ཨཱ་ག་མ་ཊྛ་ཀ་ཐཱ་ཀ་ར་ཎཾ
སུ་མ་ངྒ་ལ་ཝི་ལཱ་སི་ནིཾ ནཱ་མ དཱི་གྷ་ནི་ཀཱ་ཡ་ཊྛ་ཀ་ཐཾ པ་ན ཨཱ་ཙ་རི་ཡོ སུ་མ་ངྒ་ལ་པ་རི་ཝེ་ཎ་ཝཱ་སི་ནཱ དཱ་ཋཱ་ནཱ་ག་ཏྠེ་རེ་ན ཨཱ་ཡཱ་ཙི་ཏོ ཨ་ཀཱ་སི. ཝུ་ཏྟཾ ཧེ་ཏ་མེ་ཏི་སྶཱ ནི་ག་མ་ནེ –
‘‘ཨཱ་ཡཱ་ཙི་ཏོ སུ་མ་ངྒ་ལ-པ་རི་ཝེ་ཎ་ནི་ཝཱ་སི་ནཱ ཐི་ར་གུ་ཎེ་ན;
དཱ་ཋཱ་ནཱ་ག ས་ངྒྷ, ཏྠེ་རེ་ན ཐེ་ར་ཝཾ་ས་ནྭ་ཡེ་ན.
དཱི་གྷཱ་ག་མ་སྶ ད་ས་བ་ལ-གུ་ཎ་ག་ཎ་པ་རི་དཱི་པ་ན་སྶ ཨ་ཊྛ་ཀ་ཐཾ;
ཡཾ ཨཱ་ར་བྷིཾ སུ་མ་ངྒ་ལ-ཝི་ལཱ་སི་ནིཾ ནཱ་མ ནཱ་མེ་ན.
སཱ ཧི མ་ཧཱ་ཨ་ཊྛ་ཀ་ཐཱ་ཡ, སཱ་ར་མཱ་དཱ་ཡ ནི་ཊྛི་ཏཱ ཨེ་སཱ’’ཏི [དཱི. ནི. ཨ་ཊྛ. ༣. ནི་ག་མ་ན་ཀ་ཐཱ].
པ་པ་ཉྩ་སཱུ་ད་ནིཾ ནཱ་མ མ་ཛ྄ཛྷི་མ་ནི་ཀཱ་ཡ་ཊྛ་ཀ་ཐཾ བྷ་ད་ནྟབུ་དྡྷ་མི་ཏྟ་ཏྠེ་རེ་ན པུ་བྦེ མ་ཡཱུ་ར་དཱུ་ཏ་པ་ཊྚ་ནེ ཨ་ཏྟ་ནཱ ས་དྡྷིཾ ཝ་ས་ནྟེ་ན ཨཱ་ཡཱ་ཙི་ཏོ ཨ་ཀཱ་སི. ཝུ་ཏྟཾ ཧེ་ཏ་མེ་ཏི་སྶཱ ནི་ག་མ་ནེ –
‘‘ཨཱ་ཡཱ་ཙི་ཏོ སུ་མ་ཏི་ནཱ, ཐེ་རེ་ན བྷ་ད་ནྟབུ་དྡྷ་མི་ཏྟེ་ན;
པུ་བྦེ མ་ཡཱུ་ར་དཱུ་ཏ་པ,ཊྚ་ནམྷི ས་དྡྷིཾ ཝ་ས་ནྟེ་ན.
པ་ར་ཝཱ་ད་ཝི་དྷཾ་ས་ན་སྶ, མ་ཛ྄ཛྷི་མ་ནི་ཀཱ་ཡ་སེ་ཊྛ་སྶ;
ཡ་མ་ཧཾ པ་པ་ཉྩ་སཱུ་ད་ནི-མ་ཊྛ་ཀ་ཐཾ ཀཱ་ཏུ་མཱ་ར་བྷིཾ.
སཱ ཧི མ་ཧཱ་ཨ་ཊྛ་ཀ་ཐཱ་ཡ, སཱ་ར་མཱ་དཱ་ཡ ནི་ཊྛི་ཏཱ ཨེ་སཱ’’ཏི [མ. ནི. ཨ་ཊྛ. ༣. ནི་ག་མ་ན་ཀ་ཐཱ].
