༥. པ་ཉྩ་མོ ཀ་ཎྜོ (ཁཱ་དི)
༡. ཏི་ཛ མཱ་ནེ་ཧི ཁ སཱ ཁ་མཱ ཝཱི་མཾ་སཱ་སུ.
ཁ་ནྟི་ཡཾ ཏི་ཛཱ ཝཱི་མཾ་སཱ་ཡཾ མཱ་ནཱ ཙ ཁ་ས་པྤ་ཙྩ་ཡཱ ཧོ་ནྟི ཡ་ཐཱ་ཀྐ་མཾ, ཏི་ཏི་ཀྑཱ, ཝཱི་མཾ་སཱ, ཏི་ཏི་ཀྑ་ཏི, ཝཱི་མཾ་ས་ཏི. ཁ་མཱ་ཝཱི་མཾ་སཱ, སཱུ་ཏི ཀིཾ? ཏེ་ཛ་ནཾ, ཏེ་ཛོ, ཏེ་ཛ་ཡ་ཏི, མཱ་ན་ནཾ, མཱ་ནོ་མཱ་ནེ་ཏི.
༢. ཀི་ཏཱ ཏི་ཀི་ཙྪཱ་སཾ་ས་ཡེ་སུ ཚོ.
ཏི་ཀི་ཙྪཱ་ཡཾ སཾ་ས་ཡེ ཙ ཝ་ཏྟ་མཱ་ནཱ ཀི་ཏཱ ཚོ ཧོ་ཏི. ཏི་ཀི་ཙྪཱ, ཝི་ཙི་ཀི་ཙྪཱ, ཏི་ཀི་ཙྪ་ཏི, ཝི་ཙི་ཀི་ཙྪ་ཏི. ཨ་ཉྙ་ཏྲ ནི་ཀེ་ཏོ, སཾ་ཀེ་ཏོ, ཀེ་ཏ་ནཾ, ཀེ་ཏོ, ཀེ་ཏ་ཡ་ཏི.
༣. ནི་ནྡཱ་ཡཾ གུ་པ བ་དྷཱ བ་སྶ བྷོ ཙ.
ནི་ནྡཱ་ཡཾ ཝ་ཏྟ་མཱ་ནེ་ཧི གུ་པ བ་དྷེ་ཧི ཚོ ཧོ་ཏི བ་སྶ བྷོ ཙ. ཛི་གུ་ཙྪཱ, བཱི་བྷ་ཙྪཱ, ཛི་གུ་ཙྪ་ཏི, བཱི་བྷ་ཙྪ་ཏི, ཨ་ཉྙ་ཏྲ གོ་པ་ནཾ, གོ་པོ, གོ་པེ་ཏི, བ་དྷ་ཀོ.
༤. ཏུཾ་སྨཱ ལོ་པོ ཙི་ཙྪཱ་ཡཾ ཏེ.
ཏུ་མ་ནྟ་ཏོ ཨི་ཙྪཱ་ཡ་མ་ཏྠེ ཏེ ཁ་ས་ཚཱ ཧོ་ནྟི བ་ཧུ་ལཾ, ལོ་པོ ཙ ཏུཾ་པ་ཙྩ་ཡ་སྶ ཧོ་ཏི སུ་ཏ་ཏྟཱ, བུ་བྷུ་ཀྑཱ, ཛི་གཱི་སཱཾ, ཛི་གྷ་ཙྪཱ, བུ་བྷུ་ཀྑ་ཏི, ཛི་གཱི་ས་ཏི ཛི་གྷ་ཙྪ་ཏི. ཨི་དྷ ཀ་སྨཱ ན ཧོ་ཏི ‘བྷོ་ཏྟུ་མི་ཙྪ་ཏཱི’ཏི? པ་ད་ནྟ་རེ་ནཱ་བྷི་དྷཱ་ནཱ. ཏུཾ་སྨཱ་ཏི ཀིཾ? བྷོ་ཛ་ན་མི་ཙྪ་ཏི. ཨི་ཙྪཱ་ཡ་ནྟི ཀིཾ? བྷུ་ཉྫི་ཏུཾ ག་ཙྪ་ཏི. ཀ་ཐཾ ‘ཀཱུ་ལཾ ཝི་པ་ཏི ས་ཏཱི’ཏི? ཡ་ཐཱ ཀཱུ་ལཾ པ་ཏི་ཏུ མི་ཙྪ་ཏཱི་ཏི ཝཱ་ཀྱཾ ཧོ་ཏི, ཨེ་ཝཾ ཝུ་ཏྟི་པི ཧོ་སྶ་ཏི. ཝཱ་ཀྱ་མེ་ཝ ཙ་ར་ཧི ཀ་ཐཾ ཧོ་ཏི? ལོ་ཀ་སྶ ཏ་ཐཱ ཝ་ཙ་ནི་ཙྪཱ་ཡ.
༥. ཨཱི་ཡོ ཀ་མྨཱ.
ཨི་ཙྪཱ་ཀ་མྨ་ཏོ ཨི་ཙྪཱ་ཡ་མ་ཏྠེ ཨཱི་ཡ་པྤ་ཙྩ་ཡོ ཧོ་ཏི. པུ་ཏྟ་མི་ཙྪ་ཏི པུ་ཏྠཱི་ཡ་ཏི. ཀ་མྨཱ་ཏི ཀིཾ? ཨ་སི་ནེ་ཙྪ་ཏི. ཨི་དྷ ཀ་སྨཱ ན ཧོ་ཏི ‘ར་ཉྙོ་པུ་ཏྟ་མི་ཙྪ་ཏཱི’ཏི? སཱ་པེ་ཀྑ་ཏྟཱ, ན ཧི ཨ་ཉྙ་མ་པེ་ཀྑ་མཱ་ནོ ཨ་ཉྙེ་ན ས་ཧེ་ཀ་ཏྠི་བྷཱ་ཝ་མ་ནུ་བྷ་ཝི་ཏུཾ ས་ཀྐོ་ཏི. ཨི་དྷཱ་པི ཙ་ར་ཧི ན སི་ཡཱ ‘ཨ་ཏྟ་ནོ པུ་ཏྟ མི་ཙྪ་ཏཱི’ཏི? ནེ་ཝེ་ཏྠ བྷ་ཝི་ཏ་བྦཾ, ན ཧི བྷ་ཝ་ཏི ‘ཨ་ཏྟ་ནོ པུ་ཏྟཱི་ཡ་ཏཱི’ཏི, ཀ་ཐཾ ཙ་ར་ཧི པུ་ཏྟ་སྶ ཨ་ཏྟ་ནི་ཡ་ཏཱ-ཝ་ག་མྱ་ཏེ? ཨ་ཉྙ་སྶཱ་སུ་ཏ་ཏྟཱ ཨི་ཙྪཱ་ཡ ཙ ཏ་བྦི་ས་ཡ་ཏྟཱ.
༦. ཨུ་པ་མཱ་ནཱ་ཙཱ་རེ.
ཀ་མྨ་ཏོ ཨུ་པ་མཱ་ནཱ ཨཱ་ཙཱ་ར་ཏྠེ ཨཱི་ཡོ ཧོ་ཏི. པུ་ཏྟ་མི-ཝཱ-ཙ་ར་ཏི པུ་ཏྟཱི་ཡ་ཏི མཱ་ཎ་ཝ་ཀཾ, ཨུ་པ་མཱ་ནཱ་ཏི ཀིཾ? པུ་ཏྟ་མཱ་ཙ་ར་ཏི.
༧. ཨཱ་དྷཱ་རཱ.
ཨཱ་དྷཱ་ར་ཏཱུ-པ་མཱ་ནཱ ཨཱ་ཙཱ་ར་ཏྠེ ཨཱི་ཡོ ཡོ་ཏི. ཀུ་ཊི་ཡ་མི་ཝཱ-ཙ་ར་ཏི ཀུ་ཊཱི་ཡ་ཏཱི པཱ་སཱ་དེ, པཱ་སཱ་དཱི་ཡ་ཏི ཀུ་ཊི་ཡཾ བྷི་ཀྑུ.
༨. ཀ་ཏྟུ་ཏཱ་ཡོ.
ཀ་ཏྟུ་ཏཱུ-པ་མཱ་ནཱ ཨཱ་ཙཱ་ར་ཏྠེ ཨཱ་ཡོ ཧོ་ཏི. པ་བྦ་ཏོ ཨི་ཝཱ་ཙ་ར་ཏི པ་བྦ་ཏཱ་ཡ་ཏི.
༩. ཡྩ་ཏྠེ.
