ཝེ་ཏུ་ལླ་ཝཱ་ད་སྶ དུ་ཏི་ཡ་ནི་གྒ་ཧོ
གོ་ཋཱ་བྷ་ཡོ པ་ན རཱ་ཛཱ པ་ཉྩ་སུ [མ་ཧཱ་ཝི་ཧཱ་ར, ཙེ་ཏི་ཡ, ཐཱུ་པཱ་རཱ་མ, ཨི་སྶ་ར་ས་མ་ཎ་ཀ, ཝེ་སྶ་གི་རི་ཝི་ཧཱ་ར་ས་ངྑཱ་ཏེ་སུ] ཝི་ཧཱ་རེ་སུ མ་ཧཱ་བྷི་ཀྑུ་ས་ངྒྷཾ ཨེ་ཀ་ཏོ ས་ནྣི་པཱ་ཏེ་ཏྭཱ ཏཾ པ་ཝ་ཏྟིཾ པུ་ཙྪི་ཏྭཱ ཝེ་ཏུ་ལླ་ཝཱ་ད་སྶ ཨ་བུ་དྡྷ་བྷཱ་སི་ཏ་བྷཱ་ཝཾ ཉ་ཏྭཱ ཏཾ་ཝཱ་དི་ནོ ས་ཊྛི པཱ་པ་བྷི་ཀྑཱུ ལ་ཀྑ་ཎཱ་ཧ་ཏེ ཀ་ཏྭཱ ར་ཊྛ་ཏོ པ་བྦཱ་ཛེ་སི, ཝེ་ཏུ་ལླ་པོ་ཏྠ་ཀཱ་ནི ཙ ཛྷཱ་པེ་ཏྭཱ བུ་དྡྷ་སཱ་ས་ནཾ ཛོ་ཏེ་སི [མ་ཧཱ་ཝཾ་སེ ༣༦, ༡༡༡-༡༡༢-གཱ་ཐཱ་སུ, ནི་ཀཱ་ཡ ༡༣-པི་ཊྛེ].
ཏ་དཱ ར་ཊྛ་ཏོ པ་བྦཱ་ཛི་ཏེ་སུ ཏེ་སུ བྷི་ཀྑཱུ་སུ ཀེ་ཙི ཀཱ་ཝཱི་ར་པ་ཊྚ་ནཾ ག་ནྟྭཱ ཏ་ཏྠ ཝ་ས་ནྟི. ཏ་སྨི་ཉྩ ས་མ་ཡེ ཨེ་ཀོ ཨ་ཉྙ་ཏི་ཏྠི་ཡ་མཱ་ཎ་ཝ་ཀོ དེ་ས་ནྟ་ར་ཏོ ཀཱ་ཝཱི་ར་མཱ་ག་ནྟྭཱ པ་ཊྚ་ན་གཱ་མི་ཀེ་ཧི ཏེ་སཾ བྷི་ཀྑཱུ་ནཾ ཀ་ཏཱུ་པ་ཧཱ་རཾ དི་སྭཱ ལཱ་བྷ་ས་ཀྐཱ་རཾ ནི་སྶཱ་ཡ ཏེ་སཾ ས་ནྟི་ཀེ པ་བྦ་ཛི་ཏྭཱ ས་ངྒྷ་མི་ཏྟོཏི ནཱ་མེ་ན པཱ་ཀ་ཊོ ཨ་ཧོ་སི. སོ མ་ཧཱ་ཝི་ཧཱ་ར་ཝཱ་སཱི་ནཾ དྷ་མྨ་ཝི་ནི་ཙྪ་ཡཾ ནི་སྶཱ་ཡ གོ་ཋཱ་བྷ་ཡ་ར་ཉྙཱ ཝེ་ཏུ་ལླ་ཝཱ་ད་ཧེ་ཏུ ཏེ་སཾ བྷི་ཀྑཱུ་ནཾ ར་ཊྛཱ པ་བྦཱ་ཛི་ཏ་བྷཱ་ཝཾ ཉ་ཏྭཱ མ་ཧཱ་ཝི་ཧཱ་ར་ཝཱ་སཱི་ནཾ ཀུ་དྡྷོ ཧུ་ཏྭཱ ‘‘ཝེ་ཏུ་ལླ་ཝཱ་དཾ ཝཱ ནེ གཱ་ཧཱ་པེ་སྶཱ་མི, ཝི་ཧཱ་རེ ཝཱ ནེ་སཾ ཨུ་མྨཱུ་ལེ་ཏྭཱ ཝི་ནཱ་སེ་སྶཱ་མཱི’’ཏི སཱི་ཧ་ལ༹་དཱི་པཾ ག་ནྟྭཱ རཱ་ཛཱ་ནཾ པ་སཱ་དེ་ཏྭཱ ཏ་སྶ དྭེ པུ་ཏྟེ སི་པྤཾ སི་ཀྑཱ་པེ་སྶཱ་མཱི་ཏི ཨཱ་ར་བྷི. ཏ་ཐཱ་པི ཨ་ཏྟ་ནོ ཝཱ་ད་སྶ ཛཱ་ན་ན་ས་མ་ཏྠཾ ཛེ་ཊྛ་ཏི་སྶཾ ཨོ་ཧཱ་ཡ ཨ་ནཱ་ག་ཏེ ཨ་ཏྟ་ནོ ཝ་ཙ་ནཾ ཀཱ་རཱ་པེ་ཏུཾ ས་ཀྐུ་ཎེ་ཡྻཾ ཀ་ནི་ཊྛཾ མ་ཧཱ་སེ་ན་ཀུ་མཱ་རམེ་ཝ ས་ངྒ་ཎྷི་ཏྭཱ སི་པྤཾ སི་ཀྑཱ་པེ་སི. ཝི་ཏུ་ནོ ཨ་ཙྩ་ཡེ་ན ཛེ་ཊྛ་ཏི་སྶ་ཀུ་མཱ་རེ ར་ཛྫཾ པ་ཏྟེ (༨༡༠-༨༡༩-བུ-ཝ) སོ ཏ་སྶ ར་ཉྙོ བྷཱི་ཏོ ཀཱ་ཝཱི་ར་པ་ཊྚ་ན་མེ་ཝ ག་ཏོ [མ་ཧཱ་ཝཾ་སེ ༣༦, ༡༡༣-གཱ་ཐཱ་དཱི་སུ, ནི་ཀཱ་ཡ ༡༤-པི་ཊྛེ].
