༢. དུ་ཏི་ཡོ ཀ་ཎྜོ (སྱཱ་དི)
༡. དྭེ དྭེ-ཀཱ་ནེ་ཀེ་སུ ནཱ་མ་སྨཱ སི ཡོ, ཨཾ ཡོ, ནཱ ཧི, ས ནཾ, སྨཱ ཧི, ས ནཾ, སྨིཾ སུ.
ཨེ་ཏེ་སཾ དྭེ དྭེ ཧོ་ནྟི ཨེ་ཀཱ་ནེ་ཀ་ཏྠེ་སུ ཝ་ཏྟ་མཱ་ན་ཏོ ནཱ་མ་སྨཱ. མུ་ནི མུ་ན་ཡོ, མུ་ནིཾ མུ་ན་ཡོ, མུ་ནི་ནཱ མུ་ནཱི་ཧི, མུ་ནི་སྶ མུ་ནཱི་ནཾ, མུ་ནི་སྨཱ མུ་ནཱི་ཧི, མུ་ནི་སྶ མུ་ནཱི་ནཾ, མུ་ནི་སྨིཾ མུ་ནཱི་སུ, ཨེ་ཝཾ ཀུ་མཱ་རཱི ཀུ་མཱ་རི་ཡོ, ཀ་ཉྙཱ ཀ་ཉྙཱ་ཡོ་ཏི. ཨེ་ཏཱ་ནི ས་ཏྟ དུ་ཀཱ་ནི ས་ཏྟ ཝི་བྷ་ཏྟི་ཡོ ཝི་བྷཱ་གོ ཝི་བྷ་ཏཱི་ཏི ཀ་ཏྭཱ, ཨེ་ཏྠ སི་ཨ་མི་ཏཱི-ཀཱ་རཱ-ཀཱ་རཱ ‘‘ཀི་མཾ སི་སུ’’ ༢,༢༠༠ ཏི སཾ་ཀེ་ཏ་ཏྠཱ.
༢. ཀ་མྨེ དུ་ཏི་ཡཱ.
ཀ་རཱི་ཡ་ཏི ཀ་ཏྟུ ཀི་རི་ཡཱ་ཡཱ-བྷི་ས་མྦ་ནྡྷཱི་ཡ་ཏཱི་ཏི ཀ་མྨཾ, ཏ་སྨིཾ དུ་ཏི་ཡཱ་ཝི་བྷ་ཏྟི ཧོ་ཏཾ. ཀ་ཊཾ ཀ་རོ་ཏི, ཨོ་ད་ནཾ པ་ཙ་ཏི, ཨཱ་དི་ཙྩཾ པ་སྶ་ཏི.
‘ཨོ་ད་ནོ པ་ཙྩ་ཏཱི’ཏི ཨོ་ད་ན་ས་དྡ་ཏོ ཀ་མྨ་ཏཱ ན་པྤ་ཏཱི་ཡ་ཏེ, ཀི་ཉྩ་ར་ཧི? ཨཱ་ཁྱཱ་ཏ་ཏོ. ‘ཀ་ཊཾ ཀ་རོ་ཏི ཝི་པུ་ལཾ ད་སྶ་ནཱི་ཡ’ནྟི ཨ་ཏྠེ་ཝ གུ་ཎ་ཡུ་ཏྟ་སྶ ཀ་མྨ་ཏཱ, ཨི་ཙྪི་ཏེ་པི ཀ་མྨ་ཏྟཱ་ཝ དུ་ཏི་ཡཱ སི་དྡྷཱ གཱ་ཝུཾ པ་ཡོ དོ་ཧ་ཏི, གོ་མ་ནྟཾ གཱ་ཝཾ ཡཱ་ཙ་ཏི, གཱ་ཝ་མ་ཝ་རུ་ནྡྷ་ཏི ཝ་ཛཾ, མཱ་ཎ་ཝ་ཀཾ མ་གྒཾ པུ་ཙྪ་ཏི, གོ་མ་ནྟཾ གཱ་ཝཾ བྷི་ཀྑ་ཏེ, རུ་ཀྑ་མ་ཝ་ཙི་ནཱ་ཏི ཕ་ལཱ་ནི, སི་སྶཾ དྷ་མྨཾ བྲཱུ་ཏེ, སི་སྶཾ དྷ་མྨ་མ་ནུ་སཱ་ས་ཏཱི་ཏི. ཨེ་ཝཾ ཨ་ནི་ཙྪི་ཏེ་པི ཨ་ཧིཾ ལ་ངྒྷ་ཡ་ཏི, ཝི་སཾ བྷ་ཀྑེ་ཏི. ཡཾ་ནེ་ཝི་ཙྪི་ཏཾ ནཱ་པི ཨ་ནི་ཙྪི་ཏཾ, ཏ་ཏྠཱ་པི དུ་ཏི་ཡཱ སི་དྡྷཱ. གཱ་མཾ ག་ཙྪ་ནྟོ རུ་ཀྑ་མཱུ་ལ་མུ་པ་ས་པྤ་ཏི.
པ་ཐ་ཝིཾ ཨ་དྷི་སེ་སྶ་ཏི, གཱ་མ་མ་དྷི་ཏི་ཊྛ་ཏི, རུ་ཀྑ་མ་ཛ྄ཛྷཱ་ས་ཏེ་ཏི་ཨ་དྷི་སཱི་ཋཱ་སཱ་ནཾ་པ་ཡོ་གེ-དྷི་ཀ་ར་ཎེ ཀ་མྨ་ཝ་ཙ་ནི་ཙྪཱ, ཝ་ཏྟི་ཙྪཱ་ཏོ ཧི ཀཱ་ར་ཀཱ་ནི ཧོ་ནྟི. ཏཾ ཡ་ཐཱ-ཝ་ལཱ་ཧ་ཀཱ ཝི་ཛྫོ་ཏ་ཏེ, ཝ་ལཱ་ཧ་ཀ་སྶ ཝི་ཛྫོ་ཏ་ཏེ, ཝ་ལཱ་ཧ་ཀོ ཝི་ཛྫོ་ཏ་ཏེ, ཝ་ལཱ་ཧ་ཀེ ཝི་ཛྫོ་ཏ་ཏེ, ཝ་ལཱ་ཧ་ཀེ་ན ཝི་ཛྫོ་ཏ་ཏེ་ཏི. ཨེ་ཝ་མ་བྷི་ནི་ཝི་ས་སྶ ཝཱ དྷ་མྨ་མ་བྷི་ནི་ཝི་ས་ཏེ དྷ་མྨེ ཝཱ.
ཏ་ཐཱ ཨུ་པ་ནྭ་ཛ྄ཛྷཱ་ཝ་ས་སྶཱ་བྷོ་ཛ་ན ནི་ཝུ་ཏྟི་ཝ་ཙ་ན་སྶ གཱ་མ་མུ་པ་ཝ་ས་ཏི, ག, མ་མ་ནུ་ཝ་ས་ཏི, པ་བྦ་ཏ་མ་དྷི་ཝ་ས་ཏི, གྷ་ར་མཱ་ཝ་ས་ཏི. ཨ་བྷོ་ཛ་ན་ནི་ཝུ་ཏྟི ཝ་ཙ་ན་སྶཱ་ཏི ཀིཾ? གཱ་མེ ཨུ་པ་ཝ་ས་ཏི, བྷོ་ཛ་ན་ནི་ཝུ་ཏྟིཾ ཀ་རོ་ཏཱི་ཏི ཨ་ཏྠོ. ཏ་པྤཱ་ནཱ་ཙཱ་རེ་པི ཀ་མྨ་ཏྟཱ་ཝ དུ་ཏི་ཡཱ སི་ཡཱ ན་དི་མྤི་ཝ་ཏི, གཱ་མཾ ཙ་ར་ཏི, ཨེ་ཝཾ ‘ས་ཙེ མཾ ཨཱ་ལ་པི་སྶ་ཏཱི’ཏི་ཨཱ་དཱི་སུ་པི. ཝི་ཧི་ཏཱ་ཝ པ་ཏི་དྷ་ཡོ་གེ དུ་ཏི་ཡཱ – ‘པ་ཊི་བྷ་ནྟུ ཏཾ ཙུ་ནྡ བོ་ཛ྄ཛྷ་ངྒཱ’ཏི. ཏཾ པ་ཏི བོ་ཛ྄ཛྷ་ངྒཱ བྷཱ་ས་ནྟཱུ་ཏི ཨ་ཏྠོ, ཡ་དཱ་ཏུ དྷཱ་ཏུ་ནཱ་ཡུ་ཏྟོ པ་ཏི, ཏ་དཱ ཏེ་ནཱ-ཡོ་གཱ ས་མྦ་ནྡྷེ ཚ་ཊྛཱི་ཝ ‘ཏ་སྶ ན་པྤ་ཊི་བྷཱ་ཏཱི’ཏི. ཨ་ཀྑེ དི་བྦ་ཏི, ཨ་ཀྑེ་ཧི དི་བྦ་ཏི, ཨ་ཀྑེ་སུ དི་བྦ་ཏཱི་ཏི ཀ་མྨ་ཀ་ར་ཎཱ་དྷི་ཀ་ར་ཎ་ཝ་ཙ་ནི་ཙྪཱ.
༣. ཀཱ་ལ་དྡྷཱ་ན་མ་ཙྩ་ནྟ་སཾ་ཡོ་གེ.
ཀི་རི་ཡཱ, གུ་ཎ, ད་བྦེ་ཧི སཱ་ཀ་ལླེ་ན ཀཱ་ལ་དྡྷཱ་ནཾ ས་མྦ་ནྡྷོ ཨ་ཙྩ་ནྟ་སཾ་ཡོ་གོ. ཏ་སྨིཾ ཝི་ཉྙཱ་ཡ་མཱ་ནེ ཀཱ་ལ་ས་དྡེ་ཧི ཨ་དྡྷ་ཨ་དྡེ་ཧི ཙ དུ་ཏི་ཡཱ ཧོ་ཏི. མཱ་ས་མ་དྷཱི་ཏེ, མཱ་སཾ ཀ་ལྱཱ་ཎི, མཱ་སཾ གུ་ལ༹་དྷཱ་ནཱ, ཀོ་ས་མ་དྷཱི་ཏེ, ཀོ་སཾ ཀུ་ཊི་ལཱ ན་དཱི, ཀོ་སཾ པ་བྦ་ཏོ. ཨ་ཙ་ནྟ་སཾ་ཡོ་གེ་ཏི ཀིཾ? མཱ་ས་སྶ དྭཱི་ཧ་མ་དྷཱི་ཏེ, ཀོ་ས་སྶེ་ཀ་དེ་སེ པ་བྦ་ཏོ.
པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ, ཨེ་ཀཾ ས་མ་ཡཾ བྷ་ག་ཝཱ, ཨི་མཾ ར་ཏྟིཾ ཙ་ཏྟཱ་རོ མ་ཧཱ་རཱ་ཛཱ་ཏི ཨེ་ཝ་མཱ་དཱི་སུ ཀཱ་ལ་ཝཱ་ཙཱི ཧི ཨ་ཙྩ་ནྟ་སཾ་ཡོ་ག་ཏྟཱ་ཝ དུ་ཏི་ཡཱ སི་དྡྷཱ. ཝི་བྷ་ཏྟི་ཝི་པ་ལླཱ་སེ་ན་པི ཝཱ བ་ཧུ་ལཾ་ཝི་དྷཱ་ནཱ.
ཕ་ལ་པྤ་ཏྟི་ཡཾ ཀི་རི་ཡཱ་པ་རི་ས་མ་ཏྟྱ་པ་ཝ་གྒོ, ཏ་སྨིཾ ཝི་ཉྙཱ་ཡ་མཱ་ནེ ཀཱ་ལ་དྡྷཱ་ནཾ ཀི་རི་ཡཱ་ཡཱ་ཙྩ་ནྟ་སཾ་ཡོ་གེ ཏ་ཏི་ཡཱ་བྷི་མ་ཏཱ, སཱ་པི ཀ་ར་ཎ་ཏྟཱ་ཝ སི་དྡྷཱ ‘མཱ་སེ་ནཱ་ནུ་ཝཱ་ཀོ-དྷཱི་ཏོ, ཀོ་སེ་ནཱ་ནུ་ཝཱ་ཀོ-དྷཱི་ཏོ’ཏི. ཨ་ན་པ་ཝ་གྒེ་ཏུ ཨ་སཱ་དྷ་ཀ་ཏ་མ་ཏྟཱ་ཀ་ར་ཎ་ཏྟཱ་བྷཱ་ཝེ དུ་ཏི་ཡཱ་ཝ ‘མཱ་ས་མ་དྷཱི་ཏོ-ནུ་ཝཱ་ཀོ, ན ཙཱ་ནེ ན ག་ཧི་ཏོ’ཏི.
ཀཱ་ར་ཀ་མ་ཛ྄ཛྷེ ཡེ ཀཱ་ལ་དྡྷཱ་ན་ཝཱ་ཙི་ནོ, ཏ་ཏོ ས་ཏྟ་མཱི་པ་ཉྩ་མི་ཡོ ཨ་བྷི་མ་ཏཱ ‘ཨ་ཛྫ བྷུ་ཏྭཱ དེ་ཝ་ད་ཏྟོ དྭི་ཧེ བྷུ་ཉྫི་སྶ་ཏི, དྭཱི་ཧཱ བྷུ་ཉྫི་སྶ་ཏི, ཨ་ཏྲ་ཊྛོ-ཡ་མི་སྶཱ་སོ ཀོ་སེ ལ་ཀྑཾ ཝི་ཛ྄ཛྷ་ཏི, ཀོ་སཱ ལ་ཀྑཾ ཝི་ཛ྄ཛྷ་ཏཱི’ཏི, ཏཱ་པཱི་ཧ ས་ཀ་ས་ཀ་ཀཱ་ར་ཀ་ཝ་ཙ་ནི་ཙྪཱ་ཡེ་ཝ སི་དྡྷཱ.
༤. ག་ཏི བོ་དྷཱ་ཧཱ་ར ས་དྡ་ཏྠཱ་ཀ་མྨ་ཀ བྷ་ཛྫཱ་དཱི་ནཾ པ་ཡོ་ཛྫེ.
ག་མ་ན་ཏྠཱ་ནཾ བོ་དྷ་ཏྠཱ་ནཾ ཨཱ་ཧཱ་ར་ཏྠཱ་ནཾ ས་དྡ་ཏྠཱ་ན་མ་ཀ་མྨ་ཀཱ་ནཾ བྷ་ཛྫཱ་དཱི་ན་ཉྩ པ་ཡོ་ཛྫེ ཀ་ཏྟ་རི དུ་ཏི་ཡཱ ཧོ་ཏི. སཱ་མ་ཏྠི་ཡཱ ཙ པ་ཡོ་ཛ་ཀ་བྱཱ་པཱ་རེ་ན ཀ་མྨ་ཏཱ་ཝ་སྶ ཧོ་ཏཱི་ཏི པ་ཏཱི་ཡ་ཏེ. ག་མ་ཡ་ཏི མཱ་ཎ་ཝ་ཀཾ གཱ་མཾ, ཡཱ་པ་ཡ་ཏི མཱ་ཎ་ཝ་ཀཾ གཱ་མཾ, བོ་དྷ་ཡ་ཏི མཱ་ཎ་ཝ་ཀཾ དྷ་མྨཾ, ཝེ་ད་ཡ་ཏི མཱ་ཎ་ཝ་ཀཾ དྷ་མྨཾ, བྷོ་ཛ་ཡ་ཏི མཱ་ཎ-ཝ་ཀཾ མོ་ད་ཀཾ, ཨཱ་ས་ཡ་ཏི མཱ་ཎ་ཝ་ཀཾ མོ་ད་ཀཾ, ཨ་ཛ྄ཛྷཱ་པ་ཡ་ཏི མཱ་ཎ་ཝ་ཀཾ ཝེ་དཾ, པཱ་ཋ་ཡ་ཏི མཱ་ཎ་ཝ་ཀཾ ཝེ་དཾ, ཨཱ་ས་ཡ་ཏི དེ་ཝ་ད་ཏྟཾ, སཱ་ཡ་ཡ་ཏི དེ་ཝ་ད་ཏྟཾ, ཨ་ཉྙཾ བྷ་ཛྫཱ་པེ་ཏི, ཨ་ཉྙཾ ཀོ་ཊྚཱ་པེ་ཏི, ཨ་ཉྙཾ ས་ནྠ་རཱ་པེ་ཏི. ཨེ་ཏེ་ས་མེ་ཝཱ་ཏི ཀིཾ? པཱ་ཙེ་ཏི ཨོ་ད་ནཾ དེ་ཝ་ད་ཏྟེ་ན ཡ་ཉྙ་ད་ཏྟོ. པ་ཡོ་ཛྫེ་ཏི ཀིཾ? ག་ཙྪ་ཏི དེ་ཝ་ད་ཏྟོ. ཡ་དཱ ཙ་ར་ཧི ག་མ་ཡ་ཏི དེ་ཝ་ད་ཏྟཾ ཡ་ཉྙ་ད་ཏྟོ, ཏ་མ་པ་རོ པ་ཡོ་ཛེ་ཏི, ཏ་དཱ ག་མ་ཡ་ཏི དེ་ཝ་ད་ཏྟཾ ཡ་ཉྙ་ད་ཏྟེ་ནེ་ཏི བྷ་ཝི་ཏ་བྦཾ … ག་མ་ཡ་ཏི་སྶཱ-ག་མ་ན་ཏྠ་ཏྟཱ.
༥. ཧ་རཱ་དཱི་ནཾ ཝཱ.
ཧ་རཱ་དཱི་ནཾ པ་ཡོ་ཛྫེ ཀ་ཏྟ་རི དུ་ཏི་ཡཱ ཧོ་ཏི ཝཱ. ཧཱ་རེ་ཏི བྷཱ་རཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ, ཨ་ཛ྄ཛྷོ་ཧཱ་རེ་ཏི ས་ཏྟུཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ, ཀཱ་རེ་ཏི ཀ་ཊཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ ད་སྶ་ཡ་ཏེ ཛ་ནཾ རཱ་ཛཾ ཛ་ནེ་ནེ་ཏི ཝཱ, ཨ་བྷི་ཝཱ་ད་ཡ་ཏེ གུ་རུཾ དེ་ཝ་ད་ཏྟཾ དེ་ཝ་ད་ཏྟེ་ནེ་ཏི ཝཱ.
༦. ན ཁཱ་དཱ་དཱི་ནཾ.
ཁཱ་དཱ་དཱི་ནཾ པ་ཡོ་ཛྫེ ཀ་ཏྟ་རི དུ་ཏི་ཡཱ ན ཧོ་ཏི. ཁཱ་ད་ཡ་ཏི དེ་ཝ་ད་ཏྟེ་ན, ཨཱ་ད་ཡ་ཏི དེ་ཝ་ད་ཏྟེ་ན, ཨ་ཝ྄ཧ, པ་ཡ་ཏི དེ་ཝ་ད་ཏྟེ་ན, ས་དྡཱ་ཡ་ཡ་ཏི དེ་ཝ་ད་ཏྟེ་ན, ཀ་ནྡ་ཡ་ཏི དེ་ཝ་ད་ཏྟེ་ན, ནཱ་ཡ་ཡ་ཏི དེ་ཝ་ད་ཏྟེ་ན.
(༡) ཝ་ཧི་སྶཱ་ནི་ཡ་ནྟུ་ཀེ. ཝཱ་ཧ་ཡ་ཏི བྷཱ་རཾ དེ་ཝ་ད་ཏྟེ་ན ཨ་ནི་ཡ་ནྟུ་ཀེ་ཏི ཀིཾ? ཝཱ་ཧ-ཡ་ཏི བྷཱ་རཾ བ་ལཱི་བ་དྡེ.
(༢) བྷ་ཀྑི་སྶཱ་ཧིཾ སཱ་ཡཾ. བྷ་ཀྑ་ཡ་ཏི མོ་ད་ཀེ དེ་ཝ་ད་ཏྟེ་ན. ཨ་ཧིཾ་སཱ་ཡ་ནྟི ཀིཾ? བྷ་ཀྑ་ཡ་ཏི བ་ལཱི་བ་དྡེ ས་སྶཾ.
༧. ཛྷཱ་དཱི་ཧི ཡུ་ཏྟཱ.
དྷཱི་ཨཱ་དཱི་ཧི ཡུ་ཏྟ་ཏོ དུ་ཏི་ཡཱ ཧོ་ཏི. དྷི་ར་ཏྠུ མཾ པཱུ་ཏི་ཀཱ་ཡཾ, ཨ་ནྟ་རཱ ཙ རཱ་ཛ་ག་ཧཾ ཨ་ནྟ་རཱ ཙ ནཱ་ལ་ནྡཾ, ས་མཱ་དྷཱ་ན་མ་ནྟ་རེ་ན, མུ་ཙ་ལི་ནྡ་མ་བྷི་ཏོ ས་ར་མི་ཙྩཱ་དི, ཚ་ཊྛི་ཡཱ་པ་ཝཱ་དོ-ཡཾ.
༨. ལ་ཀྑ་ཎི་ཏྠ་མྦྷཱུ་ཏ་ཝི་ཙྪཱ་སྭ་བྷི་ནཱ.
