ཨཱ་ཙ་རི་ཡ་བུ་དྡྷ་གྷོ་ས་ཏྠེ་ར་སྶ ཨ་ཊྛུ་པྤ་ཏྟི
ཨཱ་ཙ་རི་ཡ་བུ་དྡྷ་གྷོ་སོ ད་ས་མེ བུ་དྡྷ་ཝ་སྶ་ས་ཏ་ཀེ (༩༠༡-༡༠༠༠-བུ-ཝ) ད་ཀྑི་ཎ་ཨི་ནྡི་ཡ་ར་ཊྛེ མོ་ར་ཎྜ་གཱ་མེ བྲཱ་ཧྨ་ཎ་ཀུ་ལེ ཛཱ་ཏོ, སོ ཏཱི་སུ ཝེ་དེ་སུ ཙེ་ཝ ས་བྦ་ཝི་ཛྫཱ་སི་པྤ་ག་ནྠེ་སུ ཙ པཱ་ར་ངྒ་ཏོ ཧུ་ཏྭཱ བུ་དྡྷ་སཱ་ས་ན་དྷ་མྨཾ སུ་ཏྭཱ ཏ་མྤི ཨུ་གྒ་ཎྷི་ཏུ་ཀཱ་མོ ཏ་སྨིཾ་ཡེ་ཝ ད་ཀྑི་ཎ་ཨི་ནྡི་ཡ་ར་ཊྛེ ཨེ་ཀ་སྨིཾ ཐེ་ར་ཝཱ་དི་ཀ་ཝི་ཧཱ་རེ མ་ཧཱ་ཝི་ཧཱ་ར་ཝཱ་སཱི་ནཾ རེ་ཝ་ཏ་ཏྠེ་ར་པྤ་མུ་ཁཱ་ནཾ བྷི་ཀྑཱུ་ནཾ ས་ནྟི་ཀེ པ་བྦ་ཛྫ་ཉྩེ་ཝ ཨུ་པ་ས་མྤ་ད་ཉྩ ག་ཎྷི་ཏྭཱ པི་ཊ་ཀ་ཏྟ་ཡ་པཱ་ལི༹་མུ་གྒ་ཎྷི. སོ ཨེ་ཝཾ པི་ཊ་ཀ་ཏྟ་ཡ་པཱ་ལི༹་མུ་གྒ་ཎྷ་ནྟོ་ཡེ་ཝ ཨ་ཉྙཱ་སི ‘‘ཨ་ཡ་མེ་ཀཱ་ཡ་ན་མ་གྒོ ད་སྶ་ན་ཝི་སུ་དྡྷི་ཡཱ ནི་བྦཱ་ན་ས་ཙྪི་ཀི་རི་ཡཱ་ཡཱ’’ཏི. ཨཱ་ཙ་རི་ཡུ་པ་ཛ྄ཛྷཱ་ཡཱ ཙ ཏ་སྶ ཝི་སི་ཊྛ་ཉཱ་ཎ་པྤ་བྷཱ་ཝ་ས་མྤ་ནྣ་བྷཱ་ཝཾ ཉ་ཏྭཱ ‘‘ཨི་མ་སྶ བུ་དྡྷ་སཱ་ས་ནེ ཀི་ཏྟི་གྷོ་སོ བུ་དྡྷ་སྶ ཝི་ཡ པ་ཝ་ཏྟི་སྶ་ཏཱི’’ཏི ས་མྤ་སྶ་མཱ་ནཱ ‘‘བུ་དྡྷ་གྷོ་སོ’’ཏི ནཱ་མ་མ་ཀཾ་སུ. ཏེ་ན ཝུ་ཏྟཾ ‘‘བུ་དྡྷ་གྷོ་སོ་ཏི ག་རཱུ་ཧི ག་ཧི་ཏ་ནཱ་མ་དྷེ་ཡྻེ་ནཱ’’ཏི.