མ་ཧཱ་སེ་ནར་ཉྙོ པ་ན ཀཱ་ལེ (༨༡༩-༨༤༥-བུ-ཝ) སོ པུ་ན སཱི་ཧ་ལ༹་དཱི་པ་མཱ་ག་ནྟྭཱ ཨ་བྷ་ཡ་གི་རི་ཝི་ཧཱ་རེ ཝ་ས་ནྟོ མ་ཧཱ་ཝི་ཧཱ་ར་ཝཱ་སཱི་ཧི ཝེ་ཏུ་ལླ་ཝཱ་དཾ གཱ་ཧཱ་པེ་ཏུཾ ནཱ་ནཱ་པ་ཀཱ་རེ་ཧི ཝཱ་ཡཱ་མ་མ་ཀཱ་སི. ཏ་ཐཱ་པི ཏེ་ཧི ཏཾ གཱ་ཧཱ་པེ་ཏུཾ ཨ་ས་ཀྐོ་ནྟོ རཱ་ཛཱ་ནཾ ཨུ་པ་ས་ངྐ་མི་ཏྭཱ ནཱ་ནཱ་ཀཱ་ར་ཎེ་ཧི ས་ཉྙཱ་པེ་ཏྭཱ ‘‘ཡོ ཀོ་ཙི ཨེ་ཀ་སྶ་པི བྷི་ཀྑུ་སྶ མ་ཧཱ་ཝི་ཧཱ་ར་ཝཱ་སི་ནོ ཨཱ་ཧཱ་རཾ ད་དེ་ཡྻ, ཏ་སྶ ས་ཏཾ ད་ཎྜོ’’ཏི ར་ཉྙོ ཨཱ་ཎཱ་ཡ ན་ག་རེ བྷེ་རིཾ ཙ་རཱ་པེ་སི. ཏ་དཱ མ་ཧཱ་ཝི་ཧཱ་ར་ཝཱ་སི་ནོ ན་ག་རེ པི་ཎྜཱ་ཡ ཙ་ར་ནྟཱ ཏ་ཡོ དི་ཝ་སེ བྷི་ཀྑ་མ་ལ་དྡྷཱ མ་ཧཱ་པཱ་སཱ་དེ ས་ནྣི་པ་ཏི་ཏྭཱ ‘‘ས་ཙེ མ་ཡཾ ཁུ་དཱ་ཧེ་ཏུ ཨ་དྷ་མྨཾ དྷ་མྨོ་ཏི ག་ཎྷེ་ཡྻཱ་མ, བ་ཧཱུ ཛ་ནཱ ཏཾ ག་ཧེ་ཏྭཱ ཨ་པཱ་ཡ་གཱ་མི་ནོ བྷ་ཝི་སྶ་ནྟི, མ་ཡ་ཉྩ ས་བྦེ སཱ་ཝ་ཛྫཱ བྷ་ཝི་སྶཱ་མ, ཏ་སྨཱ ན མ་ཡཾ ཛཱི་ཝི་ཏ་ཧེ་ཏུ་པི ཝེ་ཏུ་ལླ་ཝཱ་དཾ པ་ཊི་གྒ་ཎྷི་སྶཱ་མཱ’’ཏི ས་མྨ་ནྟ་ཡི་ཏྭཱ མ་ཧཱ་ཝི་ཧཱ་རཱ་དི་ཀེ ས་བྦ་ཝི་ཧཱ་རེ ཚ་ཌྜེ་ཏྭཱ རོ་ཧ་ཎ་ཛ་ན་པ་དཉྩ མ་ལ་ཡ་པ་དེ་སཉྩ ཨ་ག་མིཾ་སུ [མ་ཧཱ་ཝཾ་སེ ༣༧, ༢-༦-གཱ་ཐཱ་སུ. ནི་ཀཱ་ཡ་ས་ངྒ་ཧེ ༡༤-པི་ཊྛེ].