༤. ས་པ་དཱ་ན་ཙཱ་རི་ཀ་ངྒ་ཀ་ཐཱ་ཝ་ཎྞ་ནཱ

༢༧. ཨི་མི་ནཱཏི ས་པ་དཱ་ན་ཙཱ་རི་ཀེ་ན. ཀཱ་ལ་ཏ་རནྟི ཀཱ་ལ་སྶེ་ཝ. ཨ་ཕཱ་སུ་ཀ་ཊྛཱ་ནནྟི ས་པ་རི་སྶ་ཡཱ་དི་ཝ་སེ་ན དུ་པྤ་ཝེ་ས་ན་ཊྛཱ་ནཾ. པུ་ར་ཏོཏི ཝཱི་ཐི་ཡཾ ག་ཙྪ་ནྟ་སྶ པུ་ར་ཏོ གྷ་རཾ ཨ་པ་ཝི་ཊྛ་སྶེ་ཝ. པ་ཏྟ་ཝི་སྶ་ཊྛ་ཊྛཱ་ནནྟི པེ་ས་ཀཱ་ར་ཝཱི་ཐི་ཡཾ པེ་ས་ཀཱ་ར་བྷཱ་ཝཾ ནི་མྨི་ནི་ཏྭཱ ཋི་ཏ་སྶ ས་ཀྐ་སྶ གྷ་ར་དྭཱ་རེ པ་ཏྟ་ཝི་སྶ་ཊྛ་ཊྛཱ་ནཾ. ཨུ་ཀྐ་ཊྛ་པི་ཎྜ་པཱ་ཏི་ཀོ ཏཾ དི་ཝ་སཾ ན བྷི་ཀྑཾ ཨཱ་ག་མ་ཡ་མཱ་ནོ ནི་སཱི་ད་ཏི, ཏ་སྨཱ ཏཾ ཨ་ནུ་ལོ་མེ་ཏི. ཀ་ཏྠ་ཙི་པི ཀུ་ལེ ནི་བ་དྡྷཾ ཨུ་པ་ས་ངྐ་མ་ནཱ་བྷཱ་ཝ་ཏོ པ་རི་ཙ་ཡཱ་བྷཱ་ཝེ་ན ཀུ་ལེ་སུ ནི་ཙྩ་ན་ཝ་ཀ་ཏཱ. ས་བྦ་ཏྠ ཨ་ལ་གྒ་མཱ་ན་ས་ཏཱ་ཡ ཙ སོ་མྨ་བྷཱ་ཝེ་ན ཙ ཙ་ནྡཱུ་པ་མ་ཏཱ. ཀུ་ལེ་སུ པ་རི་གྒ་ཧ་ཙི་ཏྟཱ་བྷཱ་ཝེ་ན ཏ་ཏྠ མ་ཙྪེ་ར་པྤ་ཧཱ་ནཾ. ཧི་ཏེ་སི་ཏཱ་ཡ ཝི་བྷཱ་གཱ་བྷཱ་ཝ་ཏོ ས་མཱ་ནུ་ཀ་མྤི་ཏཱ. ཀུ་ལཱ་ནཾ ས་ངྒ་ཎྷ་ན་སཾ་ས་ཊྛ་ཏཱ་ད་ཡོ ཀུ་ལཱུ་པ་ཀཱ་དཱི་ན་ཝཱ. ཨ་ཝ྄ཧཱ་ནཱ་ན་བྷི་ན་ནྡ་ནཱཏི ནི་མ་ནྟ་ན་ཝ་སེ་ན ཨ་ཝ྄ཧཱ་ན་སྶ ཨ་ས་མྤ་ཊི་ཙྪ་ནཱ. ཨ་བྷི་ཧཱ་རེ་ནཱཏི བྷི་ཀྑཱ་བྷི་ཧཱ་རེ་ན. སེ་རི་ཙཱ་རནྟི ཡ་ཐཱ་རུ་ཙི ཝི་ཙ་ར་ཎཾ.

ཨི་ཏི ས་པ་དཱ་ན་ཙཱ་རི་ཀ་ངྒ་ཀ་ཐཱ་ཝ་ཎྞ་ནཱ.