༡༩. ས་བྦ་ག་ཎ་ཝི་ནི་ཙྪ་ཡ
ཨི་ཏོ པ་རཾ པ་ཝ་ཀྑཱ་མི, ས་བྦ་ག་ཎ་ཝི་ནི་ཙྪ་ཡཾ;
སོ་ཏཱུ་ནཾ པ་ཊུ་བྷཱ་ཝ་ཏྠཾ, པ་ར་མེ པི་ཊ་ཀ་ཏྟ་ཡེ.
པ་ཙྩ་ཡཱ་དི་ཝི་བྷཱ་གེ་ཧི, ན་ཡེ་ཧི ཝི་ཝི་དྷེ་ཧི ཏཾ;
སུ་ཁ་གྒཱ་ཧཱ་ཡ སོ་ཏཱུ་ནཾ, སུ་ཎཱ་ཐ མ་མ བྷཱ་ས་ཏོ.
ཏ་ཏྠ པ་ཋ་མོ བྷཱུ་ཝཱ་དིག་ཎོ, དུ་ཏི་ཡོ རུ་དྷཱ་དིག་ཎོ, ཏ་ཏི་ཡོ དི་ཝཱ་དིག་ཎོ, ཙ་ཏུ་ཏྠོ སྭཱ་དིགུ་ཎོ, པ་ཉྩ་མོ ཀི་ཡཱ་དིག་ཎོ, ཚ་ཊྛོ ག་ཧཱ་དིག་ཎོ, ས་ཏྟ་མོ ཏ་ནཱ་དིག་ཎོ, ཨ་ཊྛ་མོ ཙུ་རཱ་དིག་ཎོ, ཨི་མ་སྨིཾ བྷ་ག་ཝ་ཏོ པཱ་ཝ་ཙ་ནེ ཨ་ཊྛ་ཝི་དྷཱ དྷཱ་ཏུ་ག་ཎཱ བྷ་ཝ་ནྟི. ཨེ་ཏེ་སུ ཝི་ཀ་ར་ཎ་པ་ཙྩ་ཡ་ཝ་སེ་ན –
བྷཱུ་ཝཱ་དིཏོ ཨ་ཀཱ་རོ ཙ, སཱ་ནུ་སཱ་རོ རུ་དྷཱ་དིཏོ;
ཨ་ཀཱ་རོ ཙེཝིཝ་ཎྞོ ཙ, ཨེཀཱརོཀཱ་ར་མེ་ཝ ཙ.
ཡཔ་ཙྩ་ཡོ དི་ཝཱ་དིམྷཱ, ཎུ ཎཱ ཨུ་ཎཱ སུ་ཝཱ་དིཏོ;
ཀྱཱ་དིཏོ པ་ན ནཱཡེ་ཝ, པྤ་ཎྷཱ པ་ན ག་ཧཱ་དིཏོ.
ཨོ་ཡི་རཱ ཏུ ཏ་ནཱ་དིམྷཱ, ཎེ ཎ་ཡཱ ཙ ཙུ་རཱ་དིཏོ;
ཨ་གྒ་ཧི་ཏ་གྒ་ཧ་ཎེ་ན, པ་ཙྩ་ཡཱ ད་ས པ་ཉྩ ཙ.
ཧི་ཡྻ་ཏྟ་ནཱི ས་ཏྟ་མཱི ཙ, ཝ་ཏྟ་མཱ་ནཱ ཙ པ་ཉྩ་མཱི;
ཙ་ཏ་སྶེ་ཏཱ པ་ཝུ་ཙྩ་ནྟི, ས་བྦ་དྷཱ་ཏུ་ཀ་ནཱ་མི་ཀཱ.
ཨེ་ཏེ་སུ ཝི་ས་ཡེ་སྭེ་ཝ, ཨཀཱ་རོ སུ་དྡྷ་ཀ་ཏྟ་རི;
ཨ་ཉྙ་ཏྲ ཁ ཚ སཱདཱི་ཧི, ས་ཧཱ་པི ཙུ་པ་ལ་བྦྷ་ཏི.
‘‘བྷ་ཝ་ཏི ཧོ་ཏི ས་མྦྷོ་ཏི, ཛེ་ཏི ཛ་ཡ་ཏི ཀཱི་ཡ་ཏི;
ཌེ་ཏི ཡཱ་ཏི ཨི་ཏི ཨེ་ཏི, ཨ་ཝ་ཏི ཀོ་ཏི ས་ངྐ་ཏི.
བྷི་ཀྑ་ཏི པི་ཝ་ཏི པཱ་ཏི, ཝ་དེ་ཏི ཝ་ད་ཏི’’ ཨི་ཏི;
བྷཱུ་ཝཱ་དིདྷཱ་ཏུ་རཱུ་པཱ་ནི, བྷ་ཝ་ནྟཱི་ཏི པ་ཀཱ་ས་ཡེ.
རཱུ་པཾ ‘‘རུ་ནྡྷ་ཏི རུ་ནྡྷཱི་ཏི, རུ་ནྡྷེ་ཏི པུ་ན རུ་ནྡྷི་ཏི;
སུ་མྦྷོ་ཏི’’ཙྩཱ་དཱི་རཱུ་པཱ་ནི, རུ་དྷཱ་དཱིནྟི དཱི་པ་ཡེ.
‘‘དི་བྦ་ཏི སི་བྦ་ཏི ཙེ་ཝ, ཡུ་ཛྫ་ཏི ཝི་ཛྫ་ཏི ཏ་ཐཱ;
གྷཱ་ཡ་ཏི ཧཱ་ཡ་ཏི’’ཙྩཱ་དི, རཱུ་པ་མཱ་ཧུ དི་ཝཱ་དིནཾ.
‘‘སུ་ཎོ་ཏི ཙ སུ་ཎཱ་ཏི ཙ, ཝུ་ཎོ་ཏི ཙ ཝུ་ཎཱ་ཏི ཙ;
པཱ་པུ་ཎཱ་ཏི ཧི་ནོ་ཏཱི’’ཏི, ཨཱ་དི་རཱུ་པཾ སུ་ཝཱ་དིནཾ.
‘‘ཀི་ནཱ་ཏི ཙ ཛི་ནཱ་ཏི ཙ, དྷུ་ནཱ་ཏི ཙ མུ་ནཱ་ཏི ཙ;
ཨ་སྣཱ་ཏི’’ཙྩཱ་དི་རཱུ་པ་ཉྩ, ཀྱཱ་དཱི་ནནྟི ཝི་བྷཱ་ཝ་ཡེ.
‘‘གྷེ་པྤ་ཏི པ་ཊི་གྒ་ཎྷཱ་ཏི, ས་ཎྷ་ཉྩ ས་ཎྷ་ཀོ་ཏི ཙ;
ཀ་ཎྷཾ ཏ་ཎྷཱ ཙ ཏི་ཎྷུ་ཎྷ’’-མི་ཙྩཱ་དི ཙ ག་ཧཱ་དིནཾ.
‘‘ཏ་ནོ་ཏི ཙ ཀ་རོ་ཏི ཙ, ཀ་ཡི་ར་ཏི ས་ནོ་ཏི ཙ;
ས་ཀྐོ་ཏ’པྤོ་ཏི པ་པྤོ་ཏི’’-ཙྩཱ་དི་རཱུ་པཾ ཏ་ནཱ་དིནཾ.
‘‘ཙོ་རེ་ཏི ཙོ་ར་ཡ་ནྟེ ཙ, ཙི་ནྟེ་ཏི ཙི་ནྟ་ཡ་ནྟི ཙ;
མ་ནྟེ་ཏི’’ཙྩཱ་དི་ཀ་ཉྩཱ་པི, རཱུ་པ་མཱ་ཧུ ཙུ་རཱ་དིནཾ.
ཝི་ཀ་ར་ཎ་ཝ་སེ་ནེ་ཝཾ, རཱུ་པ་བྷེ་དོ པ་ཀཱ་སི་ཏོ;
དྷཱ་ཏཱུ་ནཾ དྷཱ་ཏུ་བྷེ་དཱ་དི-ཀུ་ས་ལ་སྶ མ་ཏཱ་ནུ་གོ.
ཀི་རི་ཡཱ་ཡ དྷཱ་ར་ཎ་ཏོ, དྷཱ་ཏ་ཝོ ཨེ་ཀ་དྷཱ མ་ཏཱ;
དྭི་དྷཱ་པི ཙ པ་ཝུ་ཙྩ་ནྟི, ས་ཀ་མྨཱ་ཀ་མྨ་ཏོ པ་ན.
