(༣) ཏ་ཏི་ཡོ ཀ་ཎྜོ (ས་མཱ་སོ)
༡. སྱཱ་དི སྱཱ་དི་ནེ་ཀ་ཏྠཾ.
སྱཱ་དྱ་ནྟཾ སྱཱ་དྱ་ནྟེ་ན ས་ཧེ་ཀ་ཏྠཾ ཧོ་ཏཱི་ཏི ཨི་ད་མ་དྷི་ཀ་ཏཾ ཝེ་དི་ཏ་བྦཾ, སོ ཙ བྷི་ནྣ་ཏྠཱ་ན་མེ་ཀ་ཏྠཱི་བྷཱ་ཝོ ས་མཱ་སོ་ཏི ཝུ་ཙྩ་ཏེ.
༢. ཨ་ས་ངྑྱཾ་ཝི་བྷ་ཏྟི ས་མྤ་ཏྟི ས་མཱི་པ སཱ་ཀ་ལྱཱ་བྷཱ་ཝ ཡ་ཐཱ པ་ཙྪཱ་ཡུ་ག་པ་ད་ཏྠེ.
ཨ་ས་ངྑྱཾ, སྱཱ་དྱ་ནྟཾ ཝི་བྷ་ཏྱཱ་དཱི་ན་མ་ཏྠེ ཝ་ཏྟ་མཱ་ནཾ སྱཱ་དྱ་ནྟེ་ན ས་ཧེ་ཀ་ཏྠཾ བྷ་ཝ་ཏི, ཏ་ཏྠ ཝི་བྷ་ཏྱ་ཏྠེ ཏཱ་ཝ ཨི་ཏྠཱི་སུ ཀ་ཐཱ པ་ཝ་ཏྟཱ ཨ་དྷི་ཏྠི. ས་མྤ་ཏྟི དྭི་དྷཱ ཨ་ཏྟ་ས་མྤ་ཏྟི ས་མི་དྡྷི ཙ, ས་མྤ་ནྣཾ བྲ་ཧྨཾ ས་བྲ་ཧྨཾ ལི་ཙྪ་ཝཱི་ནཾ, ས་མི་དྡྷི བྷི་ཀྑཱ་ནཾ སུ་བྷི་ཀྑཾ. ས་མཱི་པེ ཀུ་མྦྷ་སྶ ས་མཱི་པ་མུ་པ་ཀུ་མྦྷཾ. སཱ་ཀ་ལྱེ་ས་ཏི་ཎ་མ་ཛ྄ཛྷོ་ཧ་ར་ཏི, སཱ་གྱ་དྷཱི་ཏེ. ཨ་བྷཱ་ཝོ ས་མྦ་ནྡྷི་བྷེ་དཱ བ་ཧུ་ཝི་དྷོ, ཏ་ཏྲ ཨི་དྡྷཱ་བྷཱ་ཝེ-ཝི་ག་ཏཱ ཨི་དྡྷི ས་དྡི་ཀཱ་ནཾ དུ་སྶ་དྡི་ཀཾ, ཨ་ཏྠཱ་བྷཱ་ཝེ-ཨ་བྷཱ་ཝོ མ་ཀྑི་ཀཱ་ནཾ ནི་མྨ་ཀྑི་ཀཾ, ཨ་ཧི་ཀྐ་མཱ་བྷཱ་ཝེ-ཨ་ཏི་ག་ཏཱ་ནི ཏི་ཎཱ་ནི ནི་ཏྟི་ཎཾ, ས་མྤ་ཏྱཱ་བྷཱ་ཝེ-ཨ་ཏི་ག་ཏཾ ལ་ཧུ་པཱ་ཝུ་ར་ཎཾ ཨ་ཏི་ལ་ཧུ་པཱ་ཝུ་ར་ཎཾ, ལ་ཧུ་པཱ་ཝུ་ར་ཎ་སྶ ནཱ་ཡ་མུ་པ་བྷོ་ག་ཀཱ་ལོ་ཏི ཨ་ཏྠོ. ཡ་ཐཱ ཨེ་ཏྠཱ-ནེ་ཀ་ཝི་དྷོ, ཏ་ཏྲ ཡོ་གྒ་ཏཱ་ཡཾ-ཨ་ནུ་རཱུ་པཾ སུ་རཱུ་པོ་ཝ་ཧ་ཏི, ཝི་ཙྪཱ་ཡཾ-ཨ་ནྭ་དྡྷ་མཱ་སཾ, ཨ་ཏྠཱ་ན་ཏི་ཝ་ཏྟི་ཡཾ-ཡ་ཐཱ་ས་ཏྟི, ས་དི་ས་ཏྟེ, ས་དི་སོ ཀི་ཁི་ཡཱ ས་ཀི་ཁི, ཨཱ་ནུ་པུ་བྦི་ཡེ-ཨ་ནུ་ཛེ་ཊྛཾ, པ་ཙྪཱ་ད་ཏྠེ་ཨ་ནུ་ར་ཐཾ, ཡུ་ག་པ་ད་ཏྠེ-ས་ཙ་ཀྐཾ ནི་དྷེ་ཧི.
༣. ཡ་ཐཱ ན ཏུ་ལྱེ.
ཡ་ཐཱ་ས་དྡོ ཏུ་ལྱ་ཏྠེ ཝ་ཏྟ་མཱ་ནོ སྱཱ་དྱ་ནྟེ་ན ས་ཧེ་ཀ་ཏྠོ ན བྷ་ཝ་ཏི, ཡ་ཐཱ དེ་ཝ་ད་ཏྟོ ཏ་ཐཱ ཡ་ཉྙ་ད་ཏྟོ.
༤. ཡཱ་ཝཱ་ཝ་དྷཱ་ར་ཎེ.
ཡཱ་ཝ་ས་དྡོ-ཝ་དྷཱ་ར་ཎེ ཝ་ཏྟ་མཱ་ནོ སྱཱ་དྱ་ནྟེ་ན ས་ཧེ་ཀ་ཏྠོ བྷ་ཝ་ཏི, ཨ་ཝ་དྷཱ་ར་ཎ མེ་ཏྟ་ཀ་ཏཱ པ་རི་ཙྪེ་དོ, ཡཱ་ཝཱ་མ་ཏྟཾ བྲཱ་ཧྨ་ཎེ ཨཱ་མ་ནྟ་ཡ, ཡཱ་ཝ་ཛཱི་ཝཾ, ཨ་ཝ་དྷཱ་ར་ཎེ་ཏི ཀིཾ? ཡཱ་ཝ དི་ནྣཾ ཏཱ་ཝ བྷུ་ཏྟཾ, ནཱ་ཝ་དྷཱ་ར་ཡཱ་མི ཀི་ཏྟ་ཀཾ མ་ཡཱ བྷུ་ཏྟ་ནྟི.
༥. པ་ཡྻ་པཱ བ་ཧི ཏི་རོ པུ་རེ པ་ཙྪཱ ཝཱ པ་ཉྩ་མྱཱ.
པ་རི་ཨཱ་ད་ཡོ པ་ཉྩ་མྱ་ནྟེ་ན ས་ཧེ་ཀ་ཏྠཱ ཧོ་ནྟི ཝཱ, པ་རི་པ་བྦ་ཏཾ ཝ་སྶི དེ་ཝོ པ་རི་པ་བྦ་ཏཱ, ཨ་པ་པ་བྦ་ཏཾ ཝ་སྶི དེ་ཝོ ཨ་པ་པ་བྦ་ཏཱ, ཨཱ་པཱ་ཊ་ལི་པུ་ཏྟཾ ཝ་སྶི དེ་ཝོ ཨཱ་པཱ་ཊ་ལི་པུ་ཏྟཱ, བ་ཧི་གཱ་མཾ བ་ཧི གཱ་མཱ, ཏི་རོ་པ་བྦ་ཏཾ ཏི་རོ་པ་བྦ་ཏཱ, པུ་རེ་བྷ་ཏྟཾ པུ་རེ་བྷ་ཏྟཱ, པ་ཙྪཱ་བྷ་ཏྟཾ པ་ཙྪཱ་བྷ་ཏྟཱ, ཝེ་ཏཱ་དྷི་ཀཱ་རོ.
༦. ས་མཱི་པཱ་ཡཱ་མེ་སྭ་ནུ.
ཨ་ནུ་ས་དྡོ སཱ་མཱི་པྱེ ཨཱ་ཡཱ་མེ ཙ ཝ་ཏྟ་མཱ་ནོ སྱཱ་དྱ་ནྟེ་ན ས་ཧེ་ཀ་ཏྠོ ཧོ་ཏི ཝཱ, ཨ་ནུ་ཝ་ན་མ་ས་ནི ག་ཏཱ, ཨ་ནུ་ག་ངྒཾ བཱ་རཱ་ཎ་སཱི, ས་མཱི་པཱ་ཡཱ་མེ་སྭཱི་ཏི ཀིཾ? ར་ཀྑ་མ་ནུ་ཝི་ཛྫོ་ཏ་ཏེ ཝི་ཛྫུ.
༧. ཏི་ཊྛ་གྭཱ་དཱི་ནི.
ཏི་ཊྛ་གུ་པྤ་བྷུ་ཏཱི་ནི ཨེ་ཀ་ཏྠཱི་བྷཱ་ཝ་ཝི་ས་ཡེ ནི་པཱ་ཏཱི་ཡ་ནྟེ, ཏི་ཊྛ་ནྟཱི གཱ་ཝོ ཡ་སྨིཾ ཀཱ་ལེ ཏི་ཊྛ་གུ ཀཱ་ལོ, ཝ་ཧ་གྒུ ཀཱ་ལོ. ཨཱ་ཡ་ཏཱི་ག་ཝཾ, ཁ་ལེ་ཡ་ཝཾ, ལཱུ་ན་ཡ་ཝཾ ལཱུ་ཡ་མཱ་ན་ཡ་ཝ་མི་ཙྩཱ་དི, ཙྱ་ནྟོ པེ་ཏྠ ཀེ་སཱ ཀེ་སི, ད་ཎྜཱ ད་ཎྜི, ཏ་ཐཱ ཝེ་ལཱ་པྤ་བྷཱ་ཝ་ན་ཏྠོ་པི, པཱ་ཏོ ན་ཧཱ་ནཾ པཱ་ཏ་ར་ཧཱ་ནཾ, སཱ་ཡཾ ན་ཡཱ་ནཾ སཱ་ཡ་ན་ཧཱ་ནཾ, པཱ་ཏ་ཀཱ་ལཾ སཱ་ཡ་ཀཱ་ལཾ, པཱ་ཏ་མེ་གྷཾ སཱ་ཡ་མེ་གྷཾ, པཱ་ཏ་མ་གྒཾ སཱ་ཡ་མ་གྒཾ.
༨. ཨོ་རེ པ་རི པ་ཊི པཱ་རེ མ་ཛ྄ཛྷེ ཧེ་ཊྛུ་དྡྷཱ་དྷོ-ནྟོ་ཝཱ་ཚ་ཊྛི་ཡཱ. ཨོ་རཱ་ད་ཡོ ས་དྡཱ ཚ་ཊྛི་ཡ་ནྟེ་ན ས་ཧེ་ཀ་ཏྠཱ ཝཱ ཧོ་ནྟི, ཨེ་ཀཱ་ར་ནྟ་ཏྟཾ ནི་པཱ་ཏ་ན་ཏོ, ཨོ་རེ་ག་ངྒཾ, པ་རི་སི་ཁ་རཾ, པ་ཊི་སོ་ཏཾ, པཱ་རེ་ཡ་མུ་ནཾ, མ་ཛ྄ཛྷེ་ག་ངྒཾ, ཧེ་ཊྛཱ་པཱ་སཱ་དཾ, ཨུ་དྡྷ་ག་ངྒཾ, ཨ་དྷོ་ག་ངྒཾ, ཨ་ནྠོ་པཱ་སཱ་དཾ, པུ་ན ཝཱ་ཝི་དྷཱ་ནཱ ‘ག་ངྒཱ་ཨོ་ར’ མི་ཙྩཱ་དཱི་པི ཧོ་ནྟི.
