༤. ཙ་ཏུ་ཏྠོ ཀ་ཎྜོ (ཎཱ་དི)
༡. ཎོ ཝཱ པ་ཙྩེ.
ཚ་ཊྛི་ཡ་ནྟཱ ནཱ་མ་སྨཱ ཝཱ ཎ་པྤ་ཙྩ་ཡོ ཧོ་ཏི ཨ་པ་ཙྩེ-བྷི་དྷེ་ཡྻེ, ཎ་ཀཱ་རོ ཝུ་དྡྷྱ་ཏྠོ, ཨེ་ཝ་མ་ཉྙ་ཏྟཱ་པི, ཝ་སི་ཊྛ་སྶཱ་པ་ཙྩཾ ཝཱ་སི་ཊྛོ, ཝཱ་སི་ཊྛཱི ཝཱ, ཨོ་པ་ག་ཝོ, ཨོ་པ་ག་ཝཱི ཝཱ, ཝེ་ཏི ཝཱ་ཀྱ་ས་མཱ་ས་ཝི་ཀ་པྤ་ན་ཏྠཾ, ཏ་སྶཱ་དྷི་ཀཱ་རོ ས་ཀ་ཏྠཱ་ཝ་དྷི.
༢. ཝ་ཙྪཱ་དི་ཏོ ཎཱ་ན་ཎཱ་ཡ་ནཱ.
ཝ་ཙྪཱ་དཱི་ཧི ཨ་པ་ཙྩ་པྤ་ཙྩ་ཡ་ནྟེ་ཧི གོ་ཏྟཱ་དཱི་ཧི ཙ ས་དྡེ་ཧི ཎཱ་ན་ཎཱ་ཡ་ན་པྤ་ཙྩ་ཡཱ ཝཱ ཧོ་ནྟི ཨ་པ་ཙྩེ, ཝ་ཙྪཱ་ནོ ཝ་ཙྪཱ་ཡ་ནོ, ཀ་ཙྩཱ་ནོ ཀ་ཙྩཱ་ཡ་ནོ, ཡཱ་ག་མེ ཀཱ་ཏི་ཡཱ་ནོ, མོ་གྒ་ལླཱ་ནོ མོ་གྒ་ལླཱ་ཡ་ནོ, སཱ་ཀ་ཊཱ་ནོ སཱ་ཀ་ཊཱ་ཡ་ནོ, ཀ་ཎྷཱ་ནོ ཀ་ཎྷཱ་ཡ་ནོ ཨི་ཙྩཱ་དི.
༣. ཀ་ཏྟི་ཀཱ་ཝི་དྷ་ཝཱ་དཱི་ཧི ཎེ་ཡྻ་ཎེ་རཱ.
ཀ་ཏྟི་ཀཱ་དཱི་ཧི ཝི་དྷ་ཝཱ་དཱི་ཧི ཙ ཎེ་ཡྻ་ཎེ་རཱ ཝཱ ཡ་ཐཱ་ཀྐ་མཾ ཧོ་ནྟི ཨ་པ་ཙྩེ, ཀ་ཏྟི་ཀེ་ཡྻོ, ཝེ་ན་ཏེ་ཡྻོ, བྷཱ་གི་ནེ་ཡྻོ ཨི་ཙྩཱ་དི, ཝེ་དྷ་ཝེ་རོ, བ་ནྡྷ་ཀེ་རོ, ནཱ་ལི་ཀེ་རོ, སཱ་མ་ཎེ་རོ ཨི་ཙྩཱ་དི.
༤. ཎྱ་དི་ཙྩཱ་དཱི་ཧི.
དི་ཏི་པྤ་བྷུ་ཏི་ཧི ཎྱོ ཝཱ ཧོ་ཏི ཨ་པ་ཙྩེ, དེ་ཙྩོ, ཨཱ་དི་ཙྩོ, ཀོ་ཎྜ་ཉྙོ, ག་གྒྱོ, བྷཱ་ཏ་བྦོ ཨི་ཙྩཱ་དི.
༥. ཨཱ ཎི.
ཨ་ཀཱ་ར་ནྟ་ཏོ ཎི ཝཱ ཧོ་ཏི ཨ་པ་ཙྩེ, ད་ཀྑི, ད་ཏྠི, དོ་ཎི. ཝཱ་ས་ཝི, ཝཱ་རུ་ཎི ཨི་ཙྩཱ་དི.
༦. རཱ་ཛ་ཏོ ཉྙོ ཛཱ་ཏི་ཡཾ.
རཱ་ཛ་ས་དྡ་ཏོ ཉྙོ ཝཱ ཧོ་ཏི ཨ་པ་ཙྩེ ཛཱ་ཏི་ཡཾ ག་མྱ་མཱ་ནཱ་ཡཾ, རཱ་ཛ་ཉྙོ, ཛཱ་ཏི་ཡ་ནྟི ཀིཾ? རཱ་ཛཱ་པ་ཙྩཾ.
༧. ཁ་ཏྟཱ ཡི་ཡཱ.
ཁ་ཏྟ་ས་དྡཱ ཡ་ཨི་ཡཱ ཧོ་ནྟི ཨ་པ་ཙྩེ ཛཱ་ཏི་ཡཾ, ཁ་ཏྱོ, ཁ་ཏྟི་ཡོ, ཛཱ་ཏི་ཡཾ་ཏྭེ་ཝ? ཁ་ཏྟི.
༨. མ་ནུ་ཏོ སྶ་ས་ཎ.
མ་ནུ་ས་དྡ་ཏོ ཛཱ་ཏི་ཡཾ སྶ་ས་ཎ ཧོ་ནྟི ཨ་པ་ཙྩེ, མ་ནུ་སྶོ, མཱ་ནུ་སོ, ཨི་ཏྠི་ཡཾ མ་ནུ་སྶཱ, མཱ་ནུ་སཱི, ཛཱ་ཏི་ཡཾ་ཏྭེ་ཝ? མཱ་ན་ཝོ.
༩. ཛ་ན་པ་ད་ནཱ་མ་སྨཱ ཁ་ཏྟི་ཡཱ ར་ཉྙེ ཙ ཎོ.
ཛ་ན་པ་ད་སྶ ཡཾ ནཱ་མཾ, ཏ་ནྣཱ་མ་སྨཱ ཁ་ཏྟི་ཡཱ ཨ་པ་ཙྩེ ར་ཉྙེ ཙ ཎོ ཧོ་ཏི, པ་ཉྩཱ་ལོ, ཀོ་ས་ལོ, མཱ་ག་དྷོ, ཨོ་ཀྐཱ་ཀོ, ཛ་ན་པ་ད་ནཱ་མ་སྨཱ་ཏི ཀིཾ? དཱ་ས་ར་ཐི, ཁ་ཏྟི་ཡཱ་ཏི ཀིཾ? པ་ཉྩཱ་ལ་སྶ བྲཱ་ཧྨ་ཎ་སྶ ཨ་པ་ཙྩཾ པ་ཉྩཱ་ལི.
༡༠. ཎྱ ཀུ་རུ་སི་ཝཱི་ཧི.
ཀུ་རུ་སི་ཝཱི་ཧི ཨ་པ་ཙྩེ ར་ཉྙེ ཙ ཎྱོ ཧོ་ཏི. ཀོ་ར་བྱོ, སེ་བྱོ.
༡༡. ཎ རཱ་གཱ ཏེ་ན ར་ཏྟཾ.
རཱ་ག་ཝཱ་ཙི་ཏ་ཏི་ཡ་ནྟ་ཏོ ར་ཏྟ་མི་ཙྪེ་ཏ་སྨིཾ ཨ་ཏྠེ ཎོ ཧོ་ཏི, ཀ་སཱ་ཝེ་ན ར་ཏྟཾ ཀཱ་སཱ་ཝཾ, ཀོ་སུ་མྦྷཾ, ཡཱ་ལི་དྡཾ, རཱ་གཱ་ཏི ཀིཾ? དེ་ཝ་ད་ཏྟེ་ན ར་ཏྟཾ ཝ་ཏྠཾ, ཨི་དྷ ཀ་སྨཱ ན ཧོ་ཏི? ‘ནཱི་ལཾ པཱི་ཏ’ནྟི, གུ་ཎ་ཝ་ཙ་ན་ཏྟཱ ཝི་ནཱ་པི ཎེ་ན ཎ་ཏྠ་སྶཱ་བྷི་དྷཱ་ན་ཏོ.
༡༢. ན་ཀྑ་ཏྟེ་ནི་ནྡུ་ཡུ་ཏྟེ་ན ཀཱ་ལེ.
ཏ་ཏི་ཡ་ནྟ་ཏོ ན་ཀྑ་ཏྟཱ ཏེ་ན ལ་ཀྑི་ཏེ ཀཱ་ལེ ཎོ ཧོ་ཏི, ཏ་ཉྩེ ན་ཀྑ་ཏྟ་མི་ནྡུ་ཡུ་ཏྟཾ ཧོ་ཏི, ཕུ་སྶཱི ར་ཏྟི, ཕུ་སྶཾ ཨ་ཧཾ, ན་ཀྑ་ཏྟེ་ནེ་ཏི ཀིཾ? གུ་རུ་ནཱ ལ་ཀྑི་ཏཱ ར་ཏྟི. ཨི་ནྡུ་ཡུ་ཏྟེ་ནེ་ཏི ཀིཾ? ཀ་ཏྠི་ཀཱ་ཡ ལ་ཀྑི་ཏོ མུ་ཧུ་ཏྟོ, ཀཱ་ལེ་ཏི ཀིཾ? ཕུ་སྶེ་ན ལ་ཀྑི་ཏཱ ཨ་ཏྠ་སི་དྡྷི, ཨ་ཛྫ་ཀ་ཏྟི་ཀཱ་ཏི ཀ་ཏྟི་ཀཱ་ཡུ་ཏྟེ ཙ་ནྡེ ཀ་ཏྟི་ཀཱ་ས་དྡོ ཝ་ཏྟ་ཏེ.