ཏ་ཏྠ ས་ཀ་མྨ་ཀཱ ནཱ་མ, ག་མི་བྷ་ཀྑཱད་ཡཱ སི་ཡུཾ;
ཋཱ་སཱད་ཡོ ཨ་ཀ་མྨཱ ཙ, ཨུ་པ་ས་གྒཾ ཝི་ནཱ ཝ་དེ;
ས་ཀ་མྨ་ཀ་ཀ་མྨ་བྷཱུ་ཏོ, དི་ཝུ ཨི་ཙྩཱ་ད་ཡོ པུ་ན;
ག་ཧེ་ཏྭཱ་ན ཏི་དྷཱ ཧོ་ནྟི, ཨེ་ཝ་ཉྩཱ་པི ཝི་བྷཱ་ཝ་ཡེ.
ས་ཀ་མྨ་ཀེ དྭི་དྷཱ བྷི་ཏྭཱ, ཨེ་ཀ་ཀ་མྨ་དྭི་ཀ་མྨ་ཏོ;
ཨ་ཀ་མྨ་ཀེ་ཧི ས་དྡྷིཾ ཏེ, ཏི་ཝི་དྷཱ་པི བྷ་ཝ་ནྟི ཧི.
ཨ་ཀ་མྨ་ཀཱ རུ་ཏཱཡེ་ཝ, ཨེ་ཀ་ཀ་མྨཱ ག་མཱད་ཡོ;
ཧོ་ནྟི དྭི་ཀ་མྨ་ཀཱ ནཱ་མ, དུ་ཧི་ཀ་ར་ཝ་ཧཱད་ཡོ.
ས་ཀ་མྨཱ་ཀ་མྨ་ཀ་ཏྟ་མྷི, དྷཱ་ཏཱུ་ན་མུ་པ་ས་གྒ་ཏོ;
ནི་ཡ་མོ ན་ཏྠི སོ ཏ་སྨཱ, ན མ་ཡཱ ཨེ་ཏྠ ཝུ་ཙྩ་ཏི.
ཨེ་ཀ་ཊྛཱ་ནཱ ག་མིཙྩཱ་དཱི, དྭི་ཊྛཱ་ནཱ བྷཱུ་པ་ཙཱད་ཡོ;
ཏི་ཊྛཱ་ནཱ སྭཱད་ཡོ ཨེ་ཝཾ, ཋཱ་ན་ཏོ་པི ཏི་དྷཱ མ་ཏཱ.
གུ་པཱད་ཡོ ནི་ཡོ་གེ་ན, ཨཱ་ཁྱཱ་ཏ་ཏྟེ ས་ཝུ་དྡྷི་ཀཱ;
ཝ་ཙ ཏུ་རཱད་ཡོ ན ཧི, ཝུ་དྡྷི་ཀཱ ཀཱ་རི་ཏཾ ཝི་ནཱ;
ཁི ཛི ཨི་ཙྩཱ་ད་ཡོ དྷཱ་ཏཱུ, ས་ཝུ་དྡྷཱ་ཝུ་དྡྷི་ཀཱ མ་ཏཱ;
ཨི་ཏི ཝུ་དྡྷི་ཝ་སེ་ནཱ་པི, ཏི་ཝི་དྷོ དྷཱ་ཏུ་ས་ངྒ་ཧོ.
ཨ་ལུ་ཏྟ་ཝི་ཀ་ར་ཎཱ ཙ, ལུ་ཏྟ་ཝི་ཀ་ར་ཎཱ ཏ་ཐཱ;
ལུ་ཏྟཱ་ལུ་ཏྟ་ཝི་ཀ་ར་ཎཱ, ཨེ་ཝ་མྤི ཏི་ཝི་དྷཱ སི་ཡུཾ.
ཏ་ཏྲཱ་ལུ་ཏྟ་ཝི་ཀ་ར་ཎཱ, ག་མི རུ་དྷི དི་ཝཱད་ཡོ;
པཱ བྷཱད་ཡོ ཛི་ནིཙྩཱ་དཱི, ཀ་མ་ཏོ ཨི་ཏ་རེ སི་ཡུཾ.
སུ་དྡྷ་སྶ་རཱ ཨེ་ཀ་སྶ་རཱ, ཏ་ཐཱ་ནེ་ཀ་སྶ་རཱ་ཏི ཙ;
ཏི་དྷཱ བྷ་ཝ་ནྟི ཡུ་ཡཱ་ཏཱ-པཱ་བྷཱ་ལཱ་དཱི ཀ་རཱད་ཡོ.
ཙ་ཏུ་དྷཱ་དི་ན་ཡོ ཙཱ་པི, ལ་བྦྷ་མཱ་ན་ཝ་སེ་ན ཙ;
ག་ཧེ་ཏ་བྦོ ན་ཡ་ཉྙཱུ་ཧི, ཡ་ཐཱ་ཝུ་ཏྟཱ་ནུ་སཱ་ར་ཏོ.
པུ་ན སུ་དྡྷ་སྶ་རཱ དྷཱ་ཏཱུ, ཨེ་ཀ་སྶ་རཱ ཙ ས་ཏྟ་དྷཱ;
ཨཱ་ཨི་ཝ་ཎྞ་ཨུ་ཝ་ཎྞ་ནྟ-ཨེ་ཨོནྟ་ཝ་སཱ མ་ཏཱ.
ཨ་ཝ་ཎྞི་ཝ་ཎྞུ་ཝ་ཎྞ་ནྟེ-ཀཱ་ར་ནྟཱ་ནཾ ཝ་སེ་ན ཝེ;
ཨ་ནེ་ཀ་སྶ་ར་དྷཱ་ཏཱུ ཙ, ས་ཏྟ་དྷཱ་ཝ པ་ཀི་ཏྟི་ཏཱ.
ཨེ་ཝཾ པ་ནྣ་ར་ས་དྷཱ་པི, དྷཱ་ཏཱུ་ན་མི་དྷ ས་ངྒ་ཧོ;
ཏ་པྤ་བྷེ་དཾ པ་ཀཱ་སེ་ཡྻུཾ, ཨི་ཨུཨི་ཙྩཱ་དི་ནཱ ཝི་དཱུ.
ཏ་ཏྲ ‘‘ཨིག་ཏི་ཡཾ, ཨི ཨ་ཛ྄ཛྷ་ཡ་ནེ, ཨུ ས་དྡེ’’ ཨི་ཙྩེ་ཏེ སུ་དྡྷ་སྶ་རཱ དྷཱ་ཏ་ཝོ. ཡཱ རཱ ལཱ ཨི་ཙྩཱ་ད་ཡོ ཨེ་ཀ་སྶ་རཱ ཨཱཀཱ་ར་ནྟཱ. ཁི་ཛི་ནིཨི་ཙྩཱ་ད་ཡོ ཨེ་ཀ་སྶ་རཱ ཨིཀཱ་ར་ནྟཱ. པཱིཨི་ཙྩཱ་ད་ཡོ ཨེ་ཀ་སྶ་རཱ ཨཱིཀཱ་ར་ནྟཱ. ཁུ དུ ཀུ ཨི་ཙྩཱ་ད་ཡོ ཨེ་ཀ་སྶ་རཱ ཨུཀཱ་ར་ནྟཱ, བྷཱུ ཧཱུ ཨི་ཙྩཱ་ད་ཡོ ཨེ་ཀ་སྶ་རཱ ཨཱུཀཱ་ར་ནྟཱ. ཁེ ཛེ སེ ཨི་ཙྩཱ་ད་ཡོ ཨེ་ཀ་སྶ་རཱ ཨེ་ཀཱ་ར་ནྟཱ. སོ ཨི་ཙྩཱ་ད་ཡོ ཨེ་ཀ་སྶ་རཱ ཨོཀཱ་ར་ནྟཱ.
ཀ་ར པ་ཙ ས་ངྒཱ་མ ཨི་ཙྩཱ་ད་ཡོ ཨ་ནེ་ཀ་སྶ་རཱ ཨཀཱ་ར་ནྟཱ, ཨོ་མཱཨི་ཙྩཱ་ད་ཡོ ཨ་ནེ་ཀ་སྶ་རཱ ཨཱཀཱ་ར་ནྟཱ, ས་ཀི ཨི་ཙྩཱ་ད་ཡོ ཨ་ནེ་ཀ་སྶ་རཱ ཨིཀཱ་ར་ནྟཱ. ཙ་ཀྑཱི ཨི་ཙྩཱ་ད་ཡོ ཨ་ནེ་ཀ་སྶ་རཱ ཨཱིཀཱ་ར་ནྟཱ. ཨ་ནྡྷུཨི་ཙྩཱ་ད་ཡོ ཨ་ནེ་ཀ་སྶ་རཱ ཨུཀཱ་ར་ནྟཱ. ཀ་ཀྑཱུ ཨི་ཙྩཱ་ད་ཡོ ཨ་ནེ་ཀ་སྶ་རཱ ཨཱུཀཱ་ར་ནྟཱ. གི་ལེ མི་ལེ ཨི་ཙྩཱ་ད་ཡོ ཨ་ནེ་ཀ་སྶ་རཱ ཨེཀཱ་ར་ནྟཱ་ཏི ཨེ་ཝཾ པ་ནྣ་ར་ས་ཝི་དྷེ་ན དྷཱ་ཏུ་ས་ངྒ་ཧོ.
