བྷི་ཀྑུ་ནཱི ཝི་བྷ་ངྒ་པཱ་ཙི་ཏྟི་ཡ
༡. ལ་སུ་ཎ་ཝ་གྒ, ༡. པ་ཋ་མ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན ལ་ཀྑ་ཎཾ ཁཱ་ད་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི ན མ་ཏྟཾ ཛཱ་ནི་ཏྭཱ བ་ཧུཾ ལ་སུ་ཎཾ ཧ་རཱ་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༡. ལ་སུ་ཎ་ཝ་གྒ, ༦. ཚ་ཊྛ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུ་སྶ ཨཱ་ཝུ་སོ བྷུ་ཉྫ་མཱ་ན་སྶ ཨ་ནྣེ་ན ཝཱ པཱ་ནེ་ན ཝཱ ཝི་དྷཱུ་པ་ནེ་ན ཝཱ ཨུ་པ་ཏི་ཊྛ་ནྟི་ཡཱ བྷི་ཀྑུ་ནི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི བྷི་ཀྑུ་སྶ བྷུ་ཉྫ་མཱ་ན་སྶ པཱ་ནཱི་ཡེ་ན ཝི་དྷཱུ་པ་ནེ་ན ཙ ཨུ་པ་ཏི་ཊྛ་ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༡. ལ་སུ་ཎ་ཝ་གྒ, ༨. ཨ་ཊྛ་མ སི་ཀྑཱ་པུ་ཙྪཱ
པུ་ཙྪཱ – ཨུ་ཙྩཱ་རཾ་ཝཱ ཨཱ་ཝུ་སོ པ་སྶཱ་ཝཾ་ཝཱ ས་ངྐཱ་རཾ་ཝཱ ཝི་གྷཱ་སཾ་ཝཱ ཐི་རོ་ཀུ་ཊྚེ ཚ་ཌྜེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི ཨུ་ཙྩཱ་རཾ ཏི་རོ་ཀུ་ཊྚེ ཚ་ཌྜེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༡. ལ་སུ་ཎ་ཝ་གྒ, ༡༠. ད་ས་མ སི་ཀྑཱ་པུ་ཙྪཱ
པུ་ཙྪཱ – ན་ཙྩཾ ཝཱ ཨཱ་ཝུ་སོ གཱི་ཏཾ ཝཱ ཝཱ་དི་ཏཾ ཝཱ ད་སྶ་ནཱ་ཡ ག་ཙྪ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ན་ཙྩ་མྤི གཱི་ཏ་མྤི ཝཱ་དི་ཏ་མྤི ད་སྶ་ནཱ་ཡ ཨ་ག་མཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – བྷི་ཀྑུ་པ་ན ཨཱ་ཝུ་སོ ན་ཙྩཾ ཝཱ གཱི་ཏཾ ཝཱ ཝཱ་དི་ཏཾ ཝཱ ད་སྶ་ནཱ་ཡ ག་ཙྪ་ནྟོ ཀཾ ནཱ་མ ཨཱ་པ་ཏྟིཾ ཨཱ་པ་ཛྫ་ཏི.
ཝི་སྶ་ཛྫ་ནཱ – དུ་ཀྐ་ཊཾ བྷ་ནྟེ ཨཱ་པ་ཏྟིཾ ཨཱ་པ་ཛྫ་ཏི.