ལ་ཀྑ་ཎཱ་དཱི་སྭ་ཏྠེ་སྭ་བྷི་ནཱ ཡུ་ཏྟ་མྷཱ དུ་ཏི་ཡཱ མ་ཧཱ་ཏི. རུ་ཀྑ་མ་བྷི ཝི་ཛྫོ་ཏ་ཏེ ཝི་ཛྫུ, སཱ་དྷུ དེ་ཝ་ད་ཏྟོ མཱ་ཏ་ར་མ་བྷི, རུ་ཀྑཾ རུ་ཀྑ་མ་བྷི་ཏི་ཊྛ་ཏི.
༩. པ་ཏི་པ་རཱི་ཧི བྷཱ་གེ ཙ.
པ་ཏི་པ་རཱི་ཧི ཡུ་ཏྟ་མྷཱ ལ་ཀྑ་ཎཱ་དཱི་སུ བྷཱ་གེ ཙ་ཏྠེ དུ་ཏི་ཡཱ ཧོ་ཏི. རུ་ཀྑཾ པ་ཏི ཝི་ཛྫོ་ཏ་ཏེ ཝི་ཛྫུ, སཱ་དྷུ དེ་ཝ་ད་ཏྟོ མཱ་ཏ་རཾ པ་ཏི, རུ་ཀྑཾ རུ་ཀྑཾ པ་ཏི ཏི་ཊྛ་ཏི, ཡ་དེ་ཏྠ མཾ པ་ཏི སི་ཡཱ. རུ་ཀྑཾ པ་རི ཝི་ཛྫོ་ཏ་ཏེ ཝི་ཛྫུ, སཱ་དྷུ དེ་ཝ་ད་ཏྟོ མཱ་ཏ་རཾ པ་རི, རུ་ཀྑཾ རུ་ཀྑཾ པ་རི ཏི་ཊྛ་ཏི, ཡ་དེ་ཏྠ མཾ པ་རི སི་ཡཱ.
༡༠. ཨ་ནུ་ནཱ.
ལ་ཀྑ་ཎཱ་དཱི་སྭ་ཏྠེ་སྭ་ནུ་ནཱ ཡུ་ཏྟ་མྷཱ དུ་ཏི་ཡཱ ཧོ་ཏི. རུ་ཀྑ་མ་ནུ ཝི་ཛྫོ་ཏ་ཏེ ཝི་ཛྫུ, ས་ཙྩ་ཀི་རི་ཡ་མ་ནུ ཝུ་ཊྛི པཱ་ཝ་སྶི, ཧེ་ཏུ ཙ ལ་ཀྑ་ཎཾ བྷ་ཝ་ཏི, སཱ་དྷུ དེ་ཝ་ད་ཏྟོ མཱ་ཏ་ར་མ་ནུ, རུ་ཀྑཾ རུ་ཀྑ་མ་ནུ ཏི་ཊྛ་ཏི, ཡ་དེ་ཏྠ མཾ ཨ་ནུ སི་ཡཱ.
༡༡. ས་ཧ་ཏྠེ.
ས་ཧ་ཏྠེ-ནུ་ནཱ ཡུ་ཏྟ་མྷཱ དུ་ཏི་ཡཱ ཧོ་ཏི. པ་བྦ་ཏ་མ་ནུ སེ་ནཱ ཏི་ཊྛ་ཏི.
༡༢. ཧཱི་ནེ.
ཧཱི་ན་ཏྠེ-ནུ་ནཱ ཡུ་ཏྟ་མྷཱ དུ་ཏི་ཡཱ ཧོ་ཏི. ཨ་ནུ སཱ་རི་པུ་ཏྟཾ པ་ཉྙ་ཝ་ནྟོ.
༡༣. ཨུ་པེ་ན.
ཧཱི་ན་ཏྠེ ཨུ་པེ་ན ཡུ་ཏྟ་མྷཱ དུ་ཏི་ཡཱ ཧོ་ཏི. ཨུ་པ སཱ་རི་པུ་ཏྟཾ པ་ཉྙ་ཝ་ནྠོ.
༡༤. ས་ཏྟ་མྱཱ་དྷི་ཀྱེ.
ཨཱ་དྷི་ཀྱ་ཏྠེ ཨུ་པེ་ན ཡུ་ཏྟ་མྷཱ ས་ཏྟ་མཱི ཧོ་ཏི. ཨུ་པ ཁཱ་རི་ཡཾ དོ་ཎོ.
༡༥. སཱ་མི་ཏྟེ-དྷི་ནཱ.
སཱ་མི་བྷཱ་ཝ་ཏྠེ-དྷི་ནཱ ཡུ་ཏྟ་མྷཱ ས་ཏྟ་མཱི ཧོ་ཏི. ཨ་དྷི བྲ་ཧྨ་ད་ཏྟེ པ་ཉྩཱ་ལཱ, ཨ་དྷི པ་ཉྩཱ་ལེ་སུ བྲ་ཧྨ་ད་ཏྟོ.
༡༦. ཀ་ཏྟུ་ཀ་རེ་ཎེ་སུ ཏ་ཏི་ཡཱ.
ཀ་ཏྟ་རི ཀ་ར་ཎེ ཙ ཀཱ་ར་ཀེ ཏ་ཏི་ཡཱ ཧོ་ཏི. པུ་རི་སེ་ན ཀ་ཏཾ, ཨ་སི་ནཱ ཚི་ནྡ་ཏི. པ་ཀ་ཏི་ཡཱ-བྷི་རཱུ་པོ, གོ་ཏྠེ་ན གོ་ཏ་མོ, སུ་མེ་དྷོ ནཱ་མ ནཱ་མེ་ན, ཛཱ་ཏི་ཡཱ ས་ཏྟ་ཝ་སྶི་ཀོ་ཏི བྷཱུ་དྷཱ་ཏུ་སྶ ས་མྦྷ་ཝཱ ཀ་ར་ཎེ ཨེ་ཝ ཏ་ཏི་ཡཱ. ཨེ་ཝཾ ས་མེ་ན དྷཱ་ཝ་ཏི ཝི་ས་མེ་ན དྷཱ་ཝ་ཏི, དྭི་དོ་ཎེ་ན དྷ་ཉྙཾ ཀི་ཎཱ་ཏི, པ་ཉྩ་ཀེ་ན པ་ས་ཝོ ཀི་ཎཱ་ཏཱི་ཏི.
༡༧. ས་ཧ་ཏྠེ་ན.
ས་ཧ་ཏྠེ་ན ཡོ་གེ ཏ་ཏི་ཡཱ སི་ཡཱ. པུ་ཏྟེ་ན ས་ཧ ག་ཏོ, པུ་ཏྟེ་ན ས་དྡྷིཾ ཨཱ་ག་ཏོ, ཏ་ཏི་ཡཱ་པི ཚ་ཊྛཱི་ཝ ཨ་པྤ་དྷཱ་ནེ ཨེ་ཝ བྷ་ཝ་ཏི.
༡༨. ལ་ཀྑ་ཎེ.
ལ་ཀྑ་ཎེ ཝ་ཏྟ་མཱ་ན་ཏོ ཏ་ཏི་ཡཱ སི་ཡཱ. ཏི་ད་ཎྜ་ཀེ་ན པ་རི་བྦཱ་ཛ་ཀ་མ་དྡ་ཀྑཱི, ཨ་ཀྑི་ནཱ ཀཱ་ཎོ, ཏེ་ན ཧི ཨ་ངྒེ་ན ཨ་ངྒི་ནོ ཝི་ཀཱ་རོ ལ་ཀྑཱི་ཡ་ཏེ.
༡༩. ཧེ་ཏུ་མྷི.
ཏ་ཀྐི་རི་ཡཱ ཡོ་གྒེ ཏ་ཏི་ཡཱ སི་ཡཱ. ཨ་ནྣེ་ན ཝ་ས་ཏི, ཝི་ཛྫཱ་ཡ ཡ་སོ.
༢༠. པ་ཉྩ་མཱི་ཎེ ཝཱ.
ཨི་ཎེ ཧེ་ཏུ་མྷི པ་ཉྩ་མཱི ཧོ་ཏི ཝཱ. ས་ཏ་སྨཱ བ་དྡྷོ, ས་ཏེ་ན ཝཱ.
༢༡. གུ་ཎེ.
པ་ར་ངྒ་བྷཱུ་ཏེ ཧེ་ཏུ་མྷི པ་ཉྩ་མཱི ཧོ་ཏི ཝཱ. ཛ་ལ༹་ཏྟཱ བ་དྡྷོ ཛ་ལ༹་ཏྟེ་ན ཝཱ, པ་ཉྙཱ་ཡ མུ་ཏྟོ, ཧུ་ཏྭཱ ཨ་བྷཱ་ཝ་ཏོ་ཨ་ནི་ཙྩཱ, ས་ངྑཱ་ར་ནི་རོ་དྷཱ ཝི་ཉྙཱ་ཎ་ནི་རོ་དྷོ.
༢༢. ཚ་ཊྛཱི ཧེ་ཏྭ་ཏྠེ་ཧི.
ཧེ་ཏྭ་ཏྠ་ཝཱ་ཙཱི་ཧི ཡོ་གེ ཧེ་ཏུ་མྷི ཚ་ཊྛཱི སི་ཡཱ. ཨུ་ད་ར་སྶ ཧེ་ཏུ, ཨུ་ད་ར་སྶ ཀཱ་ར་ཎཱ.
༢༣. ས་བྦཱ་དི་ཏོ ས་བྦཱ.
ཧེ་ཏྭ་ཏྠེ་ཧི ཡོ་གེ ས་བྦཱ་དཱི་ཧི ས་བྦཱ ཝི་བྷ་ཏྟི་ཡོ ཧོ་ནྟི. ཀོ ཧེ་ཏུ, ཀཾ ཧེ་ཏུཾ, ཀེ་ན ཧེ་ཏུ་ནཱ, ཀ་སྶ ཧེ་ཏུ་སྶ, ཀ་སྨཱ ཧེ་ཏུ་སྨཱ, ཀ་སྶ ཧེ་ཏུ་སྶ, ཀ་སྨིཾ ཧེ་ཏུ་སྨིཾ, ཀིཾ ཀཱ་ར་ཎཾ, ཀེ་ན ཀཱ་ར་ཎེ་ན, ཀིཾ ནི་མི་ཏྟཾ, ཀེ་ན ནི་མི་ཏྟེ་ན, ཀིཾ པ་ཡོ་ཛ་ནཾ, ཀེ་ན པ་ཡོ་ཛ་ནེ་ན ཨི་ཙྩེ་ཝ་མཱ་དི. ཧེ་ཏྭ་ཏྠེ་ཧཱི་ཏྭེ་ཝ? ཀེ་ན ཀ་ཏཾ.
༢༤. ཙ་ཏུ་ཏྠཱི ས་མྤ་དཱ་ནེ.
ཡ་སྶ ས་མྨཱ པ་དཱི་ཡ་ཏེ ཏ་སྨིཾ ཙ་ཏུ་ཏྠཱི སི་ཡཱ. ས་ངྒྷ་སྶ ད་དཱ་ཏི. ཨཱ་དྷཱ་ར་ཝི་ཝ་ཀྑཱ་ཡཾ ས་ཏྟ་མཱི་པི སི་ཡཱ ས་ངྒྷེ དེ་ཧི.
