༡༩. ས་མྤ་ཡུ་ཏྟ་པ་ཙྩ་ཡོ

ས་མྤ་ཡུ་ཏྟ་པ་ཙྩ་ཡོ ཝི་པྤ་ཡུ་ཏྟ་པ་ཙྩ་ཡོ་ཏི ཨེ་ཀཾ དུ་ཀྐཾ. ཨ་ཏྠི པ་ཙྩ་ཡོ ན་ཏྠི པ་ཙྩ་ཡོ་ཏི ཨེ་ཀཾ དུ་ཀྐཾ. ཝི་ག་ཏ་པ་ཙྩ་ཡོ ཨ་ཝི་ག་ཏ པ་ཙྩ་ཡོ་ཏི ཨེ་ཀཾ དུ་ཀྐཾ. ཨི་མཱ་ནི ཏཱི་ཎི པ་ཙྩ་ཡ་དུ་ཀྐཱ་ནི ཝི་སུཾ པ་ཙྩ་ཡ ཝི་སེ་སཱ་ནི ན ཧོ་ནྟི. པུ་བྦེ ཨཱ་ག་ཏེ་སུ པ་ཙྩ་ཡེ་སུ ཀེ་ཙི པ་ཙྩ་ཡཱ ཨ་ཏྟ་ནོ པ་ཙྩ་ཡུ་པྤ་ནྣེ་ཧི ས་མྤ་ཡུ་ཏྟཱ ཧུ་ཏྭཱ པ་ཙྩ་ཡ་ཏྟཾ ག་ཙྪ་ནྟི, ཀེ་ཙི ཝི་པྤ་ཡུ་ཏྟཱ ཧུ་ཏྭཱ, ཀེ་ཙི ཝི་ཛྫ་མཱ་ནཱ ཧུ་ཏྭཱ, ཀེ་ཙི ཨ་ཝི་ཛྫ་མཱ་ནཱ ཧུ་ཏྭཱ, ཀེ་ཙི ཝི་ག་ཏཱ ཧུ་ཏྭཱ, ཀེ་ཙི ཨ་ཝི་ག་ཏཱ ཧུ་ཏྭཱ པ་ཙྩ་ཡ་ཏྟཾ ག་ཙྪ་ནྟཱི་ཏི ད་སྶ་ན་ཏྠཾ ཨི་མཱ་ནི ཏཱི་ཎི པ་ཙྩ་ཡ་དུ་ཀྐཱ་ནི ཝུ་ཏྟཱ་ནི.

ཨེ་ཏྠ ཙ ཨ་ཏྠཱི་ཏི ཁོ ཀ་ཙྩཱ་ན ཨ་ཡ་མེ་ཀོ ཨ་ནྟོ, ན་ཏྠཱི་ཏི ཁོ དུ་ཏི་ཡོ ཨ་ནྟོ་ཏི ཨེ་ཝ་རཱུ་པེ་སུ ཋཱ་ནེ་སུ ཨ་ཏྠི་ན་ཏྠི་ས་དྡཱ ས་སྶ་ཏུ་ཙྪེ་དེ་སུ་པ་ཝ་ཏྟ་ནྟི, ཏ་སྨཱ ཨེ་ཝ་རཱུ་པཱ་ནཾ ཨ་ཏྠཱ་ནཾ ནི་ཝ་ཏྟ་ན་ཏྠཾ པུ་ན ཝི་ག་ཏ་དུ་ཀྐཾ ཝུ་ཏྟཾ.

ས་བྦེ་པི ས་ཧ་ཛཱ་ཏཱ ཙི་ཏྟ་ཙེ་ཏ་སི་ཀཱ དྷ་མྨཱ ཨ་ཉྙ་མ་ཉྙ་སྶ པ་ཙྩ་ཡཱ ཙེ་ཝ ཧོ་ནྟི པ་ཙྩ་ཡུ་པྤ་ནྣཱ ཙ.

ཀེ་ན་ཊྛེ་ན ས་མྤ་ཡུ་ཏྟོ. ཨེ་ཀུ་པྤཱ་ད་ཏཱ ཨེ་ཀ་ནི་རོ་དྷ་ཏཱ ཨེ་ཀ་ཝ་ཏྠུ་ཀ་ཏཱ ཨེ་ཀཱ་ར་མྨ་ཎ་ཏཱ་ཏི ཨི་མེ་ཧི ཙ་ཏཱུ་ཧི ས་མྤ་ཡོ་ག་ངྒེ་ཧི ས་མ་ནྣཱ་ག་ཏོ ཧུ་ཏྭཱ སཾ་ཡུ་ཏྟོ ཨེ་ཀཱི་བྷཱ་ཝཾ ག་ཏོ་ཏི ས་མྤ་ཡུ་ཏྟོ.

ཏ་ཏྠ ཨེ་ཀཱི་བྷཱ་ཝཾ ག་ཏོ་ཏི ཙ་ཀྑུ་ཝི་ཉྙཱ་ཎཾ ཕ་སྶཱ་དཱི་ཧི ས་ཏྟ་ཧི ཙེ་ཏ་སི་ཀེ་ཧི ས་ཧ ཨེ་ཀཱི་བྷཱ་ཝཾ ག་ཏཾ ཧོ་ཏི, ད་སྶ་ན་ནྟི ཨེ་ཀཾ ཝོ་ཧཱ་རཾ ག་ཙྪ་ཏི. ཨ་ཊྛ དྷ་མྨཱ ཝི་སུཾ ཝི་སུཾ ཝོ་ཧཱ་རཾ ན ག་ཙྪ་ནྟི, ཝི་ནི་བྦྷུ་ཛྫི་ཏྭཱ ཝི་ཉྙཱ་ཏུཾ ན ས་ཀྐོ་ཏི. ཨེ་ས ན་ཡོ སེ་སེ་སུ ས་བྦ་ཙི་ཏྟུ་པྤཱ་དེ་སཱུ་ཏི. ས་མྤ་ཡུ་ཏྟ་པ་ཙྩ་ཡ་དཱི་པ་ནཱ ནི་ཊྛི་ཏཱ.