ཀ་ཏྟུ་ཏོ ཨ་བྷཱུ་ཏ་ཏ་བྦྷཱ་ཝེ ཨཱ་ཡོ ཧོ་ཏི བ་ཧུ་ལཾ. བྷུ་སཱ་ཡ་ཏི, པ་ཊ་པ་ཊཱ་ཡ་ཏི, ལོ་ཧི་ཏཱ་ཡ་ཏི, ཀ་ཏྟུ་ཏོ་ཏྭེ་ཝ? (ཨ་བྷུ་སཾ) བྷུ་སཾ ཀ་རོ་ཏཱི་ཧི, ཨི་ཧ ཀ་སྨཱ ན ཧོ་ཏི ‘བྷུ་སཱི བྷ་ཝ་ཏཱི’ཏི? ཝུ་ཏྟ་ཏྠ་ཏཱ་ཡ.
༡༠. ས་དྡཱ་དཱི་ནི ཀ་རོ་ཏི.
ས་དྡཱ་དཱི་ཧི དུ་ཏི་ཡ་ནྟེ་ཧི ཀ་རོ་ཏཱི་ཏི ཨ་སྨིཾ ཨ་ཏྠེ ཨཱ་ཡོ ཧོ་ཏི. ས་དྡཱ་ཡ་ཏི, ཝེ་རཱ་ཡ་ཏི, ཀ་ལ་ཧཱ་ཡ་ཏི, དྷཱུ་པཱ་ཡ་ཏི.
༡༡. ནུ་མོ་ཏྭ-སྶོ.
ན་མོ་ཨི་ཙྩ་སྨཱ ཀ་རོ་ཏཱི་ཏི ཨ་སྨིཾ ཨ་ཏྠེ ཨ་སྶོ ཧོ་ཏི. ན་མ་སྶ་ཏི ཏ་ཐཱ་གྟཾ.
༡༢. དྷཱ་ཏྭ་ཏྠེ ནཱ་མ་སྨི.
ནཱ་མ་སྨཱ དྷཱ་ཏྭ་ཏྠེ བ་ཧུ་ལ་མི་ཧོ་ཏི. ཧ་ཏྠི་ནཱ ཨ་ཏི་ཀྐ་མ་ཏི ཨ་ཏི་ཧ་ཏྠ་ཡ་ཏི, ཝཱི་ཎཱ་ཡ ཨུ་པ་གཱ་ཡ་ཏི ཨུ་པ་ཝཱི་ཎ་ཡ་ཏི, ད་ལ༹ྷཾ ཀ་རོ་ཏི ཝི་ན་ཡཾ ད་ལ༹ྷ་ཡ་ཏི, ཝི་སུ་དྡྷཱ ཧོ་ཏི ར་ཏྟི ཝི་སུ་དྡྷ་ཡ་ཏི, ཀུ་ས་ལཾ པུ་ཙྪ་ཏི ཀུ་ས་ལ་ཡ་ཏི.
༡༣. ས་ཙྩཱ་དཱི་ཧཱ་པི.
ས་ཙྩཱ་དཱི་ཧི དྷཱ་ཏྭ་ཏྠེ ཨཱ་པི ཧོ་ཏི. ས་ཙྩཱ་པེ་ཏི, ཨ་ཏྠཱ་པེ་ཏི, ཝེ་དཱ་པེ་ཏི, སུ་ཀྑཱ་པེ་ཏི, སུ་ཁཱ་པེ་ཏི, དུ་ཀྑཱ་པེ་ཏི.
༡༤. ཀྲི་ཡ་ཏྠཱ.
ཨ་ཡ་མ་དྷི་ཀཱ་རོ ཨཱ་ས་ཏྠ་པ་རི་ས་མ་ཏྟི་ཡཱ. ཀྲི་ཡཱ ཨ་ཏྠོ ཡ་སྶ སོ ཀྲི་ཡ་ཏྠོ དྷཱ་ཏུ.
༡༥. ཙུ་རཱ་དི་ཏོ ཎི.
ཙུ་རཱ་དཱི་ཧི ཀྲི་ཡ་ཏྠེ་ཧི ས་ཀ་ཏྠེ ཎི པ་རོ ཧོ་ཏི བ་ཧུ་ལཾ. ཎ་ཀཱ་རོ ཝུ་དྡྷྱ་ཏྠོ, ཨེ་ཝ་མ་ཉྙ་ཏྲཱ་པི, ཙོ་ར་ཡ་ཏི, ལཱ་ལ༹་ཡ་ཏི, ཀ་ཐཾ ‘ར་ཛྫཾ ཀཱ་རེ་ཏཱི’ཏི? ཡོ་ག་ཝི་བྷཱ་ག་ཏོ.
༡༦. པ་ཡོ་ཛ་ཀ་བྱཱ་པཱ་རེ ཎཱ་པི ཙ.
ཀ་ཏྟཱ་རཾ ཡོ པ་ཡོ་ཛ་ཡ་ཏི, ཏ་སྶ བྱཱ་པཱ་རེ ཀྲི་ཡ་ཏྠཱ ཎི་ཎཱ་པཱི ཧོ་ནྟི བ་ཧུ་ལཾ, ཀཱ་རེ་ཏི, ཀཱ་རཱ་པེ་ཏི. ན་ནུ ཙ ཀ་ཏྟཱ་པི ཀ་ར་ཎཱ་དཱི་ནཾ པ་ཡོ་ཛ་ཀོ་ཏི ཏཾ་བྱཱ་པཱ་རེ་པི ཎི་ཎཱ་པཱི པཱ་པུ་ཎ་ནྟི? པ་ཡོ་ཛ་ཀ་གྒ་ཧ་ཎ་སཱ་མ་ཏྠི་ཡཱ ན བྷ་ཝི་སྶ་ནྟི ཙུ་རཱ་དཱི་ཧི ཝི་སུཾ ཝ་ཙ་ན་སཱ་མ་ཏྠི་ཡཱ ཙ. ཨ་ཏོ བྷི་ཡྻོ ཎཱ་པི་ཡེ་ཝ, ཎི་ཡེ་ཝུ་ཝ་ཎྞ་ཏོ, དྭ་ཡ་མེ་ཝ་ཉྙེ་ཧི.
༡༧. ཀྱོ བྷཱ་ཝ་ཀ་མྨེ་སྭ-པ་རོ་ཀྑེ་སུ མཱ་ན ནྟ ཏྱཱ་དཱི་སུ. བྷཱ་ཝ་ཀ་མྨ་ཝི་ཧི་ཏེ་སུ པ་རོ་ཀྑཱ་ཝ་ཛྫི་ཏེ་སུ མཱ་ན་ནྟ་ཏྱཱ་དཱི་སུ པ་རེ་སུ ཀྱོ ཧོ་ཏི ཀྲི་ཡ་ཏྠཱ. ནྟ་གྒ་ཧ་ཎ་མུ་ཏྟ་ར་ཏྠཾ, ཀ་ཀཱ་རོ ཨ་ཝུ་དྡྷྱ་ཏྠོ ཨེ་ཝ་མུ་ཏྟ་ར་ཏྲཱ་པི. ཋཱི་ཡ་མཱ་ནཾ, ཋཱི་ཡ་ཏེ, སཱུ་ཡ་མཱ་ནཾ, སཱུ་ཡ་ཏེ, ཨ་པ་རོ་ཀྑེ་སུ མཱ་ན་ནྟ་ཏྱཱ་དཱི་སཱུ་ཏི ཀིཾ? བ་བྷཱུ་ཝ དེ་ཝ་ད་ཏྟེ་ན, བི་བྷི་ད ཀུ་སུ་ལོ. བྷི་ཛྫ་ཏེ ཀུ་སུ་ལོ ས་ཡ་མེ་ཝཱ་ཏི ‘བྷི་ཛྫ་ཏེ’ཏི ས་ཝ་ནཱ ཀ་མྨ་ཏཱ-ཝ་ག་མྱ་ཏེ, ‘ས་ཡ་མེ་ཝཱ’ཏི ས་ཝ་ན་ཏོ ཀ་ཏྟུ་ཏཱ, ཀ་ཏྟུ་ཏཱ་ཝ་ཙ་ནི་ཙྪཱ་ཡ་ནྟུ ‘བྷི་ནྡ་ཏི ཀུ་སུ་ལོ ཨ་ཏྟཱ་ན’ནྟི བྷ་ཝ་ཏི, ཨེ་ཝ་མ་ཉྙ་མྤི ཡ་ཐཱ་ག་མ་མ་ནུ་ག་ནྟ་བྦཾ. ‘ཨ་པ་རོ་ཀྑེ་སུ མཱ་ན་ནྟ་ཏྱཱ་དཱི་སཱུ’ཏི ཨ་ཡ་མ་དྷི་ཀཱ་རོ ཨཱ ‘ཏ་ནཱ་དི་ཏྭོ’ཏི ༥.༢༦. ཨ་པི་ཙ ཨེ་ཏེ ཀྱཱ་ད་ཡོ ཏྱཱ་དཱི་སུ པ་ར་བྷཱུ་ཏེ་སུ ཀ་ཏྟུ་ཀ་མྨ་བྷཱ་ཝ ཝི་ཧི་ཏེ་སུ ཀྱ་ལཱ་དཱི་ནཾ ཝི་དྷཱ་ན་ཏོ ཏེ་སྭེ་ཝ ཝི་ཉྙཱ་ཡ་ནྟཱི་ཏི ཨ་ཀ་མྨ་ཀེ་ཧི དྷཱ་ཏཱུ་ཧི ཀ་ཏྟུ་བྷཱ་ཝེ་སུ, ས་ཀ་མྨ་ཀེ་ཧི ཀ་ཏྟུ་ཀ་མྨེ་སུ, ཀ་མྨཱ་ཝ་ཙ་ནི་ཙྪཱ་ཡཾ བྷཱ་ཝེ ཙ བྷ་ཝ་ནྟཱི་ཏི ཝེ་དི་ཏ་བྦཱ. ཡ་སྶ པ་ན དྷཱ་ཏུ་སྶ ཀི་རི་ཡཱ ཀ་མྨ་མ་པེ་ཀྑ་ཏེ, སོ ས་ཀ་མྨ་ཀོ, ཡ་སྶ ཏུ ཀི་རི་ཡཱ ཀ་ཏྟུ་མ་ཏྟ་མ་པེ་ཀྑ་ཏེ, སྭཱ་ཀ་མྨ་ཀོ་ཏི ཉཱ་ཏ་བྦཾ.