སོ ཨེ་ཝཾ པི་ཊ་ཀ་ཏྟ་ཡ་པཱ་ལི༹་མུ་གྒ་ཎྷི་ཏྭཱ མ་ད་ར་ས ན་ག་ར་ས་མཱི་པ་ཊྛཱ་ན་བྷཱུ་ཏེ མ་ཡཱུ་ར་དཱུ་ཏ་པ་ཊྚ་ན་མྷི ཙ ཀ་ཉྩི་པུ་རཱདཱི་སུ ཙ ཝ་ས་ནྟོ ཨ་ནྡྷ་ཀ་ཊྛ་ཀ་ཐཱ་ཡ པ་རི་ཙ་ཡཾ ཀ་ཏྭཱ ཏཱ་ཡ ཨ་ས་ནྟུ་ཊྛ་ཙི་ཏྟོ སཱི་ཧ་ལ༹་ཊྛ་ཀ་ཐཱ་སུ་པི པ་རི་ཙ་ཡཾ ཀཱ་ཏུ་ཀཱ་མོ ཏཱ ཙ པཱ་ལི༹་བྷཱ་ས་མཱ་རོ་པེ་ཏྭཱ ཨ་བྷི་ན་ཝཱི་ཀཱ་ཏུ་མཱ་སཱི་ས་ནྟོ སཱི་ཧ་ལ༹་དཱི་པ་མ་ག་མཱ་སི. ཏ་སྨི་ཉྩ ཀཱ་ལེ སཱི་ཧ་ལ༹་དཱི་པེ མ་ཧཱ་ནཱ་མོ ནཱ་མ རཱ་ཛཱ ར་ཛྫཾ ཀཱ་རེ་ཏི, སོ ཙ རཱ་ཛཱ ཨ་བྷ་ཡ་གི་རི་ཝཱ་སཱི་སུ པ་ས་ནྣོ ཏེ་ཡེ་ཝ ཝི་སེ་ས་ཏོ པ་གྒ་ཎྷཱ་ཏི.
ཨེ་ཀ་ཙྩེ པ་ན ཨཱ་དྷུ་ནི་ཀཱ ཝི་ཙ་ཀྑ་ཎཱ ཨེ་ཝཾ ཝ་ད་ནྟི ‘‘ཨཱ་ཙ་རི་ཡ་བུ་དྡྷ་གྷོ་ས་སྶ སཱི་ཧ་ལ༹་དཱི་པཱ་ག་མ་ནེ་ན སི་རི་མེ་གྷ་ཝ་ཎྞ་རཱ་ཛཀཱ་ལ་ཏོ (༨༤༦-བུ-ཝ) པུ་རེ་ཏ་རཾ་ཡེ་ཝ བྷ་ཝི་ཏ་བྦ’’ནྟི. ཨི་ད་ཉྩ ནེ་སཾ ཀཱ་ར་ཎཾ, ཏ་སྶ ར་ཉྙོ ན་ཝ་ཝ་སྶ་ཀཱ་ལེ (༨༥༥-བུ-ཝ) བུ་དྡྷ་སྶ དཱ་ཋཱ་དྷཱ་ཏུ་ཀ་ལི་ངྒ་ར་ཊྛཏོ སཱི་ཧ་ལ༹་དཱི་པ་མཱ་ནཱི་ཏཱ, ཏ་ཏོ པ་ཊྛཱ་ཡ སཱི་ཧ་ལ༹་རཱ་ཛཱ་ནོ ཨ་ནུ་སཾ་ཝ་ཙྪ་རཾ མ་ཧ་ནྟཾ དྷཱ་ཏུ་པཱུ་ཛཱ་ཨུ་སྶ་ཝཾ ཀ་རོ་ནྟི. ཡ་དི ཙ ཨཱ་ཙ་རི་ཡ་བུ་དྡྷ་གྷོ་སོ ཏ་ཏོ པ་ཙྪཱ སཱི་ཧ་ལ༹་དཱི་པ་མཱ་ག་ཙྪེ་ཡྻ, ཏ་མྤི པཱ་སཱ་དི་ཀཾ མ་ཧུ་སྶ་ཝཾ དི་སྭཱ ཨ་ཏྟ་ནོ ག་ནྠེ་སུ པ་ཀཱ་སེ་ཡྻ ཡ་ཐཱ ཕཱ་ཧི་ཡཾ ནཱ་མ ཙི་ན་བྷི་ཀྑུ མ་ཧཱ་ནཱ་མ་རཱ་ཛ་ཀཱ་ལེ (༩༥༣-༩༧༥-བུ-ཝ) ཏཾ དི་སྭཱ ཨ་ཏྟ་ནོ ཨ་དྡྷཱ་ན་ཀྐ་མ་ཀ་ཐཱ་ཡཾ པ་ཀཱ་སེ་སི, ན པ་ན ཨཱ་ཙ་རི་ཡ་སྶ ག་ནྠེ་སུ ཏཾ་པ་ཀཱ་ས་ནཱ དི་སྶ་ཏི, ཏེ་ནེ་ཏཾ ཉཱ་ཡ་ཏི ‘‘ཨཱ་ཙ་རི་ཡ་བུ་དྡྷ་གྷོ་སོ དཱ་ཋཱ་དྷཱ་ཏུ་ས་མྤ་ཏྟ་ཀཱ་ལ་ཏོ (༨༥༥-བུ-ཝ) པུ་རེ་ཏ་རཾ་ཡེ་ཝ སཱི་ཧ་ལ༹་དཱི་པ་མཱ་ག་ནྟྭཱ ཨ་ཊྛ་ཀ་ཐཱ་ཡོ ཨ་ཀཱ་སཱི’’ཏི. ཏཾ པ་ན ན ད་ལ༹ྷ་ཀཱ་ར་ཎཾ ཧོ་ཏི, ཏི་པི་ཊ་ཀ་པཱ་ལི༹་ཡཱ ཧི ཨ་ཏྠ་སཾ་ཝ་ཎྞ་ནཱ་ཡ ཡཾ ཝཱ ཏཾ ཝཱ ཨ་ཏྟ་ནོ པ་ཙྩ་ཀྑ་དི་ཊྛཾ པ་ཀཱ་སེ་ཏ་བྦཾ ན ཧོ་ཏི, ན ཙ ཨ་ཏྠ་སཾ་ཝ་ཎྞ་ནཱ ཨ་དྡྷཱ་ན་ཀྐ་མ་ཀ་ཐཱ་ས་དི་སཱ. ཀི་ཉྩ བྷི་ཡྻོ, ས་མ་ནྟ་པཱ་སཱ་དི་ཀཱ་ཡ ཝི་ན་ཡ་ཊྛ་ཀ་ཐཱ་ཡཾ དཱི་པ་ཝཾ་ས་ཏོ་པི ཀི་ཉྩི ཨཱ་ནེ་ཏྭཱ པ་ཀཱ་སི་ཏཾ, དཱི་པ་ཝཾ་སེ ཙ ཡཱ་ཝ མ་ཧཱ་སེ་ན་རཱ་ཛ་ཀཱ་ལཱ (༨༡༩-༨༤༥-བུ-ཝ) པ་ཝ་ཏྟི པ་ཀཱ་སི་ཏཱ་ཏི སི་རི་མེ་གྷ་ཝ་ཎྞ་རཱ་ཛ་ཀཱ་ལ་ཏོ (༨༤༥-༨༧༣-བུ-ཝ) པུ་བྦེ དཱི་པ་ཝཾ་སོ་ཡེ་ཝ ལི་ཁི་ཏོ ན བྷ་ཝེ་ཡྻ. ཡ་དི ཙ ཨ་ཊྛ་ཀ་ཐཱ་ཡོ ཏ་ཏོ པུ་བྦེ་ཡེ་ཝ ཀ་ཏཱ བྷ་ཝེ་ཡྻུཾ, ཀ་ཐཾ ཏ་ཏྠ དཱི་པ་ཝཾ་སོ ས་ཀྐཱ པ་ཀཱ་སེ་ཏུ་ནྟི.
ཨཱ་ཙ་རི་ཡ་བུ་དྡྷ་གྷོ་སོ པ་ན སཱི་ཧ་ལ༹་དཱི་པཾ པ་ཏྟ་ཀཱ་ལེ (༩༦༥-བུ-ཝ) མ་ཧཱ་ཝི་ཧཱ་ར་མེ་ཝ ག་ནྟྭཱ ཏ་ཏྠ སཱི་ཧ་ལ༹་མ་ཧཱ་ཐེ་རཱ་ནཾ ས་ནྟི་ཀེ སཱི་ཧ་ལ༹་ཊྛ་ཀ་ཐཱ་ཡོ སུ་ཎི. ཝུ་ཏྟ་ཉྷི ས་མ་ནྟ་པཱ་སཱ་དི་ཀཱ་ཡཾ –
‘‘མ་ཧཱ་ཨ་ཊྛ་ཀ་ཐ་ཉྩེ་ཝ, མ་ཧཱ་པ་ཙྩ་རི་མེ་ཝ ཙ;
ཀུ་རུ་ནྡི་ཉྩཱ་ཏི ཏི་སྶོ་པི, སཱི་ཧ་ལ༹་ཊྛ་ཀ་ཐཱ ཨི་མཱ.
