༢. ཀོ་སི་ཡ་ཝ་གྒ ༩. རཱུ་པི་ཡ་སཾ་ཝོ་ཧཱ་ར སི་ཀྑཱ་པུ་ཙྪཱ

པུ་ཙྪཱ – རཱུ་པི་ཡ་སཾ་ཝོ་ཧཱ་རཾ ཨཱ་ཝུ་སོ ས་མཱ་པ་ཛྫ་ནྟ་སྶ ནི་སྶ་གྒི་ཡཾ པཱ་ཙི་ཏྟི་ཡཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟཾ.

པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – ཚ་བྦ་གྒི་ཡེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ, ཚ་བྦ་གྒི་ཡཱ བྷ་ནྟེ བྷི་ཀྑཱུ ནཱ་ན་པྤ་ཀཱ་ར་ཀཾ རཱུ་པི་ཡ་སཾ་ཝོ་ཧཱ་རཾ ས་མཱ་པ་ཛྫིཾ་སུ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.

༢. ཀོ་སི་ཡ་ཝ་གྒ, ༡༠. ཀ་ཡ་ཝི་ཀྐ་ཡ སི་ཀྑཱ་པུ་ཙྪཱ

པུ་ཙྪཱ – ནཱ་ན་པྤ་ཀཱ་ར་ཀཾ ཨཱ་ཝུ་སོ ཀ་ཡ་ཝི་ཀྐ་ཡཾ ཨཱ་པ་ཛྫ་ནྟ་སྶ ནི་སྶ་གྒི་ཡཾ པཱ་ཙི་ཏྟི་ཡཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟཾ.

པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ ཨུ་པ་ན་ནྡཾ ས་ཀྱ་པུ་ཏྟཾ ཨཱ་ར་བྦྷ པ་ཉྙ་ཏྟཾ, ཨཱ་ཡ་སྨཱ བྷ་ནྟེ ཨུ་པ་ན་ནྡོ ས་ཀྱ་པུ་ཏྟོ པ་རི་བྦཱ་ཛ་ཀེ་ན ས་དྡྷི ཀ་ཡ་ཝི་ཀྐ་ཡཾ ས་མཱ་པ་ཛྫི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.

པུ་ཙྪཱ – ཀ་ཐཾ ཨཱ་ཝུ་སོ ཏ་ཏྠ པ་ཊི་པ་ཛྫ་ནྟོ བྷི་ཀྑུ ཀ་ཡ་ཝི་ཀྐ་ཡཾ ས་མཱ་པ་ཛྫ་ཏི་ནཱ་མ.

ཝི་སྶ་ཛྫ་ནཱ – ཨི་མི་ནཱ ཨི་མཾ དེ་ཧི ཨི་མི་ནཱ ཨི་མཾ ཨཱ་ཧ་ར ཨི་མི་ནཱ ཨི་མཾ པ་རི་ཝ་ཏྟེ་ཧི ཨི་མི་ནཱ ཨི་མཾ ཙེ་ཏཱ་མེ་ཧཱི་ཏི ཨ་ཛ྄ཛྷཱ་ཙ་ར་ཏི, ཨེ་ཝཾ ཁོ བྷ་ནྟེ པ་ཊི་པ་ཛྫ་ནྟོ ཀ་ཡ་ཝི་ཀྐ་ཡཾ ས་མཱ་པ་ཛྫ་ཏི་ནཱ་མ.

པུ་ཙྪཱ – ཀ་ཐཾ ཨཱ་ཝུ་སོ ཏ་ཏྠ པ་ཊི་པ་ཛྫ་ནྟོ བྷི་ཀྑུ ན ཀ་ཡ་ཝི་ཀྐ་ཡཾ ས་མཱ་པ་ཛྫ་ཏི་ནཱ་མ.

ཝི་སྶ་ཛྫ་ནཱ – ཡོ བྷ་ནྟེ ཨ་གྒྷཾ པུ་ཙྪ་ཏི, ཡོ ཙ བྷ་ནྟེ ཀ་པྤི་ཡ་ཀཱ་ར་ཀ་སྶ ཨཱ་ཙི་ཀྑ་ཏི, ཡོ ཙ བྷ་ནྟེ ཨ་མྷཱ་ཀ་ཉྩ ཨི་དཾ ཨ་ཏྠི ཨ་མྷཱ་ཀ་ཉྩ ཨི་མི་ནཱ ཙ ཨི་མི་ནཱ ཙ ཨ་ཏྠོ་ཏི བྷ་ཎ་ཏི, ཨེ་ཝཾ ཁོ བྷ་ནྟེ པ་ཊི་པ་ཛྫ་ནྟོ བྷི་ཀྑུ ན ཀ་ཡ་ཝི་ཀྐ་ཡཾ ས་མཱ་པ་ཛྫ་ཏི་ནཱ་མ.