༩. ཏཾ ན་པུཾ་ས་ཀཾ.
ཡ་དེ་ཏ་མ་ཏི་ཀྐ་ནྟ་མེ་ཀ་ཏྠཾ, ཏཾ ན་པུཾ་ས་ཀ་ལི་ངྒཾ ཝེ་དི་ཏ་བྦཾ, ཏ་ཐཱ ཙེ་ཝོ་དཱ་ཧ་ཊཾ, ཝཱ ཀྭ་ཙི བ་ཧུ་ལཱ་དྷི་ཀཱ་རཱ, ཡ་ཐཱ་པ་རི་སཾ ཡ་ཐཱ་པ་རི་སཱ་ཡ, ས་ཀཱ་ཡ ས་ཀཱ་ཡ པ་རི་སཱ་ཡཱ་ཏི ཨ་ཏྠོ.
༡༠. ཨ་མཱ་དི.
ཨ་མཱ་དི སྱཱ་དྱ་ནྟཾ སྱཱ་དྱ་ནྟེ་ན ས་ཧ བ་ཧུ་ལ་མེ་ཀ་ཏྠཾ ཧོ་ཏི གཱ་མཾ ག་ཏོ གཱ་མ་ག་ཏོ, མུ་ཧུ་ཏྟཾ སུ་ཁཾ མུ་ཧུ་ཏྟ་སུ་ཁཾ, ཝུ་ཏྟི་ཡེ་ཝོ་པ་པ་ད་ས་མཱ་སེ ཀུ་མྦྷ་ཀཱ་རོ, ས་པཱ་ཀོ, ཏ་ནྟ་ཝཱ་ཡོ, ཝ་རཱ་ཧ་རོ. ནྟ་མཱ་ན་ཀྟ་ཝ་ནྟཱུ་ཏི ཝཱ་ཀྱ་མེ་ཝ, དྷ་མྨཾ སུ་ཎ་ནྟོ, དྷ་མྨཾ སུ་ཎ་མཱ་ནོ, ཨོ་ད་ནཾ བྷུ་ཏྟ་ཝཱ.
ར་ཉྙཱ ཧ་ཏོ རཱ་ཛ་ཧ་ཏོ, ཨ་སི་ནཱ ཚི་ནྣོ ཨ་སི་ཙྪི་ནྣོ, པི་ཏུ་ས་དི་སོ, པི་ཏུ་ས་མོ, སུ་ཁ་ས་ཧ་ག་ཏཾ, ད་དྷི་ནཱ ཨུ་པ་སི་ཏྟཾ བྷོ་ཛ་ནཾ ད་དྷི་བྷོ་ཛ་ནཾ, གུ་ལེ༹་ན མི་སྶོ ཨོ་ད་ནོ གུ་ལོ༹་ད་ནོ, ཝུ་ཏྟི་པ་དེ་ནེ་ཝོ་པ་སི་ཏྟཱ་དི་ཀི་རི་ཡཱ་ཡཱ་ཁྱཱ་པ་ན་ཏོ ན་ཏྠཱ་ཡུ་ཏྟ་ཏྠ་ཏཱ. ཀྭ་ཙི ཝུ་ཏྟི་ཡེ་ཝ ཨུ་ར་གོ, པཱ་ད་པོ. ཀྭ་ཙི ཝཱ་ཀྱ་མེ་ཝ ཕ་ར་སུ་ནཱ ཚི་ནྣ་ཝཱ, ད་སྶ་ནེ་ན པ་ཧཱ་ཏ་བྦཱ.
བུ་དྡྷ་སྶ དེ་ཡྻཾ བུ་དྡྷ་དེ་ཡྻཾ, ཡཱུ་པཱ་ཡ དཱ་རུ ཡཱུ་པཱ་དཱ་རུ, ར་ཛ་ནཱ་ཡ དོ་ཎི ར་ཛ་ན་དོ་ཎི. ཨི་དྷ ན ཧོ་ཏི ས་ངྒྷ་སྶ དཱ་ཏ་བྦཾ. ཀ་ཐཾ ‘ཨེ་ཏ་ད་ཏྠོ ཨེ་ཏ་ད་ཏྠཱ ཨེ་ཏ་ད་ཏྠ’ནྟི? ཨ་ཉྙ་པ་ད་ཏྠེ བྷ་ཝི་སྶ་ཏི.
ས་ཝ་རེ་ཧི བྷ་ཡཾ ས་ཝ་ར་བྷ་ཡཾ, གཱ་མ་ནི་གྒ་ཏོ, མེ་ཐུ་ནཱ་པེ་ཏོ, ཀྭ་ཙི ཝུ་ཏྟི་ཡེ་ཝ ཀ་མྨ་ཛཾ, ཙི་ཏྟ་ཛཾ, ཨི་དྷ ན ཧོ་ཏི རུ་ཀྑཱ པ་ཏི་ཏོ.
ར་ཉྙོ པུ་རི་སོ རཱ་ཛ་པུ་རི་སོ. བ་ཧུ་ལཱ་དྷི་ཀཱ་རཱ ནྟ་མཱ་ན་ནི་དྡྷཱ་རི་ཡ་པཱུ་ར་ཎ་བྷཱ་ཝ་ཏི་ཏྟ་ཏྠེ་ཧི ན ཧོ་ཏི-མ་མཱ་ནུ་ཀུ་བྦཾ, མ་མཱ་ནུ་ཀུ་རུ་མཱ་ནོ, གུ་ནྣཾ ཀ་ཎྷཱ ས་མྤ་ནྣ་ཁཱི་ར་ཏ་མཱ, སི་སྶཱ་ནཾ པ་ཉྩ་མོ, པ་ཊ་སྶ སུ་ཀྐ་ཏཱ, ཀྭ་ཙི ཧོ་ཏེ་ཝ-ཝ་ཏྟ་མཱ་ན་སཱ་མཱི་པྱཾ, ཀ་ཐཾ ‘བྲཱ་ཧྨ་ཎ་སྶ སུ་ཀྐཱ ད་ནྟཱ’ཏི? སཱ་པེ་ཀྑ་ཏཱ་ཡ ན ཧོ་ཏི. ཨི་དྷ པ་ན ཧོ་ཏེ་ཝ ‘ཙ་ནྡ་ན་ག་ནྡྷོ, ན་དི་གྷོ་སོ, ཀ་ཉྙཱ་རཱུ་པཾ, ཀཱ་ཡ་ས་མྥ་སྶོ, ཕ་ལ་ར་སོ’ཏི, ཕ་ལཱ་ནཾ ཏི་ཏྟོ, ཕ་ལཱ་ན་མཱ་སི་ཏོ, ཕ་སཱ་ནཾ སུ་ཧི་ཏོ.
བྲཱ་ཧྨ་ཎ་སྶ ཨུ་ཙྩཾ གེ་ཧ་ནྟི སཱ་པེ་ཀྑ་ཏཱ་ཡ ན ཧོ་ཏི, ‘ར་ཉྙོ པཱ་ཊ་ལི་པུ་ཏྟ་ཀ་སྶ དྷ་ན’ནྟི དྷ་ན་ས་མྦ་ནྡྷེ ཚ་ཊྛཱི་ཏི པཱ་ཊ་ལི་པུ་ཏྟ་ཀེ་ན ས་མྦ་ནྡྷཱ་བྷཱ་ཝཱ ན ཧེ་སྶ་ཏི, ‘ར་ཉྙོ གོ ཙ ཨ་སྶོ ཙ པུ་རི་སོ ཙཱ’ཏི བྷི་ནྣ་ཏྠ་ཏཱ་ཡ ཝཱ་ཀྱ་མེ་ཝ, ‘ར་ཉྙོ ག་ཝཱ་སྶ་པུ་རི་སཱ རཱ་ཛ་ག་ཝཱ་སྶ་པུ་རི་སཱ’ཏི ཝུ་ཏྟི ཧོ་ཏེ་ཝེ་ཀ་ཏྟི་བྷཱ་ཝེ.
དཱ་ནེ སོ་ཎྜོ དཱ་ན་སོ་ཎྜོ, དྷ་མྨ་ར་ཏོ, དཱ་ནཱ་བྷི་ར་ཏོ. ཀྭ་ཙི ཝུ་ཏྟི་ཡེ་ཝ ཀུ་ཙྪི་ས་ཡོ, ཐ་ལ་ཊྛོ, པ་ངྐ་ཛཾ, ས་རོ་རུ་ཧཾ. ཨི་དྷ ན ཧོ་ཏི བྷོ་ཛ་ནེ མ་ཏྟ་ཉྙུ་ཏཱ, ཨི་ནྡྲི་ཡེ་སུ གུ་ཏྟ་དྭཱ་ར་ཏཱ, ཨཱ་ས་ནེ ནི་སི་ནྣོ, ཨཱ་ས་ནེ ནི་སཱི་དི་ཏ་བྦཾ.
༡༡. ཝི་སེ་ས་ན་མེ་ཀ་ཏྠེ་ན.
ཝི་སེ་ས་ནཾ སྱཱ་ནྟཾ ཝི་སེ་སྶེ་ན སྱཱ་དྱ་ནྟེ་ན ས་མཱ་ནཱ་དྷི་ཀ་ར་ཎེ་ན ས་ཧེ་ཀ་ཏྠཾ ཧོ་ཏི, ནཱི་ལ་ཉྩ ཏཾ ཨུ་པྤ་ལ་ཉྩེ་ཏི ནཱི་ལུ་པྤ་ལཾ, ཚི་ནྣ་ཉྩ ཏཾ པ་རུ་ལ༹ྷ་ཉྩེ་ཏི ཚི་ནྣ་པ་ར་ལ༹ྷཾ, ས་ཏྠཱི་ཝ ས་ཏྠཱི, ས་ཏྠཱི ཙ སཱ སཱ་མཱ ཙེ་ཏི ས་ཏྠི་སཱ་མཱ, སཱི་ཧོ་ཝ སཱི་ཧོ, མུ་ནི ཙ སོ སཱི་ཧོ ཙེ་ཏི མུ་ནི་སཱི་ཧོ, སཱི་ལ་མེ་ཝ དྷ་ནཾ སཱི་ལ་དྷ་ནཾ.
ཀྭ་ཙི ཝཱ་ཀྱ་མེ་ཝ པུ་ཎྞོ མ་ནྟཱ་ཎི་པུ་ཏྟོ, ཙི་ཏྟོ ག་ཧ་པ་ཏི. ཀྭ་ཙི ཝུ་ཏྟི་ཡེ་ཝ ཀ་ཎྷ་ས་པྤོ, ལོ་ཧི་ཏ་སཱ་ལི, ཝི་སེ་ས་ན་ནྟི ཀིཾ? ཏ་ཙྪ་ཀོ ས་པྤོ, ཨེ་ཀ་ཏྠེ་ནེ་ཏི ཀིཾ? ཀཱ་ལ༹་མྷཱ ཨ་ཉྙོ. ཀ་ཐཾ ‘པ་ཏྟ་ཛཱི་ཝི་ཀོ, ཨཱ་པ་ནྣ་ཛཱི་ཝི་ཀོ, མཱ་ས་ཛཱ་ཏོ’ཏི? ཨ་ཉྙ་པ་ད་ཏྠེ བྷ་ཝི་སྶ་ཏི.
༡༢. ན་ཉ.
ན་ཉི་ཙྩེ་ཏཾ སྱཱ་དྱ་ནྟཾ སྱཱ་དྱ་ནྟེ་ན ས་ཧེ་ཀ་ཏྠཾ ཧོ་ཏི, ན བྲཱ་ཧྨ་ཎོ ཨ་བྲཱ་ཧྨ་ཎོ, བ་ཧུ་ལཱ་དྷི་ཀཱ་ར་ཏོ ཨ་ས་མ་ཏྠ་ཏྠེ་ཧི, ཀེ་ཧི་ཙི ཧོ་ཏི ‘ཨ་པུ་ན་གེ་ཡྻཱ གཱ་ཐཱ, ཨ་ནོ་ཀཱ་སཾ ཀཱ་རེ་ཏྭཱ, ཨ་མཱུ་ལཱ མཱུ་ལཾ ག་ནྟྭཱ. ཨཱི་སཾ་ཀ་ལཱ༹་རོ, ཨཱི་སཾ་པི་ངྒ་ལོ་ཏི ‘སྱཱ་དི སྱཱ་དི་ནེ’ཏི ས་མཱ་སོ, ཝཱ་ཀྱ་མེ་ཝ ཝཱ་ཏི་པྤ་ས་ངྒཱ་བྷཱ་ཝཱ.
༡༣. ཀུ་པཱ་ད་ཡོ ནི་ཙྩ་མ་སྱཱ་དི་ཝི་དྷི་མྷི.
ཀུ་ས་དྡོ པཱ་ད་ཡོ ཙ སྱཱ་དྱ་ནྟེ་ན ས་ཧེ་ཀ་ཏྠཱ ཧོ་ནྟི ནི་ཙྩཾ སྱཱ་དི་ཝི་དྷི་ཝི་ས་ཡ་ཏོ-ཉ་ཏྠ, ཀུ་ཙྪི་ཏོ བྲཱ་ཧྨ་ཎོ ཀུ་བྲཱ་ཧྨ་ཎོ, ཨཱི་ས་ཀཾ ཨུ་ཎྷཾ ཀ་དུ་ཎྷཾ, པ་ནཱ་ཡ་ཀོ, ཨ་བྷི་སེ་ཀོ, པ་ཀ་རི་ཏྭཱ, པ་ཀ་ཏཾ, དུ་པྤུ་རི་སོ, དུ་ཀྐ་ཊཾ, སུ་པུ་རི་སོ, སུ་ཀ་ཏཾ, ཨ་བྷི་ཏྠུ་ཏཾ, ཨ་ཏི་ཏྠུ་ཏཾ, ཨཱ་ཀ་ལཱ༹་རོ, ཨཱ་བ་དྡྷོ.
(༩) ‘‘པཱ་ད་ཡོ ག་ཏཱ་དྱ་ཏྠེ པ་ཋ་མཱ་ཡ’’. པ་ག་ཏོ ཨཱ་ཙ་རི་ཡོ པཱ་ཙ་རི་ཡོ, པ་ནྟེ་ཝཱ་སཱི.
(༡༠) ‘‘ཨ་ཙྩཱ་ད་ཡོ ཀ་ནྟཱ་དྱ་ཏྠེ དུ་ཏི་ཡཱ་ཡ’’. ཨ་ཏི་ཀྐ་ནྟོ མ་ཉྩ་མ་ཏི་མ་ཉྩོ, ཨ་ཏི་མཱ་ལོ.
(༡༡) ‘‘ཨ་ཝཱ་ད་ཡོ ཀུ་ཊྛཱ་དྱ་ཏྠེ ཏ་ཏི་ཡཱ་ཡ’’. ཨ་ཝ་ཀུ་ཊྛཾ ཀོ་ཀི་ལཱ་ཡ ཝ་ནཾ ཨ་ཝ་ཀོ་ཀི་ལཾ, ཨ་ཝ་མ་ཡཱུ་རཾ.
(༡༢) ‘‘པ་རི་ཡཱ་ད་ཡོ གི་ལཱ་ནཱ་དྱ་ཏྠེ ཙ་ཏུ་ཏྠི་ཡཱ’’. པ་རི་གི་ལཱ་ནོ ཨ་ཛ྄ཛྷེ་ནཱ་ཡ པ་རི་ཡ་ཛ྄ཛྷེ་ནོ.
(༡༣) ‘‘ནྱཱ་ད་ཡོ ཀ་ནྟཱ་དྱ་ཏྠེ པ་ཉྩ་མི་ཡཱ’’.
ནི་ཀྑ་ནྟོ ཀོ་ས་མྦི་ཡཱ ནི་ཀྐོ་ས་མྤི, ཨ་སྱཱ་དི་ཝི་དྷི་མྷཱི་ཏི ཀིཾ? རུ་ཀྑཾ པ་ཏི ཝི་ཛྫོ་ཏ་ཏེ.
༡༤. ཙཱི ཀྲི་ཡ་ཏྠེ་ཧི.
ཙཱི་པྤ་ཙྩ་ཡ་ནྟོ ཀི་རི་ཡ་ཏྠེ་ཧི སྱཱ་དྱ་ནྟེ་ཧི ས་ཧེ་ཀ་ཏྠོ ཧོ་ཏི, མ་ལི་ནཱི་ཀ་རི་ཡ.
༡༥. བྷཱུ་ས་ནཱ་ད་རཱ་ནཱ་ད་རེ་སྭ་ལཾ་སཱ་སཱ.
བྷཱུ་ས་ནཱ་དི་སྭ་ཏྠེ སྭ་ལ་མཱ་ད་ཡོ ས་དྡཱ ཀི་རི་ཡ་ཏྠེ་ཧི སྱཱ་དྱ་ནྟེ་ཧི ས་ཧེ་ཀ་ཏྠཱ ཧོ་ནྟི, ཨ་ལཾ་ཀ་རི་ཡ, ས་ཀྐ་ཙྩ, ཨ་ས་ཀྐ་ཙྩ. བྷཱུ་ས་ནཱ་དཱི་སཱུ་ཏི ཀིཾ? ཨ་ལཾ་བྷུ་ཏྭཱ ག་ཏོ, ས་ཀྐ་ཏྭཱ ག་ཏོ, ཨ་ས་ཀྐ་ཏྭཱ ག་ཏོ, པ་རི་ཡ་ཏྟཾ སོ་བྷ་ན་མ་སོ་བྷ་ན་ནྟི ཨ་ཏྠོ.
༡༦. ཨ་ཉྙེ ཙ.
ཨ་ཉྙེ ཙ ས་དྡཱ ཀི་རི་ཡ་ཏྠེ་ཧི སྱཱ་དྱ་ནྟེ་ཧི ས་ཧ བ་ཧུ་ལ་མེ་ཀ་ཏྠཱ བྷ་ཝ་ནྟི, པུ་རོ་བྷཱུ་ཡ, ཏི་རོ་བྷཱུ་ཡ, ཏི་རོ་ཀ་རི་ཡ, ཨུ་ར་སི་ཀ་རི་ཡ, མ་ན་སི་ཀ་རི་ཡ, མ་ཛ྄ཛྷེ་ཀ་རི་ཡ, ཏུ་ཎྷཱི་བྷཱུ་ཡ.
༡༧. ཝཱ་ནེ་ཀ་ཉྙ་ཏྠེ.
ཨ་ནེ་ཀཾ སྱཱ་དྱ་ནྟ་མ་ཉྙ་སྶ པ་ད་སྶ་ཏྠེ ཨེ་ཀ་ཏྠཾ ཝཱ ཧོ་ཏི, བ་ཧཱུ་ནི དྷ་ནཱ་ནི ཡ་སྶ སོ བ་ཧུ་དྷ་ནོ, ལ་མྦཱ ཀ་ཎྞཱ ཡ་སྶ སོ ལ་མྦ་ཀ་ཎྞོ, ཝ་ཛི་རཾ པཱ་ཎི་མྷི ཡ་སྶ སོ་ཡཾ ཝ་ཛི་ར་པཱ་ཎི, མ་ཏྟཱ བ་ཧ་ཝོ མཱ་ཏ་ངྒཱ ཨེ་ཏྠ མ་ཏྟ་བ་ཧུ་མཱ་ཏ་ངྒཾ ཝ་ནཾ, ཨཱ་རུ་ལ༹ྷོ ཝཱ་ན་རོ ཡཾ རུ་ཀྑཾ སོ ཨཱ་རུ་ལ༹ྷ་ཝཱ་ན་རོ, ཛི་ཏཱ་ནི ཨི་ནྡྲི་ཡཱ་ནི ཡེ་ན སོ ཛི་ཏི་ནྡྲི་ཡོ, དི་ནྣཾ བྷོ་ཛ་ནཾ ཡ་སྶ སོ དི་ནྣ་བྷོ་ཛ་ནོ, ཨ་པ་ག་ཏཾ ཀཱ་ལ༹་ཀཾ ཡ་སྨཱ པ་ཊཱ སོ-ཡ་མ་པ་ག་ཏ་ཀཱ་ལ༹་ཀོ, ཨུ་པ་ག་ཏཱ ད་ས ཡེ་སཾ ཏེ ཨུ་པ་ད་སཱ, ཨཱ་ས་ནྣ་ད་སཱ, ཨ་དཱུ་ར་ད་སཱ, ཨ་དྷི་ཀ་ད་སཱ, ཏ་ཡོ ད་ས པ་རི་མཱ་ཎ་མེ་སཾ ཏི་ད་སཱ, ཀ་ཐཾ ད་ས་ས་དྡོ ས་ངྑྱཱ་ནེ ཝ་ཏྟ་ཏེ? པ་རི་མཱ་ཎ་ས་དྡ་ས་ནྣི་དྷཱ་ནཱ, ཡ་ཐཱ པ་ཉྩ པ་རི་མཱ་ཎ་མེ་སཾ པ་ཉྩ་ཀཱ ས་ཀུ་ནཱ་ཏི, དྭེ ཝཱ ཏ་ཡོ ཝཱ པ་རི་མཱ་ཎ་མེ་སཾ དྭ་ཏྟ་ཡོ ཝཱ་ས་དྡ་ཏྠེ ཝཱ དྭེ ཝཱ ཏ་ཡོ ཝཱ དྭ་ཏྟ་ཡོ.
ད་ཀྑི་ཎ་སྶཱ ཙ པུ་བྦ་སྶཱ ཙ དི་སཱ་ཡ ཡ་ད་ནྟ་རཱ་ལ༹ཾ ད་ཀྑི་ཎ་པུ་བྦཱ དི་སཱ, ད་ཀྑི་ཎཱ ཙ སཱ པུ་བྦཱ ཙཱ་ཏི ཝཱ, ས་ཧ པུ་ཏྟེ་ནཱ་ག་ཏོ ས་པུ་ཏྟོ, ས་ལོ་མ་ཀོ ཝི་ཛྫ་མཱ་ན་ལོ་མ་ཀོ་ཏི ཨ་ཏྠོ, ཨེ་ཝཾ ས་པ་ཀྑ་ཀོ, ཨ་ཏྠཱི ཁཱི་རཱ བྲཱ་ཧྨ་ཎཱི་ཏི ཨ་ཏྠི་ས་དྡོ ཝི་ཛྫ་མཱ་ན་ཏྠེ ནི་པཱ་ཏོ, ཀྭ་ཙི ག་ཏ་ཏྠ་ཏཱ་ཡ པ་ད་ནྟ་རཱ་ན་མ་པྤ་ཡོ་གོ, ཀ་ཎྛ་ཊྛཱ ཀཱ་ལཱ༹ ཨ་སྶ ཀ་ཎྛེ་ཀཱ་ལོ༹, ཨོ་ཊྛ་སྶ མུ་ཁ་མི་ཝ མུ་ཁ་མ་སྶ ཨོ་ཊྛ་མུ་ཁོ, ཀེ་ས་ས་ངྒྷཱ་ཏོ ཙཱུ་ལཱ༹ ཨ་སྶ ཀེ་ས་ཙཱུ་ལོ༹, སུ་ཝ་ཎྞ་ཝི་ཀཱ་རོ ཨ་ལ་ངྐཱ་རོ ཨ་སྶ སུ་ཝ་ཎྞཱ་ལ་ངྐཱ་རོ, པ་པ་ཏི་ཏཾ པ་ཎྞ་མ་སྶ པ་པ་ཏི་ཏ་པ་ཎྞོ, པ་པ་ཎྞོ, ཨ་ཝི་ཛྫ་མཱ་ནཱ པུ་ཏྟཱ ཨ་སྶ ཨ་ཝི་ཛྫ་མཱ་ན་པུ་ཏྟོ, ན ས་ནྟི པུ་ཏྟཱ ཨ་སྶ ཨ་པུ་ཏྟེ, ཀྭ་ཙི ན ཧོ་ཏི པ་ཉྩ བྷུ་ཏྟ་ཝ་ནྟོ ཨ་སྶ བྷཱ་ཏུ་ནོ པུ་ཏྟོ ཨ་སྶ ཨ་ཏྠཱི་ཏི བ་ཧུ་ལཱ་དྷི་ཀཱ་ར་ཏོ.
