༢. ཀོ་སི་ཡ་ཝ་གྒ ༤. ཚ་བྦ་སྶ སི་ཀྑཱ་པུ་ཙྪཱ

པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན ཨ་ནུ་ཝ་སྶཾ ཀཱ་རཱ་པེ་ནྟ་སྶ ནི་སྶ་གྒི་ཡཾ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟཾ.

པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – ས་མྦ་ཧུ་ལེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ཨ་ནུ་ཝ་སྶཾ ས་ནྠ་ཏཾ ཀཱ་རཱ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.

པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.

ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.

པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.

ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.

པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཨེ་ཏྠ ཀོ་ཙི ཝི་ར་དྡྷ་དོ་སོ.

ཝི་སྶ་ཛྫ་ནཱ – ན་ཏྠི བྷ་ནྟེ.

སཾ་གཱ་ཡ་ན་ཏྠཱ་ཡ ས་ངྒྷ་སྶ ཉཱ་པ་ནཾ

སུ་ཎཱ་ཏུ མེ བྷ་ནྟེ ས་ངྒྷོ, ཨ་ཧཾ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ ཨི་མེ་སཾ ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་དཱ་ནཾ ཡཱ་ཝ ཚ་བྦ་སྶ་སི་ཀྑཱ་པ་དཾ ནི་དཱ་ནཱ་དཱི་ནི པུ་ཙྪི་ཏ་བྦཱ་ནི ཨ་ནེ་ཀཱ་ནི ཋཱ་ནཱ་ནི པུ་ཙྪིཾ, པུ་ཊྛོ་པུ་ཊྛོ ཙ སོ ཨཱ་ཡ་སྨཱ ཝི་ཙི་ཏྟ་སཱ་རཱ་བྷི་ཝཾ་སོ ཝི་སྶ་ཛྫེ་སི, ཨི་ཏི་ཧི་དཾ བྷ་ནྟེ ཨི་མཱ་ནི སི་ཀྑཱ་པ་དཱ་ནི ནི་མྨ་ལཱ་ནི སུ་པ་རི་སུ་དྡྷཱ་ནཱི ཏ་སྶེ་ཝ བྷ་ག་ཝ་ཏོ ཝ་ཙ་ནཱ་ནི ཨ་ར་ཧ་ཏོ ས་མྨཱ་ས་མྦུ་དྡྷ་སྶ, ཏ་སྨཱ ཡ་ཐཱ་པུ་རེ མ་ཧཱ་ཀ་སྶ་པཱ་ད་ཡོ མ་ཧཱ་ཐེ་ར་ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ་སྶ ཙི་ར་ཊྛི་ཏི་ཡཱ བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ ལོ་ཀཱ་ནུ་ཀ་མྤཱ་ཡ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ དྷ་མྨ་ཝི་ན་ཡཾ སཾ་གཱ་ཡིཾ་སུ ཙེ་ཝ ཨ་ནུ་སཾ་གཱ་ཡིཾ་སུ ཙ, ཨེ་ཝ་མེ་ཝ མ་ཡ་མྤི དཱ་ནི ས་བྦེ་ཝ ཚ་ཊྛ་སཾ་གཱི་ཏི མ་ཧཱ་དྷ་མྨ་ས་བྷཱ པ་རི་ཡཱ་པ་ནྣཱ ཚ་བྦ་སྶ ནི་སྶ་གྒི་ཡ སི་ཀྑཱ་པ་ད་ཏོ པ་ཊྛཱ་ཡ ཨི་མཱ་ནི ནི་སྶ་གྒི་ཡ་སི་ཀྑཱ་པ་དཱ་ནི ཨེ་ཀ་ཏོ ག་ཎ་ས་ཛ྄ཛྷཱ་ཡཾ ཀ་ཏྭཱ སཾ་ཧཱ་ཡེ་ཡྻཱ་མ.