྤ་ཛྫ་ནྟཱི་ཏི ན པ་ཊི་པཱ་ཊི་ཡཱ ཨུ་པྤ་ཛྫ་ནྟི.
ན ཨ་པུ་བྦཾ ཨ་ཙ་རི་མཾ ཨུ་པྤ་ཛྫ་ནྟཱི་ཏི ན ཨེ་ཀ་ཀྑ་ཎེ ཨུ་པྤ་ཛྫ་ནྟི.
༧༦༥. ན ཨ་ཉྙ་མ་ཉྙ་སྶ ས་མ་ན་ནྟ་རཱ ཨུ་པྤ་ཛྫ་ནྟཱི་ཏི ཙ་ཀྑུ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ སོ་ཏ་ཝི་ཉྙཱ་ཎཾ ན ཨུ་པྤ་ཛྫ་ཏི, སོ་ཏ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཙ་ཀྑུ་ཝི་ཉྙཱ་ཎཾ ན ཨུ་པྤ་ཛྫ་ཏི. ཙ་ཀྑུ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ གྷཱ་ན་ཝི་ཉྙཱ་ཎཾ ན ཨུ་པྤ་ཛྫ་ཏི, གྷཱ་ན་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཙ་ཀྑུ་ཝི་ཉྙཱ་ཎཾ ན ཨུ་པྤ་ཛྫ་ཏི. ཙ་ཀྑུ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ ཛི་ཝ྄ཧཱ་ཝི་ཉྙཱ་ཎཾ ན ཨུ་པྤ་ཛྫ་ཏི, ཛི་ཝ྄ཧཱ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཙ་ཀྑུ་ཝི་ཉྙཱ་ཎཾ ན ཨུ་པྤ་ཛྫ་ཏི. ཙ་ཀྑུ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ ཀཱ་ཡ་ཝི་ཉྙཱ་ཎཾ ན ཨུ་པྤ་ཛྫ་ཏི, ཀཱ་ཡ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཙ་ཀྑུ་ཝི་ཉྙཱ་ཎཾ ན ཨུ་པྤ་ཛྫ་ཏི. སོ་ཏ་ཝི་ཉྙཱ་ཎ་སྶ…པེ… གྷཱ་ན་ཝི་ཉྙཱ་ཎ་སྶ…པེ… ཛི་ཝ྄ཧཱ་ཝི་ཉྙཱ་ཎ་སྶ…པེ… ཀཱ་ཡ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ ཙ་ཀྑུ་ཝི་ཉྙཱ་ཎཾ ན ཨུ་པྤ་ཛྫ་ཏི, ཙ་ཀྑུ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཀཱ་ཡ་ཝི་ཉྙཱ་ཎཾ ན ཨུ་པྤ་ཛྫ་ཏི. ཀཱ་ཡ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ སོ་ཏ་ཝི་ཉྙཱ་ཎཾ ན ཨུ་པྤ་ཛྫ་ཏི, སོ་ཏ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཀཱ་ཡ་ཝི་ཉྙཱ་ཎཾ ན ཨུ་པྤ་ཛྫ་ཏི. ཀཱ་ཡ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ གྷཱ་ན་ཝི་ཉྙཱ་ཎཾ ན ཨུ་པྤ་ཛྫ་ཏི, གྷཱ་ན་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཀཱ་ཡ་ཝི་ཉྙཱ་ཎཾ ན ཨུ་པྤ་ཛྫ་ཏི. ཀཱ་ཡ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ ཛི་ཝ྄ཧཱ་ཝི་ཉྙཱ་ཎཾ ན ཨུ་པྤ་ཛྫ་ཏི, ཛི་ཝ྄ཧཱ་ཝི་ཉྙཱ་ཎ་སྶ ཨུ་པྤ་ནྣ་ས་མ་ན་ནྟ་རཱ་པི ཀཱ་ཡ་ཝི་ཉྙཱ་ཎཾ ན ཨུ་པྤ་ཛྫ་ཏི.
༧༦༦. པ་ཉྩ ཝི་ཉྙཱ་ཎཱ ཨ་ནཱ་བྷོ་གཱ་ཏི པ་ཉྩ་ནྣཾ ཝི་ཉྙཱ་ཎཱ་ནཾ ན་ཏྠི ཨཱ་ཝ་ཊྚ་ནཱ ཝཱ ཨཱ་བྷོ་གོ ཝཱ ས་མ་ནྣཱ་ཧཱ་རོ ཝཱ མ་ན་སི་ཀཱ་རོ ཝཱ.
པ་ཉྩ་ཧི ཝི་ཉྙཱ་ཎེ་ཧི ན ཀ་ཉྩི དྷ་མྨཾ པ་ཊི་ཝི་ཛཱ་ནཱ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན ཀ་ཉྩི དྷ་མྨཾ པ་ཊི་ཝི་ཛཱ་ནཱ་ཏི.
ཨ་ཉྙ་ཏྲ ཨ་བྷི་ནི་པཱ་ཏ་མ་ཏྟཱ་ཏི ཨ་ཉྙ་ཏྲ ཨཱ་པཱ་ཏ་མ་ཏྟཱ.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན ཀ་ཉྩི དྷ་མྨཾ པ་ཊི་ཝི་ཛཱ་ནཱ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན ཀ་ཉྩི དྷ་མྨཾ པ་ཊི་ཝི་ཛཱ་ནཱ་ཏི.
པ་ཉྩ་ཧི ཝི་ཉྙཱ་ཎེ་ཧི ན ཀ་ཉྩི ཨི་རི་ཡཱ་པ་ཐཾ ཀ་པྤེ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན ཀ་ཉྩི ཨི་རི་ཡཱ་པ་ཐཾ ཀ་པྤེ་ཏི – ག་མ་ནཾ ཝཱ ཋཱ་ནཾ ཝཱ ནི་ས་ཛྫཾ ཝཱ སེ་ཡྻཾ ཝཱ.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན ཀ་ཉྩི ཨི་རི་ཡཱ་པ་ཐཾ ཀ་པྤེ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན ཀ་ཉྩི ཨི་རི་ཡཱ་པ་ཐཾ ཀ་པྤེ་ཏི – ག་མ་ནཾ ཝཱ ཋཱ་ནཾ ཝཱ ནི་ས་ཛྫཾ ཝཱ སེ་ཡྻཾ ཝཱ.
པ་ཉྩ་ཧི ཝི་ཉྙཱ་ཎེ་ཧི ན ཀཱ་ཡ་ཀ་མྨཾ ན ཝ་ཙཱི་ཀ་མྨཾ པ་ཊྛ་པེ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན ཀཱ་ཡ་ཀ་མྨཾ ན ཝ་ཙཱི་ཀ་མྨཾ པ་ཊྛ་པེ་ཏི.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན ཀཱ་ཡ་ཀ་མྨཾ ན ཝ་ཙཱི་ཀ་མྨཾ པ་ཊྛ་པེ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན ཀཱ་ཡ་ཀ་མྨཾ ན ཝ་ཙཱི་ཀ་མྨཾ པ་ཊྛ་པེ་ཏི.
པ་ཉྩ་ཧི ཝི་ཉྙཱ་ཎེ་ཧི ན ཀུ་ས་ལཱ་ཀུ་ས་ལཾ དྷ་མྨཾ ས་མཱ་དི་ཡ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན ཀུ་ས་ལཱ་ཀུ་ས་ལཾ དྷ་མྨཾ ས་མཱ་དི་ཡ་ཏི.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན ཀུ་ས་ལཱ་ཀུ་ས་ལཾ དྷ་མྨཾ ས་མཱ་དི་ཡ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན ཀུ་ས་ལཱ་ཀུ་ས་ལཾ དྷ་མྨཾ ས་མཱ་དི་ཡ་ཏི.