༡༨. ཏ་ཏྠ ག་ཧེ་ཏྭཱ ཏེ་ན པ་ཧ་རི་ཏྭཱ ཡུ་དྡྷེ ས་རཱུ་པཾ.
ས་ཏྟ་མྱ་ནྟཾ ཏ་ཏི་ཡ་ནྟ་ཉྩ ས་རཱུ་པ་མ་ནེ་ཀཾ ཏ་ཏྠ ག་ཧེ་ཏྭཱ ཏེ་ན པ་ཧ་རི་ཏྭཱ ཡུ་དྡྷེ-ཉྙ་པ་ད་ཏྠེ ཨེ་ཀ་ཏྠཾ ཝཱ ཧོ་ཏི, ཀེ་སེ་སུ ཙ ཀེ་སེ་སུ ཙ ག་ཧེ་ཏྭཱ ཡུ་དྡྷཾ པ་ཝ་ཏྟཾ ཀེ་སཱ་ཀེ་སི, ད་ཎྜེ་ཧི ཙ ད་ཎྜེ་ཧི ཙ པ་ཧ་རི་ཏྭཱ ཡུ་དྡྷཾ པ་ཝ་ཏྟཾ ད་ཎྜཱ་ད་ཎྜི, མུ་ཊྛཱ་མུ་ཊྛི, ‘‘ཙི ཝཱི་ཏི་ཡཱ་རེ’’ (༣-༥༡) ཏི ཙི ས་མཱ་ས་ནྟོ, ‘‘ཙི་སྨིཾ’’ (༣.༦༦) ཏི ཨ་ཀཱ་རོ. ཏ་ཏྠ ཏེ་ནེ་ཏི ཀིཾ? ཀཱ་ཡ་ཉྩ ཀཱ་ཡ་ཉྩ ག་ཧེ་ཏྭཱ ཡུ་དྡྷཾ པ་ཝ་ཏྟཾ. ག་ཧེ་ཏྭཱ པ་ཧ་རི་ཏྭཱ་ཏི ཀིཾ? ར་ཐེ ཙ ར་ཐེ ཙ ཋ་ཏྭཱ ཡུ་དྡྷཾ པ་ཝ་ཏྟི. ཡུ་དྡྷེ་ཏི ཀིཾ? ཧ་ཏྠེ ཙ ཧ་ཏྠེ ཙ ག་ཧེ་ཏྭཱ ས་ཁྱཾ པ་ཝ་ཏྟཾ. ས་རཱུ་པ་ནྟི ཀིཾ? ད་ཎྜེ་ཧི ཙ མུ་ས་ལེ་ཧི ཙ པ་ཧ་རི་ཏྭཱ ཡུ་དྡྷ པ་ཝ་ཏྟཾ.
༡༩. ཙ་ཏྠེ.
ཨ་ནེ་ཀཾ སྱཱ་དྱ་ནྟཾ ཙ་ཏྠེ ཨེ་ཀ་ཏྠཾ ཝཱ བྷ་ཝ་ཏི. ས་མུ་ཙྩ་ཡོ་ནྭཱ་ཙ་ཡོ ཨི་ཏ་རཱི་ཏ་ར་ཡོ་གོ ས་མཱ་ཧཱ་རོ ཙ ཙ ས་དྡ་ཏྠཱ, ཏ་ཏྠ ས་མུ་ཙྩ་ཡཱ་ནྭཱ་ཙ་ཡེ་སུ ནེ་ཀ་ཏྠཱི་བྷཱ་ཝོ ས་མྦྷ་ཝ་ཏི, ཏེ་སུ ཧི ས་མུ་ཙྩ་ཡོ ཨ་ཉྙ་མ་ཉྙ་ནི་ར་པེ་ཀྑཱ ན་མ་ཏྟ་པྤ་དྷཱ་ནཱ་ནཾ ཀ་ཏྠ་ཙི ཀི་རི་ཡཱ་ཝི་སེ་སེ ཙཱི་ཡ་མཱ་ན་ཏཱ, ཡ་ཐཱ ‘དྷ་ཝེ ཙ ཁ་དི་རེ ཙ པ་ལཱ་སེ ཙ ཚི་ནྡཱ’ཏི. ཨ་ནྭཱ་ཙ་ཡོ ཙ ཡ་ཏྠེ་ཀོ པ་དྷཱ་ན་བྷཱ་ཝེ་ན ཝི་དྷཱི་ཡ་ཏེ ཨ་པ་རོ ཙ གུ་ཎ་བྷཱ་ཝེ་ན, ཡ་ཐཱ ‘བྷི་ཀྑ་ཉྩ་ར གཱ་ཝོ ཙཱ་ན་ཡེ’ཏི. ཨི་ཏ་ར་དྭ་ཡེ ཏུ ས་མྦྷ་ཝ་ཏི, ཏེ་སུ ཧི ཨ་ཉྙ་མ་ཉྙ་སཱ་པེ་ཀྑཱ་ན་མ་ཝ་ཡ་ཝ་བྷ་དཱ་ནུ་ག་ཏོ ཨི་ཏ་རཱི་ཏ་ར་ཡོ་གོ, ཡ་ཐཱ ‘སཱ་རི་པུ་ཏྟ་མོ་གྒ་ལླཱ་ནཱ’ཏི, ཨ་སྶཱ་ཝ་ཡ་ཝ་པྤ་དྷཱ་ན་ཏྟཱ བ་ཧུ་ཝ་ཙ་ན་མེ་ཝ. ཨ་ཉྙ་མ་ཉྙ་སཱ་པེ་ཀྑཱ་ན་མེ་ཝ ཏི་རོ་ཧི་ཏཱ་ཝ་ཡ་ཝ་བྷེ་དོ ས་མུ་དཱ་ཡ་པྤ་དྷཱ་ནོ ས་མཱ་ཧཱ་རོ, ཡ་ཐཱ ‘ཚ་ཏྟུ་པཱ་ཧ་ན’ནྟི, ཨ་སྶ པ་ན ས་མུ་དཱ་ཡ་པྤ་དྷཱ་ན་ཏྟཱ ཨེ་ཀ་ཝ་ཙ་ན་མེ་ཝ.
ཏེ ཙ ས་མཱ་ཧཱ་རཱི་ཏ་རཱི་ཏ་ར་ཡོ་གཱ བ་ཧུ་ལཾ ཝི་དྷཱ་ནཱ ནི་ཡ་ཏ་ཝི་ས་ཡཱ་ཡེ་ཝ ཧོ་ནྟི, ཏ་ཏྲཱ་ཡཾ ཝི་ས་ཡ་ཝི་བྷཱ་གོ ནི་རུ་ཏྠི་པི་ཊ་ཀཱ་ག་ཏོ-པཱ་ཎི་ཏཱུ་རི་ཡ་ཡོ་གྒ་སེ་ན་ངྒཱ་ནཾ, ནི་ཙྩ་ཝེ་རཱི་ནཾ, ས་ངྑྱཱ་པ་རི་མཱ་ཎ-ས་ཉྙཱ་ནཾ, ཁུ་དྡ་ཛ་ནྟུ་ཀཱ་ནཾ, པ་ཙ་ན་ཙ་ཎྜཱ་ལཱ་ནཾ, ཙ་ར་ཎ་སཱ་དྷཱ་ར་ཎཱ་ནཾ, ཨེ་ཀ་ཛ྄ཛྷཱ་ཡ་ན་པཱ་ཝ་ཙ་ནཱ་ནཾ, ལི་ངྒ་ཝི་སེ་སཱ་ནཾ, ཝི་ཝི་དྷ་ཝི་རུ་དྡྷཱ་ནཾ དི་སཱ་ནཾ, ན་དཱི་ན་ཉྩ ནི་ཙྩཾ ས་མཱ་ཧཱ་རེ་ཀ་ཏྟཾ བྷ་ཝ་ཏི, ཏི་ཎ་རུ་ཀྑ་པ་སུ་ས་ཀུ་ན་དྷ་ན་དྷ་ཉྙ་བྱ་ཉྫ་ན་ཛ་ན་པྤ་དཱ་ནཾ ཝཱ, ཨ་ཉྙེ་ས་མི་ཏ་རཱི་ཏ་ར་ཡོ་གོ་ཝ.
