ཕཱ་ཧི་ཡ་མ་དྡྷཱ་ན་ཀྐ་མ་ཀ་ཐཱ
ཕཱ་ཧི་ཡནྣཱ་མེ་ན ཧི ཙི་ན་བྷི་ཀྑུ་ནཱ ༩༥༦-བུ་དྡྷ་ཝ་སྶེ སཱི་ཧ་ལ༹་དཱི་པ་ཏོ ས་ཀྐ་ཏ་བྷཱ་སཱ་རོ་པི་ཏཾ མ་ཧི་སཱ་ས་ཀ་ཝི་ན་ཡ་པི་ཊ་ཀ་ཉྩ དཱི་གྷཱ་ག་མོ ཙ སཾ་ཡུ་ཏྟཱ་ག་མོ ཙ ས་ནྣི་པཱ་ཏ་པི་ཊ་ཀ་ཉྩ ཨ་ཏྟ་ནཱ ས་ཧ ཙི་ན་ར་ཊྛ་མཱ་ནཱི་ཏ་ནྟི ཏ་སྶ ཨ་དྡྷཱ་ན་ཀྐ་མ་ཀ་ཐཱ་ཡཾ ད་སྶི་ཏཾ. ཏ་ཉྩ ས་བྦཾ ཨ་བྷ་ཡ་གི་རི་ཝི་ཧཱ་ར་ཏོ་ཡེ་ཝ ལ་དྡྷ་མ་སྶ, མ་ཧཱ་ཝི་ཧཱ་ར་ཝཱ་སཱི་ནཾ ས་ཀྐ་ཏཱ་རོ་པི་ཏ་པི་ཊ་ཀཱ་བྷཱ་ཝ་ཏོ. ཨ་ཊྛ་ཀ་ཐཱ་ཡཾ པ་ཊི་ཀྑི་ཏྟ་ཝ་ཎྞ་པི་ཊ་ཀཱ་དཱི་ནི ཙ ཏ་ཏྠེ་ཝ བྷ་ཝེ་ཡྻུཾ, མ་ཧཱ་ཝི་ཧཱ་ར་ཝཱ་སཱི་ཧི ཏེ་སཾ ཨ་པྤ་ཊི་གྒ་ཧི་ཏ་བྷཱ་ཝ་ཏོ. ཏ་ཐཱ ‘‘ཕཱ་ཧི་ཡ་མྦྷི་ཀྑུ་སྶ སཱི་ཧ་ལ༹་དཱི་པེ པ་ཊི་ཝ་ས་ན་ཀཱ་ལེ (༩༥༤-༩༥༦-བུ-ཝ) མ་ཧཱ་ཝི་ཧཱ་རེ ཏི་ས་ཧ་སྶ་མ་ཏྟཱ བྷི་ཀྑཱུ ཝ་ས་ནྟི, ཏེ ཐེ་ར་ཝཱ་ད་པི་ཊ་ཀ་མེ་ཝ ཨུ་གྒ་ཎྷ་ནྟི, ན མ་ཧཱ་ཡཱ་ན་པི་ཊ་ཀཾ. ཨ་བྷ་ཡ་གི་རི་ཝི་ཧཱ་རེ པ་ཉྩ་ས་ཧ་སྶ་མ་ཏྟཱ བྷི་ཀྑཱུ ཝ་ས་ནྟི, ཏེ པ་ན དྭེ་པི པི་ཊ་ཀཱ་ནི ཨུ་གྒ་ཎྷ་ནྟི མ་ཧཱ་ཡཱ་ན་པི་ཊ་ཀཉྩེ་ཝ ཐེ་ར་ཝཱ་ད་པི་ཊ་ཀཉྩཱ’’ཏི ཙ ཏེ་ནེ་ཝ ཙི་ན་བྷི་ཀྑུ་ནཱ ད་སྶི་ཏཾ.