པ་ཉྩ་ཧི ཝི་ཉྙཱ་ཎེ་ཧི ན ས་མཱ་པ་ཛྫ་ཏི ན ཝུ་ཊྛཱ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན ས་མཱ་པ་ཛྫ་ཏི ན ཝུ་ཊྛཱ་ཏི.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན ས་མཱ་པ་ཛྫ་ཏི ན ཝུ་ཊྛཱ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན ས་མཱ་པ་ཛྫ་ཏི ན ཝུ་ཊྛཱ་ཏི.
པ་ཉྩ་ཧི ཝི་ཉྙཱ་ཎེ་ཧི ན ཙ་ཝ་ཏི ན ཨུ་པྤ་ཛྫ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན ཙ་ཝ་ཏི ན ཨུ་པྤ་ཛྫ་ཏི.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན ཙ་ཝ་ཏི ན ཨུ་པྤ་ཛྫ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན ཙ་ཝ་ཏི ན ཨུ་པྤ་ཛྫ་ཏི.
པ་ཉྩ་ཧི ཝི་ཉྙཱ་ཎེ་ཧི ན སུ་པ་ཏི ན པ་ཊི་བུ་ཛ྄ཛྷ་ཏི ན སུ་པི་ནཾ པ་སྶ་ཏཱི་ཏི པ་ཉྩ་ཧི ཝི་ཉྙཱ་ཎེ་ཧི ན སུ་པ་ཏི ན པ་ཊི་བུ་ཛ྄ཛྷ་ཏི ན སུ་པི་ནཾ པ་སྶ་ཏི.
པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ་པི ན སུ་པ་ཏི ན པ་ཊི་བུ་ཛ྄ཛྷ་ཏི ན སུ་པི་ནཾ པ་སྶ་ཏཱི་ཏི པ་ཉྩ་ནྣཾ ཝི་ཉྙཱ་ཎཱ་ནཾ ས་མ་ན་ནྟ་རཱ མ་ནོ་དྷཱ་ཏུ་ཡཱ་པི ན སུ་པ་ཏི ན པ་ཊི་བུ་ཛ྄ཛྷ་ཏི ན སུ་པི་ནཾ པ་སྶ་ཏི. ཨེ་ཝཾ ཡཱ་ཐཱ་ཝ་ཀ་ཝ་ཏྠུ་ཝི་བྷཱ་ཝ་ནཱ པ་ཉྙཱ.
ཨེ་ཝཾ ཨེ་ཀ་ཝི་དྷེ་ན ཉཱ་ཎ་ཝ་ཏྠུ.
ཨེ་ཀ་ཀཾ.
༢. དུ་ཀ་ནི་དྡེ་སོ
༧༦༧. (༡) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ལོ་ཀི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ལོ་ཀུ་ཏྟ་རཱ པ་ཉྙཱ.
(༢) ས་བྦཱ་ཝ པ་ཉྙཱ ཀེ་ན་ཙི ཝི་ཉྙེ་ཡྻཱ, ཀེ་ན་ཙི ན ཝི་ཉྙེ་ཡྻཱ.
(༣) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ སཱ་ས་ཝཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནཱ་ས་ཝཱ པ་ཉྙཱ.
(༤) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཨཱ་ས་ཝ་ཝི་པྤ་ཡུ་ཏྟཱ སཱ་ས་ཝཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨཱ་ས་ཝ་ཝི་པྤ་ཡུ་ཏྟཱ ཨ་ནཱ་ས་ཝཱ པ་ཉྙཱ.
(༥) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ སཾ་ཡོ་ཛ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་སཾ་ཡོ་ཛ་ནི་ཡཱ པ་ཉྙཱ.
(༦) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ སཾ་ཡོ་ཛ་ན་ཝི་པྤ་ཡུ་ཏྟཱ སཾ་ཡོ་ཛ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ སཾ་ཡོ་ཛ་ན་ཝི་པྤ་ཡུ་ཏྟཱ ཨ་སཾ་ཡོ་ཛ་ནི་ཡཱ པ་ཉྙཱ.
(༧) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ག་ནྠ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ག་ནྠ་ནི་ཡཱ པ་ཉྙཱ.
(༨) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ག་ནྠ་ཝི་པྤ་ཡུ་ཏྟཱ ག་ནྠ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ག་ནྠ་ཝི་པྤ་ཡུ་ཏྟཱ ཨ་ག་ནྠ་ནི་ཡཱ པ་ཉྙཱ.
(༩) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཨོ་གྷ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནོ་གྷ་ནི་ཡཱ པ་ཉྙཱ.
(༡༠) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཨོ་གྷ་ཝི་པྤ་ཡུ་ཏྟཱ ཨོ་གྷ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨོ་གྷ་ཝི་པྤ་ཡུ་ཏྟཱ ཨ་ནོ་གྷ་ནི་ཡཱ པ་ཉྙཱ.
(༡༡) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཡོ་ག་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ཡོ་ག་ནི་ཡཱ པ་ཉྙཱ.
(༡༢) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཡོ་ག་ཝི་པྤ་ཡུ་ཏྟཱ ཡོ་ག་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཡོ་ག་ཝི་པྤ་ཡུ་ཏྟཱ ཨ་ཡོ་ག་ནི་ཡཱ པ་ཉྙཱ.
(༡༣) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ནཱི་ཝ་ར་ཎི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནཱི་ཝ་ར་ཎི་ཡཱ པ་ཉྙཱ.
(༡༤) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ནཱི་ཝ་ར་ཎ་ཝི་པྤ་ཡུ་ཏྟཱ ནཱི་ཝ་ར་ཎི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ནཱི་ཝ་ར་ཎ་ཝི་པྤ་ཡུ་ཏྟཱ ཨ་ནཱི་ཝ་ར་ཎི་ཡཱ པ་ཉྙཱ.
(༡༥) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ པ་རཱ་མ་ཊྛཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་པ་རཱ་མ་ཊྛཱ པ་ཉྙཱ.
(༡༦) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ པ་རཱ་མཱ་ས་ཝི་པྤ་ཡུ་ཏྟཱ པ་རཱ་མ་ཊྛཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ པ་རཱ་མཱ་ས་ཝི་པྤ་ཡུ་ཏྟཱ ཨ་པ་རཱ་མ་ཊྛཱ པ་ཉྙཱ.
(༡༧) ཏཱི་སུ བྷཱུ་མཱི་སུ ཝི་པཱ་ཀེ པ་ཉྙཱ ཨུ་པཱ་དི་ནྣཱ པ་ཉྙཱ, ཏཱི་སུ བྷཱུ་མཱི་སུ ཀུ་ས་ལེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནུ་པཱ་དི་ནྣཱ པ་ཉྙཱ.
(༡༨) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཨུ་པཱ་དཱ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནུ་པཱ་དཱ་ནི་ཡཱ པ་ཉྙཱ.
(༡༩) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཨུ་པཱ་དཱ་ན་ཝི་པྤ་ཡུ་ཏྟཱ ཨུ་པཱ་དཱ་ནི་ཡཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨུ་པཱ་དཱ་ན་ཝི་པྤ་ཡུ་ཏྟཱ ཨ་ནུ་པཱ་དཱ་ནི་ཡཱ པ་ཉྙཱ.
(༢༠) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ སཾ་ཀི་ལེ་སི་ཀཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་སཾ་ཀི་ལེ་སི་ཀཱ པ་ཉྙཱ.
(༢༡) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ཀི་ལེ་ས་ཝི་པྤ་ཡུ་ཏྟཱ སཾ་ཀི་ལེ་སི་ཀཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཀི་ལེ་ས་ཝི་པྤ་ཡུ་ཏྟཱ ཨ་སཾ་ཀི་ལེ་སི་ཀཱ པ་ཉྙཱ.