པཱ་ཎྱ་ངྒཱ་ནཾ-ཙ་ཀྑུ་སོ་ཏཾ, མུ་ཁ་ནཱ་སི་ཀཾ, ཧ་ནུ་གཱི་ཝཾ, ཚ་ཝི་མཾ་ས་ལོ་ཧི་ཏཾ, ནཱ་མ་རཱུ་པཾ, ཛ་རཱ་མ་ར་ཎཾ. ཏུ་རི་ཡ་ངྒཱ་ནཾ-ཨ་ལ་ས་ཏཱ་ལ་མྦ་རཾ, མུ་ར་ཛ་གོ་མུ་ཁཾ, ས་ངྑ་དེ་ཎྜི་མཾ, མ་དྡ་ཝི་ཀ་པཱ་ཎ་ཝི་ཀཾ, གཱི་ཏ་ཝཱ་དི་ཏཾ, ས་མྨ་ཏཱ་ལཾ. ཡོ་གྒ་ངྒཱ་ནཾ ཕཱ་ལ་པཱ་ཙ་ནཾ, ཡུ་ག་ན་ངྒ་ལཾ. སེ་ན་ངྒཱ་ནཾ-ཨ་སི་ས་ཏྟི་ཏོ་མ་ར་པི་ཎྜཾ, ཨ་སི་ཙ་མྨཾ, དྷ་ནུ་ཀ་ལཱ་པཾ, པ་ཧ་ར་ཎཱ་ཝ་ར་ཎཾ. ནི་ཙྩ་ཝེ་རཱི་ནཾ-ཨ་ཧི་ན་ཀུ་ལཾ, བཱི་ལཱ༹་ལ་མཱུ་སི་ཀཾ, ཀཱ་ཀོ་ལཱུ་ཀཾ, ནཱ་ག་སུ་པ་ཎྞཾ. ས་ངྑྱཱ་པ་རི་མཱ་ཎ ས་ཉྙཱ་ནཾ-ཨེ་ཀ་ཀ་དུ་ཀཾ, དུ་ཀ་ཏི་ཀཾ, ཏི་ཀ་ཙ་ཏུ་ཀྐཾ, ཙ་ཏུ་ཀྐ་པ་ཉྩ་ཀཾ, ད་སེ་ཀཱ་ད་ས་ཀཾ. ཁུ་དྡ་ཛ་ནྟུ་ཀཱ་ནཾ ཀཱི་ཊ་པ་ཊ་ངྒཾ, ཀུ་ནྠ་ཀི་པི་ལླི་ཀཾ, ཌཾ་ས་མ་ཀ་སཾ, མ་ཀྑི་ཀ་ཀི་པི་ལླི་ཀཾ. པ་ཙ་ན་ཙ་ཎྜཱ་ལཱ་ནཾ-ཨོ་ར་བྦྷི་ཀ་སཱུ་ཀ་རི་ཀཾ, སཱ་ཀུ་ནྟི ཀ་མཱ་ག་ཝི་ཀཾ, ས་པཱ་ཀ་ཙ་ཎྜཱ་ལཾ, ཝེ་ན་ར་ཐ་ཀཱ་རཾ, པུ་ཀྐུ་ས ཚ་ཝ་ཌཱ་ཧ་ཀཾ. ཙ་ར་ཎ་སཱ་དྷཱ་ར་ཎཱ་ནཾ-ཨ་ཏི་ས་བྷཱ་ར་དྭཱ་ཛཾ, ཀ་ཋ་ཀ་ལཱ་པཾ, སཱི་ལ་པ་ཉྙཱ་ཎཾ, ས་མ་ཐ་ཝི་པ་སྶ་ནཾ, ཝི་ཛྫཱ་ཙ་ར་ཎཾ. ཨེ་ཀ་ཛ྄ཛྷཱ་ཡ་ན་པཱ་ཝ་ཙ་ནཱ་ནཾ དཱི་གྷ་མ་ཛ྄ཛྷི་མཾ, ཨེ་ཀུ་ཏྟ་ར་སཾ་ཡུ་ཏྟ་ཀཾ, ཁ་ནྡྷ་ཀ་ཝི་བྷ་ངྒཾ. ལི་ངྒ་ཝི་སེ་སཱ་ནཾ-ཨི་ཏྠི་པུ་ཁཾ, དཱ་སི་དཱ་སཾ, ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པྤ་ཙྩ་ཡ་བྷེ་ས་ཛྫ་པ་རི་ཀྑཱ་རཾ, ཏི་ཎ་ཀ་ཊྛ་སཱ་ཁཱ་པ་ལཱ་སཾ, ‘ལཱ་བྷཱི ཧོ་ཏི ཙཱི་ཝ་ར་པི་ཎྜ་པཱ་ཏ་སེ་ནཱ- ས་ན་གི་ལཱ་ན་པྤ་ཙྩ་ཡ་བྷེ་ས་ཛྫ་པ་རི་ཀྑཱ་རཱ་ན’ནྟི་པི དི་སྶ་ཏི. ཝི་ཝི་དྷ་ཝི་རུ་དྡྷཱ་ནཾ ཀུ་ས་ལཱ་ཀུ་ས་ལཾ, སཱ་ཝ་ཛྫཱ་ན་ཝ་ཛྫཾ, ཧཱི་ན་པྤ་ཎཱི་ཏཾ, ཀ་ཎྷ་སུ་ཀྐཾ, ཚེ་ཀ་པཱ་པ་ཀཾ. དི་སཱ་ནཾ པུ་བྦཱ་པ་རཾ, ད་ཀྑི་ཎུ་ཏྟ་རཾ, པུ་བྦ་ད་ཀྑི་ཎཾ, པུ་བྦུ་ཏྟ་རཾ, ཨ་དྷ་རུ་ཏྟ་རཾ, ཨ་པ་ར་ད་ཀྑི་ཎཾ, ཨ་པ་རུ་ཏྟ་རཾ. ན་དཱི་ནཾ-ག་ངྒཱ་ཡ་མུ་ནཾ, མ་ཧི་ས་ར་བྷུ.
ཏི་ཎ་ཝི་སེ་སཱ་ནཾ-ཀཱ་ས་ཀུ་སཾ ཀཱ་ས་ཀུ་སཱ, ཨུ་སཱི་ར་བཱི་ར་ཎཾ ཨུ་སཱི་ར་བཱི་ར་ཎཱ, མུ་ཉྫ་པ་བྦ་ཛཾ མུ་ཉྫ་པ་བྦ་ཛཾ མུ་ཉྫ་པ་བྦ་ཛཱ. རུ་ཀྑ་ཝི་སེ་སཱ་ནཾ ཁ་དི་ར་པ་ལཱ་སཾ ཁ་དི་ར་པ་ལཱ་སཱ, ཝོ་སྶ་ཀ་ཎྞཾ དྷ་ཝཱ་སྶ་ཀ་ཎྞཱ, པི་ལ་ཀྑ་ནི་གྲོ་དྷཾ པི་ལ་ཀྑ་ནི་གྲོ་དྷཱ, ཨ་སྶ་ཏྠ་ཀ་པི་ཏྠ་ནཾ ཨ་སྶ་ཏྠ་ཀ་པི་ཏྠ་ནཱ, སཱ་ཀ་སཱ་ལཾ སཱ་ཀ་སཱ་ལཱ. པ་སུ་ཝི་སེ་སཱ་ནཾ-ག་ཛ་ག་ཝ་ཛཾ ག་ཛ་ག་ཝ་ཛཱ, གོ་མ་ཧི་སཾ གོ་མ་ཧི་སཱ, ཨེ་ཎེ་ཡྻ་གོ་མ་ཧི་སཾ ཨེ་ཎེ་ཡྻ་གོ་མ་ཧི་སཱ, ཨེ་ཎེ་ཡྻ་ཝ་རཱ་ཧཾ ཨེ་ཎེ་ཡྻ་ཝ་རཱ་ཧཱ, ཨ་ཛེ་ལ༹་ཀཾ ཨ་ཛེ་ལ༹་ཀཱ, ཀུ་ཀྐུ་ར་སཱུ་ཀ་རཾ ཀུ་ཀྐུ་ར་སཱུ་ཀ་རཱ, ཧ་ཏྠི་ག་ཝཱ་སྶ་ཝ་ལ༹་ཝཾ ཧ་ཏྠི་ག་ཝཱ་སྶ་ཝ་ལ༹་ཝཱ. ས་ཀུ་ན་ཝི་སེ་སཱ་ནཾ-ཧཾ་ས་བ་ལཱ་ཝཾ ཧཾ་ས་བ་ལཱ་ཝཱ, ཀཱ་ར་ཎྜ་ཝ་ཙ་ཀྐ་ཝཱ་ཀཾ ཀཱ་ར་ཎྜ་ཝ་ཙ་ཀྐ་ཝཱ་ཀཱ, བ་ཀ་བ་ལཱ་ཀཾ བ་ཀ་བ་ལཱ་ཀཱ. དྷ་ནཱ་ནཾ-ཧི་ར་ཉྙ་སུ་ཝ་ཎྞཾ ཧི་ར་ཉྙ་སུ་ཝ་ཎྞཱ, མ་ཎི་ས་ངྑ་མུ་ཏྟཱ་ཝེ་ལུ༹་རི་ཡཾ མ་ཎི་ས་ངྑ་མུ་ཏྟཱ་ཝེ་ལུ༹་རི་ཡཱ, ཛཱ་ཏ་རཱུ་པ་ར་ཛ་ཏཾ ཛཱ་ཏ་རཱུ་པ་ར་ཛ་ཏཱ. དྷ་ཉྙཱ་ནཾ-སཱ་ལི་ཡ་ཝ་ཀཾ སཱ་ལི་ཡ་ཝ་ཀཱ, ཏི་ལ་མུ་གྒ་མཱ་སཾ ཏི་ལ་མུ་གྒ་མཱ་སཱ, ནི་པྥཱ་ཝ་ཀུ་ལ་ཏྠཾ ནི་པྥཱ་ཝ་ཀུ་ལ་ཏྠཱ. བྱ་ཉྫ་ནཱ་ནཾ-སཱ་ཀ་སུ་ཝཾ སཱ་ཀ་སུ་ཝཱ, ག་བྱ་མཱ་ཧི་སཾ ག་བྱ་མཱ་ཧི་སཱ, ཨེ་ཎེ་ཡྻ་ཝཱ་རཱ་ཧཾ ཨེ་ཎེ་ཡྻ་ཝཱ་རཱ་ཧཱ, མི་ག་མཱ་ཡཱུ་རཾ མི་ག་མཱ་ཡཱུ་རཱ. ཛ་ན་པ་དཱ་ནཾ-ཀཱ་སི་ཀོ་ས་ལཾ ཀཱ་སི་ཀོ་ས་ལཱ, ཝ་ཛྫི་མ་ལླཾ ཝ་ཛྫི་མ་ལླཱ, ཙེ་ཏི་ཝཾ་སཾ ཙེ་ཏི་ཝཾ་སཱ, མ་ཙྪ་སཱུ་ར་སེ་ནཾ མ་ཙྪ་སཱུ་ར་སེ་ནཱ, ཀུ་རུ་པ་ཉྩཱ་ལཾ ཀུ་རུ་པ་ཉྩཱ་ལཱ. ཨི་ཏ་རཱི་ཏ་ར་ཡོ་གོ ཡ་ཐཱ-ཙ་ནྡི་མ་སཱུ་རི་ཡཱ, ས་མ་ཎ་བྲཱ་ཧྨ་ཎཱ མཱ་ཏཱ་པི་ཏ་རོ ཨི་ཙྩཱ་དི.
ཨེ་ཏ་སྨིཾ ཨེ་ཀ་ཏྠཱི་བྷཱ་ཝ་ཀ་ཎྜེ ཡཾ ཝུ་ཏྟཾ པུ་བྦཾ, ཏ་དེ་ཝ པུ་བྦཾ ནི་པ་ཏ་ཏི ཀ་མཱ་ཏི་ཀྐ་མེ པ་ཡོ་ཛ་ནཱ་བྷཱ་ཝཱ. ཀྭ་ཙི ཝི་པ་ལླཱ་སོ་པི ཧོ་ཏི བ་ཧུ་ལཱ་དྷི་ཀཱ་ར་ཏོ, ད་ནྟཱ་ནཾ རཱ་ཛཱ རཱ་ཛ་ད་ནྟོ, ཀ་ཏྠ་ཙི ཀ་མཾ པ་ཙྩཱ་ནཱ་ད་རཱ པུ་བྦ་ཀཱ་ལ་སྶཱ་པི པ་ར་ནི་པཱ་ཏོ, ལི་ཏྟ་ཝཱ་སི་ཏོ, ན་གྒ་མུ་སི་ཏོ, སི་ཏྟ་ས་མྨ་ཊྛོ, བྷ་ཊྛ་ལུ་ཉྩི་ཏོ. ཙ་ཏྠེ ཡ་དེ་ཀ་ཏྠཾ ཏ་ཏྠ ཀེ་ཙི པུ་བྦ་པ་དཾ བ་ཧུ་དྷཱ ནི་ཡ་མེ་ནྟི, ཏ་དི་ཧ བྱ་བྷི་ཙཱ་ར་ད་སྶཱ་ན ན ཝུ་ཏྟ་ནྟི ད་ཊྛ་བྦཾ.
༢༠. ས་མཱ་ཧཱ་རེ ན་པུཾ་ས་ཀཾ.
ཙ་ཏྠེ ས་མཱ་ཧཱ་རེ ཡ་དེ་ཀ་ཏྠཾ, ཏཾ ན་པུཾ་ས་ཀ་ལི་ངྒཾ བྷ་ཝ་ཏི, ཏ་ཐཱ་ཙེ་ཝོ་དཱ་ཧ་ཊཾ, ཀ་ཏྠ་ཙི ན ཧོ་ཏི ‘ས་བྷཱ་པ་རི་སཱ་ཡཱ’ཏི ཉཱ་པ་ཀཱ, ཨཱ་དྷི་པ་ཙྩ་པ་རི་ཝཱ་རོ, ཚ་ནྡ་པཱ་རི་སུ་དྡྷི, པ་ཊི་ས་ནྡྷི་པ་ཝ་ཏྟི་ཡཾ.
