ཨ་བྷི་དྷ་མྨ་ཊྛ་ཀ་ཐཱ་ཀ་ར་ཎཾ
ཨ་ཊྛ་སཱ་ལི་ནིཾ པ་ན ས་མྨོ་ཧ་ཝི་ནོ་ད་ནིཉྩ དྷཱ་ཏུ་ཀ་ཐཱ་དིཔ་ཉྩ་པ་ཀ་ར་ཎ་སྶ ཨ་ཊྛ་ཀ་ཐ་ཉྩཱ་ཏི ཏི་སྶོ ཨ་བྷི་དྷ་མྨ་ཊྛ་ཀ་ཐཱ་ཡོ ཨ་ཏྟ་ནཱ ས་དི་ས་ནཱ་མེ་ན སོ་ཏ་ཏྠ་ཀཱི་ག་ནྠ་ཀཱ་ར་ཀེ་ན བུ་དྡྷ་གྷོ་སབྷི་ཀྑུ་ནཱ ཨཱ་ཡཱ་ཙི་ཏོ ཨ་ཀཱ་སི. ཝུ་ཏྟ་ཉྷེ་ཏཾ ཏཱ་སུ –
‘‘ཝི་སུ་དྡྷཱ་ཙཱ་ར་སཱི་ལེ་ན, ནི་པུ་ཎཱ་མ་ལ་བུ་དྡྷི་ནཱ;
བྷི་ཀྑུ་ནཱ བུ་དྡྷ་གྷོ་སེ་ན, ས་ཀྐ་ཙྩཾ ཨ་བྷི་ཡཱ་ཙི་ཏོ’’ཏི [དྷ. ས. ཨ་ཊྛ. ག་ནྠཱ་ར་མྦྷ་ཀ་ཐཱ] ཙ.
‘‘བུ་དྡྷ་གྷོ་སོཏི ག་རཱུ་ཧི ག་ཧི་ཏ་ནཱ་མ་དྷེ་ཡྻེ་ན ཐེ་རེ་ན ཀ་ཏཱ
ཨ་ཡཾ ཨ་ཊྛ་སཱ་ལི་ནཱི ནཱ་མ དྷ་མྨ་ས་ངྒ་ཧ་ཊྛ་ཀ་ཐཱ’’ཏི [དྷ. ས. ཨ་ཊྛ. ནི་ག་མ་ན་ཀ་ཐཱ] ཙ.
‘‘ཨ་ཏྠ་པྤ་ཀཱ་ས་ན་ཏྠཾ, ཏ་སྶཱ་ཧཾ ཡཱ་ཙི་ཏོ ཋི་ཏ་གུ་ཎེ་ན;
ཡ་ཏི་ནཱ ཨ་ད་ནྡྷ་ག་ཏི་ནཱ, སུ་བུ་དྡྷི་ནཱ བུ་དྡྷ་གྷོ་སེ་ན.
ཡཾ ཨཱ་ར་བྷིཾ ར་ཙ་ཡི་ཏུཾ, ཨ་ཊྛ་ཀ་ཐཾ སུ་ནི་པུ་ཎེ་སུ ཨ་ཏྠེ་སུ;
ས་མྨོ་ཧ་ཝི་ནོ་ད་ན་ཏོ, ས་མྨོ་ཧ་ཝི་ནོ་ད་ནིཾ ནཱ་མཱ’’ཏི [ཝི་བྷ. ཨ་ཊྛ. ནི་ག་མ་ན་ཀ་ཐཱ] ཙ.
‘‘བུ་དྡྷ་གྷོ་སོཏི ག་རཱུ་ཧི ག་ཧི་ཏ་ནཱ་མ་དྷེ་ཡྻེ་ན ཐེ་རེ་ན ཀ་ཏཱ
ཨ་ཡཾ ས་མྨོ་ཧ་ཝི་ནོ་ད་ནཱི ནཱ་མ ཝི་བྷ་ངྒ་ཊྛ་ཀ་ཐཱ’’ཏི [ཝི་བྷ. ཨ་ཊྛ. ནི་ག་མ་ན་ཀ་ཐཱ] ཙ.
