༢. ཀོ་སི་ཡ་ཝ་གྒ ༥. ནི་སཱི་ད་ན་ས་ནྠ་ཏ སི་ཀྑཱ་པུ་ཙྪཱ

པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན ཨ་ནཱ་དི་ཡི་ཏྭཱ པུ་རཱ་ཎ་ས་ནྠ་ཏ་སྶ སཱ་མ་ནྟཱ སུ་ག་ཏ་ཝི་ད་ཏྟིཾ ན་ཝཾ ནི་སཱི་ད་ན་ས་ནྠ་ཏཾ ཀཱ་རཱ་པེ་ནྟ་སྶ ནི་སྶ་གྒི་ཡཾ པཱ་ཙི་ཏྟི་ཡཾ ཀ་ཏྠ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟཾ.

པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – ས་མྦ་ཧུ་ལེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ས་མྦ་ཧུ་ལཱ བྷ་ནྟེ བྷི་ཀྑཱུ ས་ནྠ་ཏཱ་ནི ཨུ་ཛ྄ཛྷི་ཏྭཱ ཨཱ་ར་ཉྙི་ཀཾ པི་ཎྜ་པཱ་ཏི་ཀ་ངྒཾ པཾ་སུ་ཀཱུ་ལ་ཀ་ངྒཾ ས་མཱ་དི་ཡིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.