༢༡. ས་ངྑྱཱ་དི.
ཨེ་ཀ་ཏྠེ ས་མཱ་ཧཱ་རེ ས་ངྑྱཱ་དི ན་པུཾ་ས་ཀ་ལི་ངྒཾ བྷ་ཝ་ཏི, པ་ཉྩ་ག་ཝཾ, ཙ་ཏུ་པྤ་ཐཾ, ས་མཱ་ཧཱ་ར་སྶེ་ཀ་ཏྟཱ ཨེ་ཀ་ཝ་ཙ་ན་མེ་ཝ ཧོ་ཏི, ས་མཱ་ཧཱ་རེ་ཏྭེ་ཝ པ་ཉྩ་ཀཱ་པཱ་ལོ པཱུ་ཝོ, ཏི་པུ་ཏྟོ.
༢༢. ཀྭ་ཙེ་ཀ་ཏྟ་ཉྩ ཚ་ཊྛི་ཡཱ.
ཚ་ཊྛི་ཡེ་ཀ་ཏྠེ ཀྭ་ཙི ན་པུཾ་ས་ཀ་ཏྟཾ ཧོ་ཏེ་ཀ་ཏྠ་ཉྩ, ས་ལ་བྷཱ་ནཾ ཚཱ་ཡཱ ས་ལ་བྷ་ཙྪཱ་ཡཾ, ཨེ་ཝཾ ས་ཀུ་ནྟཱ་ནཾ ཚཱ་ཡཱ ས་ཀུ་ནྟ་ཙྪཱ་ཡཾ, པཱ་སཱ་ད་ཙྪཱ་ཡཾ པཱ་སཱ་ད་ཙྪཱ་ཡཱ, གྷ་ར་ཙྪཱ་ཡཾ གྷ་ར་ཙྪཱ་ཡཱ, ཨ་མ་ནུ་སྶ་ས་བྷཱ་ཡ ན་པུཾ་ས་ཀེ་ཀ་ཏྟཾ བྷ་ཝ་ཏི བྲ་ཧྨ་ས་བྷཾ, དེ་ཝ་ས་བྷཾ, ཨི་ནྡ་ས་བྷཾ, ཡ་ཀྑ་ས་བྷཾ, ས་ར་བྷ་ས་བྷཾ, མ་ནུ་སྶ་ས་བྷཱ་ཡཾ པ་ན ཁ་ཏྟི་ཡ་ས་བྷཱ, རཱ་ཛ་ས་བྷཱ ཨི་ཙྩེ་ཝ་མཱ་དི, ཀྭ་ཙཱི་ཏི ཀིཾ རཱ་ཛ་པུ་རི་སོ.
༢༣. སྱཱ་དཱི་སུ ར་སྶོ.
ན་པུཾ་ས་ཀེ ཝ་ཏྟ་མཱ་ན་སྶ ར་སྶོ ཧོ་ཏི སྱཱ་དཱི་སུ. ས་ལ་བྷ་ཙྪཱ་ཡཾ, སྱཱ་དཱི་སཱུ་ཏི ཀིཾ? ས་ལ་བྷ་ཙྪཱ་ཡེ.
༢༤. གྷ་པ་སྶ་ནྟ་སྶཱ་པྤ་དྷཱ་ན་སྶ.
ཨ་ནྟ་བྷཱུ་ཏ་སྶ ཨ་པྤ་དྷཱ་ན་སྶ གྷ་པ་སྶ སྱཱ་དཱི་སུ ར་སྶོ ཧོ་ཏི. བ་ཧུ་མཱ་ལོ པོ་སོ, ནི་ཀྐོ་ས་མྦི, ཨ་ཏི་ཝཱ་མོ་རུ, ཨ་ནྟ་སྶཱ་ཏི ཀིཾ? རཱ་ཛཱ ཀ་ཉྙཱ་པི་ཡོ, ཨ་པྤ་དྷཱ་ན་སྶཱ་ཏི ཀིཾ? རཱ་ཛ་ཀུ་མཱ་རཱི བྲ་ཧྨ་བ་ནྡྷཱུ.
༢༥. གོ་སྶུ.
ཨ་ནྟ་བྷཱུ་ཏ་སྶ ཨ་པྤ་དྷཱ་ན་སྶ གོ་སྶ སྱཱ་དཱི་སུ ཨུ ཧོ་ཏི. ཙི་ཏྟ་གུ, ཨ་པྤ་དྷཱ་ན་སྶཱ་ཏྭེ་ཝ? སུ་གོ, ཨ་ནྟ་སྶཱ་ཏྭེ་ཝ? གོ་ཀུ་ལཾ.
༢༦. ཨི་ཏྠི་ཡ་མ་ཏྭཱ.
ཨི་ཏྠི་ཡཾ ཝ་ཏྟ་མཱ་ན་ཏོ ཨ་ཀཱ་ར་ནྟ་ཏོ ནཱ་མ་སྨཱ ཨཱ་པ་ཙྩ་ཡོ ཧོ་ཏི. དྷ་མྨ་དི་ནྣཱ.
༣༧. ན་དཱ་དི་ཏོ ཝཱི.
ན་དཱ་དཱི་ཧི ཨི་ཏྠི་ཡཾ ཝཱི་པྤ་ཙྩ་ཡོ ཧོ་ཏི. ན་དཱི, མ་ཧཱི, ཀུ་མཱ་རཱི, ཏ་རུ་ཎཱི, ཝཱ་རུ་ཎཱི, གོ་ཏ་མཱི. (༡༤) ‘‘གོ་ཏོ་ཝཱ’’ གཱ་ཝཱི གོ, ཨཱ་ཀ་ཏི་ག་ཎོ-ཡཾ, ཀོ་རོ ‘‘ནྟ་ནྟཱུ་ནཾ ཝཱི་མྷི ཏོ ཝཱ’’ (༣-༣༦) ཏི ཝི་སེ་ས་ན་ཏྠོ.
༢༨. ཡ་ཀྑཱ་དི་ཏི་ནཱི ཙ.
ཡ་ཀྑཱ་དི་ཏོ ཨི་ཏྠི་ཡཾ ཨི་ནཱི ཧོ་ཏི ཝཱི་ཙ. ཡ་ཀྑི་ནཱི ཡ་ཀྑཱི, ནཱ་གི་ནཱི ནཱ་གཱི, སཱི་ཧི་ནཱི སཱི་ཧཱི.
༢༦. ཨཱ་རཱ་མི་ཀཱ་དཱི་ཧི.
ཨཱ་རཱ་མི་ཀཱ་དི་ཏོ ཨི་ནཱི ཧོ་ཏི་ཏྠི་ཡཾ. ཨཱ་རཱ་མི་ཀི་ནཱི, ཨ་ན་ནྟ་རཱ་ཡི་ཀི་ནཱི, རཱ་ཛི་ནཱི (༡༥) ‘‘ས་ཉྙཱ་ཡཾ མཱ་ནུ་སོ’’ མཱ་ནུ་སི་ནཱི, ཨ་ཉྙ་ཏྲ མཱ་ནུ་སཱི.
༣༠. ཡུ་ཝ་ཎྞེ་ཧི ནཱི.
ཨི་ཏྠི་ཡ་མི་ཝ་ཎྞུ་ཝ་ཎྞ་ནྟེ་ཧི ནཱི ཧོ་ཏི བ་ཧུ་ལཾ. ས་དཱ་པ་ཡ་ཏ་པཱ་ཎི་ནཱི, ད་ཎྜི་ནཱི, བྷི་ཀྑུ་ནཱི, ཁ་ཏྟ་བ་ནྡྷུ་ནཱི, པ་ར་ཙི་ཏྟ་ཝི་དུ་ནཱི, མཱ་ཏུ་ཨཱ་དི་ཏོ ཀ་སྨཱ ན ཧོ་ཏི? ཨི་ཏྠི་པྤ་ཙྩ་ཡཾ ཝི་ནཱ་པི ཨི་ཏྠ་ཏྟཱ་བྷི་དྷཱ་ན་ཏོ.
༣༡. ཀྟི་མྷཱ་ཉྙ་ཏྠེ.
ཀྟི་མྷཱ་ཉྙ་ཏྠེ་ཡེ་ཝ ཨི་ཏྠི་ཡཾ ནཱི ཧོ་ཏི བ་ཧུ་ལཾ. སཱ་ཧཾ ཨ་ཧིཾ སཱ་ར་ཏི་ནཱི, ཏ་སྶཱ མུ་ཊྛ་སྶ་ཏི་ནི་ཡཱ, སཱ གཱ་ཝཱི ཝ་ཙྪ་གི་དྡྷི་ནཱི, ཨ་ཉྙ་ཏྠེ་ཏི ཀིཾ? དྷ་མྨ་ར་ཏི.
༣༢. གྷ་ར་ཎྱཱ་ད་ཡོ.
གྷ་ར་ཎི་པྤ་བྷུ་ཏ་ཡོ ནཱི་པྤ་ཙྩ་ནྟཱ་སཱ་དྷ་ཝོ བྷ་ཝ་ནྟི. གྷ་ར་ཎཱི, པོ་ཀྑ་ར་ཎཱི, ཨཱི་སྶ-ཏྟཾ ནི་པཱ་ཏ་ནཱ, (༡༦) ‘‘ཨཱ་ཙ་རི་ཡཱ ཝཱ ཡ-ལོ་པོ ཙ’’ ཨཱ་ཙ་རི་ནཱི, ཨཱ་ཙ་རི་ཡཱ.
༣༣. མཱ་ཏུ་ལཱ་དི་ཏྭཱ་ནཱི བྷ་རི་ཡཱ་ཡཾ.
མཱ་ཏུ་ལཱ་དི་ཏོ བྷ་རི་ཡཱ་ཡ་མཱ་ནཱི ཧོ་ཏི. མཱ་ཏུ་ལཱ་ནཱི, ཝཱ་རུ་ཎཱ་ནཱི, ག་ཧ་པ་ཏཱ་ནཱི, ཨཱ་ཙ་རི་ཡཱ་ནཱི, (༡༧) ‘‘ཨ་བྷ་རི་ཡཱ་ཡཾ ཁ་ཏྟི་ཡཱ ཝཱ’’ ཁ་ཏྟི་ཡཱ་ནཱི ཁ་ཏྟི་ཡཱ, ན་དཱ་དི་པཱ་ཋཱ བྷ་རི་ཡཱ་ཡ་ནྟུ ཁ་ཏྟི་ཡཱི.
༣༤. ཨུ་པ་མཱ་སཾ་ཧི་ཏ ས་ཧི་ཏ ས་ཉྙ་ཏ ས་ཧ ས་ཕ་ཝཱ་མ ལ་ཀྑ་ཎཱ་དི་ཏཱུ་རུ་ཏཱུ.
ཨཱུ་རུ་ས་དྡཱ ཨུ་པ་མཱ་ནཱ་དི་པུ་བྦཱ ཨི་ཏྟི་ཡ་མཱུ ཧོ་ཏི. ཀ་ར་བྷོ་རཱུ, སཾ་ཧི་ཏོ་རཱུ, ས་ཧི་ཏོ་རཱུ, ས་ཉྙ་ཏོ་རཱུ, ས་ཧོ་རཱུ, ས་ཕོ་རཱུ, ཝཱ་མོ་རཱུ, ལ་ཀྑ་ཎོ་རཱུ, ཨཱུ་ཏི་ཡོ་ག་ཝི་བྷཱ་གཱ ཨཱུ བྲ་ཧྨ་བ་ནྡྷཱུ.