༢༥. ཏཱ་ད་ཏྠྱེ.
ཏ་སྶེ-དཾ ཏ་ད་ཏྠཾ, ཏ་ད་ཏྠ་བྷཱ་ཝེ ཛོ་ཏ་ནཱི་ཡེ ནཱ་མ་སྨཱ ཙ་ཏུ་ཏྠཱི སི་ཡཱ. སཱི་ཏ་སྶ པ་ཊི་གྷཱ་ཏཱ་ཡ, ཨ་ཏྠཱ་ཡ ཧི་ཏཱ་ཡ (སུ་ཁཱ་ཡ) དེ་ཝ་མ་ནུ་སྶཱ་ནཾ, ནཱ་ལཾ དཱ་ར་བྷ་ར་ཎཱ་ཡ, ཡཱུ་པཱ་ཡ དཱ་རུ, པཱ་ཀཱ་ཡ ཝ་ཛ་ཏཱི་ཏྭེ་ཝ་མཱ་དི.
ཀ་སྶ སཱ་དུཾ ན རུ་ཙྩ་བྷི, མཱ-ཡ་སྨ་ནྟཱ་ན་མྤི ས་ངྒྷ་བྷེ་དོ རུ་ཙྩི་ཏྠ, ཁ་མ་ཏི ས་ངྒྷ་སྶ, བྷ་ཏྟ་མ་སྶ ན་ཙྪཱ་དེ་སཱི་ཏི ཚ་ཊྛཱི ས་མྦ་ནྡྷ་ཝ་ཙ་ནི་ཙྪཱ་ཡཾ, ན ཙེ་ཝཾ ཝི་རོ་དྷོ སི་ཡཱ ས་དི་ས་རཱུ་པ་ཏྟཱ, ཨེ་ཝཾ་ཝི་དྷེ་སུ ཙ ས་མྦ་ནྡྷ་སྶ ས་དྡི་ཀཱ་ནུ་མ་ཏ་ཏྟཱ, ཀ་སྶ ཝཱ ཏྭཾ དྷ་མྨཾ རོ་ཙེ་སཱི་ཏི ཨ་ཏྠ་མ་ཏྟེ པ་ཋ་མཱ.
ཨེ་ཝ་མ་ཉྙཱ་པི ཝི་དྷ་ཉྙ་ཡྻཱ, པ་ར་ཏོ་པི ཡ་ཐཱ་ག་མཾ.
ར་ཉྙོ ས་ཏཾ དྷཱ་རེ་ཏི, ར་ཉྙོ ཚ་ཏྟཾ དྷཱ་རེ་ཏཱི་ཏི ས་མྦ་ནྡྷེ ཚ་ཊྛཱི, ཨེ་ཝཾ ར་ཉྙོ སི་ལཱ་གྷ་ཏེ, ར་ཉྙོ ཧ་ནུ་ཏེ, ར་ཉྙོ ཨུ་པ་ཏི་ཊྛ་ཏེ, ར་ཉྙོ ས་པ་ཏེ, དེ་ཝཱ་པི ཏ་སྶ པི་ཧ་ཡ་ནྟི ཏཱ་དི་ནོ, ཏ་སྶ ཀུ་ཛ྄ཛྷ མ་ཧཱ་ཝཱི་ར, ཡ་དི་ཧཾ ཏ་སྶ པ་ཀུ་པྤེ་ཡྻཾ, དུ་ཧ་ཡ་ཏི དི་སཱ་ནཾ མེ་གྷོ, ཡོ མི་ཏྟཱ་ནཾ ན དཱུ་བྷ་ཏི, ཡོ ཨ་པྤ་དུ་ཊྛ་སྶ ན་ར་སྶ དུ་སྶ་ཏི, ཀྱཱ་ཧཾ ཨ་ཡྻཱ་ནཾ ཨ་པ་ར་ཛ྄ཛྷཱ་མི, ཨི་སྶ་ཡ་ནྟི ས་མ་ཎཱ་ནཾ ཏི་ཏྠི་ཡཱ, དྷ་མྨེ་ན ན་ཡ་མཱ་ནཱ་ནཾ ཀཱ ཨུ་སཱུ་ཡཱ ར་ཉྙོ བྷཱ་གྱ་མཱ་ར་ཛ྄ཛྷ་ཏི, ར་ཉྙོ བྷཱ་གྱ་མི་ཀྑ་ཏེ, ཏེ་ན ཡཱ་ཙི་ཏོ ཨ་ཡཱ་ཙི་ཏོ ཝཱ ཏ་སྶ གཱ་ཝོ པ་ཊི་སུ་ཎཱ་ཏི, གཱ་ཝོ ཨཱ་སུ་ཎཱ་ཏི, བྷ་ག་ཝ་ཏོ པ་ཙྩ་སྶོ་སུཾ, ཧོ་ཏུ པ་ཏི་གི་ཎཱ་ཏི, ཧོ་ཏྭ་ནུ་གི་ཎཱ་ཏི, ཨཱ་རོ་ཙ་ཡཱ་མི ཝོ པ་ཏི་ཝེ་ད་ཡཱ་མི ཝོ, དྷ་མྨཾ ཏེ དེ་སེ་སྶཱ་མི, ཡ་ཐཱ ཝོ བྷ་ག་ཝཱ བྱཱ་ཀ་རེ་ཡྻ, ཨ་ལཾ ཏེ ཨི་དྷ ཝཱ་སེ་ན, ཀིཾ ཏེ ཛ་ཊཱ་ཧི དུ་མྨེ་དྷ, ཨ་ར་ཧ་ཏི མ་ལློ མ་ལླ་སྶཱ་ཏི.
ཛཱི་ཝི་ཏཾ ཏི་ཎཱ་ཡ་པི ན མ་ཉྙ་མཱ་ནོ་ཏི ཏཱ་ད་ཏྠྱ ཙ་ཏུ་ཏྠཱི, ཏི་ཎེ་ན ཡོ ཨ་ཏྠོ ཏ་ད་ཏྠཱ་ཡ་པཱི་ཏི ཨ་ཏྠོ, ‘‘ཡོ ཙ སཱི་ཏ་ཉྩ ཨུ་ཎྷ་ཉྩ, ཏི་ཎཱ བྷི་ཡྻོ ན མ་ཉྙ་ཏི’’ ཏི་ཎ་མི་ཝ ཛཱི་ཝི་ཏཾ མ་ཉྙ་མཱ་ནོ་ཏི ས་ཝི་ས་ཡཱ་ཝ ཝི་བྷ་ཏྟི་ཡོ. ས་གྒཱ་ཡ ག་ཙྪ་ཏཱི་ཏི ཏཱ་ད་ཏྠྱེ ཙ་ཏུ་ཏྠཱི, ཡོ ཧི ས་གྒཾ ག་ཙྪ་ཏི ཏ་ད་ཏྠཾ ཏ་སྶ ག་མ་ན་ནྟི, ཀ་མྨ་ཝ་ཙ་ནི་ཙྪཱ་ཡ་ནྟུ དུ་ཏི་ཡཱ་ཝ ས་གྒཾ ག་ཙྪ་ཏཱི་ཏི.
ཨཱ་ཡུ བྷོ་ཏོ ཧོ་ཏུ, ཙི་རཾ ཛཱི་ཝི་ཏཾ, བྷ་དྡཾ ཀ་ལྱཱ་ཎཾ ཨ་ཏྠཾ པ་ཡོ་ཛ་ནཾ, ཀུ་ས་ལཾ ཨ་ནཱ་མ་ཡཾ, ཧི་ཏཾ པ་ཐྱཾ སུ་ཁཾ སཱ་ཏཾ བྷོ་ཏོ ཧོ་ཏུ, སཱ་དྷུ ས་མྨུ་ཏི མེ་ཏ་སྶ, པུ་ཏྟ་སྶཱ་ཝི་ཀ་རེ་ཡྻ གུ་ཡ྄ཧ་མ་ཏྠཾ, ཏ་སྶ མེ ས་ཀྐོ པཱ་ཏུ་ར་ཧོ་སི, ཏ་སྶ པ་ཧི་ཎེ་ཡྻ, བྷི་ཀྑཱུ་ནཾ དུ་ཏཾ པཱ་ཧེ་སི, ཀ་པྤ་ཏི ས་མ་ཎཱ་ནཾ ཨཱ་ཡོ་གོ, ཨེ་ཀ་སྶ དྭི་ནྣཾ ཏི་ཎྞཾ ཝཱ པ་ཧོ་ཏི, ཨུ་པ་མཾ ཏེ ཀ་རི་སྶཱ་མི, ཨ་ཉྫ་ལིཾ ཏེ པ་གྒ་ཎྷཱ་མི, ཏ་སྶ ཕཱ་སུ, ལོ་ཀ་སྶ་ཏྠོ, ན་མོ ཏེ པུ་རི་སཱ་ཛ་ཉྙ, སོ་ཏྠི ཏ་སྶ, ཨ་ལཾ མ་ལློ མ་ལླ་སྶ, ས་མ་ཏྠོ མ་ལློ མ་ལླ་སྶ, ཏ་སྶ ཧི་ཏཾ, ཏ་སྶ སུ་ཁཾ, སྭཱ་ག་ཏཾ ཏེ མ་ཧཱ་རཱ་ཛཱ་ཏི ས་བྦ་ཏྠ ཚ་ཊྛཱི ས་མྦ་ནྡྷེ, ཨེ་ཝཾ་ཝི་དྷ་མ་ཉྙ་མྤེ་ཝ ཝི་ཉྙེ་ཡྻཾ ཡ་ཐཱ་ག་མཾ.
༢༦. པ་ཉྩ་མྱ་ཝ་དྷི་སྨཱ.
པ་ད་ཏྠཱ་ཝ་དྷི་སྨཱ པ་ཉྩ་མཱི་ཝི་བྷ་ཏྟི ཧོ་ཏི. གཱ་མ་སྨཱ ཨཱ་ག་ཙྪ་ཏུ, ཨེ་ཝཾ ཙོ་ར་སྨཱ བྷཱ་ཡ་ཏི, ཙོ་ར་སྨཱ ཨུ་ཏྟ་ས་ཏི, ཨོ་ར་སྨཱ ཏཱ་ཡ་ཏི, ཙོ་ར་སྨཱ ར་ཀྑ་ཏཱི་ཏི, ས་ཙེ བྷཱ་ཡ་ཐ དུ་ཀྑ་སྶ, པ་མཱ་དེ བྷ་ཡ་ད་སྶི་ཝཱ, ཏ་ས་ནྟི ད་ཎྜ་སྶཱ་ཏི ཚ་ཊྛཱི ས་ཏྟ་མི་ཡོ་པི ཧོ་ནྟེ་ཝ ས་མྦ་ནྡྷཱ་དྷཱ་ར་ཝ་ཙ་ནི་ཙྪཱ་ཡཾ.
