ཛཱ་ཏ་ཀ་ཊྛ་ཀ་ཐཱ་ཀ་ར་ཎཾ

ཛཱ་ཏ་ཀ་ཊྛ་ཀ་ཐཱ་པི ཙ ཨཱ་ཙ་རི་ཡ་བུ་དྡྷ་གྷོ་ས་ཏྠེ་རེ་ནེ་ཝ ཀ་ཏཱ་ཏི ཝ་ད་ནྟི, ཀཱ་ར་ཎཾ པ་ནེ་ཏྠ ན དི་སྶ་ཏི. སཱ པ་ན ཨ་ཏྠ་ད་སྶི་ཏྠེ་རེ་ན ཙ བུ་དྡྷ་མི་ཏྟ་ཏྠེ་རེ་ན ཙ མ་ཧི་སཱ་ས་ཀ་ནི་ཀཱ་ཡི་ཀེ་ན ཙ བུ་དྡྷ་དེ་ཝ་ཏྠེ་རེ་ནཱཏི ཏཱི་ཧི ཐེ་རེ་ཧི ཨ་བྷི་ཡཱ་ཙི་ཏོ མ་ཧཱ་ཝི་ཧཱ་ར་ཝཱ་སཱི་ནཾ ཝཱ་ཙ་ནཱ་མ་གྒཾ ནི་སྶཱ་ཡ ཀ་ཏཱ. ཨི་མི་སྶཱ་པི ནཱ་མ་ཝི་སེ་སོ ན་ཏྠི. ཝུ་ཏྟཾ ཧི་མི་སྶཱ ཨཱ་ར་མྦྷེ –

‘‘བུ་དྡྷ་ཝཾ་ས་སྶ ཨེ་ཏ་སྶ, ཨི་ཙྪ་ནྟེ་ན ཙི་ར་ཊྛི་ཏིཾ;

ཡཱ་ཙི་ཏོ ཨ་བྷི་ག་ནྟྭཱ་ན, ཐེ་རེ་ན ཨ་ཏྠ་ད་སྶི་ནཱ.

ཨ་སཾ་ས་ཊྛ་ཝི་ཧཱ་རེ་ན, ས་དཱ སུ་དྡྷ་ཝི་ཧཱ་རི་ནཱ;

ཏ་ཐེ་ཝ བུ་དྡྷ་མི་ཏྟེ་ན, ས་ནྟ་ཙི་ཏྟེ་ན ཝི་ཉྙུ་ནཱ.

མ་ཧི་སཱ་ས་ཀ་ཝཾ་ས་མྷི, ས་མྦྷཱུ་ཏེ་ན ན་ཡ་ཉྙུ་ནཱ;

བུ་དྡྷ་དེ་ཝེ་ན ཙ ཏ་ཐཱ, བྷི་ཀྑུ་ནཱ སུ་དྡྷ་བུ་དྡྷི་ནཱ.

མ་ཧཱ་པུ་རི་ས་ཙ་རི་ཡཱ་ནཾ, ཨཱ་ནུ་བྷཱ་ཝཾ ཨ་ཙི་ནྟི་ཡཾ;

ཏ་སྶ ཝི་ཛྫོ་ཏ་ཡ་ནྟ་སྶ, ཛཱ་ཏ་ཀ་སྶ་ཏྠ་ཝ་ཎྞ་ནཾ.

མ་ཧཱ་ཝི་ཧཱ་ར་ཝཱ་སཱི་ནཾ, ཝཱ་ཙ་ནཱ་མ་གྒ་ནི་སྶི་ཏཾ;

བྷཱ་སི་སྶཾ བྷཱ་ས་ཏོ ཏཾ མེ, སཱ་དྷུ ག་ཎྷ་ནྟུ སཱ་དྷ་ཝོ’’ཏི.

ཨེ་ཏྟཱ་ཝ་ཏཱ ཙ ཨཱ་ཙ་རི་ཡ་བུ་དྡྷ་གྷོ་ས་ཏྠེ་ར་སྶ ག་ནྠ་བྷཱ་ཝེ་ན པཱ་ཀ་ཊཱ་ཧི ས་བྦ་ཊྛ་ཀ་ཐཱ་ཧི ས་ཧ ཝི་སུ་དྡྷི་མ་གྒ་སྶ ཀ་ར་ཎ་པྤ་ཀཱ་རོ ཝི་ཏྠཱ་རེ་ན ཝི་བྷཱ་ཝི་ཏོ ཧོ་ཏི.