ཨ་ཐ ཏེ་ཏྟིཾ་ས་ཝི་དྷེ་ན་པི དྷཱ་ཏུ་ས་ངྒ་ཧོ བྷ་ཝ་ཏི. ཀ་ཐཾ?
དྷཱ་ཏཱུ སུ་དྡྷ་སྶ་རཱ ཙེ་ཝ, པུ་ན ཙེ་ཀ་སྶ་རཱ་པི ཙ;
ཀཀཱ་ར་ནྟཱ ཁཀཱ་ར་ནྟཱ, ག་ནྟཱ གྷནྟཱ ཙ དྷཱ་ཏ་ཝོ.
ཙཀཱ་ར་ནྟཱ ཚ་ཀཱ་ར་ནྟཱ, ཛནྟཱ ཛྷནྟཱ ཙ ཉནྟ་ཀཱ;
ཊཀཱ་ར་ནྟཱ ཋཀཱ་ར་ནྟཱ, ཌ་ནྟཱ ཌྷ་ནྟཱ ཙ ཎནྟ་ཀཱ.
ཏནྟཱ ཙེ་ཝ ཏ་ཐཱ ཐནྟཱ, དནྟཱ དྷནྟཱ ཙ ནནྟ་ཀཱ;
པནྟཱ ཕནྟཱ བཀཱ་ར་ནྟཱ, བྷནྟཱ མནྟཱ ཙ ཡནྟ་ཀཱ.
རནྟཱ ལནྟཱ ཝཀཱ་ར་ནྟཱ, སནྟཱ ཧནྟཱ ཙ ལ༹ནྟ་ཀཱ;
ཨི་ཏི ཏེ་ཏྟིཾ་ས་དྷཱ ཉེ་ཡྻོ, དྷཱ་ཏཱུ་ན་མི་དྷ ས་ངྒ་ཧོ.
མ་ཏེ ས་ཏྠུ་སྶ ཌྷ་ཎ་ལཱ༹, པ་དཱ་དི་མྷི ན དི་སྶ་རེ;
ཏེ་ནེ་ཀ་སྶ་ར་དྷཱ་ཏཱུ་སུ, ཌྷ་ཎ་ལཱ༹ ན ཀ་ཐཱི་ཡ་རེ.
ཨིཀཱ་ར་ནྟཏིཀཱ་ར་ནྟ-ཝ་སེ་ན ཏུ ཡ་ཐཱ་ར་ཧཾ;
ནཱ་མཾ ས་མྦྷོ་ཏི དྷཱ་ཏཱུ་ནཾ, ཨི་ཏིཔྤ་ཙྩ་ཡ་ཡོ་ག་ཏོ.
པ་ཙི་བྷི་ཀྑི་ཚི་དི་ཁཱ་དི, ཀ་རོ་ཏི བྷ་ཝ་ཏི ག་མི;
ག་ཏི་ག་ཙྪ་ཏི་ཧོ་ཏཱིཏི, ཨཱ་དི་ཝོ་ཧཱ་ར་མུ་དྡྷ་རེ.
ཨེ་ཝཾ ཏེ་ཏྟིཾ་ས་བྷེ་དེ་ཧི ག་ཧི་ཏེ་སུ ནི་ཁི་ལེ་སུ དྷཱ་ཏཱུ་སུ –
ས་ཧ་ཧིཾ་ས་ཨཱི་ཧཝ་སཱ, སཱི་ཧས་དྡ་ག་ཏིཾ ཝ་དེ;
ས་ཧ་ན་ཏོ ཧ་ན་ན་ཏོ, སཱི་ཧོ་ཏི ཧི ག་རཱུ ཝ་དུཾ.
ཏ་ཐཱ ཧི སཱི་ཧོ ཝཱ་ཏཱ་ཏ་པཱ་དི་པ་རི་སྶ་ཡ་མྤི ས་ཧ་ཏི, ‘‘ཀིཾ མེ བ་ཧཱུ་ཧི གྷཱ་ཊི་ཏེ་ཧཱི’’ཏི ཨ་ཏྟ་ནོ གོ་ཙ་ར་ཏྠཱ་ཡ ཁུ་དྡ་ཀེ པཱ་ཎེ ཨ་ག་ཎྷ་ནྟོ, ‘‘མཱ་ཧཾ ཁུ་དྡ་ཀེ པཱ་ཎེ ཝི་ས་མ་ག་ཏེ ས་ངྒྷཱ་ཏཾ ཨཱ་པཱ་དེ་སཱི’’ཏི ཨ་ནུ་དྡ་ཡ་ཝ་སེ་ན ས་ཧི་ཏ་བྦེ ཁུ་དྡ་ཀ་ས་ཏྟེ་པི ས་ཧ་ཏི. ཧིཾ་སི་ཏ་བྦེ པ་ན ཀཱ་ཡཱུ་པ་པ་ནྣེ སཱུ་ཀ་ར་མ་ཧིཾ་སཱ་ད་ཡོ ས་ཏྟེ ཧིཾ་ས་ཏི, ཏ་སྨཱ་པི ‘‘སཱི་ཧོ’’ཏི ཝུ་ཙྩ་ཏི. ཡ་ཐཱ པ་ན ཀ་ནྟ་ན་ཊྛེ་ན ཨཱ་དི་ཨ་ནྟ་ཝི་པ་ལླཱ་ས་ཏོ ཏ་ཀྐཾ ཝུ་ཙྩ་ཏི, ཨེ་ཝཾ ཧིཾ་ས་ན་ཊྛེ་ན་པི སཱི་ཧོ་ཏི ཝེ་དི་ཏ་བྦོ. ཨ་ཐ ཝཱ ས་བྦི་རི་ཡཱ་པ་ཐེ་སུ ད་ལ༹ྷ་ཝཱི་རི་ཡ་ཏྟཱ སུ་ཊྛུ ཨཱི་ཧ་ཏཱི་ཏི སཱི་ཧོ. ཝུ་ཏྟ་ཉྷི –
‘‘ཡ་ཐཱ སཱི་ཧོ མི་ག་རཱ་ཛཱ, ནི་ས་ཛྫ་ཊྛཱ་ན་ཙ་ངྐ་མེ;
ཨ་ལཱི་ན་ཝཱི་རི་ཡོ ཧོ་ཏི, པ་གྒ་ཧི་ཏ་མ་ནོ ས་དཱ’’ཏི.
ཨ་པ་རོ ན་ཡོ –
ས་ཧ་ནཱ ཙ ཧིཾ་ས་ནཱ ཙ, ཏ་ཐཱ སཱི་གྷ་ཛ་ཝ་ཏྟ་ཏོ;
སཱི་ཧོ ཨི་ཙྩ་པི བྷཱ་སེ་ཡྻ, ས་ཀྱ་སཱི་ཧ་སྶ སཱ་ས་ནེ.
ཝུ་ཏྟ་ཉྷི སུ་ཏྟ་ནི་པཱ་ཏ་ཊྛ་ཀ་ཐཱ་ཡཾ ‘‘ས་ཧ་རཱ ཙ ཧ་ན་ནཱ ཙ སཱི་གྷ་ཛ་ཝ་ཏྟཱ ཙ སཱི་ཧོ’’ཏི.
ཨི་དཱ་ནི ཏ་ད་ཏྠུ་དྡྷཱ་རོ ཝུ་ཙྩ་ཏེ, སཱི་ཧས་དྡོ ‘‘སཱི་ཧོ བྷི་ཀྑ་ཝེ མི་ག་རཱ་ཛཱ’’ཏི་ཨཱ་དཱི་སུ མི་ག་རཱ་ཛེ ཨཱ་ག་ཏོ. ‘‘ཨ་ཐ ཁོ སཱི་ཧོ སེ་ནཱ་པ་ཏི ཡེ་ན བྷ་ག་ཝཱ ཏེ་ནུ་པ་ས་ངྐ་མཱི’’ཏི་ཨཱ་དཱི་སུ པ་ཉྙ་ཏྟི་ཡཾ. ‘‘སཱི་ཧོ་ཏི ཁོ བྷི་ཀྑ་ཝེ ཏ་ཐཱ་ག་ཏ་སྶེ་ཏཾ ཨ་དྷི་ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶཱ’’ཏི་ཨཱ་དཱི་སུ ཏ་ཐཱ་ག་ཏེ. ཏ་ཏྠ ཏ་ཐཱ་ག་ཏེ ས་དི་ས་ཀ་པྤ་ནཱ་ཡ ཨཱ་ག་ཏོ.