ཨ་ཛ྄ཛྷེ་ནཱ པ་རཱ་ཛེ་ཏི, པ་ཊི་པ་ཀྑེ པ་རཱ་ཛེ་ཏཱི་ཏི ས་ཝི་ས་ཡཱ་ཝ ཝི་བྷ་ཏྟི་ཡོ. ས་ཙེ ཀེ་ཝ་ཊྚ་སྶ པ་ར་ཛྫི་སྶཱ་མཱི་ཏི ཚ་ཊྛཱི་པི ཧོ་ཏི ས་མྦ་ནྡྷ་ཝ་ཙ་ནི་ཙྪཱ་ཡཾ. ཡ་ཝེ་ཧི གཱ་ཝོ ཝཱ་རེ་ཏི, པཱ་པཱ ཙི་ཏྟཾ ནི་ཝཱ་ར་ཡེ, ཀཱ་ཀེ ར་ཀྑ་ཏི ཏ་ཎྜུ་ལཱ་ཏི ས་ཝི་ས་ཡེ་ཝ པ་ཉྩ་མཱི. ཙི་ཏྟཾ ར་ཀྑེ་ཐ མེ་དྷཱ་ཝཱི་ཏི དུ་ཏི་ཡཱ་ཝ དི་སྶ་ཏི ཀ་མྨ་ཏྠེ. ཨུ་པ་ཛ྄ཛྷཱ་ཡཱ ཨ་ནྟ་ར་དྷཱ་ཡ་ཏི, ཨུ་པ་ཛ྄ཛྷཱ་ཡཱ ཨ་དྷི་ཏེ, ཀཱ་མ་ཏོ ཛཱ་ཡ་ཏེ སོ་ཀོ་ཏི ས་ཝི་ས་ཡེ པ་ཉྩ་མཱི.
ཏ་ཏྠེ་ཝ-ནྟ་ར་དྷཱ་ཡི སུ, ན་ཊ་སྶ སུ་ཎོ་ཏི, པ་དུ་མཾ ཏ་ཏྠ ཛཱ་ཡེ་ཐཱ་ཏི ས་ཏྟ་མཱི་ཚ་ཊྛི་ཡོ་པི ཧོ་ནྟེ་ཝ ས་ཝི་ས་ཡེ. ཧི་མ་ཝ་ནྟཱ པ་བྷ་ཝ་ཏི ག་ངྒཱ, པཱ་ཎཱ་ཏི་པཱ་ཏཱ ཝི་ར་མ་སྶུ ཁི་པྤཾ, ཨ་ཉྙོ དེ་ཝ་ད་ཏྟཱ, བྷི་ནྣོ དེ་ཝ་ད་ཏྟཱ་ཏི ས་ཝི་ས་ཡེ་ཝ པ་ཉྩ་མཱི. ཨེ་ཝཾ ཨཱ་རཱ སོ ཨཱ་ས་ཝ་ཀྑ་ཡཱ, ཨི་ཏ་རོ དེ་ཝ་ད་ཏྟཱ, ཨུ་དྡྷཾ པཱ་ད་ཏ་ལཱ ཨ་དྷོ ཀེ་ས་མ་ཏྠ་ཀཱ, པུ་བྦོ གཱ་མཱ, པུ་བྦེ་ཝ ས་མྦོ་དྷཱ, ཏ་ཏོ པ་རཾ, ཏ་ཏོ ཨ་པ་རེ་ན ས་མ་ཡེ་ན, ཏ་ཏུ་ཏྟ་རི་ནྟི. ས་མྦ་ནྡྷ་ཝ་ཙ་ནི་ཙྪཱ་ཡཾ ཚ་ཊྛཱི་པི པུ་ར་ཏོ གཱ་མ་སྶ, ད་ཀྑི་ཎ་ཏོ གཱ་མ་སྶ, ཨུ་པ་རི པ་བྦ་ཏ་སྶ, ཧེ་ཊྛཱ པཱ་སཱ་ད་སྶཱ་ཏི. པཱ་སཱ་ད་མཱ་རུ་ཡ྄ཧ པེ་ཀྑ་ཏི པཱ་སཱ་དཱ པེ་ཀྑ་ཏི, ཨཱ་ས་ནེ ཨུ་པ་ཝི་སི་ཏྭཱ པེ་ཀྑ་ཏི ཨཱ་ས་ནཱ པེ་ཀྑ་ཏཱི་ཏི ཨ་ཝ་དྷི་ཝ་ཙ་ནི་ཙྪཱ་ཡཾ པ་ཉྩ་མཱི.
པུ་ཙྪཱ་ནཱ་ཁྱཱ་ནེ་སུ ཀུ་ཏོ བྷ་ཝཾ? པཱ་ཏ་ཊ་ལི་པུ་ཏྟ་སྨཱ་ཏི. ཏ་ཐཱ དེ་ས་ཀཱ་ལ་མཱ་ནེ་པི པཱ་ཊ་ལི་པུ་ཏྟ་སྨཱ རཱ་ཛ་ག་ཧཾ ས་ཏྟ ཡོ་ཛ་ནཱ་ནི, ས་ཏྟ་སུ ཡོ་ཛ་ནེ་སཱུ་ཏི ཝཱ. ཨེ་ཝཾ ཨི་ཏོ ཏི་ཎྞཾ མཱ་སཱ་ན-མ་ཙྩ་ཡེ་ནཱ་ཏི, ཀི་ཙྪཱ་ལ་དྡྷ་ནྟི གུ་ཎེ པ་ཉྩ་མཱི. ཀི་ཙྪེ་ན མེ ཨ་དྷི་ག་ཏ་ནྟི ཧེ་ཏུ་མྷི ཀ་ར་ཎེ ཝཱ ཏ་ཏི་ཡཱ. ཨེ་ཝཾ ཐོ་ཀཱ མུ་ཏྟོ, ཐོ་ཀེ་ན མུ་ཏྟོ་ཏི. ཐོ་ཀཾ ཙ་ལ་ཏཱི་ཏི ཀི་རི་ཡཱ་ཝི་སེ་ས་ནེ ཀ་མྨ་ནི དུ་ཏི་ཡཱ.
དཱུ་ར་ནྟི ཀ་ཏྠ་ཡོ་གེ་པི ས་ཝི་ས་ཡེ་ཝ པ་ཉྩ་མཱི་ཚ་ཊྛི་ཡོ སི་ཡུཾ, དཱུ་རཾ གཱ་མ་སྨཱ, ཨ་ནྟི་ཀཾ གཱ་མ་སྨཱ, དཱུ་རཾ གཱ་མ་སྶ, ཨ་ནྟི་ཀཾ གཱ་མ་སྶཱ་ཏི, དཱུ་ར་ནྟི ཀ་ཏྠེ་ཧི ཏུ ས་བྦཱ་ཝ ས་ཝི་ས་ཡེ སི་ཡུཾ བཱ་དྷ་ཀཱ་བྷཱ་ཝཱ དཱུ་རོ གཱ་མོ, ཨ་ནྟི་ཀོ གཱ་མོ་ཏྭེ་ཝ་མཱ་དི.
ཀེ་ཙི པ་ནཱ་ཧུ ‘ཨ་ས་ཏྟ་ཝ་ཙ་ན་ཧེ་ཏེ་ཧི པཱ་ཊི་པ་དི་ཀ་ཏྠེ དུ་ཏི་ཡཱ་ཏ་ཏི་ཡཱ་པ་ཉྩ་མཱི་ས་ཏྟ་མི་ཡོ, ས་ཏྟ་ཝ་ཙ་ནེ་ཧི ཏུ ས་བྦཱ་ཝ ས་ཝི་ས་ཡེ’ཏི, ཏེ པ་ན་ཉྙེ་ཧེ་ཝ པ་ཊི་ཀྑི་ཏྟཱ. དཱུ་རཾ མ་གྒོ, ཨ་ནྟི་ཀཾ མ་གྒོ་ཏི ཀི་རི་ཡཱ་ཝི་སེ་ས་ནཾ… བྷཱུ་དྷཱ་ཏུ་སྶ ག་མྨ་མཱ་ན་ཏྟཱ. ཝི་སུ་དྡྷོ ལོ་བྷ་ནཱི་ཡེ་ཧི དྷ་མྨེ་ཧི, པ་རི་མུ་ཏྟོ སོ དུ་ཀྑ་སྨཱ ཝི་ཝི་ཙྩེ་ཝ ཀཱ་མེ་ཧི, ག་མྦྷཱི་ར་ཏོ ཙ པུ་ཐུ་ལ་ཏོ ཙ ཡོ་ཛ་ནཾ, ཨཱ་ཡཱ་མེ་ན ཡོ་ཛ་ནཾ, ཏ་ཏོ པ་བྷུ་ཏི, ཡ་ཏོ ས་རཱ་མི ཨ་ཏྟཱ་ན་ནྟི ས་ཝི་ས་ཡེ་ཝ ཝི་བྷ་ཏྟི་ཡོ.
༢༧. ཨ་པ་པ་རཱི་ཧི ཝ་ཛྫ་ནེ.
ཝ་ཛྫ་ནེ ཝ་ཏྟ་མཱ་ནེ་ཧི ཨ་པ་པ་རཱི་ཧི ཡོ་གེ པ་ཉྩ་མཱི ཧོ་ཏི. ཨ་པ སཱ་ལཱ་ཡ ཨཱ་ཡ་ནྟི ཝཱ་ཎི་ཛཱ, པ་རི སཱ་ལཱ་ཡ ཨཱ་ཡ་ནྟི ཝཱ་ཎི་ཛཱ, སཱ་ལཾ ཝ་ཛྫེ་ཏྭཱ་ཏི ཨ་ཏྠོ. ཝ་ཛྫ་ནེ་ཏི ཀིཾ? རུ་ཀྑཾ པ་རི་ཝི་ཛྫོ་ཏ་ཏེ ཝི་ཛྫུ. ཨཱ་པཱ་ཊ་ལི་པུ་ཏྟ་སྨཱ ཝ་སྶི དེ་ཝོ་ཏི མ་རི་ཡཱ་དཱ-བྷི་ཝི་དྷཱི་སྭ་ཝ་དྷི ཝི་ས་ཡེ་ཝ པ་ཉྩ་མཱི, ཝི་ནཱ པཱ་ཊ་ལི་པུ་ཏྟེ་ན ས་ཧ ཝེ་ཏི ཝི་སེ་སོ, ཨེ་ཝཾ ཡཱ་ཝ པཱ་ཊ་ལི་པུ་ཏྟ་སྨཱ ཝ་སྶི དེ་ཝོ་ཏི.
༢༨. པ་ཊི་ནི་དྷི་པ་ཊི་དཱ་ནེ་སུ པ་ཏི་ནཱ.
