༧. ཀི་བྦི་དྷཱ་ན་ཀ་ཎྜ
ཏེ་ཀཱ་ལི་ཀ
ཀི་ཙྩ་པྤ་ཙྩ་ཡ་ནྟ་ན་ཡ
ཨ་ཐ དྷཱ་ཏཱུ་ཧི་ཡེ་ཝ བྷཱ་ཝ་ཀ་མྨ་ཀ་ཏྟུ་ཀ་ར་ཎཱ་དི་སཱ་དྷ་ན་ས་ཧི་ཏཾ ཀི་བྦི་དྷཱ་ན་མཱ་ར་བྷཱི་ཡ་ཏེ.
ཏ་ཏྠ ཀི་ཙྩ་ཀི་ཏ་ཀ་ཝ་སེ་ན དུ་ཝི་དྷཱ ཧི པ་ཙྩ་ཡཱ, ཏེ་སུ ཀི་ཙྩ་ས་ཉྙཱ་ཡ པ་ཋ་མཾ ཝུ་ཏྟ་ཏྟཱ, ཀི་ཙྩཱ་ན་མ་པྤ་ཀ་ཏྟཱ ཙ ཀི་ཙྩ་པྤ་ཙྩ་ཡཱ ཏཱ་ཝ ཝུ་ཙྩ་ནྟེ.
བྷཱུ ས་ཏྟཱ་ཡཾ, ‘‘བྷཱུ་ཡ་ཏེ, ཨ་བྷ་ཝི་ཏྠ, བྷ་ཝི་སྶ་ཏེ ཝཱ དེ་ཝ་ད་ཏྟེ་ནཱ’’ཏི ཝི་གྒ་ཧེ –
‘‘དྷཱ་ཏུ་ཡཱ ཀ་མྨཱ་དི་མྷི ཎོ’’ཏི ཨི་ཏོ ‘‘དྷཱ་ཏུ་ཡཱ’’ཏི ས་བྦ་ཏྠ པ་ཙྩ་ཡཱ་དི་ཝི་དྷཱ་ནེ ཝ་ཏྟ་ཏེ, ‘‘པ་རཱ, པ་ཙྩ་ཡཱ’’ཏི ཙ ཨ་དྷི་ཀཱ་རོ.
༥༤༥. བྷཱ་ཝ་ཀ་མྨེ་སུ ཏ་བྦཱ་ནཱི་ཡཱ.
བྷཱ་ཝ་ཀ་མྨཨི་ཙྩེ་ཏེ་སྭ་ཏྠེ་སུ ས་བྦ་དྷཱ་ཏཱུ་ཧི ཏ་བྦ ཨ་ནཱི་ཡཨི་ཙྩེ་ཏེ པ་ཙྩ་ཡཱ པ་རཱ ཧོ་ནྟི. ཡོ་ག་ཝི་བྷཱ་གེ་ན ཨ་ཉྙ་ཏྠཱ་པི.
ཏ་ཏྠ –
ཨ་ཀ་མྨ་ཀེ་ཧི དྷཱ་ཏཱུ་ཧི, བྷཱ་ཝེ ཀི་ཙྩཱ བྷ་ཝ་ནྟི ཏེ;
ས་ཀ་མྨ་ཀེ་ཧི ཀ་མྨ་ཏྠེ, ཨ་ར་ཧ་ས་ཀྐ་ཏྠ་དཱི་པ་ཀཱ.
ཏེ ཙ –
༥༤༦. ཎཱ་ད་ཡོ ཏེ་ཀཱ་ལི་ཀཱ.
ཏི་ཀཱ་ལེ ནི་ཡུ་ཏྟཱ ཏེ་ཀཱ་ལི་ཀཱ, ཡེ ཨི་དྷ ཏ་ཏི་ཡེ དྷཱ་ཏྭཱ་དྷི་ཀཱ་རེ ཝི་ཧི་ཏཱ ཨ་ནི་དྡི་ཊྛ་ཀཱ་ལཱ ཎཱད་ཡོ པ་ཙྩ་ཡཱ, ཏེ ཏེ་ཀཱ་ལི་ཀཱ ཧོ་ནྟཱི་ཏི པ་རི་བྷཱ་ས་ཏོ ཀཱ་ལ་ཏྟ་ཡེ་པི ཧོ་ནྟི.
སཱི་ཧ་ག་ཏི་ཡཱ ‘‘ཀྭ་ཙཱི’’ཏི ཝ་ཏྟ་ཏེ.
༥༤༧. ཡ་ཐཱ་ག་མ་མི་ཀཱ་རོ.
ཡ་ཐཱ་ག་མཾ ཡ་ཐཱ་པ་ཡོ་གཾ ཛི་ན་ཝ་ཙ་ནཱ་ནུ་པ་རོ་དྷེ་ན དྷཱ་ཏཱུ་ཧི པ་རོ ཨིཀཱ་རཱ་ག་མོ ཧོ་ཏི ཀྭ་ཙི བྱ་ཉྫ་ནཱ་དི་ཀེ་སུ ཀི་ཙྩ་ཀི་ཏ་ཀཔྤ་ཙྩ་ཡེ་སུ, ‘‘ཨ་ཉྙེ་སུ ཙཱ’’ཏི ཝུ་དྡྷི, ‘‘ཨོ ཨ་ཝ ས་རེ’’ཏི ཨ་ཝཱ་དེ་སོ, ‘‘ན་ཡེ པ་རཾ ཡུ་ཏྟེ’’ཏི པ་རཾ ནེ་ཏ་བྦཾ.
༥༤༨. ཏེ ཀི་ཙྩཱ.
ཡེ ཨི་དྷ ཝུ་ཏྟཱ ཏ་བྦཱ་ནཱི་ཡ་ཎྱ ཏེ་ཡྻ རི་ཙྩཔྤ་ཙྩ་ཡཱ, ཏེ ཀི་ཙྩས་ཉྙཱ ཧོ་ནྟཱི་ཏི ཝེ་དི་ཏ་བྦཱ. ཏ་ཏོ ‘‘ཨ་ཉྙེ ཀི་ཏི’’ཏི ཝ་ཙ་ན་ཏོ ཀི་ཙྩ་པྤ་ཙྩ་ཡཱ་ན་མ་ཀི་ཏ་ཀ་ཏྟཱ ནཱ་མ་བྱ་པ་དེ་སེ ཨ་ས་མྤ་ཏྟེ ‘‘ཏ་དྡྷི་ཏ་ས་མཱ་ས་ཀི་ཏ་ཀཱ ནཱ་མཾ་ཝཱ་ཏ་ཝེ་ཏུ་ནཱ་དཱི་སུ ཙཱ’’ཏི ཨེ་ཏྠ ཙགྒ་ཧ་ཎེ་ན ནཱ་མ་བྱ་པ་དེ་སོ, ཏ་ཏོ སྱཱདྱུ་པྤ་ཏྟི. བྷཱ་ཝེ བྷཱ་ཝ་སྶེ་ཀ་ཏྟཱ ཨེ་ཀ་ཝ་ཙ་ན་མེ་ཝ, ‘‘སི’’ནྟི ཨ་མཱ་དེ་སོ. བྷ་ཝི་ཏ་བྦཾ བྷ་ཝ་ཏཱ པ་ཉྙེ་ན, བྷ་ཝ་ནཱི་ཡཾ.
ཨི་དྷ བྱ་ཉྫ་ནཱ་དི་ཏྟཱ་བྷཱ་ཝཱ ཨ་ནུ་ཝ་ཏྟི་ཏཀྭ་ཙིགྒ་ཧ་ཎེ་ན ཨི་ཀཱ་རཱ་ག་མཱ་བྷཱ་ཝོ. བྷཱ་ཝེ ཀི་ཙྩ་པྤ་ཙྩ་ཡ་ནྟཱ ན་པུཾ་ས་ཀཱ. ཀ་མྨེ ཏི་ལི་ངྒཱ.
ཀ་མྨ་ནི ཨ་བྷི་པུ་བྦོ, ཨ་བྷི་བྷཱུ་ཡ་ཏེ, ཨ་བྷི་བྷཱུ་ཡི་ཏྠ, ཨ་བྷི་བྷཱུ་ཡི་སྶ་ཏེ་ཏི ཨ་བྷི་བྷ་ཝི་ཏ་བྦོ ཀོ་དྷོ པ་ཎྜི་ཏེ་ན, ཨ་བྷི་བྷ་ཝི་ཏ་བྦཱ ཏ་ཎྷཱ, ཨ་བྷི་བྷ་ཝི་ཏ་བྦཾ དུ་ཀྑཾ, ཨེ་ཝཾ ཨ་བྷི་བྷ་ཝ་ནཱི་ཡོ, ཨ་བྷི་བྷ་ཝ་ནཱི་ཡཱ, ཨ་བྷི་བྷ་ཝ་ནཱི་ཡཾ, པུ་རི་ས ཀ་ཉྙཱ ཙི་ཏྟས་དྡ་ན་ཡེ་ན ནེ་ཏ་བྦཾ, ཨེ་ཝཾ ས་བྦ་ཏྠ.
ཨེ་ཏྠ ཧི –
ཏ་བྦཱ་དཱི་ཧེ་ཝ ཀ་མྨ་སྶ, ཝུ་ཏྟ་ཏྟཱ་ཝ པུ་ན་ཏྟ་ནཱ;
ཝ་ཏྟ་བྦ་སྶ ཨ་བྷཱ་ཝཱ ན, དུ་ཏི་ཡཱ པ་ཋ་མཱ ཏ་ཏོ.
ཨཱ་ས ཨུ་པ་ཝེ་ས་ནེ, ཨཱ་སཱི་ཡི་ཏྠ, ཨཱ་སཱི་ཡ་ཏེ, ཨཱ་སཱི་ཡི་སྶ་ཏེ་ཏི ཨཱ་སི་ཏ་བྦཾ ཏ་ཡཱ, ཨཱ་ས་ནཱི་ཡཾ. ཀ་མྨེ ཨུ་པཱ་སི་ཏ་བྦོ ག་རུ, ཨུ་པཱ་ས་ནཱི་ཡོ.
སཱི ས་ཡེ, ཨ་སཱི་ཡི་ཏྠ, སཱི་ཡ་ཏེ, སཱི་ཡི་སྶ་ཏེ་ཏི ས་ཡི་ཏ་བྦཾ བྷ་ཝ་ཏཱ, ས་ཡ་ནཱི་ཡཾ, ‘‘ཨེ ཨ་ཡཱ’’ཏི ཨ་ཡཱདེ་སོ, ཨ་ཏི་ས་ཡི་ཏ་བྦོ པ་རོ, ཨ་ཏི་ས་ཡ་ནཱི་ཡོ.