ཨི་མཱ་སུ པ་ན ཏཱི་སུ པ་ཉྩ་པ་ཀ་ར་ཎ་ཊྛ་ཀ་ཐཱ་ཡ ནཱ་མ་ཝི་སེ་སོ ན་ཏྠི ཨཱ་ཡཱ་ཙ་ཀོ ཙ ན པ་ཀཱ་སི་ཏོ, ཀེ་ཝ་ལཾ ཨ་ཏྟ་ནོ ས་དྡྷཱ་ཡ ཨེ་ཝ ས་ཉྩོ་དི་ཏེ་ན ཨཱ་ཙ་རི་ཡ་བུ་དྡྷ་གྷོ་སེ་ན སཱ ཀ་ཏཱ ཝི་ཡ དི་སྶ་ཏི. ཝུ་ཏྟ་ཉྷེ་ཏཾ ཏ་སྶཱ ནི་ག་མ་ནེ –
‘‘ཀུ་ས་ལཱ་དི་དྷ་མྨ་བྷེ་དཾ, ནི་སྶཱ་ཡ ན་ཡེ་ཧི ཝི་ཝི་དྷ་ག་ཎ་ནེ་ཧི;
ཝི་ཏྠཱ་རེ་ནྟོ ས་ཏྟ་མ-མ་བྷི་དྷ་མྨ་པྤ་ཀ་ར་ཎཾ ས་ཏྠཱ.
སུ་ཝི་ཧི་ཏ་ས་ནྣི་ཊྛཱ་ནོ, པ་ཊྛཱ་ནཾ ནཱ་མ ཡཾ པ་ཀཱ་སེ་སི;
ས་དྡྷཱ་ཡ ས་མཱ་ར་དྡྷཱ, ཡཱ ཨ་ཊྛ་ཀ་ཐཱ མ་ཡཱ ཏ་སྶཱ་ཏི ཙ.
‘‘ཨེ་ཏྟཱ་ཝ་ཏཱ
ས་ཏྟ་པྤ་ཀ་ར་ཎཾ ནཱ་ཐོ, ཨ་བྷི་དྷ་མྨ་མ་དེ་ས་ཡི;
དེ་ཝཱ་ཏི་དེ་ཝོ དེ་ཝཱ་ནཾ, དེ་ཝ་ལོ་ཀ་མྷི ཡཾ པུ་རེ;
ཏ་སྶ ཨ་ཊྛ་ཀ་ཐཱ ཨེ་སཱ, ས་ཀ་ལ་སྶཱཔི ནི་ཊྛི་ཏཱ’’ཏི [པ་ཊྛཱ. ཨ་ཊྛ. ༡༩-༢༤.༡] ཙ.
‘‘བུ་དྡྷ་གྷོ་སོཏི ག་རཱུ་ཧི ག་ཧི་ཏ་ནཱ་མ་དྷེ་ཡྻེ་ན ཐེ་རེ་ན ཀ་ཏཱ
ཨ་ཡཾ ས་ཀ་ལ་སྶཔི ཨ་བྷི་དྷ་མྨ་པི་ཊ་ཀ་སྶ ཨ་ཊྛ་ཀ་ཐཱ’’ཏི [པ་ཊྛཱ. ཨ་ཊྛ. ༡༩-༢༤.༡] ཙ.