པ་ཊི་ནི་དྷི་མྷི པ་ཊི་དཱ་ནེ ཙ ཝ་ཏྟ་མཱ་ནེ་ན པ་ཏི་ནཱ ཡོ་གེ ནཱ་མ་སྨཱ པ་ཉྩ་མཱི ཝི་བྷ་ཏྟི ཧོ་ཏི. བུ་དྡྷ་སྨཱ པ་ཏི སཱ་རི་པུ་ཏྟོ, གྷ་ཏ་མ་སྶ ཏེ་ས་སྨཱ པ་ཏི ད་དཱ་ཏི, པ་ཊི་ནི་དྷི་པ་ཊི་དཱ་ནེ་སཱུ་ཏི ཀིཾ? རུ་ཀྑཾ པ་ཏི ཝི་ཛྫོ་ཏ་ཏེ.
༢༩. རི་ཏེ དུ་ཏི་ཡཱ ཙ.
རི་ཏེ་ས་དྡེ་ན ཡོ་གེ ནཱ་མ་སྨཱ དུ་ཏི་ཡཱ ཧོ་ཏི པ་ཉྩ་མཱི ཙ. རི་ཏེ ས་དྡྷ་མྨཾ, རི་ཏེ ས་དྡྷ་མྨཱ.
༣༠. ཝི་ནཱ-ཉྙ་ཏྲ ཏ་ཏི་ཡཱ ཙ.
ཝི་ནཱ-ཉྙ་ཏྲ་ས་དྡེ་ཧི ཡོ་གེ ནཱ་མ་སྨཱ ཏ་ཏི་ཡཱ ཙ ཧོ་ཏི དུ་ཏི་ཡཱ པ་ཉྩ་མི་ཡོ ཙ. ཝི་ནཱ ཝཱ་ཏེ་ན, ཝི་ནཱ ཝཱ་ཏཾ, ཝི་ནཱ ཝཱ་ཏ་སྨཱ, ཨ་ཉྙ་ཏྲ ཨེ་ཀེ་ན པི་ཎྜ་པཱ་ཏ་ནཱི་ཧཱ་ར་ཀེ་ན, ཨ་ཉྙ་ཏྲ དྷ་མྨཾ, ཨ་ཉྙ་ཏྲ དྷ་མྨཱ.
༣༡. པུ་ཐ་ནཱ་ནཱ་ཧི.
ཨེ་ཏེ་ཧི ཡོ་གེ ཏ་ཏི་ཡཱ ཧོ་ཏི པ་ཉྩ་མཱི ཙ. པུ་ཐ་གེ་ཝ ཛ་ནེ་ན, པུ་ཐ་གེ་ཝ ཛ་ན་སྨཱ, ཛ་ནེ་ན ནཱ་ནཱ, ཛ་ན་སྨཱ ནཱ་ནཱ.
༣༢. ས་ཏྟ་མྱཱ་དྷཱ་རེ.
ཀི་རི་ཡཱ་དྷཱ་ར བྷཱུ་ཏ ཀ་ཏྟུ ཀ་མྨཱ་ནཾ དྷཱ་ར་ཎེ་ན ཡོ ཀི་རི་ཡཱ་ཡཱ་དྷཱ་རོ ཏ་སྨིཾ ཀཱ་ར་ཀེ ནཱ་མ་སྨཱ ས་ཏྟ་མཱི ཧོ་ཏི. ཀ་ཊེ ནི་སཱི་ད་ཏི (དེ་ཝ་ད་ཏྟོ), ཐཱ་ལི་ཡཾ ཨོ་ད་ནཾ པ་ཙ་ཏི, ཨཱ་ཀཱ་སེ ས་ཀུ་ནཱ, བྷི་ལེ་སུ ཏེ་ལཾ, ག་ངྒཱ་ཡཾ ཝ་ཛོ.
༣༣. ནི་མི་ཏྟེ.
ནི་མི་ཏྟ་ཏྠེ ས་ཏྟ་མཱི ཧོ་ཏི. ཨ་ཛི་ན་མྷི ཧ་ཉྙ་ཏེ དཱི་པི, མུ་སཱ་ཝཱ་དེ པཱ་ཙི་ཏྠི་ཡཾ.
༣༤. ཡ་བྦྷཱ་ཝོ་བྷཱ་ཝ་ལ་ཀྑ་ཎཾ.
ཡ་སྶ བྷཱ་ཝོ བྷཱ་ཝ་ནྟ་ར་སྶ ལ་ཀྑ་ཎཾ བྷ་ཝ་ཏི, ཏ་ཏོ ས་ཏྟ་མཱི ཧོ་ཏི. གཱ་ཝཱི་སུ དུ་ཡ྄ཧ་མཱ་ནཱ་སུ ག་ཏོ, དུ་དྡྷཱ་སུ ཨཱ་ག་ཏོ. བྷཱ་ཝོ་ཏི ཀིཾ? ཡོ ཛ་ཊཱ་ཧི སོ བྷུ་ཉྫ་ཏི. བྷཱ་ཝ་ལ་ཀྑ་ཎ་ནྟི ཀིཾ? ཡོ བྷུ་ཉྫ་ཏི སོ དེ་ཝ་ད་ཏྟོ, ‘‘ཨ་ཀཱ་ལེ ཝ་སྶ་ཏི ཏ་སྶ, ཏཱ་ལེ ཏ་སྶ ན ཝ་སྶ་ཏཱི’’ཏི ཝི་ས་ཡ་ས་ཏྟ་མཱི.
༣༥. ཚ་ཊྛཱི ཙཱ་ནཱ་ད་རེ.
ཡ་སྶ བྷཱ་ཝོ བྷཱ་ཝ་ནྟ་ར་སྶ ལ་ཀྑ་ཎཾ བྷ་ཝ་ཏི, ཏ་ཏོ ཚ་ཊྛཱི བྷ་ཝ་ཏི ས་ཏྟ་མཱི ཙ ཨ་ནཱ་ད་རེ ག་མྱ་མཱ་ནེ. ‘‘ཨཱ་ཀོ་ཊ་ཡ་ནྟོ སོ ནེ་ཏི, སི་ཝི་རཱ་ཛ་སྶ པེ་ཀྑ་ཏོ’’, ‘‘མ་ཙྩུ ག་ཙྪ་ཏི ཨཱ་དཱ་ཡ, པེ་ཀྑ་མཱ་ནེ མ་ཧཱ་ཛ་ནེ’’.
གུ་ནྣཾ སཱ་མཱི་ཏི ས་མྦ་ནྡྷེ ཚ་ཊྛཱི, གོ་སུ སཱ་མཱི་ཏི ཝི་ས་ཡ་ས་ཏྟ་མཱི, ཨེ་ཝཾ གུ་ནྣ་མི་སྶ་རོ, གོ་སྭི་སྶ་རོ, གུ་ནྣཾ ཨ་དྷི་པ་ཏི, གོ་སུ ཨ་དྷི་པ་ཏི, གུ་ནྣཾ དཱ་ཡཱ་དོ, གོ་སུ དཱ་ཧཱ་དོ, དུ་ནྣཾ ས་ཀྑི, གོ་སུ ས་ཀྑི, གུ་ནྣཾ པ་ཏི་བྷཱུ, གོ་སུ པ་ཏི་བྷཱུ, གུ་ནྣཾ པ་སཱུ་ཏོ, གོ་སུ པ་སཱུ་ཏོ, ཀུ་ས་ལཱ ན་ཙྩ་གཱི་ཏ་སྶ, ཀུ་ས་ལཱ ན་ཙྩ་གཱི་ཏེ, ཨཱ་ཡུ་ཏྟོ ཀ་ཊ་ཀ་ར་ཎ་སྶ, ཨཱ་ཡུ་ཏྟོ ཀ་ཊ་ཀ་ར་ཎེ་ཏི.
ཏ་ཐཱ་དྷཱ་ར་ཝ་ཙ་ནི་ཙྪཱ་ཡཾ ས་ཏྟ་མཱི, བྷི་ཀྑཱུ་སུ ཨ་བྷི་ཝཱ་དེ་ནྟི, མུ་དྡྷ་ནི དྷུ་མྦི་ཏྭཱ, བཱ་ཧཱ་སུ ག་ཧེ་ཏྭཱ, ཧ་ཏྠེ་སུ པི་ཎྜཱ་ཡ ཙ་ར་ནྟི, པ་ཐེ་སུ ག་ཙྪ་ནྟི, ཀ་ད་ལཱི་སུ ག་ཛེ ར་ཀྑ་ནྟཱི་ཏི. ཉཱ་ཎ་སྨིཾ པ་ས་ནྣོ་ཏི ཝི་ས་ཡ་ས་ཏྟ་མཱི, ཉཱ་ཎེ་ན པ་ས་ནྣོ་ཏི ཀ་ར་ཎེ ཏ་ཏི་ཡཱ, ཨེ་ཝཾ ཉཱ་ཎ་སྨིཾ ཨུ་སྶུ་ཀྐོ ཉཱ་ཎེ་ན ཨུ་སྶུ་ཀྐོ་ཏི.
༣༦. ཡ་ཏོ ནི་དྡྷཱ་ར་ཎཾ.
ཛཱ་ཏི་གུ་ཎ་ཀི་རི་ཡཱ་ཧི ས་མུ་དཱ་ཡ་ཏེ་ཀ་དེ་ས་སྶ པུ་ཐ་ཀྐ་ར་ཎཾ ནི་དྡྷཱ་ར་ཎཾ. ཡ་ཏོ ཏཾ ཀ་རཱི་ཡ་ཏི, ཏ་ཏོ ཚ་ཊྛཱི་ས་ཏྟ་མི་ཡོ ཧོ་ནྟི. སཱ་ལ་ཡོ སཱུ་ཀ་དྷ་ཉྙཱ་ནཾ པ་ཐྱ་ཏ་མཱ, སཱ་ལ་ཡོ སཱུ་ཀ་དྷ་ཉྙེ་སུ པ་ཐྱ་ཏ་མཱ, ཀ་ཎྷཱ གཱ་ཝཱི་ནཾ ས་མྤ་ནྣ་ཁཱི་ར་ཏ་མཱ, ཀ་ཎྷཱ གཱ་ཝཱི་སུ ས་མྤ་ནྣ་ཁཱི་ར་ཏ་མཱ, ག་ཙྪ་ཏཾ དྷཱ་ཝ་ནྟོ སཱི་གྷ་ཏ་མོ, ག་ཙྪ་ནྟེ་སུ དྷཱ་ཝ་ནྟོ སཱི་གྷ་ཏ་མོ. སཱི་ལ་མེ་ཝ སུ་ཏཱ སེ་ཡྻོ་ཏི ཨ་ཝ་དྷི་མྷི་ཡེ་ཝ པ་ཉྩ་མཱི.
༣༧. པ་ཋ་མཱ་ཏྠ་མ་ཏྟེ.
