མོ་གྒ་ལླཱ་ན་བྱཱ་ཀ་ར་ཎཾ
༡. པ་ཋ་མོ ས་ཉྙཱ་དི་ཀ་ཎྜོ
སི་དྡྷ་མི་དྡྷ་གུ་ཎཾ སཱ་དྷུ, ན་མ་སྶི་ཏྭཱ ཏ་ཐཱ་ག་ཏཾ;
ས་དྷ་མྨ་ས་ངྒྷཾ བྷཱ་སི་སྶཾ, མཱ་ག་དྷཾ ས་དྡ་ལ་ཀྑ་ཎཾ.
༡. ཨ་ཨཱ་ད་ཡོ ཏི་ཏཱ་ལཱི་ས ཝ་ཎྞཱ.
ཨ་ཀཱ་རཱ་ད་ཡོ ནི་གྒ་ཧཱི་ཏ་ནྟཱ ཏེ་ཙ་ཏྟཱ་ལཱི་ས-ཀྑ་རཱ ཝ་ཎྞཱ ནཱ་མ ཧོ་ནྟི. ཨ ཨཱ ཨི ཨཱི ཨུ ཨཱུ ཨེ ཨེ ཨོ ཨོ, ཀ ཁ ག གྷ ང ཙ ཚ ཛ ཛྷ ཉྙ, ཊ ཋ ཌ ཌྷ ཎ, ཏ ཐ ད དྷ ན, པ ཕ བ བྷ མ, ཡ ར ལ ཝ ས ཧ ལ༹ ཨཾ. ཏེ་ན ཀྭ་ཏྠོ? ‘‘ཨེ ཨོ ན མ་ཝ་ཎྞེ’’ ༡. ༣༧. ཏི་ཏཱ་ལཱི་སཱ་བྷི ཝ་ཙ་ནཾ ཀ་ཏྠ་ཙི ཝ་ཎྞ་ལོ་པཾ ཉཱ་པེ་ཏི. ཏེ་ན ‘པ་ཊི་ས་ངྑཱ ཡོ་ནི་སོ’ཏི་ཨཱ་དི སི་དྡྷཾ.
༢. ད་སཱ་དོ ས་རཱ.
ཏ་ཏྠཱ་དི་མྷི ད་ས ཝ་ཎྞཱ ས་རཱ ནཱ་མ ཧོ་ནྟི. ཏེ་ན ཀྭ་ཏྠོ? ‘‘ས་རོ ལོ་པོ ས་རེ’’ ༡, ༢༦ ཨི་ཙྩཱ་དི.
༣. དྭེ་དྭེ ས་ཝ་ཎྞཱ. ཏེ་སུ དྭེ་དྭེ ས་རཱ ས་ཝ་ཎྞཱ ནཱ་མ ཧོ་ནྟི. ཏེ་ན ཀྭ་ཏྠོ? ‘‘ཝ་ཎྞ་པ་རེ་ན ས་ཝ་ཎྞོ་པི’’ ༡, ༢༤.
༤. པུ་བྦོ ར་སྶོ.
ཏེ་སུ དྭཱི་སུ ཡོ ཡོ པུ་བྦོ, སོ སོ ར་སྶ་ས་ཉྙོ ཧོ་ཏི. ཏེ་སུ ཨེ.ཨོ.སཾ་ཡོ་ག་ཏོ པུ་བྦཱ་ཝ དི་སྶ་ནྟི. ཏེ་ན ཀྭ་ཏྠོ? ‘‘ར་སྶོ ཝཱ’’ ༢,༦༢ ཨི་ཙྩཱ་དི.
༥. པ་རོ དཱི་གྷོ.
ཏེ སྭེ་ཝ དྭཱི་སུ་ཡོ ཡོ པ་རོ, སོ སོ དཱི་གྷ་ས་ཉྙོ ཧོ་ཏི. ཏེ་ན ཀྭ་ཏྠོ? ‘‘ཡོ ལོ པ་ནི་སུ དཱི་གྷོ’’ ༢,༨༨ ཨི་ཙྩཱ་དི.
༦. ཀཱ་ད་ཡོ བྱ་ཉྫ་ནཱ.
ཀ་ཀཱ་རཱ་ད་ཡོ ཝ་ཎྞཱ ནི་གྒ་ཧཱི་ཏ་པ་རི་ཡ་ནྟཱ བྱ་ཉྫ་ན་ས་ཉྙཱ་ཧོ་ནྟི. ཏེ་ན ཀྭ་ཏྠོ? ‘‘བྱ་ཉྫ་ནེ དཱི་གྷ་ར་སྶཱ’’ ༡,༣༣ ཨི་ཙྩཱ་དི.
༧. པ་ཉྩ པ་ཉྩ་ཀཱ ཝ་གྒཱ.
ཀཱ་ད་ཡོ པ་ཉྩ པ་ཉྩ་ཀཱ ཝ་གྒ, ནཱ་མ ཧོ་ནྟི. ཏེ་ན ཀྭ་ཏྠོ? ‘‘ཝ་གྒེ ཝ་གྒ་ནྟོ’’ ༡,༤༡ ཨི་ཙྩཱ་དི.
༨. བི་ནྡུ ནི་གྒ་ཧཱི་ཏཾ.
ཡྭཱ་ཡཾ ཝ་ཎྞོ བི་ནྡུ་མ་ཏྟོ, སོ ནི་གྒ་ཧཱི་ཏ་ས་ཉྙོ ཧོ་ཏི. ཏེ་ན ཀྭ་ཏྠོ? ‘‘ནི་གྒ་ཧཱི་ཏཾ’’ ༡,༣༨ ཨི་ཙཱ་དི. ག་རུ་ས་ཉྙཱ་ཀ་ར་ཎཾ ཨ་ནྭ་ཏྠ་ས་ཉྙ་ཏྠཾ.
༩. ཨི་ཡུ་ཝ་ཎྞཱ ཛྷ་ལཱ ནཱ་མ་སྶ་ནྟེ.
ནཱ་མཾ པཱ་ཊི་པ་དི་ཀཾ, ཏ་སྶ་ཨ་ནྟེ ཝ་ཏྟ་མཱ་ནཱ ཨི་ཝ་ཎྞུ་ཝ་ཎྞཱ ཛྷ་ལ་ས་ཉྙཱ ཧོ་ནྟི ཡ་ཐཱ་ཀྐ་མཾ. ཏེ་ན ཀྭ་ཏྠོ? ‘‘ཛྷ་ལཱ ཝཱ’’ ༢,༡༡༡ ཨི་ཙྩཱ་དི.
༡༠. པི་ཏྠི་ཡཾ.
ཨི་ཏྠི་ཡཾ ཝ་ཏྟ་མཱ་ན་སྶ ནཱ་མ་སྶ-ནྟེ ཝ་ཏྟ་མཱ་ནཱ ཨི་ཝ་ཎྞུ་ཝ་ཎྞཱ པ་ས་ཉྙཱ ཧོ་ནྟི. ཏེ་ན ཀྭ་ཏྠོ? ཡེ པ་སྶི་ཝ་ཎྞ་སྶ’’ ༢,༡༡༦ ཨི་ཙྩཱ་དི.
༡༡. གྷཱ.
ཨི་ཏྠི་ཡཾ ཝ་ཏྟ་མཱ་ན་སྶ ནཱ་མ་སྶ-ནྟེ ཝ་ཏྠ་མཱ་ནོ ཨཱ་ཀཱ་རོ གྷ་ས་ཉྙོ ཧོ་ཏི. ཏེ་ན ཀྭ་ཏྠོ? ‘‘གྷ་བྲ་ཧྨཱ་དི་ཏེ’’ ༢,༦༠ ཨི་ཙྩཱ་དི.
༡༢. གོ སྱཱ་ལ་པ་ནེ.
ཨཱ་ལ་པ་ནེ སི ག་ས་ཉྙོ ཧོ་ཏི.
ཏེ་ན ཀྭ་ཏྠོ? ‘‘གེ་ཝཱ’’ ༢,༦༥ ཨི་ཙྩཱ་དི.