(༢༢) ཝི་ཏ་ཀྐ་ས་མྤ་ཡུ་ཏྟཱ པ་ཉྙཱ ས་ཝི་ཏ་ཀྐཱ པ་ཉྙཱ, ཝི་ཏ་ཀྐ་ཝི་པྤ་ཡུ་ཏྟཱ པ་ཉྙཱ ཨ་ཝི་ཏ་ཀྐཱ པ་ཉྙཱ.
(༢༣) ཝི་ཙཱ་ར་ས་མྤ་ཡུ་ཏྟཱ པ་ཉྙཱ ས་ཝི་ཙཱ་རཱ པ་ཉྙཱ, ཝི་ཙཱ་ར་ཝི་པྤ་ཡུ་ཏྟཱ པ་ཉྙཱ ཨ་ཝི་ཙཱ་རཱ པ་ཉྙཱ.
(༢༤) པཱི་ཏི་ས་མྤ་ཡུ་ཏྟཱ པ་ཉྙཱ ས་པྤཱི་ཏི་ཀཱ པ་ཉྙཱ, པཱི་ཏི་ཝི་པྤ་ཡུ་ཏྟཱ པ་ཉྙཱ ཨ་པྤཱི་ཏི་ཀཱ པ་ཉྙཱ.
(༢༥) པཱི་ཏི་ས་མྤ་ཡུ་ཏྟཱ པ་ཉྙཱ པཱི་ཏི་ས་ཧ་ག་ཏཱ པ་ཉྙཱ, པཱི་ཏི་ཝི་པྤ་ཡུ་ཏྟཱ པ་ཉྙཱ ན པཱི་ཏི་ས་ཧ་ག་ཏཱ པ་ཉྙཱ.
(༢༦) སུ་ཁ་ས་མྤ་ཡུ་ཏྟཱ པ་ཉྙཱ སུ་ཁ་ས་ཧ་ག་ཏཱ པ་ཉྙཱ, སུ་ཁ་ཝི་པྤ་ཡུ་ཏྟཱ པ་ཉྙཱ ན སུ་ཁ་ས་ཧ་ག་ཏཱ པ་ཉྙཱ.
(༢༧) ཨུ་པེ་ཀྑཱ་ས་མྤ་ཡུ་ཏྟཱ པ་ཉྙཱ ཨུ་པེ་ཀྑཱ་ས་ཧ་ག་ཏཱ པ་ཉྙཱ, ཨུ་པེ་ཀྑཱ་ཝི་པྤ་ཡུ་ཏྟཱ པ་ཉྙཱ ན ཨུ་པེ་ཀྑཱ་ས་ཧ་ག་ཏཱ པ་ཉྙཱ.
(༢༨) ཀཱ་མཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ ཀཱ་མཱ་ཝ་ཙ་རཱ པ་ཉྙཱ, རཱུ་པཱ་ཝ་ཙ་རཱ པ་ཉྙཱ ཨ་རཱུ་པཱ་ཝ་ཙ་རཱ པ་ཉྙཱ, ཨ་པ་རི་ཡཱ་པ་ནྣཱ པ་ཉྙཱ ན ཀཱ་མཱ་ཝ་ཙ་རཱ པ་ཉྙཱ.
(༢༩) རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ རཱུ་པཱ་ཝ་ཙ་རཱ པ་ཉྙཱ, ཀཱ་མཱ་ཝ་ཙ་རཱ པ་ཉྙཱ ཨ་རཱུ་པཱ་ཝ་ཙ་རཱ པ་ཉྙཱ ཨ་པ་རི་ཡཱ་པ་ནྣཱ པ་ཉྙཱ ན རཱུ་པཱ་ཝ་ཙ་རཱ པ་ཉྙཱ.
(༣༠) ཨ་རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ ཨ་རཱུ་པཱ་ཝ་ཙ་རཱ པ་ཉྙཱ, ཀཱ་མཱ་ཝ་ཙ་རཱ པ་ཉྙཱ རཱུ་པཱ་ཝ་ཙ་རཱ པ་ཉྙཱ ཨ་པ་རི་ཡཱ་པ་ནྣཱ པ་ཉྙཱ ན ཨ་རཱུ་པཱ་ཝ་ཙ་རཱ པ་ཉྙཱ.
(༣༡) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ པ་རི་ཡཱ་པ་ནྣཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་པ་རི་ཡཱ་པ་ནྣཱ པ་ཉྙཱ.
(༣༢) ཙ་ཏཱུ་སུ མ་གྒེ་སུ པ་ཉྙཱ ནི་ཡྻཱ་ནི་ཀཱ པ་ཉྙཱ, ཏཱི་སུ བྷཱུ་མཱི་སུ ཀུ་ས་ལེ ཙ་ཏཱུ་སུ བྷཱུ་མཱི་སུ ཝི་པཱ་ཀེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ ཨ་ནི་ཡྻཱ་ནི་ཀཱ པ་ཉྙཱ.
(༣༣) ཙ་ཏཱུ་སུ མ་གྒེ་སུ པ་ཉྙཱ ནི་ཡ་ཏཱ པ་ཉྙཱ, ཏཱི་སུ བྷཱུ་མཱི་སུ ཀུ་ས་ལེ ཙ་ཏཱུ་སུ བྷཱུ་མཱི་སུ ཝི་པཱ་ཀེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ ཨ་ནི་ཡ་ཏཱ པ་ཉྙཱ.
(༣༤) ཏཱི་སུ བྷཱུ་མཱི་སུ ཀུ་ས་ལཱ་བྱཱ་ཀ་ཏེ པ་ཉྙཱ ས་ཨུ་ཏྟ་རཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནུ་ཏྟ་རཱ པ་ཉྙཱ.
(༣༥) ཏ་ཏྠ ཀ་ཏ་མཱ ཨ་ཏྠ་ཛཱ་པི་ཀཱ པ་ཉྙཱ?
ཙ་ཏཱུ་སུ བྷཱུ་མཱི་སུ ཀུ་ས་ལེ ཨ་ར་ཧ་ཏོ ཨ་བྷི་ཉྙཾ ཨུ་པྤཱ་དེ་ནྟ་སྶ ས་མཱ་པ་ཏྟིཾ ཨུ་པྤཱ་དེ་ནྟ་སྶ ཀི་རི་ཡཱ་བྱཱ་ཀ་ཏེ པ་ཉྙཱ ཨ་ཏྠ་ཛཱ་པི་ཀཱ པ་ཉྙཱ, ཙ་ཏཱུ་སུ བྷཱུ་མཱི་སུ ཝི་པཱ་ཀེ ཨ་ར་ཧ་ཏོ ཨུ་པྤ་ནྣཱ་ཡ ཨ་བྷི་ཉྙཱ་ཡ ཨུ་པྤ་ནྣཱ་ཡ ས་མཱ་པ་ཏྟི་ཡཱ ཀི་རི་ཡཱ་བྱཱ་ཀ་ཏེ པ་ཉྙཱ ཛཱ་པི་ཏ་ཏྠཱ པ་ཉྙཱ.
ཨེ་ཝཾ དུ་ཝི་དྷེ་ན ཉཱ་ཎ་ཝ་ཏྠུ.
དུ་ཀཾ.
༣. ཏི་ཀ་ནི་དྡེ་སོ
༧༦༨. (༡. ཀ) ཏ་ཏྠ ཀ་ཏ་མཱ ཙི་ནྟཱ་མ་ཡཱ པ་ཉྙཱ?