བུ་དྡྷ་མི་ཏྟོ་ཏི ནཱ་མེ་ན, ཝི་སྶུ་ཏ་སྶ ཡ་ས་སྶི་ནོ;
ཝི་ན་ཡ་ཉྙུ་སྶ དྷཱི་ར་སྶ, སུ་ཏྭཱ ཐེ་ར་སྶ ས་ནྟི་ཀེ’’ཏི [པ་རི. ཨ་ཊྛ. ནི་ག་མ་ན་ཀ་ཐཱ].
ཨི་མི་ནཱ པ་ན ཨ་ཊྛ་ཀ་ཐཱ་ཝ་ཙ་ནེ་ན མ་ཧཱ་ཨ་ཊྛ་ཀ་ཐཱ་དཱི་ནཾ ཏི་སྶ་ནྣཾ་ཡེ་ཝ ཨ་ཊྛ་ཀ་ཐཱ་ནཾ སུ་ཏ་བྷཱ་ཝོ ད་སྶི་ཏོ. ས་མ་ནྟ་པཱ་སཱ་དི་ཀཱ་ཡཾ པ་ན ས་ངྑེ་པ་ཨ་ནྡྷ་ཀ་ཊྛ་ཀ་ཐཱ་ན་མྤི ཝི་ནི་ཙྪ་ཡོ ད་སྶི་ཏོ་ཡེ་ཝ, ཀ་སྨཱ པ་ན ཏཱ ཨཱ་ཙ་རི་ཡེ་ན སཱི་ཧ་ལ༹་ཏྠེ་རཱ་ནཾ ས་ནྟི་ཀེ ན སུ་ཏཱ་ཏི? ཏཱ་སུ ཧི ཨ་ནྡྷ་ཀ་ཊྛ་ཀ་ཐཱ ཏཱ་ཝ ཨ་ནྡྷ་ཀ་ར་ཊྛི་ཀ་བྷཱ་ཝ་ཏོ, ཀ་ཏ་པ་རི་ཙ་ཡ་བྷཱ་ཝ་ཏོ ཙ ན སུ་ཏཱ་ཏི པཱ་ཀ་ཊོ་ཡེ་ཝཱ་ཡ་མ་ཏྠོ. ས་ངྑེ་པ་ཊྛ་ཀ་ཐཱ པ་ན མ་ཧཱ་པ་ཙྩ་རི་ཊྛ་ཀ་ཐཱ་ཡ སཾ་ཁི་ཏྟ་མ་ཏྟ་བྷཱ་ཝ་ཏོ ན སུ་ཏཱ་ཏི ཝེ་དི་ཏ་བྦཱ. ཏ་ཐཱ ཧི ཝ་ཛི་ར་བུ་དྡྷི་ཊཱི་ཀཱ་ཡཾ ག་ནྠཱ་ར་མྦྷ་སཾ་ཝ་ཎྞ་ནཱ་ཡཾ [ཝི་ཛི་ར. ཊཱི. ག་ནྠཱ་ར་མྦྷ་ཀ་ཐཱ་ཝ་ཎྞ་ནཱ] ཙཱུ་ལ༹་པ་ཙྩ་རི་ཊྛ་ཀ་ཐཱ་ཨ་ནྡྷ་ཀ་ཊྛ་ཀ་ཐཱ་ན་མྤི ཨཱ་དི-ས་དྡེ་ན ས་ངྒ་ཧི་ཏ་བྷཱ་ཝོ ཝུ་ཏྟོ, སཱ་ར་ཏྠ་དཱི་པ་ནཱི-ཝི་མ་ཏི་ཝི་ནོ་ད་ནཱིཊཱི་ཀཱ་སུ [སཱ་ར་ཏྠ. ཊཱི. ༡.༩༢ པཱ་ཙི་ཏྟི་ཡ་ཀ་ཎྜ; ཝི. ཝི. ཊཱི. ༡.ག་ནྠཱ་ར་མྦྷ་ཀ་ཐཱ་ཝ་ཎྞ་ནཱ] པ་ན ཨ་ནྡྷ་ཀ་ས་ངྑེ་པ་ཊྛ་ཀ་ཐཱ་ནཾ ས་ངྒ་ཧི་ཏ་བྷཱ་ཝོ ཝུ་ཏྟོ, ས་མ་ནྟ་པཱ་སཱ་དི་ཀཱ་ཡ་ཉྩ ཙཱུ་ལ༹་པ་ཙྩ་རཱི་ཏི ནཱ་མཾ ཀུ་ཧི་ཉྩི་པི ན དི་སྶ་ཏི, མ་ཧཱ་ཊྛ་ཀ་ཐཱ མ་ཧཱ་པ་ཙྩ་རཱི ཀུ་རུ་ནྡཱི ཨ་ནྡྷ་ཀ་ས་ངྑེ་པ་ཊྛ་ཀ་ཐཱ་ཏི ཨི་མཱ་ནི་ཡེ་ཝ ནཱ་མཱ་ནི དི་སྶ་ནྟི, བ་ཧཱུ་སུ ཙ ཋཱ་ནེ་སུ ‘‘ས་ངྑེ་པ་ཊྛ་ཀ་ཐཱ་ཡཾ པ་ན མ་ཧཱ་པ་ཙྩ་རི་ཡ་ཉྩ ཝུ་ཏྟ’’ནྟི་ཨཱ་དི་ནཱ [པཱ་རཱ. ཨ་ཊྛ. ༡.༩༤] དྭི་ནྣ་མྤི ས་མཱ་ན་ཝི་ནི་ཙྪ་ཡོ ད་སྶི་ཏོ. ཏ་སྨཱ ཝ་ཛི་ར་བུ་དྡྷི་ཡཾ ཙཱུ་ལ༹་པ་ཙྩ་རཱི་ཏི ཝུ་ཏྟ་ཊྛ་ཀ་ཐཱ མ་ཧཱ་པ་ཙྩ་རི་ཏོ ཨུ་དྡྷ་རི་ཏྭཱ ས་ངྑེ་པེ་ན ཀ་ཏ་ཊྛ་ཀ་ཐཱ བྷ་ཝེ་ཡྻ, སཱ ཙ ས་ངྑེ་པེ་ན ཀ་ཏ་ཏྟཱ ས་ངྑེ་པ་ཊྛ་ཀ་ཐཱ ནཱ་མ ཛཱ་ཏཱ བྷ་ཝེ་ཡྻ. ཨེ་ཝ་ཉྩ ས་ཏི མ་ཧཱ་པ་ཙྩ་རི་ཡཱ སུ་ཏཱ་ཡ སཱ་པི སུ་ཏཱ་ཡེ་ཝ ཧོ་ཏཱི་ཏི ན སཱ ཨཱ་ཙ་རི་ཡེ་ན སུ་ཏཱ་ཏི ཝེ་དི་ཏ་བྦཱ.
ཨེ་ཝཾ སཱི་ཧ་ལ༹་ཊྛ་ཀ་ཐཱ་ཡོ སུ་ཎ་ནྟ་སྶེ་ཝ ཨཱ་ཙ་རི་ཡ་བུ་དྡྷ་གྷོ་ས་སྶ ཏི་ཀྑ་ག་མྦྷཱི་ར་ཛ་ཝ་ན་ཉཱ་ཎ་པྤ་བྷཱ་ཝ་ཝི་སེ་ས་ས་མྤ་ནྣ་བྷཱ་ཝ་ཉྩ པ་ར་མ་ཝི་སུ་དྡྷ་ས་དྡྷཱ་བུ་དྡྷི་ཝཱི་རི་ཡ་པ་ཊི་མ་ཎྜི་ཏ་སཱི་ལཱ་ཙཱ་ར་ཛྫ་ཝ་མ་དྡ་ཝཱ་དི་གུ་ཎ་ས་མུ་ད་ཡ- ས་མུ་དི་ཏ་བྷཱ་ཝ་ཉྩ ས་ཀ་ས་མ་ཡ་ས་མ་ཡ་ནྟ་ར་ག་ཧ་ན་ཛ྄ཛྷོ་གཱ་ཧ་ཎ་ས་མ་ཏྠ་པ་ཉྙཱ་ཝེ་ཡྻ་ཏྟི- ཡ་ས་མ་ནྣཱ་ག་ཏ་བྷཱ་ཝ་ཉྩ ཨ་ནེ་ཀ་ས་ཏྠ་ནྟ་རོ་ཙི་ཏ་སཾ་ཝ་ཎྞ་ནཱ་ན་ཡ་སུ་ཀོ་ཝི་ད་བྷཱ་ཝ་ཉྩ ཉ་ཏྭཱ ཏཾ་ས་ཝ་ན་ཀི་ཙྩ་པ་རི་ནི་ཊྛི་ཏ་ཀཱ་ལེ ས་ངྒྷ་པཱ་ལཱད་ཡོ ཐེ་རཱ ཏཾ ཝི་སུ་དྡྷི་མ་གྒཱ་དི་ག་ནྠཱ་ནཾ ཀ་ར་ཎ་ཏྠཱ་ཡ ཝི་སུཾ ཝི་སུཾ ཨཱ་ཡཱ་ཙིཾ་སུ. ཨེ་ཏྠ ཙ ཨཱ་ཙ་རི་ཡ་སྶ ཡ་ཐཱ་ཝུ་ཏྟ་གུ་ཎེ་ཧི ས་མྤ་ནྣ་བྷཱ་ཝོ ཨ་ཏྟ་ནོ ཝ་ཙ་ནེ་ནེ་ཝ པཱ་ཀ་ཊོ. ཝུ་ཏྟ་ཉྷི ཨ་ཏྟ་ནོ ག་ནྠ་ནི་ག་མ་ནེ་སུ –