༡༨. ཀ་ཏྟ་རི ལོ.
ཀྲི་ཡ་ཏྠ་ཏོ ཨ་པ་རོ་ཀྑེ་སུ ཀ་ཏྟུ་ཝི་ཧི་ཏ་མཱ་ན ནྟ་ཏྱཱ་དཱི་སུ ལོ ཧོ་ཏི. ལ་ཀཱ་རོ, ‘‘ཉི་ལ་སྶེ’’ཏི ༥-༡༦༣ ཝི་སེ་ས་ན་ཏྠོ. པ་ཙ་མཱ་ནོ, པ་ཙ་ནྟོ, པ་ཙ་ཏི.
༡༩. མཾ ཙ རུ་དྷཱ་དཱི་ནཾ.
རུ་དྷཱ་དི་ཏོ ཀ་ཏྟུ་ཝི་ཧི་ཏ་མཱ་ན་ནྟ ཏྱཱ་དཱི་སུ ལོ ཧོ་ཏི མཾ ཙ ཨ་ནྟ་ས་རཱ པ་རོ. མ་ཀཱ་རོ-ནུ་བ་ནྡྷོ, ཨ་ཀཱ་རོ ཨུ་ཙྩཱ་ར་ཎ་ཏྠོ. རུ་ནྡྷ་མཱ་ནོ, རུ་ནྡྷ་ནྟོ, རུ་ནྡྷ་ཏི.
༢༠. ཎི་ཎཱ་པྱཱ་པཱི་ཧི ཝཱ.
ཎི་ཎཱ་པྱཱ་པཱི་ཧི ཀ་ཏྟུ་ཝི་ཧི་ཏ་མཱ་ན་ནྟ ཏྱཱ་དཱི་སུ ལོ ཧོ་ཏི ཝི་བྷཱ་སཱ, ཨོ་ར་ཡ་ནྟོ, ཙོ་རེ་ནྟོ, ཀཱ་ར་ཡ་ནྟོ, ཀཱ་རེ་ནྟོ, ཀཱ་རཱ་པ་ཡ་ནྟོ, ཀཱ་རཱ་པེ་ནྟོ, ས་ཙྩཱ་པ་ཡ་ནྟོ, ས་ཙྩཱ་པེ་ནྟོ, ཙོ་ར་ཡ་ཏི, ཙོ་རེ་ཏི, ཀཱ་ར་ཡ་ཏི, ཀཱ་རེ་ཏི, ཀཱ་རཱ་པ་ཡ་ཏི, ཀཱ་རཱ་པེ་ཏི, ས་ཙྩཱ་པ་ཡ་ཏི, ས་ཙྩཱ་པེ་ཏི. ཝ་ཝ་ཏྠི་ཏ་ཝི་བྷཱ་ས་ཏྠོ-ཡཾ ཝཱ་ས་དྡོ, ཏེ་ན མཱ་ནེ ནི་ཙྩཾ, ཙོ་ར་ཡ་མཱ་ནོ, ཀཱ་ར་ཡ་མཱ་ནོ, ཀཱ་རཱ་པ་ཡ་མཱ་ནོ, ས་ཙྩཱ་པ་ཡ་མཱ་ནོ.
༢༡. དི་ཝཱ་དཱི་ཧི ཡ་ཀ.
དི་ཝཱ་དཱི་ཧི ལ་ཝི་ས་ཡེ ཡ་ཀ ཧོ་ཏི. དི་བྦ་ནྟོ, དི་བྦ་ཏི.
༢༢. ཏུ་དཱ་དཱི་ཧི ཀོ.
ཏུ་དཱ་དཱི་ཧི ལ་ཝི་ས་ཡེ ཀོ ཧོ་ཏི. ཏུ་ད་མཱ་ནོ, ཏུ་ད་ནྟོ, ཏུ་ད་ཏི.
༢༣. ཛྱཱ་དཱི་ཧི ཀྣཱ.
ཛི་ཨཱ་དཱི་ཧི ལ་ཝི་ས་ཡེ ཀྣཱ ཧོ་ཏི. ཛི་ན་ནྟོ, ཛི་ནཱ་ཏི. ཀ་ཐཾ ‘ཛ་ཡ་ནྟོ’ ཛ་ཡ་ཏཱི, ཏི? བྷཱུ་ཝཱ་དི་པཱ་ཋཱ.
༢༤. ཀྱཱ་དཱི་ཧི ཀྞཱ.
ཀཱི་ཨཱ་དཱི་ཧི ལ་ཝི་ས་ཡེ ཀྞཱ ཧོ་ཏི. ཀི་ཎ་ནྟོ, ཀི་ཎཱ་ཏི.
༢༥. སྭཱ་དཱི་ཧི ཀྞོ.
སུ་ཨཱ་དཱི་ཧི ལ་ཝི་ས་ཡེ ཀྞོ ཧོ་ཏི. སུ་ཎ་མཱ་ནོ, སུ་ཎ་ནྟོ, སུ་ཎོ་ཏི. ཀ་ཐཾ སུ་ཎཱ་ཏཱི་ཏི? ཀྱཱ་དི་པཱ་ཋཱ.
༢༦. ཏ་ནཱ་དི་ཏྭོ.
ཏ་ནཱ་དི་ཏོ ལ་ཝི་ས་ཡེ ཨོ ཧོ་ཏི. ཏ་ནོ་ཏི.
༢༧. བྷཱ་ཝ་ཀ་མྨེ་སུ ཏ་བྦཱ-ནཱི་ཡཱ.
ཏ་བྦ་ཨ་ནཱི་ཡཱ ཀྲི་ཡ་ཏྠཱ པ་རེ བྷཱ་ཝ་ཀ་མྨེ་སུ བ་ཧུ་ལཾ བྷ་ཝ་ནྟི. ཀ་ཏྟ་བྦཾ, ཀ་ར་ཎཱི་ཡཾ, ཀ་ཏྟ་བྦོ ཀ་ཊོ, ཀ་ར་ཎཱི་ཡོ. བ་ཧུ་ལཱ་དྷི་ཀཱ་རཱ ཀ་ར་ཎཱ་དཱི་སུ་པི བྷ་ཝ་ནྟི, སི་ནཱ་ནཱི་ཡཾ ཙུ་ཎྞཾ, དཱ་ནཱི་ཡོ བྲཱ་ཧྨ་ཎོ, ས་མྨཱ་ཝ་ཏྟ་ནཱི་ཡོ གུ་རུ, པ་ཝ་ཙ་ནཱི་ཡོ ཨུ་པ་ཛ྄ཛྷཱ་ཡོ, ཨུ་པ་ཊྛཱ་ནཱི་ཡོ སི་སྶོ.
༢༨. གྷྱ་ཎ.
བྷཱ་ཝ་ཀ་མྨེ་སུ ཀྲི་ཡ་ཏྠཱ པ་རོ གྷྱ་ཎ ཧོ་ཏི བ་ཧུ་ལཾ. ཝཱ་ཀྱཾ, ཀཱ་རི་ཡཾ, ཙེ་ཡྻཾ, ཛེ་ཡྻཾ.
