༢. ཀོ་སི་ཡ་ཝ་གྒ ༨. རཱུ་པི་ཡ སི་ཀྑཱ་པུ་ཙྪཱ
པུ་ཙྪཱ – རཱུ་པི་ཡཾ ཨཱ་ཝུ་སོ པ་ཊི་གྒ་ཎྷ་ནྟ་སྶ ནི་སྶ་གྒི་ཡཾ པཱ་ཙི་ཏྟི་ཡཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ པ་ཉྙ་ཏྟཾ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ ཨུ་པ་ན་ནྡཾ ས་ཀྱ་པུ་ཏྟཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ ཨུ་པ་ན་ནྡོ ས་ཀྱ་པུ་ཏྟོ རཱུ་པི་ཡཾ པ་ཊི་གྒ་ཧེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཀ་ཐཾ ཨཱ་ཝུ་སོ ཏ་ཏྠ པ་ཊི་པ་ཛྫ་ནྟོ རཱུ་པི་ཡཾ པ་ཊི་གྒ་ཎྷཱ་ཏི ནཱ་མ.
ཝི་སྶ་ཛྫ་ནཱ – ས་ཡཾ བྷ་ནྟེ ག་ཎྷཱ་ཏི, ཨ་ཉྙཾ ཝཱ ག་ཎྷཱ་པེ་སི, ཨི་དཾ ཨ་ཡྻ་སྶ ཧོ་ཏཱུ་ཏི ཨུ་པ་ནི་ཀྑི་ཏྟཾ སཱ་དི་ཡ་ཏི, ཨེ་ཝཾ ཁོ བྷ་ནྟེ པ་ཊི་པ་ཛྫ་ནྟོ བྷི་ཀྑུ རཱུ་པི་ཡཾ པ་ཊི་གྒ་ཎྷཱ་ཏི ནཱ་མ.
པུ་ཙྪཱ – ཀ་ཐཾ ཨཱ་ཝུ་སོ ཏ་ཏྠ པ་ཊི་པ་ཛྫ་ནྟོ བྷི་ཀྑུ རཱུ་པི་ཡཾ ན པ་ཊི་གྒ་ཎྷཱ་ཏི ནཱ་མ.
ཝི་སྶ་ཛྫ་ནཱ – ཡ་ཐཱ བྷ་ནྟེ རཱ་ཛ་སི་ཀྑཱ་པ་དེ ཡ་ཐཱ ཙ བྷ་ནྟེ མེ་ཎྜ་ཀ་སི་ཀྑཱ་པ་དེ ཨཱ་ག་ཙྪ་ཏི, ཏ་ཐཱ བྷ་ནྟེ པ་ཊི་པ་ཛྫ་ནྟོ བྷི་ཀྑུ རཱུ་པི་ཡཾ ན པ་ཊི་གྒ་ཎྷཱ་ཏི་ནཱ་མ.