(ས་ཉྙཱ)
༡༣. ཝི་དྷི་བྦི་སེ་ས་ན་ནྟ་སྶ.
ཡཾ ཝི་སེ་ས་ནཾ, ཏ་ད་ནྟ་སྶ ཝི་དྷི ཉཱ་ཏ་བྦོ ‘‘ཨ་ཏོ ཡོ་ནཾ ཊཱ་ཊེ’’ ༢,༤༡ ན་རཱ་ན་རེ.
༡༤. ས་ཏྟ་མི་ཡཾ པུ་བྦ་སྶ.
ས་ཏྟ་མཱི་ནི་དྡེ་སེ པུ་བྦ་སྶེ་ཝ ཀཱ་རི་ཡཾ ཉཱ་ཏ་བྦཾ ‘‘ས་རོ ལོ་པོ ས་རེ’’ ༡,༢༦ ཝེ་ལ༹་གྒཾ. ‘ཏ་མ་ཧ’ནྟཱི་དྷ ཀ་སྨཱ ན ཧོ་ཏི?, ས་རེ་ཏོ་པ་སི་ལེ་སི་ཀཱ་དྷཱ་རོ ཏ་ཏྠེ་ཏཱ་ཝ ཝུ་ཙྩ་ཏེ ‘པུ་བྦ་སྶེ་ཝ ཧོ་ཏི ན པ་ར་སྶཱ’ཏི.
༡༥. པ་ཉྩ་མི་ཡཾ པ་ར་སྶ.
པ་ཉྩ་མཱི་ནི་དྡེ་སེ པ་ར་སྶ ཀཱ་རི་ཡཾ ཉཱ་ཏ་བྦཾ ‘‘ཨ་ཏོ་ཡོ་ནཾ ཊཱ་ཊེ’’ ༢,༤༡ ན་རཱ་ན་རེ. ཨི་དྷ ན ཧོ་ཏཾ ‘ཛ་ནྟུ་ཧོ ཨ་ན་ཏྟཱ’. ཨི་དྷ ཀ་སྨཱ ན ཧོ་ཏི? ཨོ་ས་ཁྱོ, ཨ་ན་ནྟ་རེ ཀ་ཏ་ཏྠ་ཏཱ་ཡ ན བྱ་ཝ་ཧི་ཏ་སྶ ཀཱ་རི་ཡཾ.
༡༦. ཨཱ་དི་སྶ.
པ་ར་སྶ སྶི་སྶ་མཱ་ནཾ ཀཱ་རི་ཡ་མཱ་དི་ཝ་ཎྞ་སྶ ཉཱ་ཏ་བྦཾ ‘‘ར ས་ངྑྱཱ་ཏོ ཝཱ’’ ༣,༡༠༣ ཏེ་ར་ས.
༡༧. ཚ་ཊྛི་ཡ་ནྟ་སྶ.
ཚ་ཊྛཱི་ནི་དྡི་ཊྛ་སྶ ཡཾ ཀཱ་རི་ཡཾ, ཏ་ད་ནྟ་སྶ ཝ་ཎྞ་སྶ ཝི་ཉྙེ་ཡྻཾ ‘‘རཱ་ཛ་སྶི ནཱ་མྷི’’ ༢,༢༣ རཱ་ཛི་ནཱ.
༡༨. ངཱ་ནུ་བ་ནྡྷོ.
ང་ཀཱ་རོ ཨ་ནུ་བ་ནྡྷོ ཡ་སྶ, སོ ཨ་ནྟ་སྶ ཧོ་ཏི ‘‘གོ་སྶཱ ཝ་ང’’ ༡,༣༢ ག་ཝཱ་སྶཾ.
༡༩. ཊཱ་ནུ་བ་ནྡྷཱ་ནེ་ཀ་ཝ་ཎྞཱ ས་བྦ་སྶ.
ཊ་ཀཱ་རོ-ནུ་བ་ནྡྷོ ཡ་སྶ, སོ-ནེ་ཀ་ཀྑ་རོ ཙཱ་དེ་སོ ས་བྦ་སྶ ཧོ་ཏི ‘‘ཨི་མ་སྶཱ་ནི་ཏྠི་ཡཾ ཊེ’’ ༢,༡༢༨ ཨེ་སུ, ‘‘ནཱ་མྷ-ནི་མི’’ ༢,༡༢༦ ཨ་ནེ་ན.
༢༠. ཉ་ཀཱ་ནུ་བ་ནྡྷཱ་དྱ་ནྟཱ.
ཚ་ཊྛཱི་ནི་དྡི་ཊྛ་སྶ ཉཱ་ནུ་བ་ནྡྷ་ཀཱ་ནུ་བ་ནྡྷཱ ཨཱ་དྱ་ནྟཱ ཧོ་ནྟི ‘‘བྲཱུ་ཏོ ཏི་སྶཱི་ཉ’’ ༦,༣༦ བྲ་ཝཱི་ཏི, ‘‘བྷཱུ་སྶ ཝུ་ཀ’’ ༦,༡༧ བ་བྷཱུ་ཝ.
༢༡. མཱ་ནུ་བ་ནྡྷོ ས་རཱ་ན་མ་ནྟཱ པ་རོ.
མ་ཀཱ་རོ-ནུ་བ་ནྡྷོ ཡ་སྶ, སོ ས་རཱ ན་མ་ནྟཱ ས་རཱ པ་རོ ཧོ་ཏི ‘‘མ་ཉྩ རུ་དྷཱ་དཱི་ནཾ’’ ༥-༡༩ རུ་ནྡྷ་ཏི.
༢༢. ཝི་པྤ་ཊི་སེ་དྷེ.
དྭི་ནྣཾ སཱ་ཝ་ཀཱ་སཱ་ན་མེ་ཀ་ཏྠ་པྤ་ས་ངྒེ པ་རོ ཧོ་ཏི. ཡ་ཐཱ དྭི་ནྣཾ ཏི་ཎྞཾ ཝཱ་པུ་རི་སཱ་ནཾ ས་ཧ་པྤ་ཏྟི་ཡཾ པ་རོ, སོ ཙ (ག་ཙྪ་ཏི) ཏྭཾ ཙ (ག་ཙྪ་སི, ཏུ་མྷེ) ག་ཙྪ་ཐ. སོ ཙ (ག་ཙྪ་ཏི,) ཏྭཾ ཙ (ག་ཙྪ་སི,) ཨ་ཧཾ ཙ (ག་ཙྪཱ་མི, མ་ཡཾ) ག་ཙྪཱ་མ.
༢༣. ས་ངྐེ་ཏོ-ན་ཝ་ཡ་ཝོ-ནུ་བ་ནྡྷོ.
ཡོ ན་ཝ་ཡ་ཝ་བྷཱུ་ཏོ་ས་ངྐེ་ཏོ, སོ-ནུ་བ་ནྡྷོ་ཏི ཉཱ་ཏ་བྦོ, ‘‘ལུ་པི་ཏཱ་དཱི་ན་མཱ་སི་མྷི’’ ༢-༥༧ ཀ་ཏྟཱ.
ས་ངྐེ་ཏ་གྒ་ཧ་ཎཾ ཀིཾ? པ་ཀ་ཏི་ཡཱ་དི་ས་མུ་དཱ་ཡ་སྶཱ་ནུ་བ་ནྡྷ་ཏཱ མཱ ཧོ་ཏཱུ་ཏི, ཨ་ན་ཝ་ཡ་ཝོ་ཧི ས་མུ་དཱ་ཡོ… ས་མུ་དཱ་ཡ་རཱུ་པ་ཏྟཱ་ཡེ་ཝ.
ཨ་ན་ཝ་ཡ་ཝ་གྒ་ཧ་ཎཾ ཀིཾ? ‘‘ཨ་ཏེ་ན’’ ༢-༡༠༨ ཛ་ནེ་ན. ཨི་མི་ནཱ་ཝ ལོ་པ་སྶཱ་ཝ་ག་ཏ་ཏྟཱ ནཱ་ནུ་བ་ནྡྷ་ལོ་པཱ་ཡ ཝ་ཙ་ན་མཱ་ར་དྡྷཾ.