པ་ད ག་ཏི་མྷི, ཨུ་པྤ་ཛྫི་ཏྠ, ཨུ་པྤ་ཛྫ་ཏེ, ཨུ་པྤ་ཛྫི་སྶ་ཏེ་ཏི ཨུ་པྤ་ཛྫི་ཏ་བྦཾ ཏེ་ན, ཨུ་པྤ་ཛྫ་ནཱི་ཡཾ, ཨེ་ཏྠ ཙ ‘‘ཀ་ཏྟ་རཱི’’ཏི ཨ་དྷི་ཀཱ་རཾ ཝི་ནཱ ‘‘དི་ཝཱ་དི་ཏོ ཡོ’’ཏི ཝི་ནཱ་དྷི་ཀཱ་ར་ཡོ་ག་ཝི་བྷཱ་གེ་ན ཡཔྤ་ཙྩ་ཡོ, ‘‘ཏ་སྶ ཙ་ཝ་གྒ་ཡ་ཀཱ་ར’’ཨི་ཙྩཱ་དི་ནཱ ཙཝ་གྒོ, ‘‘པ་ར་དྭེ་བྷཱ་ཝོ ཋཱ་ནེ’’ཏི དྭི་བྷཱ་ཝོ, པ་ཊི་པ་ཛྫི་ཏ་བྦོ མ་གྒོ, པ་ཊི་པ་ཛྫ་ནཱི་ཡོ.
བུ་དྷ ཨ་ཝ་ག་མ་ནེ, ཨ་བུ་ཛ྄ཛྷི་ཏྠ, བུ་ཛ྄ཛྷ་ཏེ, བུ་ཛ྄ཛྷི་སྶ་ཏེ་ཏི བུ་ཛ྄ཛྷི་ཏ་བྦོ དྷ་མྨོ, བུ་ཛ྄ཛྷ་ནཱི་ཡོ.
སུ ས་ཝ་ཎེ, ཨ་སཱུ་ཡི་ཏྠ, སཱུ་ཡ་ཏེ, སཱུ་ཡི་སྶ་ཏེ་ཏི སོ་ཏ་བྦོ དྷ་མྨོ, ཨི་དྷ ཡ་ཐཱ་ག་མགྒ་ཧ་ཎེ་ན ཨིཀཱ་རཱ་ག་མཱ་བྷཱ་ཝོ, སུ་ཎི་ཏ་བྦོ, ‘‘སྭཱ་དི་ཏོ ཎུ ཎཱ ཨུ་ཎཱ ཙཱ’’ཏི ཝི་ནཱ་དྷི་ཀཱ་ར་ཡོ་ག་ཝི་བྷཱ་གེ་ན ཎཱཔ་ཙྩ་ཡོ, ས་ཝ་ཎཱི་ཡོ.
ཀ་ར ཀ་ར་ཎེ, ཀ་རཱི་ཡི་ཏྠ, ཀ་རཱི་ཡ་ཏི, ཀ་རཱི་ཡི་སྶ་ཏཱི་ཏི ཨ་ཏྠེ ཏ་བྦཱ’ནཱི་ཡཱ.
‘‘ཨ་ནྟ་སྶ, ཀ་ར་སྶ, ཙ, ཏ་ཏྟ’’ནྟི ཙ ཝ་ཏྟ་ཏེ.
༥༤༩. ཏུཾ ཏུ ན ཏ་བྦེ་སུ ཝཱ.
ཀ་རཨི་ཙྩེ་ཏ་སྶ དྷཱ་ཏུ་སྶ ཨ་ནྟ་བྷཱུ་ཏ་སྶ རཀཱ་ར་སྶ ཏཀཱ་ར་ཏྟཾ ཧོ་ཏི ཝཱ ཏུཾ ཏུ ན ཏ་བྦཨི་ཙྩེ་ཏེ་སུ པ་ཙྩ་ཡེ་སུ པ་རེ་སུ. ཀ་ཏྟ་བྦོ བྷ་ཝ་ཏཱ དྷ་མྨོ, ཀ་ཏྟ་བྦཱ པཱུ་ཛཱ, ཀ་ཏྟ་བྦཾ ཀུ་ས་ལཾ, ཏཏྟཱ་བྷཱ་ཝེ ‘‘ཀ་རོ་ཏི་སྶཱ’’ཏི ཝ་ཏྟ་མཱ་ནེ ‘‘ཏ་ཝེ་ཏུ་ནཱ་དཱི་སུ ཀཱ’’ཏི ཨེ་ཏྠ ཨཱ་དིས་དྡེ་ན ཏ་བྦེཔི ཀཱདེ་སོ, ཀཱ་ཏ་བྦཾ ཧི་ཏཾ.
༥༥༠. ར་ཧཱ་དི་ཏོ ཎ.
རཀཱ་ར ཧཧཱ་རཱ་དྱ་ནྟེ་ཧི དྷཱ་ཏཱུ་ཧི པ་ར་སྶ ཨ་ནཱ་ནཱི་ཡཱདི་ན་ཀཱ་ར་སྶ ཎཀཱ་རོ ཧོ་ཏི. ཨཱ་དིས་དྡེ་ན ར་མུ ཨ་པ་ཉཱ་ཏཱདི་ཏོ་པི.
ར་ཧཱ་དི་ཏོ པ་ར་སྶེ་ཏྠ, ན་ཀཱ་ར་སྶ ཨ་ས་མྦྷ་ཝཱ;
ཨ་ནཱ་ནཱི་ཡཱ་དི་ན་སྶེ་ཝ, སཱ་མ་ཐྱཱ་ཡཾ ཎ་ཀཱ་ར་ཏཱ.
ཀ་ར་ཎཱི་ཡོ དྷ་མྨོ, ཀ་ར་ཎཱ་ར་ཧོ་ཏི ཨ་ཏྠོ, ཀ་ར་ཎཱི་ཡཱ, ཀ་ར་ཎཱི་ཡཾ.
བྷ་ར བྷ་ར་ཎེ, བྷ་རཱི་ཡ་ཏཱི་ཏི བྷ་རི་ཏ་བྦོ, བྷ་ར་ཎཱི་ཡོ.
ག་ཧ ཨུ་པཱ་དཱ་ནེ, ཨ་ག་ཡ྄ཧི་ཏྠ, ག་ཡ྄ཧ་ཏི, ག་ཡ྄ཧི་སྶ་ཏཱི་ཏི ག་ཧེ་ཏ་བྦོ, ‘‘ཏེ་སུ ཝུ་དྡྷཱི’’ཏི་ཨཱ་དི་ནཱ ཨིཀཱ་རསྶེཀཱ་རོ, ས་ངྒ་ཎྷི་ཏ་བྦོ, ‘‘ག་ཧཱ་དི་ཏོ པྤ་ཎྷཱ’’ཏི ཝི་ནཱ་དྷི་ཀཱ་ར་ཡོ་ག་ཝི་བྷཱ་གེ་ན ཎྷཱཔ་ཙྩ་ཡོ, ཧལོ་པ་ས་ར་ལོ་པཱ་དི, ས་ངྒ་ཎྷ་ཎཱི་ཡོ, ག་ཧ་ཎཱི་ཡོ.
ཨཱ་དིགྒ་ཧ་ཎེ་ན ར་མུ ཀཱི་ལཱ༹་ཡཾ, ར་མཱི་ཡི་ཏྠ, ར་མཱི་ཡ་ཏི, ར་མཱི་ཡི་སྶ་ཏཱི་ཏི ར་མི་ཏ་བྦོ, ར་མ་ཎཱི་ཡོ ཝི་ཧཱ་རོ.
ཨ་པ པཱ་པུ་ཎ་ནེ, ཨུ་ཎཱཔ་ཙྩ་ཡོ, པཱ་པཱི་ཡ་ཏཱི་ཏི པཱ་པུ་ཎི་ཏ་བྦོ, ‘‘གུ་པཱ་དཱི་ན་ཉྩཱ’’ཏི དྷཱ་ཏྭ་ནྟ་སྶ ལོ་པོ, དྭི་ཏྟ་ཉྩ, པ་ཏྟ་བྦོ, པ་ཏྟེ་ཡྻོ, པཱ་པུ་ཎ་ཎཱི་ཡོ, པཱ་པ་ཎཱི་ཡོ.
‘‘ཨ་ནྟ་སྶ, ཝཱ’’ཏི ཙ ཝ་ཏྟ་ཏེ.
༥༥༡. ག་མ ཁ་ན ཧ་ནཱ་དཱི་ནཾ ཏུཾ་ཏ་བྦཱ་དཱི་སུ ན.
ག་མ ཁ་ན ཧ་ནཨི་ཙྩེ་ཝ་མཱ་དཱི་ནཾ མཀཱ་ར ནཀཱ་ར་ནྟཱ་ནཾ དྷཱ་ཏཱུ་ན་མ་ནྟ་སྶ ནཀཱ་རོ ཧོ་ཏི ཝཱ ཏུཾ ཏ་བྦ ཏ་ཝེ ཏུ་ན ཏྭཱ་ན་ཏྭཱཨི་ཙྩེ་ཝ་མཱ་དཱི་སུ ཏཀཱ་རཱ་དི་པྤ་ཙྩ་ཡེ་སུ པ་རེ་སུ. ཨ་ག་ཙྪཱི་ཡི་ཏྠ, ག་ཙྪཱི་ཡ་ཏི, ག་ཙྪཱི་ཡི་སྶ་ཏཱི་ཏི ག་ནྟ་བྦོ མ་གྒོ, ག་མི་ཏ་བྦཾ, ག་མ་ནཱི་ཡཾ.
ཁ་ནུ ཨ་ཝ་དཱ་ར་ཎེ, ཨ་ཁ་ཉྙི་ཏྠ, ཁ་ཉྙ་ཏི, ཁ་ཉྙི་སྶ་ཏཱི་ཏི ཁ་ནྟ་བྦཾ ཨཱ་ཝཱ་ཊཾ, ཁ་ནི་ཏ་བྦཾ, ‘‘ཀྭ་ཙི དྷཱ་ཏཱུ’’ཏི་ཨཱ་དི་ནཱ ཁ་ནནྟ་སྶ ཎཏྟ་ཉྩ, ཁ་ཎི་ཏ་བྦཾ, ཁ་ཎ་ཎཱི་ཡཾ, ཁ་ན་ནཱི་ཡཾ ཝཱ.
