ས་ངྒྷཱ་དི་སེ་ས སི་ཀྑཱ་པུ་ཙྪཱ
༡. སུ་ཀྐ་ཝི་སྶ་ཊྛི་ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ ཛཱ་ན་ཏཱ པ་སྶ་ཏཱ ཨ་ར་ཧ་ཏཱ ས་མྨཱ་ས་མྦུ་དྡྷེ་ན ཨུ་པ་ཀྐ་མི་ཏྭཱ ཨ་སུ་ཙིཾ མོ་ཙེ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ སེ་ཡྻ་ས་ཀཾ ཨཱ་ར་བྦྷ པ་ཉྙ་ཏྟོ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨཱ བྷ་ནྟེ སེ་ཡྻ་ས་ཀོ ཧ་ཏྠེ་ན ཨུ་པ་ཀྐ་མི་ཏྭཱ ཨ་སུ་ཙིཾ མོ་ཙེ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཨ་ཏྠི ཨཱ་ཝུ་སོ ཏ་ཏྠ པ་ཉྙ་ཏྟི ཨ་ནུ་པ་ཉྙ་ཏྟི ཨ་ནུ་པྤ་ནྣ་པ་ཉྙ་ཏྟི.
ཝི་སྶ་ཛྫ་ནཱ – ཨེ་ཀཱ བྷ་ནྟེ པ་ཉྙ་ཏྟི, ཨེ་ཀཱ ཨ་ནུ་པ་ཉྙ་ཏྟི, ཨ་ནུ་པྤ་ནྣ་པ་ཉྙ་ཏྟི ཏ་སྨིཾ ན་ཏྠི.
པུ་ཙྪཱ – ཀ་ཏ་མཱ ཨཱ་ཝུ་སོ ཏ་ཏྠ མཱུ་ལ་པ་ཉྙ་ཏྟི.
ཝི་སྶ་ཛྫ་ནཱ – ས་ཉྩེ་ཏ་ནི་ཀཱ སུ་ཀྐ་ཝི་སྶ་ཊྛི ས་ངྒྷཱ་དི་སེ་སོ་ཏི ཨ་ཡཾ བྷ་ནྟེ ཏ་ཏྠ མཱུ་ལ་པ་ཉྙ་ཏྟི.
པུ་ཙྪཱ – ཀ་ཏ་མཱ པ་ནཱ་ཝུ་སོ ཏ་ཏྠ ཨ་ནུ་པ་ཉྙ་ཏྟི.
ཝི་སྶ་ཛྫ་ནཱ – ཨ་ཉྙ་ཏྲ སུ་པི་ན་ནྟཱ་ཏི ཨ་ཡཾ བྷ་ནྟེ ཏ་ཏྠ ཨ་ནུ་པ་ཉྙ་ཏྟི.
པུ་ཙྪཱ – ཀ་ཏ་མཱ པ་ནཱ་ཝུ་སོ ཏ་ཏྠ པ་རི་པུ་ཎྞ་པ་ཉྙ་ཏྟི.
ཝི་སྶ་ཛྫ་ནཱ – ས་ཉྩེ་ཏ་ནི་ཀཱ སུ་ཀྐ་ཝི་སྶ་ཊྛི ཨ་ཉྙ་ཏྲ་སུ་པི་ན་ནྟཱ ས་ངྒྷཱ་དི་སོ་ཏི ཨ་ཡཾ བྷ་ནྟེ ཏ་ཏྠ པ་རི་པུ་ཎྞ་པ་ཉྙ་ཏྟི.
པུ་ཙྪཱ – སཱ་དྷཱ་ར་ཎ པ་ཉྙ་ཏྟི་ནུ་ཁོ ཨཱ་ཝུ་སོ ཨ་སཱ་དྷཱ་ར་ཎ པ་ཉྙ་ཏྟི་ནུ་ཁོ.
ཝི་སྶ་ཛྫ་ནཱ – ཨ་སཱ་དྷཱ་ར་ཎ་པ་ཉྙ་ཏྟི བྷ་ནྟེ.
པུ་ཙྪཱ – ཏ་ཏྠ ཨཱ་ཝུ་སོ ཨུ་པ་ཀྐ་མི་ཏྭཱ ཨ་སུ་ཙིཾ མོ་ཙེ་ནྟོ ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི.