ཨེ་ཏྠེ་ཏཾ ཝུ་ཙྩ་ཏི –
སཱི་ཧེ པ་ཉྙ་ཏྟི་ཡ་ཉྩཱ་པི, བུ་དྡྷེ ཨ་པྤ་ཊི་པུ་གྒ་ལེ;
ཨི་མེ་སུ ཏཱི་སུ ཨ་ཏྠེ་སུ, སཱི་ཧས་དྡོ པ་ཝ་ཏྟ་ཏི.
རཱུ་པི་རུ་པྤ་ཏིདྷཱ་ཏཱུ་ཧི, རཱུ་པས་དྡ་ག་ཏིཾ ཝ་དེ;
‘‘རཱུ་པ་ཡ་ཏི རུ་པྤ་ཏཱི’’ཏི, ཝ་ཏྭཱ ནི་བྦ་ཙ་ན་དྭ་ཡཾ.
ཝུ་ཏྟ་ཉྷེ་ཏཾ ག་རཱུ་ཧི ‘‘རཱུ་པ་ཡ་ཏཱི་ཏི རཱུ་པཾ, ཝ་ཎྞ་ཝི་ཀཱ་རཾ ཨཱ་པ་ཛྫ་མཱ་ནཾ ཧ་ད་ཡ་ངྒ་ཏ་བྷཱ་ཝཾ པ་ཀཱ་སེ་ཏཱི་ཏི ཨ་ཏྠོ’’ཏི. ཝུ་ཏྟ་མྤི ཙེ་ཏཾ ‘‘རཱུ་པནྟི ཀེ་ན་ཊྛེ་ན རཱུ་པཾ? རུ་པྤ་ན་ཊྛེ་ནཱ’’ཏི. བྷ་ག་ཝ་ཏཱ པ་ནེ་ཏཾ ཝུ་ཏྟཾ ‘‘ཀི་ཉྩ བྷི་ཀྑ་ཝེ རཱུ་པཾ ཝ་དེ་ཐ, རུ་པྤ་ཏཱི་ཏི ཁོ བྷི་ཀྑ་ཝེ ཏ་སྨཱ རཱུ་པ་ནྟི ཝུ་ཙྩ་ཏི. ཀེ་ན རུ་པྤ་ཏི, སཱི་ཏེ་ན་པི རུ་པྤ་ཏཱི’’ཏི ཝི་ཏྠཱ་རོ. ཨ་ཏྠུ་དྡྷཱ་རོ པ་ན་སྶ ཧེ་ཊྛཱ ཝུ་ཏྟོ་ཝ.
པ་ས་ཝ་ཏེ་མ་ན་ཏྠེ་ན, དྷཱ་ཏུ་ནཱ ཨུ་དི་ནཱ པ་ན;
ས་མུ་དྡས་དྡ་ནི་པྥ་ཏྟིཾ, ཝ་དེ་ཡྻ མ་ཏི་མཱ ན་རོ.
ཨེ་ཏྠ ཧི ས་མུ་དྡོཏི ཨ་ཊྛ་ཧི ཨ་ཙྪ་རི་ཡ་བྦྷུ་ཏ་དྷ་མྨེ་ཧི ས་མ་ནྣཱ་ག་ཏ་ཏྟཱ ས་མུ་དྡ་ཏི ཨ་ཏྟ་ས་ནྣི་སྶི་ཏཱ་ནཾ མ་ཙྪ་མ་ཀ་རཱ་དཱི་ནཾ པཱི་ཏི་སོ་མ་ན་སྶཾ པ་ས་ཝ་ཏི ཛ་ནེ་ཏཱི་ཏི ས་མུ་དྡོ. ཨ་ཡ་མ་སྨཱ་ཀཾ ཁ་ནྟི. ཨ་ཊྛ་ཀ་ཐཱ་ཙ་རི་ཡཱ པ་ན ‘‘ས་མུ་དྡ་ན་ཊྛེ་ན ས་མུ་དྡོ, ཀི་ལེ་ད་ན་ཊྛེ་ན ཏེ་ན་མ་ན་ཊྛེ་ནཱ་ཏི ཝུ་ཏྟཾ ཧོ་ཏཱི’’ཏི ཝ་ད་ནྟི. མི་ལི་ནྡ་པ་ཉྷེ པ་ན ཨཱ་ཡ་སྨཱ ནཱ་ག་སེ་ནོ ‘‘བྷ་ནྟེ ནཱ་ག་སེ་ན ས་མུ་དྡོ ས་མུ་དྡོ་ཏི ཝུ་ཙྩ་ཏི, ཀེ་ན ཀཱ་ར་ཎེ་ན ཨཱ་པཾ ཨུ་ད་ཀཾ ས་མུ་དྡོ་ཏི ཝུ་ཙྩ་ཏཱི’’ཏི མི་ལི་ནྡེ་ན ར་ཉྙཱ པུ་ཊྛོ ཨཱ་ཧ ‘‘ཡ་ཏྟ་ཀཾ མ་ཧཱ་རཱ་ཛ ཨུ་ད་ཀཾ, ཏ་ཏྟ་ཀཾ ལོ་ཎཾ, ཡ་ཏྟ་ཀཾ ལོ་ཎཾ, ཏ་ཏྟ་ཀཾ ཨུ་ད་ཀཾ, ཨུ་ད་ཀ་ས་མ་ཏྟཱ ས་མུ་དྡོ་ཏི ཝུ་ཙྩ་ཏཱི’’ཏི. ཏ་དཱ ར་ཉྙཱ མི་ལི་ནྡེ་ན ‘‘ཀ་ལློ་སི བྷ་ནྟེ ནཱ་ག་སེ་ནཱ’’ཏི ཝུ་ཏྟཾ. ཨེ་ཏྠ ཧི ས་མཾ ཨུ་ད་ཀེ་ན ལོ་ཎཾ ཨེ་ཏྠཱ་ཏི ས་མུ་དྡོ་ཏི ནི་བྦ་ཙ་ནཾ ཝེ་དི་ཏ་བྦཾ ‘‘ནཱི་ལོ་ད’’ནྟི་ཨཱ་དཱི་སུ ཝི་ཡ. ཏ་ཏྠ བྷ་ད་ནྟ་ནཱ་ག་སེ་ནམ་ཏ་ཉྩ ཨ་མྷཱ་ཀཾ མ་ཏ་ཉྩ པ་ཀ་ཏི་ས་མུ་དྡཾ ས་ནྡྷཱ་ཡ ཝུ་ཏྟ་ཏྟཱ ན ཝི་རུ་ཛ྄ཛྷ་ཏི, ཨ་ཊྛ་ཀ་ཐཱ་ཙ་རི་ཡཱ་ནཾ མ་ཏ་མྤི ‘‘ཏ་ཎྷཱ་ས་མུ་དྡོ’’ཏི ཙ ‘‘ས་མུ་དྡོ་པེ་སོ’’ཏི ཙ ཨཱ་ག་ཏཱ་ནི ས་མུ་དྡ་ས་རི་ཀྑ་ཀཱ་ནི ཙ ཏ་ཎྷཱ་ཙ་ཀྑུ་སོ་ཏཱ་དཱི་ནི ས་ནྡྷཱ་ཡ ཝུ་ཏྟ་ཏྟཱ ན ཝི་རུ་ཛ྄ཛྷ་ཏཱི་ཏི ད་ཊྛ་བྦཾ.
ཁཱ་དདྷཱ་ཏུ་ཝ་སཱ ཙཱ་པི, ཁ་ནུདྷཱ་ཏུ་ཝ་སེ་ན ཝཱ;
ཁ་ནིཏོ ཝཱ་པི དྷཱ་ཏུ་མྷཱ, དྷཱཏོ ཁཾཔུ་བྦ་ཏོ་པི ཝཱ;
ཁ་ནྡྷས་དྡ་སྶ ནི་པྥ་ཏྟིཾ, ས་དྡ་ཀྑ་ནྡྷ་ཝི་དཱུ ཝ་དེ.
