ཀ་ངྑཱ་ཝི་ཏ་ར་ཎཱི་ཨ་ཊྛ་ཀ་ཐཱ་ཀ་ར་ཎཾ
ཀ་ངྑཱ་ཝི་ཏ་ར་ཎིཾ ནཱ་མ པཱ་ཏི་མོ་ཀྑ་ཊྛ་ཀ་ཐཾ ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ སོ་ཎ་ཏྠེ་རེ་ན ཡཱ་ཙི་ཏོ མ་ཧཱ་ཝི་ཧཱ་ར་ཝཱ་སཱི་ནཾ ཝཱ་ཙ་ནཱ་མ་གྒ་ནི་སྶི་ཏཾ སཱི་ཧ་ལ༹་པཱ་ཏི་མོ་ཀྑ་ཊྛ་ཀ་ཐཱ་ན་ཡཾ ནི་སྶཱ་ཡ ཨེ་ཀ་མྤི པ་དཾ པཱ་ལི༹་ཡཱ ཝཱ མ་ཧཱ་ཝི་ཧཱ་ར་ཝཱ་སཱི་ནཾ པོ་རཱ་ཎ་ཊྛ་ཀ་ཐཱ་ཧི ཝཱ ཨ་ཝི་རོ་དྷེ་ཏྭཱ ཨ་ཀཱ་སི. ཏེ་ན ཝུ་ཏྟཾ ཏི་སྶཾ ཨ་ཊྛ་ཀ་ཐཱ་ཡཾ –
‘‘སཱུ་ར་ཏེ་ན ནི་ཝཱ་ཏེ་ན, སུ་ཙི་ས་ལླེ་ཁ་ཝུ་ཏྟི་ནཱ;
ཝི་ན་ཡཱ་ཙཱ་ར་ཡུ་ཏྟེ་ན, སོ་ཎ་ཏྠེ་རེ་ན ཡཱ་ཙི་ཏོ.
ཏ་ཏྠ ས་ཉྫཱ་ཏ་ཀ་ངྑཱ་ནཾ, བྷི་ཀྑཱུ་ནཾ ཏ་སྶ ཝ་ཎྞ་ནཾ;
ཀ་ངྑཱ་ཝི་ཏ་ར་ཎ་ཏྠཱ་ཡ, པ་རི་པུ་ཎྞ་ཝི་ནི་ཙྪ་ཡཾ.
མ་ཧཱ་ཝི་ཧཱ་ར་ཝཱ་སཱི་ནཾ, ཝཱ་ཙ་ནཱ་མ་གྒ་ནི་སྶི་ཏཾ;
ཝ་ཏྟ་ཡི་སྶཱ་མི ནཱ་མེ་ན, ཀ་ངྑཱ་ཝི་ཏ་ར་ཎིཾ སུ་བྷ’’ནྟི [ཀ་ངྑཱ ཨ་ཊྛ. ག་ནྠཱ་ར་མྦྷ་ཀ་ཐཱ] ཙ.
‘‘ཨཱ་ར་བྷིཾ ཡ་མ་ཧཾ ས་བྦཾ, སཱི་ཧ་ལ༹་ཊྛ་ཀ་ཐཱ་ན་ཡཾ;
མ་ཧཱ་ཝི་ཧཱ་ར་ཝཱ་སཱི་ནཾ, ཝཱ་ཙ་ནཱ་མ་གྒ་ནི་སྶི་ཏཾ.
ནི་སྶཱ་ཡ སཱ ཨ་ཡཾ ནི་ཊྛཾ, ག་ཏཱ ཨཱ་དཱ་ཡ ས་བྦ་སོ;
ས་བྦཾ ཨ་ཊྛ་ཀ་ཐཱ་སཱ་རཾ, པཱ་ལི༹་ཡ་ཏྠ་ཉྩ ཀེ་ཝ་ལཾ.
ན ཧེ་ཏྠ ཏཾ པ་དཾ ཨ་ཏྠི, ཡཾ ཝི་རུ་ཛ྄ཛྷེ་ཡྻ པཱ་ལི༹་ཡཱ;
མ་ཧཱ་ཝི་ཧཱ་ར་ཝཱ་སཱི་ནཾ, པོ་རཱ་ཎ་ཊྛ་ཀ་ཐཱ་ཧི ཝཱ’’ཏི [ཀ་ངྑཱ. ཨ་ཊྛ. ནི་ག་མ་ན་ཀ་ཐཱ] ཙ.