༢. ནཱ་མ་ཀ་པྤ
པ་ཋ་མ་ཀ་ཎྜ
༥༢. , ༦༠. ཛི་ན་ཝ་ཙ་ན་ཡུ་ཏྟཾ ཧི.
‘‘ཛི་ན་ཝ་ཙ་ན་ཡུ་ཏྟཾ ཧི’’ ཨི་ཙྩེ་ཏཾ ཨ་དྷི་ཀཱ་ར་ཏྠཾ ཝེ་དི་ཏ་བྦཾ.
༥༣. , ༦༡. ལི་ངྒ་ཉྩ ནི་པྤ་ཛྫ་ཏེ.
ཡ་ཐཱ ཡ་ཐཱ ཛི་ན་ཝ་ཙ་ན་ཡུ་ཏྟཾ ཧི ལི་ངྒཾ, ཏ་ཐཱ ཏ་ཐཱ ཨི་དྷ ལི་ངྒ་ཉྩ ནི་པྤ་ཛྫ་ཏེ.
ཏཾ ཡ་ཐཱ? ཨེ་སོ ནོ ས་ཏྠཱ, བྲ་ཧྨཱ ཨ་ཏྟཱ, ས་ཁཱ, རཱ་ཛཱ.
༥༤. , ༦༢. ཏ་ཏོ ཙ ཝི་བྷ་ཏྟི་ཡོ.
ཏ་ཏོ ཛི་ན་ཝ་ཙ་ན་ཡུ་ཏྟེ་ཧི ལི་ངྒེ་ཧི ཝི་བྷ་ཏྟི་ཡོ པ་རཱ ཧོ་ནྟི.
༥༥. , ༦༣. སི ཡོ, ཨཾ ཡོ, ནཱ ཧི, ས ནཾ, སྨཱ ཧི, ས ནཾ, སྨིཾ སུ.
ཀཱ ཙ པ་ན ཏཱ་ཡོ ཝི་བྷ་ཏྟི་ཡོ? སི, ཡོ ཨི་ཏི པ་ཋ་མཱ, ཨཾ, ཡོ་ཨི་ཏི དུ་ཏི་ཡཱ, ནཱ ཧི ཨི་ཏི ཏ་ཏི་ཡཱ, ས, ནཾ་ཨི་ཏི ཙ་ཏུ་ཏྠཱི, སྨཱ, ཧི ཨི་ཏི པ་ཉྩ་མཱི, ས, ནཾ ཨི་ཏི ཚ་ཊྛཱི, སྨིཾ, སུ ཨི་ཏི ས་ཏྟ་མཱི.
ཝི་བྷ་ཏྟིཨི་ཙྩ་ནེ་ན ཀྭ་ཏྠོ? ཨ་མྷ་སྶ མ་མཾ ས་ཝི་བྷ་ཏྟི་སྶ སེ.
༥༦. , ༦༤. ཏ་ད་ནུ་པ་རོ་དྷེ་ན.
ཡ་ཐཱ ཡ་ཐཱ ཏེ་སཾ ཛི་ན་ཝ་ཙ་ནཱ་ནཾ ཨ་ནུ་པ་རོ་དྷོ. ཏ་ཐཱ ཏ་ཐཱ ཨི་དྷ ལི་ངྒ་ཉྩ ནི་པྤ་ཛྫ་ཏེ.
༥༧. , ༧༡. ཨཱ་ལ་པ་ནེ སི ག ས་ཉྙོ.
ཨཱ་ལ་པ་ན་ཏྠེ སི ག་ས་ཉྙོ ཧོ་ཏི.
བྷོ་ཏི ཨ་ཡྻེ, བྷོ་ཏི ཀ་ཉྙེ, བྷོ་ཏི ཁ་རཱ་དི་ཡེ.
ཨཱ་ལ་པ་ནེཏི ཀི་མ་ཏྠཾ? སཱ ཨ་ཡྻཱ.
སཱིཏི ཀི་མ་ཏྠཾ? བྷོ་ཏི་ཡོ ཨ་ཡྻཱ་ཡོ.
ག་ཨིཙྩ་ནེ་ན ཀྭ་ཏྠོ? གྷ་ཏེ ཙ.
༥༨. , ༢༩. ཨི་ཝ་ཎྞུ་ཝ་ཎྞཱ ཛྷ་ལཱ.
ཨི་ཝ་ཎྞུ་ཝ་ཎྞཱཨི་ཙྩེ་ཏེ ཛྷ་ལས་ཉྙཱ ཧོ་ནྟི ཡ་ཐཱ་ས་ངྑྱཾ.
ཨི་སི་ནོ, ཨ་གྒི་ནོ, ག་ཧ་པ་ཏི་ནོ, ད་ཎྜི་ནོ. སེ་ཏུ་ནོ, ཀེ་ཏུ་ནོ, བྷི་ཀྑུ་ནོ. ས་ཡ་མྦྷུ་ནོ, ཨ་བྷི་བྷུ་ནོ.
ཛྷ་ལཨི་ཙྩ་ནེ་ན ཀྭ་ཏྠོ? ཛྷ་ལ་ཏོ ས་སྶ ནོ ཝཱ.
༥༩. , ༡༨༢. ཏེ ཨི་ཏྠི་ཁྱཱ པོ.
ཏེ ཨི་ཝ་ཎྞུ་ཝ་ཎྞཱ ཡ་དཱ ཨི་ཏྠི་ཁྱཱ, ཏ་དཱ པས་ཉྙཱ ཧོ་ནྟི.
ར་ཏྟི་ཡཱ, ཨི་ཏྠི་ཡཱ, དྷེ་ནུ་ཡཱ, ཝ་དྷུ་ཡཱ.
ཨི་ཏྠི་ཁྱཱཏི ཀི་མ་ཏྠཾ? ཨི་སི་ནཱ, བྷི་ཀྑུ་ནཱ.
སཨི་ཙྩ་ནེ་ན ཀྭ་ཏྠོ? པ་ཏོ ཡཱ.
༦༠. , ༡༧༧. ཨཱ གྷོ.
ཨཱཀཱ་རོ ཡ་དཱ ཨི་ཏྠི་ཁྱོ, ཏ་དཱ གྷས་ཉྙོ ཧོ་ཏི.
ས་དྡྷཱ་ཡ, ཀ་ཉྙཱ་ཡ, ཝཱི་ཎཱ་ཡ, ག་ངྒཱ་ཡ, དི་སཱ་ཡ སཱ་ལཱ་ཡ, མཱ་ལཱ་ཡ, ཏུ་ལཱ་ཡ, དོ་ལཱ་ཡ, པ་བྷཱ་ཡ, སོ་བྷཱ་ཡ, པ་ཉྙཱ་ཡ, ཀ་རུ་ཎཱ་ཡ ནཱ་ཝཱ་ཡ, ཀ་པཱ་ལི་ཀཱ་ཡ.
ཨཱཏི ཀི་མ་ཏྠཾ? ར་ཏྟི་ཡཱ, ཨི་ཏྠི་ཡཱ.
ཨི་ཏྠི་ཁྱོཏི ཀི་མ་ཏྠཾ? ས་ཏྠཱ་རཱ དེ་སི་ཏོ ཨ་ཡཾ དྷ་མྨོ.
གྷཨི་ཙྩ་ནེ་ན ཀྭ་ཏྠོ? གྷ་ཏོ ནཱ་དཱི་ནཾ.
༦༡. , ༨༦. སཱ་ག་མོ སེ.
སཀཱ་རཱ་ག་མོ ཧོ་ཏི སེ ཝི་བྷ་ཏྟི་མྷི.