སཱ་ར་ཏྠ་པྤ་ཀཱ་སི་ནིཾ ནཱ་མ སཾ་ཡུ་ཏྟ་ནི་ཀཱ་ཡ་ཊྛ་ཀ་ཐཾ བྷ་ད་ནྟཛོ་ཏི་པཱ་ལ་ཏྠེ་རེ་ན ཨཱ་ཡཱ་ཙི་ཏོ ཨ་ཀཱ་སི. ཝུ་ཏྟཾ ཧེ་ཏ་མེ་ཏི་སྶཱ ནི་ག་མ་ནེ –
‘‘ཨེ་ཏི་སྶཱ ཀ་ར་ཎ་ཏྠཾ, ཐེ་རེ་ན བྷ་ད་ནྟཛོ་ཏི་པཱ་ལེ་ན;
སུ་ཙི་སཱི་ལེ་ན སུ་བྷཱ་སི་ཏ་སྶ པ་ཀཱ་ས་ཡ་ནྟ་ཉཱ་ཎེ་ན.
སཱ་ས་ན་ཝི་བྷཱུ་ཏི་ཀཱ་མེ་ན, ཡཱ་ཙ་མཱ་ནེ་ན མཾ སུ་བྷ་གུ་ཎེ་ན;
ཡཾ ས་མ་དྷི་ག་ཏཾ པུ་ཉྙཾ, ཏེ་ནཱ་པི ཛ་ནོ སུ་ཁཱི བྷ་ཝ་ཏཱུ’’ཏི [སཾ. ནི. ཨ་ཊྛ. ༣.༥.ནི་ག་མ་ན་ཀ་ཐཱ].
མ་ནོ་ར་ཐ་པཱུ་ར་ཎིཾ ནཱ་མ ཨ་ངྒུ་ཏྟ་ར་ནི་ཀཱ་ཡ་ཊྛ་ཀ་ཐཾ བྷ་ད་ནྟཛོ་ཏི་པཱ་ལ་ཏྠེ་རེ་ན ད་ཀྑི་ཎ་ཨི་ནྡི་ཡ་ར་ཊྛེ ཀ་ཉྩི་པུ་རཱདཱི་སུ ཙ སཱི་ཧ་ལ༹་དཱི་པེ མ་ཧཱ་ཝི་ཧཱ་ར་མྷི ཙ ཨ་ཏྟ་ནཱ ས་དྡྷིཾ ཝ་ས་ནྟེ་ན ཨཱ་ཡཱ་ཙི་ཏོ, ཏ་ཐཱ ཛཱི་ཝ་ཀེ་ནཱཔི ཨུ་པཱ་ས་ཀེ་ན པི་ཊ་ཀ་ཏྟ་ཡ་པཱ་ར་གུ་བྷཱུ་ཏེ་ན ཝཱ་ཏཱ་ཧ་ཏེ་པི ཨ་ནི་ཉྫ་མཱ་ན་ས་བྷཱ་ཝེ དུ་མེ ཝི་ཡ ཨ་ནི་ཉྫ་མཱ་ན་ས་དྡྷ་མྨེ ཋི་ཏེ་ན སུ་མ་ཏི་ནཱ པ་རི་སུ་དྡྷཱ་ཛཱི་ཝེ་ནཱ་བྷི་ཡཱ་ཙི་ཏོ ཨ་ཀཱ་སི. ཝུ་ཏྟཾ ཧེ་ཏ་མེ་ཏི་སྶཱ ནི་ག་མ་ནེ –
‘‘ཨཱ་ཡཱ་ཙི་ཏོ སུ་མ་ཏི་ནཱ, ཐེ་རེ་ན བྷ་ད་ནྟཛོ་ཏི་པཱ་ལེ་ན;
ཀ་ཉྩི་པུ་རཱ་དཱི་སུ མ་ཡཱ, པུ་བྦེ ས་དྡྷིཾ ཝ་ས་ནྟེ་ན.
