པ་ཉྩ་མ་ཀ་ཎྜ
༤༢. , ༣༢. གོ་ས་རེ པུ་ཐ་སྶཱ་ག་མོ ཀྭ་ཙི.
པུ་ཐཨི་ཙྩེ་ཏ་སྶ ཨ་ནྟེ ས་རེ པ་རེ ཀྭ་ཙི གཀཱ་རཱ་ག་མོ ཧོ་ཏི.
པུ་ཐ་གེ ཝ.
༤༣. , ༣༣. པཱ་སྶ ཙ་ནྟོ ར་སྶོ.
པཱཨི་ཙྩེ་ཏ་སྶ ཨ་ནྟེ ས་རེ པ་རེ ཀྭ་ཙི གཀཱ་རཱ་ག་མོ ཧོ་ཏི, ཨ་ནྟོ ཙ ས་རོ ར་སྶོ ཧོ་ཏི.
པ་གེ་ཝ ཝུ་ཏྱ་སྶ.
ཀྭ་ཙཱིཏི ཀ་སྨཱ? པཱ ཨེ་ཝ ཝུ་ཏྱ་སྶ.
༤༤. , ༢༤. ཨ་བྦྷོ ཨ་བྷི.
ཨ་བྷིཨི་ཙྩེ་ཏ་སྶ ས་རེ པ་རེ ཨ་བྦྷཱདེ་སོ ཧོ་ཏི. ཨ་བྦྷུ་དཱི་རི་ཏཾ, ཨ་བྦྷུ་གྒ་ཙྪ་ཏི.
༤༥. , ༢༥. ཨ་ཛ྄ཛྷོ ཨ་དྷི.
ཨ་དྷིཨི་ཙྩེ་ཏ་སྶ ས་རེ པ་རེ ཨ་ཛ྄ཛྷཱདེ་སོ ཧོ་ཏི.
ཨ་ཛ྄ཛྷོ་ཀཱ་སེ, ཨ་ཛ྄ཛྷཱ་ག་མཱ.
༤༦. , ༢༦. ཏེ ན ཝཱ ཨི་ཝ་ཎྞེ.
ཏེ ཙ ཁོ ཨ་བྷི་ཨ་དྷིཨི་ཙྩེ་ཏེ ཨི་ཝ་ཎྞེ པ་རེ ཨ་བྦྷོ ཨ་ཛ྄ཛྷོཨི་ཏི་ཝུ་ཏྟ་རཱུ་པཱ ནཾ ཧོ་ནྟི ཝཱ.
ཨ་བྷི་ཙྪི་ཏཾ, ཨ་དྷཱི་རི་ཏཾ.
ཝཱཏི ཀ་སྨཱ? ཨ་བྦྷཱི་རི་ཏཾ, ཨ་ཛ྄ཛྷི་ཎ་མུ་ཏྟོ.
༤༧. , ༢༣. ཨ་ཏི་སྶ ཙ་ནྟ་སྶ.
ཨ་ཏིཨི་ཙྩེ་ཏ་སྶ ཨ་ནྟ་བྷཱུ་ཏ་སྶ ཏིས་དྡ་སྶ ཨི་ཝ་ཎྞེ པ་རེ ‘‘ས་བྦོ ཙཾ ཏཱི’’ཏི ཝུ་ཏྟ་རཱུ་པཾ ན ཧོ་ཏི.
ཨ་ཏཱི་སི་ག་ཎོ, ཨ་ཏཱི་རི་ཏཾ.
ཨི་ཝ་ཎྞེཏི ཀ་སྨཱ? ཨ་ཙྩ་ནྟཾ.
༤༨. , ༤༣. ཀྭ་ཙི པ་ཊི པ་ཏི་སྶ.
པ་ཏིཨི་ཙྩེ་ཏ་སྶ ས་རེ ཝཱ བྱ་ཉྫ་ནེ ཝཱ པ་རེ ཀྭ་ཙི པ་ཊིཨཱ་དེ་སོ ཧོ་ཏི.
པ་ཊ་གྒི དཱ་ཏ་བྦོ, པ་ཊི་ཧ་ཉྙ་ཏི.
ཀྭ་ཙཱིཏི ཀ་སྨཱ? པ་ཙྩ་ནྟི་མེ་སུ ཛ་ན་པ་དེ་སུ, པ་ཏི་ལཱི་ཡ་ཏི, པ་ཏི་རཱུ་པ་དེ་ས་ཝཱ་སོ ཙ.