༣༥. ཡུ་ཝཱ ཏི.
ཡུ་ཝ་ས་དྡ་ཏོ ཏི ཧོ་ཏི་ཏྠི་ཡཾ. ཡུ་ཝ་ཏི.
༣༦. ནྟ་ནྟཱུ་ནཾ ཝཱི་མྷི་ཏོ ཝཱ.
ཝཱི་མྷི ནྟ་ནྟཱུ་ནཾ ཏོ ཝཱ ཧོ་ཏི. ག་ཙྪ་ཏཱི ག་ཙྪ་ནྟཱི, སཱི་ལ་ཝ་ཏཱི སཱི་ལ་ཝ་ནྟཱི.
༣༧. བྷ་ཝ་ཏོ བྷོ་ཏོ.
ཝཱི་མྷི བྷ་ཝ་ཏོ བྷོ་ཏཱ་དེ་སོ ཧོ་ཏི ཝཱ. བྷོ་ཏཱི བྷ་ཝ་ནྟཱི.
༣༨. གོ་སྶཱ་ཝ་ང.
གོ་ས་དྡ་སྶ ཝཱི་མྷཱ་ཝ་ང ཧོ་ཏི. གཱ་ཝཱི.
༣༩. པུ་ཐུ་སྶ པ་ཐ་ཝ་པུ་ཐ་ཝཱ.
ཝཱི་མྷི པུ་ཐུ་སྶ པ་ཐ་ཝ་པུ་ཐ་ཝཱ ཧོ་ནྟི. པ་ཐ་ཝཱི, པུ་ཐ་ཝཱི, ཋེ པ་ཐ་ཝཱི.
༤༠. ས་མཱ་ས་ནྟྭ.
ས་མཱ་ས་ནྟྭ ཨི་ཏི ཙཱ་དྷི་ཀ་རཱི་ཡ་ཏི.
༤༡. པཱ་པཱ་དཱི་ཧི བྷཱུ་མི་ཡཱ.
པཱ་པཱ་དཱི་ཧཱི པ་རཱ ཡཱ བྷཱུ་མི ཏ་སྶཱ ས་མཱ་ས་ནྟོ ཨ ཧོ་ཏི. པཱ་པ་བྷཱུ་མཾ, ཛཱ་ཏི་བྷཱུ་མཾ.
༤༢. ས་ངྑྱཱ་ཧི.
ས་ངྑྱཱ་ཧི པ་རཱ ཡཱ བྷཱུ་མི ཏ་སྶཱ ས་མཱ་ས་ནྟོ ཨ ཧོ་ཏི. དྭི་བྷཱུ་མཾ, ཏི་བྷཱུ་མཾ.
༤༣. ན་དཱི་གོ་དཱ་ཝ་རཱི་ནཾ.
ས་ངྑྱཱ་ཧི པ་རཱ་སཾ ན་དཱི་གོ་དཱ་ཝ་རཱི་ནཾ ས་མཱ་ས་ནྟོ ཨ ཧོ་ཏི, པ་ཉྩ་ན་དཾ, ས་ཏྟ་གོ་དཱ་ཝ་རཾ, ས་ངྑྱཱ་ཧི་ཏྭེ་ཝ? མ་ཧཱ་ན་དཱི, ན་དཱི་གོ་དཱ་ཝ་རཱི་ན་ནྟི ཀིཾ? ད་སི་ཏྠི.
༤༤. ཨ་ས་ངྑྱེ་ཧི ཙཱ་ངྒུ་ལྱཱ་ན་ཉྙཱ་ས་ངྑྱ་ཏྠེ་སུ.
ཨ་ས་ངྑྱེ་ཧི ས་ངྑྱཱ་ཧི ཙ པ་རཱ་ཡ ཨ་ངྒུ་ལྱཱ ས་མཱ་ས་ནྟོ ཨ ཧོ་ཏི ནོ ཙེ ཨ་ཉྙ་པ་ད་ཏྠེ ཨ་ས་ངྑྱ་ཏྠེ ཙ ས་མཱ་སོ ཝ་ཏྟ་ཏེ. ནི་གྒ་ཏ་མ་ངྒུ་ལཱི་ཧི ནི་ར་ངྒུ་ལཾ, ཨ་ཙྩ་ངྒུ་ལཾ, དྭེ ཨ་ངྒུ་ལི་ཡོ ས་མཱ་ཧ་ཊཱ དྭ་ངྒུ་ལཾ, ཨ་ན་ཉྙཱ་ས་ངྑྱ་ཏྠེ་སཱུ་ཏི ཀིཾ? པ་ཉྩ་ངྒུ་ལི ཧ་ཏྠོ, ཨུ་པ་ངྒུ་ལི, ཀ་ཐཾ ‘དྭེ ཨ་ངྒུ་ལཱི་མཱ་ན་མ་སྶཱ་ཏི དྭ་ངྒུ་ལ’ནྟི? ནཱ་ཏྲ ས་མཱ་སོ་ཉྙ་པ་ད་ཏྠེ ཝི་ཧི་ཏོ མ་ཏྟཱ་དཱི་ནཾ ལོ་པེ ཀ་ཏེ ཏ་ཏྠ ཝ་ཏྟ་ཏེ. ཨ་ངྒུ་ལ་ས་དྡོ ཝཱ པ་མཱ་ཎ་ཝཱ་ཙི ས་དྡ་ནྟ་རཾ, ཡ་ཐཱ ‘སེ་ན་ངྒུ་ལ་པྤ་མཱ་ཎེ་ན ཨ་ངྒུ་ལཱ་ནཾ ས་ཏཾ པུ་ཎྞཾ ཙ་ཏུ་དྡ་ས ཝཱ ཨ་ངྒུ་ལཱ་ནཱི’ཏི.
༤༥. དཱི་གྷཱ་ཧོ་ཝ་སྶེ་ཀ་དེ་སེ་ཧི ཙ ར་ཏྟྱཱ.
དཱི་གྷཱ་དཱི་ཧི ཨ་ས་ངྑྱེ་ཧི ས་ངྑྱཱ་ཧི ཙ པ་ར་མ་སྨཱ ར་ཏྟི་ཡཱ ས་མཱ་ས་ནྟོ ཨ ཧོ་ཏི. དཱི་གྷ་ར་ཏྟཾ, ཨ་ཧོ་ར་ཏྟཾ (ཏྟོ), ཝ་སྶཱ་ར་ཏྟཾ (ཏྟོ), པུ་བྦ་ར་ཏྟཾ, ཨ་པ་ར་ར་ཏྟཾ, ཨ་ཌྜྷུ་ར་ཏྟཾ, ཨ་ཏི་ཀྐ་ནྟོ ར་ཏྟིཾ ཨ་ཏི་ར་ཏྟོ, དྭེ་ར་ཏྟཱི ས་མཱ་ཧ་ཊཱ དི་ར་ཏྟཾ (ཏྟོ), ཝཱ ཀྭ་ཙི བ་ཧུ་ལཱ་དྷི་ཀཱ་རཱ ཨེ་ཀ་ར་ཏྟཾ (ཏྟོ), ཨེ་ཀ་ར་ཏྟི, ཨ་ན་ཉྙཱ་ས་ངྑྱ་ཏྠེ་སུ་ཏྭེ་ཝ? དཱི་གྷ་ར་ཏྟི་ཧེ་མ་ནྟོ, ཨུ་པ་ར་ཏྟི, ཀྭ་ཙི ཧོ་ཏེ་ཝ བ་ཧུ་ལཾ ཝི་དྷཱ་ནཱ་ཡ་ཐཱ་ར་ཏྟཾ.
༤༦. གོ་ཏྭ་ཙ་ཏྠེ ཙཱ་ལོ་པེ.
གོ་ས་དྡཱ ཨ་ལོ་པ་ཝི་ས་ཡཱ ས་མཱ་ས་ནྟོ ཨ ཧོ་ཏི ན ཙེ ཙ་ཏྠེ ས་མཱ་སོ ཨ་ཉྙ་པ་ད་ཏྠེ ཨ་ས་ངྑྱ་ཏྠེ ཙ, རཱ་ཛ་ག་ཝོ, པ་ར་མ་ག་ཝོ, པ་ཉྩ་ག་ཝ་དྷ་ནོ, ད་ས་ག་ཝཾ, ཨ་ལོ་པེ་ཏི ཀིཾ? པ་ཉྩ་ཧི གོ་ཧི ཀཱི་ཏོ པ་ཉྩ་གུ, ཨ་ཙ་ཏྠེ་ཏི ཀི? ཨ་ཛ་སྶ་གཱ་ཝོ, ཨ་ན་ཉྙཱ་ས་ངྑྱ་ཏྠེ་སུ་ཏྭེ་ཝ? ཙི་ཏྟ་གུ, ཨུ་པ་གུ.
༤༧. ར་ཏྟི་ནྡི་ཝ་དཱ་ར་ག་ཝ་ཙ་ཏུ་ར་སྶཱ.
ཨེ་ཏེ ས་དྡཱ ཨ་ཨ་ནྟཱ ནི་པ་ཙྩ་ནྟེ. ར་ཏྟོ ཙ དི་ཝཱ ཙ ར་ཏྟི་ནྡི་ཝཾ, ར་ཏྟི ཙ དི་ཝཱ ཙ ར་ཏྟི་ནྡི་ཝཾ, དཱ་རཱ ཙ གཱ་ཝོ ཙ དཱ་ར་ག་ཝཾ, ཙ་ཏ་སྶོ ཨ་སྶི་ཡོ ཨ་སྶ ཙ་ཏུ་ར་སྶོ.
༤༨. ཨཱ་ཡཱ་མེ་ནུ་ག་ཝཾ.
ཨ་ནུ་ག་ཝ་ནྟི ནི་པ་ཙྩ་ཏེ ཨཱ་ཡཱ་མེ ག་མྱ་མཱ་ནེ. ཨ་ནུ་ག་ཝཾ ས་ཀ་ཊཾ, ཨཱ་ཡཱ་མེ་ཏི ཀིཾ? གུ་ནྣཾ པ་ཉྪཱ ཨ་ནུ་གུ.
༤༩. ཨ་ཀྑི་སྨཱ་ཉྙ་ཏྠེ. ཨ་ཀྑི་སྨཱ ས་མཱ་ས་ནྟོ ཨ ཧོ་ཏི ཨ་ཉྙ་ཏྠེ ཙེ ས་མཱ་དྷ་སཱ. ཝི་སཱ་ལ་ཀྑོ, ཝི་སཱ་ལ་ཀྑཱི.
༥༠. དཱ་རུ་མྱ་ངྒུ་ལྱཱ.
ཨ་ངྒུ་ལ་ནྟཱ ཨ་ཉྙ་པ་ད་ཏྠེ དཱ་རུ་མྷི ས་མཱ་ས་ནྟོ ཨ ཧོ་ཏི. དྭ་ངྒུ་ལཾ་དཱ་རུ, པ་ཉྩ་ངྒུ་ལཾ, ཨ་ངྒུ་ལི་ས་དི་སཱ་ཝ་ཡ་ཝཾ དྷ་ཉྙཱ་དཱི་ནཾ ཝི་ཀྑེ་པ་ཀཾ དཱ་རུཾ ཝུ་ཙྩ་ཏེ, པ་མཱ་ཎེ ཏུ པུ་བྦེ ཝི་ཡ སི་དྡྷཾ ས་ཁ་རཱ་ཛ་ས་དྡཱ ཨ་ཀཱ་ར་ནྟཱ་ཝ, སི་སྶོ་པི ན དི་སྶ་ཏི, གཱ་ཎྜཱི ཝ་དྷ་ནྭཱ་ཏི པ་ཀ་ཏ་ནྟ་རེ་ན སི་དྡྷཾ.