༢༩. ཨཱ་སྶེ ཙ.
ཨཱ་ཏོ་གྷྱ་ཎ ཧོ་ཏི བྷཱ་ཝ་ཀ་མྨེ་སུ, ཨཱ་སྶ ཨེ ཙ. དེ་ཡྻཾ.
༣༠. ཝ་དཱ་དཱི་ཧི ཡོ.
ཝ་དཱ་དཱི་ཧི ཀྲི་ཡ་ཏྠེ་ཧི ཡོ ཧོ་ཏི བ་ཧུ་ལཾ བྷཱ་ཝ་ཀ་མྨེ་སུ. ཝ་ཛྫཾ, མ་ཛྫཾ, ག་མྨཾ. (༤༢) ‘‘བྷུ་ཛཱ་ནྣེ’’, བྷོ་ཛྫོ ཨོ་ད་ནོ, བྷོ་ཛྫཱ ཡཱ་གུ, བྷོ་གྒ་མ་ཉྙཾ.
༣༡. ཀི་ཙྩ གྷ་ཙྩ བྷ་ཙྩ བྷ་བྦ ལེ་ཡྻཱ.
ཨེ་ཏེ ས་དྡཱ ཡ་པྤ་ཙྩ་ཡ་ནྟཱ ནི་པ་ཙྩ་ནྟེ.
༣༢. གུ་ཧཱ་དཱི་ཧི ཡ་ཀ.
གུ་ཏཱ་དཱི་ཧི ཀྲི་ཡ་ཏྟེ་ཧི བྷཱ་ཝ་ཀ་མྨེ་སུ ཡ་ཀ ཧོ་ཏི. གུ་ཡ྄ཧཾ, དུ་ཡ྄ཧཾ, སི་སྶོ. སི་དྡྷཱ ཨེ་ཝེ་ཏེ ཏ་བྦཱ་ད་ཡོ པེ་སཱ་ཏི་ས་གྒ་པ་ཏྟ་ཀཱ་ལེ་སུ་པི ག་མྱ་མཱ་ནེ་སུ སཱ་མ་ཉྙེ་ན་ཝི་དྷཱ་ན་ཏོ, ཏྭ་ཡཱ ཁ་ལུ ཀ་ཊོ ཀ་ཏྟ་བྦོ, ཀ་ར་ཎཱི་ཡོ, ཀཱ་རི་ཡོ, ཀི་ཙྩོ, ཨེ་ཝཾ ཏྭ་ཡཱ ཀ་ཊོ ཀ་ཏྟ་བྦོ, བྷོ་ཏཱ ཀ་ཊོ ཀ་ཏྟ་བྦོ, བྷོ་ཏོ ཧི པ་ཏྟོ ཀཱ་ལོ ཀ་ཊ་ཀ་ར་ཎེ. ཨེ་ཝཾ ཨུ་དྡྷ་མོ་ཧུ་ཏྟི་ཀེ་པི ཝ་ཏྟ་མཱ་ན་ཏོ པེ་སཱ་དཱི་སུ སི་དྡྷཱ ཨེ་ཝ. ཏ་ཐཱ ཨ་ར་ཧེ ཀ་ཏྟ་རི ས་ཏྟི་ཝི་སི་ཊྛེ ཙ པ་ཏཱི་ཡ་མཱ་ནེ ཨཱ་ཝ་སྶ་ཀཱ་དྷ་མཱི་ཎ་ཏཱ་ཝི་སི་ཊྛེ ཙ བྷཱ་ཝཱ་དོ སི་དྡྷཱ, ཨུ་དྡྷཾ་མུ་ཧུ་ཏྟ་ཏོ-བྷོ་ཏཱ ཀ་ཊོ ཀ་ཏྟ་བྦོ, བྷོ་ཏཱ ར་ཛྫཾ ཀ་ཏྟ་བྦཾ. བྷ་ཝཾ ཨ་ར་ཧོ, བྷོ་ཏཱ སཱ་རོ ཝ་ཧི་ཏ་བྦོ, བྷ་ཝཾ ས་ཀྐོ, བྷོ་ཏཱ ཨ་ཝ་སྶཾ ཀ་ཊོ ཀ་ཏྟ་བྦོ, བྷོ་ཏཱ ནི་ཀྑོ དཱ་ཏ་བྦོ.
༣༣. ཀ་ཏྟ་རི ལྟུ་ཎ་ཀཱ.
ཀ་ཏྟ་རི ཀཱ་ར་ཀེ ཀྲི་ཡ་ཏྠཱ ལྟུ་ཎ་ཀཱ ཧོ་ནྟི བ་ཧུ་ལཾ. པ་ཋི་ཏཱ, པཱ་ཋ་ཀོ. བ་ཧུ་ལ་མི་ཏྭེ་ཝ? པཱ་དེ་ཧི ཧ་རཱི་ཡ་ཏཱི་ཏི པཱ་ད་ཧཱ-ར་ཀོ, ག་ལེ ཙུ་པྤ་ཏེ་ཏི ག་ལེ་ཙོ་པ་ཀོ. སི་དྡྷོ་ཝ ལྟུ, ཨ་ར་ཧེ སཱི་ལ་སཱ་དྷུ་དྷ་མྨེ་སུ ཙ སཱ་མ་ཉྙ་ཝི་ཧི་ཏ་ཏྟཱ, བྷ་ཝཾ ཁ་ལུ ཀ་ཉྙཱ་ཡ པ་རི་གྒ་ཧི་ཏཱ, བྷ་ཝ་མེ་ཏཾ ཨ་ར་ཧ་ཏི. སཱི་ལཱ་དཱི་སུ-ཁ་ལྭ་པི ཨུ་པཱ་དཱ་ཏཱ ཀུ་མཱ་ར་ཀེ, ག་ནྟཱ ཁེ་ལཾ, མུ་ཎྜ་ཡི་ཏཱ་རོ སཱ་ཝི་ཊྛཱ་ཡ་ནཱ ཝ་དྷུཾ ཀ་ཏ་པ་རི་གྒ་ཧཾ.
༣༤. ཨཱ་ཝཱི.
ཀྲི་ཡ་ཏྠཱ ཨཱ་ཝཱི ཧོ་ཏི བ་ཧུ་ལཾ ཀ་ཏྟ་རི. བྷ་ཡ་ད་སྶཱ་ཝཱི. ཨ་པྤ་ཝི་ས་ཡ་ཏ་ཉྙཱ་པ་ན་ཏྠཾ བྷི་ནྣ་ཡོ་ག་ཀ་ར་ཎཾ, སཱ་མ་ཉྙ་ཝི་ཧི་ཏ་ཏྟཱ སཱི་ལཱ དཱི་སུ ཙ ཧོ་ཏེ་ཝ.
༣༥. ཨཱ་སིཾ་སཱ་ཡ་མ་ཀོ.
ཨཱ་སིཾ་སཱ་ཡཾ ག་མྱ་མཱ་ནཱ་ཡཾ ཀྲི་ཡ་ཏྠཱ ཨ་ཀོ ཧོ་ཏི ཀ་ཏྟ་རི. ཛཱི་ཝ་ཏཱུ་ཏི ཛཱི་ཝ་ཀོ, ན་ནྡ་ཏཱུ་ཏི ན་ནྡ་ཀོ, བྷ་ཝ་ཏཱུ་ཏི བྷ་ཝ་ཀོ.
༣༦. ཀ་རཱ ཎ་ནོ.
ཀ་ར་ཏོ ཀ་ཏྟ་རི ཎ་ནོ ཧོ་ཏི. ཀ་རོ་ཏཱི་ཏི ཀཱ་ར་ཎཾ, ཀ་ཏྟ་རཱི་ཏི ཀིཾ? ཀ་ར་ཎཾ.
༣༧. ཧཱ་ཏོ ཝཱི་ཧི་ཀཱ་ལེ་སུ.
ཧཱ་ཏོ ཝཱི་ཧི་སྨིཾ ཀཱ་ལེ ཙ ཎ་ནོ ཧོ་ཏི ཀ་ཏྟ་རི. ཧཱ་ཡ་ནཱ ནཱ་མ ཝི་ཧ་ཡོ, ཧཱ་ཡ་ནོ སཾ་ཝ་ཙྪ་རོ, ཝཱི་ཧི་ཀཱ་ལེ་སཱུ་ཏི ཀིཾ? ཧཱ་ཏཱ.
༣༨. ཝི་དཱ ཀཱུ.
ཝི་ད་སྨཱ ཀཱུ ཧོ་ཏི ཀ་ཏྟ་རི. ཝི་དཱུ, ལོ་ཀ་ཝི་དཱུ.
༣༩. ཝི་ཏོ ཉཱ་ཏོ.