ཧ་ན ཧིཾ་སཱ ག་ཏཱི་སུ, ཨ་ཧ་ཉྙི་ཏྠ, ཧ་ཉྙ་ཏེ, ཧ་ཉྙི་སྶ་ཏེ་ཏི ཧ་ནྟ་བྦཾ, ཧ་ནི་ཏ་བྦཾ, ཧ་ན་ནཱི་ཡཾ.
མ་ན ཉཱ་ཎེ, ཨ་མ་ཉྙི་ཏྠ, མ་ཉྙ་ཏེ, མ་ཉྙི་སྶ་ཏེ་ཏི མ་ནྟ་བྦོ, མ་ནི་ཏ་བྦོ, ཡཔྤ་ཙྩ་ཡེ ཙཝ་གྒཱ་དི, མ་ཉྙི་ཏ་བྦཾ, མ་ཉྙ་ནཱི་ཡཾ.
པཱུ་ཛ པཱུ་ཛཱ་ཡཾ, ཨ་པཱུ་ཛཱི་ཡི་ཏྠ, པཱུ་ཛཱི་ཡ་ཏི, པཱུ་ཛཱི་ཡི་སྶ་ཏཱི་ཏི ཨ་ཏྠེ ཏ་བྦཱ་ནཱི་ཡཱ. ‘‘ཙུ་རཱ་དི་ཏོ ཎེ ཎ་ཡཱ’’ཏི ཨ་ཀ་ཏྟ་རི་པི ཎེ་ཎ་ཡཱ, ཨིཀཱ་རཱ་ག་མཱནཱི་ཡེསུ ‘‘ས་ར་ལོ་པོ’’ཏི་ཨཱ་དི་ནཱ ཀཱ་རི་ཏ་ས་ར་སྶ ལོ་པོ, པཱུ་ཛེ་ཏ་བྦོ, པཱུ་ཛ་ཡི་ཏ་བྦོ, པཱུ་ཛ་ནཱི་ཡོ བྷ་ག་ཝཱ.
‘‘ཏ་བྦཱ་ནཱི་ཡཱ’’ཏི ཡོ་ག་ཝི་བྷཱ་གེ་ན ཀ་ཏྟུ་ཀ་ར་ཎེ་སུ་པི, ཡཱ པཱ་པུ་ཎ་ནེ, ནི་ཡྻཱ་ཏཱི་ཏི ནི་ཡྻཱ་ནཱི་ཀོ མ་གྒོ. ག་ཙྪ་ནྟཱི་ཏི ག་མ་ནཱི་ཡཱ བྷོ་གཱ. ན་ཧ སོ་ཙེ, ན་ཧཱ་ཡ་ཏི ཨེ་ཏེ་ནཱ་ཏི ན་ཧཱ་ནཱི་ཡཾ ཙུ་ཎྞཾ.
‘‘བྷཱ་ཝ་ཀ་མྨེ་སཱུ’’ཏི ཨ་དྷི་ཀཱ་རོ.
༥༥༢. ཎྱོ ཙ.
བྷཱ་ཝ་ཀ་མྨེ་སུ ས་བྦ་དྷཱ་ཏཱུ་ཧི ཎྱཔྤ་ཙྩ་ཡོ ཧོ་ཏི, ཙགྒ་ཧ་ཎེ་ན ‘‘ཉཱ་ཏེ་ཡྻ’’ནྟི་ཨཱ་དཱི་སུ ཏེ་ཡྻཔྤ་ཙྩ་ཡོ ཙ.
༥༥༣. ཀཱ་རི་ཏཾ ཝི་ཡ ཎཱ་ནུ་བ་ནྡྷོ.
ཨ་ནུ་བ་ནྡྷོ ཨ་པྤ་ཡོ་གཱི, ཎཀཱ་རཱ་ནུ་བ་ནྡྷོ པ་ཙྩ་ཡོ ཀཱ་རི་ཏཾ ཝི་ཡ ད་ཊྛ་བྦོ་ཏི ཀཱ་རི་ཏ་བྱ་པ་དེ་སོ, ‘‘ཀཱ་རི་ཏཱ་ནཾ ཎོ ལོ་པ’’ནྟི ཎལོ་པོ, ‘‘ཨ་སཾ་ཡོ་ག་ནྟ་སྶ ཝུ་དྡྷི ཀཱ་རི་ཏེ’’ཏི ཝུ་དྡྷི, ཨིཀཱ་རཱ་ག་མོ, ཀ་ཏྟ་བྦཾ ཀཱ་རི་ཡཾ.
ཧ་ར ཧ་ར་ཎེ, ཨ་ཧ་རཱི་ཡི་ཏྠ, ཧ་རཱི་ཡ་ཏི, ཧ་རཱི་ཡི་སྶ་ཏཱི་ཏི ཝཱ ཧ་རི་ཏ་བྦཾ ཧཱ་རི་ཡཾ.
བྷ་ར བྷ་ར་ཎེ, བྷ་རི་ཏ་བྦཾ བྷཱ་རི་ཡཾ.
ལ་བྷ ལཱ་བྷེ, ལ་བྷི་ཏ་བྦཾ ལ་བྦྷཾ, ‘‘ཡ་ཝ་ཏཾ ཏ་ལ་ན’’ཨི་ཙྩཱ་དི་སུ་ཏྟེ ཀཱ་རགྒ་ཧ་ཎེ་ན ཡཝ་ཏོ བྷཀཱ་ར་སྶ བྷཀཱ་རོ, དྭི་ཏྟཾ.
སཱ་ས ཨ་ནུ་སི་ཊྛི་མྷི, སཱ་སི་ཏ་བྦོ སི་སྶོ, ‘‘ཀྭ་ཙི དྷཱ་ཏཱུ’’ཏི་ཨཱ་དི་ནཱ ཨཱཀཱ་ར་སྶི་ཀཱ་རོ.
ཝ་ཙ ཝི་ཡ་ཏྟི་ཡཾ ཝཱ་ཙཱ་ཡཾ, ཎྱཔྤ་ཙྩ་ཡཱ་དི་མྷི ཀ་ཏེ ‘‘ཨ་ནྟཱ་ནཾ, ཎཱ་ནུ་བ་ནྡྷེ’’ཏི ཙ ཝ་ཏྟ་ཏེ.
༥༥༤. ཀ་གཱ ཙ་ཛཱ་ནཾ.
ཙ་ཛཨི་ཙྩེ་ཏེ་སཾ དྷཱ་ཏྭ་ནྟཱ་ནཾ ཀཀཱ་ར གཀཱ་རཱ་དེ་སཱ ཧོ་ནྟི ཎཀཱ་རཱ་ནུ་བ་ནྡྷེ པ་ཙྩ་ཡེ པ་རེ་ཏི ཙསྶ ཀཱདེ་སོ. ཝ་ཙ་ནཱི་ཡཾ ཝཱ་ཀྱཾ.
བྷ་ཛ སེ་ཝཱ་ཡཾ, བྷ་ཛ་ནཱི་ཡཾ བྷཱ་གྱཾ, ཛསྶ གཱདེ་སོ.
ཙི ཙ་ཡེ, ཨ་ཙཱི་ཡི་ཏྠ, ཙཱི་ཡ་ཏི, ཙཱི་ཡི་སྶ་ཏཱི་ཏི ཙེ་ཏ་བྦཾ ཙེ་ཡྻཾ, ཨིཀཱ་རསྶེཀཱ་རོ ཝུ་དྡྷི, ཡཀཱ་ར་སྶ དྭི་ཏྟཾ, ཝི་ནིཔུ་བྦོ ‘‘དོ དྷ་སྶ ཙཱ’’ཏི སུ་ཏྟེ ཙགྒ་ཧ་ཎེ་ན ཙཀཱ་ར་སྶ ཚཀཱ་རོ, ཝི་ནི་ཙྪེ་ཡྻཾ, ཝི་ནི་ཙྪི་ཏ་བྦཾ, ཝི་ནི་ཙྪ་ནཱི་ཡཾ. ‘‘ཀི་ཡཱ་དི་ཏོ ནཱ’’ཏི ཝི་ནཱ་དྷི་ཀཱ་ར་ཡོ་ག་ཝི་བྷཱ་གེ་ན ཏ་བྦཱ་ནཱི་ཡ ཏུཾ ཏུ་ནཱ དཱི་སུ ཙ ནཱཔ་ཙྩ་ཡོ, ཝི་ནི་ཙྪི་ནི་ཏ་བྦཾ, ཝི་ནི་ཙྪི་ན་ནཱི་ཡཾ.
ནཱི པཱ་པུ་ཎ་ནེ, ཨ་ནཱི་ཡི་ཏྠ, ནཱི་ཡ་ཏི, ནཱི་ཡི་སྶ་ཏཱི་ཏི ནེ་ཡྻོ, ནེ་ཡྻཱ, ནེ་ཡྻཾ. ནེ་ཏ་བྦཾ.
ཎྱགྒ་ཧ་ཎཾ ཚ་ཊྛཱི་ཡ་ནྟ་ཝ་སེ་ནཱ་ནུ་ཝ་ཏྟ་ཏེ, མ་ཎྜཱུ་ཀ་ག་ཏི་ཡཱ ཨ་ནྟགྒ་ཧ་ཎ་ཉྩ ཏ་ཏི་ཡ་ནྟ་ཝ་སེ་ན.
༥༥༥. བྷཱུ་ཏོ་བྦ.
བྷཱུ ཨི་ཙྩེ་ཏ་སྨཱ པ་ར་སྶ ཎྱཔྤ་ཙྩ་ཡ་སྶ ས་ཧ དྷཱ་ཏྭ་ནྟེ་ན ཨ་བྦཱདེ་སོ ཧོ་ཏི. བྷ་ཝི་ཏ་བྦོ བྷ་བྦོ, བྷ་བྦཱ, བྷ་བྦཾ.
‘‘ཎྱ་སྶ, ཨ་ནྟེ་ནཱ’’ཏི ཙ ཝ་ཏྟ་ཏེ.
༥༥༦. ཝ་ད མ་ད ག་མུ ཡུ་ཛ ག་ར་ཧཱ་ཀཱ་རཱ་དཱི་ཧི ཛྫ་མྨ་གྒ་ཡ྄ཧེ་ཡྻཱ་གཱ་རོ ཝཱ.
