༤༤. ཨ་སཾ

ཨ་ཏི་ཀྐ་ནྟ་མ་ངྒུ་ལི་ཡོ་ཏི ཝི་གྒ་ཧོ. དྭེ ཨ་ངྒུ་ལི་ཡོ ས་མཱ་ཧ་ཊཱ་ཏི པ་ར་ཝི་གྒ་ཧེ་ནཱ་ཏྠ་མཱ་ཧ, དྭེ ཨ་ངྒུ་ལི་ཡོ པ་མཱ་ཎ་མ་སྶཱ་ཏི ཝི་གྒ་ཧེ་ནེ་ཝཾ ས་མཱ་སོ ཏ་ཏོ མ་ཏྟ་པྤ་ཙྩ་ཡེ ཏ་གྒྷ་པྤ་ཙྩ་ཡེ ཝཱ ཏ་སྶ ‘‘ལོ་པོ’’ཏི (༤-༡༢༣) ཨི་མི་ནཱ ལོ་པེ ཀ་ཏེ ཝི་སེ་ས་ན་ས་མཱ་སཱ ཨ་ཀཱ་རོ་ཏི ད་སྶེ་ཏུཾ ‘ཀ་ཐ’མི་ཙྩཱ་དི་ནཱ ཡཾ ཝུ་ཏྟཾ ཏཾ ད་སྶེ་ཏུཾ ‘ཨ་ཉྙ་པ་ད་ཏྠེ’ཙྩཱ་དི ཝུ་ཏྟཾ. ས་མཱ་ས་ཝི་དྷཱ་ནཾ ཨ་ཏོ་པཱི་ཏི མ་ཏྟཱ་དི་པྤ་ཙྩ་ཡ་ལོ་པཾ ཀ་ཏྭཱ ‘‘ཝི་སེ་ས་ན་མེ་ཀ་ཏྠེ་ནེ’’ཏི (༣-༡༡) ས་མཱ་ས་ཝི་དྷཱ་ནཱ, ཨ་ཐ ནཱ་ཡ་མ་ངྒུ་ལི་ས་དྡེ་ནེ་ཝཾ ས་མཱ་སོ, མཱ་ནེ པ་ཙྩ་ཡ་ལོ་པ་ཝ་སེ་ན ཝི་ནཱ་ཝ ཨ་པྤ་ཙྩ་ཡེ་ན ནི་ཊྛ་པྤ་ཏྟཱི་ཏི མ་ནྟྭཱ ‘ཨ་ངྒུ་ལ་ས་དྡོ ཝཱ’ཙྩཱ་དི་ནཱ ཡཾ ཝུ་ཏྟི་ཡཾ ཝུ་ཏྟཾ ཏ་ཏྠ ཨཱ་ས་ངྐཾ ཝི་ར་ཙ་ཡ་ཏི ‘ཨ་ཐེ’ཙྩཱ་དི. དྭ་ངྒུ་ལ་ས་དྡ་སྶ པ་མཱ་ཎི་ནི་ཝ་ཏྟ་ན་ཏོ ཀ་ཐ་ཉྩི་པི ཨ་ཉྙ་པ་ད་ཏྠ་ཏཱ སི་ཡཱ་ཏི ‘ཡ་ཐཱ ཏ་ཐཱ ཨ་ཉྙ་པ་ད་ཏྠེ ཝ་ཏྟ་ཏཱུ’ཏི་ཝུ་ཏྟཾ. ན་ནུ ནི་ར་ངྒུ་ལ་ནྟྱཱ་དི ས་བྦ་མ་ངྒུ་ལ་ས་དྡེ་ན སཱ་དྷེ་ཏུཾ ས་ཀྐཱ, ཏ་ཐཱ ས་ཏི ཀི་མ་ངྒུ་ལི ས་དྡཱ ཨ་པྤ་ཙྩ་ཡ་ཝི་དྷཱ་ནེ་ནེ་ཏྱཱ་ས་ངྐི་ཡ པ་ཡོ་ཛ་ན་ནྟ་རཾ ཨ་པ་དི་སི་ཏུ་མཱ་ཧ- ‘ས་བྦ་ཏྠེ’ཙྩཱ་དི. ཨ་ངྒུ་ལི་ས་དྡ་ཏོ ཨ་པྤ་ཙྩ་ཡེ ཨ་ཝི་ཧི་ཏེ ནི་ར་ངྒུ་ལི་ཙྩཱ་དི་པི སི་ཡཱ ཏ་ནྣི་ཝ་ཏྟ་ན་མེ་ཏྠ པ་ཡོ་ཛ་ན་ནྟི ད་སྶེ་ཏི ‘ཨ་ངྒུ་ལི་ས་དྡ་ནི་ཝ་ཏྟ་ན་ཏྠ’ནྟི.