༡༣. སཱ-སྶ དེ་ཝ་ཏཱ པུ་ཎྞ་མཱ་སཱི.
སེ་ཏི པ་ཋ་མ་ནྟཱ ཨ་སྶཱ་ཏི ཚ་ཊྛྱ་ཏྠེ ཎོ བྷ་ཝ་ཏི, ཡཾ པ་ཋ་མ་ནྟཾ, སཱ ཙེ དེ་ཝ་ཏཱ པུ་ཎྞ་མཱ་སཱི་ཝཱ, སུ་ག་ཏོ དེ་ཝ་ཏཱ ཨ་སྶཱ་བྷི སོ་ག་ཏོ, མཱ་ཧི་ནྡོ, ཡཱ་མོ, ཝཱ་རུ་ཎོ, ཕུ་སྶཱི པུ་ཎྞ་མཱ་སཱི ཨ་སྶ ས་མྦ་ནྡྷི་ནཱི་ཏི ཕུ་སྶོ, མཱ་སོ, མཱ་ཡོ, ཕ་གྒུ་ནོ, ཙི་ཏྟོ, ཝེ་སཱ་ཁོ. ཛེ་ཊྛ་མཱུ་ལོ, ཨཱ་ས་ལ༹ྷོ, སཱ་ཝ་ཎོ, པོ་ཊྛ་པཱ་དོ, ཨ་སྶ་ཡུ་ཛོ, ཀ་ཏྟི་ཀོ, མཱ་ག་སི་རོ, པུ་ཎྞ་མཱ་སཱི་ཏི ཀིཾ? ཕུ་སྶཱི པ་ཉྩ་མཱི ཨ་སྶ, པུ་ཎྞ་མཱ་སཱི ཙ བྷ་ཏ་ཀ་མཱ་ས་ས་མྦ་ནྡྷི་ནཱི ན ཧོ་ཏི… པུ་ཎྞོ མཱ ཨ་སྶ་ནྟི ནི་བྦ་ཙ་ནཱ, ཨ་ཏོ ཨེ་ཝ ནི་པཱ་ཏ་ནཱ ཎོ སཱ་ག་མོ ཙ, མཱ་ས་སུ་ཏི་ཡཱ་ཝ ན པ་ཉྩ་ད་ས ར་ཏྟཱ་དོ ཝི་དྷི.
༡༤. ཏ་མ་དྷཱི་ཏེ ཏཾ ཛཱ་ནཱ་ཏི ཀ་ཎི་ཀཱ ཙ.
དུ་ཏི་ཡ་ནྟ་ཏོ ཏ་མ་དྷཱི་ཏེ ཏཾ ཛཱ་ནཱ་ཏཱི་ཏི ཨེ་ཏེ་སྭ་ཏྠེ་སུ ཎོ ཧོ་ཏི ཎོ ཎི་ཀོ ཙ, བྱཱ་ཀ་ར་ཎ་མ་དྷཱི་ཏེ ཛཱ་ནཱ་ཏི ཝཱ ཝེ་ཡྻཱ་ཀ་ར་ཎོ, ཚ་ནྡ་སོ, ཀ་མ་ཀོ, པ་ད་ཀོ, ཝེ་ན་ཡི་ཀོ, སུ་ཏྟ་ནྟི་ཀོ, དྭི་ཏ་གྒ་ཧ་ཎཾ པུ་ཐ་གེ་ཝ ཝི་དྷཱ་ན་ཏྠཾ ཛཱ་ན་ན་སྶ ཙ ཨ་ཛ྄ཛྷེ་ན་ཝི་ས་ཡ་བྷཱ་ཝ་ད་སྶ་ན་ཏྠཾ པ་སི་དྡྷཱུ་པ་ས་ངྒ་ཧ་ཏྠཾ ཙ.
༡༥. ཏ་སྶ ཝི་ས་ཡེ དེ་སེ.
ཚ་ཊྛི་ཡ་ནྟཱ ཝི་ས་ཡེ དེ་ས་རཱུ་པེ ཎོ ཧོ་ཏི, ཝ་སཱ་ཏཱི་ནཾ ཝི་ས་ཡོ དེ་སོ ཝཱ་སཱ་ཏོ, དེ་སེ་ཏི ཀིཾ? ཙ་ཀྑུ་སྶ ཝི་ས་ཡོ རཱུ་པཾ, དེ་ཝ་ད་ཏྟ་སྶ ཝི་ས་ཡོ-ནུ་ཝཱ་ཀོ.
༡༦. ནི་ཝཱ་སེ ཏ་ནྣཱ་མེ.
ཚ་ཊྛི་ཡ་ནྟཱ ནི་ཝཱ་སེ དེ་སེ ཏ་ནྣཱ་མེ ཎོ ཧོ་ཏི, སི་ཝཱི་ནཾ ནི་ཝཱ་སོ དེ་སོ སེ་བྱོ, ཝཱ་སཱ་ཏོ.
༡༧. ཨ་དཱུ་ར་བྷ་ཝེ.
ཚ་ཊྛི་ཡ་ནྟཱ ཨ་དཱུ་ར་བྷ་ཝེ དེ་སེ ཏ་ནྣཱ་མེ ཎོ ཧོ་ཏི, ཝི་དི་སཱ་ཡ ཨ་དཱུ་ར་བྷ་ཝཾ ཝེ་དི་སཾ.
༡༨. ཏེ་ན ནི་བྦ་ཏྟེ.
ཏ་ཏི་ཡ་ནྟཱ ནི་བྦ་ཏྟེ དེ་སེ ཏ་ནྣཱ་མེ ཎོ ཧོ་ཏི, ཀུ་ས་མྦེ་ན ནི་བྦ་ཏྟཱ ཀོ་ས་མྦྷཱི ན་ག་རཱི, ཀཱ་ཀ་ནྡཱི, མཱ་ཀ་ནྡཱི, ས་ཧ་སྶེ་ན ནི་བྦ་ཏྟཱ སཱ་ཧ་སྶཱི པ་རཱི་ཁཱ, ཧོ་ཏུ་མྷི ཀ་ཏྟ་རི ཀ་ར་ཎེ ཙ ཡ་ཐཱ་ཡོ་གཾ ཏ་ཏི་ཡཱ.
༡༩. ཏ་མཱི་དྷ་ཏྠི.
ཏ་ནྟི པ་ཋ་མ་ནྟཱ ཨི་དྷཱ་ཏི ས་ཏྟ་མྱ་ཏྠེ དེ་སེ ཏ་ནྣཱ་མེ ཎོ ཧོ་ཏི, ཡ་ནྟཾ པ་ཋ་མ་ནྟ་མ་ཏྠི ཙེ, ཨུ་དུ་མྦ་རཱ ཨ་སྨིཾ དེ་སེ ས་ནྟཱི་ཏི ཨོ་དུ་མྦ་རོ, བཱ་ད་རོ, བ་བྦ་ཛོ.
༢༠. ཏ་ཏྲ བྷ་ཝེ.
ས་ཏྟ་མྱ་ནྟཱ བྷ་ཝ་ཏྠེ ཎོ ཧོ་ཏི, ཨུ་ད་ཀེ བྷ་ཝོ ཨོ་ད་ཀོ, ཨོ་ར་སོ, ཛཱ་ན་པ་དོ, མཱ་ག་དྷོ, ཀཱ་པི་ལ་ཝ་ཏྠ་ཝོ, ཀོ་ས་མྦོ.
༢༡. ཨ་ཛྫཱ་དཱི་ཧི ཏ་ནོ.
བྷ་ཝ་ཏྠེ ཨ་ཛྫཱ་དཱི་ཧི ཏ་ནོ ཧོ་ཏི, ཨ་ཛྫ བྷ་ཝོ ཨ་ཛྫ་ཏ་ནོ, སྭཱ་ཏ་ནོ, ཧི་ཡྻ་ཏྟ་ནོ.
༢༢. པུ་རཱ་ཏོ ཎོ ཙ.
པུ་རཱ་ཨི་ཙྩ་སྨཱ བྷ་ཝ་ཏྠེ ཎོ ཧོ་ཏི ཏ་ནོ ཙ, པུ་རཱ་ཎོ, པུ་རཱ་ཏ་ནོ.
༢༣. ཨ་མཱ་ཏྭ་ཙྩོ.
ཨ་མཱ་ས་དྡ་ཏོ ཨ་ཙྩོ ཧོ་ཏི བྷ་ཝ་ཏྠེ, ཨ་མ་ཙྩོ.
༢༤. མ་ཛ྄ཛྷཱ་དི་ཏྭི་མོ.
མ་ཛ྄ཛྷཱ་དཱི་ཧི ས་ཏྟ་མྱ་ནྟེ་ཧི བྷ་ཝ་ཏྟེ ཨི་མོ ཧོ་ཏི, མ་ཛ྄ཛྷི་མོ, ཨ་ནྟི་མོ. མ་ཛ྄ཛྷ, ཨ་ནྟ, ཧེ་ཊྛཱ, ཨུ་པ་རི, ཨོ་ར, པཱ་ར, པ་ཙྪཱ, ཨ་བྦྷ་ནྟ་ར, པ་ཙྩ་ནྟ (པུ་ར་ཏྠཱ, བཱ་ཧི་ར).
༢༥. ཀ་ཎ་ཎེ་ཡྻ་ཎེ་ཡྻ་ཀ་ཡི་ཡཱ.
ས་ཏྟ་མྱ་ནྟཱ ཨེ་ཏེ པ་ཙྩ་ཡཱ ཧོ་ནྟི བྷ་ཝ་ཏྠེ, ཀ་ཎ-ཀུ་སི་ནཱ རཱ་ཡཾ བྷ་ཝོ ཀོ་སི་ནཱ་ར་ཀོ, མཱ་ག་དྷ་ཀོ, ཨཱ་ར་ཉྙ་ཀོ ཝི་ཧཱ་རོ. ཎེ་ཡྻ-ག་ངྒེ་ཡྻོ, པ་བྦ་ཏེ་ཡྻོ, ཝཱ་ནེ་ཡྻོ. ཎེ་ཡྻ་ཀ-ཀོ་ལེ་ཡྻ་ཀོ, བཱ་རཱ་ཎ་སེ་ཡྻ་ཀོ, ཙ་མྤེ་ཡྻ་ཀོ, མི་ཐི་ལེ་ཡྻ་ཀོ་ཏི ཨེ་ཡྻ་ཀོ. ཡ-ག་མྨོ, དི་བྦོ. ཨི་ཡ་གཱ་མི་ཡོ, ཨུ་ད་རི-ཡོ, དི་ཝི་ཡོ, པ་ཉྩཱ་ལི་ཡོ, བོ་དྷི་པ་ཀྑི་ཡོ, ལོ་ཀི་ཡོ.
༢༦. ཎི་ཀོ.
ས་ཏྟ་མྱ་ནྟཱ བྷ་ཝ་ཏྠེ ཎི་ཀོ ཧོ་ཏི, སཱ་ར་དི་ཀོ དི་ཝ་སོ, སཱ་ར་དི་ཀཱ ར་ཏྟི.
༢༧. ཏ་མ་སྶ སི་པྤཾ སཱི་ལཾ པ་ཎྱཾ པ་ཧ་ར་ཎཾ པ་ཡོ་ཛ་ནཾ.
པ་ཋ་མ་ནྟཱ སི་པྤཱ་དི་ཝཱ་ཙ་ཀཱ ཨ་སྶེ་ཏི་ཚ་ཊྛི་ཡ་ཏྠེ་ཎི་ཀོ ཧོ་ཏི, ཝཱི་ཎཱ་ཝཱ་ད་ནཾ སི་པྤ་མ་སྶ ཝེ་ཎི་ཀོ, མོ་ད་ངྒི་ཀོ, ཝཾ་སི་ཀོ, པཾ་སུ་ཀཱུ- ལ་དྷཱ་ར་ཎཾ སཱི་ལ་མ་སྶ པཾ་སུ་ཀཱུ་ལི་ཀོ, ཏེ་ཙཱི་ཝ་རི་ཀེ་ཝ, ག་ནྡྷོ་པ་ཎྱ་མ་སྶ ག་ནྡྷི་ཀོ, ཏེ་ལི་ཀོ, གོ་ལི༹་ཀོ, ཙཱ་པོ པ་ཧ་ར་ཎ་མ་སྶ ཙཱ་པི་ཀོ, ཏོ་མ་རི་ཀོ, མུ་གྒ་རི་ཀོ, ཨུ་པ་དྷི་པྤ་ཡོ་ཛ་ན་མ་སྶ ཨོ་པ་དྷི་ཀཾ, སཱ་ཏི་ཀཾ, སཱ་ཧ་སྶི་ཀཾ.
༢༨. ཏཾ ཧ་ནྟ་ར་ཧ་ཏི ག་ཙྪ་ཏུ་ཉྪ་ཏི ཙ་ར་ཏི.
དུ་ཏི་ཡ་ནྟཱ ཧ་ནྟཱི་ཏི ཨེ་ཝ་མཱ་དཱི་སྭ་ཏྠེ་སུ ཎཱི་ཀོ ཧོ་ཏི. པ་ཀྑཱི་ཧི་པ་ཀྑི་ནོ ཧ་ནྟཱི་ཏི པ་ཀྑི་ཀོ, སཱ་ཀུ་ནི་ཀོ, མཱ་ཡཱུ་རི་ཀོ. མ་ཙྪེ་ཧི-མ་ཙྪི་ཀོ, མེ་ནི་ཀོ. མི་གེ་ཧི-མཱ་ག་ཝི་ཀོ ཧཱ་རི་ཎི་ཀོ, ‘སཱུ་ཀ་རི་ཀོ’ཏི ཨི་ཀོ. ས་ཏ་མ་ར་ཧ་ཏཱི་ཏི སཱ་ཏི་ཀཾ, ས་ནྡི་ཊྛི་ཀོ, ཨེ་ཧི་པ་སྶ་ཝི་དྷིཾ ཨ་ར་ཧ་ཏཱི་ཏི ཨེ་ཧི་པ་སྶི་ཀོ, སཱ་ཧ་སྶི་ཀོ, ‘ས་ཧ་སྶི་ཡོ’ཏི ཨི་ཡོ. པ་ར་དཱ་རཾ ག་ཙྪ་ཏཱི་ཏི པཱ་ར་དཱ་རི་ཀོ, མ་གྒི་ཀོ, པ་ཉྙཱ་ས་ཡོ་ཛ་ནི་ཀོ. བ་ད་རེ ཨུ་ཉྪ་ཏཱི་ཏི བཱ་ད་རི་ཀོ, སཱ་མཱ་ཀི་ཀོ. དྷ་མྨཾ ཙ་ར་ཏཱི་ཏི དྷ་མྨི་ཀོ, ཨ་དྷ་མྨི་ཀོ.
༢༩. ཏེ་ན ཀ་ཏཾ ཀཱི་ཏཾ བ་དྡྷ་མ་བྷི་ས་ངྑ་ཏཾ སཾ་ས་ཊྛཾ ཧ་ཏཾ ཧ་ནྟི ཛི་ཏཾ ཛ་ཡ་ཏི དི་བྦ་ཏི ཁ་ཎ་ཏི ཏ་ར་ཏི ཙ་ར་ཏི ཝ་ཧ་ཏི ཛཱི་ཝ་ཏི.
ཏ་ཏི་ཡ་ནྟཱ ཀ་ཏཱ་དི་སྭ་ཏྠེ་སུ ཎི་ཀོ ཧོ་ཏི. ཀཱ་ཡེ་ན ཀ་ཏཾ ཀཱ་ཡི་ཀཾ, ཝཱ་ཙ་སི་ཀཾ, མཱ་ན་སི་ཀཾ, ཝཱ་ཏེ་ན ཀ་ཏོ ཨཱ་བཱ་དྷོ ཝཱ་ཏི་ཀོ. ས་ཏེ་ན ཀཱི་ཏཾ སཱ་ཏི་ཀཾ, སཱ་ཧ་སྶི་ཀཾ, མཱུ་ལ་ཏོ་ཝ, དེ་ཝ་ད་ཏེ་ན ཀཱི་ཏ་ནྟི ན ཧོ་ཏི ཏ་ད་ཏྠཱ་པྤ་ཏཱི་ཏི་ཡཱ. ཝ་ར་ཏྟཱ་ཡ བ་དྡྷོ ཝཱ་ར་ཏྟི་ཀོ, ཨཱ་ཡ་སི་ཀོ, པཱ་སི་ཀོ. གྷ་ཏེ་ན ཨ་བྷི་ས་ངྑ་ཏཾ སཾ་ས་ཊྛཾ ཝཱ གྷཱ་ཏི་ཀཾ, གོ་ལི༹་ཀཾ, དཱ་དྷི་ཀཾ, མཱ་རི་ཙི་ཀཾ. ཛཱ་ལེ་ན ཧ་ཏོ ཧ་ནྟཱི་ཏི ཝཱ ཛཱ་ལི་ཀོ, བཱ་ལཱི་སི་ཀོ. ཨ་ཀྑེ་ཧི ཛི་ཏ་མ་ཀྑི་ཀཾ, སཱ་ལཱ་ཀི་ཀཾ. ཨ་ཀྑེ་ཧི ཛ་ཡ་ཏི དི་བྦ་ཏཱི་ཏི ཝཱ ཨ་ཀྑི་ཀོ. ཁ་ཎི་ཏྟི་ཡཱ ཁ་ཎ་ཏཱི་ཏི ཁཱ་ཎི་ཏྟི་ཀོ, ཀུ་དྡཱ་ལི་ཀོ, དེ་ཝ་ད་ཏྟེ་ན ཛི་ཏཾ, ཨ་ངྒུ་ལྱཱ ཁ་ཎ་ཏཱི་ཏི ན ཧོ་ཏི ཏ་ད་ཏྠཱ་ན་ཝ་ག་མཱ. ཨུ་ལུ༹་མྤེ་ན ཏ་ར་ཏཱི་ཏི ཨོ་ལུ༹་མྤི་ཀོ, ‘ཨུ་ལུ༹་མྤི་ཀོ’ཏི ཨི་ཀོ གོ་པུ་ཙྪི་ཀོ, ནཱ་ཝི་ཀོ. ས་ཀ་ཊེ་ན ཙ་ར་ཏཱི་ཏི སཱ་ཀ་ཊི་ཀོ, ‘ར་ཐི་ཀོ, པ་ར་པྤི་ཀོ’ཏི ཨི་ཀོ. ཁ་ནྡྷེ་ན ཝ་ཧ་ཏཱི་ཏི ཁ་ནྡྷི་ཀོ, ཨཾ་སི་ཀོ, ‘སཱི་སི་ཀོ’ཏི ཨི་ཀོ. ཝེ་ཏ་ནེ་ན ཛཱི་ཝ་ཏཱི་ཏི ཝེ་ཏ་ནི་ཀོ, ‘བྷ་ཏི་ཀོ, ཀ་ཡི་ཀོ, ཝི་ཀྐ་ཡི་ཀོ, ཀ་ཡ་ཝི་ཀྐ་ཡི་ཀོ’ཏི ཨི་ཀོ.