ཏ་ཏྠ ‘‘སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ་པི དུ་ཀྑཱ’’ཏི ཝ་ཙ་ན་ཏོ ས་ཡ་མྤི དུ་ཀྑ་དྷ་མྨོ་ཡེ་ཝ ས་མཱ་ནོ ཛཱ་ཏི་ཛ་རཱ་བྱཱ་དྷི་མ་ར་ཎ་དུ་ཀྑཱ་དཱི་ཧི ཨ་ནེ་ཀེ་ཧི དུ་ཀྑེ་ཧི ཁ་ཛྫ་ཏི ཁཱ་དི་ཡ་ཏཱི་ཏི ཁ་ནྡྷོ, ཏེ་ཧེ་ཝ དུ་ཀྑེ་ཧི ཁ་ཉྙ་ཏི ཨ་ཝ་དཱ་རི་ཡ་ཏཱི་ཏི་པི ཁ་ནྡྷོ, ཁ་ནི་ཡ་ཏི པ་རི་ཁ་ཉྙ་ཏཱི་ཏི་པི ཁ་ནྡྷོ, ཨ་ཏྟེ་ན ཝཱ ཨ་ཏྟ་ནི་ཡེ་ན ཝཱ ཏུ་ཙྪ་ཏྟཱ ཁཾ སུ་ཉྙཱ་ཀཱ་རཾ དྷཱ་རེ་ཏཱི་ཏི་པི ཁ་ནྡྷོ, རཱུ་པ་ཀྑ་ནྡྷཱ་དི. ཨ་ཏྠུ་དྡྷཱ་ར་ཏོ པ་ན –
ཁ་ནྡྷས་དྡོ རཱ་སི་གུ་ཎ-པ་ཎྞ་ཏྟཱི་སུ ཙ རཱུ་ལ༹ྷི་ཡཾ;
ཀོ་ཊྛཱ་སེ ཙེ་ཝ ཨཾ་སེ ཙ, ཝ་ཏྟ་ཏཱི་ཏི ཝི་བྷཱ་ཝ་ཡེ.
ཝུ་ཏྟ་ཉྷེ་ཏཾ ས་མྨོ་ཧ་ཝི་ནོ་ད་ནི་ཡཾ ཝི་བྷ་ངྒ་ཊྛ་ཀ་ཐཱ་ཡཾ – ཁ་ནྡྷས་དྡོ ས་མྦ་ཧུ་ལེ་སུ ཋཱ་ནེ་སུ ནི་པ་ཏ་ཏི རཱ་སི་མྷི གུ་ཎེ པ་ཎྞ་ཏྟི་ཡཾ རཱུ་ལ༹ྷི་ཡ་ནྟི. ‘‘སེ་ཡྻ་ཐཱ་པི བྷི་ཀྑ་ཝེ མ་ཧཱ་ས་མུ་དྡེ ན སུ་ཀ་རཾ ཨུ་ད་ཀ་སྶ པ་མཱ་ཎཾ ག་ཧེ་ཏུཾ ‘‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀཱ་ནཱི’ཏི ཝཱ ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀ་ས་ཏཱ་ནཱི’ཏི ཝཱ ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀ་ས་ཧ་སྶཱ་ནཱི’ཏི ཝཱ ‘ཨེ་ཏྟ་ཀཱ་ནི ཨུ་ད་ཀཱ་ལ༹ྷ་ཀ་ས་ཏ་ས་ཧ་སྶཱ་ནཱི’ཏི ཝཱ, ཨ་ཐ ཁོ ཨ་ས་ངྑྱེ་ཡྻོ ཨ་པྤ་མེ་ཡྻོ མ་ཧཱ་ཨུ་ད་ཀ་ཀྑ་ནྡྷོ་ཏྭེ་ཝ ས་ངྑཾ ག་ཙྪ་ཏཱི’’ཏི་ཨཱ་དཱི་སུ ཧི རཱ་སི་ཏོ ཁ་ནྡྷོ ནཱ་མ. ན ཧི པ་རི་ཏྟ་ཀཾ ཨུ་ད་ཀཾ ཨུ་ད་ཀ་ཀྑ་ནྡྷོ་ཏི ཝུ་ཙྩ་ཏི, བ་ཧུ་ཀ་མེ་ཝ ཝུ་ཙྩ་ཏི, ཏ་ཐཱ ན པ་རི་ཏྟ་ཀཾ ར་ཛོ ར་ཛ་ཀྑ་ནྡྷོ, ན ཨ་པྤ་མ་ཏྟ་ཀཱ གཱ་ཝོ ག་ཝ་ཀྑ་ནྡྷོ, ན ཨ་པྤ་མ་ཏྟ་ཀཾ བ་ལཾ བ་ལ་ཀྑ་ནྡྷོ, ན ཨ་པྤ་མ་ཏྟ་ཀཾ པུ་ཉྙཾ པུ་ཉྙ་ཀྑ་ནྡྷོ་ཏི ཝུ་ཙྩ་ཏི. བ་ཧུ་ཀ་མེ་ཝ ཧི ར་ཛོ ར་ཛ་ཀྑ་ནྡྷོ, བ་ཧུ་ཀཱ ཙ ག་ཝཱ་ད་ཡོ ག་ཝ་ཀྑ་ནྡྷོ, བ་ལ་ཀྑ་ནྡྷོ, པུ་ཉྙ་ཀྑ་ནྡྷོ་ཏི ཝུ་ཙྩ་ནྟི. ‘‘སཱི་ལ་ཀྑ་ནྡྷོ ས་མཱ་དྷི་ཀྑ་ནྡྷོ’’ཏི་ཨཱ་དཱི་སུ པ་ན གུ་ཎ་ཏོ ཁ་ནྡྷོ ནཱ་མ. ‘‘ཨ་དྡ་སཱ ཁཱ བྷ་ག་ཝཱ མ་ཧ་ནྟཾ དཱ་རུ་ཀྑ་ནྡྷཾ ག་ངྒཱ་ཡ ན་དི་ཡཱ སོ་ཏེ་ན ཝུ་ཡ྄ཧ་མཱ་ན’’ནྟི ཨེ་ཏྠ པ་ཎྞ་ཏྟི་ཏོ ཁ་ནྡྷོ ནཱ་མ. ‘‘ཡཾ ཙི་ཏྟཾ མ་ནོ མཱ་ན་སཾ…པེ… ཝི་ཉྙཱ་ཎཾ ཝི་ཉྙཱ་ཎ་ཀྑ་ནྡྷོ’’ཏི་ཨཱ་དཱི་སུ རཱུ་ལ༹ྷཱི་ཏོ ཁ་ནྡྷོ ནཱ་མ. སྭཱ་ཡ་མི་དྷ རཱ་སི་ཏོ ཨ་དྷི་པྤེ་ཏོ. ཨ་ཡ་ཉྷི ཁ་ནྡྷ་ཊྛོ ནཱ་མ པི་ཎྜ་ཊྛོ པཱུ་ག་ཊྛོ གྷ་ཊ་ཊྛོ རཱ་ས་ཊྛོ, ཏ་སྨཱ རཱ་སི་ལ་ཀྑ་ཎཱ ཁ་ནྡྷཱ་ཏི ཝེ་དི་ཏ་བྦཱ. ཀོ་ཊྛཱ་ས་ཊྛཱ་ཏི་པི ཝ་ཏྟུཾ ཝ་ཊྚ་ཏི. ལོ་ཀ་སྨི་ཉྷི ཨི་ཎཾ ག་ཧེ་ཏྭཱ ཙོ་དི་ཡ་མཱ་ནཱ ‘‘དྭཱི་ཧི ཁ་ནྡྷེ་ཧི ད་སྶཱ་མ, ཏཱི་ཧི ཁ་ནྡྷེ་ཧི ད་སྶཱ་མཱ’’ཏི ཝ་ད་ནྟི. ཨི་ཏི ཀོ་ཊྛཱ་ས་ལ་ཀྑ་ཎཱ ཁ་ནྡྷཱ་ཏི་པི ཝ་ཏྟུཾ ཝ་ཊྚ་ཏི. ཨེ་ཝ་མེ་ཏྠ ‘‘རཱུ་པ་ཀྑ་ནྡྷོཏི རཱུ་པ་རཱ་སི རཱུ་པ་ཀོ་ཊྛཱ་སོ, ཝེ་ད་ནཱ་ཀྑ་ནྡྷོཏི ཝེ་ད་ནཱ་རཱ་སི ཝེ་ད་ནཱ་ཀོ་ཊྛཱ་སོ’’ཏི ཨི་མི་ནཱ ན་ཡེ་ན ཨ་ཏྠོ ཝེ་དི་ཏ་བྦོ. ‘‘ཁ་ནྡྷེ བྷཱ་རཾ. ཁ་ནྡྷ་ཏོ ཨོ་ཏཱ་རེ་ཏི, མ་ཧཱ་ཧ་ནུ་ས་བྷ་ཀྑ་ནྡྷོ’’ཏི་ཨཱ་དཱི་སུ པ་ན ཨཾ་སོ ‘‘ཁ་ནྡྷོ’’ཏི ཝུ་ཙྩ་ཏི.