༢༤. ཝ་ཎྞ་པ་རེ་ན ས་ཝ་ཎྞོ་པི.
ཝ་ཎྞ་ས་དྡོ པ་རོ ཡ་སྨཱ ཏེ་ན ས་ཝ་ཎྞོ་པི ག་ཡ྄ཧ་ཏི སཾ་ཙ རཱུ་པཾ ‘‘ཡུ་ཝ་ཎྞཱ་ན་མེ་ཨོ ལུ་ཏྟཱ’’ ༡-༢༩ ཝཱ་ཀེ་རི་ཏཾ, ས་མོ་ནཱ.
༢༥. ནྟུ ཝ་ནྟུ་མ་ནྟྭཱ་ཝ་ནྟུ་ཏ་ཝ་ནྟུ་ས་མྦ་ནྡྷཱི.
ཝ་ནྟྭཱ་དི་ས་མྦ་ནྡྷཱི་ཡེ་ཝ་ནྟུ ག་ཡ྄ཧ་ཏི, ‘‘ནྟ་ནྟཱུ་ནཾ ནྟོ ཡོ་མྷི པ་ཋ་མེ’’ ༢-༢༡༥ གུ་ཎ་ཝ་ནྟོ.
ཝ་ནྟྭཱ་དི་ས་མྦ་ནྡྷཱི་ཏི ཀིཾ? ཛ་ནྟཱུ ཏ་ནྟཱུ.
(པ་རི་བྷཱ་སཱ་ཡོ.)
༢༦. ས་རོ ལོ་པོ ས་རེ.
ས་རེ ས་རོ ལོ་པ་ནཱི་ཡོ ཧོ་ཏི. ཏ་ཏྲི-མེ, ས་དྡྷི-ནྡྲི་ཡཾ, ནོ་ཧེ-ཏཾ, བྷི་ཀྑུ་ནོ-ཝཱ་དོ, ས་མེ་ཏཱ-ཡ་སྨཱ, ཨ་བྷི་བྷཱ-ཡ་ཏ་ནཾ, པུ་ཏྟཱ་མ-ཏྠི, ཨ་ས་ནྟེ-ཏྠ.
༢༧. པ་རོ ཀྭ་ཙི.
ས་ར་མྷཱ པ་རོ ས་རོ ཀྭ་ཙི ལོ་པ་ནཱི་ཡོ ཧོ་ཏི. སོ-པི, སཱ་ཝ, ཡ་ཏོ-ད་ཀཾ, ཏ་ཏོ-ཝ. ཀྭ་ཙཱི་ཏི་ཀིཾ? ས་དྡྷི-ནྡྲི་ཡཾ, ཨ་ཡ་མ་དྷི་ཀཱ་རོ ཨཱ་པ་རི་ཙྪེ་དཱ་ཝ་སཱ་ནཱ, ཏེ་ན ནཱ་ཏི་པྤ་ས་ངྒོ.
༢༨. ན དྭེ་ཝཱ.
པུ་བྦ་པ་ར་ས་རཱ དྭེ་པི ཝཱ ཀྭ་ཙི ན ལུ་པྱ་ནྟེ, ལ་ཏཱ ཨི་ཝ, ལ་ཏེ-ཝ, ལ་ཏཱ-ཝ.
༢༩. ཡུ་ཝ་ཎྞཱ་ན་མེ་ཨོ ལུ་ཏྟཱ.
ལུ་ཏྟཱ ས་རཱ པ་རེ་སཾ ཨི་ཝ་ཎྞུ་ཝ་ཎྞཱ་ནཾ ཨེ་ཨོ ཧོ་ནྟི ཝཱ ཡ་ཐཱ་ཀྐ་མཾ.
ཏ་སྶེ-དཾ, ཝཱ་ཏེ-རི་ཏཾ, ནོ-པེ་ཏི, ཝཱ་མོ-རཱུ, ཨ་ཏེ-ཝ་ཉྙེ་ཧི, ཝོ-ད་ཀཾ. ཀ་ཐཾ ‘‘པ་ཙྩོ་ར་སྨི’’ནྟི? ཡོ་ག་ཝི་བྷཱ་གཱ. ཝཱ་ཏྭེ་ཝ? ཏ་སྶི་དཾ.
ལུ་ཏྟེ་ཏི ཀིཾ? ལ་ཏཱ ཨི་ཝ.
༣༠. ཡ་ཝཱ ས་རེ.
ས་རེ པ་རེ ཨི་ཝ་ཎྞུ་ཝ་ཎྞཱ་ནཾ ཡ་ཀཱ་ར་ཝ་ཀཱ་རཱ ཧོ་ནྟི ཝཱ ཡ་ཐཱ་ཀྐ་མཾ. བྱཱ་ཀ་ཏོ, ཨི་ཙྩ་སྶ, ཨ་ཛ྄ཛྷི་ཎ་མུ་ཏྟོ, སྭཱ་ག་ཏཾ, སྭཱ་པ་ན་ལཱ་ནི་ལཾ, ཝཱ་ཏྭེ་ཝ? ཨི་ཏི-སྶ. ཀྭ་ཙི་ཏྭེ་ཝ? ཡཱ་ནཱི-དྷ, སཱུ-པ་ཊྛི་ཏཾ.
༣༡. ཨེ་ཨོ་ནཾ.
ཨེ་ཨོ་ནཾཡ་ཝཱ་ཡོ་ནྟི ཝཱ ས་རེ ཡ་ཐཱ་ཀྐ་མཾ. ཏྱ་ཛྫ ཏེ-ཛྫ, སྭཱ་ཧཾ སོ-ཧཾ. ཀྭ་ཙི་ཏྭེ་ཝ? པུ་ཏྟཱ་མ-ཏྠི, ཨ་ས་ནྟེ-ཏྠ.
༣༢. གོ་སྶཱ-ཝ་ང.
ས་རེ གོ་སྶ ཨ་ཝ་ང ཧོ་ཏི. ག་ཝཱ-སྶཾ. ‘ཡ་ཐ་རཱི་ཝ, ཏ་ཐ་རི་ཝེ’ཏི ནི་པཱ་ཏཱ་ཝ, ‘བྷུ་སཱ་མི་ཝེ’ཏི ཨི་ཝ་ས་དྡོ ཨེ་ཝ་ཏྠོ.
༣༣. བྱ་ཉྫ་ནེ དཱི་གྷ་ར་སྶཱ.
ར་སྶ་དཱི་གྷཱ་ནཾ ཀྭ་ཙི དཱི་གྷ་ར་སྶཱ ཧོ་ནྟི བྱ་ཉྫ་ནེ. ཏ་ཏྲཱ-ཡཾ, མུ་ནཱི་ཙ་རེ, ས་མྨ་དེ་ཝ, མཱ་ལ་བྷཱ་རཱི.
༣༤. ས་ར་མྷཱ དྭེ.
ས་ར་མྷཱ པ་ར་སྶ བྱ་ཉྫ་ན་སྶ ཀྭ་ཙི དྭེ རཱུ་པཱ་ནི ཧོ་ནྟི. པ་གྒ་ཧོ. ས་ར་མྷཱ་ཏི ཀིཾ? ཏཾ ཁ་ཎཾ.
༣༥. ཙ་ཏུ་ཏྠ་དུ་ཏི་ཡེ་སྭེ་སཾ ཏ་ཏི་ཡ་པ་ཋ་མཱ.