༣༠. ཏ་སྶ སཾ་ཝ་ཏྟ་ཏི.
ཙ་ཏུ་ཏྠི་ཡ་ནྟཱ སཾ་ཝ་ཏྟ་ཏཱི་ཏི ཨ་སྨིཾ ཨ་ཏྠེ ཎི་ཀོ ཧོ་ཏི, པུ་ན་བྦྷ་ཝཱ་ཡ སཾ་ཝ་ཏྟ་ཏཱི་ཏི པོ་ནོ་བྷ་ཝི་ཀོ, ཨི་ཏྠི་ཡཾ པོ་ནོ བྷ་ཝི་ཀཱ, ལོ་ཀཱ་ཡ སཾ་ཝ་ཏྟ་ཏཱི་ཏི ལོ་ཀི་ཀོ སུ་ཊྛུ ཨ་གྒོ་ཏི ས་གྒོ, ས་གྒཱ་ཡ སཾ་ཝ་ཏྟ་ཏཱི་ཏི སོ་ཝ་གྒི་ཀོ, ས་སྶོ་ཝ་ཀ ཏ་ད་མི་ནཱ་དི་པཱ་ཋཱ, དྷ་ནཱ་ཡ སཾ་ཝ་ཏྟ་ཏཱི་ཏི དྷ་ཉྙཾ, ཡོ.
༣༡. ཏ་ཏོ ས་མྦྷཱུ་ཏ་མཱ་ག་ཏཾ.
པ་ཉྩ་མྱ་ནྟཱ ས་མྦྷཱུ་ཏ་མཱ་ག་ཏ་ནྟི ཨེ་ཏེ་སྭ་ཏྠེ་སུ ཎི་ཀོ ཧོ་ཏི, མཱ་ཏི་ཀོ ས་མྦྷཱུ་ཏ་མཱ་ག་ཏཾ ཝཱ མ་ཏྟི་ཀཾ, པེ་ཏྟི་ཀཾ, ཎྱ་རི་ཡ་ཎ -ཡཱ་པི དི་སྶ་ནྟི, སུ་ར་བྷི་ཏོ ས་མྦྷཱུ་ཏཾ སོ་ར་བྷྱཾ, ཐ་ན་ཏོ ས་མྦྷཱུ་ཏཾ ཐ་ཉྙཾ, པི་ཏི་ཏོ ས་མྦྷཱུ་ཏོ པེ་ཏྟི་ཡོ, མཱ་ཏི་ཡོ, མ་ཏྟི་ཡོ, མ་ཙྩོ ཝཱ.
༣༢. ཏ་ཏྠ ཝ་ས་ཏི ཝི་དི་ཏོ བྷ་ཏྟོ ནི་ཡུ་ཏྟོ.
ས་ཏྟ་མྱ་ནྟཱ ཏ་ཏྠ ཝ་ས་ཏཱི་ཏྭེ་ཝ་མཱ་དཱི་སྭ་ཏྠེ་སུ ཎི་ཀོ ཧོ་ཏི. རུ་ཀྑ་མཱུ་ལེ ཝ་ས་ཏཱི་ཏི རུ་ཀྑ་མཱུ་ལི་ཀོ, ཨཱ་ར་ཉྙི་ཀོ, སོ་སཱ་ནི་ཀོ. ལོ་ཀེ ཝི་དི་ཏོ ལོ་ཀི་ཀོ. ཙ་ཏུ་མ་ཧཱ་རཱ་ཛེ་སུ བྷ་ཏྟཱ ཙཱ་ཏུ་མྨ་ཧཱ་རཱ་ཛི་ཀཱ. དྭཱ་རེ ནི་ཡུ་ཏྟོ དོ་ཝཱ་རི་ཀོ ད་སྶོ་ཀ ཏ་ད་མི་ནཱ་དི་པཱ་ཋཱ, བྷ་ཎྜཱ་གཱ་རི་ཀོ, ཨི་ཀོ-ན་ཝ་ཀ་མྨི་ཀོ, ཀི་ཡོ་ཛཱ་ཏི་ཀི་ཡོ, ཨ་ནྡྷ་ཀི་ཡོ.
༣༣. ཏ་སྶི་དཾ.
ཚ་ཊྛི་ཡ་ནྟཱ ཨི་ད་མི་ཙྩ་སྨིཾ ཨ་ཏྠེ ཎི་ཀོ ཧོ་ཏི, ས་ངྒྷ་སྶ ཨི་དཾ ས་ངྒྷི་ཀཾ, པུ་གྒ་ལི་ཀཾ, ས་ཀྱ་པུ་ཏྟི་ཀོ, ནཱ་ཏི་པུ་ཏྟི་ཀོ, ཛེ་ན་ད་ཏྟི་ཀོ, ཀི་ཡེ-ས་ཀི་ཡོ, པ་ར་ཀི་ཡོ, ནི་ཡེ-ཨ་ཏྟ་ནི་ཡཾ, ཀེ- ས་ཀོ རཱ་ཛ་ཀཾ བྷ་ཎྜཾ.
༣༤. ཎོ.
ཚ་ཊྛི་ཡ་ནྟཱ ཨི་ད་མི་ཙྩ་སྨིཾ ཨ་ཏྠེ ཎོ ཧོ་ཏི, ཀ་ཙྩཱ་ཡ་ན་སྶ ཨི་དཾ ཀ་ཙྩཱ་ཡ་ནཾ བྱཱ་ཀ་ར་ཎཾ, སོ་ག་ཏཾ སཱ་ས་ནཾ, མཱ་ཧི་སཾ མཾ་སཱ་དི.
༣༥. ག་ཝཱ་དཱི་ཧི ཡོ.
ག་ཝཱ་དཱི་ཧི ཚ་ཊྛི་ཡ་ནྟེ་ཧི ཨི་ད་མི་ཙྩ་སྨིཾ ཨ་ཏྠེ ཡོ ཧོ་ཏི, གུ་ནྣཾ ཨི་དཾ ག་བྱཾ མཾ་སཱ་དི, ཀ་བྱཾ, ད་བྦཾ.
༣༦. པི་ཏི་ཏོ བྷཱ་ཏ་རི རེ་ཡྻ་ཎ.
པི་ཏུ་ས་དྡཱ ཏ་སྶ བྷཱ་ཏ་རི རེ་ཡྻ་ཎ ཧོ་ཏི, པི་ཏུ བྷཱ་ཏཱ པེ་ཏྟེ་ཡྻོ.
༣༧. མཱ་ཏི་ཏོ ཙ བྷ་གི་ནི་ཡཾ ཚོ.
མཱ་ཏི་ཏོ པི་ཏི་ཏོ ཙ ཏེ་སཾ བྷ་གི་ནི་ཡཾ ཚོ ཧོ་ཏི, མཱ་ཏུ བྷ་གི་ནཱི མཱ་ཏུ་ཙྪཱ, པི་ཏུ བྷ་གི་ནཱི པི་ཏུ་ཙྪཱ, ཀ་ཐཾ ‘མཱ་ཏུ་ལོ’ཏི ‘‘མཱ་ཏུ་ལཱ་དི་ཏྭཱ་ནཱི’’ཏི ནི་པཱ་ཏ་ནཱ.
༣༨. མཱ་ཏཱ་པི་ཏཱུ་སྭཱ་མ་ཧོ.
མཱ་ཏཱ་པི་ཏཱུ་ཧི ཏེ་སཾ མཱ་ཏཱ་པི་ཏཱུ་སུ ཨཱ་མ་ཧོ ཧོ་ཏི, མཱ་ཏུ མཱ་ཏཱ མཱ་ཏཱ་མ་ཧཱི, མཱ་ཏུ པི་ཏཱ མཱ་ཏཱ་མ་ཧོ, པི་ཏུ མཱ་ཏཱ པི་ཏཱ་མ་ཧཱི, པི་ཏུ པི་ཏཱ པི་ཏཱ་མ་ཧོ, ན ཡ་ཐཱ་ས་ངྑྱཾ, པ་ཙྩེ་ཀཱ་བྷི ས་མྦ་ནྡྷཱ.
༣༩. ཧི་ཏེ རེ་ཡྻ་ཎ.
