༡༡. བྷེ་དཱ་ནུ་ཝ་ཏྟ་ཀ སི་ཀྑཱ་པུ་ཙྪཱ

པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན བྷེ་དཱ་ནུ་ཝ་ཏྟ་ཀཱ་ནཾ བྷི་ཀྑཱུ་ནཾ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ཨ་པྤ་ཊི་ནི་སྶ་ཛྫ་ནྟཱ་ནཾ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.

ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ པ་ཉྙ་ཏྟོ.

པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.

ཝི་སྶ་ཛྫ་ནཱ – ས་མྦ་ཧུ་ལེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟོ, ས་མྦ་ཧུ་ལཱ བྷ་ནྟེ བྷི་ཀྑཱུ དེ་ཝ་ད་ཏྟ་སྶ ས་ངྒྷཱ་བྷེ་དཱ་ཡ པ་ར་ཀྐ་མ་ནྟ་སྶ ཨ་ནུ་ཝ་ཏྟ་ཀཱ ཨ་ཧེ་སུཾ ཝ་གྒ་ཝཱ་ད་ཀཱ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.