པ་ར་མ་ཏྠ་ཛོ་ཏི་ཀཱ་ཊྛ་ཀ་ཐཱ་ཀ་ར་ཎཾ

པ་ར་མ་ཏྠ་ཛོ་ཏི་ཀཾ ནཱ་མ ཁུ་དྡ་ཀ་པཱ་ཋ་སྶ ཙེ་ཝ སུ་ཏྟ་ནི་པཱ་ཏ་སྶ ཙ ཨ་ཊྛ་ཀ་ཐཾ ཀེ་ན་ཙི་པི ཨ་ནཱ་ཡཱ་ཙི་ཏོ ཨ་ཏྟ་ནོ ཨི་ཙྪཱ་ཝ་སེ་ནེ་ཝ ཨ་ཀཱ་སི. ཝུ་ཏྟ་ཉྷེ་ཏཾ ཁུ་དྡ་ཀ་པཱ་ཋ་ཊྛ་ཀ་ཐཱ་ཡ ག་ནྠཱ་ར་མྦྷེ –

‘‘ཨུ་ཏྟ་མཾ ཝ་ནྡ་ནེ་ཡྻཱ་ནཾ, ཝ་ནྡི་ཏྭཱ ར་ཏ་ན་ཏྟ་ཡཾ;

ཁུ་དྡ་ཀཱ་ནཾ ཀ་རི་སྶཱ་མི, ཀེ་ས་ཉྩི ཨ་ཏྠ་ཝ་ཎྞ་ནཾ.

ཁུ་དྡ་ཀཱ་ནཾ ག་མྦྷཱི་ར་ཏྟཱ, ཀི་ཉྩཱ་པི ཨ་ཏི་དུ་ཀྐ་རཱ;

ཝ་ཎྞ་ནཱ མཱ་དི་སེ་ནེ་སཱ, ཨ་བོ་དྷ་ནྟེ་ན སཱ་ས་ནཾ.

ཨ་ཛྫཱ་པི ཏུ ཨ་བྦྷོ་ཙྪི་ནྣོ, པུ་བྦཱ་ཙ་རི་ཡ་ནི་ཙྪ་ཡོ;

ཏ་ཐེ་ཝ ཙ ཋི་ཏཾ ཡ་སྨཱ, ན་ཝ་ངྒཾ ས་ཏྠུ་སཱ་ས་ནཾ.

ཏ་སྨཱ་ཧཾ ཀཱ་ཏུ་མི་ཙྪཱ་མི, ཨ་ཏྠ་སཾ་ཝ་ཎྞ་ནཾ ཨི་མཾ;

སཱ་ས་ན་ཉྩེ་ཝ ནི་སྶཱ་ཡ, པོ་རཱ་ཎ་ཉྩ ཝི་ནི་ཙྪ་ཡཾ.

ས་དྡྷ་མྨ་བ་ཧུ་མཱ་ནེ་ན, ནཱ་ཏྟུ་ཀྐཾ་ས་ན་ཀ་མྱ་ཏཱ;

ནཱ་ཉྙེ་སཾ ཝ་མྦྷ་ན་ཏྠཱ་ཡ, ཏཾ སུ་ཎཱ་ཐ ས་མཱ་ཧི་ཏཱ’’ཏི.