མཱ་ཏཱ་པི་ཏཱུ་ཧི ཧི་ཏེ རེ་ཡྻ་ཎ ཧོ་ཏི, མ་ཏྟེ་ཡྻོ, པེ་ཏྟེ་ཡྻོ.
༤༠. ནི་ནྡཱ་ཉྙཱ་ཏ་པྤ་པ་ཊི་བྷཱ་ག་ར་སྶ་ད་ཡཱ་ས་ཉྙཱ་སུ ཀོ.
ནི་ནྡཱ་དཱི་སྭ་ཏྠེ་ཡུ ནཱ་མ་སྨཱ ཀོ ཧོ་ཏི, ནི་ནྡཱ་ཡཾ-མུ་ཎྜ་ཀོ, ས་མ་ཎ་ཀོ. ཨ་ཉྙཱ་ཏེ-ཀ་སྶཱ་ཡཾ ཨ་སྶོ་ཏི ཨ་སྶ་ཀོ, པ་ཡོ་ག་སཱ་མ་ཏྠི་ཡཱ ས་མྦ་ནྡྷི་ཝི་སེ་སཱ་ན་ཝ་ག་མོ་ཝ་ག་མྱ་ཏེ. ཨ་པྤ་ཏྠེ་ཏེ་ལ་ཀཾ, གྷ་ཏ་ཀཾ. པ་ཊི་བྷཱ་ག་ཏྠེ-ཧ་ཏྠཱི ཝི་ཡ ཧ་ཏྠི་ཀོ, ཨ་སྶ་ཀོ, བ་ལཱི་བ་དྡ་ཀོ. ར་སྶེ-མཱ་ནུ་ས་ཀོ, རུ་ཀྑ་ཀོ, པི་ལ་ཀྑ་ཀོ. ད་ཡཱ་ཡཾ-པུ་ཏྟ་ཀོ, ཝ་ཙྪ་ཀོ. ས་ཉྙཱ་ཡཾ-མོ་རོ ཝི་ཡ མོ་ར་ཀོ.
༤༡. ཏ་མ་སྶ་པ་རི་མཱ་ཎཾ ཎི་ཀོ ཙ.
པ་ཋ་མ་ནྟཱ ཨ་སྶེ་ཏི ཨ་སྨིཾ ཨ་ཏྠེ ཎི་ཀོ ཧོ་ཏི ཀོ ཙ ཏ་ཉྩེ པ་ཋ་མ་ནྟཾ པ་རི་མཱ་ཎཾ བྷ་ཝ་ཏི, པ་རི་མཱི་ཡ་ཏེ ནེ་ནེ་ཏི པ་རི་མཱ་ཎཾ, དོ་ཎོ པ་རི་མཱ་ཎ་མ་སྶ དོ་ཎི་ཀོ ཝཱི་ཧི, ཁཱ་ར་ས་ཏི་ཀོ, ཁཱ་ར་ས་ཧ་སྶི་ཀོ ཨཱ་སཱི་ཏི་ཀོ ཝ་ཡོ, ཨུ་པ་ཌྜྷ་ཀཱ་ཡི་ཀཾ བི་མྦོ་ཧ་ནཾ, པ་ཉྩ་ཀཾ, ཚ་ཀྐཾ.
༤༢. ཡ་ཏེ་ཏེ་ཧི ཏྟ་ཀོ.
ཡཱ་དཱི་ཧི པ་ཋ་མ་ནྟེ་ཧཱི ཨ་སྶེ་ཏི ཚ་ཊྛི་ཡ་ཏྠེ ཏྟ་ཀོ ཧོ་ཏི, ཏ་ཉྩེ པ་ཋ་མ་ནྟཾ པ་རི་མཱ་ཎཾ བྷ་ཝ་ཏི, ཡཾ པ་རི་མཱ་ཎ་མ་སྶ ཡ་ཏྟ་ཀཾ, ཏ་ཏྟ་ཀཾ, ཨེ་ཏྟ་ཀཾ, ཨཱ་ཝ་ཏ་ཀེ ཡཱ་ཝ་ཏ་ཀོ, ཏཱ་ཝ་ཏ་ཀོ (ཨེ་ཏཱ་ཝ་ཏ་ཀོ).
༤༣. ས་བྦཱ ཙཱ་ཝ་ནྟུ.
ས་བྦ་ཏོ པ་ཋ་མ་ནྟེ་ཧི ཡཱ་དཱི་ཧི ཙ ཨ་སྶེ་ཏི ཚ་ཊྛི་ཡ་ཏྠེ ཨཱ་ཝ་ནྟུ ཧོ་ཏི, ཏ་ཉྩེ པ་ཋ་མ་ནྟཾ པ་རི་མཱ་ཎཾ བྷ་ཝ་ཏི. ས་བྦཾ པ་རི་མཱ་ཎ་མ་སྶ ས་བྦཱ་ཝ་ནྟཾ, ཡཱ་ཝ་ནྟཾ, ཏཱ་ཝ་ནྟཾ, ཨེ་ཏཱ་ཝ་ནྟཾ.
༤༤. ཀི་མྷཱ ར་ཏི་རཱི་ཝ་རཱི་ཝ་ཏ་ཀ་རི་ཏྟ་ཀཱ.
ཀི་མྷཱ པ་ཋ་མ་ནྟཱ ཨ་སྶེ་ཏི ཚ་ཊྛི་ཡ་ཏྠེ ར་ཏི་རཱི་ཝ་རཱི་ཝ་ཏ་ཀ་རི་ཏྟ་ཀཱ ཧོ་ནྟི, ཏ་ཉྩེ པ་ཋ་མ་ནྟཾ པ་རི་མཱ་ཎཾ བྷ་ཝ་ཏི, ཀིཾ ས་ངྑྱཱ་ནཾ པ་རི་མཱ་ཎ་མེ་སཾ ཀ་ཏི ཨེ་ཏེ, ཀཱི་ཝ, ཀཱི་ཝ་ཏ་ཀཾ, ཀི་ཏྟ་ཀཾ. རཱི་ཝ་ནྟོ ས་བྷཱ་ཝ་ཏོ ཨ་ས་ངྑྱོ.
༤༥. ས་ཉྫཱ་ཏཾ ཏཱ་ར་ཀཱ་དི་ཏྭི་ཏོ.
ཏཱ་ར་ཀཱ་དཱི་ཧི པ་ཋ་མ་ནྟེ་ཧི ཨ་སྶེ་ཏི ཚ་ཊྛི་ཡ་ཏྠེ ཨི་ཏོ ཧོ་ཏི, ཏེ ཙེ ས་ཉྫཱ་ཏཱ ཧོ་ནྟི, ཏཱ་ར་ཀཱ ས་ཉྫཱ་ཏཱ ཨ་སྶ ཏཱ་ར་ཀི་ཏཾ ག་ག་ནཾ, པུ་པྥི་ཏོ རུ་ཀྑོ, པ་ལླ་ཝི་ཏཱ ལ་ཏཱ.
༤༦. མཱ་ནེ མ་ཏྟོ.
པ་ཋ་མ་ནྟཱ མཱ་ན་ཝུ་ཏྟི་ཏོ ཨ་སྶེ་ཏི ཨ་སྨིཾ་ཨ་ཏྠེ མ་ཏྟོ ཧོ་ཏི, པ་ལཾ ཨུ་མྨཱ་ན་མ་སྶ པ་ལ་མ་ཏྟཾ, ཧ་ཏྠོ པ་མཱ་ཎ་མ་སྶ ཧ་ཏྠ་མ་ཏྟཾ ས་ཏཾ མཱ་ན་མ་སྶ ས་ཏ་མ་ཏྟཾ, དོ་ཎོ པ་རི་མཱ་ཎ་མ་སྶ དོ་ཎ་མ་ཏྟཾ, ཨ་བྷེ་དོ་པ་ཙཱ་རཱ དོ་ཎོ་ཏི་པི ཧོ་ཏི.
༤༧. ཏ་གྒྷོ ཙུ་དྡྷཾ.
ཨུ་དྡྷ་མཱ་ན་ཝུ་ཏྟི་ཧོ ཨ་སྶེ་ཏི ཚ་ཊྛི་ཡ་ཏྠེ ཏ་གྒྷོ ཧོ་ཏི མ་ཏྟོ ཙ, ཛ་ཎྞུ་ཏ་གྒྷཾ, ཛ་ཎྞུ་མ་ཏྟཾ.
༤༨. ཎོ ཙ པུ་རི་སཱ.
པུ་རི་སཱ པ་ཋ་མ་ནྟཱ ཨུ་དྡྷ་མཱ་ན་ཝུ་ཏྟི་ཏོ ཎོ ཧོ་ཏི མ་ཏྟཱ་ད་ཡོ ཙ, པོ་རི་སཾ, པུ་རི་ས་མ་ཏྟཾ, པུ་རི་ས་ཏ་གྒྷཾ.
༤༩. ཨ་ཡཱུ་བྷ་དྭི་ཏཱི་ཧཾ་སེ.
ཨུ་བྷ་དྭི་ཏཱི་ཧི ཨ་ཝ་ཡ་ཝ་ཝུ་ཏྟཱི་ཏི པ་ཋ་མ་ནྟེ་ཧི ཨ་སྶེ་ཏི ཚ་ཊྛི་ཡ་ཏྠེ ཨ་ཡོ ཧོ་ཏི. ཨུ་བྷོ ཨཾ་སཱ ཨ་སྶ ཨུ་བྷ་ཡཾ, དྭ་ཡཾ, ཏ་ཡཾ.
