༢༠. ཝི་པྤ་ཡུ་ཏྟ་པ་ཙྩ་ཡོ

ཙ་ཏུ་བྦི་དྷོ ཝི་པྤ་ཡུ་ཏྟ་པ་ཙྩ་ཡོ, ས་ཧ་ཛཱ་ཏོ ཝ་ཏྠུ་པུ་རེ ཛཱ་ཏོ ཝ་ཏྠཱ་ར་མྨ་ཎ་པུ་རེ་ཛཱ་ཏོ པ་ཙྪཱ་ཛཱ་ཏོ་ཏི.

ཏ་ཏྠ ས་ཧ་ཛཱ་ཏ་ཝི་པྤ་ཡུ་ཏྟོ ནཱ་མ དྭི་སུ ས་ཧ་ཛཱ་ཏ་པ་ཙྩ་ཡ པ་ཙྩ་ཡུ་པྤ་ནྣེ་སུ ནཱ་མ་རཱུ་པེ་སུ ནཱ་མཾ ཝཱ རཱུ་པ་སྶ རཱུ་པཾ ཝཱ ནཱ་མ་སྶ ཝི་པྤ་ཡུ་ཏྟཾ ཧུ་ཏྭཱ པ་ཙྩ་ཡོ. ཏ་ཏྠ ནཱ་མ་ནྟི པ་ཝ་ཏྟི་ཀཱ་ལེ ཙ་ཏུ་ཀྑ་ནྡྷ་ནཱ་མཾ, རཱུ་པ་སྶཱ་ཏི ཙི་ཏྟ་ཛ་རཱུ་པ་སྶ, རཱུ་པ་ནྟི པ་ཊི་ས་ནྡྷི་ཀྑ་ཎེ ཧ་ད་ཡ་ཝ་ཏྠུ་རཱུ་པཾ, ནཱ་མ་སྶཱ་ཏི པ་ཊི་ས་ནྡྷི་ཙ་ཏུ་ཀྑ་ནྡྷ་ནཱ་མ་སྶ. སེ་སཱ ཏ་ཡོ་པི ཝི་པྤ་ཡུ་ཏྟ་པ་ཙྩ་ཡཱ པུ་བྦེ ཝི་བྷ་ཏྟཱ ཨེ་ཝཱ་ཏི. ཝི་པྤ་ཡུ་ཏྟ་པ་ཙྩ་ཡ་དཱི་པ་ནཱ ནི་ཊྛི་ཏཱ.