ཝི་པུ་བྦཱ ཉཱ་ཨི་ཙྩ་སྨཱ ཀཱུ ཧོ་ཏི ཀ་ཏྟ་རི. ཝི་ཉྙཱུ. ཝི་ཏོ་ཏི ཀིཾ? པ་ཉྙཱ.
༤༠. ཀ་མྨཱ.
ཀ་མྨ་ཏོ པ་རཱ ཉཱ་ཨི་ཙྩ་སྨཱ ཀཱུ ཧོ་ཏི ཀ་ཏྟ་རི. ས་བྦ་ཉྙཱུ, ཀཱ་ལ་ཉྙཱུ.
༤༡. ཀྭ་ཙ་ཎ.
ཀ་མྨ་ཏོ པ་རཱ ཀྲི་ཡ་ཏྠཱ ཀྭ་ཙི ཨ་ཎ ཧོ་ཏི ཀ་ཏྟ་རི. ཀུ་མྦྷ་ཀཱ་རོ, ས་ར་ལཱ་ཝོ, མ་ནྟ་ཛ྄ཛྷཱ་ཡོ, བ་ཧུ་ལཱ་དྷི་ཀཱ་རཱ ཨི་དྷ ན ཧོ་ཏི ཨཱ་དི་ཙྩཾ པ་སྶ་ཏི, ཧི་མ་ཝ་ནྟཾ སུ་ཎོ་ཏི, གཱ་མཾ ག་ཙྪ་ཏི. ཀྭ་ཙཱི་ཏི ཀིཾ? ཀ་མྨ་ཀ་རོ.
༤༢. ག་མཱ རཱུ.
ཀ་མྨ་ཏོ པ་རཱ ག་མཱ རཱུ ཧོ་ཏི ཀ་ཏྟ་རི. ཝེ་ད་གཱུ པཱ་ར་གཱུ.
༤༣. ས་མཱ་ན་ཉྙ བྷ་ཝ་ནྟ ཡཱ་དི་ཏཱུ-པ་མཱ་ནཱ དི་སཱ ཀ་མྨེ རཱི་རི་ཀྑ་ཀཱ.
ས་མཱ་ནཱ་དཱི་ཧི ཡཱ་དཱི་ཧི ཙོ་པ་མཱ་ནེ་ཧི པ་རཱ དི་སཱ ཀ་མྨ་ཀཱ་ར་ཀེ རཱི་རི་ཀྑ་ཀཱ ཧོ་ནྟི. ས་མཱ་ནོ ཝི་ཡ དི་སྶ་ཏཱི་ཏི ས་དཱི ས་དི་ཀྑོ ས་དི་སོ. ཨ་ཉྙཱ་དཱི ཨ་ཉྙཱ་དི་ཀྑོ ཨ་ཉྙཱ་དི་སོ. བྷ་ཝཱ་དཱི བྷ་ཝཱ་དི་ཀྑོ བྷ་ཝཱ་དི་སོ. ཡཱ་དཱི ཡཱ་དི་ཀྑོ ཡཱ་དི་སོ. ཏྱཱ་དཱི ཏྱཱ་དི་ཀྑོ ཏྱཱ་དི་སོ. ས་མཱ་ནཱ་དཱི་ཧཱི་ཏི ཀིཾ? རུ་ཀྑོ ཝི་ཡ དི་སྶ་ཏི. ཨུ་པ་མཱ་ནཱ་ཏི ཀིཾ? སོ དི་སྶ་ཏི. ཀ་མྨེ་ཏི ཀིཾ? སོ ཝི་ཡ པ་སྶ་ཏི. ར་ཀཱ་རཱ ཨ་ནྟ་ས་རཱ་དི་ལོ་པ་ཏྠཱ, ཀ་ཀཱ་རོ ཨེ་ཀཱ་རཱ་བྷཱ་ཝ་ཏྠོ.
༤༤. བྷཱ་ཝ་ཀཱ་ར་ཀེ་སྭ-གྷ་ཎ གྷ་ཀཱ.
བྷཱ་ཝེ ཀཱ་ར་ཀེ ཙ ཀྲི་ཡ་ཏྠཱ ཨ གྷ་ཎ གྷ ཀཱ ཧོ་ནྟི བ་ཧུ་ལཾ. ཨ-པ་གྒ་ཧོ, ནི་གྒ་ཧོ, ཀ་རོ, ག་རོ, ཙ་ཡོ, ཛ་ཡོ, ར་ཝོ, བྷ་ཝོ, པ་ཙོ, ཝ་ཙོ, ཨ་ནྣ་དོ, པུ་རི་ནྡ་དོ, ཨཱི་ས་ཀྐ་རོ, དུ་ཀྐ་རོ, སུ་ཀ་རོ. གྷ་ཎ-བྷཱ་ཝེ པཱ་ཀོ, ཙཱ་གོ, བྷཱ་ཝོ, ཀཱ་ར་ཀེ་པི ས་ཉྙཱ་ཡཾ ཏཱ་ཝ པ་ཛྫ་ཏེ་ནེ་ནཱ་ཏི པཱ་དོ, རུ་ཛ་ཏཱི་ཏི རོ་གོ, ཝི་ས་ཏཱི་ཏི ཝེ་སོ, ས་ར་ཏི ཀཱ་ལ་ནྟ་ར་ནྟི སཱ་རོ ཐི་རཾ་སོ, ད་རཱི་ཡ་ནྟེ ཨེ་ཏེ་ཧཱི་ཏི དཱ་རཱ, ཛཱི་ར་ཡ་ཏི ཨེ་ཏེ་ནཱ་ཏི ཛཱ་རོ, ཨ་ས་ཉྙཱ་ཡ་མྤི དཱ་ཡོ ད་ཏྟོ, ལཱ་བྷོ ལ་དྡྷོ, གྷ-ཝ་ཀོ, ནི་པ་ཀོ, ཀ-པི་ཡོ, ཁི་པོ, བྷུ་ཛོ, ཨཱ་ཡུ་དྷཾ.
༤༥. དཱ་དྷཱ་ཏྭི.
དཱ་དྷཱ་ཧི བ་ཧུ་ལ་མི ཧོ་ཏི བྷཱ་ཝ་ཀཱ་ར་ཀེ་སུ. ཨཱ་དི, ནི་དྷི, ཝཱ་ལ་མི.
༤༦. ཝ་མཱ་དཱི་ཡྻ་ཐུ.
ཝ་མཱ་དཱི་ཧི བྷཱ་ཝ་ཀཱ་ར་ཀེ་སྭ་ཐུ ཧོ་ཏི. ཝ་མ་ཐུ, ཝེ་པ་ཐུ, (ཨ་ཝ་ཐུ, ས་ཡ་ཐུ).
༤༧. ཀྭི.
ཀྲི་ཡ་ཏྠཱ ཀྭི ཧོ་ཏི བ་ཧུ་ལཾ བྷཱ་ཝ་ཀཱ་ར་ཀེ་སུ. ཀ་ཀཱ་རོ ཀཱ་ནུ་བ་ནྡྷ་ཀཱ་རི་ཡ་ཏྠོ, ཨ་བྷི་བྷཱུ, ས་ཡ་མྦྷཱུ, བྷ་ཏྟ་གྒཾ, (དཱ་ན་གྒཾ) ས་ལཱ་ཀ་གྒཾ, ས་བྷཱ, པ་བྷཱ.
༤༨. ཨ་ནོ.
ཀྲི་ཡ་ཏྟཱ བྷཱ་ཝ་ཀཱ་ར་ཀེ་སྭ་ནོ ཧོ་ཏི. ག་མ་ནཾ, དཱ་ནཾ, ས་མྤ་དཱ་ནཾ, ཨ་པཱ་དཱ་ནཾ, ཨ་དྷི་ཀ་ར་ཎཾ, ཙ་ལ་ནོ, ཛ་ལ་ནོ, ཀོ་དྷ་ནོ, ཀོ་པ་ནོ, མ་ཎྜ་ནོ, བྷཱུ་ས་ནོ.
༤༩. ཨི་ཏྠི་ཡ་མ་ཎ ཏྟི ཀ ཡ་ཀ ཡཱ ཙ.