ནཱ་མ་སྶཱ་བྷི་དྷེ་ཡྻ་མ་ཏྟེ པ་ཋ་མཱ་ཝི་བྷ་ཏྟི ཧོ་ཏི. རུ་ཀྑོ. ཨི་ཏྠི པུ་མཱ ན་པུཾ་ས་ཀ་ནྟི ལི་ངྒ་མྤི ས་དྡ་ཏྠོ་ཝ, ཏ་ཐཱ དོ་ཎོ ཁཱ་རཱི ཨཱ་ལ༹ྷ་ཀ་ནྟི པ་རི་མཱ་ཎ་མྤི ས་དྡ་ཏྠོ་ཝ, ཨེ་ཀོ དྭེ བ་ཧ་ཝོ་ཏི ས་ངྑྱཱ་པི ས་དྡ་ཏྠོ་ཝ.
༣༨. ཨཱ་མ་ནྟ་ཎེ.
ས་ཏོ ས་དྡེ་ནཱ་བྷི་མུ་ཁཱི་ཀ་ར་ཎ་མཱ་མ་ནྟ་ཎཾ. ཏ་སྨིཾ ཝི་ས་ཡེ པ་ཋ་མཱ ཝི་བྷ་ཏྟི ཧོ་ཏི. བྷོ་པུ་རི་ས, བྷོ་ཀྐ་ཏྠི, བྷོ ན་པུཾ་ས་ཀ.
༣༩. ཚ་ཊྛཱི ས་མྦ་ནྡྷེ.
ཀི་རི་ཡཱ་ཀཱ་ར་ཀ་ས་ཉྫཱ་ཏོ ཨ་སྶེ་ད་མྦྷཱ་ཝ་ཧེ་ཏུ་ཀོ ས་མྦ་ནྡྷོ ནཱ་མ. ཏ་སྨིཾ ཚ་ཊྛཱི ཝི་བྷ་ཏྟི ཧོ་ཏི. ར་ཉྙོ པུ་རི་སོ, ས་ར་ཏི ར་ཛྫ་སྶཱ་ཏི ས་མྦ་ནྡྷེ ཚ་ཊྛཱི, ར་ཛྫ་ས་མྦ་ནྡྷི་ནིཾ ས་ཏིཾ ཀ་རོ་ཏཱི་ཏི ཨ་ཏྠོ, ཀ་མྨ་ཝ་ཙ་ནི་ཙྪཱ་ར་ནྟུ དུ་ཏི་ཡཱ་ཝ ས་ར་ཏི ར་ཛྫཾ. ཏ་ཐཱ ར་ཛ་ཀ་སྶ ཝ་ཏྠཾ ད་དཱ་ཏི, པ་ཧ་ར་ཏོ པི་ཊྛིཾ ད་དཱ་ཏི, བཱ་ལོ པཱུ་ར་ཏི པཱ་པ་སྶ, ཨ་མ་ཙྩེ ཏཱ་ཏ ཛཱ་ནཱ་ཧི, དྷཱི་རེ ཨ་ཏྠ་སྶ ཀོ་ཝི་དེ, དི་ཝ་ས་སྶ ཏི་ཀྑ་ཏྟུཾ, ས་ཀིཾ པ་ཀྑ་སྶ, པཱུ་རཾ ཧི་ར་ཉྙ་སུ་ཝ་ཎྞ་སྶ ཀུ་མྦྷ་ནྟྭེ་ཝ་མཱ་དི.
ཀི་ཏ་ཀ་པྤ་ཡོ་གེ ཀ་ཀྟུ་ཀ་མྨེ་སུ བ་ཧུ་ལཾ ས་མྦ་ནྡྷ་ཝ་ཙ་ནི་ཙྪཱ་ཡཾ ཚ་ཊྛཱི, སཱ་དྷུ ས་མྨ་ཏོ བ་ཧུ་ཛ་ན་སྶ, སུ་པྤ་ཊི་ཝི་དྡྷཱ བུ་དྡྷཱ་ནཾ དྷ་མྨ་དྷཱ་ཏུ, དྷ་མྨ་སྶ གུ་ཏྟོ མེ་དྷཱ་ཝཱི, ཨ་མ་ཏཾ ཏེ་སཾ པ་རི་བྷུ་ཏྟཾ, ཏ་སྶ བྷ་ཝ་ནྟི ཝ་ཏྟཱ་རོ, ཨ་ཝི་སཾ་ཝཱ་ད་ཀོ ལོ་ཀ་སྶ, ཨ་ལ་ཛྫཱི་ནཾ ནི་སྶཱ་ཡ, ཙ་ཏུ་ནྣཾ མ་ཧཱ་བྷཱུ་ཏཱ་ནཾ ཨུ་པཱ་དཱ་ཡ པ་སཱ་དོ་ཏྭེ་ཝ་མཱ་དི.
ཀ་ཏྟུ་ཀ་མྨ་ཝ་ཙ་ནི་ཙྪཱ་ཡ་ནྟུ ཏ་ཏི་ཡཱ དུ་ཏི་ཡཱ་ཡོ ཙ, ས་ཉྩ་ཏྟོ པི་ཏ་རཱ ཨ་ཧཾ, ས་ར་སི ཏྭཾ ཨེ་ཝ་རཱུ་པིཾ ཝཱ་ཙཾ བྷཱ་སི་ཏཱ, བྷ་ག་ཝ་ནྟཾ ད་སྶ་ནཱ་ཡ་ཏྭེ་ཝ་མཱ་དི.
༤༠. ཏུ་ལྱ་ཏྠེ་ན ཝཱ ཏ་ཏི་ཡཱ.
ཏུ་ལྱ་ཏྠེ་ན ཡོ་གེ ཚ་ཊྛཱི ཧོ་ཏི ཏ་ཏི་ཡཱ ཝཱ, ཏུ་ལྱོ པི་ཏུ, ཏུ་ལྱོ པི་ཏ་རཱ, ས་དི་སོ པི་ཏུ, ས་དི་སོ པི་ཏ་རཱ, ཨི་ཧ ཀ་ཐཾ ཏ་ཏི་ཡཱ ན ཧོ་ཏི? ཨ་ཛྫུ་ན་སྶ ཏུ་ལཱ ན་ཏྠི, ཀེ་ས་ཝ་སྶུ་པ་མཱ ན ཙེ་ཏི, ནེ་ཏེ ཏུ་ལྱ་ཏྠཱ, ཀི་ཉྫ་ར་ཧི ཏུ་ལྱཱ་ན་མོ་པ་མྨ་ཏྠཱ.
༤༡. ཨ་ཏོ ཡོ་ནཾ ཊཱ་ཊེ.
ཨ་ཀཱ་ར་ནྠ་ཏོ ནཱ་མ་སྨཱ ཡོ་ནཾ ཊཱ་ཊེ ཧོ་ནྟི ཡ་ཐཱ་ཀྐ་མཾ, ཊ་ཀཱ་རཱ ས་བྦ་དེ་ས་ཏྠཱ, བུ་དྡྷཱ བུ་དྡྷེ, ཨ་ཏོ་ཏི ཀིཾ? ཀ་ཉྙཱ་ཡོ, ཨི་ཏྠི་ཡོ, ཝ་དྷུ་ཡོ, ཨི་དྷ ཀ་སྨཱ ན བྷ་ཝ་ཏི ཨ་གྒ་ཡོ. ཨ་ཝི་དྷཱ་ན་སཱ་མ་ཏྠི་ཡཱ.
༤༢. ནི་ནཾ ཝཱ.
ཨ་ཀཱ་ར་ནྟ་ཏོ ནཱ་མ་སྨཱ ནི་ནཾ ཊཱ་ཊེ ཝཱ ཧོ་ནྟི ཡ་ཐཱ་ཀྐ་མཾ. རཱུ་པཱ, རཱུ་པེ, རཱུ་པཱ་ནི, ཨ་ཏོ་ཏྭེ་ཝ ཨ་ཊྛཱི་ནི.
༤༣. སྨཱ་སྨིཾ་ནཾ.
ཨ་ཀཱ་ར་ནྟ་ཏོ ནཱ་མ་སྨཱ སྨཱ་སྨི་ནྣཾ ཊཱ་ཊེ ཝཱ ཧོ་ནྟི ཡ་ཐཱ་ཀྐ་མཾ. བུ་དྡྷཱ བུ་དྡྷ་སྨཱ, བུ་དྡྷེ བུ་དྡྷ་སྨིཾ, ཨ་ཏོ་ཏྭེ་ཝ ཨ་གྒི་སྨཱ ཨ་གྒི་སྨིཾ.
༤༤. ས་སྶཱ་ཡ ཙ་ཏུ་ཏྠི་ཡཱ.
ཨ་ཀཱ་ར་ནྟ་ཏོ པ་ར་སྶ ས་སྶ ཙ་ཏུ་ཏྠི་ཡཱ ཨཱ་ཡོ ཧོ་ཏི ཝཱ. བུ་དྡྷཱ་ཡ བུ་དྡྷ་སྶ, བྷི་ཡྻོ ཏཱ་ད་ཏྠྱེ་ཡེ་ཝཱ་ཡ་མཱ་ཡོ དི་སྶ་ཏེ, ཀྭ་ཙི་དེ་ཝ་ཉྙ་ཏྠ, ཨ་ཏོ་ཏྭེ་ཝ ཨི་སི་སྶ, ཙ་ཏུ་ཏྠི་ཡཱ་ཏི ཀིཾ? བུ་དྡྷ་སྶ མུ་ཁཾ, ཨ་ཏྟ་ཏྠ་ནྟི ཨ་ཏྠ་ས་དྡེ་ན ས་མཱ་སོ.
ས་བྦཱ་དི་ཏོ་པི སྨཱ་སྨིཾ་སཱ་ནཾ ཊཱ་ཊེ་ཨཱ་ཡཱ ཧོ་ནྟེ་ཝ… ནི་རུ་ཏྟི་ཀཱ་རཱ་ནུ་མ་ཏ་ཏྟཱ བུ་དྡྷ་ཝ་ཙ་ནེ ས་ནྡ་སྶ་ན་ཝ་ཏོ ཙ, ཏ་ཏྲོ་ད་མུ་དཱ་ཧ་ར་ཎཾ ‘ཨ་སྨཱ ལོ་ཀཱ པ་ར་མྷཱ ཙ, ཨུ་བྷ་ཡཱ དྷཾ་ས་ཏེ ན་རོ’, ‘ཏྱཱ་ཧཾ མ་ནྟེ པ་ར་ཏྠ་དྡྷོ’, ‘ཡཱ་ཡེ་ཝ ཁོ པ་ན་ཏྠཱ་ཡ ཨཱ་ག་ཙྪེ་ཡྻཱ་ཐོ ཏ་མེ་ཝ་ཏྠཾ སཱ་དྷུ་ཀཾ མ་ན་སི་ཀ་རེ་ཡྻཱ་ཐོ’ཏི.