ཨཱཔུ་བྦཡ་ཏཏོ ཙཱ་པི, ཨཱ་ཡཱུཔ་པ་ད་ཏོ པུ་ན;
ཏ་ནུཏོ ཏ་ནིཏོ ཝཱ་པི, ཨཱ་ཡ་ཏ་ནར་ཝོ ག་ཏོ.
ཝུ་ཏྟ་མྤི ཙེ་ཏཾ – ཨཱ་ཡ་ཏ་ན་ཏོ, ཨཱ་ཡཱ་ནཾ ཝཱ ཏ་ན་ན་ཏོ, ཨཱ་ཡ་ཏ་སྶ ཙ ན་ཡ་ན་ཏོ ཨཱ་ཡ་ཏ་ན་ནྟི ཝེ་དི་ཏ་བྦཾ. ཙ་ཀྑུ རཱུ་པཱ་དཱི་སུ ཧི ཏཾ་ཏཾ་དྭཱ་རཱ་ར་མྨ་ཎཱ ཙི་ཏྟ་ཙེ་ཏ་སི་ཀཱ དྷ་མྨཱ སེ་ན སེ་ན ཨ་ནུ་བྷ་ཝ་ནཱ་དི་ཀི་ཙྩེ་ན ཨཱ་ཡ་ཏ་ནྟི ཨུ་ཊྛ་ཧ་ནྟི གྷ་ཊ་ནྟི ཝཱ་ཡ་མ་ནྟཱི་ཏི ཝཱ ཝུ་ཏྟཾ ཧོ་ཏི. ཏེ ཙ པ་ན ཨཱ་ཡ་བྷཱུ་ཏེ དྷ་མྨེ ཨེ་ཏཱ་ནི ཏ་ན་ནྟི ཝི་ཏྠཱ་རེ་ནྟཱི་ཏི ཝུ་ཏྟཾ ཧོ་ཏི. ཨི་ད་ཉྩ ཨ་ན་མ་ཏ་གྒེ སཾ་སཱ་རེ པ་ཝ་ཏྟཾ ཨ་ཏཱི་ཝ ཨཱ་ཡ་ཏཾ སཾ་སཱ་ར་དུ་ཀྑཾ ཡཱ་ཝ ན ནི་ཝ་ཏྟ་ཏི, ཏཱ་ཝ ན་ཡ་ནྟི, པ་ཝ་ཏྟ་ཡ་ནྟཱི་ཏི ཝུ་ཏྟཾ ཧོ་ཏི. ཨི་ཏི ས་བྦེ་པི་མེ དྷ་མྨཱ ཨཱ་ཡ་ཏ་ན་ཏོ, ཨཱ་ཡཱ་ནཾ ཝཱ ཏ་ན་ན་ཏོ, ཨཱ་ཡ་ཏ་སྶ ཙ ན་ཡ་ན་ཏོ ཨཱ་ཡ་ཏ་ན་ནྟི ཝུ་ཙྩ་ནྟི.
ཨ་པི་ཙ ནི་ཝཱ་ས་ཊྛཱ་ན་ཊྛེ་ན ཨཱ་ཀ་ར་ཊྛེ་ན ས་མོ་ས་ར་ཎ་ཊྛཱ་ན་ཊྛེ་ན ས་ཉྫཱ་ཏི་དེ་ས་ཊྛེ་ན ཀཱ་ར་ཎ་ཊྛེ་ན ཨཱ་ཡ་ཏ་ནཾ ཝེ་དི་ཏ་བྦཾ. ཏ་ཐཱ ཧི ‘‘ལོ་ཀེ ཨི་སྶ་རཱ་ཡ་ཏ་ནཾ ཝཱ་སུ་དེ་ཝཱ་ཡ་ཏ་ན’’ནྟི་ཨཱ་དཱི་སུ ནི་ཝཱ་ས་ཊྛཱ་ནཾ ཨཱ་ཡ་ཏ་ན་ནྟི ཝུ་ཙྩ་ཏི. ‘‘སུ་ཝ་ཎྞཱ་ཡ་ཏ་ནཾ ར་ཛ་ཏཱ་ཡ་ཏ་ན’’ནྟི་ཨཱ་དཱི་སུ ཨཱ་ཀ་རོ, སཱ་ས་ནེ པ་ན ‘‘མ་ནོ་ར་མེ ཨཱ་ཡ་ཏ་ནེ, སེ་ཝ་ནྟི ནཾ ཝི་ཧ་ངྒ་མཱ’’ཏི་ཨཱ་དཱི་སུ ས་མོ་ས་ར་ཎ་ཊྛཱ་ནཾ. ‘‘ད་ཀྑི་ཎཱ་པ་ཐོ གུ་ནྣཾ ཨཱ་ཡ་ཏ་ན’’ནྟི་ཨཱ་དཱི་སུ ས་ཉྫཱ་ཏི་དེ་སོ. ‘‘ཏ་ཏྲ ཏ་ཏྲེ་ཝ ས་ཀྑི་བྷ་བྦ་ཏཾ པཱ་པུ་ཎཱ་ཏི ས་ཏི ས་ཏི་ཨཱ་ཡ་ཏ་ནེ’’ཏི་ཨཱ་དཱི་སུ ཀཱ་ར་ཎཾ.
ཙ་ཀྑུ་ཨཱ་དཱི་སུ ཙཱ་པི ཙི་ཏྟ་ཙེ་ཏ་སི་ཀཱ དྷ་མྨཱ ནི་ཝ་ས་ནྟི ཏ་དཱ་ཡ་ཏྟ་ཝུ་ཏྟི་ཏཱ་ཡཱ་ཏི ཙ་ཀྑཱ་ད་ཡོ ཙ ནེ་སཾ ནི་ཝཱ་ས་ཊྛཱ་ནཾ. ཙ་ཀྑཱ་དཱི་སུ ཏེ ཨཱ་ཀི་ཎྞཱ ཏ་ནྣི་སྶི་ཏ་ཏྟཱ ཏ་དཱ་ར་མྨ་ཎ་ཏྟཱ ཙཱ་ཏི ཙ་ཀྑཱ་ད་ཡོ ཙ ནེ་སཾ ཨཱ་ཀ་རོ. ཙ་ཀྑཱ་ད་ཡོ ཙ ནེ་སཾ ས་མོ་ས་ར་ཎ་ཊྛཱ་ནཾ ཏ་ཏྠ ཏ་ཏྠ དྭཱ་རཱ་ར་མྨ་ཎ་ཝ་སེ་ན ས་མོ་ས་ར་ཎ་ཏོ. ཙ་ཀྑཱ་ད་ཡོ ཙ ནེ་སཾ ས་ཉྫཱ་ཏི་དེ་སོ ཏ་ནྣི་སྶ་ཡཱ་ར་མྨ་ཎ་བྷཱ་ཝེ་ན ཏ་ཏྠེ་ཝ ཨུ་པྤ་ཏྟི་ཏོ, ཙ་ཀྑཱ་ད་ཡོ ཙ ནེ་སཾ ཀཱ་ར་ཎཾ ཏེ་སཾ ཨ་བྷཱ་ཝེ ཨ་བྷཱ་ཝ་ཏོ. ཨི་ཏི ནི་ཝཱ་ས་ཊྛཱ་ན་ཊྛེ་ན ཨཱ་ཀ་ར་ཊྛེ་ན ས་མོ་ས་ར་ཎ་ཊྛཱ་ན་ཊྛེ་ན ས་ཉྫཱ་ཏི་དེ་ས་ཊྛེ་ན ཀཱ་ར་ཎ་ཊྛེ་ནཱ་ཏི ཨི་མེ་ཧི ཀཱ་ར་ཎེ་ཧི ཨེ་ཏེ དྷ་མྨཱ ཨཱ་ཡ་ཏ་ན་ནྟི ཝུ་ཙྩ་ནྟི, ཏ་སྨཱ ཡ་ཐཱ་ཝུ་ཏྟེ་ན་ཏྠེ་ན ཙ་ཀྑུ ཙ ཏཾ ཨཱ་ཡ་ཏ་ན་ཉྩཱ་ཏི ཙ་ཀྑཱ་ཡ་ཏ་ནཾ…པེ… དྷ་མྨཱ ཙ ཏེ ཨཱ་ཡ་ཏ་ན་ཉྩཱ་ཏི དྷ་མྨཱ་ཡ་ཏ་ནནྟི ཨེ་ཝཾ ཏཱ་ཝེ་ཏྠ ཨ་ཏྠ་ཏོ ཝི་ཉྙཱ་ཏ་བྦོ ཝི་ནི་ཙྪ་ཡོ་ཏི. ཨི་ཙྩེ་ཝཾ –
ནི་ཝཱ་སོ ཨཱ་ཀ་རོ ཙེ་ཝ, ཛཱ་ཏི་དེ་སོ ཙ ཀཱ་ར་ཎཾ;
ས་མོ་ས་ར་ཎ་ཊྛཱ་ན་ཉྩ, ཝུ་ཙྩ་ཏཱ’ཡ་ཏ་ནཾ ཨི་ཏི;
ཝི་དི་ཝི་དེ་ཧི དྷཱ་ཏཱུ་ཧི, ཨཀཱ་ར་པུ་བྦ་ཀེ་ཧི ཝཱ;
ཨ་ནྟ་ཝི་ར་ཧི་ཏས་དྡཱུ-པ་པ་དེ་ན ཛུནཱ་པི ཝཱ.