༥༠. ས་ངྑྱཱ་ཡ ས་ཙྩུ་ཏཱི་སཱ་ས་ད་ས་ནྟཱ་ཡཱ་དྷི་ཀཱ་སྨིཾ ས་ཝ་ས་ཧ་སྶེ ཌོ.
ས་ཏྱ་ནྟཱ་ཡ ཨུ་ཏྱ་ནྟཱ་ཡ ཨཱི་ས་ནྟཱ་ཡ ཨཱ་ས་ནྟཱ་ཡ ད་ས་ནྟཱ་ཡ ཙ ས་ངྑྱཱ་ཡ པ་ཋ་མ་ནྟཱ་ཡ ཨ་སྨི་ནྟི ས་ཏྟ་མྱ་ཏྠེ ཌོ ཧོ་ཏི, སཱ ཙེ ས་ངྑྱཱ ཨ་དྷི་ཀཱ ཧོ་ཏི, ཡ་ད་སྨི་ནྟི ཏ་ཉྩེ ས་ཏཾ ས་ཧ་སྶཾ ས་ཏ་ས་ཧ་སྶཾ ཝཱ ཧོ་ཏི, ཝཱི་ས་ཏི ཨ་དྷི་ཀཱ ཨ་སྨིཾ ས་ཏེ་ཏི ཝཱི་སཾ ས་ཏཾ, ཨེ་ཀ་ཝཱི་སཾ ས་ཏཾ, ས་ཧ་སྶཾ, ས་ཏ་ས་ཧ་སྶཾ ཝཱ, ཏིཾ་སཾ ས་ཏཾ, ཨེ་ཀ་ཏིཾ་སཾ ས་ཏཾ. ཨུ་ཏྱ་ནྟཱ་ཡ-ན་ཝུ་ཏཾ ས་ཏཾ ས་ཧ་སྶཾ ས་ཏ་ས་ཧ་སྶཾ ཝཱ. ཨཱི་ས་ནྟཱ་ཡ ཙ་ཏྟཱ་ལཱི་སཾ ས་ཏཾ, ས་ཧ་སྶཾ, ས་ཏ་ས་ཧ་སྶཾ ཝཱ. ཨཱ་ས་ནྟཱ་ཡ པ་ཉྙཱ་སཾ ས་ཏཾ, ས་ཧ་སྶཾ, ས་ཏ་ས་ཧ་སྶཾ ཝཱ. ད་ས་ནྟཱ་ཡ་ཨེ་ཀཱ་ད་སཾ ས་ཏཾ, ས་ཧ་སྶཾ, ས་ཏ་ས་ཧ་སྶཾ ཝཱ. ས་ཙྩུ་ཏཱི་སཱ་ས་ད་ས་ནྟཱ་ཡཱ་ཏི ཀིཾ? ཚཱ་དྷི་ཀཱ ཨ་སྨིཾ་ས་ཏེ. ཨ་དྷི་ཀེ་ཏི ཀིཾ? པ་ཉྩ་ད་ས་ཧཱི་ནཱ ཨ་སྨིཾ་ས་ཏེ, ཨ་སྨི་ནྟི ཀིཾ? ཝཱི་ས་ཏྱ་དྷི་ཀཱ ཨེ་ཏ་སྨཱ ས་ཏཱ, ས་ཏ་ས་ཧ་སྶེ་ཏི ཀིཾ? ཨེ་ཀཱ་ད་ས ཨ་དྷི་ཀཱ ཨ་སྶཾ ཝཱི་ས་ཏི་ཡཾ.
༥༡. ཏ་སྶ པཱུ་ར་ཎེ་ཀཱ་ད་སཱ་དི་ཏོ ཝཱ.
ཚ་ཊྛི་ཡ་ནྠཱ་ཡེ་ཀཱ་ད་སཱ་དི་ཀཱ་ཡ ས་ངྑྱཱ་ཡ ཌོ ཧོ་ཏི (ཏ་སྶ) པཱུ་ར་ཎ་ཏྠེ ཝི་བྷཱ་སཱ, སཱ ས་ངྑྱཱ པཱུ་རཱི་ཡ་ཏེ ཡེ་ན ཏཾ པཱུ་ར་ཎཾ, ཨེ་ཀཱ་ད་ས་ནྣཾ པཱུ་ར་ཎོ ཨེ་ཀཱ་ད་སོ. ཨེ་ཀཱ་ད་ས་མོ, ཝཱི་སོ, ཝཱི་ས་ཏི་མོ, ཏིཾ་སོ, ཏིཾ་ས་ཏི་མོ, ཙ་ཏྟཱ་ལཱི་སོ, པ་ཉྙཱ་སོ.
༥༢. མ པ་ཉྩཱ་དི་ཀ་ཏི་ཧི.
ཚ་ཊྛི་ཡ་ནྟཱ་ཡ པ་ཉྩཱ་དི་ཀཱ་ཡ ས་ངྑྱཱ་ཡ ཀ་ཏི་སྨཱ ཙ མོ ཧོ་ཏི (ཏ་སྶ) པཱུ་ར་ཎ་ཏྠེ, པ་ཉྩ་མོ, ས་ཏྟ་མོ, ཨ་ཊྛ་མོ, ཀ་ཏི་མོ, ཀ་ཏི་མཱི.
༥༣. ས་ཏཱ་དཱི་ན་མི་ཙ. ས་ཏཱ་དི་ཀཱ་ཡ ས་ངྑྱཱ་ཡ ཚ་ཊྛི་ཡ་ནྟཱ་ཡ (ཏ་སྶ) པཱུ་ར་ཎ་ཏྠེ མོ་ཧོ་ཏི ས་ཏཱ་དཱི་ན་མི་ཙཱ་ནྟཱ་དེ་སོ, ས་ཏི་མོ, ས་ཧ་སྶི་མོ.
༥༤. ཚཱ ཊྛ་ཊྛ་མཱ.
ཚ་ས་དྡཱ ཊྛ་ཊྛ་མཱ ཧོ་ནྟི ཏ་སྶ པཱུ་ར་ཎ་ཏྠེ, ཚ་ཊྛོ, ཚ་ཊྛ་མོ, ཨི་ཏྠི་ཡཾ ཚ་ཊྛཱི, ཚ་ཊྛ་མཱི, ཀ་ཐཾ ‘དུ་ཏི་ཡཾ ཙ་ཏུ་ཏྠ’ནྟི? ‘‘དུ་ཏི་ཡ་སྶ, ཙ་ཏུ་ཏྠ ཏ་ཏི་ཡཱ་ན’’ནྟི ནི་པཱ་ཏ་ནཱ.
༥༥. ཨེ་ཀཱ ཀཱ་ཀྱ་ས་ཧཱ་ཡེ.
ཨེ་ཀ་སྨཱ ཨ་ས་ཧཱ་ཡ་ཏྠེ ཀ་ཨཱ་ཀཱི ཧོ་ནྟི ཝཱ, ཨེ་ཀ་ཀོ, ཨེ་ཀཱ་ཀཱི, ཨེ་ཀོ.
༥༦. ཝ་ཙྪཱ་དཱི་ཧི ཏ་ནུ་ཏྟེ ཏ་རོ.
ཝ་ཙྪཱ་དཱི་ནཾ ས་བྷཱ་ཝ་སྶ ཏ་ནུ་ཏྟེ ག་མྱ་མཱ་ནེ ཏ་རོ ཧོ་ཏི, སུ་སུ་ཏྟ་སྶ ཏ་ནུ་ཏྟེ ཝ་ཙྪ་ཏ་རོ, ཨི་ཏྠི་ཡཾ ཝ་ཙྪ་ཏ་རཱི, ཡོ་བྦ་ན་སྶ ཏ་ནུ་ཏྟེ ཨོ་ཀྑ་ཏ་རོ, ཨ་སྶ་བྷཱ་ཝ་སྶ ཏ་ནུ་ཏྟེ ཨ་སྶ་ཏ་རོ, སཱ་མ་ཏྠི་ཡ་སྶ ཏ་ནུ་ཏྟེ ཨུ་ས་བྷ་ཏ་རོ.
༥༧. ཀི་མྷཱ ནི་དྡྷཱ་ར་ཎེ ར་ཏ་ར ར་ཏ་མཱ. ཀིཾ་ས་དྡཱ ནི་དྡྷཱ་ར་ཎེ ར་ཏ་ར ར་ཏ་མཱ ཧོ་ནྟི, ཀ་ཏ་རོ བྷ་ཝ་ཏཾ དེ་ཝ་ད་ཏྟོ, ཀ་ཏ་རོ བྷ་ཝ་ཏཾ ཀ་ཋོ, ཀ་ཏ་མོ བྷ་ཝ་ཏཾ དེ་ཝ་ད་ཏྟོ, ཀ་ཏ་མོ བྷ་ཝ་ཏཾ ཀ་ཋོ, བྷཱ་ར་དྭཱ་ཛཱ་ནཾ ཀ་ཏ་མོ་སི བྲ་ཧྨེ.
༥༨. ཏེ་ན ད་ཏྟེ ལི་ཡཱ.