ཝ་ད མ་ད ག་མུ ཡུ་ཛ ག་ར་ཧཨི་ཙྩེ་ཝ་མཱ་དཱི་ཧི དྷཱ་ཏཱུ་ཧི, ཨཱཀཱ་ར་ནྟེ་ཧི ཙ པ་ར་སྶ ཎྱཔྤ་ཙྩ་ཡ་སྶ དྷཱ་ཏྭ་ནྟེ་ན ས་ཧ ཡ་ཐཱ་ཀྐ་མཾ ཛྫ མྨ གྒ ཡ྄ཧ ཨེ ཡྻཨི་ཙྩེ་ཏེ ཨཱ་དེ་སཱ ཧོ་ནྟི ཝཱ, ག་རསྶ ཙ གཱ་རཱདེ་སོ, ག་ར་ཧསྶ ག་རསྶེ་ཝཱ་ཡཾ གཱ་རོ. ཝ་ཝ་ཏྠི་ཏ་ཝི་བྷཱ་ས་ཏྠོ་ཡཾ ཝཱས་དྡོ.
ཝ་ད ཝི་ཡ་ཏྟི་ཡཾ ཝཱ་ཙཱ་ཡཾ, ཨ་ཝ་ཛྫི་ཏྠ, ཝ་ཛྫ་ཏི, ཝ་ཛྫི་སྶ་ཏཱི་ཏི ཝཱ ཝ་ཛྫཾ ཝ་ད་ནཱི་ཡཾ, ར་སྶ་ཏྟཾ. ཝ་ཛྫཾ དོ་སོ.
མ་ད ཨུ་མྨཱ་དེ, ཨ་མ་ཛྫི་ཏྠ, མ་ཛྫ་ཏེ, མ་ཛྫི་སྶ་ཏི ཨེ་ཏེ་ནཱ་ཏི མ་ཛྫཾ མ་ད་ནཱི་ཡཾ. མ་དགྒ་ཧ་ཎེ་ན ཀ་ར་ཎེ་པི ཎྱཔྤ་ཙྩ་ཡོ. ག་མུ ས་པྤ ག་ཏི་མྷི, ག་ནྟ་བྦཾ ག་མྨཾ.
ཡུ་ཛ ཡོ་གེ, ཨ་ཡུ་ཛྫི་ཏྠ, ཡུ་ཛྫ་ཏེ, ཡུ་ཛྫི་སྶ་ཏཱི་ཏི ཡོ་གྒཾ, ནི་ཡོ་ཛྫོ ཝཱ.
ག་ར་ཧ ནི་ནྡཱ་ཡཾ, ཨ་ག་ར་ཡ྄ཧི་ཏྠ, ག་ར་ཧཱི་ཡ་ཏི, ག་ར་ཧཱི་ཡི་སྶ་ཏཱི་ཏི ཨ་ཏྠེ ཎྱཔྤ་ཙྩ་ཡོ, ཏ་སྶི་མི་ནཱ དྷཱ་ཏྭ་ནྟེ་ན ས་ཧ ཡ྄ཧཱདེ་སོ, ག་རསྶ གཱ་རཱདེ་སོ ཙ, གཱ་ར་ཡ྄ཧོ, གཱ་ར་ཡ྄ཧཱ, གཱ་ར་ཡ྄ཧཾ, ག་ར་ཧ་ཎཱི་ཡཾ.
ཨཱ་དིས་དྡེ་ན ཨ་ཉྙེ་པི ད་མ་ཛ་ཧནྟཱ ག་ཡ྄ཧ་ནྟེ. ག་ད ཝི་ཡ་ཏྟི་ཡཾ ཝཱ་ཙཱ་ཡཾ, ག་ཛྫ་ཏེ, ག་ད་ནཱི་ཡཾ ཝཱ ག་ཛྫཾ. པ་ད ག་ཏི་མྷི, པ་ཛྫ་ནཱི་ཡཾ པ་ཛྫཾ གཱ་ཐཱ. ཁཱ་ད བྷ་ཀྑ་ཎེ, ཁ་ཛྫ་ཏེ་ཏི ཁ་ཛྫཾ ཁཱ་ད་ནཱི་ཡཾ. ད་མུ ད་མ་ནེ, ཨ་ད་མྨི་ཏྠ, ད་མྨ་ཏེ, ད་མཱི་ཡི་སྶ་ཏཱི་ཏི ད་མྨོ ད་མ་ནཱི་ཡོ. བྷུ་ཛ པཱ་ལ་ན་བྱ་ཝ་ཧ་ར་ཎེ་སུ, ཨ་བྷུ་ཛྫི་ཏྠ, བྷུ་ཛྫ་ཏི, བྷུ་ཛྫི་སྶ་ཏཱི་ཏི བྷོ་གྒཾ, བྷོ་ཛྫཾ ཝཱ, ཀཱ་རགྒ་ཧ་ཎེ་ན ཡསྶ ཛཀཱ་རོ. ག་ཧེ་ཏ་བྦཾ ག་ཡ྄ཧ་མི་ཙྩཱ་དི.
ཨཱ་ཀཱ་ར་ནྟ་ཏོ པ་ན དཱ དཱ་ནེ, ཨ་དཱི་ཡི་ཏྠ, དཱི་ཡ་ཏི, དཱི་ཡི་སྶ་ཏཱི་ཏི ཨ་ཏྠེ ཎྱཔྤ་ཙྩ་ཡོ, ཏ་སྶི་མི་ནཱ དྷཱ་ཏྭ་ནྟེ་ན ཨཱཀཱ་རེ་ན ས་ཧ ཨེ་ཡྻཱདེ་སོ, དེ་ཡྻཾ, དཱ་ཏ་བྦཾ. ཨ་ནཱི་ཡེ ‘‘ས་ར་ལོ་པོ’’ཏི་ཨཱ་དི་ནཱ པུ་བྦ་ས་ར་སྶ ལོ་པེ ས་མྤ་ཏྟེ ཏ་ཏྠེ་ཝ ཏུགྒ་ཧ་ཎེ་ན ནི་སེ་དྷེ་ཏྭཱ ‘‘ས་རཱ ས་རེ ལོ་པ’’ནྟི ཨཱཀཱ་རེ ལུ་ཏྟེ པ་ར་ས་ར་སྶ དཱི་གྷོ, དཱ་ནཱི་ཡཾ.
པཱ པཱ་ནེ, ཨ་པཱི་ཡི་ཏྠ, པཱི་ཡ་ཏི, པཱི་ཡི་སྶ་ཏཱི་ཏི པེ་ཡྻཾ, པཱ་ཏ་བྦཾ, པཱ་ནཱི་ཡཾ. ཧཱ ཙཱ་གེ, ཨ་ཧཱི་ཡི་ཏྠ, ཧཱི་ཡ་ཏི, ཧཱི་ཡི་སྶ་ཏཱི་ཏི ཧེ་ཡྻཾ, ཧཱ་ཏ་བྦཾ, ཧཱ་ནཱི་ཡཾ. མཱ མཱ་ནེ, ཨ་མཱི་ཡི་ཏྠ, མཱི་ཡ་ཏི, མཱི་ཡི་སྶ་ཏཱི་ཏི མེ་ཡྻཾ, མཱ་ཏ་བྦཾ, མི་ནི་ཏ་བྦཾ, མེ་ཏ་བྦཾ ཝཱ. ཉཱ ཨ་ཝ་བོ་དྷ་ནེ, ཨ་ཉྙཱ་ཡི་ཏྠ, ཉཱ་ཡ་ཏི, ཉཱ་ཡི་སྶ་ཏཱི་ཏི ཉེ་ཡྻཾ, ཉཱ་ཏ་བྦཾ, ཉཱ་ཏེ་ཡྻཾ. ‘‘ཉཱ་སྶ ཛཱ ཛཾ ནཱ’’ཏི ཛཱདེ་སེ ‘‘ཀི་ཡཱ་དི་ཏོ ནཱ’’ཏི ཝི་ནཱ་དྷི་ཀཱ་ར་ཡོ་ག་ཝི་བྷཱ་གེ་ན ནཱཔ་ཙྩ་ཡོ, ཨི་ཀཱ་རཱ་ག་མོ ཙ, ཛཱ་ནི་ཏ་བྦཾ, ཝི་ཛཱ་ན་ནཱི་ཡཾ. ཁྱཱཔ་ཀ་ཐ་ནེ, ས་ངྑྱཱ་ཏ་བྦཾ, ས་ངྑྱེ་ཡྻཾ ཨི་ཙྩཱ་དི.
༥༥༧. ཀ་ར་མྷཱ རི་ཙྩ.
ཀ་རདྷཱ་ཏུ་ཏོ རི་ཙྩཔྤ་ཙྩ་ཡོ ཧོ་ཏི བྷཱ་ཝ་ཀ་མྨེ་སུ.
༥༥༨. ར་མྷི ར་ནྟོ རཱ་དི ནོ.
རཀཱ་རཱ་ནུ་བ་ནྡྷེ པ་ཙྩ་ཡེ པ་རེ ས་བྦོ དྷཱ་ཏྭ་ནྟོ རཱ་དི པ་ཙྩ་ཡ་ར་ཀཱ་ར་མ་རི་ཡཱ་དོ ནོ ཧོ་ཏི, ལོ་པ་མཱ་པ་ཛྫ་ཏེ་ཏི ཨ་ཏྠོ. ར་ནྟོཏི ཨེ་ཏྠ རཀཱ་རོ ས་ནྡྷི་ཛོ, ཀ་ཏྟ་བྦཾ ཀི་ཙྩཾ. ‘‘རི་ཙྩཱ’’ཏི ཡོ་ག་ཝི་བྷཱ་གེ་ན བྷ་རཱ་དི་ཏོ་པི རི་ཙྩཔྤ་ཙྩ་ཡོ, ཡ་ཐཱ, བྷ་རཱི་ཡ་ཏཱི་ཏི བྷ་ཙྩོ, ས་ར་ལོ་པོ. ཨི ག་ཏི་མྷི, པ་ཏི ཨེ་ཏ་བྦོ པ་ཊི་ཙྩོ.
༥༥༩. པེ་སཱ་ཏི་ས་གྒ་པ་ཏྟ་ཀཱ་ལེ་སུ ཀི་ཙྩཱ.