ཨི་ཏྠི་ལི་ངྒེ བྷཱ་ཝེ ཀཱ་ར་ཀེ ཙ ཀྲི་ཡ་ཏྠཱ ཨ་ཨཱ་ད་ཡོ ཧོ་ནྟི ཨ་ནོ ཙ བ་ཧུ་ལཾ. ཨ ཏི་ཏི་ཀྑཱ, ཝཱི་མཾ་སཱ, ཛི་གུ་ཙྪཱ, པི་པཱ་སཱ, པུ་ཏྟི་ཡཱ ཨཱི་ཧཱ བྷི་ཀྑཱ, ཨཱ་པ་དཱ, མེ་དྷཱ, གོ་དྷཱ, ཎ་ཀཱ་རཱ, ཧཱ་རཱ, ཏཱ་རཱ, དྷཱ་རཱ, ཨཱ་རཱ, ཀྟི-ཨི་ཊྛི, སི་ཊྛི, བྷི་ཏྟི, བྷ་ཏྟི, ཏ་ནྟི བྷཱུ་ཏི, ཀ-གུ་ཧཱ, རུ་ཛཱ, མུ་དཱ, ཡ་ཀ-ཝི་ཛྫཱ, ཨི་ཛྫཱ, ཡ-སེ་ཡྻཱ, ས་མ་ཛྫཱ, པ་བྦ་ཛྫཱ, པ་རི་ཙ་རི་ཡཱ, ཛཱ་ག་རི་ཡཱ, ཨ་ན་ཀཱ་ར་ཎཱ, ཧཱ་ར་ཎཱ, ཝེ་ད་ནཱ, ཝ་ནྡ་ནཱ, ཨུ་པཱ་ས་ནཱ.
༥༠. ཛཱ་ཧཱ་ཧི ནི.
ཛཱ་ཧཱ་ཨི་ཙྩེ་ཏེ་ཧི ནི ཧོ་ཏི་ཏྠི་ཡཾ. ཛཱ་ནི, ཧཱ་ནི.
༥༡. ཀ་རཱ རི་རི་ཡོ.
ཀ་ར་ཏོ རི་རི་ཡོ ཧོ་ཏི་ཏྠི་ཡཾ. ཀ་ར་ཎཾ ཀི་རི་ཡཱ. ཀ་ཐཾ ‘ཀྲི་ཡཱ’ཏི? ‘‘ཀྲི་ཡཱ་ཡཾ’’ཏི ནི་པཱ་ཏ་ནཱ.
༥༢. ཨི་ཀི་ཏཱི ས་རཱུ་པེ.
ཀྲི་ཡ་ཏྠ་སྶ ས་རཱུ་པེ-བྷི་དྷེ་ཡྻེ ཀྲི་ཡ་ཏྠཱ པ་རེ ཨི་ཀི་ཏཱི ཧོ་ནྟི, ཝ་ཙི, ཡུ་དྷི, པ་ཙ་ཏི, ‘ཨ་ཀཱ་རོ ཀ་ཀཱ་རོ’ཏི ཨཱ་དཱི་སུ ཀཱ་ར་ས་དྡེ་ན ས་མཱ་སོ, ཡ་ཐཱ ཨེ་ཝ་ཀཱ་རོ་ཏི.
༥༣. སཱི་ལཱ་བྷི་ཀྑ་ཉྙཱ-ཝ་སྶ་ཀེ་སུ ཎཱི.
ཀྲི་ཡ་ཏྠཱ ཎཱི ཧོ་ཏི སཱི་ལཱ་དཱི་སུ པ་ཏཱི་ཡ་མཱ་ནེ་སུ, ཨུ་ཎྷ་བྷོ་ཛཱི, ཁཱི་ར་པཱ་ཡཱི, ཨ་ཝ་སྶ་ཀཱ་རཱི, ས་ཏ་ནྡཱ་ཡཱི.
༥༤. ཐཱ་ཝ་རི་ཏྟ་ར བྷ་ངྒུ་ར བྷི་དུ་ར བྷཱ་སུ་ར བྷ་སྶ་རཱ.
ཨེ་ཏེ ས་དྡཱ ནི་པ་ཙྩ་ནྟེ སཱི་ལེ ག་མྱ་མཱ་ནེ.
༥༥. ཀ་ཏྟ་རི བྷཱུ་ཏེ ཀྟ་ཝ་ནྟུ ཀྟཱ་ཝཱི.
བྷཱུ་ཏེ-ཏྠེ ཝ་ཏྟ་མཱ་ན་ཏོ ཀྲི་ཡ་ཏྠཱ ཀྟ་ཝ་ནྟུ་ཏྟཱ་ཝཱི ཧོ་ནྟི ཀ་ཏྟ་རི. ཝི་ཛི་ཏ་ཝཱ, ཝི་ཛི་ཏཱ་ཝཱི, བྷཱུ་ཏེ་ཏི ཨ་དྷི་ཀཱ་རོ ཡཱ་ཝ ‘‘ཨཱ་ཧཱ་ར་ཏྠཱ’’ཏི (༥-༦༠).
༥༦. ཀྟོ་བྷཱ་ཝ་ཀ་མྨེ་སུ.
བྷཱ་ཝེ ཀ་མྨེ ཙ བྷཱུ་ཏེ ཀྟོ ཧོ་ཏི. ཨཱ་སི་ཏཾ བྷ་ཝ་ཏཱ. ཀ་ཏོ ཀ་ཊོ བྷ་ཝ་ཏཱ.
༥༧. ཀ་ཏྟ་རི ཙཱ་ར་མྦྷེ.
ཀྲི་ཡཱ་ར་མྦྷེ ཀ་ཏྟ་རི ཀྟོ ཧོ་ཏི ཡ་ཐཱ་པ་ཏྟ་ཉྩ. པ་ཀ་ཏོ བྷ་ཝཾ ཀ་ཊཾ, པ་ཀ་ཏོ ཀ་ཊོ བྷ་ཝ་ཏཱ, པ་སུ་ཏྟོ བྷ་ཝཾ, པ་སུ་ཏྟཾ བྷ་ཝ་ཏཱ.
༥༨. ཋཱ-ས ཝ་ས སི་ལི་ས སཱི རུ་ཧ ཛ་ར ཛ་ནཱི་ཧི.
ཋཱ་དཱི་ཧི ཀ་ཏྟ་རི ཀྟོ ཧོ་ཏི ཡ་ཐཱ་པ་ཏྟ་ཉྩ. ཨུ་པ་ཊྛི་ཏོ གུ་རུཾ བྷ་ཝཾ, ཨུ་པ་ཊྛི་ཏོ གུ་རུ བྷོ་ཏཱ, ཨུ་པཱ་སི་ཏོ གུ་རུཾ བྷ་ཝཾ, ཨུ་པཱ་སི་ཏོ གུ་རུ བྷོ་ཏཱ, ཨ་ནུ་ཝུ་སི་ཏོ གུ་རུཾ བྷ་ཝཾ, ཨ་ནུ་ཝུ་སི་ཏོ གུ་རུ བྷོ་ཏཱ, ཨཱ་སི་ལི་ཊྛོ གུ་རུཾ བྷ་ཝཾ, ཨཱ་སི་ལི་ཊྛོ གུ་རུ བྷོ་ཏཱ, ཨ་དྷི་སྶི་ཏོ ཁ་ཊོ་པི་ཀཾ བྷ་ཝཾ, ཨ་དྷི་སྶི་ཏཱ ཁ་ཊོ་པི་ཀཱ བྷོ་ཏཱ, ཨཱ་ར་ལ༹ྷོ རུ་ཀྑཾ བྷ་ཝཾ, ཨཱ་རུ་ལ༹ྷོ རུ་ཀྑོ བྷོ་ཏཱ, ཨ་ནུ་ཛི་ཎྞོ ཝ་ས་ལིཾ དེ་ཝ་ད་ཏྟོ, ཨ་ནུ་ཛི་ཎྞཱ ཝ་ས་ལཱི དེ་ཝ་ད་ཏྟེ་ན, ཨ་ནུ་ཛཱ་ཏོ མཱ་ཎ་ཝ་ཀོ མཱ་ཎ་ཝི་ཀཾ, ཨ་ནུ་ཛཱ་ཏཱ མཱ་ཎ་ཝི་ཀཱ མཱ་ཎ་ཝ་ཀེ་ན.
༥༩. ག་མ་ན་ཏྠཱ་ཀ་མྨ་ཀཱ་དྷཱ་རེ ཙ.
ག་མ་ན་ཏྠ་ཏོ ཨ་ཀ་མྨ་ཀ་ཏོ ཙ ཀྲི་ཡ་ཏྠཱ ཨཱ་དྷཱ་རེ ཀྟོ ཧོ་ཏི ཀ་ཏྟ་རི ཙ ཡ་ཐཱ་པ་ཏྟ་ཉྩ, ཨི་ད་མེ་སཾ ཡཱ་ཏཾ, ཨི་ཧ ཏེ ཡཱ་ཏཱ, ཨི་ཧ ཏེ་ཧི ཡཱ་ཏཾ, ཨ་ཡཾ ཏེ་ཧི ཡཱ་ཏོ པ་ཐོ, ཨི་ད་མེ་ས་མཱ་སི་ཏཾ, ཨི་ཧ ཏེ ཨཱ་སི་ཏཱ, ཨི་ཧ་ཏེ་ཧི ཨཱ་སི་ཏཾ, ‘དེ་ཝོ ཙེ ཝུ་ཊྛོ ས་མྤ་ནྣཱ སཱ་ལ་ཡོ’ཏི ཀཱ་ར་ཎ་སཱ་མ་གྒཱི་ས་མྤ་ཏྟི ཨེ་ཏྠཱ་བྷི་མ་ཏཱ.