ཨེ་ཀ་ཙྩེ པ་ན ཨཱ་དྷུ་ནི་ཀཱ ཐེ་རཱ ‘‘ཨ་བྷི་དྷ་མྨ་ཊྛ་ཀ་ཐཱ་ཡོ ཨཱ་ཙ་རི་ཡ་བུ་དྡྷ་གྷོ་སེ་ན ཡཱ་ཙི་ཏོ ས་ངྒྷ་པཱ་ལ་བུ་དྡྷ་མི་ཏྟ་ཛོ་ཏི་པཱ་ལཱ་དཱི་ནཾ ཨ་ཉྙ་ཏ་རོ ཐེ་རོ ཨ་ཀཱ་སཱི’’ཏི ཝ་ད་ནྟི. ཨ་ཡ་ཉྩ ནེ་སཾ ཝི་ཙཱ་ར་ཎཱ, ཨ་ཊྛ་སཱ་ལི་ནཱི་ས་མྨོ་ཧ་ཝི་ནོ་ད་ནཱི་སུ ‘‘ཏཱ བུ་དྡྷ་གྷོ་སེ་ན ཡཱ་ཙི་ཏོ ཨ་ཀཱ་སཱི’’ཏི ག་ནྠ་ཀཱ་རེ་ན ཝུ་ཏྟཾ. ཏེ་ན ཉཱ་ཡ་ཏི ‘‘ཏ་ཀྐཱ་ར་ཀོ ཨ་ཉྙོ, ཨཱ་ཙ་རི་ཡ་བུ་དྡྷ་གྷོ་སོ པ་ན ཏཱ་སུ ཡཱ་ཙ་ཀ་པུ་གྒ་ལོ་ཡེ་ཝཱ’’ཏི. ཨཱ་ག་མ་ཊྛ་ཀ་ཐཱ་སུ ཙ ཨཱ་ཙ་རི་ཡ་བུ་དྡྷ་གྷོ་སེ་ན –
‘‘སཱི་ལ་ཀ་ཐཱ དྷུ་ཏ་དྷ་མྨཱ, ཀ་མྨ་ཊྛཱ་ནཱ་ནི ཙེ་ཝ ས་བྦཱ་ནི…པེ…
ཨི་ཏི པ་ན ས་བྦཾ ཡ་སྨཱ, ཝི་སུ་དྡྷི་མ་གྒེ མ་ཡཱ སུ་པ་རི་སུ་དྡྷཾ;
ཝུ་ཏྟཾ ཏ་སྨཱ བྷི་ཡྻོ, ན ཏཾ ཨི་དྷ ཝི་ཙཱ་ར་ཡི་སྶཱ་མཱི’’ཏི [དཱི. ནི. ཨ་ཊྛ. ༡.ག་ནྠཱ་ར་མྦྷ་ཀ་ཐཱ] –
ཨེ་ཝཾ སཱི་ལ་ཀ་ཐཱ་དཱི་ནཾ ཨ་ཏྟ་ནཱ ཨེ་ཝ ཝི་སུ་དྡྷི་མ་གྒེ ཝུ་ཏྟ་བྷཱ་ཝོ མ་ཡཱཏི་པ་དེ་ན པ་ཀཱ་སི་ཏོ. ཨ་ཊྛ་སཱ་ལི་ནི་ཡཾ པ་ན –
‘‘ཀ་མྨ་ཊྛཱ་ནཱ་ནི ས་བྦཱ་ནི, ཙ་རི་ཡཱ་བྷི་ཉྙཱ ཝི་པ་སྶ་ནཱ;
ཝི་སུ་དྡྷི་མ་གྒེ པ་ནི་དཾ, ཡ་སྨཱ ས་བྦཾ པ་ཀཱ་སི་ཏ’’ནྟི [དྷ. ས. ཨ་ཊྛ. ག་ནྠཱ་ར་མྦྷ་ཀ་ཐཱ] –
