༡༧. ཛྷཱ་ན་པ་ཙྩ་ཡོ

ས་ཏྟ ཛྷཱ་ན་ངྒཱ་ནི ཛྷཱ་ན་པ་ཙྩ་ཡོ, ཝི་ཏ་ཀྐོ ཝི་ཙཱ་རོ པཱི་ཏི སོ་མ་ན་སྶཾ དོ་མ་ན་སྶཾ ཨུ་པེ་ཀྑཱ ཨེ་ཀ་གྒ་ཏཱ. ཏེ་ཧི ས་ཧ་ཛཱ་ཏཱ པ་ཉྩ་ཝི་ཉྙཱ་ཎ་ཝ་ཛྫི་ཏཱ ཙི་ཏྟ་ཙེ་ཏ་སི་ཀ་དྷ་མྨཱ ཙ རཱུ་པ་དྷ་མྨཱ ཙ ཏ་སྶ པ་ཙྩ་ཡུ་པྤ་ནྣཱ.

ཀེ་ན་ཊྛེ་ན ཛྷཱ་ན་ནྟི. ཨུ་པ་ནི་ཛ྄ཛྷཱ་ཡ་ན་ཊྛེ་ན ཛྷཱ་ནཾ. ཨུ་པ་ནི་ཛ྄ཛྷཱ་ཡ ན་ཊྛེ་ནཱ་ཏི ཙ མ་ན་སཱ ཨཱ་ར་མྨ་ཎཾ ཨུ་པ་ག་ནྟྭཱ ནི་ཛ྄ཛྷཱ་ཡ་ན་ཊྛེ་ན པེ་ཀྑ་ན་ཊྛེ་ན. ཡ་ཐཱ ཧི ཨི་སྶཱ་སོ དཱུ་རེ ཋ་ཏྭཱ ཁུ་དྡ་ཀེ ལ་ཀྑ་མ་ཎྜ་ལེ ས་རཾ པ་ཝེ་སེ་ནྟོ ཧ་ཏྠེ་ཧི ས་རཾ ཨུ་ཛུ་ཀ་ཉྩ ནི་ཙྩ་ལ་ཉྩ ཀ་ཏྭཱ མ་ཎྜ་ལ་ཉྩ ཝི་བྷཱུ་ཏཾ ཀ་ཏྭཱ ཙ་ཀྑུ་ནཱ ནི་ཛ྄ཛྷཱ་ཡ་ནྟོ པ་ཝེ་སེ་ཏི. ཨེ་ཝ་མེ་ཝ ཨི་མེ་ཧི ཨ་ངྒེ་ཧི ཙི་ཏྟཾ ཨུ་ཛུ་ཀ་ཉྩ ནི་ཙྩ་ལ་ཉྩ ཀ་ཏྭཱ ཨཱ་ར་མྨ་ཎ་ཉྩ ཝི་བྷཱུ་ཏཾ ཀ་ཏྭཱ ནི་ཛ྄ཛྷཱ་ཡ་ནྟོ པུ་གྒ་ལོ ཨུ་པ་ནི་ཛ྄ཛྷཱ་ཡ་ཏཱི་ཏི ཝུ་ཙྩ་ཏི. ཨེ་ཝཾ ཨུ་པ་ནི་ཛ྄ཛྷཱ་ཡི་ཏྭཱ ཡཾ་ཀི་ཉྩི ཀཱ་ཡ་ཀ་མྨཾ ཝཱ ཝ་ཙཱི་ཀ་མྨཾ ཝཱ མ་ནོ་ཀ་མྨཾ ཝཱ ཀ་རོ་ནྟོ ཨ་ཝི་ར་ཛ྄ཛྷ་མཱ་ནོ ཀ་རོ་ཏི.