༦༠. ཨཱ་ཧཱ་ར་ཏྠཱ.
ཨ་ཛ྄ཛྷོ་ཧཱ་ར་ཏྠཱ ཨཱ་དྷཱ་རེ ཀྟོ ཧོ་ཏི ཡ་ཐཱ་པ་ཏྟ་ཉྩ, ཨི་ད་མེ་སཾ བྷུ་ཏྟཾ, ཨི་ད་མེ་སཾ པཱི་ཏཾ, ཨི་ཧ ཏེ་ཧི བྷུ་ཏྟཾ, ཨི་ཧ ཏེ་ཧི པཱི་ཏཾ, ཨོ་ད་ནོ ཏེ་ཧི བྷུ་ཏྟོ པཱི་ཏ་མུ་ད་ཀཾ, ཨ་ཀ་ཏྟ་ཏྠོ ཡོ་ག་ཝི་བྷཱ་གོ, ཀ་ཐཾ ‘པཱི་ཏཱ གཱ་ཝོ’ཏི? པཱི་ཏ་མེ་སཾ ཝི་ཛྫ་ཏཱི་ཏི པཱི་ཏཱ, བཱ་ཧུ་ལ་ཀཱ ཝཱ, ‘པ་སྶི་ནྣོ’ཏི ཡཱ ཨེ་ཏྠ བྷཱུ་ཏ་ཀཱ་ལ་ཏཱ, ཏ་ཏྲ ཏྟོ, ཨེ་ཝཾ ར་ཉྙཾ མ་ཏོ ར་ཉྙཾ ཨི་ཊྛོ, ར་ཉྙཾ བུ་དྡྷོ, ར་ཉྙཾ པཱུ་ཛི་ཏོ, ཨེ་ཝཾ སཱི་ལི་ཏོ, ར་ཀྑི་ཏོ, ཁ་ནྟོ, ཨཱ་ཀུ་ཊྛོ, རུ་ཊྛོ, རུ་སི་ཏོ, ཨ་བྷི་བྱཱ་ཧ་ཊོ, ད་ཡི་ཡོ, ཧ་ཊྛོ, ཀ་ནྟཱ, སཾ་ཡ་ཏོ, ཨ་མ་ཏོ, ‘ཀ་ཊྛ’ནྟི བྷཱུ་ཏ་ཏཱ་ཡ་མེ་ཝ ཧེ་ཏུ་ནོ, ཕ་ལཾ ཏྭ་ཏྲ བྷཱ་ཝི.
༦༡. ཏུཾ ཏཱ་ཡེ ཏ་ཝེ བྷཱ་ཝེ བྷ་ཝི་སྶ་ཏི ཀྲི་ཡཱ་ཡཾ ཏ་ད་ཏྠཱ་ཡ.
བྷ་ཝི་སྶ་ཏི ཨ་ཏྠེ ཝ་ཏྟ་མཱ་ན་ཏོ ཀྲི་ཡ་ཏྠཱ བྷཱ་ཝེ ཏུཾ ཏཱ་ཡེ ཏ་ཝེ ཧོ་ནྟི ཀྲི་ཡཱ་ཡཾ ཏ་ད་ཏྠཱ་ཡཾ པ་ཏཱི་ཡ་མཱ་ནཱ་ཡཾ. ཀཱ་ཏུཾ ག་ཙྪ་ཏི, ཀ་ཏྟཱ་ཡེ ག་ཙྪ་ཏི, ཀཱ་ཏ་ཝེ ག་ཙྪ་ཏི, ཨི་ཙྪ་ཏི བྷོ་ཏྟུཾ ཀཱ་མེ་ཏི བྷོ་ཏྟུ་ནྟི ཨི་མཱི་ནཱ་ཝ སི་དྡྷཾ, པུ་ན་བྦི་དྷཱ་ནེ ཏྭི་ཧཱ་པི སི་ཡཱ ‘ཨི་ཙྪ་ནྟོ ཀ་རོ་ཏཱི’ཏི, ཨེ་ཝཾ ས་ཀྐོ་ཏི བྷོ་ཏྟུཾ, ཛཱ་ནཱ་ཏི བྷོ་ཏྟུཾ, གི་ལཱ་ཡ་ཏི བྷོ་ཏྟུཾ, གྷ་ཊ་ཏེ བྷོ་ཏྟུཾ, ཨཱ་ར་བྷ་ཏེ བྷོ་ཏྟུཾ, ལ་བྷ་ཏེ བྷོ་ཏྟུཾ, པ་ཀྐ་མ་ཏི བྷོ་ཏྟུཾ, ཨུ་སྶ་ཧ་ཏི བྷོ་ཏྟུཾ, ཨ་ར་ཧ་ཏི བྷོ་ཏྟུཾ, ཨ་ཏྠི བྷོ་ཏྟུཾ, ཝི་ཛྫ་ཏི བྷོ་ཏྟུཾ, ཝ་ཊྚ ཏི་བྷོ་ཏྟུཾ, ཀ་པྤ་ཏི བྷོ་ཏྟུ་ནྟི. ཏ་ཐཱ པཱ་ར་ཡ་ཏི བྷོ་ཏྟུཾ, པ་ཧུ བྷོ་ཏྟུཾ, ས་མ་ཏྠོ བྷོ་ཏྟུཾ, པ་རི་ཡ་ཏྟོ བྷོ་ཏྟུཾ, ཨ་ལཾ བྷོ་ཏྟུ་ནྟི བྷ་ཝ་ཏི་སྶ ས་བྦ་ཏྠ ས་མྦྷ་ཝཱ. ཏ་ཐཱ ཀཱ་ལོ བྷོ་ཏྟུཾ. ས་མ་ཡོ བྷོ་ཏུཾ, ཝེ་ལཱ བྷོ་ཏུ་ནྟི, ཡ་ཐཱ བྷོ་ཏྟུཾ་མ་ནོ, སོ་ཏྟུཾ སོ་ཏོ, ད་ཊྛུཾ ཙ་ཀྑུ, ཡུ་ཛ྄ཛྷི་ཏུཾ དྷ་ནུ, ཝ་ཏྟུཾ ཛ་ལོ༹, ག་ནྟུ་མ་ནོ, ཀ་ཏྟུ་མ་ལ་སོ་ཏི, ཨུ་ཙྩཱ་ར་ཎ་ནྟུ ཝ་ཏྟཱ་ཡ་ཏྟཾ. བྷཱ་ཝེ་ཏི ཀིཾ? ཀ་རི་སྶཱ་མཱི་ཏི ག་ཙྪ་ཏི, ཀྲི་ཡཱ་ཡ་ནྟི ཀིཾ? བྷི་ཀྑི་སྶཾ ཨི་ཙྩ་སྶ ཛ་ཊཱ, ཏ་ད་ཏྠཱ་ཡ་ནྟི ཀིཾ? ག་ཙྪི་སྶ་ཏོ ཏེ བྷ་ཝི་སྶ་ཏི བྷ་ཏྟཾ བྷོ་ཛ་ནཱ་ཡ.
༦༢. པ་ཊི་སེ་དྷེ-ལཾ་ཁ་ལཱུ་ནཾ ཏུ་ན ཏྭཱ་ན ཏྭཱ ཝཱ.
ཨ་ལཾ ཁ་ལུ་ས་དྡཱ་ནཾ པ་ཊི་སེ་དྷ་ཏྠཱ་ནཾ པ་ཡོ་གེ ཏུ་ནཱ་ད་ཡོ ཝཱ ཧོ་ནྟི བྷཱ་ཝེ. ཨ་ལཾ སོ་ཏུ་ན, ཁ་ལུ སོ་ཏུ་ན, ཨ་ལཾ སུ་ཏྭཱ་ན, དྷ་ལུ སུ་ཏྭཱ་ན, ཨ་ལཾ སུ་ཏྭཱ, ཁ་ལུ སུ་ཏྭཱ, ཨ་ལཾ སུ་ཏེ་ན, ཁ་ལུ སོ་ཏེ་ན, ཨ་ལཾ ཁ་ལཱུ་ན་ནྟི ཀིཾ? མཱ ཧོ་ཏུ, པ་ཊི་སེ་དྷེ་ཏི ཀིཾ? ཨ་ལ་ངྐཱ་རོ.
