དྷ་མྨ་པ་ད་ཊྛ་ཀ་ཐཱ་ཀ་ར་ཎཾ
ཨ་པ་རཱ་པི ཏི་སྶོ ཨ་ཊྛ་ཀ་ཐཱ་ཡོ ས་ནྟི ཁུ་དྡ་ཀ་པཱ་ཋ་ཊྛ་ཀ་ཐཱ དྷ་མྨ་པ་ད་ཊྛ་ཀ་ཐཱ སུ་ཏྟ་ནི་པཱ་ཏ་ཊྛ་ཀ་ཐཱ ཙཱ་ཏི, ཡཱ ཏཱ་སུ དི་སྶ་མཱ་ན་ནི་ག་མ་ན་ཝ་སེ་ན ཨཱ་ཙ་རི་ཡ་བུ་དྡྷ་གྷོ་སེ་ནེ་ཝ ཀ་ཏཱ་ཏི པ་ཉྙཱ་ཡ་ནྟི. ཏ་ཏྠ པ་ན ཝུ་ཏྟ་ཝ་ཙ་ནཱ་ནི ཀཱ་ནི་ཙི ཀཱ་ནི་ཙི ཨཱ་ག་མ་ཊྛ་ཀ་ཐཱ་སུ ཝུ་ཏྟཱ་ཀཱ་རེ་ན ན ཧོ་ནྟི. ཏ་སྨཱ ཨེ་ཀེ ཝ་ད་ནྟི ‘‘ནེ་ཏཱ ཨཱ་ཙ་རི་ཡ་བུ་དྡྷ་གྷོ་ས་སྶཱ’’ཏི. ཨེ་ཀ་ཙྩེ པ་ན ‘‘ཨཱ་ཙ་རི་ཡ་སྶ ཨུ་པ་ཐ་མྦྷ་ཀ་ཏྠེ་རེ་ཧི པ་ཋ་མཾ ཀ་ཏཱ, པ་ཙྪཱ ཨཱ་ཙ་རི་ཡེ་ན ཨོ་སཱ་ན་སོ་དྷ་ན་ཝ་སེ་ན པ་རི་ཡོ་སཱ་པི་ཏཱ ཝཱ བྷ་ཝེ་ཡྻུཾ, ཨ་བྷི་དྷ་མྨ་ཊྛ་ཀ་ཐཾ ཨཱ་ཡཱ་ཙ་ནྟེ་ན ཙཱུ་ལ༹་བུ་དྡྷ་གྷོ་སེ་ན ཝཱ ཀ་ཏཱ བྷ་ཝེ་ཡྻུ’’ནྟི ཝ་ད་ནྟི.
ཏཾ ཏ་ཐཱ ཝཱ ཧོ་ཏུ ཨ་ཉྙ་ཐཱ ཝཱ, ཨི་དཱ་ནི ཨེ་ཀ་ནྟ་ཏོ ཝི་ནི་ཙྪི་ནི་ཏུཾ ན སུ་ཀ་ར་མེ་ཝ. ཏ་སྨཱ ཏཱ་སཾ ནི་ག་མ་ན་ཝ་ཙ་ན་ཝ་སེ་ནེ་ཝ ཨེ་ཏྠ པ་ཀཱ་ས་ཡི་སྶཱ་མ. ཏཱ་སུ ཧི དྷ་མྨ་པ་ད་ཊྛ་ཀ་ཐཾ ཀུ་མཱ་ར་ཀ་སྶ་པ་ཏྠེ་རེ་ན ཨཱ་ཡཱ་ཙི་ཏོ སི་རི་ཀཱུ་ཊ་སྶ (སི་རི་ཀུ་ཌྜ་སྶ) ར་ཉྙོ པཱ་སཱ་དེ ཝི་ཧ་ར་ནྟོ པ་ར་མྤ་རཱ་བྷ་ཏཾ སཱི་ཧ་ལ༹་བྷཱ་སཱ་ཡ ས་ཎྛི་ཏཾ པོ་རཱ་ཎ་ཊྛ་ཀ་ཐཾ པཱ་ལི༹་བྷཱ་སཱ་ཡ ཨཱ་རོ་པེ་ཏྭཱ ཝི་ཏྠཱ་ར་ག་ཏ་ཉྩ ཝ་ཙ་ན་ཀྐ་མཾ ས་མཱ་སེ་ཏྭཱ གཱ་ཐཱ་སུ ཨ་སཾ་ཝ་ཎྞི་ཏ་པ་ད་བྱ་ཉྫ་ནཱ་ནི སཾ་ཝ་ཎྞེ་ཏྭཱ ཨ་ཀཱ་སི. ཝུ་ཏྟ་ཉྷི ཏ་ཏྠ ག་ནྠཱ་ར་མྦྷེ –
‘‘པ་ར་མྤ་རཱ་བྷ་ཏཱ ཏ་སྶ, ནི་པུ་ཎཱ ཨ་ཏྠ་ཝ་ཎྞ་ནཱ;
ཡཱ ཏ་མྦ་པ་ཎྞི་དཱི་པ་མྷི, དཱི་པ་བྷཱ་སཱ་ཡ ས་ཎྛི་ཏཱ…པེ…
ཀུ་མཱ་ར་ཀ་སྶ་པེ་ནཱཧཾ, ཐེ་རེ་ན ཐི་ར་ཙེ་ཏ་སཱ;
ས་དྡྷ་མྨ་ཊྛི་ཏི་ཀཱ་མེ་ན, ས་ཀྐ་ཙྩཾ ཨ་བྷི་ཡཱ་ཙི་ཏོ…པེ…
ཏཾ བྷཱ་སཾ ཨ་ཏི་ཝི་ཏྠཱ་ར, ག་ཏ་ཉྩ ཝ་ཙ་ན་ཀྐ་མཾ;
པ་ཧཱ་ཡཱ་རོ་པ་ཡི་ཏྭཱ་ན, ཏ་ནྟི་བྷཱ་སཾ མ་ནོ་ར་མཾ.