པེ་ས ཨ་ཏི་ས་གྒ པ་ཏྟ་ཀཱ་ལཨི་ཙྩེ་ཏེ་སྭ་ཏྠེ་སུ ཀི་ཙྩཔྤ་ཙྩ་ཡཱ ཧོ་ནྟི. པེ་ས་ནཾ ནཱ་མ ‘‘ཀ་ཏྟ་བྦ་མི་དཾ བྷ་ཝ་ཏཱ’’ཏི ཨཱ་ཎཱ་པ་ནཾ, ཨ་ཛ྄ཛྷེ་ས་ན་ཉྩ. ཨ་ཏི་ས་གྒོ་ནཱ་མ ‘‘ཀི་མི་དཾ མ་ཡཱ ཀ་ཏྟ་བྦ’’ནྟི པུ་ཊྛ་སྶ ཝཱ ‘‘པཱ་ཎོ ན ཧ་ནྟ་བྦོ’’ཏི་ཨཱ་དི་ནཱ པ་ཊི་པ་ཏྟི་ད་སྶ་ན་མུ་ཁེ་ན ཝཱ ཀ་ཏྟ་བྦ་སྶ ཨ་ནུ་ཉྙཱ. པ་ཏྟ་ཀཱ་ལོ ནཱ་མ ས་མྤ་ཏྟ་ས་མ་ཡོ ཡོ ཨཏྟ་ནོ ཀི་ཙྩ་ཀ་ར་ཎ་ས་མ་ཡ་མ་ནུ་པ་པ་རི་ཀྑི་ཏྭཱ ན ཀ་རོ་ཏི, ཏ་སྶ ས་མ་ཡཱ་རོ་ཙ་ནཾ, ན ཏ་ཏྠ ཨ་ཛ྄ཛྷེ་ས་ན་མ་ཏྠཱི་ཏི. ཏེ ཙ ‘‘བྷཱ་ཝ་ཀ་མྨེ་སུ ཀི་ཙྩ་ཏྟ་ཀྑ་ཏྠཱ’’ཏི ཝུ་ཏྟ་ཏྟཱ བྷཱ་ཝ་ཀ་མྨེ་སྭེ་ཝ བྷ་ཝ་ནྟི.
པེ་ས་ནེ ཏཱ་ཝ – ཀ་རཱི་ཡ་ཏུ བྷ་ཝ་ཏཱ ཀ་མྨ་ནྟི ཨ་ཏྠེ ཨི་མི་ནཱ ཏ་བྦཱ་ནཱི་ཡཱ, སེ་སཾ ཝུ་ཏྟ་ན་ཡ་མེ་ཝ, ཀ་ཏྟ་བྦཾ ཀ་མྨཾ བྷ་ཝ་ཏཱ, ཀ་ར་ཎཱི་ཡཾ ཀི་ཙྩཾ བྷ་ཝ་ཏཱ.
ཨ་ཏི་ས་གྒེ བྷུ་ཛྫ་ཏུ བྷ་ཝ་ཏཱ་ཏི ཨ་ཏྠེ ཏ་བྦཱདི, ‘‘ཨ་ཉྙེ་སུ ཙཱ’’ཏི ཝུ་དྡྷི.
‘‘ཏ་སྶཱ’’ཏི ཝ་ཏྟ་ཏེ.
༥༦༠. བྷུ་ཛཱ་དཱི་ན་མ་ནྟོ ནོ དྭི ཙ.
བྷུ་ཛཨི་ཙྩེ་ཝ་མཱ་དཱི་ནཾ ཛཀཱ་རཱ་དི་ཨ་ནྟཱ་ནཾ དྷཱ་ཏཱུ་ན་མ་ནྟོ ནོ ཧོ་ཏི, པ་ར་སྶ ཀི་ཙྩ་ཀི་ཏ་ཀ་པྤ་ཙྩ་ཡཏཀཱ་ར་སྶ ཙ དྭེབྷཱ་ཝོ ཧོ་ཏི. བྷོ་ཏྟ་བྦཾ བྷོ་ཛ་ནཾ བྷ་ཝ་ཏཱ, བྷོ་ཛ་ནཱི་ཡཾ བྷོ་ཛྫཾ བྷ་ཝ་ཏཱ.
ཨིཀཱ་རཱ་ག་མ་ཡུ་ཏྟཏཀཱ་རེ པ་ན – ‘‘ན་མ་ཀ་རཱ་ན་མ་ནྟཱ་ནཾ ནི་ཡུ་ཏྟ་ཏ་མྷཱི’’ཏི ཨེ་ཏྠ ‘‘ཨ་ནྟཱ་ནཾ ནི་ཡུ་ཏྟ་ཏ་མྷཱི’’ཏི ཡོ་ག་ཝི་བྷཱ་གེ་ན དྷཱ་ཏྭ་ནྟ་ལོ་པཱ་དི་ནི་སེ་དྷོ, ‘‘རུ་དྷཱ་དི་ཏོ ནི་གྒ་ཧཱི་ཏ་པུ་བྦ’’ནྟི ཝི་ནཱ་དྷི་ཀཱ་ར་ཡོ་ག་ཝི་བྷཱ་གེ་ན, ‘‘ནི་གྒ་ཧཱི་ཏ་ཉྩཱ’’ཏི ཝཱ ནི་གྒ་ཧཱི་ཏཱ་ག་མོ, བྷུ་ཉྫི་ཏ་བྦཾ ཏ་ཡཱ, ཡུ་ཉྫི་ཏ་བྦཾ.
ས་མ་ཡཱ་རོ་ཙ་ནེ པ་ན – ཨི ཨ་ཛ྄ཛྷ་ཡ་ནེ ཨ་དྷིཔུ་བྦོ, ཨ་དྷཱི་ཡ་ཏཾ བྷ་ཝ་ཏཱ་ཏི ཨ་ཏྠེ ཏ་བྦཱ་ནཱི་ཡཱདི, ཨིཀཱ་རཱ་ག་མ་ཝུ་དྡྷིཨ་ཡཱདེ་སཨ་ཛ྄ཛྷཱདེ་སཱ ཙ, ཎྱཔྤ་ཙྩ་ཡེ ཏུ ཝུ་དྡྷི, ཡཀཱ་ར་སྶ དྭི་ཏྟ་ཉྩ, ཨ་ཛ྄ཛྷ་ཡི་ཏ་བྦཾ, ཨ་ཛ྄ཛྷེ་ཡྻཾ བྷ་ཝ་ཏཱ, ཨ་ཛ྄ཛྷ་ཡ་ནཱི་ཡཾ བྷ་ཝ་ཏཱ, ཨ་ཝ་སྶཾ ཀ་ཏྟ་བྦ་ནྟི ཝཱ་ཀྱེ པ་ན ‘‘ཀི་ཙྩཱ’’ཏི ཨ་དྷི་ཀི་ཙྩ ‘‘ཨ་ཝ་སྶ་ཀཱ་དྷ་མི་ཎེ་སུ ཎཱི ཙཱ’’ཏི ཨ་ཝ་སྶ་ཀཱ་དྷ་མི་ཎ་ཏྠེ ཙ ཏ་བྦཱད་ཡོ, ཀ་ཏྟ་བྦཾ མེ བྷ་ཝ་ཏཱ གེ་ཧཾ, ཀ་ར་ཎཱི་ཡཾ, ཀཱ་རི་ཡཾ. ཨེ་ཝཾ དཱ་ཏ་བྦཾ མེ བྷ་ཝ་ཏཱ ས་ཏཾ, དཱ་ནཱི་ཡཾ, དེ་ཡྻཾ.
དྷ་ར དྷཱ་ར་ཎེ, ཙུ་རཱ་དི་ཏྟཱ ཎེ་ཎ་ཡཱ, ཝུ་དྡྷི, ཨི་ཀཱ་རཱ་ག་མོ ཙ, དྷཱ་རེ་ཏ་བྦཾ, དྷཱ་ར་ཡི་ཏ་བྦཾ ཨི་ཙྩཱ་དི.
‘‘ནུ་དཱ་དཱི་ཧི ཡུ་ཎྭཱུ་ན་མ་ནཱ་ན་ནཱ་ཀཱ་ན་ན་ཀཱ ས་ཀཱ་རི་ཏེ་ཧི ཙཱ’’ཏི ས་ཀཱ་རི་ཏེ་ཧི་པི ཡུ་ཎྭཱུན་མཱ་དེ་ས་ཝི་དྷཱ་ན་ཏོ་ཡེ་ཝ དྷཱ་ཏུ་པྤ་ཙྩ་ཡ་ནྟ་ཏོ་པི ཀི་ཙྩ་ཀི་ཏ་ཀ་པྤ་ཙྩ་ཡཱ བྷ་ཝ་ནྟཱི་ཏི ད་ཊྛ་བྦོ. ཏེ་ན ཏི་ཏི་ཀྑཱ་པཱི་ཡ་ཏཱི་ཏི ཏི་ཏི་ཀྑཱ་པེ་ཏ་བྦོ. ཨེ་ཝཾ ཏི་ཀི་ཙྪཱ་པེ་ཏ་བྦོ ཏི་ཀི་ཙྪཱ་པ་ནཱི་ཡོ. ཨབྷཱ་ཝཱི་ཡི་ཏྠ, བྷཱ་ཝཱི་ཡ་ཏི, བྷཱ་ཝཱི་ཡི་སྶ་ཏཱི་ཏི བྷཱ་ཝེ་ཏ་བྦོ མ་གྒོ. བྷཱ་ཝ་ཡི་ཏ་བྦོ, བྷཱ་ཝ་ནཱི་ཡོ, བྷཱ་ཝ་ནཱི་ཡཾ, བྷཱ་ཝ་ནཱི་ཡཱ, ཨ་ཀཱ་རཱི་ཡི་ཏྠ, ཀཱ་རཱི་ཡ་ཏི, ཀཱ་རཱི་ཡི་སྶ་ཏཱི་ཏི ཀཱ་རེ་ཏ་བྦཾ, ཀཱ་ར་ཡི་ཏ་བྦཾ, ཀཱ་རཱ་པེ་ཏ་བྦཾ, ཀཱ་རཱ་པ་ཡི་ཏ་བྦཾ, ཀཱ་རཱ་པ་ནཱིཡམི་ཙྩཱ་དི ཙ སི་དྡྷཾ བྷ་ཝ་ཏི.
ཀ་ཏྟ་བྦཾ ཀ་ར་ཎཱི་ཡ་ཉྩ, ཀཱ་རི་ཡཾ ཀི་ཙྩ་མི་ཙྩ་པི;
ཀཱ་རེ་ཏ་བྦཾ ཏ་ཐཱ ཀཱ་རཱ-པེ་ཏ་བྦཾ ཀི་ཙྩ་ས་ངྒ་ཧོ.
