སཱ་ག་ལི་ཡ་ནི་ཀཱ་ཡུ་པྤ་ཏྟི

པུ་ན་པི ཏེ ཨ་བྷ་ཡ་གི་རི་ཝཱ་སི་ནོ གོ་ཋཱ་བྷ་ཡར་ཉྙོ ཀཱ་ལེ (༧༩༧-༨༡༠-བུ-ཝ) ཝེ་ཏུ་ལླ་ཝཱ་དཾ ཏ་ཐེ་ཝ ད་སྶེ་ནྟི. ཏ་དཱ པ་ན ཏེ་སུ ཨུ་སྶི་ལི་ཡཱ་ཏི་སྶོ ནཱ་མ མ་ཧཱ་ཐེ་རོ ཝོ་ཧཱ་ར་ཀ་ཏི་སྶརཱ་ཛ་ཀཱ་ལེ ཝེ་ཏུ་ལླ་ཝཱ་དཱི་ནཾ བྷི་ཀྑཱུ་ནཾ ཀ་ཏ་ནི་གྒ་ཧཾ སུ་ཏྭཱ ‘‘ཝི་ཙཱ་ར་ཎ་ས་མྤ་ནྣ་སྶ ར་ཉྙོ ས་མ་ཡེ ཏ་ཐེ་ཝ བྷ་ཝེ་ཡྻ, ན བྷ་དྡ་ཀ་མེ་ཏ’’ནྟི ཙི་ནྟེ་ཏྭཱ ‘‘ན མ་ཡཾ ཏེ་ཧི ཨེ་ཀ་ཏོ ཧོ་མཱ’’ཏི ཏི་ས་ཏ་མ་ཏྟེ བྷི་ཀྑཱུ ག་ཧེ་ཏྭཱ ད་ཀྑི་ཎ་གི་རི་ཝི་ཧཱ་རཾ ག་ནྟྭཱ དྷ་མྨ་རུ་ཙི་ནི་ཀཱ་ཡཏོ ཝི་སུཾ ཧུ་ཏྭཱ ཝ་སི. ཏེ་སུ སཱ་ག་ལོ ནཱ་མ མ་ཧཱ་ཐེ་རོ ཏ་ཏྠེ་ཝ ད་ཀྑི་ཎ་གི་རི་མྷི ཝ་ས་ནྟོ ཨཱ་ག་མ་བྱཱ་ཁྱཱ་ན་མ་ཀཱ་སི. ཏ་ཏོ པ་ཊྛཱ་ཡ ཏཾ ཐེ་ར་མཱ་ར་བྦྷ ཏ་སྶ་ནྟེ་ཝཱ་སི་ནོ སཱ་ག་ལི་ཡཱ ནཱ་མ ཨ་ཧེ་སུཾ. ཏེ་ས་མྤི ཝཱ་དོ པ་ཙྪཱ མ་ཧཱ་སེ་ནརཱ་ཛ་ཀཱ་ལེ ཛེ་ཏ་ཝ་ན་ཝི་ཧཱ་རེ པ་ཏྠ་རི [ནི་ཀཱ་ཡ ༡༣-པི་ཊྛེ].