༥. པ་ཉྩ་མ པཱ་རཱ་ཛི་ཀ སི་ཀྑཱ་པུ་ཙྪཱ
པུ་ཙྪཱ – བྷི་ཀྑུ་ནཱི་ནཾ ཨཱ་ཝུ་སོ པ་ཉྩ་མ པཱ་རཱ་ཛི་ཀཾ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ སུ་ནྡ་རཱི་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟཾ, སུ་ནྡ་རཱི་ན་ནྡཱ བྷ་ནྟེ བྷི་ཀྑུ་ནཱི ཨ་ཝ་སྶུ་ཏཱ ཨ་ཝ་སྶུ་ཏ་སྶ པུ་རི་ས་པུ་གྒ་ལ་སྶ ཀཱ་ཡ་སཾ་ས་གྒཾ སཱ་དི་ཡི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
བྷི་ཀྑུ་ནཱི་ཝི་བྷ་ངྒ, ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཨུ་སྶ་ཡ་ཝཱ་དི་ཀཱ་ཡ ཨཱ་ཝུ་སོ བྷི་ཀྑུ་ནི་ཡཱ ཨ་ཌྜཾ ཀ་རོ་ནྟི་ཡཱ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཏུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟོ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི ཨུ་སྶ་ཡ་ཝཱ་དི་ཀཱ ཝི་ཧ་རི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཙོ་རིཾ ཨཱ་ཝུ་སོ ཝུ་ཊྛཱ་པེ་ནྟི་ཡཱ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཐུ་ལླ་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟོ, ཐུ་ལླ་ན་ནྡཱ བྷ་ནྟེ བྷི་ཀྑུ་ནཱི ཙོ་རིཾ ཝུ་ཊྛཱ་པེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཨེ་ཀཱ་ཡ ཨཱ་ཝུ་སོ གཱ་མ་ནྟ་རཾ ག་ཙྪ་ནྟི་ཡཱ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟོ, ཨ་ཉྙ་ཏ་རཱ བྷ་ནྟེ བྷི་ཀྑུ་ནཱི ཨེ་ཀཱ གཱ་མ་ནྟ་རཾ ག་ཙྪི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཨ་ཝ་སྶུ་ཏཱ་ཡ ཨཱ་ཝུ་སོ བྷི་ཀྑུ་ནི་ཡཱ ཨ་ཝ་སྶུ་ཏ་སྶ པུ་རི་ས་པུ་གྒ་ལ་སྶ ཧ་ཏྠ་ཏོ ཁཱ་ད་ནཱི་ཡཾ་ཝཱ བྷོ་ཛ་ནཱི་ཡཾ་ཝཱ ས་ཧ་ཏྠཱ པ་ཊི་གྒ་ཧེ་ཏྭཱ བྷུ་ཉྫ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ སུ་ནྡ་རཱི་ན་ནྡཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟོ, སུ་ནྡ་རཱི་ན་ནྡཱ བྷ་ནྟེ བྷི་ཀྑུ་ནཱི ཨ་ཝ་སྶུ་ཏཱ ཨ་ཝ་སྶུ་ཏ་སྶ པུ་རི་ས་པུ་གྒ་ལ་སྶ ཧ་ཏྠ་ཏོ ཨཱ་མི་སཾ པ་ཊི་གྒ་ཧེ་སི ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཀུ་པི་ཏཱ་ཡ ཨཱ་ཝུ་སོ ཨ་ན་ཏྟ་མ་ནཱ་ཡ བྷི་ཀྑུ་ནི་ཡཱ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནྟི་ཡཱ ན པ་ཊི་ནི་ས་ཛྫ་ནྟི་ཡཱ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཙ་ཎྜ་ཀཱ་ལི༹ཾ བྷི་ཀྑུ་ནིཾ ཨཱ་ར་བྦྷ པ་ཉྙ་ཏྟོ, ཙ་ཎྜ་ཀཱ་ལཱི༹ བྷ་ནྟེ བྷི་ཀྑུ་ནཱི ཀུ་པི་ཏཱ ཨ་ན་ཏྟ་མ་ནཱ ཨེ་ཝཾ ཨ་བྷ་ཎི, བུ་དྡྷཾ པ་ཙྩཱ་ཙི་ཀྑཱ་མི, དྷ་མྨཾ པ་ཙྩཱ་ཙི་ཀྑཱ་མི, ས་ངྒྷཾ པ་ཙྩཱ་ཙི་ཀྑཱ་མི, སི་ཀྑཾ པ་ཙྩཱ་ཙི་ཀྑཱ་མི, ཀི་ནྣུ་མཱ་ཝ ས་མ་ཎི་ཡོ ཡཱ ས་མ་ཎི་ཡོ ས་ཀྱ་དྷཱི་ཏ་རོ, ས་ནྟ་ཉྙཱ་པི ས་མ་ཎི་ཡོ ལ་ཛྫི་ནི་ཡོ ཀུ་ཀྐུ་ཙྩི་ཀཱ སི་ཀྑཱ་ཀཱ་མཱ, ཏཱ་སཱ་ཧཾ ས་ནྟི་ཀེ བྲ་ཧྨ་ཙ་རི་ཡཾ ཙ་རི་སྶཱ་མཱི་ཏི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཨེ་ཏྠ ཀོ་ཙི་པི ཝི་ར་དྡྷ་དོ་སོ.
ཝི་སྶ་ཛྫ་ནཱ – ན་ཏྠི བྷ་ནྟེ.