ཀི་ཙྩ་པྤ་ཙྩ་ཡ་ནྟནཡོ.
ཏེ་ཀཱ་ལི་ཀ
ཀི་ཏ་ཀ་པྤ་ཙྩ་ཡ་ནྟ་ན་ཡ
ཨི་དཱ་ནི ཀི་ཏ་ཀ་པྤ་ཙྩ་ཡཱ ཝུ་ཙྩ་ནྟེ.
ཀ་ར ཀ་ར་ཎེ, པུ་རེ ཝི་ཡ དྷཱ་ཏུ་ས་ཉྙཱ་དི.
ཀུ་མྦྷ་ཨི་ཙྩུ་པ་པ་དཾ, ཏ་ཏོ དུ་ཏི་ཡཱ.
‘‘ཀུ་མྦྷཾ ཀ་རོ་ཏི, ཨ་ཀཱ་སི, ཀ་རི་སྶ་ཏཱི’’ཏི ཝཱ ཝི་གྒ་ཧེ –
‘‘པ་རཱ, པ་ཙྩ་ཡཱ’’ཏི ཙ ཝ་ཏྟ་ཏེ.
༥༦༡. དྷཱ་ཏུ་ཡཱ ཀ་མྨཱ་དི་མྷི ཎོ.
ཀ་མྨ་སྨིཾ ཨཱ་དི་མྷི ས་ཏི དྷཱ་ཏུ་ཡཱ པ་རོ ཎཔྤ་ཙྩ་ཡོ ཧོ་ཏི.
སོ ཙ –
༥༦༢. ཨ་ཉྙེ ཀི་ཏ.
ཏ་ཏི་ཡེ དྷཱ་ཏྭཱ་དྷི་ཀཱ་རེ ཝི་ཧི་ཏཱ ཀི་ཙྩེ་ཧི ཨ་ཉྙེ པ་ཙྩ་ཡཱ ཀི་ཏི་ཙྩེ་ཝ ས་ཉྙཱ ཧོ་ནྟཱི་ཏི ཀི་ཏས་ཉྙཱ ཀ་ཏཱ.
༥༦༣. ཀ་ཏྟ་རི ཀི་ཏ.
ཀ་ཏྟ་རི ཀཱ་ར་ཀེ ཀི་ཏཔ་ཙྩ་ཡོ ཧོ་ཏཱི་ཏི ནི་ཡ་མ་ཏོ ཀ་ཏྟ་རི བྷ་ཝ་ཏི, སོ ཙ ‘‘ཎཱ་ད་ཡོ ཏེ་ཀཱ་ལི་ཀཱ’’ཏི ཝུ་ཏྟ་ཏྟཱ ཀཱ་ལ་ཏྟ་ཡེ ཙ ཧོ་ཏི. པུ་རེ ཝི་ཡ ཀཱ་རི་ཏ་བྱ་པ་དེ་སཎལོ་པ་ཝུ་དྡྷི་ཡོ, པ་ཙྩ་ཡ་ནྟ་སྶཱ་ལི་ངྒ་ཏྟཱ སྱཱདི་མྷི ཨ་ས་མྤ་ཏྟེ ‘‘ཏ་དྡྷི་ཏ་ས་མཱ་ས་ཀི་ཏ་ཀཱ ནཱ་མཾ་ཝཱ་ཏ་ཝེ་ཏུ་ནཱ་དཱི་སུ ཙཱ’’ཏི ཀི་ཏ་ཀ་ནྟ་ཏྟཱ ནཱ་མཾ་ཝ ཀ་ཏེ སྱཱདྱུ་པྤ་ཏྟི, ཏ་ཏོ ཀུ་མྦྷཾ ཀ་རོ་ཏཱི་ཏི ཨ་ཏྠེ ‘‘ཨ་མཱ་ད་ཡོ པ་ར་པ་དེ་བྷཱི’’ཏི དུ་ཏི་ཡཱ་ཏ་པྤུ་རི་ས་ས་མཱ་སོ, ‘‘ནཱ་མཱ་ན’’ནྟི་ཨཱ་དི་ནཱ ས་མཱ་ས་ས་ཉྙཱ, ‘‘ཏེ་སཾ ཝི་བྷ་ཏྟི་ཡོ ལོ་པཱ ཙཱ’’ཏི ཝི་བྷ་ཏྟི་ལོ་པོ, ‘‘པ་ཀ་ཏི ཙ་སྶ ས་ར་ནྟ་སྶཱ’’ཏི པ་ཀ་ཏི་བྷཱ་ཝོ, པུ་ན ས་མཱ་ས་ཏྟཱ ནཱ་མ་མི་ཝ ཀ་ཏེ སྱཱདྱུ་པྤ་ཏྟི.
སོ ཀུ་མྦྷ་ཀཱ་རོ, ཏེ ཀུ་མྦྷ་ཀཱ་རཱ ཨི་ཙྩཱ་དི. ཨི་ཏྠི་ཡཾ ཀུ་མྦྷ་ཀཱ་རཱི, ཀུ་མྦྷ་ཀཱ་རི་ཡོ ཨི་ཙྩཱ་དི, ཏ་ཐཱ ཀ་མྨཾ ཀ་རོ་ཏཱི་ཏི ཀ་མྨ་ཀཱ་རོ. ཨེ་ཝཾ མཱ་ལཱ་ཀཱ་རོ, ཀ་ཊྛ་ཀཱ་རོ, ར་ཐ་ཀཱ་རོ, སུ་ཝ་ཎྞ་ཀཱ་རོ, སུ་ཏྟ་ཀཱ་རོ, ཝུ་ཏྟི་ཀཱ་རོ, ཊཱི་ཀཱ་ཀཱ་རོ.
ག་ཧ ཨུ་པཱ་དཱ་ནེ, པ་ཏྟཾ ཨ་ག་ཎྷི, ག་ཎྷཱ་ཏི, ག་ཎྷི་སྶ་ཏཱི་ཏི ཝཱ པ་ཏྟ་གྒཱ་ཧོ. ཨེ་ཝཾ ར་སྨི་གྒཱ་ཧོ, ར་ཛྫུ་གྒཱ་ཧོ.
ཝེ ཏ་ནྟ་ས་ནྟཱ་ནེ, ཏ་ནྟཾ ཨ་ཝཱ་ཡི, ཝཱ་ཡ་ཏི, ཝཱ་ཡི་སྶ་ཏཱི་ཏི ཝཱ ཏ་ནྟ་ཝཱ་ཡོ, ‘‘ཏེ ཨཱ་ཝཱ་ཡཱ ཀཱ་རི་ཏེ’’ཏི ཨཱ་ཡཱདེ་སོ, ཝཱ་ཀྱེ པ་ནེ་ཏྠ ‘‘ཏེ ཨཱ་ཝཱ་ཡཱ’’ཏི ཡོ་ག་ཝི་བྷཱ་གེ་ན ཨཱ་ཡཱདེ་སོ. ཨེ་ཝཾ ཏུ་ནྣ་ཝཱ་ཡོ.
མཱ པ་རི་མཱ་ཎེ, དྷ་ཉྙཾ ཨ་མི་ནི, མི་ནཱ་ཏི, མི་ནི་སྶ་ཏཱི་ཏི ཝཱ ཨ་ཏྠེ ཎཔྤ་ཙྩ་ཡེ ཀ་ཏེ –
‘‘ཎ་མྷཱི’’ཏི ཝ་ཏྟ་ཏེ.
༥༦༤. ཨཱ་ཀཱ་ར་ནྟཱ་ན་མཱ་ཡོ.
ཨཱཀཱ་ར་ནྟཱ་ནཾ དྷཱ་ཏཱུ་ནཾ ཨ་ནྟ་སྶ ཨཱ་ཡཱདེ་སོ ཧོ་ཏི ཎཀཱ་རཱ་ནུ་བ་ནྡྷེ པ་ཙྩ་ཡེ པ་རེ, ས་ར་ལོ་པཱ་དི. དྷ་ཉྙ་མཱ་ཡོ. ཨེ་ཝཾ དཱ་ནཾ ད་དཱ་ཏཱི་ཏི དཱ་ན་དཱ་ཡོ.
ཀ་མུ ཀ་ནྟི་མྷི, དྷ་མྨཾ ཨ་ཀཱ་མ་ཡི, ཀཱ་མ་ཡ་ཏི, ཀཱ་མ་ཡི་སྶ་ཏཱི་ཏི ཝཱ དྷ་མྨ་ཀཱ་མོ པུ་རི་སོ, དྷ་མྨ་ཀཱ་མཱ ཀ་ཉྙཱ, དྷ་མྨ་ཀཱ་མཾ ཙི་ཏྟཾ. ཨེ་ཝཾ ཨ་ཏྠ་ཀཱ་མོ, ཧི་ཏ་ཀཱ་མོ, སུ་ཁ་ཀཱ་མོ, དྷ་མྨཾ པཱ་ལེ་ཏཱི་ཏི དྷ་མྨ་པཱ་ལོ ཨི་ཙྩཱ་དི.
ད་མུ ད་མ་ནེ, ‘‘ཨ་རིཾ ཨ་ད་མི, ད་མེ་ཏི, ད་མི་སྶ་ཏཱི’’ཏི ཝི་གྒ་ཧེ ‘‘དྷཱ་ཏུ་ཡཱ’’ཏི ཨ་དྷི་ཀཱ་རོ, ‘‘ཀ་མྨཱ་དི་མྷཱི’’ཏི ཙ ཝ་ཏྟ་ཏེ.
༥༦༥. ས་ཉྙཱ་ཡ་མ་ནུ.