༡. པ་ཋ་མ སི་ཀྑཱ་པུ་ཙྪཱ
པུ་ཙྪཱ – ར་ཏྟ་ནྡྷ་ཀཱ་རེ ཨཱ་ཝུ་སོ ཨ་པ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ་ཡ ས་ནྟི་ཊྛ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི ར་ཏྟ་ནྡྷ་ཀཱ་རེ ཨ་པ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༢. ཨ་ནྡྷ་ཀཱ་ར་ཝ་གྒ, ༢-༣. དུ་ཏི་ཡ, ཏ་ཏི་ཡ སི་ཀྑཱ་པུ་ཙྪཱ
པུ་ཙྪཱ – པ་ཊི་ཙྪ་ནྣེ ཝཱ ཨཱ་ཝུ་སོ ཨོ་ཀཱ་སེ ཨ་ཛ྄ཛྷོ་ཀཱ་སེ ཝཱ པུ་རི་སེ་ན ས་དྡྷིཾ ཨེ་ཀེ་ནེ་ཀཱ་ཡ ས་ནྟི་ཊྛ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི པ་ཊི་ཙྪ་ནྣེ ཨོ་ཀཱ་སེ ཨ་ཛ྄ཛྷོ་ཀཱ་སེ ཙ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༢. ཨ་ནྡྷ་ཀཱ་ར་ཝ་གྒ, ༨. ཨ་ཊྛ་མ སི་ཀྑཱ་པུ་ཙྪཱ
པུ་ཙྪཱ – དུ་གྒ་ཧི་ཏེ་ན ཨཱ་ཝུ་སོ དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི དུ་གྒ་ཧི་ཏེ་ན དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༢. ཨ་ནྡྷ་ཀཱ་ར་ཝ་གྒ, ༩. ན་ཝ་མ སི་ཀྑཱ་པུ་ཙྪཱ
པུ་ཙྪཱ – ཨ་ཏྟཱ་ནཾ ཝཱ ཨཱ་ཝུ་སོ པ་རཾ ཝཱ ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཙ་ཎྜ་ཀཱ་ལི༹ཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཙ་ཎྜ་ཀཱ་ལཱི༹ བྷ་ནྟེ བྷི་ཀྑུ་ནཱི ཨ་ཏྟཱ་ན་མྤི པ་ར་མྤི ནི་ར་ཡེ་ན་པི བྲ་ཧྨ་ཙ་རི་ཡེ་ན་པི ཨ་བྷི་ས་པི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༢. ཨ་ནྡྷ་ཀཱ་ར་ཝ་གྒ, ༡༠. ད་ས་མ སི་ཀྑཱ་པུ་ཙྪཱ
པུ་ཙྪཱ – ཨ་ཏྟཱ་ནཾ ཨཱ་ཝུ་སོ ཝ་དྷི་ཏྭཱ ཝ་དྷི་ཏྭཱ རོ་ད་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཙ་ཎྜ་ཀཱ་ལི༹ཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཙ་ཎྜ་ཀཱ་ལཱི༹ བྷ་ནྟེ བྷི་ཀྑུ་ནཱི བྷི་ཀྑུ་ནཱི་ཧི ས་དྡྷིཾ བྷ་ཎྜི་ཏྭཱ ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་དི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༣. ན་གྒ་ཝ་གྒ, ༣. ཏ་ཏི་ཡ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུ་ནི་ཡཱ ཨཱ་ཝུ་སོ ཙཱི་ཝ་རཾ ཝི་སི་བྦེ་ཏྭཱ ཝཱ ཝི་སི་བྦཱ་པེ་ཏྭཱ ཝཱ ནེ་ཝ སི་བྦེ་ནྟི་ཡཱ ན སི་བྦཱ་པ་ནཱ་ཡ ཨུ་སྶུ་ཀྐཾ ཀ་རོ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི བྷི་ཀྑུ་ནི་ཡཱ ཙཱི་ཝ་རཾ ཝི་སི་བྦཱ་པེ་ཏྭཱ ནེ་ཝ སི་བྦེ་སི ན སི་བྦཱ་པ་ནཱ་ཡ ཨུ་སྶུ་ཀྐཾ ཨ་ཀཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༣. ན་གྒ་ཝ་གྒ, ༨. ཨ་ཊྛ་མ སི་ཀྑཱ་པུ་ཙྪཱ
