༧. རཱུ་པཱ་རཱུ་པཱ་ཝ་ཙ་ར་ཀི་རི་ཡཱ

༦༣༥. ཙ་ཏྟཱ་རི ཛྷཱ་ནཱ་ནི – པ་ཋ་མཾ ཛྷཱ་ནཾ, དུ་ཏི་ཡཾ ཛྷཱ་ནཾ, ཏ་ཏི་ཡཾ ཛྷཱ་ནཾ, ཙ་ཏུ་ཏྠཾ ཛྷཱ་ནཾ.

༦༣༦. ཏ་ཏྠ ཀ་ཏ་མཾ པ་ཋ་མཾ ཛྷཱ་ནཾ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ ཝི་ཝི་ཙྩེ་ཝ ཀཱ་མེ་ཧི…པེ… པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ པ་ཉྩ་ངྒི་ཀཾ ཛྷཱ་ནཾ ཧོ་ཏི – ཝི་ཏ་ཀྐོ, ཝི་ཙཱ་རོ, པཱི་ཏི, སུ་ཁཾ, ཙི་ཏྟ་སྶེ་ཀ་གྒ་ཏཱ. ཨི་དཾ ཝུ་ཙྩ་ཏི ‘‘པ་ཋ་མཾ ཛྷཱ་ནཾ’’. ཨ་ཝ་སེ་སཱ དྷ་མྨཱ ཛྷཱ་ན་ས་མྤ་ཡུ་ཏྟཱ.

ཏ་ཏྠ ཀ་ཏ་མཾ དུ་ཏི་ཡཾ ཛྷཱ་ནཾ? ཨི་དྷ བྷི་ཀྑུ ཡ་སྨིཾ ས་མ་ཡེ རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ…པེ… ཏ་ཏི་ཡཾ ཛྷཱ་ནཾ…པེ… ཙ་ཏུ་ཏྠཾ ཛྷཱ་ནཾ…པེ… པ་ཋ་མཾ ཛྷཱ་ནཾ…པེ… པ་ཉྩ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི པ་ཐ་ཝཱི་ཀ་སི་ཎཾ, ཏ་སྨིཾ ས་མ་ཡེ དུ་ཝ་ངྒི་ཀཾ ཛྷཱ་ནཾ ཧོ་ཏི – ཨུ་པེ་ཀྑཱ, ཙི་ཏྟ་སྶེ་ཀ་གྒ་ཏཱ. ཨི་དཾ ཝུ་ཙྩ་ཏི ‘‘པ་ཉྩ་མཾ ཛྷཱ་ནཾ’’. ཨ་ཝ་སེ་སཱ དྷ་མྨཱ ཛྷཱ་ན་ས་མྤ་ཡུ་ཏྟཱ.

༦༣༧. ཨི་དྷ བྷི་ཀྑུ ཡ་སྨིཾ ས་མ་ཡེ ཨ་རཱུ་པཱ་ཝ་ཙ་རཾ ཛྷཱ་ནཾ བྷཱ་ཝེ་ཏི ཀི་རི་ཡཾ ནེ་ཝ ཀུ་ས་ལཾ ནཱ་ཀུ་ས་ལཾ ན ཙ ཀ་མྨ་ཝི་པཱ་ཀཾ དི་ཊྛ་དྷ་མྨ་སུ་ཁ་ཝི་ཧཱ་རཾ ས་བྦ་སོ ཨཱ་ཀི་ཉྩ་ཉྙཱ་ཡ་ཏ་ནཾ ས་མ་ཏི་ཀྐ་མྨ ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ས་ཉྙཱ་ས་ཧ་ག་ཏཾ སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི, ཏ་སྨིཾ ས་མ་ཡེ དུ་ཝ་ངྒི་ཀཾ ཛྷཱ་ནཾ ཧོ་ཏི – ཨུ་པེ་ཀྑཱ, ཙི་ཏྟ་སྶེ་ཀ་གྒ་ཏཱ. ཨི་དཾ ཝུ་ཙྩ་ཏི ‘‘ཙ་ཏུ་ཏྠཾ ཛྷཱ་ནཾ’’. ཨ་ཝ་སེ་སཱ དྷ་མྨཱ ཛྷཱ་ན་ས་མྤ་ཡུ་ཏྟཱ་ཏི.

ཨ་བྷི་དྷ་མྨ་བྷཱ་ཛ་ནཱི་ཡཾ.