ཏ་ཏི་ཡ་མ་གྒ་ཉཱ་ཎ་ཀ་ཐཱ་ཝ་ཎྞ་ནཱ

༨༡༤. ས་ཀི་དེ་ཝཱཏི ཨེ་ཀ་ཝཱ་རཾ་ཡེ་ཝ. ‘‘ཨི་མཾ ལོ་ཀཾ ཨཱ་ག་ནྟྭཱ’’ཏི ཨི་མི་ནཱ པ་ཉྩ་སུ ས་ཀ་དཱ་གཱ་མཱི་སུ ཙ་ཏྟཱ་རོ ཝ་ཛྫེ་ཏྭཱ ཨེ་ཀོ་ཝ ག་ཧི་ཏོ. ཨེ་ཀ་ཙྩོ ཨི་དྷ ས་ཀ་དཱ་གཱ་མི་ཕ་ལཾ པ་ཏྭཱ ཨི་དྷེ་ཝ ལོ་ཀེ པ་རི་ནི་བྦཱ་ཏི, ཨེ་ཀ་ཙྩོ ཨི་དྷ པ་ཏྭཱ དེ་ཝ་ལོ་ཀེ པ་རི་ནི་བྦཱ་ཏི, ཨེ་ཀ་ཙྩོ དེ་ཝ་ལོ་ཀེ པ་ཏྭཱ ཏ་ཏྠེ་ཝ པ་རི་ནི་བྦཱ་ཏི, ཨེ་ཀ་ཙྩོ དེ་ཝ་ལོ་ཀེ པ་ཏྭཱ ཨི་དྷཱུ་པ་པ་ཛྫི་ཏྭཱ པ་རི་ནི་བྦཱ་ཏི. ཨི་མེ ཙ་ཏྟཱ་རོ་པི ཨི་དྷ ན ག་ཧི་ཏཱ. ཡོ པ་ན ཨི་དྷ པ་ཏྭཱ དེ་ཝ་ལོ་ཀེ ཡཱ་ཝ་ཏཱ་ཡུ་ཀཾ ཝ་སི་ཏྭཱ པུ་ན ཨི་དྷཱུ་པ་པ་ཛྫི་ཏྭཱ པ་རི་ནི་བྦཱ་ཏི, ཨ་ཡཾ ཨེ་ཀོ་ཝ ཨི་དྷ ག་ཧི་ཏོ་ཏི ཝེ་དི་ཏ་བྦོ.

ཀཱ་མ་རཱ་ག་བྱཱ་པཱ་དཱ་ནཾ ཨ་ན་ཝ་སེ་ས་པྤ་ཧཱ་ནཱ་ཡཱཏི ཏེ་སཾ་ཡེ་ཝ ས་ཀ་དཱ་གཱ་མི་མ་གྒེ་ན ཏ་ནུ་ཀ་ཏཱ་ནཾ སཾ་ཡོ་ཛ་ནཱ་ནཾ ནི་ར་ཝ་སེ་ས་པྤ་ཧཱ་ནཱ་ཡ. པ་ཊི་ས་ནྡྷི་ཝ་སེ་ན ཀཱ་མ་བྷ་ཝ་སྶ ཨ་ནཱ་ག་མ་ན་ཏོ ཨ་ནཱ་གཱ་མཱི.

ཏ་ཏི་ཡ་ཉཱ་ཎཾ ནི་ཊྛི་ཏཾ.