པུ་ཙྪཱ – ཨ་གཱ་རི་ཀ་སྶ ཝཱ ཨཱ་ཝུ་སོ པ་རི་བྦཱ་ཛ་ཀ་སྶ ཝཱ པ་རི་བྦཱ་ཛི་ཀཱ་ཡ ཝཱ ས་མ་ཎ་ཙཱི་ཝ་རཾ དེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི ཨ་གཱ་རི་ཀ་སྶ ས་མ་ཎ་ཙཱི་ཝ་རཾ ཨ་དཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༡-༢. པ་ཋ་མ, དུ་ཏི་ཡ སི་ཀྑཱ་པུ་ཙྪཱ
པུ་ཙྪཱ – དྭི་ནྣཾ ཨཱ་ཝུ་སོ བྷི་ཀྑུ་ནཱི་ནཾ ཨེ་ཀ་མ་ཉྩེ ཝཱ ཨེ་ཀ་ཏྠ་ར་ཎ་པཱ་ཝུ་ར་ཎེ ཝཱ ཏུ་ཝ་ཊྚེ་ནྟཱི་ནཾ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ དྭེ ཨེ་ཀ་མ་ཉྩེ ཏུ་ཝ་ཊྚེ་སུཾ, ཨེ་ཀ་ཏྠ་ར་ཎ་པཱ་ཝུ་ར་ཎེ ཏུ་ཝ་ཊྚེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༣. ཏ་ཏི་ཡ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུ་ནི་ཡཱ ཨཱ་ཝུ་སོ ས་ཉྩི་ཙྩ ཨ་ཕཱ་སུཾ ཀ་རོ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི བྷི་ཀྑུ་ནི་ཡཱ ས་ཉྩི་ཙྩ ཨ་ཕཱ་སུཾ ཨ་ཀཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༤. ཙ་ཏུ་ཏྠ སི་ཀྑཱ་པུ་ཙྪཱ
པུ་ཙྪཱ – དུ་ཀྑི་ཏཾ ཨཱ་ཝུ་སོ ས་ཧ་ཛཱི་ཝི་ནིཾ ནེ་ཝ ཨུ་པ་ཊྛེ་ནྟི་ཡཱ ན ཨུ་པ་ཊྛཱ་པ་ནཱ་ཡ ཨུ་སྶུ་ཀྐཾ ཀ་རོ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ་ཡེ་ཝ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི དུ་ཀྑི་ཏཾ ས་ཧ་ཛཱི་ཝི་ནིཾ ནེ་ཝ་ཨུ་པ་ཊྛེ་སི ན ཨུ་པ་ཊྛཱ་པ་ནཱ་ཡ ཨུ་སྶུ་ཀྐཾ ཨ་ཀཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༥. པ་ཉྩ་མ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུ་ནི་ཡཱ ཨཱ་ཝུ་སོ ཨུ་པ་སྶ་ཡཾ ད་ཏྭཱ ཀུ་པི་ཏཱ་ཡ ཨ་ན་ཏྟ་མ་ནཱ་ཡ ནི་ཀྐ་ཌྜྷ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ་ཡེ་ཝ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི བྷི་ཀྑུ་ནི་ཡཱ ཨུ་པ་སྶ་ཡཾ ད་ཏྭཱ ཀུ་པི་ཏཱ ཨ་ན་ཏྟ་མ་ནཱ ནི་ཀྐ་ཌྜྷི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༦. ཚ་ཊྛ སི་ཀྑཱ་པུ་ཙྪཱ