ཝི་སྶ་ཛྫ་ནཱ – ཨུ་པ་ཀྐ་མི་ཏྭཱ བྷ་ནྟེ ཨ་སུ་ཙིཾ མོ་ཙེ་ནྟོ ཏི་སྶོ ཨཱ་པ་ཏྟི་ཡོ ཨཱ་པ་ཛྫ་ཏི, ཙེ་ཏེ་ཏི ཨུ་པ་ཀྐ་མ་ཏི མུ་ཙྩ་ཏི ཨཱ་པ་ཏྟི
ས་ངྒྷཱ་དི་སེ་ས་སྶ, ཙེ་ཏེ་ཏི ཨུ་པ་ཀྐ་མ་ཏི ན མུ་ཙྩ་ཏི ཨཱ་པ་ཏྟི ཐུ་ལླ་ཙྩ་ཡ་སྶ, པ་ཡོ་གེ དུ་ཀྐ་ཊཾ.
པུ་ཙྪཱ – ཀེ་སཾ ཨཱ་ཝུ་སོ ཨ་ནཱ་པ་ཏྟི.
ཝི་སྶ་ཛྫ་ནཱ – ཚ་ནྣཾ བྷ་ནྟེ ཨ་ནཱ་པ་ཏྟི སུ་པི་ན་ནྟེ་ན མོ་ཙེ་ནྟ་སྶ ན མོ་ཙ་ནཱ་དྷི་པྤཱ་ཡ་སྶ ཨུ་མྨ་ཏྟ་ཀ་སྶ ཁི་ཏྟ་ཙི་ཏྟ་སྶ ཝེ་ད་ནཱ་ཊྚ་སྶ ཨཱ་དི་ཀ་མྨི་ཀ་སྶ ཨི་མེ་སཾ ཁོ བྷ་ནྟེ ཚ་ནྣཾ ཨ་ནཱ་པ་ཏྟི.
པུ་ཙྪཱ – པ་ཉྩ་ནྣཾ ཨཱ་ཝུ་སོ པཱ་ཏི་མོ་ཀྑུ་དྡེ་སཱ་ནཾ ཀ་ཏ་མེ་ན ཨུ་དྡེ་སེ་ན ཨུ་དྡེ་སཾ ཨཱ་ག་ཙྪ་ཏི.
ཝི་སྶ་ཛྫ་ནཱ – པ་ཉྩ་ནྣཾ བྷ་ནྟེ པཱ་ཏི་མོ་ཀྑུ་དྡེ་སཱ་ནཾ ཏ་ཏི་ཡེ་ན ཨུ་དྡེ་སེ་ན ཨུ་དྡེ་སཾ ཨཱ་ག་ཙྪ་ཏི.
པུ་ཙྪཱ – ཙ་ཏུ་ནྣཾ ཨཱ་ཝུ་སོ ཝི་པ་ཏྟཱི་ནཾ ཀ་ཏ་མཱ ཝི་པ་ཏྟི.
ཝི་སྶ་ཛྫ་ནཱ – ཙ་ཏུ་ནྣཾ བྷ་ནྟེ ཝི་པ་ཏྟཱི་ནཾ སཱི་ལ་ཝི་པ་ཏྟི.
པུ་ཙྪཱ – ཀཱ ཨཱ་ཝུ་སོ ཝི་པ་ཏྟི.
ཝི་སྶ་ཛྫ་ནཱ – ཨ་སཾ་ཝ་རོ བྷ་ནྟེ ཝི་པ་ཏྟི.
པུ་ཙྪཱ – ཀཱ ཨཱ་ཝུ་སོ ས་མྤ་ཏྟི.
ཝི་སྶ་ཛྫ་ནཱ – སཾ་ཝ་རོ བྷ་ནྟེ ས་མྤ་ཏྟི.
པུ་ཙྪཱ – ཀཱ ཨཱ་ཝུ་སོ པ་ཊི་པ་ཏྟི.
ཝི་སྶ་ཛྫ་ནཱ – ན ཨེ་ཝ རཱུ་པཾ ཀ་རི་སྶཱ་མཱི་ཏི ཡཱ་ཝ་ཛཱི་ཝཾ ཨཱ་པཱ་ཎ་ཀོ་ཊི་ཀཾ ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ ཨ་ཡཾ བྷ་ནྟེ པ་ཊི་པ་ཏྟི.