ཨེ་ཝཾ མ་ཡཱཏི ཀ་ཏྟུ་པ་དེ་ན ཝི་ནཱ ཝུ་ཏྟཾ. ཏེ་ནཱ་པི ཉཱ་ཡ་ཏི ‘‘ཝི་སུ་དྡྷི་མ་གྒ་ཀཱ་ར་ཀོ ཨ་ཉྙོ, ཨ་བྷི་དྷ་མྨ་ཊྛ་ཀ་ཐཱ་ཀཱ་ར་ཀོ ཨ་ཉྙོ’’ཏི. ཀི་ཉྩཱ་པི ཨ་བྷི་དྷ་མྨ་ཊྛ་ཀ་ཐཱ་སུ ཨ་བྷི་ཡཱ་ཙ་ཀོ བུ་དྡྷ་གྷོ་སོ བྷི་ཀྑུ་ནཱ་ཏི ཙ ཡ་ཏི་ནཱ་ཏི ཙ ཨི་མེ་ཧེ་ཝ སཱ་མ་ཉྙ་གུ་ཎ་པ་དེ་ཧི ཝུ་ཏྟོ ན ཐེ་རེ་ནཱ་ཏི ས་གཱ་ར་ཝ་གུ་ཎ་པ་དེ་ན, ཏ་ཐཱ་པི སོ ‘‘ཝི་སུ་དྡྷཱ་ཙཱ་ར་སཱི་ལེ་ན ནི་པུ་ཎཱ་མ་ལ་བུ་དྡྷི་ནཱ’’ཏི ཙ, ‘‘ཨ་ད་ནྡྷ་ག་ཏི་ནཱ སུ་བུ་དྡྷི་ནཱ’’ཏི ཙ ཨི་མེ་ཧི ཨ་དྷི་ཀ་གུ་ཎ་པ་དེ་ཧི ཐོ་མི་ཏ་ཏྟཱ ‘‘ཝི་སུ་དྡྷི་མ་གྒཱ་དི་ཀཱ་ར་ཀོ ཨཱ་ཙ་རི་ཡ་བུ་དྡྷ་གྷོ་སོ་ཡེ་ཝཱ’’ཏི ས་ཀྐཱ ག་ཧེ་ཏུཾ. སོ ཧི ཨུ་པ་ས་མྤ་ནྣ་ཀཱ་ལ་ཏོ་ཡེ་ཝ པ་ཊྛཱ་ཡ ག་ནྠ་ཀོ་ཝི་དོ པ་རི་ཡ་ཏྟི་ཝི་སཱ་ར་ད་གུ་ཎ་ས་མྤ་ནྣོ, ཏ་སྨི་ཉྩ ཀཱ་ལེ ཨཱུ་ན་ད་ས་ཝ་སྶོ བྷ་ཝེ་ཡྻ, ཏ་སྨཱ ཐེ་རེ་ནཱ་ཏི ན ཝུ་ཏྟོ་ཏི ས་ཀྐཱ ག་ཧེ་ཏུ་ནྟི.
ཏཾ པ་ན ཏེ་སཾ ཨ་ཏི་ཝི་ཙཱ་ར་ཎ་མ་ཏྟ་མེ་ཝ. ན ཧི ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ ‘‘ཏ་སྨིཾ ཀཱ་ལེ ཨཱུ་ན་ད་ས་ཝ་སྶོ’’ཏི ས་ཀྐཱ ག་ཧེ་ཏུཾ, ཝི་སུ་དྡྷི་མ་གྒ་ནི་ག་མ་ནེ་པི ‘‘བུ་དྡྷ་གྷོ་སོ་ཏི ག་རཱུ་ཧི ག་ཧི་ཏ་ནཱ་མ་དྷེ་ཡྻེ་ན ཐེ་རེ་ནཱ’’ཏི ཝ་ཙ་ན་ཏོ, ན ཙ ‘‘ཝི་སུ་དྡྷཱ་ཙཱ་ར་སཱི་ལེ་ན, ནི་པུ་ཎཱ་མ་ལ་བུ་དྡྷི་ནཱ’’ཏི ཝཱ, ‘‘ཨ་ད་ནྡྷ་ག་ཏི་ནཱ སུ་བུ་དྡྷི་ནཱ’’ཏི ཝཱ ཨེ་ཏྟ་ཀེ་ཧེ་ཝ དྭཱི་ཧི དྭཱི་ཧི གུ་ཎ་པ་དེ་ཧི ཐོ་མ་ནེ་ན སུ་ཐོ་མི་ཏོ ཧོ་ཏི, ཨ་ཉྙ་ད་ཏྠུ ‘‘ནི་པྤ་བྷཱི་ཀ་ཏ་ཁ་ཛྫོ་ཏོ ས་མུ་དེ་ཏི དི་ཝཱ་ཀ་རོ’’ཏི ཐོ་མ་ནཾ ཝི་ཡ ཧོ་ཏི. ན་ནུ ཨཱ་ཙ་རི་ཡེ་ན ཨ་ཏྟ་ནོ ག་ནྠ་ནི་ག་མ་ནེ་སུ –
‘‘པ་ར་མ་ཝི་སུ་དྡྷ་ས་དྡྷཱ་བ་དྡྷི་ཝཱི་རི་ཡ་པ་ཊི་མ་ཎྜི་ཏེ་ན སཱི་ལཱ་ཙཱ་ར་ཛྫ་ཝ་མ་དྡ་ཝཱ་དི་གུ་ཎ་ས་མུ་ད་ཡ་ས་མུ་དི་ཏེ་ན ས་ཀ་ས་མ་ཡ་ས་མ་ཡ་ནྟ་ར་ག་ཧ་ན་ཛ྄ཛྷོ་གཱ་ཧ་ཎ་ས་མ་ཏྠེ་ན པ་ཉྙཱ་ཝེ་ཡྻ་ཏྟི་ཡ་ས་མ་ནྣཱ་ག་ཏེ་ན ཏི་པི་ཊ་ཀ་པ་རི་ཡ་ཏྟི་བྷེ་དེ སཱ་ཊྛ་ཀ་ཐེ ས་ཏྠུ་སཱ་ས་ནེ ཨ་པྤ་ཊི་ཧ་ཏ་ཉཱ་ཎ་པྤ་བྷཱ་ཝེ་ན མ་ཧཱ་ཝེ་ཡྻཱ་ཀ་ར་ཎེ་ནཱ’’ཏི་ཨཱ་དི་ནཱ –
ཨ་ཏྟ་ནོ ཨ་ནུ་ཙྪ་ཝི་ཀཱ་ནི གུ་ཎ་པ་དཱ་ནི པ་ཀཱ་སི་ཏཱ་ནི, སོ་ཡེ་ཝ ཙ པོ་རཱ་ཎ་སཱི་ཧ་ལ༹་ཊྛ་ཀ་ཐཱ་ཡོ ས་ངྑི་པི་ཏྭཱ ཨ་བྷི་ན་ཝ་ས་ངྒ་ཧ་ཊྛ་ཀ་ཐཱ་ནཾ ཨཱ་དི་ཀ་ཏྟཱ པུ་བྦ་ངྒ་མོ, ཨ་ཉྙེ པ་ན ཨ་བྷི་ན་ཝ་ཊྛ་ཀ་ཐཱ་ཀཱ་རཱ ཏ་སྶེ་ཝ ཨ་ནུ་ཝ་ཏྟི་ཏྭཱ ཨ་ཝ་སེ་ས་མེ་ཀཾ ཝཱ དྭེ ཝཱ ཨ་ཊྛ་ཀ་ཐཱ་ཡོ ཨ་ཀཾ་སུ. ཨ་བྷི་དྷ་མྨ་ཊྛ་ཀ་ཐཱ་སུ ཙ ཡོ ཡོ ཨ་ཏྠོ ཝི་སུ་དྡྷི་མ་གྒེ ཝུ་ཏྟོ, སོ སོ ཡ་ཐཱ་ནུ་པྤ་ཏྟ་ཊྛཱ་ནེ ཏ་ཏོ ག་ཧེ་ཏྭཱ ཏ་ཐེ་ཝ ཝུ་ཏྟོ. ཝི་སེ་ས་ཏོ པ་ན པ་ཊི་ཙྩ་ས་མུ་པྤཱ་ད་ཝི་བྷ་ངྒ་ཁ་ནྡྷཱ་ཡ་ཏ་ན་དྷཱ་ཏུ་ས་ཙྩ་ཝི་བྷ་ངྒ་ཝ་ཎྞ་ནཱ་སུ ཛྷཱ་ན་ཀ་ཐཱ་ཝ་ཎྞ་ནཱ་སུ ཙ ཨ་ཡ་མ་ཏྠོ ཨ་ཏི་ཝི་ཡ པཱ་ཀ་ཊོ, ཡོ་པི ཙ ཏ་ཏྠ ཨ་པྤ་ཀོ ཀ་ཏི་པ་ཡ་མ་ཏྟོ ཝི་སུ་དྡྷི་མ་གྒེ་ན ཝི་ས་དི་སོ སཾ་ཝ་ཎྞ་ནཱ་བྷེ་དོ དི་སྶ་ཏི, སོ་པི ཨཱ་བྷི་དྷ་མྨི་ཀཱ་ནཾ མ་ཏཱ་ནུ་སཱ་རེ་ན ཡ་ཐཱ པོ་རཱ་ཎ་ཊྛ་ཀ་ཐཱ་ཡཾ ཝུ་ཏྟོ, ཏ་ཐེ་ཝ ཝུ་ཏྟོ་ཏི ཝེ་དི་ཏ་བྦོ. ཡ་ཐཱ ཙ ཨ་ཊྛ་སཱ་ལི་ནི་ཡཾ ས་མ་ནྟ་པཱ་སཱ་དི་ཀཱ་ཡ ཝི་ན་ཡ་ཊྛ་ཀ་ཐཱ་ཡ ཨ་ཏི་དེ་སོ དི་སྶ་ཏི [དྷ. ས. ཨ་ཊྛ. ༡ ཨ་ཀུ་ས་ལ་ཀ་མྨ་པ་ཐ་ཀ་ཐཱ], ཏ་ཐེ་ཝ ས་མ་ནྟ་པཱ་སཱ་དི་ཀཱ་ཡ་མྤི ཨ་ཊྛ་སཱ་ལི་ནི་ཡཱ ཨ་ཏི་དེ་སོ དི་སྶ་ཏེ་ཝ [པཱ་རཱ. ཨ་ཊྛ. ༡.༡༡;]. ཡ་དི ཙ ཨ་ཊྛ་སཱ་ལི་ནཱི ཨ་ཉྙེ་ན ཀ་ཏཱ བྷ་ཝེ་ཡྻ, ཀ་ཐཾ ཏཱ་སུ ཨ་ཉྙ་མ་ཉྙཱ་ཏི་དེ་སོ ས་ཀྐཱ ཀཱ་ཏུཾ. ཏ་སྨཱ ཨ་བྷི་དྷ་མྨ་ཊྛ་ཀ་ཐཱ་སུ ཨ་བྷི་ཡཱ་ཙ་ཀོ བུ་དྡྷ་གྷོ་སོ ཨཱ་ཙ་རི་ཡེ་ན ས་མཱ་ན་ནཱ་མོ ཙཱུ་ལ༹་བུ་དྡྷ་གྷོ་སོཏི ཡཱ་ཝ་ཛྫ་ཏ་ནཱ ཨཱ་ཙ་རི་ཡ་པ་ར་མྤ་རཱ་ཡ ག་ཧི་ཏོ སོ་ཏ་ཏྠཀཱི་ག་ནྠ་ཀཱ་ར་ཀོ ཨ་ཉྙོ་ཡེ་ཝ, ན ཨཱ་ཙ་རི་ཡ་མ་ཧཱ་བུ་དྡྷ་གྷོ་ས་ཏྠེ་རོ. ཏེ་ནེ་ཝ ཏ་ཏྠ ཝུ་ཏྟཾ ‘‘བྷི་ཀྑུ་ནཱ’’ཏི ཙ ‘‘ཡ་ཏི་ནཱ’’ཏི ཙ.