པུ་ཙྪཱ – སཾ་ས་ཊྛཱ་ཡ ཨཱ་ཝུ་སོ བྷི་ཀྑུ་ནི་ཡཱ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ན པ་ཊི་ནི་སྶ་ཛྫ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཙ་ཎྜ་ཀཱ་ལི༹ཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཙ་ཎྜ་ཀཱ་ལཱི༹ བྷ་ནྟེ བྷི་ཀྑུ་ནཱི སཾ་ས་ཊྛཱ ཝི་ཧ་རི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༧-༨. ས་ཏྟ་མ ཨ་ཊྛ་མ སི་ཀྑཱ་པུ་ཙྪཱ
པུ་ཙྪཱ – ཨ་ནྟོ་ར་ཊྛེ ཝཱ ཨཱ་ཝུ་སོ ཏི་རོ་ར་ཊྛེ ཝཱ སཱ་ས་ངྐ་ས་མྨ་ཏེ ས་པྤ་ཊི་བྷ་ཡེ ཨ་ས་ཏྠི་ཀཱ་ཡ ཙཱ་རི་ཀཾ ཙ་ར་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཨ་ནྟོ་ར་ཊྛེ་པི ཏི་རོ་ར་ཊྛེ་པི སཱ་ས་ངྐ་ས་མྨ་ཏེ ས་པྤ་ཊི་བྷ་ཡེ ཨ་ས་ཏྠི་ཀཱ་ཡོ ཙཱ་རི་ཀཾ ཙ་རིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༩. ན་ཝ་མ སི་ཀྑཱ་པུ་ཙྪཱ
པུ་ཙྪཱ – ཨ་ནྟོ་ཝ་སྶཾ ཨཱ་ཝུ་སོ ཙཱ་རི་ཀཾ ཙ་ར་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཨ་ནྟོ་ཝ་སྶཾ ཙཱ་རི་ཀཾ པ་ཀྐ་མིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༤. ཏུ་ཝ་ཊྚ་ཝ་གྒ, ༡༠. ད་ས་མ སི་ཀྑཱ་པུ་ཙྪཱ
པུ་ཙྪཱ – ཝ་སྶཾ ཝུ་ཊྛཱ་ཡ ཨཱ་ཝུ་སོ བྷི་ཀྑུ་ནི་ཡཱ ཙཱ་རི་ཀཾ ན པ་ཀྐ་མ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷཾ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཝ་སྶཾ་ཝུ་ཊྛཱ ཙཱ་རི་ཀཾ ན པ་ཀྐ་མིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཝ་ཙ་ནཾ.
སུ་ཎཱ་ཏུ མེ བྷ་ནྟེ ས་ངྒྷོ…པེ… སཾ་གཱ་ཡེ་ཡྻཱ་མ.
༥. ཙི་ཏྟཱ་གཱ་ར་ཝ་གྒ, ༡. པ་ཋ་མ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན རཱ་ཛཱ་གཱ་རཾ ཝཱ ཙི་ཏྟཱ་གཱ་རཾ ཝཱ ཨཱ་རཱ་མཾ ཝཱ ཨུ་ཡྻཱ་ནཾ ཝཱ པོ་ཀྑ་ར་ཎིཾ ཝཱ ད་སྶ་ནཱ་ཡ ག་ཙྪ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ རཱ་ཛཱ་གཱ་ར་མྤི ཙི་ཏྟཱ་གཱ་ར་མྤི ད་སྶ་ནཱ་ཡ ག་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༥. ཙི་ཏྟཱ་གཱ་ར་ཝ་གྒ, ༤. ཙ་ཏུ་ཏྠ སི་ཀྑཱ་པུ་ཙྪཱ
པུ་ཙྪཱ – གི་ཧི་ཝེ་ཡྻཱ་ཝ་ཙྩཾ ཨཱ་ཝུ་སོ ཀ་རོ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ་གི་ཧི ཝེ་ཡྻཱ་ཝ་ཙྩཾ ཨ་ཀཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༥. ཙི་ཏྟཱ་གཱ་ར་ཝ་གྒ, ༦. ཚ་ཊྛ སི་ཀྑཱ་པུ་ཙྪཱ
