༦༠. གྷ་བྲ་ཧྨཱ

གྷ་ཨི་ཏི་ས་ཉྙཱ གྷ་ས་ཉྙཱ ཏཱ་སཾ, ཀ་ཉྙཱ་ས་ཉྙཱ་ཏི་ཨཱ་དཱི་སུ གྷ་ས་ཉྙཱ་ནཾ བ་ཧུ་ཏྟཱ བ་ཧུ་ཝ་ཙ་ནེ་ན ནི་དྡེ་སོ, གྷ་རཱུ་པ་སྶཱ་ཏི གྷ་སྶཱ་ཏི གྷ་ས་དྡ་རཱུ་པ་སྶ, ཏ་ཐཱ བྷོ བྲ་ཧྨཱ་ཏི ཨེ་ཏྠ ཏ་ཐཱ་ཏི ཨི་མི་ནཱ བྲ་ཧྨཱ་ཏི་རཱུ་པ་སྶ ནི་རུ་ཏྟི་ཡཾ ནི་དྡི་ཊྛ་ཏྟཱ་ཝ ཨེ་ཏྠ ས་ངྒ་ཧི་ཏ་བྷཱ་ཝཾ ད་སྶེ་ཏི. ཨེ་ཝཾ ཝི་ཝ་ར་ནྟཱི་ཏི ཏ་སྨཱ ས ས་ཁ་ཏོ ག་སྶ ཨ་ཀཱ་ར་ཨཱ་ཀཱ་རཱ’’ཏི་ཨཱ་དི་ནཱ ཨེ་ཝཾ ཝི་ཝ་ར་ནྟི, ཏེ ཧི ཨ་ཙ ཨཱ་ཙ ཨི་ཙ ཨཱི་ཙ ཨེ་ཙཱ་ཏི དྭ་ནྡེ པུ་བྦ་ས་རཱ་ནཾ ལོ་པཾ ཀ་ཏྭཱ ཨེ་ཏྟུ་པ་སི་ལེ་ས་ནི་དྡེ་སཾ ཝ་ཎྞེ་ནྟི, སཱ་མ་ཉྙ་ཝི་དྷཱ་ན་ནྟི ‘བྲ་ཧྨ་ཀ་ཏྟུ་ཨི་སི ས་ཁ་ཏོ’ཙྩེ་ཝ་མ་ཝི་སེ་སེ་ཏྭཱ སཱ་མ་ཉྙེ་ན ཀ་ཐ་ནཾ, ཀི་མ་ཏྠ་ནྟི ཀིཾ ཨ་ཏྠོ པ་ཡོ་ཛ་ནཾ ཡ་སྶ ཏཾ ཀི་མ་ཏྠཾ. སཱ་མ་ཉྙ་ཝི་དྷཱ་ནཾ ཀི་མ་ཏྠ་མྤ་ནེ་ཝཾ པ་ཡོ་ཛ་ནཱ་ས་ངྐཱ་ཡཾ པ་ཡོ་ཛ་ནཱ་ས་ངྐཱ་ཝི་ཙཱ་ར་ཎཾ མ་ན་སི ནི་དྷཱ་ཡ ‘ཨཱ་ག་ཏི ག་ཎོ་ཡ’ནྟི ཝུ་ཏྟ་ཏྟཱ ཨཱ་ཧ– ‘ཨ་ཏྠ་ཏོ’ཙྩཱ་དི, ཨ་ཏྠ་ཏོ་ཏི སཱ མ་ཏྠི་ཡ་ཏོ, ཨ་ནེ་ནཱ་ཏི‘ཨཱ་ག་ཏི་ག་ཎོ་ཡ’ནྟི ཨི་མི་ནཱ ཝ་ཙ་ནེ་ན, ཨི་དཾ ཝུ་ཏྟཾ ཧོ་ཏི ‘ཨཱ་ག་ཏི་ག་ཎོ་ཡ་ནྟི ཨི་མི་ནཱ ཏ་དཱ་ཀཱ་ར་ས་ངྑཱ་ཏ་ཛཱ་ཏི་པྤ་དྷཱ་ན་ག་ཎ་ཏྟ་པྤ་ཀཱ་ས་ནེ་ན ཡ་དི ས་མྦོ་དྷ་ནེ ཨེ་ཀཱ་ར་ནྟཱ་ཀཱ་ར་ནྟ་ལཱ་བྷཱི་ནཾ ཀ་ཏྟུ ཨི་སི ས་ཁ མུ་ནི བྷ་ད་ནྟཱ་དཱི་ནཾ ག་ཧ་ཎཾ པ་ཡོ་ཛ་ནཾ ན སི་ཡཱ, ཨ་ཉྙ་ཐཱ ཨ་ནུ་པ་པ་ཛྫ་ནཾ སི་ཡཱ་ཏི ཨེ་ཝ་མ་ཉྙ་ཐཱ་ནུ་པ་པ་ཏྟི་ལ་ཀྑ་ཎ་སཱ་མ་ཏྠི་ཡ་ཏོ སཱ་མ་ཉྙ་ཝི་དྷཱ་ནེ པ་ཡོ་ཛ་ན་མཱ་ཧེ’’ཏི, སོ་ཡ་ནྟི ཨི་མི་ནཱ ཝུ་ཏྟི་ཡཾ ‘ཨཱ་ག་ཏི ག་ཎོ་ཡ’ནྟི ཝུ་ཏྟཾ ཝ་ཙ་ནཾ ནི་ད་སྶེ་ཏི.