ཡ་དི པ་ན ཨེ་ཏྟ་ཀེ་ན ནི་ཊྛཾ ན ག་ཙྪེ་ཡྻ, ཨེ་ཝ་མྤི ཝི་ཙཱ་རེ་ཏ་བྦཾ – ཀི་ནྣུ ཁོ ས་ངྒྷ་པཱ་ལཱ་ད་ཡོ ཐེ་རཱ ཝི་སུ་དྡྷི་མ་གྒཱ་དཱི་ནཾ ཀ་ར་ཎ་ཏྠཱ་ཡ ཨཱ་ཙ་རི་ཡ་བུ་དྡྷ་གྷོ་ས་ཏྠེ་རཾ ཨཱ་ཡཱ་ཙ་མཱ་ནཱ ཨ་ཏྟ་ནཱ ས་མ་ཏྠ་ཏ་རོ་ཏི ས་དྡ་ཧ་ནྟཱ ཨཱ་ཡཱ་ཙ་ནྟི ཨུ་དཱ་ཧུ ཨ་ས་དྡ་ཧ་ནྟཱ་ཏི? ས་དྡ་ཧ་ནྟཱ་ཡེ་ཝ ཨཱ་ཡཱ་ཙ་ནྟཱི་ཏི པཱ་ཀ་ཊོ་ཡེ་ཝཱ་ཡ་མ་ཏྠོ. ཏ་ཐཱ ཙ ས་ཏི ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ ས་ཡཾ ཨ་ཉྙེ་ཧི ས་མ་ཏྠ་ཏ་རོ་ཝ ས་མཱ་ནོ ཀ་སྨཱ ཨ་ཉྙཾ ཨཱ་ཡཱ་ཙེ་ཡྻ. ན ཧི ས་དྡྷཱ་ས་མྤ་ནྣ་སྶ ཐཱ་མ་ས་མྤ་ནྣ་སྶ ཡོ་བྦ་ན་ས་མྤ་ནྣ་སྶ ཨཱ་ཙ་རི་ཡ་སྶ སུ་ནྡ་ར་ཏ་རཾ ཨ་བྷི་དྷ་མྨ་ཊྛ་ཀ་ཐཾ ཀཱ་ཏུཾ བྷཱ་རི་ཡཾ བྷ་ཝི་སྶ་ཏི. ཨ་བྷི་དྷ་མྨ་ཊྛ་ཀ་ཐཱ་སུ ཙ ཝུ་ཏྟ་ཝ་ཙ་ནཱ་ནི ཝི་སུ་དྡྷི་མ་གྒ་ཨཱ་ག་མ་ཊྛ་ཀ་ཐཱ་སུ ཝུ་ཏྟ་སཾ་ཝ་ཎྞ་ནཱ་ཝ་ཙ་ནེ་ཧི ཨེ་ཀཱ་ཀཱ་རཱ་ནེ་ཝ ཧོ་ནྟི. ཡ་དི ཙ ཨ་བྷི་དྷ་མྨ་ཊྛ་ཀ་ཐཾ ཨ་ཉྙོ ཀ་རེ་ཡྻ, ཀ་ཐ་མ་པི ཏཱ་ཧི ཝ་ཙ་ནཱ་ཀཱ་ར་སྶ ཝི་ས་དི་ས་ཏཱ བྷ་ཝེ་ཡྻ ཨེ་ཝ. ཨེ་ཏཱ་སཾ ནི་ག་མ་ནེ ཙ ད་སྶི་ཏེ་ན ‘‘བུ་དྡྷ་གྷོ་སོ་ཏི ག་རཱུ་ཧི ག་ཧི་ཏ་ནཱ་མ་དྷེ་ཡྻེ་ན ཐེ་རེ་ན ཀ་ཏཱ’’ཏི ཝ་ཙ་ནེ་ན ‘‘ཨཱ་ཙ་རི་ཡ་བུ་དྡྷ་གྷོ་སེ་ན ཀ་ཏཱ’’ཏྭེ་ཝ པཱ་ཀ་ཊཱ ཧོ་ནྟི, ན