༡༡༧. སཱ་ས་སྶ སི་ས ཝཱ

སཱ་ས་སྶ སི་ས ཝཱ ཧོ་ཏི ཀཱ་ནུ་བ་ནྡྷེ. པུ་བྦ་རཱུ་པཾ, སཱ་སཱི་ཡ་ཏཱི་ཏི སི་སྶོ.

སི་དྡྷཱ ཨེ་ཝེ+ཏེ ཏ་བྦཱ་ད་ཡོ པེ་སཱ+ཏི་ས་གྒ+པྤ་ཏྟ་ཀཱ་ལེ་སུ ག་མྱ་མཱ་ནེ་སུ་པི, སཱ་མ་ཉྙེ་ན ཝི་དྷཱ་ན་ཏོ. པེ་ས་ནཾ – ‘‘ཀ་ཏྟ་བྦ+མི་དཾ བྷ་ཝ་ཏཱ’’ཏི ཨཱ་ཎཱ་པ་ནཾ ཨ་ཛ྄ཛྷེ་ས་ན་ཉྩ. ཨ་ཏི་ས་གྒོ ནཱ་མ ‘‘ཀི+མི་དཾ མ་ཡཱ ཀ་ཏྟ་བྦཾ’’ཏི པུ་ཊྛ་སྶ ‘‘པཱ་ཎོ ན ཧ་ནྟ་བྦོ’’ཏི་ཨཱ་དི་ནཱ པ་ཊི་པ་ཏྟི་ད་སྶ་ན་མུ་ཁེ་ན ཀ་ཏྟ་བྦ་སྶ ཨ་ནུ་ཉྙཱ. པ་ཏྟ་ཀཱ་ལོ ནཱ་མ ས་མྤ་ཏྟ་ས་མ་ཡོ. ཡོ ཀི་ཙྩ་ཀ་ར་ཎ་ས་མ་ཡཾ ཨུ་པ་པ་རི་ཀྑི་ཏྭཱ ཀ་རོ་ཏི, ཏ་སྶ ས་མ་ཡཱ་རོ་ཙ་ནཾ, ན ཏ་ཏྠ ཨ་ཛ྄ཛྷེ་ས་ན+མ་ཏྠི. བྷོ་ཏཱ ཁ་ལུ ཀ་ཊོ ཀ་ཏྟ་བྦོ ཀ་ར་ཎཱི་ཡོ ཀཱ་རི་ཡོ ཀི་ཙྩོ’’ ཨེ་ཝཾ ཏྭ་ཡཱ ཀ་ཊོ ཀ་ཏྟ་བྦོ, བྷོ་ཏོ ཧི པ་ཏྟོ ཀཱ་ལོ ཀ་ཊ་ཀ་ར་ཎེ.

ཨེ་ཝཾ ཨུ་དྡྷ་མུ་ཧུ་ཏྟེ་པི ཝ་ཏྟ་མཱ་ན་ཏོ པེ་སཱ་དཱི་སུ སི་དྡྷཱ ཨེ་ཝ. ཏ་ཐཱ ཨ་ར་ཧེ ཀ་ཏྟ་རི ས་ཏྟི་ཝི་སི་ཊྛེ ཙ པ་ཏཱི་ཡ་མཱ་ནེ, ཨཱ་ཝ་སྶ་ཀཱ+དྷ་མཱི་ཎ་ཏཱ་ཝི་སི་ཊྛེ ཙ བྷཱ་ཝཱ་དོ སི་དྡྷཱ. ཨུ་དྡྷཾ མུ་ཧུ་ཏྟ་ཏོ-བྷོ་ཏཱ ཀ་ཊོ ཀ་ཏྟ་བྦོ. བྷོ་ཏཱ ར་ཛྫཾ ཀཱ་ཏ་བྦཾ, བྷ་ཝཾ ཨ་ར་ཧོ. བྷོ་ཏཱ བྷཱ་རོ ཝ་ཧི་ཏ་བྦོ, བྷ་ཝཾ ས་ཀྐོ. བྷོ་ཏཱ ཨ་ཝ་སྶཾ ཀ་ཊོ ཀ་ཏྟ་བྦོ. བྷོ་ཏཱ ནི་ཀྑོ དཱ་ཏ་བྦོ.