མ་ར་མྨ་ར་ཊྛི་ཀ་བྷཱ་ཝ་ཀ་ཐཱ

ཨེ་ཀ་ཙྩེ པ་ན མ་ར་མྨ་ར་ཊྛི་ཀཱ ‘‘ཨཱ་ཙ་རི་ཡ་བུ་དྡྷ་གྷོ་སོ མ་ར་མྨ་ར་ཊྛེ ས་ཐུཾ ནཱ་མ ན་ག་ར་ཏོ སཱི་ཧ་ལ༹་དཱི་པཾ ག་ནྟྭཱ ས་ངྒ་ཧ་ཊྛ་ཀ་ཐཱ་ཡོ ཨ་ཀཱ་སཱི’’ཏི ཝ་ད་ནྟི. ཏཾ དྷ་མྨཱ་ན་ནྡེ་ན ཨ་ནུ་ཛཱ་ནི་ཏྭཱ ‘‘ཏ་མྤི ཐོ་ཀཾ ཡུ་ཏྟི་ས་མྤ་ནྣཾ, ཨ་ཧཾ ཨེ་ཝཾ ས་དྡ་ཧཱ་མི ‘བུ་དྡྷ་གྷོ་སོ ད་ཀྑི་ཎ་ཨི་ནྡི་ཡ་ར་ཊྛེ ཏེ་ལ་ངྒཛཱ་ཏི་ཀོ’ཏི, ཏེ་ལ་ངྒ་ཛཱ་ཏི་ཀཱ ཙ བ་ཧཱུ ཛ་ནཱ མ་ར་མྨར་ཊྛེ ཙ ཨི་ནྡོ་ཙི་ན ར་ཊྛེ ཙ ག་ནྟྭཱ ཝ་ས་ནྟི, ཏ་ལྷི་ང? ཨི་ཏི ཝོ་ཧཱ་རོ ཙ ཏ་ཏོ་ཡེ་ཝ ཏེ་ལ་ངྒ་པ་ད་ཏོ ཨུ་པྤ་ནྣོ. ཏ་ཐཱ ‘བུ་དྡྷ་གྷོ་སོ ཨ་ཊྛ་ཀ་ཐཱ་ཡོ ཀ་ཏྭཱ སཱི་ཧ་ལ༹་དཱི་པ་ཏོ མ་ར་མྨ་ར་ཊྛཾ ག་ནྟྭཱ པ་ཙྪི་མ་བྷཱ་གེ ཏ་ཏྠེ་ཝ ཝ་སཱི’ཏི་པི ག་ཧེ་ཏུཾ ས་ཀྐཱ, ཏ་སྶ ཧི ག་ནྠཱ མ་ར་མྨ་ར་ཊྛེ སཱི་ཧ་ལ༹་ར་ཊྛ་ཏོ་པི སུ་ར་ཀྑི་ཏ་ཏ་རཱ ཧོ་ནྟཱི’’ཏི ཙ ཝ་ཏྭཱ པ་ཏི་ཊྛཱ་པི་ཏཾ.