༡༨. མ་གྒ་པ་ཙྩ་ཡོ

དྭཱ་ད་ས མ་གྒ་ངྒཱ་ནི མ་གྒ་པ་ཙྩ་ཡོ ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི མི་ཙྪཱ་དི་ཊྛི མི་ཙྪཱ་ས་ངྐ་པྤོ མི་ཙྪཱ་ཝཱ་ཡཱ་མོ མི་ཙྪཱ་ས་མཱ་དྷི. སེ་སཱ མི་ཙྪཱ་ཝཱ་ཙཱ མི་ཙྪཱ་ཀ་མྨ་ནྟོ མི་ཙྪཱ་ཨཱ་ཛཱི་ཝོ་ཏི ཏ་ཡོ དྷ་མྨཱ ཝི་སུཾ ཙེ་ཏ་སི་ཀ་དྷ་མྨཱ ན ཧོ་ནྟི. མུ་སཱ་ཝཱ་དཱ་དི་ཝ་སེ་ན པ་ཝ་ཏྟཱ་ནཾ ཙ་ཏུ་ནྣཾ ཨ་ཀུ་ས་ལ་ཁ་ནྡྷཱ་ནཾ ནཱ་མཾ. ཏ་སྨཱ ཏེ མ་གྒ་པ་ཙྩ་ཡེ ཝི་སུཾ ན ག་ཧི་ཏཱ་ཏི. ས་བྦེ ས་ཧེ་ཏུ་ཀཱ ཙི་ཏྟ ཙེ་ཏ་སི་ཀ་དྷ་མྨཱ ཙ ས་ཧེ་ཏུ་ཀ་ཙི་ཏྟ་ས་ཧ ཛཱ་ཏཱ རཱུ་པ་དྷ་མྨཱ ཙ ཏ་སྶ པ་ཙྩ་ཡུ་པྤ་ནྣཱ.

ཀེ་ན་ཊྛེ་ན མ་གྒོ་ཏི. སུ་ག་ཏི་དུ་གྒ་ཏི་ནི་བྦཱ་ན དི་སཱ་དེ་ས་ས་མྤཱ པ་ན་ཊྛེ་ན མ་གྒོ. ས་མྨཱ་དི་ཊྛི་ཨཱ་དི་ཀཱ་ནི ཧི ཨ་ཊྛ ས་མྨཱ་མ་གྒ་ངྒཱ་ནི སུ་ག་ཏི དི་སཱ་དེ་ས་ཉྩ ནི་བྦཱ་ན་དི་སཱ་དེ་ས་ཉྩ ས་མྤཱ་པ་ན་ཏྠཱ་ཡ སཾ་ཝ་ཏྟ་ནྟི. ཙ་ཏྟཱ་རི མི་ཙྪཱ་མ་གྒ་ངྒཱ་ནི དུ་གྒ་ཏི་དི་སཱ་དེ་སཾ ས་མྤཱ་པ་ན་ཏྠཱ་ཡ སཾ་ཝ་ཏྟ་ནྟཱི་ཏི.

ཏ་ཏྠ ཛྷཱ་ན་པ་ཙྩ་ཡོ ཨཱ་ར་མྨ་ཎེ ཙི་ཏྟཾ ཨུ་ཛུཾ ཀ་རོ་ཏི, ཐི་རཾ ཀ་རོ་ཏི, ཨ་པྤ་ནཱ་པ་ཏྟཾ ཀ་རོ་ཏི. ཨ་པྤ་ནཱ་པ་ཏྟཾ ནཱ་མ ག་མྦྷཱི་རེ ཨུ་ད་ཀེ པ་ཀྑི་ཏྟོ མ་ཙྪོ་ཝི་ཡ ཀ་སི་ཎ་ནི་མི་ཏྟཱ་དི་ཀེ ནི་མི་ཏྟཱ་ར་མྨ་ཎེ ཨ་ནུ་པ་ཝི་ཊྛཾ ཙི་ཏྟཾ པ་ཝུ་ཙྩ་ཏི. མ་གྒ་པ་ཙྩ་ཡོ ཝ་ཊྚ་པ་ཐེ ཙེ་ཏ་ནཱ་ཀ་མྨཾ ཝི་ཝ་ཊྚ་པ་ཐེ བྷཱ་ཝ་ནཱ་ཀ་མྨཾ ཨུ་ཛུཾ ཀ་རོ་ཏི, ཐི་རཾ ཀ་རོ་ཏི, ཀ་མྨ་པ་ཐ་པ་ཏྟཾ ཀ་རོ་ཏི, ཝུ་དྡྷིཾ ཝི་རུ་ལ༹ྷིཾ ཝེ་པུ་ལླཾ ཀ་རོ་ཏི, བྷཱུ་མ་ནྟ་ར་པ་ཏྟཾ ཀ་རོ་ཏི. ཨ་ཡ མེ་ཏེ་སཾ དྭི་ནྣཾ པ་ཙྩ་ཡཱ་ནཾ ཝི་སེ་སོ.

ཏ་ཏྠ ཀ་མྨ་པ་ཐ་པ་ཏྟཾ ནཱ་མ པཱ་ཎཱ་ཏི་པཱ་ཏཱ་དཱི་ནཾ ཀུ་ས་ལཱ་ཀུ་ས་ལ ཀ་མྨཱ་ནཾ ཨ་ངྒ་པཱ་རི་པཱུ་རི་ཡཱ པ་ཊི་ས་ནྡྷི་ཛ་ན་ནེ ས་མ་ཏྠ་བྷཱ་ཝ་ས་ངྑཱ་ཏཾ ཀ་མྨ་ག་ཏིཾ པ་ཏྟཾ ཙེ་ཏ་ནཱ་ཀ་མྨཾ. བྷཱུ་མ་ནྟ་ར་པ་ཏྟཾ ནཱ་མ བྷཱ་ཝ་ནཱ་ནུ་ཀྐ་མེ་ན ཀཱ་མ བྷཱུ་མི་ཏོ པ་ཊྛཱ་ཡ ཡཱ་ཝ ལོ་ཀུ་ཏྟ་ར་བྷཱུ་མི་ཡཱ ཨེ་ཀ་སྨིཾ་ཨི་རི་ཡཱ་པ་ཐེ་པི ཨུ་པ་རཱུ་པ་རི་བྷཱུ་མིཾ པ་ཏྟཾ བྷཱ་ཝ་ནཱ་ཀ་མྨཾ. ཨ་ཡ་ཉྩ ཨ་ཏྠོ ཛྷཱ་ན་པ་ཙྩ་ཡེ ཝུ་ཏྟ་ན་ཡེ་ན ས་མྨཱ་དི་ཊྛི་ཨཱ་དི་ཀཱ་ནཾ མ་གྒ་ངྒ་དྷ་མྨཱ་ནཾ ཝི་སུཾ ཝི་སུཾ ས་བྷཱ་ཝ ལ་ཀྑ་ཎེ་ཧི དཱི་པེ་ཏ་བྦོ་ཏི. མ་གྒ་པ་ཙྩ་ཡ་དཱི་པ་ནཱ ནི་ཊྛི་ཏཱ.