བ་ཧཱུ པ་ན ཝི་ཙ་ཀྑ་ཎཱ ཨི་མཱ ཨཱ་ར་མྦྷ་གཱ་ཐཱ་ཡོ ཝི་ཙི་ནི་ཏྭཱ ‘‘ནེ་ཏཾ ཨཱ་ཙ་རི་ཡ་བུ་དྡྷ་གྷོ་ས་ཏྠེ་ར་སྶ ཝི་ཡ ཝ་ཙ་ནཾ ཧོ་ཏཱི’’ཏི ཝ་ད་ནྟི. ཨ་ཡ་ཉྩ ནེ་སཾ ཝི་ཙི་ན་ནཱ་ཀཱ་རོ, ཨཱ་ཙ་རི་ཡ་བུ་དྡྷ་གྷོ་སོ ཧི ཡཾ ཀ་ཉྩི ག་ནྠཾ སཱི་ལཱ་དི་གུ་ཎ་ས་མྤ་ནྣེ་ན ཨ་ཉྙེ་ན ཨཱ་ཡཱ་ཙི་ཏོ་ཝ ཀ་རོ་ཏི, ཨི་དྷ པ་ན ཀོ་ཙི་པི ཨཱ་ཡཱ་ཙ་ཀོ ན་ཏྠི. པུ་ན་པི ཨཱ་ཙ་རི་ཡོ ‘‘པོ་རཱ་ཎ་སཱི་ཧ་ལ༹་ཊྛ་ཀ་ཐཾ བྷཱ་སཱ་པ་རི་ཝ་ཏྟ་ན་ཝ་སེ་ན ཀ་རི་སྶཱ་མཱི’’ཏི ཙ ‘‘མ་ཧཱ་ཝི་ཧཱ་ར་ཝཱ་སཱི་ནཾ ཝཱ་ཙ་ནཱ་མ་གྒཾ ནི་སྶཱ་ཡ ཀ་རི་སྶཱ་མཱི’’ཏི ཙ ཨེ་ཝཾ པ་ཊི་ཉྙཾ ཀ་ཏྭཱ་ཝ ཀ་རོ་ཏི, ཨི་དྷ པ་ན ཏཱ་དི་སཱི་པི པ་ཊི་ཉྙཱ ན་ཏྠི. པུ་ན་པི ཨཱ་ཙ་རི་ཡོ ཨ་ཏི་ག་མྦྷཱི་ར་ཏྠཱ་ནཾ ཙ་ཏུ་ནྣ་ཉྩཱ་ག་མཱ་ནཾ ཨ་བྷི་དྷ་མྨ་སྶ ཙ སཾ་ཝ་ཎྞ་ནཱ་ར་མྦྷེ་པི དུ་ཀྐ་ར་བྷཱ་ཝཾ ན ཀ་ཐེ་ཏི, ཨི་དྷ པ་ན ‘‘སཱ་ས་ནཾ ཨ་བོ་དྷ་ནྟེ་ན མཱ་དི་སེ་ནཱ’’ཏི ཨ་ཏྟ་ནཱ སཱ་ས་ན་སྶ ཨ་བུ་དྡྷ་བྷཱ་ཝཾ པ་ཀཱ་སེ་ཏྭཱ ‘‘ཨ་ཏི་དུ་ཀྐ་རཱ’’ཏི ཙ ཀ་ཐེ་ཏི. ཏ་སྨཱ ‘‘ནེ་ཏཾ ཨཱ་ཙ་རི་ཡ་བུ་དྡྷ་གྷོ་ས་སྶ ཝི་ཡ ཝ་ཙ་ན’’ནྟི ཝ་ད་ནྟི. ཏཾ ཡུ་ཏྟཾ ཝི་ཡ དི་སྶ་ཏི, ཨཱ་ཙ་རི་ཡོ ཧི ཨ་ཏྟ་ནོ ག་ནྠ་ནི་ག་མ་ནེ་སུ ‘‘ཏི་པི་ཊ་ཀ་པ་རི་ཡ་ཏྟི་པྤ་བྷེ་དེ སཱ་ཊྛ་ཀ་ཐེ ས་ཏྠུ་སཱ་ས་ནེ ཨ་པྤ་ཊི་ཧ་ཏ་ཉཱ་ཎ་པྤ་བྷཱ་ཝེ་ནཱ’’ཏི ཨ་ཏྟ་ནོ ཉཱ་ཎ་པྤ་བྷཱ་ཝཾ པ་ཀཱ་སེ་སི, སོ ‘‘སཱ་ས་ནཾ ཨ་བོ་དྷ་ནྟེ་ན མཱ་དི་སེ་ན ཨ་ཏི་དུ་ཀྐ་རཱ’’ཏི ཨཱི་དི་སཾ ཝ་ཙ་ནཾ ན ཀ་ཐེ་ཡྻ་ཡེ་ཝཱ་ཏི.