ཨ་ཝི་ཛྫཱས་དྡ་ནི་པྥ་ཏྟི, དཱི་པེ་ཏ་བྦཱ སུ་དྷཱི་མ་ཏཱ.
ཨེ་ཏྠ པཱུ་རེ་ཏུཾ ཨ་ཡུ་ཏྟ་ཊྛེ་ན ཀཱ་ཡ་དུ་ཙྩ་རི་ཏཱ་དི ཨ་ཝི་ནྡི་ཡཾ ནཱ་མ, ཨ་ལ་དྡྷ་བྦནྟི ཨ་ཏྠོ, ཏཾ ཨ་ཝི་ནྡི་ཡཾ ཝི་ནྡ་ཏཱི་ཏི ཨ་ཝི་ཛྫཱ, ཏ་བྦི་པ་རཱི་ཏ་ཏོ ཀཱ་ཡ་སུ་ཙ་རི་ཏཱ་དི ཝི་ནྡི་ཡཾ ནཱ་མ, ཏཾ ཝི་ནྡི་ཡཾ ན ཝི་ནྡ་ཏཱི་ཏི ཨ་ཝི་ཛྫཱ. ཁ་ནྡྷཱ་ནཾ རཱ་ས་ཊྛཾ, ཨཱ་ཡ་ཏ་ནཱ་ནཾ ཨཱ་ཡ་ཏ་ན་ཊྛཾ, དྷཱ་ཏཱུ་ནཾ སུ་ཉྙ་ཊྛཾ, ས་ཙྩཱ་ནཾ ཏ་ཐ་ཊྛཾ, ཨི་ནྡྲི་ཡཱ་ནཾ ཨ་དྷི་པ་ཏི་ཡ་ཊྛཾ ཨ་ཝི་དི་ཏཾ ཀ་རོ་ཏཱི་ཏི ཨ་ཝི་ཛྫཱ. དུ་ཀྑཱ་དཱི་ནཾ པཱི་ལ༹་ནཱ་དི་ཝ་སེ་ན ཝུ་ཏྟཾ ཙ་ཏུ་བྦི་དྷཾ ཨ་ཏྠཾ ཨ་ཝི་དི་ཏཾ ཀ་རོ་ཏཱི་ཏི ཨ་ཝི་ཛྫཱ, ཨ་ནྟ་ཝི་ར་ཧི་ཏེ སཾ་སཱ་རེ ས་བྦ་བྷ་ཝ་ཡོ་ནི་ག་ཏི་ཝི་ཉྙཱ་ཎ་ཊྛི་ཏི་ས་ཏྟཱ་ཝཱ་སེ་སུ ས་ཏྟེ ཛ་ཝཱ་པེ་ཏཱི་ཏི ཨ་ཝི་ཛྫཱ, པ་ར་མ་ཏྠ་ཏོ ཨ་ཝི་ཛྫ་མཱ་ནེ་སུ ཨི་ཏྠི་པུ་རི་སཱ་དཱི་སུ ཛ་ཝ་ཏི, ཝི་ཛྫ་མཱ་ནེ་སུ་པི ཁ་ནྡྷཱ་དཱི་སུ ན ཛ་ཝ་ཏཱི་ཏི ཨ་ཝི་ཛྫཱ.
ཡཾ པ་ན ཨ་ཊྛ་ཀ་ཐཱ་ཡཾ ‘‘ཨ་པི་ཙ ཙ་ཀྑུ་ཝི་ཉྙཱ་ཎཱ་དཱི་ནཾ ཝ་ཏྠཱ་ར་མྨ་ཎ་པ་ཊི་ཙྩ་ས་མུ་པྤཱ་ད་པ་ཊི་ཙྩ་ས་མུ་པྤ་ནྣཱ ནཾ དྷ་མྨཱ་ནཾ ཚཱ་ད་ན་ཏོ་པི ཨ་ཝི་ཛྫཱ’’ཏི ཝུ་ཏྟཾ, ཨེ་ཏཾ ན ས་དྡ་ཏྠ་ཏོ ཝུ་ཏྟཾ, ཨ་ཐ ཁོ ཨ་ཝི་ཛྫཱ་ཡ ཚཱ་ད་ན་ཀི་ཙྩ་ཏྟཱ ཝུ་ཏྟཾ. ཏ་ཐཱ ཧི ཨ་བྷི་དྷ་མྨ་ཊཱི་ཀཱ་ཡཾ ཨི་དཾ ཝུ་ཏྟཾ –
‘‘བྱ་ཉྫ་ན་ཏྠཾ ད་སྶེ་ཏྭཱ ས་བྷཱ་ཝ་ཏྠཾ ད་སྶེ་ཏུཾ ‘ཨ་པི་ཙཱ’ཏི་ཨཱ་དི་མཱ་ཧ, ཙ་ཀྑུ་ཝི་ཉྙཱ་ཎཱ་དཱི་ནཾ ཝ་ཏྠཱ་ར་མྨ་ཎཱ་ནི ‘ཨི་དཾ ཝ་ཏྟུ, ཨི་ད་མཱ་ར་མྨ་ཎ’ནྟི ཨ་ཝི་ཛྫཱ་ཡ ཉཱ་ཏུཾ ན ས་ཀྐཱ་ཏི ཨ་ཝི་ཛྫཱ ཏ་པྤ་ཊི་ཙྪཱ་དི་ཀཱ ཝུ་ཏྟཱ, ཝ་ཏྠཱ་ར་མྨ་ཎ་ས་བྷཱ་ཝ་ཙྪཱ་ད་ན་ཏོ ཨེ་ཝ ཨ་ཝི་ཛྫཱ་དཱི་ནཾ པ་ཊི་ཙྩ་ས་མུ་པྤཱ་ད་བྷཱ་ཝ་སྶ, ཛ་རཱ་མ་ར་ཎཱ་དཱི་ནཾ པ་ཊི་ཙྩ་ས་མུ་པྤ་ནྣ་བྷཱ་ཝ་སྶ ཙ ཚཱ་ད་ན་ཏོ པ་ཊི་ཙྩ་ས་མུ་པྤཱ་ད་པ་ཊི་ཙྩ་ས་མུ་པྤ་ནྣ་ཚཱ་ད་ནཾ ཝེ་དི་ཏ་བྦ་ནྟི. ཏ་ཏྠ དུ་གྒ་ཏི་གཱ་མི་ཀ་མྨ་སྶ ཝི་སེ་ས་པྤ་ཙྩ་ཡ་ཏྟཱ ཨ་ཝི་ཛྫཱ ‘ཨ་ཝི་ནྡི་ཡཾ ཝི་ནྡ་ཏཱི’ཏི ཝུ་ཏྟཱ, ཏ་ཐཱ ཝི་སེ་ས་པ་ཙྩ་ཡོ ཝི་ནྡ་ནཱི་ཡ་སྶ ན ཧོ་ཏཱི་ཏི ‘ཝི་ནྡི་ཡཾ ན ཝི་ནྡ་ཏཱི’ཏི ཙ, ཨ་ཏྟ་ནི་སྶི་ཏཱ་ནཾ ཙ་ཀྑུ་ཝི་ཉྙཱ་ཎཱ་དཱི་ནཾ པ་ཝ་ཏྟཱ་པ་ནཾ ཨུ་པྤཱ་ད་ནཾ ཨཱ་ཡ་ཏ་ནཾ, ས་མྨོ་ཧ་བྷཱ་ཝེ་ནེ་ཝ ཨ་ན་བྷི་ས་མ་ཡ་བྷཱུ་ཏ་ཏྟཱ ‘ཨ་ཝི་དི་ཏཾ ཨ་ཉྙཱ་ཏཾ ཀ་རོ་ཏི, ཨ་ནྟ་ཝི་ར་ཧི་ཏེ ཛ་ཝཱ་པེ་ཏཱི’ཏི ཝ་ཎྞཱ་ག་མ་ཝི་པ་རི་ཡཱ་ཡ་ཝི་ཀཱ་ར་ཝི་ནཱ་ས་དྷཱ་ཏུ་ཨ་ཏྠ་ཝི་སེ་ས་ཡོ་གེ་ཧི པ་ཉྩ་ཝི་དྷ་སྶ ནི་རུ་ཏྟི་ལ་ཀྑ་ཎ་སྶ ཝ་སེ་ན ཏཱི་སུ་པི པ་དེ་སུ ཨཀཱ་རཝིཀཱ་རཛཀཱ་རེ ག་ཧེ་ཏྭཱ ཨ་ཉྙེ་སཾ ཝ་ཎྞཱ་ནཾ ལོ་པཾ ཀ་ཏྭཱ ཛཀཱ་ར་སྶ ཙ དུ་ཏི་ཡ་སྶ ཨཱ་ག་མཾ ཀ་ཏྭཱ ཨ་ཝི་ཛྫཱཏི ཝུ་ཏྟཱ’’ཏི.