ཙ་ཏུ་ཏྠ་དུ་ཏི་ཡེ་སུ པ་རེ་སྭེ་སཾ ཙ་ཏུ་ཏྠ་དུ་ཏི་ཡཱ་ནཾ ཏ་བྦ་གྒེ ཏ་ཏི་ཡ པ་ཋ་མཱ ཧོ་ནྟི. པ་ཙྩཱ་ས་ཏྠྱཱ, ནི་གྒྷོ་སོ, ཨ་ཀྑ་ནྟི, བོ་ཛ྄ཛྷ་ངྒཱ, སེ་ཏ་ཙྪ་ཏྟཾ, ད་ཌྜྷོ, ནི་ཊྛཱ་ནཾ, མ་ཧ་དྡྷ་ནོ, ཡ་ས་ཏྠེ་རོ, ཨ་པྥུ་ཊཾ, ཨ་བྦྷུ་གྒ་ཏོ. ཨེ་སྭཱི་ཏི ཀིཾ? ཐེ་རོ. ཨེ་ས་ནྟི ཀིཾ? པ་ཏྠོ.
༣༦. ཝི་ཏི་སྶེ་ཝེ ཝཱ.
ཨེ་ཝ་ས་དྡེ པ་རེ ཨི་ཏི་སྶ ཝོ ཧོ་ཏི ཝཱ. ཨི་ཏྭེ་ཝ, ཨི་ཙྩེ་ཝ. ཨེ་ཝེ་ཏི ཀིཾ? ཨི་ཙྩཱ་ཧ.
༣༧. ཨེ་ཨོ་ན་མ ཝ་ཎྞེ.
ཨེ་ཨོ་ནཾ ཝ་ཎྞེ ཀྭ་ཙི ཨ ཧོ་ཏི ཝཱ. དི་སྭཱ ཡཱ་ཙ་ཀ མཱ་ག་ཏེ, ཨ་ཀ་ར་མྷ་ས ཏེ, ཨེ་ས ཨ་ཏྠོ, ཨེ་ས དྷ་མྨོ, ཨ་གྒ་མ་ཀྑཱ་ཡ་ཏི, སྭཱ་ཏ་ནཾ, ཧི་ཡྻ་ཏྟ་ནཾ, ཀ་ར་སྶུ. ཝཱ་ཏྭེ་ཝ? ཡཱ་ཙ་ཀེ ཨཱ་ག་ཏེ ཨེ་སོ དྷ་མྨོ. ཝ་ཎྞེ་ཏི ཀིཾ? སོ.
༣༨. ནི་གྒ་ཧཱི་ཏཾ.
ནི་གྒ་ཧཱི་ཏ་མཱ་ག་མོ ཧོ་ཏི ཝཱ ཀྭ་ཙི. ཙ་ཀྑུཾ ཨུ་ད་པཱ་དི ཙ་ཀྑུ་ཨུ་ད་པཱ་དི, པུ་རི་མཾ ཛཱ་ཏིཾ པུ་རི་མ་ཛཱ་ཏིཾ, ཀ་ཏྟ་བྦཾ ཀུ་ས་ལཾ བ་ཧུཾ. ཨ་ཝཾ་སི་རོ་ཏི་ཨཱ་དཱི་སུ ནི་ཙྩཾ… ཝ་ཝ་ཏྠི་ཏ་ཝི་བྷཱ་ས་ཏྟཱ ཝཱ་དྷི་ཀཱ་ར་སྶ, སཱ་མ་ཏྟི་ཡེ་ནཱ་ག་མོ་ཝ, ས ཙ ར་སྶ ས་ར་སྶེ་ཝ ཧོ་ཏི… ཏ་སྶ ར་སྶཱ་ནུ་ག་ཏ་ཏྟཱ.
༣༩. ལོ་པོ.
ནི་གྒ་ཧཱི་ཏ་སྶ ལོ་པོ ཧོ་ཏི ཝཱ ཀྭ་ཙི. ཀྱཱ་ཧཾ ཀི་མ་ཧཾ་སཱ་ར་ཏྟོ སཾ་ར་ཏྟོ. ས་ལླེ ཁོ-ག་ནྟུ་ཀཱ་མོ ག་ནྟུ་མ་ནོ་ཏི, ཨཱ་དཱི་སུ ནི་ཙྩཾ.
༤༠. པ་ར་ས་ར་སྶ.
ནི་གྒ་ཧཱི་ཏ་མྷཱ པ་ར་སྶ ས་ར་སྶ ལོ་པོ ཧོ་ཏི ཝཱ ཀྭ་ཙི. ཏྭཾ-སི ཏྭ་མ་སི.
༤༡. ཝ་གྒེ ཝ་གྒ་ནྟོ.
ནི་གྒ་ཧཱི་ཏ་སྶ ཁོ ཝ་གྒེ ཝ་གྒ་ནྟོ ཝཱ ཧོ་ཏི པ་ཙྩཱ་ས་ཏྟྱཱ. ཏ་ངྐ་རོ་ཏི ཏཾ ཀ་རོ་ཏི, ཏ་ཉྩ་ར་ཏི ཏཾ ཙ་ར་ཏི, ཏ་ཎྛཱ་ནཾ ཏཾ ཋཱ་ནཾ, ཏ་ནྡྷ་ནཾ ཏཾ དྷ་ནཾ, ཏ་མྤཱ་ཏི ཏཾ པཱ་ཏི. ནི་ཙྩཾ པ་ད་མ་ཛ྄ཛྷེ ག་ནྟྭཱ, ཀྭ་ཙ་ཉྙཱ་ཏྲ་པི ས་ནྟི་ཊྛ་ཏི.
༤༢. ཡེ་ཝ་ཧི་སུ ཉོ.
ཡ ཨེ་ཝ ཧི ས་དྡེ་སུ ནི་གྒ་ཧཱི་ཏ་སྶ ཝཱ ཉོ ཧོ་ཏི. ཡ་ཉྙ་དེ་ཝ, ཏ་ཉྙེ་ཝ, ཏ་ཉྷི, ཝཱ་ཏྭེ་ཝ? ཡཾ ཡ་དེ་ཝ.
༤༣. ཡེ སཾ་སྶ.
སཾ་ས་དྡ་སྶ ཡཾ ནི་གྒ་ཧཱི་ཏཾ ཏ་སྶ ཝཱ ཉོ ཧོ་ཏི ཡ་ཀཱ་རེ. ས་ཉྙ་མོ སཾ་ཡ་མོ.
༤༤. མ་ཡ་དཱ ས་རེ.
ནི་གྒ་ཧཱི་ཏ་སྶ མ་ཡ་དཱ ཧོ་ནྟི ཝཱ ས་རེ ཀྭ་ཙི. ཏ་མ་ཧཾ, ཏ་ཡི་དཾ, ཏ་ད་ལཾ. ཝཱ ཏྭེ་ཝ? ཏཾ ཨ་ཧཾ.
༤༥. ཝ་ན་ཏ་ར་གཱ ཙཱ་ག་མཱ.
ཨེ་ཏེ མ་ཡ་དཱ ཙ ཨཱ་ག་མཱ ཧོ་ནྟི ས་རེ ཝཱ ཀྭ་ཙི. ཏི་ཝ་ངྒི་ཀཾ, ཨི་ཏོ ནཱ་ཡ་ཏི, ཙི་ནི་ཏྭཱ, ཏ་སྨཱ་ཏི་ཧ, ནི་རོ་ཛཾ, པུ་ཐ་གེ་ཝ, ཨི་དྷ་མཱ་ཧུ, ཡ་ཐ་ཡི་དཾ, ཨ་ཏྟ་ད་ཏྠཾ. ཝཱ ཏྭེ་ཝ? ཨ་ཏྟ་ཏྠཾ. ‘ཨ་ཏི་པྤ་གོ ཁོ ཏཱ་ཝཱ’ཏི-པ་ཋ་མ་ནྟོ པ་ག་ས་དྡོ་ཝ.
༤༦. ཚཱ ལོ༹.
ཚ་ས་དྡཱ པ་ར་སྶ ས་ར་སྶ ལ༹་ཀཱ་རོ ཨཱ་ག་མོ ཧོ་ཏི ཝཱ. ཚ་ལ༹་ངྒཾ, ཚ་ལཱ༹་ཡ་ཏ་ནཾ. ཝཱ་ཏྭེ་ཝ? ཚ་ཨ་བྷི་ཉྙཱ.