གཱ་ཐཱ་ནཾ བྱ་ཉྫ་ན་པ་དཾ, ཡཾ ཏ་ཏྠ ན ཝི་བྷཱ་ཝི་ཏཾ;
ཀེ་ཝ་ལཾ ཏཾ ཝི་བྷཱ་ཝེ་ཏྭཱ, སེ་སཾ ཏ་མེ་ཝ ཨ་ཏྠ་ཏོ.
བྷཱ་ས་ནྟ་རེ་ན བྷཱ་སི་སྶ’’ནྟི [དྷ. པ. ཨ་ཊྛ. ༡.ག་ནྠཱ་ར་མྦྷ་ཀ་ཐཱ] –
ནི་ག་མ་ནེ ཙ ཝུ་ཏྟཾ –
‘‘ཝི་ཧཱ་རེ ཨ་དྷི་རཱ་ཛེ་ན, ཀཱ་རི་ཏ་མྷི ཀ་ཏ་ཉྙུ་ནཱ;
པཱ་སཱ་དེ སི་རི་ཀཱུ་ཊ་སྶ, ར་ཉྙོ ཝི་ཧ་ར་ཏཱ མ་ཡཱ’’ཏི [དྷ. པ. ཨ་ཊྛ. ༢.ནི་ག་མ་ན་ཀ་ཐཱ].
ཨེ་ཏྠ ཙ སི་རི་ཀཱུ་ཊོ ནཱ་མ ས་མ་ནྟ་པཱ་སཱ་དི་ཀཱ་ནི་ག་མ་ནེ སི་རི་པཱ་ལོཏི ཝུ་ཏྟོ མ་ཧཱ་ནཱ་མོཡེ་ཝ རཱ་ཛཱ་ཏི ཝ་ད་ནྟི. ཨེ་ཝཾ ས་ཏི མ་ཧེ་སི་ཡཱ ཨཱ་ན་ཡ་ནཾ ས་མཱ་དཱ་པ་ན་མཱ་ར་བྦྷ ཏེ་ན ར་ཉྙཱ དི་ནྣེ དྷཱུ་མ་ར་ཀྑ་པ་བྦ་ཏ་ཝི་ཧཱ་རེ ཝ་ས་ནྟེ་ན སཱ ཀ་ཏཱ་ཏི ཝེ་དི་ཏ་བྦཱ. ཝུ་ཏྟ་ཉྷེ་ཏཾ མ་ཧཱ་ཝཾ་སེ –
༣༧-༢༡༢. ‘‘ལོ་ཧ་དྭཱ་ར-ར་ལ་གྒཱ་མ-ཀོ་ཊི་པ་སྶཱ་ཝ་ན་ཝ྄ཧ་ཡེ;
ཏ་ཡོ ཝི་ཧཱ་རེ ཀཱ་རེ་ཏྭཱ, བྷི་ཀྑཱུ་ནཾ ཨ་བྷ་ཡུ་ཏྟ་རེ.
༢༡༣. ཝི་ཧཱ་རཾ ཀཱ་ར་ཡི་ཏྭཱ་ན, དྷཱུ་མ་ར་ཀྑ་མྷི པ་བྦ་ཏེ;
མ་ཧེ་སི་ཡཱ’ན་ཡེ་ནཱ’དཱ, བྷི་ཀྑཱུ་ནཾ ཐེ་ར་ཝཱ་དི་ན’’ནྟི.
ཏ་སྶ པ་ན ར་ཉྙོ ཀཱ་ལེ སཱ ནི་ཊྛཱ་པི་ཏཱ་ཏི ན ས་ཀྐཱ ག་ཧེ་ཏུཾ. ཏ་སྶ ཧི ར་ཉྙོ ཨེ་ཀ་ཝཱི་ས་ཏི་མ་ཝ་སྶེ ས་མ་ནྟ་པཱ་སཱ་དི་ཀཾ ནི་ཊྛཱ་པེ་སི. སོ ཙ རཱ་ཛཱ དྭཱ་ཝཱི་ས་ཏི་མ་ཝ་སྶེ དི་ཝ་ངྒ་ཏོ. ཨེ་ཏྠ་ནྟ་རེ སཱ་དྷི་ཀ་ཨེ་ཀ་ཝ་སྶེ་ན ‘‘ཙ་ཏ་སྶོ ཙ ཨཱ་ག་མ་ཊྛ་ཀ་ཐཱ་ཡོ ཏི་སྶོ ཙ ཨ་བྷི་དྷ་མྨ་ཊྛ་ཀ་ཐཱ་ཡོ ཨ་ཡ་ཉྩ དྷ་མྨ་པ་ད་ཊྛ་ཀ་ཐཱ’’ཏི ས་བྦཱ ཨེ་ཏཱ ན ས་ཀྐཱ ནི་ཊྛཱ་པེ་ཏུ་ནྟི.