ཨ་ཉྙེ་ནཱ་ཏི. ཡེ་པི ‘‘ཨ་ཉྙེ་ན ཀ་ཏཱ’’ཏི ཝ་ད་ནྟི, ཏེ་པི ‘‘ཨི་མི་ནཱ ནཱ་མ ཐེ་རེ་ནཱ’’ཏི ཨེ་ཀཾ་ས་ཏོ ད་སྶེ་ཏུཾ ན ས་ཀྐོ་ནྟི, ཏ་ཐཱ ད་སྶེ་ཏུ་ཉྩ ལེ་ས་མ་ཏྟ་མྤི སཱ་དྷ་ཀ་ཝ་ཙ་ནཾ ན དི་སྶ་ཏི. ཏ་སྨཱ ཨ་བྷི་དྷ་མྨ་ཊྛ་ཀ་ཐཱ་ཡོ་པི ཨི་དཱ་ནི ཨཱ་ཙ་རི་ཡེ་ཧི ཙཱུ་ལ༹་བུ་དྡྷ་གྷོ་སོཏི ཝོ་ཧ་རི་ཏེ་ན བུ་དྡྷ་གྷོ་སེ་ན ནཱ་མ བྷི་ཀྑུ་ནཱ་ཡཱ་ཙི་ཏོ ཝི་སུ་དྡྷི་མ་གྒ་ཝི་ན་ཡཱ་ག་མ་ཊྛ་ཀ་ཐཱ་ནཾ ཀཱ་ར་ཀོ ཨཱ་ཙ་རི་ཡ་མ་ཧཱ་བུ་དྡྷ་གྷོ་ས་ཏྠེ་རོཡེ་ཝ ཨ་ཀཱ་སཱི་ཏི ནི་ཊྛ་མེ་ཏྠ ག་ནྟ་བྦ་ནྟི.
ཡཾ པ་ན མ་ཧཱ་ཝཾ་སེ ‘‘ཨཱ་ཙ་རི་ཡ་བུ་དྡྷ་གྷོ་སོ སཱི་ཧ་ལ༹་དཱི་པཱ་ག་མ་ན་ཏོ པུ་བྦེ ཛ་མྦུ་དཱི་པེ ཝ་ས་ན་ཀཱ་ལེ་ཡེ་ཝ ཨ་ཊྛ་སཱ་ལི་ནིཾ ཨ་ཀཱ་སཱི’’ཏི ཨ་དྷི་པྤཱ་ཡེ་ན –
༢༢༥. ‘‘དྷ་མྨ་ས་ངྒ་ཎི་ཡཱ་ཀཱ་སི, ཀ་ཙྪཾ སོ ཨ་ཊྛ་སཱ་ལི་ནི’’ནྟི –
ཝུ་ཏྟཾ, ཏཾ ཨི་དཱ་ནི དི་སྶ་མཱ་ནཱ་ཡ ཨ་ཊྛ་སཱ་ལི་ནི་ཡཱ ན ས་མེ་ཏི. ཏ་ཏྠ ཧི ག་ནྠཱ་ར་མྦྷེ་ཡེ་ཝ ཝི་སུ་དྡྷི་མ་གྒཾ ཨ་ཏི་དི་སི་ཏྭཱ པ་ཙྪཱ་པི སོ ཙ, ས་མ་ནྟ་པཱ་སཱ་དི་ཀཱ ཙ བ་ཧཱུ་སུ ཋཱ་ནེ་སུ ཨ་ཏི་དི་སཱི་ཡ་ནྟི. ཏ་སྨཱ ཏ་སྶཱ ཨཱ་ཙ་རི་ཡེ་ན སཱི་ཧ་ལ༹་དཱི་པཾ པ་ཏྭཱ ཝི་སུ་དྡྷི་མ་གྒ་ཉྩེ་ཝ ས་མ་ནྟ་པཱ་སཱ་དི་ཀ་ཉྩ ཀ་ཏྭཱ པ་ཙྪཱ་ཡེ་ཝ ཀ་ཏ་བྷཱ་ཝོ ཨ་ཏི་ཝི་ཡ པཱ་ཀ་ཊོ་ཏི.