ཡོ་ག་ཝི་ཧི་ཏེ་སུ ཝཱ ཀ་མྨཱ་ཡ་ཏ་ནེ་སུ ཡོ་ག་ཝི་ཧི་ཏེ་སུ ཝཱ སི་པྤཱ་ཡ་ཏ་ནེ་སུ ཡོ་ག་ཝི་ཧི་ཏེ་སུ ཝཱ ཝི་ཛྫཱ་ཊྛཱ་ནེ་སུ ཀ་མྨ་སྶ་ཀ་ཏཾ ཝཱ ས་ཙྩཱ་ནུ་ལོ་མི་ཀཾ ཝཱ རཱུ་པཾ ཨ་ནི་ཙྩ་ནྟི ཝཱ ཝེ་ད་ནཱ…པེ… ས་ཉྙཱ… ས་ངྑཱ་རཱ… ཝི་ཉྙཱ་ཎཾ ཨ་ནི་ཙྩ་ནྟི ཝཱ, ཡཾ ཨེ་ཝ་རཱུ་པིཾ ཨ་ནུ་ལོ་མི་ཀཾ ཁ་ནྟིཾ དི་ཊྛིཾ རུ་ཙིཾ མུ་དིཾ པེ་ཀྑཾ དྷ་མྨ་ནི་ཛ྄ཛྷཱ་ན་ཀྑ་ནྟིཾ པ་ར་ཏོ ཨ་སྶུ་ཏྭཱ པ་ཊི་ལ་བྷ་ཏི – ཨ་ཡཾ ཝུ་ཙྩ་ཏི ‘‘ཙི་ནྟཱ་མ་ཡཱ པ་ཉྙཱ’’.
(ཁ) ཏ་ཏྠ ཀ་ཏ་མཱ སུ་ཏ་མ་ཡཱ པ་ཉྙཱ? ཡོ་ག་ཝི་ཧི་ཏེ་སུ ཝཱ ཀ་མྨཱ་ཡ་ཏ་ནེ་སུ ཡོ་ག་ཝི་ཧི་ཏེ་སུ ཝཱ སི་པྤཱ་ཡ་ཏ་ནེ་སུ ཡོ་ག་ཝི་ཧི་ཏེ་སུ ཝཱ ཝི་ཛྫཱ་ཊྛཱ་ནེ་སུ ཀ་མྨ་སྶ་ཀ་ཏཾ ཝཱ ས་ཙྩཱ་ནུ་ལོ་མི་ཀཾ ཝཱ རཱུ་པཾ ཨ་ནི་ཙྩ་ནྟི ཝཱ ཝེ་ད་ནཱ…པེ… ས་ཉྙཱ… ས་ངྑཱ་རཱ… ཝི་ཉྙཱ་ཎཾ ཨ་ནི་ཙྩ་ནྟི ཝཱ, ཡཾ ཨེ་ཝ་རཱུ་པིཾ ཨ་ནུ་ལོ་མི་ཀཾ ཁ་ནྟིཾ དི་ཊྛིཾ རུ་ཙིཾ མུ་དིཾ པེ་ཀྑཾ དྷ་མྨ་ནི་ཛ྄ཛྷཱ་ན་ཀྑ་ནྟིཾ པ་ར་ཏོ སུ་ཏྭཱ པ་ཊི་ལ་བྷ་ཏི – ཨ་ཡཾ ཝུ་ཙྩ་ཏི ‘‘སུ་ཏ་མ་ཡཱ པ་ཉྙཱ’’.
(ག) ས་བྦཱ་པི ས་མཱ་པ་ནྣ་སྶ པ་ཉྙཱ བྷཱ་ཝ་ནཱ་མ་ཡཱ པ་ཉྙཱ.
༧༦༩. (༢. ཀ) ཏ་ཏྠ ཀ་ཏ་མཱ དཱ་ན་མ་ཡཱ པ་ཉྙཱ? དཱ་ནཾ ཨཱ་ར་བྦྷ དཱ་ནཱ་དྷི་ག་ཙྪ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘དཱ་ན་མ་ཡཱ པ་ཉྙཱ’’.
(ཁ) ཏ་ཏྠ ཀ་ཏ་མཱ སཱི་ལ་མ་ཡཱ པ་ཉྙཱ? སཱི་ལཾ ཨཱ་ར་བྦྷ སཱི་ལཱ་དྷི་ག་ཙྪ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘སཱི་ལ་མ་ཡཱ པ་ཉྙཱ’’.
(ག) ས་བྦཱ་པི ས་མཱ་པ་ནྣ་སྶ པ་ཉྙཱ བྷཱ་ཝ་ནཱ་མ་ཡཱ པ་ཉྙཱ.
༧༧༠. (༣. ཀ) ཏ་ཏྠ ཀ་ཏ་མཱ ཨ་དྷི་སཱི་ལེ པ་ཉྙཱ? པཱ་ཏི་མོ་ཀྑ་སཾ་ཝ་རཾ སཾ་ཝ་ར་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་དྷི་སཱི་ལེ པ་ཉྙཱ’’.
(ཁ) ཏ་ཏྠ ཀ་ཏ་མཱ ཨ་དྷི་ཙི་ཏྟེ པ་ཉྙཱ? རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ས་མཱ་པ་ཏྟིཾ ས་མཱ་པ་ཛྫ་ནྟ་སྶ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་དྷི་ཙི་ཏྟེ པ་ཉྙཱ’’.
(ག) ཏ་ཏྠ ཀ་ཏ་མཱ ཨ་དྷི་པ་ཉྙཱ་ཡ པ་ཉྙཱ? ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ – ཨ་ཡཾ ཝུ་ཙྩ་ཏི ‘‘ཨ་དྷི་པ་ཉྙཱ་ཡ པ་ཉྙཱ’’.
༧༧༡. (༤. ཀ) ཏ་ཏྠ ཀ་ཏ་མཾ ཨཱ་ཡ་ཀོ་ས་ལླཾ? ‘‘ཨི་མེ དྷ་མྨེ མ་ན་སི་ཀ་རོ་ཏོ ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ན ཨུ་པྤ་ཛྫ་ནྟི, ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ པ་ཧཱི་ཡ་ནྟི. ཨི་མེ ཝཱ པ་ནི་མེ དྷ་མྨེ མ་ན་སི་ཀ་རོ་ཏོ ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ཨུ་པྤ་ཛྫ་ནྟི, ཨུ་པྤ་ནྣཱ ཙ ཀུ་ས་ལཱ དྷ་མྨཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ བྷཱ་ཝ་ནཱ་ཡ པཱ་རི་པཱུ་རི་ཡཱ སཾ་ཝ་ཏྟ་ནྟཱི’’ཏི – ཡཱ ཏ་ཏྠ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཨཱ་ཡ་ཀོ་ས་ལླཾ’’.
(ཁ) ཏ་ཏྠ ཀ་ཏ་མཾ ཨ་པཱ་ཡ་ཀོ་ས་ལླཾ? ‘‘ཨི་མེ དྷ་མྨེ མ་ན་སི་ཀ་རོ་ཏོ ཨ་ནུ་པྤ་ནྣཱ ཙེ་ཝ ཀུ་ས་ལཱ དྷ་མྨཱ ན ཨུ་པྤ་ཛྫ་ནྟི, ཨུ་པྤ་ནྣཱ ཙ ཀུ་ས་ལཱ དྷ་མྨཱ ནི་རུ་ཛ྄ཛྷ་ནྟི. ཨི་མེ ཝཱ པ་ནི་མེ དྷ་མྨེ མ་ན་སི་ཀ་རོ་ཏོ ཨ་ནུ་པྤ་ནྣཱ ཙེ་ཝ ཨ་ཀུ་ས་ལཱ དྷ་མྨཱ ཨུ་པྤ་ཛྫ་ནྟི, ཨུ་པྤ་ནྣཱ ཙ ཨ་ཀུ་ས་ལཱ དྷ་མྨཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ནྟཱི’’ཏི – ཡཱ ཏ་ཏྠ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཨ་པཱ་ཡ་ཀོ་ས་ལླཾ’’.
(ག) ས་བྦཱ་པི ཏ་ཏྲུ་པཱ་ཡཱ པ་ཉྙཱ ཨུ་པཱ་ཡ་ཀོ་ས་ལླཾ.
༧༧༢. (༥. ཀ) ཙ་ཏཱུ་སུ བྷཱུ་མཱི་སུ ཝི་པཱ་ཀེ པ་ཉྙཱ ཝི་པཱ་ཀཱ པ་ཉྙཱ.