པུ་ཙྪཱ – ཀ་ཏི ཨཱ་ཝུ་སོ ཨ་ཏྠ་ཝ་སེ པ་ཊི་ཙྩ བྷ་ག་ཝ་ཏཱ ཨུ་པ་ཀྐ་མི་ཏྭཱ ཨ་སུ་ཙིཾ མོ་ཙེ་ནྟ་སྶ ས་ངྒྷཱ་དི་སེ་སོ པ་ཉྙ་ཏྟོ.
ཝི་སྶ་ཛྫ་ནཱ – ད་ས བྷ་ནྟེ ཨ་ཏྠ་ཝ་སེ པ་ཊི་ཙྩ བྷ་ག་ཝ་ཏཱ ཨུ་པ་ཀྐ་མི་ཏྭཱ ཨ་སུ་ཙིཾ མོ་ཙེ་ནྟ་སྶ ས་ངྒྷཱ་དི་སེ་སོ པ་ཉྙ་ཏྟོ ས་ངྒྷ་སུ་ཊྛུ་ཏཱ་ཡ…པེ… ཝི་ན་ཡཱ་ནུ་གྒ་ཧཱ་ཡ.
པུ་ཙྪཱ – ཀ་ཏྠ ཨཱ་ཝུ་སོ ཋི་ཏཾ.
ཝི་སྶ་ཛྫ་ནཱ – སི་ཀྑཱ་ཀཱ་མེ་སུ བྷ་ནྟེ ཋི་ཏཾ.
པུ་ཙྪཱ – ཀེ ཨཱ་ཝུ་སོ དྷཱ་རེ་ནྟི.
ཝི་སྶ་ཛྫ་ནཱ – ཡེ་སཾ བྷ་ནྟེ ཝ་ཏྟ་ཏི ཏེ དྷཱ་རེ་ནྟི.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཏ་ཏྠ ས་ནི་དཱ་ནེ ས་པ་ད་བྷཱ་ཛ་ནཱི་ཡེ ས་ཝི་ནཱི་ཏ་ཝ་ཏྠུ་ཀེ ཨུ་པ་ནེ་ཏ་བྦཾ ཝཱ ཨ་པ་ནེ་ཏ་བྦཾ ཝཱ ཨ་ཀྑ་ར་པ་ད་པ་ཙྩཱ་བྷ་ཊྛཾ ཝཱ ཝི་ར་དྡྷ་པ་ད་བྱ་ཉྫ་ནཾ ཝཱ.
སཾ་གཱ་ཡ་ན་ཏྠཱ་ཡ ས་ངྒྷ་སྶ ཉཱ་པ་ནཾ
སུ་ཎཱ་ཏུ མེ བྷ་ནྟེ ས་ངྒྷོ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ པ་ཋ་མ་སྶ ས་ངྒྷཱ་དི་སེ་ས སི་ཀྑཱ་པ་ད་སྶ ནི་དཱ་ན་མྤི པུ་ཙྪིཾ, པུ་གྒ་ལ་མྤི པུ་ཙྪིཾ, ཝ་ཏྠུ་མྤི པུ་ཙྪིཾ, པ་ཉྙ་ཏྟི་མྤི པུ་ཙྪིཾ, ཨ་ནུ་པ་ཉྙ་ཏྟི་མྤི པུ་ཙྪི, ཨཱ་པ་ཏྟི་མྤི པུ་ཙྪིཾ, ཨ་ནཱ་པ་ཏྟི་མྤི པུ་ཙྪིཾ, ཨ་ཉྙཱ་ནི་པི ཨེ་ཝ་རཱུ་པཱ་ནི ཨ་ནེ་ཀཱ་ནི པུ་ཙྪི་ཏ་བྦ་ཊྛཱ་ནཱ་ནི པུ་ཙྪིཾ, པུ་ཊྛོ པུ་ཊྛོ ཙ སོ ཨཱ་ཡ་སྨཱ ཝི་ཙི་ཏྟ་སཱ་རཱ་བྷི་ཝཾ་སོ ཝི་སྶ་ཛྫེ་སི, ཨི་ཏི་ཧི་དཾ བྷ་ནྟེ པ་ཋ་མ ས་ངྒྷཱ་དི་སེ་ས སི་ཀྑཱ་པ་དཾ ས་པ་རི་ཝཱ་རཾ ནི་མྨ་ལཾ སུ་པ་རི་སུ་དྡྷཾ ཏ་སྶེ་ཝ བྷ་ག་ཝ་ཏོ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ. ཏ་སྨཱ ཡ་ཐཱ་པུ་རེ མ་ཧཱ་ཀ་སྶ་པཱ་ད་ཡོ མ་ཧཱ་ཐེ་ར་ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ་སྶ ཙི་ར་ཊྛི་ཏི་ཡཱ བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ ལོ་ཀཱ་ནུ་ཀ་མྤཱ་ཡ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ དྷ་མྨ་ཝི་ན་ཡཾ སཾ་གཱ་ཡིཾ་སུ་ཙེ་ཝ ཨ་ནུ་སཾ་གཱ་ཡིཾ་སུ་ཙ, ཨེ་ཝ་མེ་ཝ མ་ཡ་མྤི ས་བྦེ་ཝ ཚ་ཊྛ་སཾ་གཱི་ཏི་མ་ཧཱ་དྷ་མྨ་ས་བྷཱ པ་རི་ཡཱ་པ་ནྣཱ ཨི་དཾ པ་ཋ་མཾ ས་ངྒྷཱ་དི་སེ་ས སི་ཀྑཱ་པ་དཾ ནི་དཱ་ན་ཏོ པ་ཊྛཱ་ཡ ཨེ་ཀ་ཙྩཱ་ནཾ ཝ་ཙ་སཱ ས་ཛ྄ཛྷཱ་ཡ་ཝ་སེ་ན ཨེ་ཀ་ཙྩཱ་ནཾ མ་ན་སཱ མ་ན་སི་ཀ་ར་ཎ་ཝ་སེ་ན་ཙ ཨེ་ཀ་ཏོ ག་ཎ་ས་ཛ྄ཛྷཱ་ཡཾ ཀ་ཏྭཱ སཾ་གཱ་ཡེ་ཡྻཱ་མ.
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན མཱ་ཏུ་ཀཱ་མེ་ན ས་དྡྷིཾ ཀཱ་ཡ་སཾ་ས་གྒཾ ས་མཱ་པ་ཛྫ་ནྟ་སྶ ཙ, མཱ་ཏུ་གཱ་མཾ དུ་ཊྛུ་ལླཱ་ཧི ཝཱ་ཙཱ་ཧི ཨོ་བྷཱ་ས་ནྟ་སྶ ཙ, མཱ་ཏུ་གཱ་མ་སྶ ས་ནྟི་ཀེ ཨ་ཏྟ་ཀཱ་མ པཱ་རི་ཙ་རི་ཡཱ་ཡ ཝ་ཎྞཾ བྷཱ་ས་ནྟ་སྶ ཙ, ས་ཉྩ་རི་ཏྟཾ ས་མཱ་པ་ཛྫ་ནྟ་སྶ ཙ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ ཨུ་དཱ་ཡི་ཏྠེ་རཾ ཨཱ་ར་བྦྷ པ་ཉྙ་ཏྟོ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨཱ བྷ་ནྟེ ཨུ་དཱ་ཡི་ཏྠེ་རོ མཱ་ཏུ་གཱ་མེ་ན ས་དྡྷིཾ ཀཱ་ཡ་སཾ་ས་གྒཾ ས་མཱ་པ་ཛྫི, ཨཱ་ཡ་སྨཱ་ཡེ་ཝ བྷ་ནྟེ ཨུ་དཱ་ཡི་ཏྠེ་རོ མཱ་ཏུ་གཱ་མཾ དུ་ཊྛུ་ལླཱ་ཧི ཝཱ་ཙཱ་ཧི ཨོ་བྷཱ་སི, ཨཱ་ཡ་སྨཱ་ཡེ་ཝ བྷ་ནྟེ ཨུ་དཱ་ཡི་ཏྠེ་རོ མཱ་ཏུ་གཱ་མ་སྶ ས་ནྟི་ཀེ ཨ་ཏྟ་ཀཱ་མ པཱ་རི་ཙ་རི་ཡཱ་ཡ ཝ་ཎྞཾ ཨ་བྷཱ་སི, ཨཱ་ཡ་སྨཱ་ཡེ་ཝ བྷ་ནྟེ ཨུ་དཱ་ཡི་ཏྠེ་རོ ས་ཉྩ་རི་ཏྟཾ ས་མཱ་པ་ཛྫིཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
༦. ཀུ་ཊི་ཀཱ་ར ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ…པེ… ས་མྨཱ་ས་མྦུ་དྡྷེ་ན ས་ཉྙཱ་ཙི་ཀཱ་ཡ ཀུ་ཊིཾ ཀཱ་རཱ་པེ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ལ༹་ཝི་ཡཾ བྷ་ནྟེ པ་ཉྙ་ཏྠོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ལ༹་ཝི་ཀེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟོ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ལ༹་ཝི་ཀཱ བྷ་ནྟེ བྷི་ཀྑཱུ ས་ཉྙཱ་ཙི་ཀཱ་ཡོ ཀུ་ཊི་ཡོ ཀཱ་རཱ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