‘‘པ་ར་མ་ཝི་སུ་དྡྷ་ས་དྡྷཱ་བུ་དྡྷི་ཝཱི་རི་ཡ་པ་ཊི་མ་ཎྜི་ཏེ་ན སཱི་ལཱ་ཙཱ་ར་ཛྫ་ཝ་མ་དྡ་ཝཱ་དི་གུ་ཎ་ས་མུ་ད་ཡ་ས་མུ་དི་ཏེ་ན ས་ཀ་ས་མ་ཡ་ས་མ་ཡ་ནྟ་ར་ག་ཧ་ན་ཛ྄ཛྷོ་གཱ་ཧ་ཎ་ས་མ་ཏྠེ་ན པ་ཉྙཱ་ཝེ་ཡྻ་ཏྟི་ཡ་ས་མ་ནྣཱ་ག་ཏེ་ནཱ’’ཏི་ཨཱ་དི.
ཏ་ཏྠ ས་ཀ་ས་མ་ཡ་ས་མ་ཡ་ནྟ་ར་ག་ཧ་ན་ཛ྄ཛྷོ་གཱ་ཧ་ཎ་ས་མ་ཏྠེ་ནཱཏི པ་དེ་ན ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ མ་ཧཱ་ཝི་ཧཱ་ར་ཝཱ་སཱི་ནཾ ཝི་སུ་དྡྷ་ཏྠེ་ར་ཝཱ་དཱི་ནཾ དེ་ས་ནཱ་ན་ཡ་ས་ངྑཱ་ཏེ ས་ཀ་ས་མ་ཡེ ཙ མ་ཧཱ་ས་ངྒྷི་ཀཱ་དི་མ་ཧཱ་ཡཱ་ནི་ཀ་པ་རི་ཡོ་སཱ་ནཱ་ནཾ ནི་ཀཱ་ཡ་ནྟ་ར་བྷཱུ་ཏཱ་ནཾ པ་རེ་སཾ པི་ཊ་ཀ་ག་ནྠ་ནྟ་ར་ཝཱ་ད་ན་ཡ་ས་ངྑཱ་ཏེ པ་ར་ས་མ་ཡེ ཙ ཏ་ཐཱ ཏཾ་ཀཱ་ལི་ཀ་ཨ་ཉྙ་ཏི་ཏྠི་ཡ་ས་མ་ཎ་བྲཱ་ཧྨ་ཎཱ་ནཾ ཝེ་ད་ཏྟ་ཡཱ་དི་ས་ངྑཱ་ཏེ པ་ར་ས་མ་ཡེ ཙ ཀོ་ཝི་དོ, ཏེ་སཾ ས་ཀ་ས་མ་ཡ་པ་ར་ས་མ་ཡཱ་ནཾ དུ་རོ་གཱ་ཧ་དུ་བྦོ་དྷ་ཏྠ་ས་ངྑཱ་ཏེ ག་ཧ་ན་ཊྛཱ་ནེ་པི ཙ ཨོ་གཱ་ཧི་ཏུཾ ས་མ་ཏྠོ་ཏི དཱི་པེ་ཏི. པ་ཉྙཱ་ཝེ་ཡྻ་ཏྟི་ཡ་ས་མ་ནྣཱ་ག་ཏོཏི པ་དེ་ན ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ པོ་རཱ་ཎ་ཊྛ་ཀ་ཐཱ་ཡོ ས་ངྑི་པི་ཏུ་ཉྩ པ་ཊི་ས་ངྑ་རི་ཏུ་ཉྩ ས་མ་ཏྠོ་ཏི དཱི་པེ་ཏཱི་ཏི ཝེ་དི་ཏ་བྦོ.