(ཁ) ཙ་ཏཱུ་སུ བྷཱུ་མཱི་སུ ཀུ་ས་ལེ པ་ཉྙཱ ཝི་པཱ་ཀ་དྷ་མྨ་དྷ་མྨཱ པ་ཉྙཱ.
(ག) ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ ནེ་ཝ་ཝི་པཱ་ཀ་ན་ཝི་པཱ་ཀ་དྷ་མྨ་དྷ་མྨཱ པ་ཉྙཱ.
༧༧༣. (༦. ཀ) ཏཱི་སུ བྷཱུ་མཱི་སུ ཝི་པཱ་ཀེ པ་ཉྙཱ ཨུ་པཱ་དི་ནྣུ་པཱ་དཱ་ནི་ཡཱ པ་ཉྙཱ.
(ཁ) ཏཱི་སུ བྷཱུ་མཱི་སུ ཀུ་ས་ལེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ ཨ་ནུ་པཱ་དི་ནྣུ་པཱ་དཱ་ནི་ཡཱ པ་ཉྙཱ.
(ག) ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་ནུ་པཱ་དི་ནྣ་ཨ་ནུ་པཱ་དཱ་ནི་ཡཱ པ་ཉྙཱ.
༧༧༤. (༧. ཀ) ཝི་ཏ་ཀྐ་ཝི་ཙཱ་ར་ས་མྤ་ཡུ་ཏྟཱ པ་ཉྙཱ ས་ཝི་ཏ་ཀྐ་ས་ཝི་ཙཱ་རཱ པ་ཉྙཱ.
(ཁ) ཝི་ཏ་ཀྐ་ཝི་པྤ་ཡུ་ཏྟཱ ཝི་ཙཱ་ར་ས་མྤ་ཡུ་ཏྟཱ པ་ཉྙཱ ཨ་ཝི་ཏ་ཀྐ་ཝི་ཙཱ་ར་མ་ཏྟཱ པ་ཉྙཱ.
(ག) ཝི་ཏ་ཀྐ་ཝི་ཙཱ་ར་ཝི་པྤ་ཡུ་ཏྟཱ པ་ཉྙཱ ཨ་ཝི་ཏ་ཀྐ་ཨ་ཝི་ཙཱ་རཱ པ་ཉྙཱ.
༧༧༥. (༨. ཀ) པཱི་ཏི་ས་མྤ་ཡུ་ཏྟཱ པ་ཉྙཱ པཱི་ཏི་ས་ཧ་ག་ཏཱ པ་ཉྙཱ.
(ཁ) སུ་ཁ་ས་མྤ་ཡུ་ཏྟཱ པ་ཉྙཱ སུ་ཁ་ས་ཧ་ག་ཏཱ པ་ཉྙཱ.
(ག) ཨུ་པེ་ཀྑཱ་ས་མྤ་ཡུ་ཏྟཱ པ་ཉྙཱ ཨུ་པེ་ཀྑཱ་ས་ཧ་ག་ཏཱ པ་ཉྙཱ.
༧༧༦. (༩. ཀ) ཏཱི་སུ བྷཱུ་མཱི་སུ ཀུ་ས་ལེ པ་ཉྙཱ ཨཱ་ཙ་ཡ་གཱ་མི་ནཱི པ་ཉྙཱ.
(ཁ) ཙ་ཏཱུ་སུ མ་གྒེ་སུ པ་ཉྙཱ ཨ་པ་ཙ་ཡ་གཱ་མི་ནཱི པ་ཉྙཱ.
(ག) ཙ་ཏཱུ་སུ བྷཱུ་མཱི་སུ ཝི་པཱ་ཀེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ ནེ་ཝཱ་ཙ་ཡ་གཱ་མི་ནཱ་པ་ཙ་ཡ་གཱ་མི་ནཱི པ་ཉྙཱ.
༧༧༧. (༡༠. ཀ) ཙ་ཏཱུ་སུ མ་གྒེ་སུ ཏཱི་སུ ཕ་ལེ་སུ པ་ཉྙཱ སེ་ཀྑཱ པ་ཉྙཱ.
(ཁ) ཨུ་པ་རི་ཊྛི་མཱ [ཨུ་པ་རི་ཊྛི་མེ (སྱཱ.), ཨུ་པ་རི་ཊྛི་མཾ (ཀ.)] ཨ་ར་ཧ་ཏྟ་ཕ་ལེ པ་ཉྙཱ ཨ་སེ་ཀྑཱ པ་ཉྙཱ.
(ག) ཏཱི་སུ བྷཱུ་མཱི་སུ ཀུ་ས་ལེ ཏཱི་སུ བྷཱུ་མཱི་སུ ཝི་པཱ་ཀེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ ནེ་ཝ་སེ་ཀྑ་ནཱ་སེ་ཀྑཱ པ་ཉྙཱ.
༧༧༨. (༡༡. ཀ) ཀཱ་མཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ པ་རི་ཏྟཱ པ་ཉྙཱ.
(ཁ) རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ མ་ཧ་གྒ་ཏཱ པ་ཉྙཱ.
(ག) ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་པྤ་མཱ་ཎཱ པ་ཉྙཱ.
༧༧༩. (༡༢. ཀ) ཏ་ཏྠ ཀ་ཏ་མཱ པ་རི་ཏྟཱ་ར་མྨ་ཎཱ པ་ཉྙཱ? པ་རི་ཏྟེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘པ་རི་ཏྟཱ་ར་མྨ་ཎཱ པ་ཉྙཱ’’.
༧༨༠. (ཁ) ཏ་ཏྠ ཀ་ཏ་མཱ མ་ཧ་གྒ་ཏཱ་ར་མྨ་ཎཱ པ་ཉྙཱ? མ་ཧ་གྒ་ཏེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘མ་ཧ་གྒ་ཏཱ་ར་མྨ་ཎཱ པ་ཉྙཱ’’.
༧༨༡. (ག) ཏ་ཏྠ ཀ་ཏ་མཱ ཨ་པྤ་མཱ་ཎཱ་ར་མྨ་ཎཱ པ་ཉྙཱ? ཨ་པྤ་མཱ་ཎེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་པྤ་མཱ་ཎཱ་ར་མྨ་ཎཱ པ་ཉྙཱ’’.
༧༨༢. (༡༣. ཀ) ཏ་ཏྠ ཀ་ཏ་མཱ མ་གྒཱ་ར་མྨ་ཎཱ པ་ཉྙཱ? ཨ་རི་ཡ་མ་གྒཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘མ་གྒཱ་ར་མྨ་ཎཱ པ་ཉྙཱ’’.
(ཁ) ཙ་ཏཱུ་སུ མ་གྒེ་སུ པ་ཉྙཱ མ་གྒ་ཧེ་ཏུ་ཀཱ པ་ཉྙཱ.
༧༨༣. (ག) ཏ་ཏྠ ཀ་ཏ་མཱ མ་གྒཱ་དྷི་པ་ཏི་ནཱི པ་ཉྙཱ? ཨ་རི་ཡ་མ་གྒཾ ཨ་དྷི་པ་ཏིཾ ཀ་རི་ཏྭཱ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘མ་གྒཱ་དྷི་པ་ཏི་ནཱི པ་ཉྙཱ’’.
༧༨༤. (༡༤) ཙ་ཏཱུ་སུ བྷཱུ་མཱི་སུ ཝི་པཱ་ཀེ པ་ཉྙཱ སི་ཡཱ ཨུ་པྤ་ནྣཱ, སི་ཡཱ ཨུ་པྤཱ་དི་ནཱི, ན ཝ་ཏྟ་བྦཱ ཨ་ནུ་པྤ་ནྣཱ་ཏི. ཙ་ཏཱུ་སུ བྷཱུ་མཱི་སུ ཀུ་ས་ལེ ཏཱི་སུ བྷཱུ་མཱི་སུ ཀི་རི་ཡཱ་བྱཱ་ཀ་ཏེ པ་ཉྙཱ སི་ཡཱ ཨུ་པྤ་ནྣཱ, སི་ཡཱ ཨ་ནུ་པྤ་ནྣཱ, ན ཝ་ཏྟ་བྦཱ ཨུ་པྤཱ་དི་ནཱི་ཏི.