པུ་ཙྪཱ – ཨ་གཱ་རི་ཀ་སྶ ཝཱ ཨཱ་ཝུ་སོ པ་རི་བྦཱ་ཛ་ཀ་སྶ ཝཱ པ་རི་བྦཱ་ཛི་ཀཱ་ཡ ཝཱ ས་ཧ་ཏྠཱ ཁཱ་ད་ནཱི་ཡཾ བྷོ་ཛ་ནཱི་ཡཾ དེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི ཨ་གཱ་རི་ཀ་སྶ ས་ཧ་ཏྠཱ ཁཱ་ད་ནཱི་ཡ་མྤི བྷོ་ཛ་ནཱི་ཡ་མྤི ཨ་དཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༥. ཙི་ཏྟཱ་གཱ་ར་ཝ་གྒ, ༩-༡༠. ན་ཝ་མ, ད་ས་མ སི་ཀྑཱ་པུ་ཙྪཱ
པུ་ཙྪཱ – ཏི་ར་ཙྪཱ་ན་ཝི་ཛྫཾ ཨཱ་ཝུ་སོ པ་རི་ཡཱ་པུ་ཎ་ནྟི་ཡཱ ཙ ཝཱ་ཙེ་ནྟི་ཡཱ ཙ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎིཾ་སུ་ཙེ་ཝ ཝཱ་ཙེ་སུ་ཉྩ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – བྷི་ཀྑུ པ་ན ཨཱ་ཝུ་སོ ཏཱ་དི་སཾ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎ་ནྟོ ཙ ཝཱ་ཙེ་ནྟོ ཙ ཀིཾ ནཱ་མ ཨཱ་པ་ཏྟིཾ ཨཱ་པ་ཛྫ་ཏི.
ཝི་སྶ་ཛྫ་ནཱ – དུ་ཀྐ་ཊཾ བྷ་ནྟེ ཨཱ་པ་ཏྟིཾ ཨཱ་པ་ཛྫ་ཏི.
༦. ཨཱ་རཱ་མ་ཝ་གྒ, ༡. པ་ཋ་མ སི་ཀྑཱ་པུ་ཙྪཱ
པུ་ཙྪཱ – ཛཱ་ནཾ ཨཱ་ཝུ་སོ ས་བྷི་ཀྑུ་ཀཾ ཨཱ་རཱ་མཾ ཨ་ནཱ་པུ་ཙྪཱ པ་ཝི་ས་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཨཱ་རཱ་མཾ ཨ་ནཱ་པུ་ཙྪཱ པ་ཝི་སིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༢. དུ་ཏི་ཡ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུཾ ཨཱ་ཝུ་སོ ཨ་ཀྐོ་ས་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ཨཱ་ཡ་སྨ་ནྟཾ ཨུ་པཱ་ལིཾ ཨ་ཀྐོ་སིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༣. ཏ་ཏི་ཡ སི་ཀྑཱ་པུ་ཙྪཱ
པུ་ཙྪཱ – ཙ་ཎྜི་ཀ་ཏཱ་ཡ ཨཱ་ཝུ་སོ ག་ཎཾ པ་རི་བྷཱ་ས་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི ཙ་ཎྜི་ཀ་ཏཱ་ཡ ག་ཎཾ པ་རི་བྷཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༥. པ་ཉྩ་མ སི་ཀྑཱ་པུ་ཙྪཱ
པུ་ཙྪཱ – ཀུ་ལཾ ཨཱ་ཝུ་སོ མ་ཙྪ་རཱ་ཡ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི ཀུ་ལཾ མ་ཙྪ་རཱ་ཡི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༦. ཚ་ཊྛ སི་ཀྑཱ་པུ་ཙྪཱ
པུ་ཙྪཱ – ཨ་བྷི་ཀྑུ་ཀེ ཨཱ་ཝུ་སོ ཨཱ་ཝཱ་སེ ཝ་སྶཾ ཝ་ས་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་སིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༧. ས་ཏྟ་མ སི་ཀྑཱ་པུ་ཙྪཱ