༤༧. ཏ་ད་མི་ནཱ་དཱི་ནི.
ཏ་ད་མི་ནཱ་དཱི་ནི སཱ་དྷཱུ་ནི བྷ་ཝ་ནྟི. ཏཾ ཨི་མི་ནཱ ཏ་ད་མི་ནཱ, ས་ཀིཾ ཨཱ་གཱ་མཱི ས་ཀ་དཱ་གཱ་མཱི, ཨེ་ཀཾ ཨི་དྷ ཨ་ཧཾ ཨེ་ཀ་མི་དཱ་ཧཾ, སཾ་ཝི་དྷཱ་ཡ ཨ་ཝ་ཧཱ་རོ སཾ་ཝི་དཱ་ཝ་ཧཱ་རོ, ཝཱ་རི་ནོ ཝཱ་ཧ་ཀོ ཝ་ལཱ་ཧ་ཀོ, ཛཱི་ཝ་ན་སྶ མཱུ་ཏོ ཛཱི་མཱུ་ཏོ, ཚ་ཝ་སྶ ས་ཡ་ནཾ སུ་སཱ་ནཾ, ཨུ་དྡྷཾ ཁ་མ་སྶ ཨུ་དུ་ཀྑ་ལཾ, པི་སི་ཏཱ་སོ པི་སཱ་ཙོ, མ་ཧི་ཡཾ ར་ཝ་ཏཱི་ཏི མ་ཡཱུ་རོ, ཨེ་ཝ་མ་ཉྙེ་པི པ་ཡོ་ག་ཏོ-ནུ་ག་ནྟ་བྦཱ, པ་རེ་སཾ པི་སོ་ད་རཱ་དི་མི་ཝེ་དཾ ད་ཊྛ་བྦཾ.
༤༨. ཏ་ཝ་གྒ་ཝ་ར་ཎཱ་ནཾ ཡེ ཙ་ཝ་གྒ་བ་ཡ་ཉཱ.
ཏ་ཝ་གྒ་ཝ་ར་ཎཱ་ནཾ ཀྭ་ཙི ཙ་ཝ་གྒ་བ་ཡ་ཉཱ ཧོ་ནྟི ཡ་ཐཱ་ཀྐ་མཾ ཡ་ཀཱ་རེ. ཨ་པུ་ཙྩ་ཎྜ་ཏཱ་ཡ, ཏ་ཙྪཾ, ཡ་ཛྫེ་ཝཾ, ཨ་ཛ྄ཛྷ་ཏྟཾ, ཐ་ཉྙཾ, དི་བྦཾ, པ་ཡྻོ་ས་ནཱ, པོ་ཀྑ་ར་ཉྙོ. ཀྭ་ཙི་ཏྭེ་ཝ? ར་ཏྟྱཱ
༤༩. ཝ་གྒ་ལ་སེ་ཧི ཏེ.
ཝ་གྒ་ལ་སེ་ཧི པ་ར་སྶ ཡ་ཀཱ་ར་སྶ ཀྭ་ཙི ཏེ ཝ་གྒ་ལ་སཱ ཧོ་ནྟི.
ས་ཀྐ་ཏེ, པ་ཙྩ་ཏེ, ཨ་ཊྚ་ཏེ, ཀུ་པྤ་ཏེ, ཕ་ལླ་ཏེ, ཨ་སྶ་ཏེ. ཀྭ་ཙི་ཏྭེ་ཝ? ཀྱཱ་ཧཾ.
༥༠. ཧ་སྶ ཝི་པ་ལླཱ་སོ.
ཧ་སྶ ཝི་པ་ལླཱ་སོ ཧོ་ཏི ཡ་ཀཱ་རེ. གུ་ཡ྄ཧཾ.
༥༡. ཝེ ཝཱ.
ཧ་སྶ ཝི་པ་ལླཱ་སོ ཧོ་ཏི ཝཱ ཝ་ཀཱ་རེ. བ་ཝ྄ཧཱ་བཱ་དྷོ བ་ཝ྄ཧཱ་བཱ་དྷོ.
༥༢. ཏ་ཐཱ་ན་རཱ་ནཾ ཊ་ཋ་ཎ་ལཱ
ཏ་ཐ་ན་རཱ་ནཾ ཊ་ཋ་ཎ་ལཱ ཧོ་ནྟི ཝཱ. དུ་ཀྐ་ཊཾ, ཨ་ཊྛ་ཀ་ཐཱ, ག་ཧ་ཎཾ, པ་ལི་གྷོ, པ་ལཱ་ཡ་ཏི. ཝཱ་ཏྭེ་ཝ? དུ་ཀྐ་ཏཾ. ཀྭ་ཙི་ཏྭེ་ཝ? སུ་ག་ཏོ.
༥༣. སཾ་ཡོ་གཱ་དི ལོ་པོ.
སཾ་ཡོ་ག་སྶ ཡོ ཨཱ་དཱི་བྷཱུ་ཏོ-ཝ་ཡ་ཝོ ཏ་སྶ ཝཱ ཀྭ་ཙི ལོ་པོ ཧོ་ཏི. པུ་པྥཾ-སཱ ཛཱ་ཡ་ཏེ-གི་ནི.
༥༤. ཝི་ཙྪཱ་བྷི་ཀྑ་ཉྙེ་སུ དྭེ.
ཝི་ཙྪཱ་ཡ་མཱ་བྷི་ཀྑ་ཉྙེ ཙ ཡཾ ཝ་ཏྟ་ཏེ, ཏ་སྶ དྭེ རཱུ་པཱ་ནི ཧོ་ནྟི. ཀྲི་ཡཱ་ཡ གུ་ཎེ་ན ད་བྦེ་ན ཝཱ བྷི་ནྣེ ཨ་ཏྠེ བྱཱ་པི་ཏུ་མི་ཙྪཱ ཝི་ཙྪཱ. རུ་ཀྑཾ རུ་ཀྑཾ སི་ཉྩ་ཏི, གཱ་མོ གཱ་མོ ར་མ་ཎཱི་ཡོ, གཱ་མེ གཱ་མེ པཱ་ནཱི་ཡཾ, གེ་ཧེ གེ་ཧེ ཨི་སྶ་རོ, ར་སཾ ར་སཾ བྷ་ཀྑ་ཡ་ཏི, ཀི་རི་ཡཾ ཀི་རི་ཡ་མཱ་ར་བྷ་ཏེ.
ཨ་ཏྠི་ཡེ་ཝཱ-ནུ་པུ་བྦི་ཡེ་པི ཝི་ཙྪཱ མཱུ་ལེ མཱུ་ལེ ཐཱུ་ལཱ, ཨ་གྒེ ཨ་གྒེ སུ་ཁུ་མཱ, ཡ་དི ཧི ཨེ་ཏྠ མཱུ་ལ་གྒ་བྷེ་དོ ན སི་ཡཱ, ཨཱ་ནུ་པུ་བྦི་ཡ་མྤི ན བྷ་ཝེ་ཡྻ. མཱ་ས་ཀཾ མཱ་ས་ཀཾ ཨི་མ་མྷཱ ཀ་ཧཱ་པ་ཎཱ བྷ་ཝ་ནྠཱ་ནཾ དྭི་ནྣཾ དེ་ཧཱི་ཏི མཱ་ས་ཀཾ མཱ་ས་ཀ་མི་ཙྩེ་ཏ་སྨཱ ཝི་ཙྪཱ་ག་མྱ་ཏེ, ས་དྡ་ནྟ་ར་ཏོ པ་ན ཨི་མ་མྷཱ ཀ་ཧཱ་པ་ཎཱ་ཏི ཨ་ཝ་དྷཱ་ར་ཎཾ. པུ་བྦཾ པུ་བྦཾ པུ་པྥ་ནྟི, པ་ཋ་མཾ པ་ཋ་མཾ པ་ཙྩ་ནྟཱི་ཏྱ་ཏྲཱ་པི ཝི་ཙྪཱ་ཝ. ཨི་མེ ཨུ་བྷོ ཨ་ཌྜྷཱ ཀ་ཏ་རཱ ཀ་ཏ་རཱ ཨེ་སཾ དྭི་ནྣ་མ་ཌྜྷ་ཏཱ, ས་བྦེ ཨི་མེ ཨ་ཌྜྷཱ ཀ་ཏ་མཱ ཀ་ཏ་མཱ ཨི་མེ་སཾ ཨ་ཌྜྷུ་ཏཱ ཨི་ཧཱ་པི ཝི་ཙྪཱ་ཝ. ཨཱ་བྷི་ཀྑ་ཉྙཾ པོ་ནོ་པུ་ཉྙཾ པ་ཙ་ཏི པ་ཙ་ཏི, པ་པ་ཙ་ཏི པ་པ་ཙ་ཏི, ལུ་ནཱ་ཧི ལུ་ནཱ་ཧི་ཏྭེ་ཝཱ་ཡཾ ལུ་ནཱ་ཏི, བྷུ་ཏྭཱ བྷུ་ཏྭཱ ག་ཙྪ་ཏི, པ་ཊ་པ་ཊཱ ཀ་རོ་ཏི, པ་ཊ་པ་ཊཱ་ཡ་ཏི.