༧༨༥. (༡༥) ས་བྦཱ་ཝ པ་ཉྙཱ སི་ཡཱ ཨ་ཏཱི་ཏཱ, སི་ཡཱ ཨ་ནཱ་ག་ཏཱ, སི་ཡཱ པ་ཙྩུ་པྤ་ནྣཱ.
༧༨༦. (༡༦. ཀ) ཏ་ཏྠ ཀ་ཏ་མཱ ཨ་ཏཱི་ཏཱ་ར་མྨ་ཎཱ པ་ཉྙཱ? ཨ་ཏཱི་ཏེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་ཏཱི་ཏཱ་ར་མྨ་ཎཱ པ་ཉྙཱ’’.
༧༨༧. (ཁ) ཏ་ཏྠ ཀ་ཏ་མཱ ཨ་ནཱ་ག་ཏཱ་ར་མྨ་ཎཱ པ་ཉྙཱ? ཨ་ནཱ་ག་ཏེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་ནཱ་ག་ཏཱ་ར་མྨ་ཎཱ པ་ཉྙཱ’’.
༧༨༨. (ག) ཏ་ཏྠ ཀ་ཏ་མཱ པ་ཙྩུ་པྤ་ནྣཱ་ར་མྨ་ཎཱ པ་ཉྙཱ? པ་ཙྩུ་པྤ་ནྣེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ …པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘པ་ཙྩུ་པྤ་ནྣཱ་ར་མྨ་ཎཱ པ་ཉྙཱ’’.
༧༨༩. (༡༧) ས་བྦཱ་ཝ པ་ཉྙཱ སི་ཡཱ ཨ་ཛ྄ཛྷ་ཏྟཱ, སི་ཡཱ བ་ཧི་དྡྷཱ, སི་ཡཱ ཨ་ཛ྄ཛྷ་ཏྟ་བ་ཧི་དྡྷཱ.
༧༩༠. (༡༨. ཀ) ཏ་ཏྠ ཀ་ཏ་མཱ ཨ་ཛ྄ཛྷ་ཏྟཱ་ར་མྨ་ཎཱ པ་ཉྙཱ? ཨ་ཛ྄ཛྷ་ཏྟེ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་ཛ྄ཛྷ་ཏྟཱ་ར་མྨ་ཎཱ པ་ཉྙཱ’’.
༧༩༡. (ཁ) ཏ་ཏྠ ཀ་ཏ་མཱ བ་ཧི་དྡྷཱ་ར་མྨ་ཎཱ པ་ཉྙཱ? བ་ཧི་དྡྷཱ་དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘བ་ཧི་དྡྷཱ་ར་མྨ་ཎཱ པ་ཉྙཱ’’.
༧༩༢. (ག) ཏ་ཏྠ ཀ་ཏ་མཱ ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ པ་ཉྙཱ? ཨ་ཛ྄ཛྷ་ཏྟ་བ་ཧི་དྡྷཱ དྷ་མྨེ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨ་ཡཾ ཝུ་ཙྩ་ཏི ‘‘ཨ་ཛ྄ཛྷ་ཏྟ་བ་ཧི་དྡྷཱ་ར་མྨ་ཎཱ པ་ཉྙཱ’’.
ཨེ་ཝཾ ཏི་ཝི་དྷེ་ན ཉཱ་ཎ་ཝ་ཏྠུ.
ཏི་ཀཾ.
༤. ཙ་ཏུ་ཀྐ་ནི་དྡེ་སོ
༧༩༣. (༡. ཀ) ཏ་ཏྠ ཀ་ཏ་མཾ ཀ་མྨ་སྶ་ཀ་ཏ་ཉཱ་ཎཾ? ‘‘ཨ་ཏྠི དི་ནྣཾ, ཨ་ཏྠི ཡི་ཊྛཾ, ཨ་ཏྠི ཧུ་ཏཾ, ཨ་ཏྠི སུ་ཀ་ཏ་དུ་ཀྐ་ཊཱ་ནཾ ཀ་མྨཱ་ནཾ ཕ་ལཾ ཝི་པཱ་ཀོ, ཨ་ཏྠི ཨ་ཡཾ ལོ་ཀོ, ཨ་ཏྠི པ་རོ ལོ་ཀོ, ཨ་ཏྠི མཱ་ཏཱ, ཨ་ཏྠི པི་ཏཱ, ཨ་ཏྠི ས་ཏྟཱ ཨོ་པ་པཱ་ཏི་ཀཱ, ཨ་ཏྠི ལོ་ཀེ ས་མ་ཎ་བྲཱ་ཧྨ་ཎཱ ས་མྨ་གྒ་ཏཱ ས་མྨཱ་པ་ཊི་པ་ནྣཱ ཡེ ཨི་མ་ཉྩ ལོ་ཀཾ པ་ར་ཉྩ ལོ་ཀཾ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དེ་ནྟཱི’’ཏི – ཡཱ ཨེ་ཝ་རཱུ་པཱ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཀ་མྨ་སྶ་ཀ་ཏ་ཉཱ་ཎཾ’’. ཋ་པེ་ཏྭཱ ས་ཙྩཱ་ནུ་ལོ་མི་ཀཾ ཉཱ་ཎཾ, ས་བྦཱ་པི སཱ་ས་ཝཱ ཀུ་ས་ལཱ པ་ཉྙཱ ཀ་མྨ་སྶ་ཀ་ཏ་ཉཱ་ཎཾ.
(ཁ) ཏ་ཏྠ ཀ་ཏ་མཾ ས་ཙྩཱ་ནུ་ལོ་མི་ཀཾ ཉཱ་ཎཾ? ‘‘རཱུ་པཾ ཨ་ནི་ཙྩ’’ནྟི ཝཱ ཝེ་ད་ནཱ…པེ… ས་ཉྙཱ… ས་ངྑཱ་རཱ… ‘‘ཝི་ཉྙཱ་ཎཾ ཨ་ནི་ཙྩ’’ནྟི ཝཱ ཡཱ ཨེ་ཝ་རཱུ་པཱི ཨ་ནུ་ལོ་མི་ཀཱ ཁ་ནྟི དི་ཊྛི རུ་ཙི མུ་དི པེ་ཀྑཱ དྷ་མྨ་ནི་ཛ྄ཛྷཱ་ན་ཀྑ་ནྟི – ཨི་དཾ ཝུ་ཙྩ་ཏི ‘‘ས་ཙྩཱ་ནུ་ལོ་མི་ཀཾ ཉཱ་ཎཾ’’.
(ག) ཙ་ཏཱུ་སུ མ་གྒེ་སུ པ་ཉྙཱ མ་གྒ་ས་མ་ངྒི་སྶ ཉཱ་ཎཾ.
(གྷ) ཙ་ཏཱུ་སུ ཕ་ལེ་སུ པ་ཉྙཱ ཕ་ལ་ས་མ་ངྒི་སྶ ཉཱ་ཎཾ.
༧༩༤. (༢) མ་གྒ་ས་མ་ངྒི་སྶ ཉཱ་ཎཾ དུ་ཀྑེ་པེ་ཏཾ ཉཱ་ཎཾ, དུ་ཀྑ་ས་མུ་ད་ཡེ་པེ་ཏཾ ཉཱ་ཎཾ, དུ་ཀྑ་ནི་རོ་དྷེ་པེ་ཏཾ ཉཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ་པེ་ཏཾ ཉཱ་ཎཾ.
(ཀ) ཏ་ཏྠ ཀ་ཏ་མཾ དུ་ཀྑེ ཉཱ་ཎཾ? དུ་ཀྑཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘དུ་ཀྑེ ཉཱ་ཎཾ’’.