༧. ཝི་ཧཱ་ར་ཀཱ་ར ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ…པེ… ས་མྨཱ་ས་མྦུ་དྡྷེ་ན མ་ཧ་ལླ་ཀཾ ཝི་ཧཱ་རཾ ཀཱ་རཱ་པེ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – ཀོ་ས་མྦི་ཡཾ བྷ་ནྟེ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ ཚ་ནྣ་ཏྠེ་རཾ ཨཱ་ར་བྦྷ པ་ཉྙ་ཏྟོ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨཱ བྷ་ནྟེ ཚ་ནྣོ ཝི་ཧཱ་ར་ཝ་ཏྠུཾ སོ་དྷེ་ནྟོ ཨ་ཉྙ་ཏ་རཾ ཙེ་ཏི་ཡ་རུ་ཀྑཾ ཚེ་དཱ་པེ་སི གཱ་མ་པཱུ་ཛི་ཏཾ ནི་ག་མ་པཱུ་ཛི་ཏཾ ན་ག་ར པཱུ་ཛི་ཏཾ ཛ་ན་པ་ད་པཱུ་ཛི་ཏཾ ར་ཊྛ་པཱུ་ཛི་ཏཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
༨-༩. དུ་ཊྛ་དོ་ས ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན བྷི་ཀྑུཾ ཨ་མཱུ་ལ་ཀེ་ན པཱ་རཱ་ཛི་ཀེ་ན དྷ་མྨེ་ན ཨ་ནུ་དྡྷཾ་སེ་ནྟ་སྶ ཙ, བྷི་ཀྑུཾ ཨ་ཉྙ་བྷཱ་གི་ཡ་སྶ ཨ་དྷི་ཀ་ར་ཎ་སྶ ཀི་ཉྩི་དེ་སཾ ལེ་ས་མ་ཏྟཾ ཨུ་པཱ་དཱ་ཡ པཱ་རཱ་ཛི་ཀེ་ན དྷ་མྨེ་ན ཨ་ནུ་དྡྷཾ་སེ་ནྟ་སྶ ཙ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – མེ་ཏྟི་ཡ་བྷཱུ་མ་ཛ་ཀཱ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟོ, མེ་ཏྟི་ཡ་བྷཱུ་མ་ཛ་ཀཱ བྷ་ནྟེ བྷི་ཀྑཱུ ཨཱ་ཡ་སྨ་ནྟཾ ད་བྦཾ མ་ལླ་པུ་ཏྟཾ ཨ་མཱུ་ལ་ཀེ་ན པཱ་རཱ་ཛི་ཀེ་ན དྷ་མྨེ་ན ཨ་ནུ་དྡྷཾ་སེ་སུཾ, ཏེ་ཡེ་ཝ བྷ་ནྟེ མེ་ཏྟི་ཡ་བྷཱུ་མ་ཛ་ཀཱ བྷི་ཀྑཱུ ཨཱ་ཡ་སྨ་ནྟཾ ད་བྦཾ མ་ལླ་པུ་ཏྟཾ ཨ་ཉྙ་བྷཱ་གི་ཡ་སྶ ཨ་དྷི་ཀ་ར་ཎ་སྶ ཀི་ཉྩི་དེ་སཾ ལེ་ས་མ་ཏྟཾ ཨུ་པཱ་དཱ་ཡ པཱ་རཱ་ཛི་ཀེ་ན དྷ་མྨེ་ན ཨ་ནུ་དྡྷཾ་སེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ, པ་ཉྙ་ཏྟོ.