པུ་རི་ས་སྶ, ཨ་གྒི་སྶ, ཨི་སི་སྶ, ད་ཎྜི་སྶ, བྷི་ཀྑུ་སྶ, ས་ཡ་མྦྷུ་སྶ, ཨ་བྷི་བྷུ་སྶ.
སེཏི ཀི་མ་ཏྟཾ? པུ་རི་ས་སྨིཾ.
༦༢. , ༢༠༦. སཾ་སཱ་སྭེ་ཀ་ཝ་ཙ་ནེ་སུ ཙ.
སཾ་སཱསུ ཨེ་ཀ་ཝ་ཙ་ནེ་སུ ཝི་བྷ་ཏྟཱ་དེ་སེ་སུ སཀཱ་རཱ་ག་མོ ཧོ་ཏི.
ཨེ་ཏི་སྶཾ, ཨེ་ཏི་སྶཱ ཨི་མི་སྶཾ, ཨི་མི་སྶཱ, ཏི་སྶཾ, ཏི་སྶཱ,
ཏ་སྶཾ ཏ་སྶཱ, ཡ་སྶཾ, ཡ་སྶཱ, ཨ་མུ་སྶཾ, ཨ་མུ་སྶཱ.
སཾ་སཱ་སྭཱིཏི ཀི་མ་ཏྠཾ? ཨ་གྒི་ནཱ, པཱ་ཎི་ནཱ.
ཨེ་ཀ་ཝ་ཙ་ནེ་སྭཱིཏི ཀི་མ་ཏྠཾ? ཏཱ་སཾ, ས་བྦཱ་སཾ.
ཝི་བྷ་ཏྟཱ་དེ་སེ་སྭཱིཏི ཀི་མ་ཏྠཾ? མ་ན་སཱ, ཝ་ཙ་སཱ, ཐཱ་མ་སཱ.
༦༣. , ༢༡༧. ཨེ་ཏི་མཱ་ས་མི.
ཨེ་ཏཱ་ཨི་མཱཨི་ཙྩེ་ཏེ་ས་མ་ནྟོ ས་རོ ཨི་ཀཱ་རོ ཧོ་ཏི སཾ་སཱསུ ཨེ་ཀ་ཝ་ཙ་ནེ་སུ ཝི་བྷ་ཏྟཱ་དེ་སེ་སུ.
ཨེ་ཏི་སྶཾ, ཨེ་ཏི་སྶཱ, ཨི་མི་སྶཾ, ཨི་མི་སྶཱ.
སཾ་སཱ་སྭཱིཏི ཀི་མ་ཏྠཾ? ཨེ་ཏཱ་ཡ, ཨི་མཱ་ཡ.
ཨེ་ཀ་ཝ་ཙ་ནེ་སྭཱིཏི ཀི་མ་ཏྠཾ? ཨེ་ཏཱ་སཾ, ཨི་མཱ་སཾ.
༦༤. , ༢༡༦. ཏ་སྶཱ ཝཱ.
ཏ་སྶཱ ཨི་ཏྠི་ཡཾ ཝ་ཏྟ་མཱ་ན་སྶ ཨ་ནྟ་སྶ ཨཱཀཱ་ར་སྶ ཨིཀཱ་རོ ཧོ་ཏི ཝཱ སཾ་སཱསུ ཨེ་ཀ་ཝ་ཙ་ནེ་སུ ཝི་བྷ་ཏྟཱ་དེ་སེ་སུ.
ཏི་སྶཾ, ཏི་སྶཱ, ཏ་སྶཾ, ཏ་སྶཱ.
༦༥. , ༢༡༥. ཏ་ཏོ ས་སྶ སྶཱ་ཡ.
ཏ་ཏོ ཏཱ ཨེ་ཏཱ ཨི་མཱཏོ སསྶ ཝི་བྷ་ཏྟི་སྶ སྶཱ་ཡཱདེ་སོ ཧོ་ཏི ཝཱ.
ཏི་སྶཱ་ཡ, ཨེ་ཏི་སྶཱ་ཡ, ཨི་མི་སྶཱ་ཡ.