(ཁ-གྷ) དུ་ཀྑ་ས་མུ་ད་ཡཾ ཨཱ་ར་བྦྷ…པེ… དུ་ཀྑ་ནི་རོ་དྷཾ ཨཱ་ར་བྦྷ…པེ… དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨཱ་ར་བྦྷ ཡཱ ཨུ་པྤ་ཛྫ་ཏི པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཉཱ་ཎཾ’’.
༧༩༥. (༣) ཀཱ་མཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ ཀཱ་མཱ་ཝ་ཙ་རཱ པ་ཉྙཱ, རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ རཱུ་པཱ་ཝ་ཙ་རཱ པ་ཉྙཱ, ཨ་རཱུ་པཱ་ཝ་ཙ་ར་ཀུ་ས་ལཱ་བྱཱ་ཀ་ཏེ པ་ཉྙཱ ཨ་རཱུ་པཱ་ཝ་ཙ་རཱ པ་ཉྙཱ, ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ ཨ་པ་རི་ཡཱ་པ་ནྣཱ པ་ཉྙཱ.
༧༩༦. (༤. ཀ) ཏ་ཏྠ ཀ་ཏ་མཾ དྷ་མྨེ ཉཱ་ཎཾ? ཙ་ཏཱུ་སུ མ་གྒེ་སུ ཙ་ཏཱུ་སུ ཕ་ལེ་སུ པ་ཉྙཱ དྷ་མྨེ ཉཱ་ཎཾ.
(ཁ) སོ ཨི་མི་ནཱ དྷ་མྨེ་ན ཉཱ་ཏེ་ན དི་ཊྛེ་ན པ་ཏྟེ་ན ཝི་དི་ཏེ་ན པ་རི་ཡོ་གཱ་ལ༹ྷེ་ན ཨ་ཏཱི་ཏཱ་ནཱ་ག་ཏེ་ན ན་ཡཾ ནེ་ཏི. ‘‘ཡེ ཧི ཀེ་ཙི ཨ་ཏཱི་ཏ་མ་དྡྷཱ་ནཾ ས་མ་ཎཱ ཝཱ བྲཱ་ཧྨ་ཎཱ ཝཱ དུ་ཀྑཾ ཨ་བྦྷ་ཉྙཾ་སུ [ཨ་བྦྷ་ཉྙིཾ་སུ (སྱཱ.) ཨེ་ཝ་མུ་པ་རི་པི], དུ་ཀྑ་ས་མུ་ད་ཡཾ ཨ་བྦྷ་ཉྙཾ་སུ, དུ་ཀྑ་ནི་རོ་དྷཾ ཨ་བྦྷ་ཉྙཾ་སུ, དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑ་ས་མུ་ད་ཡཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑ་ནི་རོ་དྷཾ ཨ་བྦྷ་ཉྙཾ་སུ, ཨི་མ་ཉྙེ་ཝ ཏེ དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྦྷ་ཉྙཾ་སུ. ཡེ ཧི ཀེ་ཙི ཨ་ནཱ་ག་ཏ་མ་དྡྷཱ་ནཾ ས་མ་ཎཱ ཝཱ བྲཱ་ཧྨ་ཎཱ ཝཱ དུ་ཀྑཾ ཨ་བྷི་ཛཱ་ནི་སྶ་ནྟི, དུ་ཀྑ་ས་མུ་ད་ཡཾ ཨ་བྷི་ཛཱ་ནི་སྶ་ནྟི, དུ་ཀྑ་ནི་རོ་དྷཾ ཨ་བྷི་ཛཱ་ནི་སྶ་ནྟི, དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑ་ས་མུ་ད་ཡཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑ་ནི་རོ་དྷཾ ཨ་བྷི་ཛཱ་ནི་སྶ་ནྟི, ཨི་མ་ཉྙེ་ཝ ཏེ དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་བྷི་ཛཱ་ནི་སྶ་ནྟཱི’’ཏི – ཡཱ ཏ་ཏྠ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘ཨ་ནྭ་ཡེ ཉཱ་ཎཾ’’.
(ག) ཏ་ཏྠ ཀ་ཏ་མཾ པ་རི་ཡེ ཉཱ་ཎཾ? ཨི་དྷ བྷི་ཀྑུ པ་ར་ས་ཏྟཱ་ནཾ པ་ར་པུ་གྒ་ལཱ་ནཾ ཙེ་ཏ་སཱ ཙེ་ཏོ པ་རི་ཙྩ པ་ཛཱ་ནཱ་ཏི. ས་རཱ་གཾ ཝཱ ཙི་ཏྟཾ ‘‘ས་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་རཱ་གཾ ཝཱ ཙི་ཏྟཾ ‘‘ཝཱི་ཏ་རཱ་གཾ ཙི་ཏྟ’’ནྟི པ་ཛཱ་ནཱ་ཏི, ས་དོ་སཾ ཝཱ ཙི་ཏྟཾ ‘‘ས་དོ་སཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་དོ་སཾ ཝཱ ཙི་ཏྟཾ ‘‘ཝཱི་ཏ་དོ་སཾ ཙི་ཏྟ’’ནྟི པ་ཛཱ་ནཱ་ཏི, ས་མོ་ཧཾ ཝཱ ཙི་ཏྟཾ ‘‘ས་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, ཝཱི་ཏ་མོ་ཧཾ ཝཱ ཙི་ཏྟཾ ‘‘ཝཱི་ཏ་མོ་ཧཾ ཙི་ཏྟ’’ནྟི པ་ཛཱ་ནཱ་ཏི, སཾ་ཁི་ཏྟཾ ཝཱ ཙི་ཏྟཾ ‘‘སཾ་ཁི་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཝི་ཀྑི་ཏྟཾ ཝཱ ཙི་ཏྟཾ ‘‘ཝི་ཀྑི་ཏྟཾ ཙི་ཏྟ’’ནྟི པ་ཛཱ་ནཱ་ཏི, མ་ཧ་གྒ་ཏཾ ཝཱ ཙི་ཏྟཾ ‘‘མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་མ་ཧ་གྒ་ཏཾ ཝཱ ཙི་ཏྟཾ ‘‘ཨ་མ་ཧ་གྒ་ཏཾ ཙི་ཏྟ’’ནྟི པ་ཛཱ་ནཱ་ཏི, ས་ཨུ་ཏྟ་རཾ ཝཱ ཙི་ཏྟཾ ‘‘ས་ཨུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ཨ་ནུ་ཏྟ་རཾ ཝཱ ཙི་ཏྟཾ ‘‘ཨ་ནུ་ཏྟ་རཾ ཙི་ཏྟ’’ནྟི པ་ཛཱ་ནཱ་ཏི, ས་མཱ་ཧི་ཏཾ ཝཱ ཙི་ཏྟཾ ‘‘ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཨ་ས་མཱ་ཧི་ཏཾ ཝཱ ཙི་ཏྟཾ ‘‘ཨ་ས་མཱ་ཧི་ཏཾ ཙི་ཏྟ’’ནྟི པ་ཛཱ་ནཱ་ཏི, ཝི་མུ་ཏྟཾ ཝཱ ཙི་ཏྟཾ ‘‘ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏི, ཨ་ཝི་མུ་ཏྟཾ ཝཱ ཙི་ཏྟཾ ‘‘ཨ་ཝི་མུ་ཏྟཾ ཙི་ཏྟ’’ནྟི པ་ཛཱ་ནཱ་ཏཱི་ཏི – ཡཱ ཏ་ཏྠ པ་ཉྙཱ པ་ཛཱ་ན་ནཱ…པེ… ཨ་མོ་ཧོ དྷ་མྨ་ཝི་ཙ་ཡོ ས་མྨཱ་དི་ཊྛི – ཨི་དཾ ཝུ་ཙྩ་ཏི ‘‘པ་རི་ཡེ ཉཱ་ཎཾ’’.