༥༡. ཙི ཝཱི་ཏི་ཧཱ་རེ.
ཨོ་གྷཱ་བྱ་ཏི་ཧཱ་རེ ག་མྱ་མཱ་ནེ ཨ་ཉྙ་པ་ད་ཏྠེ ཝ་ཏྟ་མཱ་ན་ཏོ ཙི ཧོ་ཏི. ཀེ་སཱ་ཀེ་སི ད་ཎྜཱ་ད་ཎྜི, ཙ་ཀཱ་རོ ‘‘ཙི་སྨི’’ནྟི (༣.༦༦) ཝི་སེ་ས་ན་ཏྠོ, སུ་ག་ནྡྷི, དུ་གྒ་ནྟཱི་ཏི པ་ཡོ་གོ ན དི་སྶ་ཏེ.
༥༢. ལྟྭི་ཏྠི་ཡཱུ་ཧི ཀོ.
ལྟུ་པྤ་ཙྩ་ཡ་ནྟེ་ཧི, ཨི་ཏྠི་ཡ་མཱི་ཀཱ་རཱུ་ཀཱ་ར་ནྟེ་ཧི ཙ བ་ཧུ་ལཾ ཀ་པྤ་ཙྩ་ཡོ ཧོ་ཏི ཨ་ཉྙ་པ་ད་ཏྠེ. བ་ཧུ་ཀ་ཏྟུ་ཀོ, བ་ཧུ་ཀུ་མཱ་རི་ཀོ, བ་ཧུ་བྲ་ཧྨ་བ་ནྡྷུ་ཀོ, བ་ཧུ་ལཾ་ཏྭེ་ཝ? སུ་བྦྷཱུ.
༥༣. ཝཱ་ཉྙ་ཏོ.
ཨ་ཉྙེ་ཧི ཨ་ཉྙ་པ་ད་ཏྠེ ཀོ ཝཱ བ་ཧུ་ལཾ ཧོ་ཏི. བ་ཧུ་མཱ་ལ་ཀོ, བ་ཧུ་མཱ་ལོ.
༥༤. ཨུ་ཏྟ་ར་པ་དེ. ཨེ་ཏ་མ་དྷི་ཀ་ཏཾ ཝེ་དི་ཏ་བྦཾ.
༥༥. ཨི་མ་སྶི་དཾ.
ཨུ་ཏྟ་ར་པ་དེ པ་ར་ཏོ ཨི་མ་སྶ ཨི་དཾ ཧོ་ཏི. ཨི་ད་མ་ཊྛི་ཏཱ, ཨི་ད་པྤ་ཙྩ་ཡ་ཏཱ, ནི་གྒ་ཧཱི་ཏ་ལོ་པོ པ་སྶ ཙ དྭི་བྷཱ་ཝོ.
༥༦. པུཾ པུ་མ་སྶ ཝཱ. པུ་མ་སྶ པུཾ ཧོ་ཏུ་ཏྟ་ར་པ་དེ ཝི་བྷཱ་སཱ. པུ་ལླི་ངྒཾ, པུ་མ་ལི་ངྒཾ.
༥༧. ཊ་ནྟ་ནྟཱུ་ནཾ.
ཨེ་སཾ ཊ ཧོ་ཏུ་ཏྟ་ར་པ་དེ ཀྭ་ཙི ཝཱ. བྷ་ཝ་མྤ་ཏི་ཊྛཱ་མ་ཡཾ, བྷ་ག་ཝཾ་མཱུ་ལ་ཀཱ ནོ དྷ་མྨཱ, བ་ཧུ་ལཱ་དྷི་ཀཱ་རཱ ཏ་རཱ་དཱི་སུ ཙ པ་གེ་ཝ མ་ཧ་ཏྟ་རཱི, ར་ཏྟ་ཉྙུ་མ་ཧ་ཏྟཾ.
༥༨. ཨ. ཨེ་སཾ ཨ ཧོ་ཏུ་ཏྟ་ར་པ་དེ. གུ་ཎ་ཝ་ནྟ་པ་ཏི་ཊྛོ-སྨི.
༥༩. མ་ནཱ་དྱཱ་པཱ་དཱི་ན་མོ མ་ཡེ ཙ. མ་ནཱ་དཱི་ན་མཱ་པཱ་དཱི་ནཾ ཙ ཨོ ཧོ་ཏུ་ཏྟ་ར་པ་དེ མ་ཡེ ཙ. མ་ནོ་སེ་ཊྛཱ, མ་ནོ་མ་ཡཱ, ར་ཛོ་ཛ་ལླཾ, ར་ཛོ་མ་ཡཾ, ཨཱ་པོ་ག་ཏཾ, ཨཱ་པོ་མ་ཡཾ, ཨ་ནུ་ཡ་ནྟི དི་སོ་དི་སཾ.
༦༠. པ་ར་སྶ ས་ངྑྱཱ་སུ.
ས་ངྑྱཱ་སུ་ཏྟ་ར་པ་དེ་སུ པ་ར་སྶ ཨོ ཧོ་ཏི. པ་རོ་ས་ཏཾ, པ་རོ་ས་ཧ་སྶཾ, ས་ངྑྱཱ་སཱུ་ཏི ཀིཾ? པ་ར་ད་ཏྟཱུ་པ་ཛཱི་ཝི་ནོ.
༦༡. ཛ་ནེ པུ་ཐ་སྶུ.
ཛ་ནེ ཨུ་ཏྟ་ར་པ་དེ པུ་ཐ་སྶ ཨུ ཧོ་ཏི. ཨ་རི་ཡེ་ཧི པུ་ཐ་གེ་ཝཱ་ཡཾ ཛ་ནོ་ཏི པུ་ཐུ་ཛྫ་ནོ.
༦༢. སོ ཚ་སྶཱ་ཧཱ་ཡ་ཏ་ནེ ཝཱ.
ཨ་ཧེ ཨཱ་ཡ་ཏ་ནེ ཙུ་ཏྟ་ར་པ་དེ ཚ་སྶ སོ ཝཱ ཧོ་ཏི. སཱ་ཧཾ ཚཱ་ཧཾ, ས་ལཱ༹་ཡ་ཏ་ནཾ, ཚ་ལཱ༹་ཡ་ཏ་ནཾ.
༦༣. ལྟུ་པི་ཏཱ་དཱི་ན་མཱ་ར་ང་ར་ང.
ལྟུ་པྤ་ཙྩ་ཡ་ནྟཱ་ནཾ པི་ཏཱ་དཱི་ན་ཉྩ ཡ་ཐཱ་ཀྐ་མ་མཱ་ར་ང་ར་ང ཝཱ ཧོ་ནྟུ་ཏྟ་ར་པ་དེ, ས་ཏྠཱ་ར་ད་སྶ་ནཾ, ཀ་ཏྟཱ་ར་ནི་དྡེ་སོ, མཱ་ཏ་ར་པི་ཏ་རོ, ཝཱ་ཏྭེ་ཝ? ས་ཏྠུ་ད་སྶ་ནཾ, མཱ་ཏཱ་པི་ཏ་རོ.
༦༤. ཝི་ཛྫཱ་ཡོ་ནི་ས་མྦ་ནྡྷཱ་ན་མཱ ཏ་ཏྲ ཙ་ཏྠེ.
ལྟུ་པི་ཏཱ་དཱི་ནཾ ཝི་ཛྫཱ་ས་མྦ་ནྡྷཱི་ནཾ ཡོ་ནི་ས་མྦ་ནྡྷཱི་ནཾ ཙ ཏེ་སྭེ་ཝ ལྟུ་པི་ཏཱ་དཱི་སུ ཝི་ཛྫཱ་ཡོ་ནི་ས་མྦ་ནྡྷི་སུ་ཏྟ་ར་པ་དེ་སུ ཙ་ཏྠ་ཝི་ས་ཡེ ཨཱ ཧོ་ཏི. ཧོ་ཏཱ་པོ་ཏ་རོ མཱ་ཏཱ་པི་ཏ་རོ, ལྟུ་པི་ཏཱ་དཱི་ནཾ ཏྭེ་ཝ? པུ་ཏྟ་བྷཱ་ཏ་རོ, ཏ་ཏྲེ་ཏི ཀིཾ? པི་ཏུ་པི་ཏཱ་མ་ཧཱ, ཙ་ཏྠེ་ཏི ཀིཾ? མཱ་ཏུ་བྷཱ་ཏཱ, ཝི་ཛྫཱ་ཡོ་ནི་ས་མྦ་ནྡྷཱ་ན་ནྟི ཀིཾ? དཱ་ཏུ་བྷ་ཏྟཱ་རོ.
༦༥. པུ་ཏྟེ.
པུ་ཏྟེ ཨུ་ཏྟ་ར་པ་དེ ཙ་ཏྠ་ཝི་ས་ཡེ ལྟུ་པི་ཏཱ་དཱི་ནཾ ཝི་ཛྫཱ་ཡོ་ནི ས་མྦ་ནྡྷཱ་ན་མཱ ཧོ་ཏི. པི་ཏཱ་པུ་ཏྟཱ, མཱ་ཏཱ་པུ་ཏྟཱ.
༦༦. ཙི་སྨིཾ.
ཙི་པྤ་ཙྩ་ཡ་ནྟེ ཨུ་ཏྟ་ར་པ་དེ ཨཱ ཧོ་ཏི. ཀེ་སཱ་ཀེ་སི, མུ་ཊྛཱ་མུ་ཊྛི.
༦༧. ཨི་ཏྠི་ཡ་མྦྷཱ་སི་ཏ་པུ་མི་ཏྠཱི པུ་མེ་ཝེ་ཀ་ཏྠེ.
ཨི་ཏྠི་ཡཾ ཝ་ཏྟ་མཱ་ནེ ཨེ་ཀ་ཏྠེ ས་མཱ་ནཱ་དྷི་ཀ་ར་ཎེ ཨུ་ཏྟ་ར་པ་དེ པ་རེ བྷཱ་སི་ཏ་པུ་མཱ ཨི་ཏྠཱི པུ་མེ་ཝ ཧོ་ཏི. ཀུ་མཱ་ར་བྷ་རི་ཡོ, དཱི་གྷ་ཛ་ངྒྷོ, ཡུ་ཝ་ཛཱ་ཡོ, ཨི་ཏྠི་ཡ་ནྟི ཀིཾ? ཀ་ལྱཱ་ཎཱི པ་དྷཱ་ན་མེ་སཾ ཀ་ལྱཱ་ཎི་པྤ་དྷཱ་ནཱ, བྷཱ་སི་ཏ་པུ་མེ་ཏི ཀིཾ? ཀ་ཉྙཱ་བྷ་རི་ཡོ, ཨི་ཏྠཱི་ཏི ཀིཾ? གཱ་མ་ཎི་ཀུ་ལཾ དི་ཊྛི ཨ་སྶ གཱ་མ་ཎི་དི་ཊྛི, ཨེ་ཀ་ཏྠེ་ཏི ཀིཾ? ཀ་ལྱཱ་ཎི་ཡཱ མཱ་ཏཱ ཀ་ལྱཱ་ཎི་མཱ་ཏཱ.
༦༨. ཀྭ་ཙི པ་ཙྩ་ཡེ.
བྷཱ་སི་ཏ་པུ་མི་ཏྠཱི པ་ཙྩ་ཡེ ཀྭ་ཙི པུ་མེ་ཝ མོ་ཏི. བྱ་ཏྟ་ཏ་རཱ, བྱ་ཏྟ་ཏ་མཱ.
༦༩. ས་བྦཱ་ད་ཡོ ཝུ་ཏྟི་མ་ཏྟེ.