ཝ་ར་ཏ་མྦ་པ་ཎྞི་དཱི་པེ, མ་ཧཱ་ཝི་ཧཱ་ར་མྷི ཝ་ས་ན་ཀཱ་ལེ་པི;
ཝཱ་ཏཱ་ཧ་ཏེ ཝི་ཡ དུ་མེ, ཨ་ནི་ཉྫ་མཱ་ན་མྷི ས་དྡྷ་མྨེ.
པཱ་རཾ པི་ཊ་ཀ་ཏྟ་ཡ་སཱ,ག་ར་སྶ ག་ནྟྭཱ ཋི་ཏེ་ན སུ་མ་ཏི་ནཱ;
པ་རི་སུ་དྡྷཱ་ཛཱི་ཝེ་ནཱ,བྷི་ཡཱ་ཙི་ཏོ ཛཱི་ཝ་ཀེ་ནཱཔི.
དྷ་མྨ་ཀ་ཐཱ་ན་ཡ་ནི་པུ་ཎེ་ཧི, དྷ་མྨ་ཀ་ཐི་ཀེ་ཧི ཨ་པ་རི་མཱ་ཎེ་ཧི;
པ་རི་ཀཱི་ལི༹་ཏ་སྶ པ་ཊི་པ,ཛྫི་ཏ་སྶ ས་ཀ་ས་མ་ཡ་ཙི་ཏྲ་སྶ.
ཨ་ཊྛ་ཀ་ཐཾ ཨ་ངྒུ་ཏྟ་ར,མ་ཧཱ་ནི་ཀཱ་ཡ་སྶ ཀཱ་ཏུ་མཱ་ར་དྡྷོ;
ཡ་མ་ཧཾ ཙི་ར་ཀཱ་ལ་ཊྛི་ཏི-མི་ཙྪ་ནྟོ སཱ་ས་ན་ཝ་ར་སྶ.
སཱ ཧི མ་ཧཱ་ཨ་ཊྛ་ཀ་ཐཱ་ཡ, སཱ་ར་མཱ་དཱ་ཡ ནི་ཊྛི་ཏཱ ཨེ་སཱ;
ཙ་ཏུ་ནྣ་ཝུ་ཏི་པ་རི་མཱ་ཎཱ་ཡ, པཱ་ལི༹་ཡཱ བྷཱ་ཎ་ཝཱ་རེ་ཧི.
ས་བྦཱ་ག་མ་སཾ་ཝ་ཎྞ་ན, མ་ནོ་ར་ཐོ པཱུ་རི་ཏོ ཙ མེ ཡ་སྨཱ;
ཨེ་ཏཱ་ཡ མ་ནོ་ར་ཐ པཱུ་ར་ཎཱིཏི ནཱ་མཾ ཏ་ཏོ ཨ་སྶཱ’’ཏི [ཨ. ནི. ཨ་ཊྛ. ༣.༡༡.ནི་ག་མ་ན་ཀ་ཐཱ].
ཨི་མཱ ཙ པ་ན ཙ་ཏ་སྶོ ཨཱ་ག་མ་ཊྛ་ཀ་ཐཱ་ཡོ ཀུ་རུ་མཱ་ནོ ཨཱ་ཙ་རི་ཡ་བུ་དྡྷ་གྷོ་སོ མ་ཧཱ་མ་ཧི་ནྡ་ཏྠེ་རེ་ནཱ་བྷ་ཏཾ མཱུ་ལ་ཊྛ་ཀ་ཐཱ་ས་ངྑཱ་ཏཾ མ་ཧཱ་ཨ་ཊྛ་ཀ་ཐཾ་ཡེ་ཝ བྷཱ་སཱ་པ་རི་ཝ་ཏྟ་ན་ཝ་སེ་ན ཙེ་ཝ པུ་ན་པྤུ་ནཱ་ག་ཏ་ཝི་ཏྠཱ་ར་ཀ་ཐཱ་མ་གྒ་སྶ སཾ་ཁི་པ་ན་ཝ་སེ་ན ཙ ཨ་ཀཱ་སི. ཝུ་ཏྟ་ཉྷེ་ཏཾ ག་ནྠཱ་ར་མྦྷེ –
‘‘སཱི་ཧ་ལ༹་དཱི་པཾ པ་ན ཨཱ་བྷ,ཏཱ་ཐ ཝ་སི་ནཱ མ་ཧཱ་མ་ཧི་ནྡེ་ན;
ཋ་པི་ཏཱ སཱི་ཧ་ལ༹་བྷཱ་སཱ་ཡ, དཱི་པ་ཝཱ་སཱི་ན་མ་ཏྠཱ་ཡ.