(གྷ) ཋ་པེ་ཏྭཱ དྷ་མྨེ ཉཱ་ཎཾ ཨ་ནྭ་ཡེ ཉཱ་ཎཾ པ་རི་ཡེ ཉཱ་ཎཾ, ཨ་ཝ་སེ་སཱ པ་ཉྙཱ ས་མྨུ་ཏི་ཉཱ་ཎཾ.
༧༩༧. (༥. ཀ) ཏ་ཏྠ ཀ་ཏ་མཱ པ་ཉྙཱ ཨཱ་ཙ་ཡཱ་ཡ ནོ ཨ་པ་ཙ་ཡཱ་ཡ? ཀཱ་མཱ་ཝ་ཙ་ར་ཀུ་ས་ལེ པ་ཉྙཱ ཨཱ་ཙ་ཡཱ་ཡ ནོ ཨ་པ་ཙ་ཡཱ་ཡ.
(ཁ) ཙ་ཏཱུ་སུ མ་གྒེ་སུ པ་ཉྙཱ ཨ་པ་ཙ་ཡཱ་ཡ ནོ ཨཱ་ཙ་ཡཱ་ཡ.
(ག) རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཀུ་ས་ལེ པ་ཉྙཱ ཨཱ་ཙ་ཡཱ་ཡ ཙེ་ཝ ཨ་པ་ཙ་ཡཱ་ཡ ཙ.
(གྷ) ཨ་ཝ་སེ་སཱ པ་ཉྙཱ ནེ་ཝ ཨཱ་ཙ་ཡཱ་ཡ ནོ ཨ་པ་ཙ་ཡཱ་ཡ.
༧༩༨. (༦. ཀ) ཏ་ཏྠ ཀ་ཏ་མཱ པ་ཉྙཱ ནི་བྦི་དཱ་ཡ ནོ པ་ཊི་ཝེ་དྷཱ་ཡ? ཡཱ་ཡ པ་ཉྙཱ་ཡ ཀཱ་མེ་སུ ཝཱི་ཏ་རཱ་གོ ཧོ་ཏི, ན ཙ ཨ་བྷི་ཉྙཱ་ཡོ པ་ཊི་ཝི་ཛ྄ཛྷ་ཏི ན ཙ ས་ཙྩཱ་ནི – ཨ་ཡཾ ཝུ་ཙྩ་ཏི ‘‘པ་ཉྙཱ ནི་བྦི་དཱ་ཡ ནོ པ་ཊི་ཝེ་དྷཱ་ཡ’’.
(ཁ) སྭེ་ཝ པ་ཉྙཱ་ཡ ཀཱ་མེ་སུ ཝཱི་ཏ་རཱ་གོ ས་མཱ་ནོ ཨ་བྷི་ཉྙཱ་ཡོ པ་ཊི་ཝི་ཛ྄ཛྷ་ཏི ན ཙ ས་ཙྩཱ་ནི – ཨ་ཡཾ ཝུ་ཙྩ་ཏི ‘‘པ་ཉྙཱ པ་ཊི་ཝེ་དྷཱ་ཡ ནོ ནི་བྦི་དཱ་ཡ’’.
(ག) ཙ་ཏཱུ་སུ མ་གྒེ་སུ པ་ཉྙཱ ནི་བྦི་དཱ་ཡ ཙེ་ཝ པ་ཊི་ཝེ་དྷཱ་ཡ ཙ.
(གྷ) ཨ་ཝ་སེ་སཱ པ་ཉྙཱ ནེ་ཝ ནི་བྦི་དཱ་ཡ ནོ པ་ཊི་ཝེ་དྷཱ་ཡ.
༧༩༩. (༧. ཀ) ཏ་ཏྠ ཀ་ཏ་མཱ ཧཱ་ན་བྷཱ་གི་ནཱི པ་ཉྙཱ? པ་ཋ་མ་སྶ ཛྷཱ་ན་སྶ ལཱ་བྷིཾ ཀཱ་མ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ.
(ཁ) ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ.
(ག) ཨ་ཝི་ཏ་ཀྐ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ.
(གྷ) ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. དུ་ཏི་ཡ་སྶ ཛྷཱ་ན་སྶ ལཱ་བྷིཾ ཝི་ཏ་ཀྐ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨུ་པེ་ཀྑཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཏ་ཏི་ཡ་སྶ ཛྷཱ་ན་སྶ ལཱ་བྷིཾ པཱི་ཏི་སུ་ཁ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨ་དུ་ཀྑ་མ་སུ་ཁ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཙ་ཏུ་ཏྠ་སྶ ཛྷཱ་ན་སྶ ལཱ་བྷིཾ ཨུ་པེ་ཀྑཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨཱ་ཀཱ་སཱ་ན་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཨཱ་ཀཱ་སཱ་ན་ཉྩཱ་ཡ་ཏ་ན་སྶ ལཱ་བྷིཾ རཱུ་པ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཝི་ཉྙཱ་ཎ་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཝི་ཉྙཱ་ཎ་ཉྩཱ་ཡ་ཏ་ན་སྶ ལཱ་བྷིཾ ཨཱ་ཀཱ་སཱ་ན་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ཨཱ་ཀི་ཉྩ་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ. ཨཱ་ཀི་ཉྩ་ཉྙཱ་ཡ་ཏ་ན་སྶ ལཱ་བྷིཾ ཝི་ཉྙཱ་ཎ་ཉྩཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཧཱ་ན་བྷཱ་གི་ནཱི པ་ཉྙཱ. ཏ་ད་ནུ་དྷ་མྨ་ཏཱ ས་ཏི ས་ནྟི་ཊྛ་ཏི ཋི་ཏི་བྷཱ་གི་ནཱི པ་ཉྙཱ. ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་སེ་ས་བྷཱ་གི་ནཱི པ་ཉྙཱ. ནི་བྦི་དཱ་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི ཝི་རཱ་གཱུ་པ་ས་ཉྷི་ཏཱ ནི་བྦེ་དྷ་བྷཱ་གི་ནཱི པ་ཉྙཱ.
༨༠༠. (༨) ཏ་ཏྠ ཀ་ཏ་མཱ ཙ་ཏ་སྶོ པ་ཊི་ས་མྦྷི་དཱ? ཨ་ཏྠ་པ་ཊི་ས་མྦྷི་དཱ, དྷ་མྨ་པ་ཊི་ས་མྦྷི་དཱ, ནི་རུ་ཏྟི་པ་ཊི་ས་མྦྷི་དཱ, པ་ཊི་བྷཱ་ན་པ་ཊི་ས་མྦྷི་དཱ. ཨ་ཏྠེ ཉཱ་ཎཾ ཨ་ཏྠ་པ་ཊི་ས་མྦྷི་དཱ, དྷ་མྨེ ཉཱ་ཎཾ དྷ་མྨ་པ་ཊི་ས་མྦྷི་དཱ, ཏ་ཏྲ དྷ་མྨ་ནི་རུ་ཏྟཱ་བྷི་ལཱ་པེ ཉཱ་ཎཾ ནི་རུ་ཏྟི་པ་ཊི་ས་མྦྷི་དཱ, ཉཱ་ཎེ་སུ ཉཱ་ཎཾ པ་ཊི་བྷཱ་ན་པ་ཊི་ས་མྦྷི་དཱ. ཨི་མཱ ཙ་ཏ་སྶོ པ་ཊི་ས་མྦྷི་དཱ.
༨༠༡. (༩) ཏ་ཏྠ ཀ་ཏ་མཱ ཙ་ཏ་སྶོ པ་ཊི་པ་དཱ? དུ་ཀྑ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ, དུ་ཀྑ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ, སུ་ཁ་པ་ཊི་པ་དཱ ད་ནྡྷཱ་བྷི་ཉྙཱ པ་ཉྙཱ, སུ་ཁ་པ་ཊི་པ་དཱ ཁི་པྤཱ་བྷི་ཉྙཱ པ་ཉྙཱ.