༥༥. སྱཱ་དི་ལོ་པོ པུ་བྦ་སྶེ་ཀ་སྶ.
ཝི་ཙྪཱ་ཡ་མེ་ཀ་སྶ དྭི་ཏྟེ པུ་བྦ་སྶ སྱཱ་དི་ལོ་པོ ཧོ་ཏི. ཨེ་ཀེ་ཀ་སྶ. ཀ་ཐཾ མ་ཏྠ་ཀ་མ་ཏྠ་ཀེ་ནཱ་ཏི? ‘སྱཱ་དི་ལོ་པོ པུ་བྦ་སྶཱ’ཏི ཡོ་ག་ཝི་བྷཱ་གཱ, ནཱ་ཙཱ་ཏི་པྤ་ས་ངྒོ ཡོ་ག་ཝི་བྷཱ་གཱ ཨི་ཊྛ་པྤ་སི་དྡྷཱི་ཏི.
༥༦. ས་བྦཱ་དཱི་ནཾ ཝཱི་ཏི་ཧཱ་རེ.
ས་བྦཱ་དཱི་ནཾ ཝཱི་ཏི་ཧཱ་རེ དྭེ བྷ་ཝ་ནྟི པུ་བྦ་སྶ སྱཱ་དི་ལོ་པོ ཙ. ཨ་ཉྙ་མ་ཉྙ་སྶ བྷོ་ཛ་ཀཱ, ཨི་ཏ་རཱི་ཏ་ར་སྶ བྷོ་ཛ་ཀཱ.
༥༧. ཡཱ་ཝ་བོ་དྷཾ ས་མྦྷ་མེ.
ཏུ་རི་ཏེ་ནཱ་པཱ་ཡ་ཧེ་ཏུ་པ་ད་སྶ་ནཾ ས་མྦྷ་མོ, ཏ་སྨིཾ་ས་ཏི ཝ་ཏྠུ ཡཱ་ཝ་ནྟེ་ཧི ས་དྡེ་ཧི སོ-ཏྠོ ཝི་ཉྙཱ་ཡ་ཏེ, ཏཱ་ཝ་ནྟོ ས་དྡཱ པ་ཡུ་ཛྫ་ནྟེ. ས་པྤོ ས་པྤོ ས་པྤོ, བུ་ཛ྄ཛྷ་སྶུ བུ་ཛ྄ཛྷ་སྶུ བུ་ཛ྄ཛྷ་སྶུ, བྷི་ནྣོ བྷི་ཀྑུ་ས་ངྒྷོ བྷི་ནྣོ བྷི་ཀྑུ་ས་ངྒྷོ.
༥༨. བ་ཧུ་ལཾ.
ཨ་ཡ་མ་དྷི་ཀཱ་རོ ཨཱ་ས་ཏྠ་པ་རི་ས་མ་ཏྟི་ཡཱ. ཏེ་ན ནཱ་ཏི་པྤ་ས་ངྒོ ཨི་ཊྛ་པྤ་སི་དྡྷི ཙ.
ཨི་ཏི མོ་གྒ་ལླཱ་ནེ བྱཱ་ཀ་ར་ཎེ ཝུ་ཏྟི་ཡཾ
པ་ཋ་མོ ཀ་ཎྜོ.
༢. དུ་ཏི་ཡོ ཀ་ཎྜོ (སྱཱ་དི)
༡. དྭེ དྭེ-ཀཱ་ནེ་ཀེ་སུ ནཱ་མ་སྨཱ སི ཡོ, ཨཾ ཡོ, ནཱ ཧི, ས ནཾ, སྨཱ ཧི, ས ནཾ, སྨིཾ སུ.
ཨེ་ཏེ་སཾ དྭེ དྭེ ཧོ་ནྟི ཨེ་ཀཱ་ནེ་ཀ་ཏྠེ་སུ ཝ་ཏྟ་མཱ་ན་ཏོ ནཱ་མ་སྨཱ. མུ་ནི མུ་ན་ཡོ, མུ་ནིཾ མུ་ན་ཡོ, མུ་ནི་ནཱ མུ་ནཱི་ཧི, མུ་ནི་སྶ མུ་ནཱི་ནཾ, མུ་ནི་སྨཱ མུ་ནཱི་ཧི, མུ་ནི་སྶ མུ་ནཱི་ནཾ, མུ་ནི་སྨིཾ མུ་ནཱི་སུ, ཨེ་ཝཾ ཀུ་མཱ་རཱི ཀུ་མཱ་རི་ཡོ, ཀ་ཉྙཱ ཀ་ཉྙཱ་ཡོ་ཏི. ཨེ་ཏཱ་ནི ས་ཏྟ དུ་ཀཱ་ནི ས་ཏྟ ཝི་བྷ་ཏྟི་ཡོ ཝི་བྷཱ་གོ ཝི་བྷ་ཏཱི་ཏི ཀ་ཏྭཱ, ཨེ་ཏྠ སི་ཨ་མི་ཏཱི-ཀཱ་རཱ-ཀཱ་རཱ ‘‘ཀི་མཾ སི་སུ’’ ༢,༢༠༠ ཏི སཾ་ཀེ་ཏ་ཏྠཱ.
༢. ཀ་མྨེ དུ་ཏི་ཡཱ.
ཀ་རཱི་ཡ་ཏི ཀ་ཏྟུ ཀི་རི་ཡཱ་ཡཱ-བྷི་ས་མྦ་ནྡྷཱི་ཡ་ཏཱི་ཏི ཀ་མྨཾ, ཏ་སྨིཾ དུ་ཏི་ཡཱ་ཝི་བྷ་ཏྟི ཧོ་ཏཾ. ཀ་ཊཾ ཀ་རོ་ཏི, ཨོ་ད་ནཾ པ་ཙ་ཏི, ཨཱ་དི་ཙྩཾ པ་སྶ་ཏི.
‘ཨོ་ད་ནོ པ་ཙྩ་ཏཱི’ཏི ཨོ་ད་ན་ས་དྡ་ཏོ ཀ་མྨ་ཏཱ ན་པྤ་ཏཱི་ཡ་ཏེ, ཀི་ཉྩ་ར་ཧི? ཨཱ་ཁྱཱ་ཏ་ཏོ. ‘ཀ་ཊཾ ཀ་རོ་ཏི ཝི་པུ་ལཾ ད་སྶ་ནཱི་ཡ’ནྟི ཨ་ཏྠེ་ཝ གུ་ཎ་ཡུ་ཏྟ་སྶ ཀ་མྨ་ཏཱ, ཨི་ཙྪི་ཏེ་པི ཀ་མྨ་ཏྟཱ་ཝ དུ་ཏི་ཡཱ སི་དྡྷཱ གཱ་ཝུཾ པ་ཡོ དོ་ཧ་ཏི, གོ་མ་ནྟཾ གཱ་ཝཾ ཡཱ་ཙ་ཏི, གཱ་ཝ་མ་ཝ་རུ་ནྡྷ་ཏི ཝ་ཛཾ, མཱ་ཎ་ཝ་ཀཾ མ་གྒཾ པུ་ཙྪ་ཏི, གོ་མ་ནྟཾ གཱ་ཝཾ བྷི་ཀྑ་ཏེ, རུ་ཀྑ་མ་ཝ་ཙི་ནཱ་ཏི ཕ་ལཱ་ནི, སི་སྶཾ དྷ་མྨཾ བྲཱུ་ཏེ, སི་སྶཾ དྷ་མྨ་མ་ནུ་སཱ་ས་ཏཱི་ཏི. ཨེ་ཝཾ ཨ་ནི་ཙྪི་ཏེ་པི ཨ་ཧིཾ ལ་ངྒྷ་ཡ་ཏི, ཝི་སཾ བྷ་ཀྑེ་ཏི. ཡཾ་ནེ་ཝི་ཙྪི་ཏཾ ནཱ་པི ཨ་ནི་ཙྪི་ཏཾ, ཏ་ཏྠཱ་པི དུ་ཏི་ཡཱ སི་དྡྷཱ. གཱ་མཾ ག་ཙྪ་ནྟོ རུ་ཀྑ་མཱུ་ལ་མུ་པ་ས་པྤ་ཏི.
པ་ཐ་ཝིཾ ཨ་དྷི་སེ་སྶ་ཏི, གཱ་མ་མ་དྷི་ཏི་ཊྛ་ཏི, རུ་ཀྑ་མ་ཛ྄ཛྷཱ་ས་ཏེ་ཏི་ཨ་དྷི་སཱི་ཋཱ་སཱ་ནཾ་པ་ཡོ་གེ-དྷི་ཀ་ར་ཎེ ཀ་མྨ་ཝ་ཙ་ནི་ཙྪཱ, ཝ་ཏྟི་ཙྪཱ་ཏོ ཧི ཀཱ་ར་ཀཱ་ནི ཧོ་ནྟི. ཏཾ ཡ་ཐཱ-ཝ་ལཱ་ཧ་ཀཱ ཝི་ཛྫོ་ཏ་ཏེ, ཝ་ལཱ་ཧ་ཀ་སྶ ཝི་ཛྫོ་ཏ་ཏེ, ཝ་ལཱ་ཧ་ཀོ ཝི་ཛྫོ་ཏ་ཏེ, ཝ་ལཱ་ཧ་ཀེ ཝི་ཛྫོ་ཏ་ཏེ, ཝ་ལཱ་ཧ་ཀེ་ན ཝི་ཛྫོ་ཏ་ཏེ་ཏི. ཨེ་ཝ་མ་བྷི་ནི་ཝི་ས་སྶ ཝཱ དྷ་མྨ་མ་བྷི་ནི་ཝི་ས་ཏེ དྷ་མྨེ ཝཱ.
ཏ་ཐཱ ཨུ་པ་ནྭ་ཛ྄ཛྷཱ་ཝ་ས་སྶཱ་བྷོ་ཛ་ན ནི་ཝུ་ཏྟི་ཝ་ཙ་ན་སྶ གཱ་མ་མུ་པ་ཝ་ས་ཏི, ག, མ་མ་ནུ་ཝ་ས་ཏི, པ་བྦ་ཏ་མ་དྷི་ཝ་ས་ཏི, གྷ་ར་མཱ་ཝ་ས་ཏི. ཨ་བྷོ་ཛ་ན་ནི་ཝུ་ཏྟི ཝ་ཙ་ན་སྶཱ་ཏི ཀིཾ? གཱ་མེ ཨུ་པ་ཝ་ས་ཏི, བྷོ་ཛ་ན་ནི་ཝུ་ཏྟིཾ ཀ་རོ་ཏཱི་ཏི ཨ་ཏྠོ. ཏ་པྤཱ་ནཱ་ཙཱ་རེ་པི ཀ་མྨ་ཏྟཱ་ཝ དུ་ཏི་ཡཱ སི་ཡཱ ན་དི་མྤི་ཝ་ཏི, གཱ་མཾ ཙ་ར་ཏི, ཨེ་ཝཾ ‘ས་ཙེ མཾ ཨཱ་ལ་པི་སྶ་ཏཱི’ཏི་ཨཱ་དཱི་སུ་པི. ཝི་ཧི་ཏཱ་ཝ པ་ཏི་དྷ་ཡོ་གེ དུ་ཏི་ཡཱ – ‘པ་ཊི་བྷ་ནྟུ ཏཾ ཙུ་ནྡ བོ་ཛ྄ཛྷ་ངྒཱ’ཏི. ཏཾ པ་ཏི བོ་ཛ྄ཛྷ་ངྒཱ བྷཱ་ས་ནྟཱུ་ཏི ཨ་ཏྠོ, ཡ་དཱ་ཏུ དྷཱ་ཏུ་ནཱ་ཡུ་ཏྟོ པ་ཏི, ཏ་དཱ ཏེ་ནཱ-ཡོ་གཱ ས་མྦ་ནྡྷེ ཚ་ཊྛཱི་ཝ ‘ཏ་སྶ ན་པྤ་ཊི་བྷཱ་ཏཱི’ཏི. ཨ་ཀྑེ དི་བྦ་ཏི, ཨ་ཀྑེ་ཧི དི་བྦ་ཏི, ཨ་ཀྑེ་སུ དི་བྦ་ཏཱི་ཏི ཀ་མྨ་ཀ་ར་ཎཱ་དྷི་ཀ་ར་ཎ་ཝ་ཙ་ནི་ཙྪཱ.
༣. ཀཱ་ལ་དྡྷཱ་ན་མ་ཙྩ་ནྟ་སཾ་ཡོ་གེ.
ཀི་རི་ཡཱ, གུ་ཎ, ད་བྦེ་ཧི སཱ་ཀ་ལླེ་ན ཀཱ་ལ་དྡྷཱ་ནཾ ས་མྦ་ནྡྷོ ཨ་ཙྩ་ནྟ་སཾ་ཡོ་གོ. ཏ་སྨིཾ ཝི་ཉྙཱ་ཡ་མཱ་ནེ ཀཱ་ལ་ས་དྡེ་ཧི ཨ་དྡྷ་ཨ་དྡེ་ཧི ཙ དུ་ཏི་ཡཱ ཧོ་ཏི. མཱ་ས་མ་དྷཱི་ཏེ, མཱ་སཾ ཀ་ལྱཱ་ཎི, མཱ་སཾ གུ་ལ༹་དྷཱ་ནཱ, ཀོ་ས་མ་དྷཱི་ཏེ, ཀོ་སཾ ཀུ་ཊི་ལཱ ན་དཱི, ཀོ་སཾ པ་བྦ་ཏོ. ཨ་ཙ་ནྟ་སཾ་ཡོ་གེ་ཏི ཀིཾ? མཱ་ས་སྶ དྭཱི་ཧ་མ་དྷཱི་ཏེ, ཀོ་ས་སྶེ་ཀ་དེ་སེ པ་བྦ་ཏོ.
པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ, ཨེ་ཀཾ ས་མ་ཡཾ བྷ་ག་ཝཱ, ཨི་མཾ ར་ཏྟིཾ ཙ་ཏྟཱ་རོ མ་ཧཱ་རཱ་ཛཱ་ཏི ཨེ་ཝ་མཱ་དཱི་སུ ཀཱ་ལ་ཝཱ་ཙཱི ཧི ཨ་ཙྩ་ནྟ་སཾ་ཡོ་ག་ཏྟཱ་ཝ དུ་ཏི་ཡཱ སི་དྡྷཱ. ཝི་བྷ་ཏྟི་ཝི་པ་ལླཱ་སེ་ན་པི ཝཱ བ་ཧུ་ལཾ་ཝི་དྷཱ་ནཱ.