༡༠. ས་ངྒྷ་བྷེ་ད་ཀ ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན ས་ངྒྷ་བྷེ་ད་ཀ་སྶ བྷི་ཀྑུ་ནོ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ཨ་པྤ་ཊི་ནི་སྶ་ཛྫ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྠོ.
ཝི་སྶ་ཛྫ་ནཱ – དེ་ཝ་ད་ཏྟཾ བྷ་ནྟེ ཨཱ་ར་བྦྷ པ་ཉྙ་ཏྟོ.
དེ་ཝ་ད་ཏྟོ བྷ་ནྟེ ས་མ་གྒ་སྶ ས་ངྒྷ་སྶ བྷེ་དཱ་ཡ པ་ར་ཀྐ་མི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
༡༡. བྷེ་དཱ་ནུ་ཝ་ཏྟ་ཀ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན བྷེ་དཱ་ནུ་ཝ་ཏྟ་ཀཱ་ནཾ བྷི་ཀྑཱུ་ནཾ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ཨ་པྤ་ཊི་ནི་སྶ་ཛྫ་ནྟཱ་ནཾ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ས་མྦ་ཧུ་ལེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟོ, ས་མྦ་ཧུ་ལཱ བྷ་ནྟེ བྷི་ཀྑཱུ དེ་ཝ་ད་ཏྟ་སྶ ས་ངྒྷཱ་བྷེ་དཱ་ཡ པ་ར་ཀྐ་མ་ནྟ་སྶ ཨ་ནུ་ཝ་ཏྟ་ཀཱ ཨ་ཧེ་སུཾ ཝ་གྒ་ཝཱ་ད་ཀཱ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
༡༢. དུ་བྦ་ཙ, ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན དུ་བྦ་ཙ་སྶ བྷི་ཀྑུ་ནོ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ཨ་པྤ་ཊི་ནི་སྶ་ཛྫ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – ཀོ་ས་མྦི་ཡཾ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ ཚ་ནྣཾ ཨཱ་ར་བྦྷ པ་ཉྙ་ཏྟོ, ཨཱ་ཡ་སྨཱ བྷ་ནྟེ ཚ་ནྣོ བྷི་ཀྑཱུ་ཧི ས་ཧ་དྷ་མྨི་ཀཾ ཝུ་ཙྩ་མཱ་ནོ ཨ་ཏྟཱ་ནཾ ཨ་ཝ་ཙ་ནཱི་ཡཾ ཨ་ཀཱ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
༡༣. ཀུ་ལ་དཱུ་ས་ཀ ས་ངྒྷཱ་དི་སེ་ས སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན ཀུ་ལ་དཱུ་ས་ཀ་སྶ བྷི་ཀྑུ་ནོ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ཨ་པྤ་ཊི་ནི་སྶ་ཛྫ་ནྟ་སྶ ས་ངྒྷཱ་དི་སེ་སོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ར་བྦྷ ཨཱ་ཝུ་སོ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨ་སྶ་ཛི པུ་ན་བྦ་སུ་ཀེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟོ, ཨ་སྶ་ཛི་པུ་ན་བྦ་སུ་ཀཱ བྷ་ནྟེ བྷི་ཀྑཱུ ས་ངྒྷེ་ན པ་བྦཱ་ཛ་ནཱི་ཡ་ཀ་མྨ་ཀ་ཏཱ ཚ་ནྡ་གཱ་མི་ཏཱ དོ་ས་གཱ་མི་ཏཱ མོ་ཧ་གཱ་མི་ཏཱ བྷ་ཡ་གཱ་མི་ཏཱ པཱ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
ཨ་ནི་ཡ་ཏ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ…པེ… ས་མྨཱ་ས་མྦུ་དྡྷེ་ན པ་ཋ་མོ ཙ ཨ་ནི་ཡ་ཏོ དུ་ཏི་ཡོ ཙ ཨ་ནི་ཡ་ཏོ ཀ་ཏྠ པ་ཉྙ་ཏྟོ.
ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ པ་ཉྙ་ཏྟོ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟོ.
ཝི་སྶ་ཛྫ་ནཱ – ཨཱ་ཡ་སྨ་ནྟཾ བྷ་ནྟེ ཨུ་དཱ་ཡིཾ ཨཱ་ར་བྦྷ པ་ཉྙ་ཏྟོ, ཨཱ་ཡ་སྨཱ བྷ་ནྟེ ཨུ་དཱ་ཡཱི མཱ་ཏུ་གཱ་མེ་ན ས་དྡྷིཾ ཨེ་ཀོ་ཨེ་ཀཱ་ཡ ར་ཧོ པ་ཊི་ཙྪ་ནྣེ ཨཱ་ས་ནེ ཨ་ལཾ་ཀ་མྨ་ནི་ཡེ ནི་ས་ཛྫཾ ཀ་པྤེ་སི, ཏ་སྨི་ཉྩ ཝ་ཏྠུ་སྨིཾ, ཨཱ་ཡ་སྨཱ་ཡེ་ཝ བྷ་ནྟེ ཨུ་དཱ་ཡཱི མཱ་ཏུ་གཱ་མེ་ན ས་དྡྷིཾ ར་ཧོ ནི་ས་ཛྫཾ ཨ་ཀཱ་སི, ཏ་སྨི་ཉྩ བྷ་ནྟེ ཝ་ཏྠུ་སྨིཾ པ་ཉྙ་ཏྟོ.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཨེ་ཏྠ ཀོ་ཙི་པི ཝི་ར་དྡྷ་དོ་སོ.
ཝི་སྶ་ཛྫ་ནཱ – ན་ཏྠི བྷ་ནྟེ.
སཾ་གཱ་ཡ་ན་ཏྠཱ་ཡ ས་ངྒྷ་སྶ་ཉཱ་པ་ནཾ
སུ་ཎཱ་ཏུ མེ བྷ་ནྟེ ས་ངྒྷོ, ཨ་ཧཾ བྷ་ནྟེ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ པ་ཋ་མ དུ་ཊྛ་དོ་ས སི་ཀྑཱ་པ་ད་ཏོ པ་ཊྛཱ་ཡ པུ་ཙྪི་ཏ་བྦཱ་ནི ཨ་ནེ་ཀཱ་ནི ཋཱ་ནཱ་ནི པུ་ཙྪིཾ, སོ ཙ ཨཱ་ཡ་སྨཱ པུ་ཊྛོ པུ་ཊྛོ ཝི་སྶ་ཛྫེ་ཏི, ཨི་ཏི་ཧི་དཾ བྷ་ནྟེ ས་བྦཾ སི་ཀྑཱ་པ་དཾ ནི་མྨ་ལཾ སུ་པ་རི་སུ་དྡྷཾ ཏ་སྶེ་ཝ བྷ་ག་ཝ་ཏོ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ, ཏ་སྨཱ ཡ་ཐཱ་པུ་རེ མ་ཧཱ་ཀ་སྶ་པཱ་ད་ཡོ མ་ཧཱ་ཐེ་ར་ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ་སྶ ཙི་ར་ཊྛི་ཏི་ཡཱ བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ ལོ་ཀཱ་ནུ་ཀ་མྤཱ་ཡ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ སཾ་གཱ་ཡིཾ་སུ་ཙེ་ཝ ཨ་ནུ་སཾ་གཱ་ཡིཾ་སུ་ཙ, ཨེ་ཝ་མེ་ཝ མ་ཡ་མྤི དཱ་ནི ས་བྦེ་ཝ ཚ་ཊྛ་སཾ་གཱི་ཏི མ་ཧཱ་དྷ་མྨ་ས་བྷཱ་པ་རི་ཡཱ་པ་ནྣཱ ཨི་མཱ་ནི སི་ཀྑཱ་པ་དཱ་ནི ཨེ་ཀ་ཏོ ག་ཎ་ས་ཛ྄ཛྷཱ་ཡཾ ཀ་ཏྭཱ སཾ་གཱ་ཡེ་ཡྻཱ་མ.