ཨ་ར་ཧདྷཱ་ཏུ་ཏོ ཉེ་ཡྻཱ, ཨ་ར་ཧཾས་དྡ་ས་ཎྛི་ཏི;
ཨ་རཱ་རཱུཔ་པ་དཧ་ན-དྷཱ་ཏུ་ཏོ ཝཱ་ཐ་ཝཱ པ་ན.
ར་ཧཏོ ར་ཧིཏོ ཙཱ་པི, ཨ་ཀཱ་ར་པུ་བྦ་ཏོ ཨི་དྷ;
ཝུ་ཙྩ་ཏེ ཨ་སྶ ནི་པྥ་ཏྟི, ཨཱ་ར་ཀཱ་དི་ར་ཝ་སྶི་ཏཱ.
ཏ་ཐཱ ཧི ཨ་ར་ཧནྟི ཨ་གྒ་ད་ཀྑི་ཎེ་ཡྻ་ཏྟཱ ཙཱི་ཝ་རཱ་དི་པ་ཙྩ་ཡེ ཨ་ར་ཧ་ཏི པཱུ་ཛཱ་ཝི་སེ་ས་ཉྩཱ་ཏི ཨ་ར་ཧཾ. ཝུ་ཏྟ་ཉྩ –
‘‘པཱུ་ཛཱ་ཝི་སེ་སཾ ས་ཧ པ་ཙྩ་ཡེ་ཧི,
ཡ་སྨཱ ཨ་ཡཾ ཨ་ར་ཧ་ཏི ལོ་ཀ་ནཱ་ཐོ;
ཨ་ཏྠཱ་ནུ་རཱུ་པཾ ཨ་ར་ཧནྟི ལོ་ཀེ,
ཏ་སྨཱ ཛི་ནོ ཨ་ར་ཧ་ཏི ནཱ་མ་མེ་ཏ’’ནྟི.
ཏ་ཐཱ སོ ཀི་ལེ་སཱ་ར་ཡོ མ་གྒེ་ན ཧ་ནཱི་ཏི ཨ་ར་ཧཾ. ཝུ་ཏྟ་ཉྩ –
‘‘ཡ་སྨཱ རཱ་གཱ་དི་ས་ངྑཱ་ཏཱ, ས་བྦེ་པི ཨ་ར་ཡོ ཧ་ཏཱ;
པ་ཉྙཱ་ས་ཏྠེ་ན ནཱ་ཐེ་ན, ཏ་སྨཱ་པི ཨ་ར་ཧཾ མ་ཏོ’’ཏི.
ཡ་ཉྩེ་ཏཾ ཨ་ཝི་ཛྫཱ་བྷ་ཝ་ཏ་ཎྷཱ་མ་ཡ་ནཱ་བྷིཾ པུ་ཉྙཱ་དི་ཨ་བྷི་ས་ངྑཱ་རཱ་རཾ ཛ་རཱ་མ་ར་ཎ་ནེ་མིཾ ཨཱ་ས་ཝ་ས་མུ་ད་ཡ་མ་ཡེ་ན ཨ་ཀྑེ་ན ཝི་ཛ྄ཛྷི་ཏྭཱ ཝི་བྷ་ཝ་ར་ཐེ ས་མཱ་ཡོ་ཛི་ཏཾ ཨ་ནཱ་དི་ཀཱ་ལ་པྤ་ཝ་ཏྟཾ སཾ་སཱ་ར་ཙ་ཀྐཾ, ཏ་སྶ སོ བོ་དྷི་མ་ཎྜེ ཝཱི་རི་ཡ་པཱ་དེ་ཧི སཱི་ལ་པ་ཐ་ཝི་ཡཾ པ་ཏི་ཊྛཱ་ཡ ས་དྡྷཱ་ཧ་ཏྠེ་ན ཀ་མྨ་ཀྑ་ཡ་ཀ་རཾ ཉཱ་ཎ་པ་ར་སུཾ ག་ཧེ་ཏྭཱ ས་བྦེ ཨ་རེ ཧ་ནཱི་ཏི་པི ཨ་ར་ཧཾ. ཝུ་ཏྟ་ཉྩ –
‘‘ཨ་རཱ སཾ་སཱ་ར་ཙ་ཀྐ་སྶ, ཧ་ཏཱ ཉཱ་ཎཱ་སི་ནཱ ཡ་ཏོ;
ལོ་ཀ་ནཱ་ཐེ་ན ཏེ་ནེ་ས, ཨ་ར་ཧནྟི པ་ཝུ་ཙྩ་ཏཱི’’ཏི.
ཏ་ཐཱ ཨ་ཏྟ་ཧི་ཏཾ པ་ར་ཧི་ཏ་ཉྩ པ་རི་པཱུ་རེ་ཏུཾ ས་མྨཱ པ་ཊི་པ་ཛྫ་ནྟེ་ཧི སཱ་དྷཱུ་ཧི དཱུ་ར་ཏོ ར་ཧི་ཏ་བྦཱ པ་རི་ཙྩ་ཛི་ཏ་བྦཱ པ་རི་ཧཱ་ཏ་བྦཱ་ཏི ར་ཧཱ, རཱ་གཱ་ད་ཡོ པཱ་པ་དྷ་མྨཱ, ན ས་ནྟི ཨེ་ཏ་སྶ ར་ཧཱ་ཏི ཨ་ར་ཧཾ. ‘‘ཨ་ར་ཧོ’’ཏི ཝ་ཏྟ་བྦེ ཨོཀཱ་ར་སྶ སཱ་ནུ་སཱ་རཾ ཨཀཱ་རཱ་དེ་སཾ ཀ་ཏྭཱ ‘‘ཨ་ར་ཧཾ’’ནྟི ཝུ་ཏྟཾ. ཨཱ་ཧ ཙ –
‘‘པཱ་པ་དྷ་མྨཱ ར་ཧཱ ནཱ་མ, སཱ་དྷཱུ་ཧི ར་ཧི་ཏ་བྦ་ཏོ;
ཏེ་སཾ སུ་ཊྛུ པ་ཧཱི་ན་ཏྟཱ, བྷ་ག་ཝཱ ཨ་ར་ཧཾ མ་ཏོ’’ཏི.
ཨ་ཐ ཝཱ ཁཱི་ཎཱ་ས་ཝེ་ཧི སེ་ཀྑེ་ཧི ཀ་ལྱཱ་ཎ་པུ་ཐུ་ཛྫ་ནེ་ཧི ཙ ན ར་ཧི་ཏ་བྦོ ན པ་རི་ཙྩ་ཛི་ཏ་བྦོ, ཏེ ཙ བྷ་ག་ཝཱ་ཏི ཨ་ར་ཧཾ. ཨཱ་ཧ ཙ –
‘‘ཡེ ཙ ས་ཙྪི་ཀ་ཏ་དྷ་མྨཱ,
ཨ་རི་ཡཱ སུ་དྡྷ་གོ་ཙ་རཱ;
ན ཏེ་ཧི ར་ཧི་ཏོ ཧོ་ཏི,
ནཱ་ཐོ ཏེ་ནཱ’ར་ཧཾ མ་ཏོ’’ཏི.
ར་ཧོཏི ཙ ག་མ་ནཾ ཝུ་ཙྩ་ཏི, ན་ཏྠི ཨེ་ཏ་སྶ ར་ཧོ ག་མ་ནཾ ག་ཏཱི་སུ པ་ཙྩཱ་ཛཱ་ཏཱི་ཏི ཨ་ར་ཧཾ. ཨཱ་ཧ ཙ –
‘‘ར་ཧོ ཝཱ ག་མ་ནཾ ཡ་སྶ, སཾ་སཱ་རེ ན་ཏྠི ས་བྦ་སོ;