ཀ་མྨཱུ་པ་པ་དེ ཨཱ་དི་མྷི ས་ཏི ས་ཉྙཱ་ཡཾ ག་མྱ་མཱ་ནཱ་ཡཾ དྷཱ་ཏུ་ཡཱ ཨཔྤ་ཙྩ་ཡོ ཧོ་ཏི, ཨུ་པ་པ་ད་ནྟེ ནུཀཱ་རཱ་ག་མོ ཙ. ཨེ་ཏྠ ཙ ‘‘ནུ ནི་གྒ་ཧཱི་ཏཾ པ་ད་ནྟེ’’ཏི སུ་ཏྟེ ‘‘པ་ད་ནྟེ’’ཏི ཝ་ཙ་ན་ཏོ ཨུ་པ་པ་ད་ནྟེ་ཡེ་ཝ ནུཀཱ་རཱ་ག་མོ ཧོ་ཏཱི་ཏི ད་ཊྛ་བྦཾ. ‘‘ཏེ་སུ ཝུ་དྡྷཱི’’ཏི་ཨཱ་དི་ནཱ ཨུཀཱ་ར་ལོ་པོ. ཨ་ཡཾ པ་ན ནྭཱག་མོ ས་མཱ་སཾ ཀ་ཏྭཱ ཨུ་པ་པ་ད་ཝི་བྷ་ཏྟི་ལོ་པེ ཀ་ཏེ་ཡེ་ཝ ཧོ་ཏཱི་ཏི ཝེ་དི་ཏ་བྦཾ.
༥༦༦. ནུ ནི་གྒ་ཧཱི་ཏཾ པ་ད་ནྟེ.
ཨུ་པ་པ་ད་བྷཱུ་ཏ་ནཱ་མ་པ་ད་ནྟེ ཝ་ཏྟ་མཱ་ནོ ནུཀཱ་རཱ་ག་མོ ནི་གྒ་ཧཱི་ཏམཱ་པ་ཛྫ་ཏེ, ནི་གྒ་ཧཱི་ཏ་སྶ ཝ་གྒ་ནྟ་ཏྟཾ, སེ་སཾ ས་མཾ, ཝུ་དྡྷཱ་བྷཱ་ཝོ་ཝ ཝི་སེ་སོ, ཨ་རི་ནྡ་མོ རཱ་ཛཱ.
ཏ་ཐཱ ཏ་ར ཏ་ར་ཎེ, ཝེ་སྶཾ ཏ་ར་ཏཱི་ཏི ཝེ་སྶ་ནྟ་རོ, ཏ་ཎྷཾ ཀ་རོ་ཏི ཧིཾ་ས་ཏཱི་ཏི ཏ་ཎྷ་ངྐ་རོ བྷ་ག་ཝཱ. ཨེ་ཝཾ མེ་དྷ་ངྐ་རོ, ས་ར་ཎ་ངྐ་རོ, དཱི་པ་ངྐ་རོ.
‘‘ཨཱ་དི་མྷི, ཨ’’ཨི་ཏི ཙ ཝ་ཏྟ་ཏེ.
༥༦༧. པུ་རེ ད་དཱ ཙ ཨིཾ.
པུ་རས་དྡེ ཨཱ་དི་མྷི ས་ཏི ‘‘ད་ད དཱ་ནེ’’ཨི་ཙྩེ་ཏཱ་ཡ དྷཱ་ཏུ་ཡཱ ཨཔྤ་ཙྩ་ཡོ ཧོ་ཏི, པུ་རས་དྡེ ཨཀཱ་ར་སྶ ཨིཉྩ ཧོ་ཏི. ཨེ་ཏྠ ཙ ‘‘ཏ་ད་ནུ་པ་རོ་དྷེ་ནཱ’’ཏི པ་རི་བྷཱ་ས་ཏོ པུ་རས་དྡ་ནྟ་སྶེ་ཝ ཨིཾ ཧོ་ཏཱི་ཏི ད་ཊྛ་བྦཾ. ཎཱདཱི་ནཾ ཏེ་ཀཱ་ལི་ཀ་ཏྟེ་པི ཨུ་པ་པ་ད་ཏྠ་ཝི་སེ་སེ་ན ཨ་ཏཱི་ཏེ་ཡེ་ཝཱ་ཡ་མ་པྤ་ཙྩ་ཡོ ཧོ་ཏཱི་ཏི ད་ཊྛ་བྦཾ. པུ་རེ དཱ་ནཾ ཨ་ད་དཱི་ཏི པུ་རི་ནྡ་དོ ས་ཀྐོ. ཨི་དྷཱ་པི ཝི་བྷ་ཏྟི་ལོ་པེ ཀ་ཏེ་ཡེ་ཝ ཨིཾཨཱ་དེ་སོ.
‘‘ཀ་མྨཱ་དི་མྷི, ཨ’’ཨི་ཏི ཙ ཝ་ཏྟ་ཏེ.
༥༦༨. ས་བྦ་ཏོ ཎྭུ ཏྭཱ་ཝཱི ཝཱ.
ས་བྦ་ཏོ དྷཱ་ཏུ་ཏོ ཀ་མྨཱ་དི་མྷི ཝཱ ཨ་ཀ་མྨཱ་དི་མྷི ཝཱ ས་ཏི ཨ ཎྭུ ཏུ ཨཱ་ཝཱི ཨི་ཙྩེ་ཏེ ཙ་ཏྟཱ་རོ པ་ཙྩ་ཡཱ ཧོ་ནྟི. ཝཱགྒ་ཧ་ཎཾ ‘‘ཨ་ཀ་མྨཱ་དི་མྷི ཝཱ’’ཏི ཝི་ཀ་པྤ་ན་ཏྠཾ.
ཨཔྤ་ཙྩ་ཡེ ཏཱ་ཝ – དྷ་ར དྷཱ་ར་ཎེ, དྷ་མྨཾ ཨ་དྷ་རི, དྷ་ར་ཏི, དྷ་རི་སྶ་ཏཱི་ཏི ཝཱ དྷ་མྨ་དྷ་རོ. ཨེ་ཝཾ ཝི་ན་ཡ་དྷ་རོ. ཏ་ཐཱ ཏཾ ཀ་རོ་ཏཱི་ཏི ཏ་ཀྐ་རོ, དྭི་ཏྟཾ. ཨེ་ཝཾ ཧི་ཏ་ཀ་རོ, དི་ཝ་ས་ཀ་རོ, དི་ན་ཀ་རོ, དི་ཝཱ་ཀ་རོ, ནི་སཱ་ཀ་རོ, དྷ་ནུཾ ག་ཎྷཱ་ཏཱི་ཏི དྷ་ནུ་གྒ་ཧོ. ཨེ་ཝཾ ཀ་ཊ་གྒ་ཧོ, ས་བྦ་ཀཱ་མཾ ད་དཱ་ཏཱི་ཏི ས་བྦ་ཀཱ་མ་ད་དོ, ས་བྦ་ད་དོ.
ཨཱ་ཏོ པ་ན – ཨ་ནྣཾ ཨ་དཱ་སི, ད་དཱ་ཏི, ད་དི་སྶ་ཏཱི་ཏི ཨ་ནྣ་དོ. ཨེ་ཝཾ དྷ་ན་དོ, ས་ཙྩཾ ས་ནྡ་ཧ་ཏཱི་ཏི ས་ཙྩ་ས་ནྡྷོ. པཱ པཱ་ནེ, མ་ཛྫཾ པི་ཝ་ཏཱི་ཏི མ་ཛྫ་པོ. ཏཱ པཱ་ལ་ནེ, ག་ཝཾ ས་དྡཾ ཏཱ་ཡ་ཏཱི་ཏི གོ་ཏྟཾ. ཨེ་ཝཾ ཀ་ཏྟ་རི.
ཨཀ་མྨཱ་དི་མྷི པ་ན ‘‘ཡ་སྨཱ ད་པེ་ཏཱི’’ཏི སུ་ཏྟེ བྷ་ཡགྒ་ཧ་ཎེ་ན སེ་ས་སཱ་དྷ་ནེ་པི ཨཔྤ་ཙྩ་ཡོ.
ནཱི པཱ་པུ་ཎ་ནེ ཝིཔུ་བྦོ, ཝི་ནེ་སི, ཝི་ནེ་ཏི, ཝི་ནེ་སྶ་ཏི ཨེ་ཏེ་ན, ཨེ་ཏྠཱ་ཏི ཝཱ ཝི་ན་ཡོ, ‘‘ཨ་ཉྙེ་སུ ཙཱ’’ཏི ཝུ་དྡྷི, ཨ་ཡཱདེ་སོ ཙ, ན་ཡ་ནཾ ན་ཡོ. སི སེ་ཝཱ་ཡཾ ནིཔུ་བྦོ, ནི་སྶཱི་ཡི་ཏྠ, ནི་སྶཱི་ཡ་ཏི, ནི་སྶཱི་ཡི་སྶ་ཏཱི་ཏི ཝཱ ནི་སྶ་ཡོ. སི ས་ཡེ, ཨ་ནུ་ས་ཡི, ཨ་ནུ་སེ་ཏི, ཨ་ནུ་སེ་སྶ་ཏཱི་ཏི ཝཱ ཨ་ནུ་ས་ཡོ.
ཨི ག་ཏི་མྷི པ་ཏིཔུ་བྦོ, པ་ཊི་ཙྩ ཨེ་ཀ་སྨཱ ཕ་ལ་མེ་ཏཱི་ཏི པ་ཙྩ་ཡོ, ས་མུ་ད་ཡོ. ཙི ཙ་ཡེ, ཝི་ནི་ཙྪཱི་ཡ་ཏེ ཨ་ནེ་ན, ཝི་ནི་ཙྪ་ཡ་ནཾ ཝཱ ཝི་ནི་ཙྪ་ཡོ, ཨུ་ཙྩ་ཡ་ནཾ ཨུ་ཙྩ་ཡོ, ས་ཉྩ་ཡོ, དྷ་མྨཾ ཝི་ཙི་ནཱ་ཏཱི་ཏི དྷ་མྨ་ཝི་ཙ་ཡོ. ཁཱི ཁ་ཡེ, ཁ་ཡ་ནཾ ཁ་ཡོ. ཛི ཛ་ཡེ, ཝི་ཛ་ཡ་ནཾ ཝི་ཛ་ཡོ, ཛ་ཡོ. ཀཱི ད་བྦ་ཝི་ནི་མ་ཡེ, ཝི་ཀྐ་ཡ་ནཾ ཝི་ཀྐ་ཡོ, ཀ་ཡོ. ལཱི སི་ལེ་ས་ནེ, ཨ་ལླཱི་ཡ་ཏི ཨེ་ཏྠཱ་ཏི ཨཱ་ལ་ཡོ, ལ་ཡོ. ཨེ་ཝཾ ཨི་ཝ་ཎྞནྟ་ཏོ.
ཨཱ་སུ་ཎ་ནྟཱི་ཏི ཨ་སྶ་ཝཱ, ཨ་ཝཱ་དེ་སོ, པ་ཊི་སྶ་ཝ་ནཾ པ་ཊི་སྶ་ཝོ. སུ ག་ཏི་མྷི, ཨཱ་བྷ་ཝ་གྒཱ ས་ཝ་ནྟཱི་ཏི ཨཱ་ས་ཝཱ. རུ ས་དྡེ, ར་ཝ་ཏཱི་ཏི ར་ཝོ. བྷ་ཝ་ཏཱི་ཏི བྷ་ཝོ. པ་བྷ་ཝ་ཏི ཨེ་ཏ་སྨཱ་ཏི པ་བྷ་ཝོ. ལཱུ ཚེ་ད་ནེ, ལ་ཝ་ནཾ ལ་ཝོ. ཨེ་ཝཾ ཨུ་ཝ་ཎྞནྟ་ཏོ.
ནི་གྒ་ཎྷཱ་ཏི, ནི་གྒ་ཧ་ཎཾ ཝཱ ནི་གྒ་ཧོ, པ་གྒ་ཧོ, ས་ངྒ་ཎྷཱ་ཏི ཏེ་ན, ས་ངྒ་ཧ་ཎཾ ཝཱ ས་ངྒ་ཧོ. ཝ་ར ཝ་ར་ཎེ, སཾ་ཝ་ར་ཎཾ སཾ་ཝ་རོ. ད་ར ཨཱ་ད་རེ, ཨཱ་ད་ར་ཎཾ ཨཱ་ད་རོ. ཨཱ་ག་ཙྪ་ཏི, ཨཱ་ག་མ་ན་ནྟི ཝཱ ཨཱ་ག་མོ, ཨཱ་ག་མཱི་ཡ་ནྟི ཨེ་ཏྠ, ཨེ་ཏེ་ན ཝཱ ཨ་ཏྠཱ་ཏི ཨཱ་ག་མོ པ་རི་ཡ་ཏྟི. ས་པྤ་ཏཱི་ཏི ས་པྤོ. དི་བྦ་ཏཱི་ཏི དེ་ཝོ. ཀ་མུ པ་ད་ཝི་ཀྑེ་པེ, པ་ཀྐ་མ་ནཾ, པ་ཀྐ་མ་ཏཱི་ཏི ཝཱ པ་ཀྐ་མོ. ཨེ་ཝཾ ཝི་ཀྐ་མོ.
ཙ་ར ཙ་ར་ཎེ, ཝ་ནེ ཙ་ར་ཏཱི་ཏི ཝ་ན་ཙ་རོ, ཀཱ་མོ ཨ་ཝ་ཙ་ར་ཏི ཨེ་ཏྠཱ་ཏི ཀཱ་མཱ་ཝ་ཙ་རོ ལོ་ཀོ, ཀཱ་མཱ་ཝ་ཙ་རཱ ས་ཉྙཱ, ཀཱ་མཱ་ཝ་ཙ་རཾ ཙི་ཏྟཾ. གཱ་ཝོ ཙ་ར་ནྟི ཨེ་ཏྠཱ་ཏི གོ་ཙ་རོ, ཚ་ཊྛཱི་ཏ་པྤུ་རི་སོ.
པཱ་དེ་ན པི་ཝ་ཏཱི་ཏི པཱ་ད་པོ. ཨེ་ཝཾ ཀ་ཙྪ་པོ, ཏ་ཏི་ཡཱ་ཏ་པྤུ་རི་སོ.
རུ་ཧ ཛ་ན་ནེ, སི་ར་སྨིཾ རུ་ཧ་ཏཱི་ཏི སི་རོ་རུ་ཧོ, གུ་ཧཱ་ཡཾ ས་ཡ་ཏཱི་ཏི གུ་ཧཱ་ས་ཡཾ ཙི་ཏྟཾ. ཨེ་ཝཾ ཀུ་ཙྪི་ས་ཡཱ ཝཱ་ཏཱ. ཋཱ ག་ཏི་ནི་ཝ་ཏྟི་མྷི, པ་བྦ་ཏེ ཨ་ཊྛཱ་སི, ཏི་ཊྛ་ཏི, ཋ་སྶ་ཏཱི་ཏི ཝཱ པ་བྦ་ཏ་ཊྛོ པུ་རི་སོ, པ་བྦ་ཏ་ཊྛཱ ན་དཱི, པབྦཏ་ཊྛཾ ཨོ་ས་དྷཾ. ཨེ་ཝཾ ཐ་ལ་ཊྛཾ, ཛ་ལ་ཊྛཾ, ས་ཏྟ་མཱི་ཏ་པྤུ་རི་སོ.
༥༦༩. ག་ཧ་སྶུ་པ་དྷ་སྶེ ཝཱ.
ག་ཧཨི་ཙྩེ་ཏ་སྶ དྷཱ་ཏུ་སྶ ཨུ་པ་དྷ་སྶ ཨེཏྟཾ ཧོ་ཏི ཝཱ, ཨུ་པ་དྷཱཏི ཨ་ནྟ་ཀྑ་ར་ཏོ པུ་བྦ་ཀྑ་ར་སྶ པ་ར་ས་མ་ཉྙཱ, ག་ཡ྄ཧ་ཏཱི་ཏི གེ་ཧཾ, ག་ཧཾ ཝཱ.
ཎྭུ་པྤ་ཙྩ་ཡེ ར་ཐཾ ཀ་རོ་ཏཱི་ཏི ཨ་ཏྠེ ཎྭུ་པྤ་ཙྩ་ཡོ, སོ ཙ ‘‘ཨ་ཉྙེ ཀི་ཏ’’ཏི ཀི་ཏས་ཉྙ་ཏྟཱ ‘‘ཀ་ཏྟ་རི ཀི་ཏ’’ཏི ཀ་ཏྟ་རི་ཡེ་ཝ བྷ་ཝ་ཏི, ཏ་ཏོ ཀཱ་རི་ཏ་བྱ་པ་དེ་ས ཎལོ་པ་ཝུ་དྡྷི་ཡོ.
༥༧༠. ཨ་ན་ཀཱ ཡུ་ཎྭཱུ་ནཾ.
ཡུ་ཎྭུཨི་ཙྩེ་ཏེ་སཾ པ་ཙྩ་ཡཱ་ནཾ ཨ་ན ཨ་ཀཨི་ཙྩེ་ཏེ ཨཱ་དེ་སཱ ཧོ་ནྟཱི་ཏི ཨ་ཀཱདེ་སོ. སེ་སཾ ཀུ་མྦྷ་ཀཱ་ར་ས་དྡ་ས་མཾ, ར་ཐ་ཀཱ་ར་ཀོ. ཏ་ཐཱ ཨ་ནྣཾ ད་དཱ་ཏཱི་ཏི ཨ་ནྣ་དཱ་ཡ་ཀོ, ‘‘ཨཱ་ཀཱ་ར་ནྟཱ་ན་མཱ་ཡོ’’ཏི ཨཱ་ཡཱདེ་སོ, ‘‘ཨི་ཏྠི་ཡ་མ་ཏོ ཨཱ་པ་ཙྩ་ཡོ’’ཏི ཨཱཔ་ཙྩ་ཡོ, ‘‘ཏེ་སུ ཝུ་དྡྷཱི’’ཏི་ཨཱ་དི་ནཱ ཨཀཱ་ར་སྶ ཨིཀཱ་རོ, ཨ་ནྣ་དཱ་ཡི་ཀཱ ཀ་ཉྙཱ, ཨ་ནྣ་དཱ་ཡ་ཀཾ ཀུ་ལཾ. ལོ་ཀཾ ནེ་ཏཱི་ཏི ལོ་ཀ་ནཱ་ཡ་ཀོ, ཝི་ནེ་ཏི ས་ཏྟེ་ཏི ཝི་ནཱ་ཡ་ཀོ, ‘‘ཏེ ཨཱ་ཝཱ་ཡཱ ཀཱ་རི་ཏེ’’ཏི ཨཱ་ཡཱདེ་སོ.
ཨ་ཀ་མྨཱུ་པ་པ་དེ ཀ་རོ་ཏཱི་ཏི ཀཱ་ར་ཀོ, ཀཱ་རི་ཀཱ, ཀཱ་ར་ཀཾ. ད་དཱ་ཏཱི་ཏི དཱ་ཡ་ཀོ, དཱ་ཡི་ཀཱ, དཱ་ཡ་ཀཾ. ནེ་ཏཱི་ཏི ནཱ་ཡ་ཀོ, ནཱ་ཡི་ཀཱ, ནཱ་ཡ་ཀཾ. བྷ་ག་ཝ་ཏོ ཨོ་ཝཱ་དཱ་ནུ་སཱ་ས་ནིཾ ཨ་སུ་ཎི, སུ་ཎཱ་ཏི, སུ་ཎི་སྶ་ཏཱི་ཏི ཝཱ སཱ་ཝ་ཀོ, སཱ་ཝི་ཀཱ, ཨཱ་ཝཱདེ་སོ. ལུ་ནཱ་ཏཱི་ཏི ལཱ་ཝ་ཀོ. པུ པ་ཝ་ནེ, པུ་ནཱ་ཏཱི་ཏི པཱ་ཝ་ཀོ, བྷ་ཝ་ཏཱི་ཏི བྷཱ་ཝ་ཀོ, ཨུ་པཱ་ས་ཏཱི་ཏི ཨུ་པཱ་ས་ཀོ, ཨུ་པཱ་སི་ཀཱ. ག་ཎྷཱ་ཏཱི་ཏི གཱ་ཧ་ཀོ.
པ་ཙ་ཏཱི་ཏི པཱ་ཙ་ཀོ. ཨ་ཡ་ཛི, ཡ་ཛ་ཏི, ཡ་ཛི་སྶ་ཏཱི་ཏི ཝཱ ཡཱ་ཛ་ཀོ. ཨེ་ཏྠ ཧི ‘‘ཀ་གཱ ཙ་ཛཱ་ན’’ནྟི ཙ་ཛཱ་ནཾ ཀ་ག་ཏྟེ ས་མྤ་ཏྟེ –
༥༧༡. ན ཀ་ག་ཏྟཾ ཙ་ཛཱ ཎྭུ་མྷི.
དྷཱ་ཏྭ་ནྟ་བྷཱུ་ཏཱ ཙཀཱ་རཛཀཱ་རཱ ཀཀཱ་ར གཀཱ་ར་ཏྟཾ ནཱ་པ་ཛྫ་ནྟེ ཎྭུཔྤ་ཙྩ་ཡེ པ་རེ་ཏི པ་ཊི་སི་དྡྷ་ཏྟཱ ན བྷ་ཝ་ཏི.