པུ་ཙྪཱ – ཝ་སྶཾ ཝུ་ཊྛཱ་ཡ ཨཱ་ཝུ་སོ བྷི་ཀྑུ་ནི་ཡཱ ཨུ་བྷ་ཏོ་ས་ངྒྷེ ཏཱི་ཧི ཋཱ་ནེ་ཧི ན པ་ཝཱ་རེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཝ་སྶཾ ཝུ་ཊྛཱ བྷི་ཀྑུ་ས་ངྒྷཾ ན པ་ཝཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༨. ཨ་ཊྛ་མ སི་ཀྑཱ་པུ་ཙྪཱ
པུ་ཙྪཱ – ཨོ་ཝཱ་དཱ་ཡ ཝཱ ཨཱ་ཝུ་སོ སཾ་ཝཱ་སཱ་ཡ ཝཱ ན་ག་ཙྪ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ས་ཀྐེ་སུ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ཨོ་ཝཱ་དཾ ན་ག་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༦. ཨཱ་རཱ་མ་ཝ་གྒ, ༩. ན་ཝ་མ སི་ཀྑཱ་པུ་ཙྪཱ
པུ་ཙྪཱ – ཨུ་པོ་ས་ཐ་མྤི ཨཱ་ཝུ་སོ ན པུ་ཙྪ་ནྟི་ཡཱ ཨོ་ཝཱ་ད་མྤི ན ཡཱ་ཙ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཨུ་པོ་ས་ཐཾ ན པུ་ཙྪིཾ་སུ, ཨོ་ཝཱ་ད་མྤི ན ཡཱ་ཙིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༧. ག་བྦྷི་ནཱི་ཝ་གྒ, ༡-༢. པ་ཋ་མ, དུ་ཏི་ཡ སི་ཀྑཱ་པུ་ཙྪཱ
པུ་ཙྪཱ – ག་བྦྷི་ནིཾ ཝཱ ཨཱ་ཝུ་སོ པཱ་ཡ་ནྟིཾ ཝཱ ཝུ་ཊྛཱ་པེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ག་བྦྷི་ནིཾ ཝུ་ཊྛཱ་པེ་སུཾ, པཱ་ཡ་ནྟིཾ ཝུ་ཊྛཱ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༧. ག་བྦྷི་ནཱི་ཝ་གྒ, ༣. ཏ་ཏི་ཡ སི་ཀྑཱ་པུ་ཙྪཱ
པུ་ཙྪཱ – དྭེ ཝ་སྶཱ་ནི ཨཱ་ཝུ་སོ ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༨. ཀུ་མཱ་རཱི་བྷཱུ་ཏ་ཝ་གྒ, ༩. ན་ཝ་མ སི་ཀྑཱ་པུ་ཙྪཱ
པུ་ཙྪཱ – པུ་རི་ས་སཾ་ས་ཊྛཾ ཨཱ་ཝུ་སོ ཀུ་མཱ་ར་ཀ་སཾ་ས་ཊྛཾ ཙ་ཎྜིཾ སོ་ཀཱ་ཝཱ་སཾ སི་ཀྑ་མཱ་ནཾ ཝུ་ཊྛཱ་པེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི པུ་རི་ས་སཾ་ས་ཊྛཾ ཀུ་མཱ་ར་ཀ་སཾ་ས་ཊྛཾ ཙ་ཎྜིཾ སོ་ཀཱ་ཝཱ་སཾ ཙ་ཎྜ་ཀཱ་ལི༹ཾ སེ་ཀྑ་མཱ་ནཾ ཝུ་ཊྛཱ་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༨. ཀུ་མཱ་རཱི་བྷཱུ་ཏ་ཝ་གྒ, ༡༠. ད་ས་མ སི་ཀྑཱ་པུ་ཙྪཱ
པུ་ཙྪཱ – མཱ་ཏཱ་པི་ཏཱུ་ཧི ཝཱ ཨཱ་ཝུ་སོ སཱ་མི་ཀེ་ན ཝཱ ཨ་ན་ནུ་ཉྙཱ་ཏཾ སི་ཀྑ་མཱ་ནཾ ཝུ་ཊྛཱ་པེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི མཱ་ཏཱ་པི་ཏཱུ་ཧི་པི སཱ་མི་ཀེ་ན་པི ཨ་ན་ནུ་ཉྙཱ་ཏཾ སི་ཀྑ་མཱ་ནཾ ཝུ་ཊྛཱ་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༩. ཚ་ཏྟུ་པཱ་ཧ་ན་ཝ་གྒ, ༡-༢. པ་ཋ་མ, དུ་ཏི་ཡ སི་ཀྑཱ་པུ་ཙྪཱ