ཏ་ཏི་ཡ་ནྟཱ ད་ཏྟེ-བྷི་དྷེ་ཡྻེ ལ་ཨི་ཡཱ ཧོ་ནྟི, དེ་ཝེ་ན ད་ཏྟོ དེ་ཝ་ལོ, དེ་ཝི་ཡོ, བྲ་ཧྨ་ལོ, བྲ་ཧྨི་ཡོ, སི་ཝཱ སཱི་ཝ་ལོ, སཱི་ཝི་ཡོ, སི་སྶ དཱི་གྷོ.
༥༩. ཏ་སྶ བྷཱ་ཝ་ཀ་མྨེ་སུ ཏྟ་ཏཱ་ཏྟ་ན་ཎྱ་ཎེ་ཡྻ་ཎི་ཡ་ཎི་ཡཱ.
ཚ་ཊྛི་ཡ་ནྟཱ བྷཱ་ཝེ ཀ་མྨེ ཙ ཏྟཱ་ད་ཡོ ཧོ་ནྟི བ་ཧུ་ལཾ, ན ཙ ས་བྦེ ས་བྦ་ཏོ ཧོ་ནྟི ཨ་ཉྙ་ཏྲ ཏྟ་ཏཱ་ཧི, བྷ་ཝ་ནྟི ཨེ་ཏ་སྨཱ བུ་དྡྷི་ས་དྡཱ་བྷི བྷཱ་ཝོ ས་དྡ་སྶ པ་ཝ་ཏྟི་ནི་མི་ཏྟཾ, ནཱི་ལ་སྶ པ་ཊ་སྶ བྷཱ་ཝོ ནཱི་ལ་ཏྟཾ ནཱི་ལ་ཏཱ་བྷི གུ་ཎོ བྷཱ་ཝོ, ནཱི་ལ་སྶ གུ་ཎ་སྶ བྷཱ་ཝོ ནཱི་ལ་ཏྟཾ ནཱི་ལ་ཏཱ་བྷི ནཱི་ལ་གུ་ཎ་ཛཱ་ཏི, གོ་ཏྟཾ གོ་ཏཱ་ཏི གོ་ཛཱ་ཏི, པཱ་ཙ་ཀ་ཏྟཾ, ད་ཎྜི་ཏྟཾ, ཝི་སཱ་ཎི་ཏྟཾ, རཱ་ཛ་པུ་རི་ས་ཏྟ་ནྟི ཀྲི་ཡཱ་དི་ས་མྦ་ནྡྷི་ཏྟཾ, དེ་ཝ་ད་ཏྟ་ཏྟཾ, ཙ་ནྡ་ཏྟཾ, སཱུ་རི་ཡ་ཏྟ་ནྟི ཏ་ད་ཝ་ཏྠཱ་ཝི་སེ་ས་སཱ་མ་ཉྙཾ, ཨཱ་ཀཱ་ས་ཏྟཾ, ཨ་བྷཱ་ཝ་ཏྟ་ནྟི ཨུ་པ་ཙ་རི་ཏ་བྷེ་ད་སཱ་མ་ཉྙཾ. ཏྟ་ན-པུ་ཐུ་ཛྫ་ན་ཏྟ་ནཾ, ཝེ་ད་ན་ཏྟ་ནཾ, ཛཱ་ཡ་ཏྟ་ནཾ, ཛཱ་ར་ཏྟ་ནཾ. ཎྱ-ཨཱ་ལ་སྱཾ, བྲ་ཧྨ་ཉྙཾ, ཙཱ་པ་ལྱཾ, ནེ་པུ་ཉྙཾ, པེ་སུ་ཉྙཾ, ར་ཛྫཾ, ཨཱ་དྷི་པ་ཙྩཾ, དཱ་ཡ་ཛྫཾ, ཝེ་ས་མྨཾ ‘ཝེ་ས་མ’ནྟི, ཀེ་ཙི, ས་ཁྱཾ, ཝཱ་ཎི་ཛྫཾ. ཎེ་ཡྻ-སོ་ཙེ་ཡྻཾ, ཨཱ་དྷི་པ་ཏེ་ཡྻཾ. ཎ་གཱ་ར་ཝཾ, པཱ་ཊ་ཝཾ, ཨ་ཛྫ་ཝཾ, མ་དྡ་ཝཾ. ཨི་ཡ-ཨ་དྷི་པ་ཏི་ཡཾ, པ་ཎྜི་ཏི་ཡཾ, བ་ཧུ་སྶུ་ཏི་ཡཾ, ན་གྒི་ཡཾ, སཱུ་རི་ཡཾ. ཎི་ཡ-ཨཱ་ལ་སི་ཡཾ, ཀཱ་ལུ༹་སི་ཡཾ, མ་ནྡི་ཡཾ་ད་ཀྑི་ཡཾ, པོ་རོ་ཧི་ཏི་ཡཾ, ཝེ་ཡྻ་ཏྟི་ཡཾ. ཀ་ཐཾ ‘རཱ་མ་ཎཱི་ཡ་ཀ’ནྟི? ས་ཀ་ཏྠེ ཀ་ནྟཱ ཎེ་ན སི་དྡྷཾ. ཀ་མྨཾ ཀི་རི་ཡཱ, ཏ་ཏྠ ཨ་ལ་ས་སྶ ཀ་མྨཾ ཨ་ལ་ས་ཏྟཾ’ ཨ་ལ་ས་ཏཱ, ཨ་ལ་ས་ཏྟ་ནཾ, ཨཱ་ལ་སྱཾ, ཨཱ་ལ་སི་ཡཾ ཝཱ, ‘‘ས་ཀ་ཏྠེ’ (༤.༡༢༢) ཏི ས་ཀ་ཏྠེ་པི, ཡ་ཐཱ་བྷུ་ཙྩཾ, ཀཱ་རུ་ཉྙཾ, པ་ཏྟ་ཀ་ལླཾ, ཨཱ་ཀཱ་སཱ་ན་ཉྩཾ, ཀཱ་ཡ་པཱ་གུ་ཉྙ་ཏཱ.
༦༠. བྱ ཝ་དྡྷ་དཱ་སཱ ཝཱ.
ཚ་ཊྛི་ཡ་ནྟཱ ཝ་དྡྷཱ དཱ་སཱ ཙ བྱོ ཝཱ ཧོ་ཏི བྷཱ་ཝ་ཀ་མྨེ་སུ, ཝ་དྡྷ་བྱཾ ཝ་དྡྷ་ཏཱ, དཱ་ས་བྱཾ དཱ་ས་ཏཱ, ཀ་ཐཾ ‘ཝ་དྡྷ་ཝ’ནྟི? ཎེ ཝཱ་ག་མོ.
༦༡. ན་ཎ ཡུ་ཝཱ བོ ཙ ཝ་སྶ.
ཚ་ཊྛི་ཡ་ནྟཱ ཡུ་ཝ་ས་དྡཱ བྷཱ་ཝ་ཀ་མྨེ་སུ ན་ཎ ཝཱ ཧོ་ཏི ཏ་སྶ བོ ཙ, ཡོ་བྦ་ནཾ, ཝཱ་ཏྭེ་ཝ? ཡུ་ཝ་ཏྟཾ, ཡུ་ཝ་ཏཱ.
༦༢. ཨ་ཎྭཱ་དི་ཏྭི་མོ.
ཨ་ཎུ་ཨཱ་དཱི་ཧི ཚ་ཊྛི་ཡ་ནྟེ་ཧི བྷཱ་ཝེ ཝཱ ཨི་མོ ཧོ་ཏི, ཨ་ཎི་མཱ, ལ་གྷི་མཱ, མ་ཧི་མཱ, (ག་རི་མཱ), ཀ་སི་མཱ, ཝཱ་ཏྭེ་ཝ? ཨ་ཎུ་ཏྟཾ ཨ་ཎུ་ཏཱ.
༦༣. བྷཱ་ཝཱ ཏེ་ན ནི་བྦ་ཏྟེ.
བྷཱ་ཝ་ཝཱ་ཙ་ཀཱ ས་དྡཱ ཏེ་ན ནི་བྦ་ཏྟེ-བྷི་དྷེ་ཡྻེ ཨི་མོ ཧོ་ཏི, པཱ་ཀེ་ན ནི་བྦ་ཏྟ པཱ་ཎི་མཾ, སེ་ཀི་མཾ.
༦༤. ཏ་ར་ཏ་མི་སྶི་ཀི་ཡི་ཊྛཱ་ཏི་ས་ཡེ.
ཨ་ཏི་ས་ཡེ ཝ་ཏྟ་མཱ་ན་ཏོ ཧོ་ནྟེ་ཏེ པ་ཙྩ་ཡཱ, ཨ་ཏི་ས་ཡེ་ན པཱ་པོ པཱ་པ་ཏ་རོ, པཱ་པ་ཏ་མོ, པཱ་པི་སྶི་ཀོ, པཱ་པི་ཡོ, པཱ་པི་ཊྛོ, ཨི་ཏྠི་ཡཾ པཱ་པ་ཏ་རཱ. ཨ་ཏི་ས་ཡ་ནྟཱ་པི ཨ་ཏི་ས་ཡ་པྤ་ཙྩ་ཡོ, ཨ་ཏི་ས་ཡེ་ན པཱ་པི་ཊྛོ པཱ་པི་ཊྛ་ཏ་རོ.
༦༥. ཏ་ནྣི་སྶི་ཏེ ལློ.