༦༣. པུ་བྦེ་ཀ་ཀ་ཏྠུ་ཀཱ་ནཾ.
ཨེ་ཀོ ཀ་ཏྟཱ ཡེ་སཾ བྱཱ་པཱ་རཱ་ནཾ, ཏེ་སུ ཡོ པུ་བྦོ, ཏ་ད་ཏྠ་ཏོ ཀྲི་ཡ་ཏྠཱ ཏུ་ནཱ་ད་ཡོ ཧོ་ནྟི བྷཱ་ཝེ, སོ་ཏུ་ན ཡཱ་ཏི, སུ་ཏྭཱ་ན, སུ་ཏྭཱ ཝཱ, ཨེ་ཀ་ཀ་ཏྟུ་ཀཱ་ན་ནྟི་ཀིཾ? བྷུ་ཏྟ་སྨིཾ དེ་ཝ་ད་ཏྟེ ཡ་ཉྙ་ད་ཏྟོ ཝ་ཛ་ཏི, པུ་བྦཱ་ཏི ཀིཾ? བྷུ་ཉྫ་བྷི ཙ པ་ཙ་ཏི ཙ. ‘ཨ་པྤ་ཏྭཱ ན་དིཾ པ་བྦ་ཏོ ཨ་ཏི་ཀྐ་མྨ པ་བྦ་ཏཾ ན་དཱི’ཏི བྷཱུ་དྷཱ་ཏུ་སྶ ས་བྦ་ཏྠ ས་མྦྷ་ཝཱ ཨེ་ཀ་ཀ་ཏྟུ་ཀ་ཏཱ པུ་བྦ་ཀཱ་ལ་ཏཱ ཙ ག་མྱ་ཏེ. ‘བྷུ་ཏྭཱ བྷུ་ཏྭཱ ག་ཙྪ་ཏཱི་ཏི’ ཨི་མི་ནཱ་ཝ སི་དྡྷཾ ཨཱ་བྷི་ཀྑ་ཉྙ་ནྟུ དྭི་བྦ་ཙ་ནཱ་ཝ་ག་མྱ་ཏེ. ཀ་ཐཾ ‘ཛཱི་ཝ་གྒཱ་ཧཾ ཨ་གཱ་ཧ་ཡི, ཀཱ་ཡ་པྤ་ཙཱ་ལ་ཀཾ ག་ཙྪ་ནྟཱི’ཏི ཨཱ་དི? གྷ་ཎ་ནྟེ་ན ཀྲི་ཡཱ་ཝི་སེ་ས་ནེ་ན སི་དྡྷཾ ཡ་ཐཱ ‘ཨོ་ད་ན་པཱ་ཀཾ ས་ཡ་ཏཱི’ཏི.
༦༤. ནྟོ ཀ་ཏྠ་རི ཝ་ཏྟ་མཱ་ནེ.
ཝ་ཏྟ་མཱ་ན་ཏྠེ ཝ་ཏྟ་མཱ་ན་ཏོ ཀྲི་ཡ་ཏྟཱ ནྟོ ཧོ ཏི ཀ་ཏྟ་རི, ཏི་ཊྛ་ནྟོ.
༦༥. མཱ་ནོ.
ཝ་ཏྟ་མཱ་ན་ཏྠེ ཝ་ཏྟ་མཱ་ན་ཏོ ཀྲི་ཡ་ཏྠཱ མཱ་ནོ ཧོ་ཏི, ཀ་ཏྟ་རི. ཏི་ཊྛ་མཱ་ནོ.
༦༦. བྷཱ་ཝ་ཀ་མྨེ་སུ.
ཝ་ཏྟ་མཱ་ན་ཏྠེ ཝ་ཏྟ་མཱ་ན་ཏོ ཀྲིཾ་ཡ་ཏྠཱ བྷཱ་ཝེ ཀ་མྨེ་ཙ མཱ་ནོ ཧོ་ཏི. ཋཱི་ཡ་མཱ་ནཾ, པ་ཙྩ་མཱ་ནོ ཨོ་ད་ནོ.
༦༧. ཏེ སྶ་པུ་བྦཱ་ནཱ་ག་ཏེ.
ཨ་ནཱ་ག་ཏ་ཏྠེ ཝ་ཏྟ་མཱ་ན་ཏོ ཀྲི་ཡ་ཏྠཱ ཏེ་ནྟ་མཱ་ནཱ སྶ་པུ་བྦཱ ཧོ་ནྟི. ཋ་སྶ་ནྟོ, ཋ་སྶ་མཱ་ནོ, ཋཱི་ཡི་སྶ་མཱ་ནཾ, པ་ཙྩི་སྶ་མཱ་ནོ ཨོ་ད་ནོ.
༦༨. ཎྭཱ་ད་ཡོ.
ཀྲི་ཡ་ཏྠཱ པ་རེ བ་ཧུ་ལཾ ཎྭཱ་ད་ཡོ ཧོ་ནྟི. ཙཱ་རུ, དཱ་རུ.
༦༩. ཁ་ཚ་སཱ་ན མེ་ཀ་སྶ་རོ་དི དྭེ.
ཁ་ཚ་ས་པྤ་ཙྩ་ཡ་ནྟཱ་ནཾ ཀྲི་ཡ་ཏྠཱ་ནཾ པ་ཋ་མེ་ཀ་སྶ་རཾ ས་དྡ་རཱུ་པཾ དྭེ བྷ་ཝ་ཏི. ཏི་ཏི་ཀྑཱ, ཛི་གུ་ཙྪཱ, ཝཱི་མཾ་སཱ.
༧༠. པ་རོ་ཀྑཱ་ཡ་ཉྩ.
པ་རོ་ཀྑཱ་ཡཾ པ་ཋ་མེ་ཀ་སྶ་རཾ ས་དྡ་རཱུ་པཾ དྭེ བྷ་ཝ་ཏི. ཛ་གཱ་མ, ཙ་ཀཱ་རོ ཨ་ནུ་ཏྟ་ས་མུ་ཙྩ་ཡ་ཏྠོ, ཏེ་ན་ཉྙ་ཏྲཱ་པི ཡ་ཐཱ་ག་མཾ, ཛ་ཧཱ་ཏི, ཛ་ཧི་ཏ་བྦཾ, ཛ་ཧི་ཏུཾ, ད་དྡ་ལླ་ཏི, ཙ་ངྐ་མ་ཏི. ‘ལོ་ལུ་པོ, མོ་མཱུ་ཧོ་ཏི ཨོ་ཏྟཾ ཏ་ད་མི་ནཱ་དི་པཱ་ཋཱ.
༧༡. ཨཱ་དི་སྨཱ ས་རཱ.
ཨཱ་དི་བྷཱུ་ཏཱ ས་རཱ པ་ར་མེ་ཀ་སྶ་རཾ དྭེ ཧོ་ཏི, ཨ་སི་སི་ས་ཏི, ཨཱ་དི་སྨཱ་ཏི ཀིཾ? ཛ་ཛ་གཱ་ར, ས་རཱ་ཏི ཀིཾ? པ་པཱ་ཙ.
༧༢. ན པུ་ན.
ཡཾ དྭི་བྷཱུ་ཏཾ, ན ཏཾ པུ་ན དྭི་ཏྟ་མཱ་པ་ཛྫ་ཏེ, ཏི་ཏི་ཀྑི་ས་ཏི, ཛི་གུ་ཙྪི་ས་ཏི.
༧༣. ཡ་ཐི་ཊྛཾ སྱཱ་དི་ནོ.
སྱཱ་དྱ་ནྟ་སྶ ཡ་ཐི་ཊྛ་མེ་ཀ་སྶ་ར་མཱ་དི་བྷཱུ་ཏ་མ་ཉྙཾ ཝཱ ཡ་ཐཱ་ག་མཾ དྭི་ཏྟ་པ་ཛྫ་ཏེ, པུ་པུ་ཏྟཱི་ཡི་ས་ཏི, པུ་ཏི་ཏྟཱི་ཡི་ས་ཏི, པུ་ཏྟཱི་ཡི་ཡི་ས་ཏི.
༧༤. ར་སྶོ པུ་བྦ་སྶ.
དྭི་ཏྟེ པུ་བྦ་སྶ ས་རོ ར་སྶོ ཧོ་ཏི. ད་དཱ་ཏི.
༧༥. ལོ་པོ-ནཱ་དི་བྱ་ཉྫ་ན་སྶ.
དྭི་ཏྟེ པུ་བྦ་སྶཱ་དི་ཏོ-ཉྙ་སྶ བྱ་ཉྫ་ན་སྶ ལོ་པོ ཧོ་ཏི. ཨ་སི་སི་ས་ཏི.