པུ་ཙྪཱ – ཚ་ཏྟུ་པཱ་ཧ་ནཾ ཨཱ་ཝུ་སོ དྷཱ་རེ་ནྟི་ཡཱ ཙ ཡཱ་ནེ་ན ཡཱ་ཡ་ནྟི་ཡཱ ཙ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ཚ་ཏྟུ་པཱ་ཧ་ནཾ དྷཱ་རེ་སུཾ, ཡཱ་ནེ་ན ཡཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༩. ཚ་ཏྟུ་པཱ་ཧ་ན་ཝ་གྒ, ༤. ཙ་ཏུ་ཏྠ སི་ཀྑཱ་པུ་ཙྪཱ
པུ་ཙྪཱ – ཨི་ཏྠཱ་ལ་ངྐཱ་རཾ ཨཱ་ཝུ་སོ དྷཱ་རེ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ཨི་ཏྠཱ་ལ་ངྐཱ་རཾ དྷཱ་རེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – བྷི་ཀྑུ པ་ན ཨཱ་ཝུ་སོ པུ་རི་སཱ་ལ་ངྐཱ་རཾ དྷཱ་རེ་ནྟོ ཀིཾ ནཱ་མ ཨཱ་པ་ཏྟིཾ ཨཱ་པ་ཛྫེ་ཡྻ.
ཝི་སྶ་ཛྫ་ནཱ – དུ་ཀྐ་ཊཾ བྷ་ནྟེ ཨཱ་པ་ཏྟིཾ ཨཱ་པ་ཛྫེ་ཡྻ.
༩. ཚ་ཏྟུ་པཱ་ཧ་ན་ཝ་གྒ, ༥. པ་ཉྩ་མ སི་ཀྑཱ་པུ་ཙྪཱ
པུ་ཙྪཱ – ག་ནྡྷ་ཝ་ཎྞ་ཀེ་ན ཨཱ་ཝུ་སོ ན་ཧཱ་ཡ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ག་ནྡྷ་ཝ་ཎྞ་ཀེ་ན ན་ཧཱ་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༩. ཚ་ཏྟུ་པཱ་ཧ་ན་ཝ་གྒ, ༡༡. ཨེ་ཀཱ་ད་ས་མ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུ་སྶ ཨཱ་ཝུ་སོ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་ད་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་དིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
༩. ཚ་ཏྟུ་པཱ་ཧ་ན་ཝ་གྒ, ༡༢. དྭཱ་ད་ས་མ སི་ཀྑཱ་པུ་ཙྪཱ
པུ་ཙྪཱ – ཨ་ནོ་ཀཱ་ས་ཀ་ཏཾ ཨཱ་ཝུ་སོ བྷི་ཀྑུཾ པ་ཉྷཾ པུ་ཙྪ་ནྟི་ཡཱ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑུ་ནི་ཡོ ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ས་པྤིཾ ཝཱ ཨཱ་ཝུ་སོ ཏེ་ལཾ ཝཱ མ་དྷུཾ ཝཱ ཕཱ་ཎི་ཏཾ ཝཱ མ་ཙྪཾ ཝཱ མཾ་སཾ ཝཱ ཁཱི་རཾ ཝཱ ད་དྷིཾ ཝཱ ཝི་ཉྙཱ་པེ་ཏྭཱ བྷུ་ཉྫ་ནྟི་ཡཱ པཱ་ཊི་དེ་ས་ནཱི་ཡཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཚ་བྦ་གྒི་ཡཱ བྷི་ཀྑུ་ནི་ཡོ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑུ་ནི་ཡོ ས་པྤི་མྤི ཏེ་ལ་མྤི མ་དྷུ་མྤི ཕཱ་ཎི་ཏ་མྤི མ་ཙྪ་མྤི མཾ་ས་མྤི ཁཱི་ར་མྤི ད་དྷི་མྤི ཝི་ཉྙཱ་པེ་ཏྭཱ བྷུ་ཉྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཙ་ཏུ་ནྣཾ ཨཱ་ཝུ་སོ ཝི་པ་ཏྟཱི་ནཾ ཀ་ཏ་མཱ ཝི་པ་ཏྟི.