ཏ་ཏྠ ཀཱ་ཡ་ཀ་མྨཾ ནཱ་མ ཨ་བྷི་ཀྐ་མ་པྤ་ཊི་ཀྐ་མཱ་དི་ཀཾ ཝུ་ཙྩ་ཏི. ཝ་ཙཱི་ཀ་མྨཾ ནཱ་མ ཨ་ཀྑ་ར་ཝ་ཎྞ་པ་རི་པུ་ཎྞཾ ཝ་ཙཱི་བྷེ་ད་ཀ་ར་ཎཾ ཝུ་ཙྩ་ཏི. མ་ནོ་ཀ་མྨཾ ནཱ་མ ཡཾ་ཀི་ཉྩི མ་ན་སཱ ཨཱ་ར་མྨ་ཎ་ཝི་བྷཱ་ཝ་ནཾ ཝུ་ཙྩ་ཏི. དཱ་ན་ཀ་མྨཾ ཝཱ པཱ་ཎཱ་ཏི་པཱ་ཏ ཀ་མྨཾ ཝཱ ཨ་ནུ་རཱུ་པེ་ཧི ཛྷཱ་ན་ངྒེ་ཧི ཝི་ནཱ དུ་བྦ་ལེ་ན ཙི་ཏྟེ་ན ཀཱ་ཏུཾ ན ས་ཀྐཱ ཧོ་ཏི. ཨེ་ས ན་ཡོ སེ་སེ་སུ ཀུ་ས་ལཱ་ཀུ་ས་ལ ཀ་མྨེ་སཱུ་ཏི.

ཨ་ཡ་ཉྩ ཨ་ཏྠོ ཝི་ཏ་ཀྐཱ་དཱི་ནཾ ཛྷཱ་ན་ངྒ་དྷ་མྨཱ་ནཾ ཝི་སུཾ ཝི་སུཾ ས་བྷཱ་ཝ ལ་ཀྑ་ཎེ་ཧི དཱི་པེ་ཏ་བྦོ. ས་མྤ་ཡུ་ཏྟ་དྷ་མྨེ ཨཱ་ར་མྨ་ཎཱ་བྷི་ནི་རོ་པ་ན ལ་ཀྑ་ཎོ ཝི་ཏ་ཀྐོ, སོ ཙི་ཏྟཾ ཨཱ་ར་མྨ་ཎེ ད་ལ༹ྷཾ ནི་ཡོ་ཛེ་ཏི. ཨཱ་ར་མྨ་ཎཱ་ནུ་མ་ཛྫ་ན་ལ་ཀྑ་ཎོ ཝི་ཙཱ་རོ, སོ ཙི་ཏྟཾ ཨཱ་ར་མྨ་ཎེ ད་ལ༹ྷཾ སཾ་ཡོ་ཛེ་ཏི. ཨཱ་ར་མྨ་ཎ་ས་མྤི་ཡཱ་ཡ་ན་ལ་ཀྑ་ཎཱ་པཱི་ཏི, སཱ ཙི་ཏྟཾ ཨཱ་ར་མྨ་ཎེ པ་རི་ཏུ་ཊྛཾ ཀ་རོ་ཏི. ཏི་སྶོ་པི ཝེ་ད་ནཱ ཨཱ་ར་མྨ་ཎ་ར་སཱ་ནུ བྷ་ཝ་ན་ལ་ཀྑ་ཎཱ, ཏཱ་པི ཙི་ཏྟཾ ཨཱ་ར་མྨ་ཎེ ཨི་ཊྛཱ་ནི་ཊྛ་མ་ཛ྄ཛྷ་ཏྟ་ར་སཱ་ནུ་བྷ་ཝ་ན ཀི་ཙྩེ་ན ད་ལ༹ྷ་པྤ་ཊི་བ་དྡྷཾ ཀ་རོ་ནྟི. ས་མཱ་དྷཱ་ན་ལ་ཀྑ་ཎཱ ཨེ་ཀ་གྒ་ཏཱ, སཱ་པི ཙི་ཏྟཾ ཨཱ་ར་མྨ་ཎེ ནི་ཙྩ་ལཾ ཀ་ཏྭཱ ཋ་པེ་ཏཱི་ཏི. ཛྷཱ་ན་པ་ཙྩ་ཡ་དཱི་པ་ནཱ ནི་ཊྛི་ཏཱ.