༤༩. , ༤༤. པུ་ཐ་སྶུ བྱ་ཉྫ་ནེ.
པུ་ཐཨི་ཙྩེ་ཏ་སྶ ཨ་ནྟོ ས་རོ བྱ་ཉྫ་ནེ པ་རེ ཨུཀཱ་རོ ཧོ་ཏི.
པུ་ཐུ་ཛྫ་ནོ, པུ་ཐུ་བྷཱུ་ཏཾ.
ཨ་ནྟ་གྒ་ཧ་ཎེ་ན ཨ་པུ་ཐ་སྶཱ་པི ས་རེ པ་རེ ཨ་ནྟ་སྶ ཨུཀཱ་རོ ཧོ་ཏི, མ་ནུ་ཉྙཾ.
༥༠. , ༤༥. ཨོ ཨ་ཝ་སྶ.
ཨ་ཝཨི་ཙྩེ་ཏ་སྶ བྱ་ཉྫ་ནེ པ་རེ ཀྭ་ཙི ཨོཀཱ་རོ ཧོ་ཏི.
ཨ་ནྡྷ་ཀཱ་རེ་ན ཨོ་ན་དྡྷཱ.
ཀྭ་ཙཱིཏི ཀ་སྨཱ? ཨ་ཝ་སུ་སྶ་ཏུ མེ ས་རཱི་རེ མཾ་ས་ལོ་ཧི་ཏཾ.
༥༡. , ༥༩. ཨ་ནུ་པ་དི་ཊྛཱ་ནཾ ཝུ་ཏྟ་ཡོ་ག་ཏོ.
ཨ་ནུ་པ་དི་ཊྛཱ་ནཾ ཨུ་པ་ས་གྒ་ནི་པཱ་ཏཱ་ནཾ ས་ར་ས་ནྡྷཱི་ཧི བྱ་ཉྫ་ན་ས་ནྡྷཱི་ཧི ཝུ་ཏྟ་ས་ནྡྷཱི་ཧི ཙ ཡ་ཐཱ་ཡོ་གཾ ཡོ་ཛེ་ཏ་བྦཾ.
པཱ་པ་ནཾ, པ་རཱ་ཡ་ཎཾ, ཨུ་པཱ་ཡ་ནཾ, ཨུ་པཱ་ཧ་ནཾ, ནྱཱ་ཡོ་གོ, ནི་གུ་པ་དྷི, ཨ་ནུ་བོ་དྷོ, དུ་ཝཱུ་པ་ས་ནྟཾ, སུ་ཝཱུ་པ་ས་ནྟཾ, དྭཱ་ལ་ཡོ, སྭཱ་ལ་ཡོ, དུ་རཱ་ཁྱཱ་ཏཾ, སྭཱ་ཁྱཱ་ཏོ, ཨུ་དཱི་རི་ཏཾ, ས་མུ་དྡི་ཊྛཾ, ཝི་ཡ་གྒཾ, ཝི་ཛ྄ཛྷ་གྒཾ, བྱ་གྒཾ, ཨ་ཝ་ཡཱ་ག་མ་ནཾ, ཨ་ནྭེ་ཏི, ཨ་ནུ་པ་གྷཱ་ཏོ, ཨ་ན་ཙྪ་རི་ཡཾ, པ་རི་ཡེ་ས་ནཱ, པ་རཱ་མཱ་སོ, ཨེ་ཝཾ ས་རེ ཙ ཧོ་ནྟི.
པ་རི་གྒ་ཧོ, པ་གྒ་ཧོ, པ་ཀྐ་མོ, པ་ར་ཀྐ་མོ, ནི་ཀྐ་མོ, ནི་ཀྐ་སཱ་ཝོ, ནི་ལླ་ཡ་ནཾ, དུ་ལླ་ཡ་ནཾ, དུ་མྦྷི་ཀྑཾ, དུ་བྦུ་ཏྟཾ, ས་ནྡི་ཊྛཾ, དུ་གྒ་ཧོ, ཝི་གྒ་ཧོ, ནི་གྒ་ཏོ, ཨ་བྷི་ཀྐ་མོ, པ་ཊི་ཀྐ་མོ, ཨེ་ཝཾ བྱ་ཉྫ་ནེ ཙ. སེ་སཱ ས་བྦེ ཡོ་ཛེ་ཏ་བྦཱ.
ཨི་ཏི ས་ནྡྷི་ཀ་པྤེ པ་ཉྩ་མོ ཀ་ཎྜོ.
ས་ནྡྷི་ཀ་པྤོ ནི་ཊྛི་ཏོ.