དུ་ཏི་ཡ་ནྟཱ ལླ་པྤ་ཙྩ་ཡོ ཧོ་ཏི ནི་སྶི་ཏ་ཏྠེ, ཝེ་དཾ ནི་སྶི་ཏཾ ཝེ་ད་ལླཾ, དུ་ཊྛུ ནི་སྶི་ཏཾ དུ་ཊྛུ་ལླཾ. ཨི་ལླེ-ས་ངྑཱ་རི་ལླཾ.
༦༦. ཏ་སྶ ཝི་ཀཱ་རཱ་ཝ་ཡ་ཝེ་སུ ཎ ཎི་ཀ ཎེ་ཡྻ་མ་ཡཱ.
པ་ཀ་ཏི་ཡཱ ཨུ་ཏྟ་ར་མ་ཝ་ཏྠ་ནྟ་རཾ ཝི་ཀཱ་རོ, ཚ་ཊྛི་ཡ་ནྟཱ ནཱ་མ་སྨཱ ཝི་ཀཱ་རེ-ཝ་ཡ་ཝེ ཙ ཎཱ་ད་ཡོ ཧོ་ནྟི བ་ཧུ་ལཾ, ཎ-ཨཱ་ཡ་སཾ བ་ནྡྷ་ནཾ, ཨོ་དུ་མྦ་རཾ, པ་ཎྞཾ, ཨོ་དུ་མྦ་རཾ བྷ་སྨཾ, ཀཱ་པོ་ཏཾ མཾ་སཾ, ཀཱ་པོ་ཏཾ ས་ཏྠི. ཎི་ཀ-ཀ་པྤཱ་སི་ཀཾ ཝ་ཏྠཾ. ཎེ་ཡྻ-ཨེ་ཎེ་ཡྻཾ མཾ་སཾ, ཨེ་ཎེ་ཡྻཾ ས་ཏྠི. ཀོ་སེ་ཡྻཾ ཝ་ཏྠཾ. མ་ཡ-ཏི་ཎ་མ་ཡཾ, དཱ་རུ་མ་ཡཾ, ན་ལ༹་མ་ཡཾ, མ་ཏྟི་ཀཱ་མ་ཡཾ. ‘‘ཨ་ཉྙ་སྨི’’ནྟི (༤.༡༢༡) གུ་ནྣཾ ཀ་རཱི་སེ་པི མ་ཡོ, གོ་མ་ཡཾ.
༦༧. ཛ་ཏུ་ཏོ ས་ཎ ཝཱ.
ཚ་ཊྛི་ཡ་ནྟཱ ནཱ་མ་སྨཱ ཛ་ཏུ་ཏོ ཝི་ཀཱ་རཱ་ཝ་ཡ་ཝེ་སུ ས་ཎ ཝཱ ཧོ་ཏི. ཛ་ཏུ་ནོ ཝི་ཀཱ་རོ ཛཱ་ཏུ་སཾ ཛ་ཏུ་མ་ཡཾ. ‘‘ལོ་པོ’’ཏི (༤.༡༢༣) བ་ཧུ་ལཾ པ་ཙྩ་ཡ་ལོ་པོ་པི ཕ་ལ་པུ་པྥ་མཱུ་ལེ་སུ ཝི་ཀཱ་རཱ་ཝ་ཡ་ཝེ་སུ, པི་ཡཱ་ལ་སྶ ཕ་ལཱ་ནི པི་ཡཱ་ལཱ་ནི, མ་ལླི་ཀཱ་ཡ པུ་པྥཱ་ནི མ་ལླི་ཀཱ, ཨུ་སི་ར་སྶ མཱུ་ལཾ ཨུ་སཱི་རཾ, ཏཾ ས་དྡེ་ན ཝཱ ཏ་ད་བྷི་དྷཱ་ནཾ.
༦༨. ས་མཱུ་ཧེ ཀ་ཎ ཎ ཎི་ཀཱ.
ཚ་ཊྛི་ཡ་ནྟཱ ས་མཱུ་ཧེ ཀ་ཎ ཎ ཎི་ཀཱ ཧོ་ནྟི གོ་ཏྟ་པྤ་ཙྩ་ཡ་ནྟཱ. ཀ་ཎ-རཱ་ཛ་ཉྙ་ཀཾ, མཱ་ནུ་སྶ་ཀཾ, ཨུ་ཀྑཱ་དཱི་ཧི-ཨོ་ཀྑ་ཀཾ, ཨོ་ཊྛ་ཀཾ, ཨོ་ར་བྦྷ་ཀཾ, རཱ་ཛ་ཀཾ, རཱ་ཛ་པུ་ཏྟ་ཀཾ, ཧ་ཏྠི་ཀཾ, དྷེ་ནུ་ཀཾ. ཎ-ཀཱ་ཀཾ, བྷི་ཀྑཾ. ཨ་ཙི་ཏྟཱ ཎི་ཀ-ཨཱ་པཱུ་པི་ཀཾ, སཾ་ཀུ་ལི་ཀཾ.
༦༩. ཛ་ནཱ་དཱི་ཧི ཏཱ.
ཛ་ནཱ་དཱི་ཧི ཚ་ཊྛི་ཡ་ནྟེ་ཧི ས་མཱུ་ཧེ ཏཱ ཧོ་ཏི. ཛ་ན་ཏཱ, ག་ཛ་ཏཱ, བ་ནྡྷུ་ཏཱ, གཱ་མ་ཏཱ, ས་ཧཱ་ཡ་ཏཱ, ནཱ་ག་ར་ཏཱ. ཏཱ་ནྟཱ ས་བྷཱ་ཝ་ཏོ ཨི་ཏྠི་ལི་ངྒཱ, ‘མ་ད་ནཱི་ཡ’ནྟི ཀ་ར་ཎེ-དྷི་ཀ་ར་ཎེ ཝཱ ཨ་ནཱི་ཡེ་ན སི་དྡྷཾ. ‘དྷཱུ་མཱ་ཡི་ཏ་ཏྟ’ནྟི ཀྟཱ་ནྟཱ ནཱ་མ་དྷཱ་ཏུ་ཏོ ཀྟེ་ན སི་དྡྷཾ.
༧༠. ཨི་ཡོ ཧི་ཏེ.
ཚ་ཊྛི་ཡ་ནྟཱ ཧི་ཏེ ཨི་ཡོ ཧོ་ཏི. ཨུ་པཱ་དཱ་ནི་ཡཾ, ཨ་ཉྙ་ཏྲཱ་པི ས་མཱ་ནོ་ད་རེ ས་ཡི་ཏོ སོ་ད་རི་ཡོ.
༧༡. ཙ་ཀྑྭཱ་དི་ཏོ སྶོ.
ཚ་ཊྛི་ཡ་ནྟེ་ཧི ཙ་ཀྑུ་ཨཱ་དཱི་ཧི ཧི་ཏེ སྶོ ཧོ་ཏི, ཙ་ཀྑུ་སྶཾ, ཨཱ་ཡུ་སྶཾ.
༧༢. ཎྱོ ཏ་ཏྠ སཱ་དྷུ.
ས་ཏྟ་མྱ་ནྟཱ ཏ་ཏྠ སཱ་དྷཱུ་ཏི ཨ་སྨིཾ ཨ་ཏྠེ ཎྱོ ཧོ་ཏི. ས་བྦྷོ, པཱ་རི་ས་ཛྫོ. སཱ་དྷཱུ་ཏི ཀུ་ས་ལོ ཡོ་གྒོ ཧི་ཏོ ཝཱ. ཨ་ཉྙ་ཏྲཱ་པི ར་ཐཾ ཝ་ཧ་ཏཱི་ཏི ར་ཙྪཱ.
༧༣. ཀ་མྨཱ ནི་ཡ ཉྙཱ.
ས་ཏྟ་མྱ་ནྟཱ ཀ་མྨ་ས་དྡཱ ཏ་ཏྠ སཱ་དྷཱུ་བྷི ཨ་སྨིཾ ཨ་ཏྠེ ནི་ཡ ཉྙཱ ཧོ་ནྟི. ཀ་མྨེ སཱ་དྷུ ཀ་མྨ་ནི་ཡཾ, ཀ་མྨ་ཉྙཾ.
༧༤. ཀ་ཐཱ་དི་ཏྭི་ཀོ.
ཀ་ཐཱ་དཱི་ཧི ས་ཏྟ་མྱ་ནྟེ་ཧི ཏ་ཏྠ སཱ་དྷཱུ་ཏི ཨ་སྨིཾ ཨ་ཏྠེ ཨི་ཀོ ཧོ་ཏི. ཀ་ཐི་ཀོ, དྷ་མྨ་ཀ་ཐི་ཀོ, ས་ངྒཱ་མི་ཀོ པ་ཝཱ་སི་ཀོ, ཨུ་པ་ཝཱ་སི་ཀོ.
༧༥. པ་ཐཱ་དཱི་ཧི ཎེ་ཡྻོ.
པ་ཐཱ་དཱི་ཧི ས་ཏྟ་མྱ་ནྟེ་ཧི ཏ་ཏྠ སཱ་དྷཱུ་ཏི ཨ་སྨིཾ ཨ་ཏྠེ ཎེ-ཡྻོ ཧོ་ཏི, པཱ་ཐེ་ཡྻཾ སཱ་པ་ཏེ་ཡྻཾ (ཨཱ་ཏི་ཐེ་ཡྻཾ).
༧༦. ད་ཀྑི་ཎཱ་ཡཱ་ར་ཧེ.