ཕ་ལ་པྤ་ཏྟི་ཡཾ ཀི་རི་ཡཱ་པ་རི་ས་མ་ཏྟྱ་པ་ཝ་གྒོ, ཏ་སྨིཾ ཝི་ཉྙཱ་ཡ་མཱ་ནེ ཀཱ་ལ་དྡྷཱ་ནཾ ཀི་རི་ཡཱ་ཡཱ་ཙྩ་ནྟ་སཾ་ཡོ་གེ ཏ་ཏི་ཡཱ་བྷི་མ་ཏཱ, སཱ་པི ཀ་ར་ཎ་ཏྟཱ་ཝ སི་དྡྷཱ ‘མཱ་སེ་ནཱ་ནུ་ཝཱ་ཀོ-དྷཱི་ཏོ, ཀོ་སེ་ནཱ་ནུ་ཝཱ་ཀོ-དྷཱི་ཏོ’ཏི. ཨ་ན་པ་ཝ་གྒེ་ཏུ ཨ་སཱ་དྷ་ཀ་ཏ་མ་ཏྟཱ་ཀ་ར་ཎ་ཏྟཱ་བྷཱ་ཝེ དུ་ཏི་ཡཱ་ཝ ‘མཱ་ས་མ་དྷཱི་ཏོ-ནུ་ཝཱ་ཀོ, ན ཙཱ་ནེ ན ག་ཧི་ཏོ’ཏི.
ཀཱ་ར་ཀ་མ་ཛ྄ཛྷེ ཡེ ཀཱ་ལ་དྡྷཱ་ན་ཝཱ་ཙི་ནོ, ཏ་ཏོ ས་ཏྟ་མཱི་པ་ཉྩ་མི་ཡོ ཨ་བྷི་མ་ཏཱ ‘ཨ་ཛྫ བྷུ་ཏྭཱ དེ་ཝ་ད་ཏྟོ དྭི་ཧེ བྷུ་ཉྫི་སྶ་ཏི, དྭཱི་ཧཱ བྷུ་ཉྫི་སྶ་ཏི, ཨ་ཏྲ་ཊྛོ-ཡ་མི་སྶཱ་སོ ཀོ་སེ ལ་ཀྑཾ ཝི་ཛ྄ཛྷ་ཏི, ཀོ་སཱ ལ་ཀྑཾ ཝི་ཛ྄ཛྷ་ཏཱི’ཏི, ཏཱ་པཱི་ཧ ས་ཀ་ས་ཀ་ཀཱ་ར་ཀ་ཝ་ཙ་ནི་ཙྪཱ་ཡེ་ཝ སི་དྡྷཱ.
༤. ག་ཏི བོ་དྷཱ་ཧཱ་ར ས་དྡ་ཏྠཱ་ཀ་མྨ་ཀ བྷ་ཛྫཱ་དཱི་ནཾ པ་ཡོ་ཛྫེ.
ག་མ་ན་ཏྠཱ་ནཾ བོ་དྷ་ཏྠཱ་ནཾ ཨཱ་ཧཱ་ར་ཏྠཱ་ནཾ ས་དྡ་ཏྠཱ་ན་མ་ཀ་མྨ་ཀཱ་ནཾ བྷ་ཛྫཱ་དཱི་ན་ཉྩ པ་ཡོ་ཛྫེ ཀ་ཏྟ་རི དུ་ཏི་ཡཱ ཧོ་ཏི. སཱ་མ་ཏྠི་ཡཱ ཙ པ་ཡོ་ཛ་ཀ་བྱཱ་པཱ་རེ་ན ཀ་མྨ་ཏཱ་ཝ་སྶ ཧོ་ཏཱི་ཏི པ་ཏཱི་ཡ་ཏེ. ག་མ་ཡ་ཏི མཱ་ཎ་ཝ་ཀཾ གཱ་མཾ, ཡཱ་པ་ཡ་ཏི མཱ་ཎ་ཝ་ཀཾ གཱ་མཾ, བོ་དྷ་ཡ་ཏི མཱ་ཎ་ཝ་ཀཾ དྷ་མྨཾ, ཝེ་ད་ཡ་ཏི མཱ་ཎ་ཝ་ཀཾ དྷ་མྨཾ, བྷོ་ཛ་ཡ་ཏི མཱ་ཎ-ཝ་ཀཾ མོ་ད་ཀཾ, ཨཱ་ས་ཡ་ཏི མཱ་ཎ་ཝ་ཀཾ མོ་ད་ཀཾ, ཨ་ཛ྄ཛྷཱ་པ་ཡ་ཏི མཱ་ཎ་ཝ་ཀཾ ཝེ་དཾ, པཱ་ཋ་ཡ་ཏི མཱ་ཎ་ཝ་ཀཾ ཝེ་དཾ, ཨཱ་ས་ཡ་ཏི དེ་ཝ་ད་ཏྟཾ, སཱ་ཡ་ཡ་ཏི དེ་ཝ་ད་ཏྟཾ, ཨ་ཉྙཾ བྷ་ཛྫཱ་པེ་ཏི, ཨ་ཉྙཾ ཀོ་ཊྚཱ་པེ་ཏི, ཨ་ཉྙཾ ས་ནྠ་རཱ་པེ་ཏི. ཨེ་ཏེ་ས་མེ་ཝཱ་ཏི ཀིཾ? པཱ་ཙེ་ཏི ཨོ་ད་ནཾ དེ་ཝ་ད་ཏྟེ་ན ཡ་ཉྙ་ད་ཏྟོ. པ་ཡོ་ཛྫེ་ཏི ཀིཾ? ག་ཙྪ་ཏི དེ་ཝ་ད་ཏྟོ. ཡ་དཱ ཙ་ར་ཧི ག་མ་ཡ་ཏི དེ་ཝ་ད་ཏྟཾ ཡ་ཉྙ་ད་ཏྟོ, ཏ་མ་པ་རོ པ་ཡོ་ཛེ་ཏི, ཏ་དཱ ག་མ་ཡ་ཏི དེ་ཝ་ད་ཏྟཾ ཡ་ཉྙ་ད་ཏྟེ་ནེ་ཏི བྷ་ཝི་ཏ་བྦཾ … ག་མ་ཡ་ཏི་སྶཱ-ག་མ་ན་ཏྠ་ཏྟཱ.
༥. ཧ་རཱ་དཱི་ནཾ ཝཱ.
ཧ་རཱ་དཱི་ནཾ པ་ཡོ་ཛྫེ ཀ་ཏྟ་རི དུ་ཏི་ཡཱ ཧོ་ཏི ཝཱ. ཧཱ་རེ་ཏི བྷཱ་རཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ, ཨ་ཛ྄ཛྷོ་ཧཱ་རེ་ཏི ས་ཏྟུཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ, ཀཱ་རེ་ཏི ཀ་ཊཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ ད་སྶ་ཡ་ཏེ ཛ་ནཾ རཱ་ཛཾ ཛ་ནེ་ནེ་ཏི ཝཱ, ཨ་བྷི་ཝཱ་ད་ཡ་ཏེ གུ་རུཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ.
༦. ན ཁཱ་དཱ་དཱི་ནཾ.
ཁཱ་དཱ་དཱི་ནཾ པ་ཡོ་ཛྫེ ཀ་ཏྟ་རི དུ་ཏི་ཡཱ ན ཧོ་ཏི. ཁཱ་ད་ཡ་ཏི དེ་ཝ་ད་ཏྟེ་ན, ཨཱ་ད་ཡ་ཏི དེ་ཝ་ད་ཏྟེ་ན, ཨ་ཝ྄ཧ, པ་ཡ་ཏི དེ་ཝ་ད་ཏྟེ་ན, ས་དྡཱ་ཡ་ཡ་ཏི དེ་ཝ་ད་ཏྟེ་ན, ཀ་ནྡ་ཡ་ཏི དེ་ཝ་ད་ཏྟེ་ན, ནཱ་ཡ་ཡ་ཏི དེ་ཝ་ད་ཏྟེ་ན.