ཨ་པ་ནེ་ཏྭཱ་ན ཏ་ཏོ་ཧཾ, སཱི་ཧ་ལ༹་བྷཱ་སཾ མ་ནོ་ར་མཾ བྷཱ་སཾ;
ཏ་ནྟི་ན་ཡཱ་ནུ་ཙྪ་ཝི་ཀཾ, ཨཱ་རོ་པེ་ནྟོ ཝི་ག་ཏ་དོ་སཾ…པེ…
ཧི་ཏྭཱ པུ་ན་པྤུ་ནཱ་ག་ཏ-མ་ཏྠཾ ཨ་ཏྠཾ པ་ཀཱ་ས་ཡི་སྶཱ་མཱི’’ཏི.
ཏ་ཐཱ ནི་ག་མ་ནེ་པི –
‘‘སཱ ཧི མ་ཧཱ་ཨ་ཊྛ་ཀ་ཐཱ་ཡ, སཱ་ར་མཱ་དཱ་ཡ ནི་ཊྛི་ཏཱ ཨེ་སཱ’’ཏི [དཱི. ནི. ཨ་ཊྛ. ༣.ནི་ག་མ་ན་ཀ་ཐཱ] ཙ;
‘‘མཱུ་ལ་ཊྛ་ཀ་ཐཱ་སཱ་རཾ, ཨཱ་དཱ་ཡ མ་ཡཱ ཨི་མཾ ཀ་རོ་ནྟེ་ནཱ’’ཏི [དཱི. ནི. ཨ་ཊྛ. ༣.ནི་ག་མ་ན་ཀ་ཐཱ] ཙ.
ཨི་མཱ་སཾ ས་རཱི་ར་བྷཱུ་ཏ་པཱ་ཋེ་སུ ཙ ས་མ་ནྟ་པཱ་སཱ་དི་ཀཱ་ཡཾ ཝི་ཡ ‘‘མ་ཧཱ་པ་ཙྩ་རི་ཡཾ, ཀུ་རུ་ནྡི་ཡ’’ནྟི་ཨཱ་དི་ནཱ ཝི་ནི་ཙྪ་ཡ་སཾ་ཝ་ཎྞ་ནཱ་བྷེ་ད་པྤ་ཀཱ་ས་ནཾ ན དི་སྶ་ཏི, ཏ་ཐཱ ཨ་བྷི་དྷ་མྨ་ཊྛ་ཀ་ཐཱ་སུ་པི. ཏེ་ནེ་ཏཾ ཉཱ་ཡ་ཏི ‘‘སུ་ཏྟ་ནྟཱ་བྷི་དྷ་མྨེ་སུ མ་ཧཱ་ཨ་ཊྛ་ཀ་ཐཱ་ཏོ ཨ་ཉྙཱ མ་ཧཱ་པ་ཙྩ་རི་ཨཱ་དི་ནཱ་མི་ཀཱ པོ་རཱ་ཎི་ཀཱ སཱི་ཧ་ལ༹་ཊྛ་ཀ་ཐཱ་ཡོ ཙེ་ཝ ཨ་ནྡྷ་ཀ་ཊྛ་ཀ་ཐཱ ཙ ན་ཏྠཱི’’ཏི. ཡཱ་ཝ ཝ་ས་བྷ་རཱ་ཛ་ཀཱ་ལཱ (༦༠༩-༦༥༣) པ་ན པཱ་ཀ་ཊཱ་ནཾ སཱི་ཧ་ལི༹་ཀ་ཏྠེ་རཱ་ནཾ ཝི་ནི་ཙྪ་ཡོ ཙ ཝཱ་དཱ ཙ ཝ་ཏྠཱུ་ནི ཙ ཨེ་ཏཱ་སུ་པི དི་སྶ་ནྟི་ཡེ་ཝཱ་ཏི.