ཝི་སྶ་ཛྫ་ནཱ – ཨཱ་ཙཱ་ར་ཝི་པ་ཏྟི བྷ་ནྟེ.
པུ་ཙྪཱ – ཚ་ནྣཾ ཨཱ་ཝུ་སོ ཨཱ་པ་ཏྟི་ས་མུ་ཊྛཱ་ནཱ་ནཾ ཀ་ཏི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི.
ཝི་སྶ་ཛྫ་ནཱ – ཙ་ཏཱུ་ཧི བྷ་ནྟེ ས་མུ་ཊྛཱ་ནེ་ཧི ས་མུ་ཊྛཱ་ཏི, སི་ཡཱ ཀཱ་ཡ་ཏོ ས་མུ་ཊྛཱ་ཏི, ན་ཝཱ་ཙ་ཏོ ན་ཙི་ཏྟ་ཏོ, སི་ཡཱ ཀཱ་ཡ་ཏོ ཙ ཝཱ་ཙ་ཏོ ཙ ས་མུ་ཊྛཱ་ཏི, ན་ཙི་ཏྟ་ཏོ, སི་ཡཱ ཀཱ་ཡ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི, ན་ཝཱ་ཙ་ཏོ, སི་ཡཱ ཀཱ་ཡ་ཏོ ཙ ཝཱ་ཙ་ཏོ ཙ ཙི་ཏྟ་ཏོ ཙ ས་མུ་ཊྛཱ་ཏི, ཨི་མེ་ཧི བྷ་ནྟེ ཙ་ཏཱུ་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི.
པུ་ཙྪཱ – ཀཱ ཨཱ་ཝུ་སོ ཝི་པ་ཏྟི.
ཝི་སྶ་ཛྫ་ནཱ – ཨ་སཾ་ཝ་རོ བྷ་ནྟེ ཝི་པ་ཏྟི.
པུ་ཙྪཱ – ཀཱ ཨཱ་ཝུ་སོ ས་མྤ་ཏྟི.
ཝི་སྶ་ཛྫ་ནཱ – སཾ་ཝ་རོ བྷ་ནྟེ ས་མྤ་ཏྟི.
པུ་ཙྪཱ – ཀཱ ཨཱ་ཝུ་སོ པ་ཊི་པ་ཏྟི.
ཝི་སྶ་ཛྫ་ནཱ – ན ཨེ་ཝ་རཱུ་པཾ ཀ་རི་སྶཱ་མཱི་ཏི ཡཱ་ཝ་ཛཱི་ཝཾ ཨཱ་པཱ་ཎ་ཀོ་ཊི་ཀཾ ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ, ཨ་ཡཾ བྷ་ནྟེ པ་ཊི་པ་ཏྟི.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
སུ་ཎཱ་ཏུ མེ བྷ་ནྟེ ས་ངྒྷོ…པེ… སཾ་གཱ་ཡེ་ཡྻཱ་མ.