༤༥. གྷ་པ་ཏེ་ཀ་སྨིཾ ནཱ་དཱི་ནཾ ཡ་ཡཱ.
གྷ་པ་ཏོ ནཱ་དཱི་ན་མེ་ཀ་སྨིཾ ཡ་ཡཱ ཧོ་ནི ཡ་ཐཱ་ཀྐ་མཾ. ཀ་ཉྙཱ་ཡ, ར་ཏྟི་ཡཱ, ཨི་ཏྠི་ཡཱ, དྷེ་ནུ་ཡཱ, ཝ་དྷུ་ཡཱ, ཨེ་ཀ་སྨི་ནྟི ཀིཾ? ཀ་ཉྙཱ་ཧི, ར་ཏྟཱི་ཧི.
༤༦. སྶཱ ཝཱ ཏེ་ཏི་མཱ་མཱུ་ཧི.
གྷ་པ་ས་ཉྙེ་ཧི ཏེ་ཏི་མཱ་མཱུ་ཧི ནཱ་དཱི་ན་མེ་ཀ་སྨིཾ་སྶཱ ཝཱ ཧོ་ཏི, ཏ་སྶཱ ཀ་ཏཾ, ཏ་སྶཱ དཱི་ཡ་ཏེ, ཏ་སྶཱ ནི་སྶ་ཊཾ, ཏ་སྶཱ པ་རི་གྒ་ཧོ, ཏ་སྶཱ པ་ཏི་ཊྛི་ཏཾ, ཏཱ་ཡ ཝཱ, ཨེ་ཝཾ ཨེ་ཏི་སྶཱ ཨེ་ཏཱ་ཡ, ཨི་མི་སྶཱ ཨི་མཱ་ཡ, ཨ་མུ་སྶཱ ཨ་མུ་ཡཱ, ཨེ་ཏེ་ཧཱི་ཏི ཀིཾ? ས་བྦཱ་ཡ, ནཱ་དཱི་ནཾ ཏྭེ་ཝ? སཱ, གྷ་པ་ཏོ་ཏྭེ་ཝ? ཏཱ་ཧི ཨ་མཱུ་ཧི.
༤༧. ནཾ་མྷི ནུ་ཀ དྭཱ་དཱི་ནཾ ས་ཏྟ་ར་ས་ནྣཾ.
དྭཱ་དཱི་ནཾ ས་ཏྟ་ར་ས་ནྣཾ ས་ངྑྱཱ་ནཾ ནུ་ཀ ཧོ་ཏི ནཾ་མྷི ཝི་བྷ་ཏྟ་མྷི, དྭི་ནྣཾ ཙ་ཏུ་ནྣཾ, པ་ཉྩ་ནྣཾ, ཨེ་ཝཾ ཡཱ་ཝ ཨ་ཊྛཱ་ར་ས་ནྣཾ, ཨུ་ཀཱ་རོ ཨུ་ཙྩཱ་ར་ཎ་ཏྠོ, ཀ་ཀཱ་རོ ཨ་ནྟཱ་ཝ་ཡ་ཝ་ཏྠོ, ཏེ་ན ནཾ་མྷི ན དཱི་གྷོ.
༤༨. བ་སུ་ཀ་ཏི་ནྣཾ.
ནཾ་མྷི བ་ཧུ་ནོ ཀ་ཏི་སྶ ཙ ནུ་ཀ ཧོ་ཏི, བ་ཧུ་ནྣཾ, ཀ་ཏི་ནྣཾ.
༤༩. ཎྞཾ་ཎྞ་ནྣཾ ཏི་ཏོ ཛྷཱ.
ཛྷ་ས་ཉྙཱ ཏི་ཏོ ནཾ་ཝ་ཙ་ན་སྶ ཎྞཾ་ཎྞ་ནྣཾ ཧོ་ཏི, ཏི་ཎྞཾ, ཏི་ཎྞ་ནྣཾ, ཛྷཱ་ཏི ཀིཾ ཏི་སྶ་ནྣཾ.
༥༠. ཨུ་བྷི་ནྣཾ.
ཨུ་བྷཱ ནཾ་ཝ་ཙ་ན་སྶ ཨི་ནྣཾ ཧོ་ཏི, ཨུ་བྷི་ནྣཾ.
༥༡. སུ་ཉ ས་སྶ.
ནཱ་མ་སྨཱ ས་སྶ སུ་ཉ ཧོ་ཏི, བུ་དྡྷ་སྶ, དྭི་ས་ཀཱ་ར་པཱ་ཋེ་ན སི་དྡྷེ ལཱ་གྷ་ཝ་ཏྠ་མི་དཾ.
༥༢. སྶཾ་སྶཱ་སྶཱ་ཡེ་སྭི་ཏ་རེ ཀ་ཉྙེ་བྷི་མཱ་ན་མི.
སྶ་མཱ་དཱི་སྭི་ཏ་རཱ་དཱི་ན་མི ཧོ་ཏི, ཨི་ཏ་རི་སྶཾ, ཨི་ཏ་རི་སྶཱ, ཨེ་ཀི་སྶཾ, ཨེ་ཀི་སྶཱ, ཨ་ཉྙི་སྶཾ, ཨ་ཉྙི་སྶཱ, ཨེ་ཏི་སྶཾ, ཨེ་ཏི་སྶཱ, ཨེ་ཏི་སྶཱ་ཡ, ཨི་མི་སྶཾ, ཨི་མི་སྶཱ, ཨི་མི་སྶཱ་ཡ, ཨེ་སྭི་ཏི ཀིཾ? ཨི་ཏ་རཱ་ཡ, ཨེ་ས་ནྟི ཀིཾ? ས་བྦ་སྶཾ, ས་བྦ་སྶཱ.
༥༣. ཏཱ་ཡ ཝཱ.
སྶ་མཱ་དཱི་སུ ཏ་སྶཱ ཝཱ ཨི ཧོ་ཏི, ཏི་སྶཾ ཏ་སྶཾ, ཏི་སྶཱ ཏ་སྶཱ, ཏི་སྶཱ་ཡ ཏ་སྶཱ་ཡ, སྶཾ་སྶཱ་སྶཱ་ཡེ་སྭི་ཏྭེ་ཝ? ཏཱ་ཡ.
༥༤. ཏེ་ཏི་མཱ་ཏོ ས་སྶ སྶཱ་ཡ.
ཏཱ་ཨེ་ཏཱ་ཨི་མཱ་ཏོ ས་སྶ སྶཱ་ཡོ ཧོ་ཏི ཝཱ. ཏ་སྶཱ་ཡ ཏཱ་ཡ, ཨེ་ཏི་སྶཱ་ཡ ཨེ་ཏཱ་ཡ, ཨི་མི་སྶཱ་ཡ ཨི་མཱ་ཡ.
༥༥. ར་ཏྱཱ་དཱི་ཧི ཊོ སྨི་ནོ.
ར་ཏྱཱ་དཱི་ཧི སྨི་ནོ ཊོ ཧོ་ཏི ཝཱ, ར་ཏྟོ ར་ཏྟི་ཡཾ, ཨཱ་དོ ཨཱ་དི་སྨིཾ.
༥༦. སུ་ཧི་སུ་བྷ་སྶོ.
ཨུ་བྷ་སྶ སུ་ཧི་སྭོ ཧོ་ཏི. ཨུ་བྷོ་སུ, ཨུ་བྷོ་ཧི.
༥༧. ལྟུ་པི་ཏཱ་དི་ན་མཱ སི་མྷི.
ལྟུ་པྤ་ཙྩ་ཡ་ནྟཱ་ནཾ པི་ཏཱ་དཱི་ནཾ ཙ ཨཱ ཧོ་ཏི སི་མྷི. ཀ་ཏྟཱ, པི་ཏཱ. པི་ཏུ, མཱ་ཏུ, བྷཱ་ཝུ, མཱི་ཏུ, དུ་ཧི་ཏུ, ཛཱ་མཱ་ཏུ, ན་ཏྟུ, ཧོ་ཏུ, པོ་ཏུ.
༥༨. གེ ཨ ཙ.
ལྟུ་པི་ཏཱ་དཱི་ནཾ ཨ ཧོ་ཏི གེ ཨཱ ཙ, བྷོ ཀ་ཏྟ, བྷོ ཀ་ཏྟཱ, བྷོ པི་ཏ, བྷོ པི་ཏཱ.
༥༩. ཨ་ཡུ་ནཾ ཝཱ དཱི་གྷོ.
ཨ ཨི ཨུ ཨི་ཙྩེ་སཾ ཝཱ དཱི་གྷོ ཧོ་ཏི གེ པ་རེ ཏི་ལི་ངྒེ. བྷོ པུ་རི་སཱ, བྷོ པུ་རི་ས, བྷོ ཨ་གྒཱི, བྷོ ཨ་གྒི, བྷོ བྷི་ཀྑཱུ, བྷོ བྷི་ཀྑཱུ.
༦༠. གྷ་བྲ་ཧྨཱ་དི་ཏེ.
གྷ་ཏོ བྲ་ཧྨཱ་དི་ཏོ ཙ ག་སྶེ ཝཱ ཧོ་ཏི. བྷོ་ཏི ཀ་ཉྙེ, བྷོ་ཏི ཀ་ཉྙཱ, བྷོ བྲ་ཧྨེ, བྷོ བྲ་ཧྨ, བྷོ ཁ་ཏྟེ, བྷོ ཁ་ཏྟ, བྷོ ཨི་སེ, བྷོ ཨི་སི, བྷོ ས་ཁེ, བྷོ ས་ཁ. ས་ཁི ས་ཁཱི་ཏི ཨི་ཏྠི་ཡཾ སི་དྡྷ་མེ་ཝ. ཨཱ་ཀ་ཏི་ག་ཎོ-ཡཾ, ཨེ་ཝ་མ་ཉྙ་ཏྲཱ་པི.
༦༡. ན་མྨཱ་དཱི་ཧི.
ཨ་མྨཱ་དཱི་ཧི ག་སྶེ ན ཧོ་ཏི. བྷོ་ཏི ཨ་མྨཱ, བྷོ་ཏི ཨ་ནྣཱ, བྷོ་ཏི ཨ་མྦཱ.
༦༢. ར་སྶོ ཝཱ.
ཨ་མྨཱ་དཱི་ནཾ གེ ར་སྶོ ཧོ་ཏི ཝཱ. བྷོ་ཏི ཨ་མྨ, བྷོ་ཏི ཨ་མྨཱ.
༦༣. གྷོ སྶཾ, སྶཱ, སྶཱ་ཡཾ ཏིཾ་སུ.
སྶ་མཱ་དཱི་སུ གྷོ ར་སྶོ ཧོ་ཏི. ཏ་སྶཾ, ཏ་སྶཱ, ཏ་སྶཱ་ཡ, ཏཾ, ས་བྷ་ཏིཾ, ཨེ་སྭི་ཏི ཀིཾ? ཏཱ་ཡ, ས་བྷཱ་ཡ.