ཡ་སྨཱ པ་ན ཨ་བྷ་ཡ་གི་རི་ཝཱ་སི་ནོ མ་ཧཱ་ཡཱ་ན་པི་ཊ་ཀ་མྤི ཨུ་གྒ་ཎྷ་ནྟི, ཏ་སྨཱ ཏ་སྨིཾ ཝི་ཧཱ་རེ མ་ཧཱ་ཡཱ་ནི་ཀཱ་ནཾ པ་དྷཱ་ནཱ་ཙ་རི་ཡ་བྷཱུ་ཏེ་ཧི ཨ་སྶ་གྷོ་ས་ནཱ་ག་ཛྫུ་ནེ་ཧི ཀ་ཏ་ག་ནྠཱ་པི སཾ་ཝི་ཛྫ་མཱ་ནཱ་ཡེ་ཝ བྷ་ཝེ་ཡྻུཾ, ཏ་ཏོ་ཡེ་ཝ ཏེ་སཾ ན་ཡ་ཉྩ ནཱ་མ་ཉྩ ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ་པི ཨ་ཉྙེ་པི ཏཾ་ཀཱ་ལི་ཀཱ མ་ཧཱ་ཝི་ཧཱ་ར་ཝཱ་སི་ནོ སུ་ཏ་ས་མྤ་ནྣཱ ཐེ་རཱ ཛཱ་ནེ་ཡྻུཾ་ཡེ་ཝ. ཨ་པི་ཙ ད་ཀྑི་ཎ་ཨི་ནྡི་ཡ་ར་ཊྛེ ས་མུ་དྡ་ས་མཱི་པེ གུ་ནྟཱ་ཛ་ན་པ་དེ ནཱ་གཱ་ར་ཛུ་ན་ཀོ་ཎྜཾ ནཱ་མ ཋཱ་ན་མ་ཏྠི, ཡ་ཏྠ ནཱ་ག་ཛྫུ་ནོ མ་ཧཱ་ཡཱ་ནི་ཀཱ་ནཾ པ་དྷཱ་ནཱ་ཙ་རི་ཡ་བྷཱུ་ཏོ ཝ་ས་ནྟོ བུ་དྡྷ་སཱ་ས་ནཾ པ་ཏི་ཊྛཱ་པེ་སི. ཨཱ་ཙ་རི་ཡ་བུ་དྡྷ་གྷོ་ས་སྶ ཙ ཏ་ནྡེ་སི་ཀ་བྷཱ་ཝ་ནི་མི་ཏྟཾ དི་སྶ་ཏི, ཏཾ པ་ཙྪ་ཏོ (༣༣-པི་ཊྛེ) ཨཱ་ཝི་བྷ་ཝི་སྶ་ཏི. ཏ་སྨཱ་པི ཨཱ་ཙ་རི་ཡ་བུ་དྡྷ་གྷོ་ས་ཏྠེ་རོ ནཱ་ག་ཛྫུ་ན་སྶ ཙ ཨ་སྶ་གྷོ་ས་སྶ ཙ ན་ཡ་ཉྩ ནཱ་མ་ཉྩ ཛཱ་ནེ་ཡྻ་ཡེ་ཝཱ་ཏི ས་ཀྐཱ ཨ་ནུ་མི་ནི་ཏུཾ.
ཛཱ་ན་ཏོ་ཡེ་ཝ པ་ན ཏེ་སཾ ན་ཡ་སྶ ཝཱ ནཱ་མ་སྶ ཝཱ ཨ་ཏྟ་ནོ ཨ་ཊྛ་ཀ་ཐཱ་ཡ་མ་པྤ་ཀཱ་ས་ནཾ ཏེ་སཾ ནི་ཀཱ་ཡ་ནྟ་ར་བྷཱ་ཝ་ཏོ་ཡེ་ཝ་སྶ. ཏ་ཐཱ ཧི ཏེ་སཾ ཨ་སྶ་གྷོ་ས་ནཱ་ག་ཛྫུ་ནཱ་ནཾ ཨ་སྶ་གྷོ་སོ [(༥༧༠-༦༧༠-བུ་དྡྷ་ཝ་སྶ་བྦྷ་ནྟ་རེ)] ཐེ་ར་ཝཱ་ད་ཏོ བྷི་ནྣེ་སུ ཨེ་ཀཱ་ད་ས་སུ ག་ཎེ་སུ ས་བྦ་ཏྠི་ཝཱ་ད་ག་ཎེ པ་རི་ཡཱ་པ་ནྣོ, ནཱ་ག་ཛྫུ་ནོ ཙ མ་ཧཱ་ས་ངྒྷི་ཀ-ཙེ་ཏི་ཡ་ཝཱ་དིག་ཎཱ་དཱི་ཧི ཛཱ་ཏེ མ་ཧཱ་ཡཱ་ན་ནི་ཀཱ་ཡེ པ་རི་ཡཱ་པ་ནྣོ, མ་ཧཱ་ཝི་ཧཱ་ར་ཝཱ་སི་ནོ ཙ ཨཱ་དི་ཏོ་ཡེ་ཝ པ་ཊྛཱ་ཡ ནི་ཀཱ་ཡ་ནྟ་ར་ས་མ་ཡེ་ཧི ཨ་ས་མྨི་སྶ་ན་ཏྠཾ ཨ་ཏྟ་ནོ པི་ཊ་ཀཾ ཨ་ཏཱི་ཝ ཨཱ་ད་རཾ ཀ་ཏྭཱ ར་ཀྑ་ནྟི, ཨ་ཡ་ཉྩ ཨཱ་ཙ་རི་ཡ་བུ་དྡྷ་གྷོ་སོ ཏེ་ས་མ་ཉྙ་ཏ་རོ. ཝུ་ཏྟ་ཉྷི ཏ་སྶ ག་ནྠ་ནི་ག་མ་ནེ་སུ ‘‘མ་ཧཱ་ཝི་ཧཱ་ར་ཝཱ་སཱི་ནཾ ཝཾ་སཱ་ལ་ངྐཱ་ར་བྷཱུ་ཏེ་ནཱ’’ཏི. ཏ་སྨཱ ‘‘ཨཱ་ཙ་རི་ཡ་བུ་དྡྷ་གྷོ་སོ ཏེ་སཾ ན་ཡཾ ཛཱ་ན་ནྟོ་ཡེ་ཝ ཨ་ཏྟ་ནོ ག་ནྠེ་སུ ནི་ཀཱ་ཡ་ནྟ་ར་ས་མ་ཡེ་ཧི ཨ་ས་མྨི་སྶ་ན་ཏྠཾ ན་པྤ་ཀཱ་སེ་སཱི’’ཏི ཝེ་དི་ཏ་བྦཾ.
ཨེ་ཏྟཱ་ཝ་ཏཱ ཙ ཡཱ་ནི ‘‘བོ་དྷི་མ་ཎྜ་ས་མཱི་པ་མྷི, ཛཱ་ཏོ བྲཱ་ཧྨ་ཎ་མཱ་ཎ་ཝོ’’ཏི་ཨཱ་དི་ནཱ ཝུ་ཏྟ་སྶ མ་ཧཱ་ཝཾ་ས་ཝ་ཙ་ན་སྶ ཝི་ཙཱ་ར་ཎ་མུ་ཁེ་ན ཨཱ་ཙ་རི་ཡ་བུ་དྡྷ་གྷོ་ས་སྶ ཝ་མྦྷ་ན་ཝ་ཙ་ནཱ་ནི དྷ་མྨཱ་ན་ནྡ་ཀོ་ས་མྦི་ནཱ ཝུ་ཏྟཱ་ནི, ཏཱ་ནི ཨ་མཱུ་ལ་ཀ་བྷཱ་ཝེ་ན ཨ་ནུ་ཝི་ཙཱ་རི་ཏཱ་ནི. ཏ་ཐཱ་པི ‘‘ཨཱ་ཙ་རི་ཡ་བུ་དྡྷ་གྷོ་སོ བོ་དྷི་མ་ཎྜ་ས་མཱི་པེ ཛཱ་ཏོ’’ཏི ཨེ་ཏཾ པ་ན ཨ་ཏྠཾ སཱ་དྷེ་ཏུཾ ད་ལ༹ྷ་ཀཱ་ར་ཎཾ ན དི་སྶ་ཏེ་ཝ ཋ་པེ་ཏྭཱ ཏཾ མ་ཧཱ་ཝཾ་ས་ཝ་ཙ་ནཾ, ཡ་མྤི བུ་དྡྷ་གྷོ་སུ་པྤ་ཏྟི་ཡཾ ཝུ་ཏྟཾ, ཏ་མྤི མ་ཧཱ་ཝཾ་ས་མེ་ཝ ནི་སྶཱ་ཡ ཝུ་ཏྟ་ཝ་ཙ་ན་ཏྟཱ ན ད་ལ༹ྷ་ཀཱ་ར་ཎཾ ཧོ་ཏཱི་ཏི.