ཝཱཏི ཀི་མ་ཏྠཾ? ཏི་སྶཱ, ཨེ་ཏི་སྶཱ, ཨི་མི་སྶཱ.
༦༦. , ༢༠༥. གྷོ ར་སྶཾ.
གྷོ ར་སྶ་མཱ་པ་ཛྫ་ཏེ སཾ་སཱསུ ཨེ་ཀ་ཝ་ཙ་ནེ་སུ ཝི་བྷ་ཏྟཱ་དེ་སེ་སུ.
ཏ་སྶཾ, ཏ་སྶཱ, ཡ་སྶཾ, ཡ་སྶཱ, ས་བྦ་སྶཾ, ས་བྦ་སྶཱ.
སཾ་སཱསྭཱི་ཏི ཀི་མ་ཏྠཾ? ཏཱ་ཡ, ས་བྦཱ་ཡ.
ཨེ་ཀ་ཝ་ཙ་ནེ་སྭཱིཏི ཀི་མ་ཏྠཾ? ཏཱ་སཾ, ས་བྦཱ་སཾ.
༦༧. , ༢༢༩. ནོ ཙ དྭཱ་དི་ཏོ ནཾ་མྷི.
དྭི་ཨི་ཙྩེ་ཝ་མཱ་དི་ཏོ ས་ངྑྱཱ་ཏོ ནཀཱ་རཱ་ག་མོ ཧོ་ཏི ནཾ་མྷི ཝི་བྷ་ཏྟི་མྷི.
དྭི་ནྣཾ, ཏི་ནྣཾ, ཙ་ཏུ་ནྣཾ, པ་ཉྩ་ནྣཾ, ཚ་ནྣཾ, ས་ཏྟ་ནྣཾ, ཨ་ཊྛ་ནྣཾ, ན་ཝ་ནྣཾ, ད་ས་ནྣཾ.
དྭཱ་དི་ཏོཏི ཀི་མ་ཏྠཾ? ས་ཧ་སྶཱ་ནཾ.
ནཾ་མྷཱིཏི ཀི་མ་ཏྠཾ? དྭཱི་སུ, ཏཱི་སུ.
ཙ་གྒ་ཧ་ཎེ་ན་སྶཉྩཱ་ག་མོ ཧོ་ཏི. ཙ་ཏ་སྶ་ནྣཾ ཨི་ཏྠཱི་ནཾ ཏི་སྶ་ནྣཾ ཝེ་ད་ནཱ་ནཾ.
༦༨. , ༡༨༤. ཨ་མཱ པ་ཏོ སྨིཾ་སྨཱ་ནཾ ཝཱ.
པཨི་ཙྩེ་ཏ་སྨཱ སྨིཾ་སྨཱཨི་ཙྩེ་ཏེ་སཾ ཨཾ་ཨཱཨཱ་དེ་སཱ ཧོ་ནྟི ཝཱ ཡ་ཐཱ་ས་ངྑྱཾ.
མ་ཏྱཾ, མ་ཏི་ཡཾ, མ་ཏྱཱ, མ་ཏི་ཡཱ, ནི་ཀ་ཏྱཾ. ནི་ཀ་ཏི་ཡཾ, ནི་ཀ་ཏྱཱ, ནི་ཀ་ཏི་ཡཱ, ཝི་ཀ་ཏྱཾ, ཝི་ཀ་ཏི་ཡཾ, ཝི་ཀ་ཏྱཱ, ཝི་ཀ་ཏི་ཡཱ, ཝི་ར་ཏྱཾ, ཝི་ར་ཏི་ཡཾ, ཝི་ར་ཏྱཱ, ཝི་ར་ཏི་ཡཱ, ར་ཏྱཾ, ར་ཏི་ཡཾ, ར་ཏྱཱ, ར་ཏི་ཡཱ, པུ་ཐ་བྱཾ, པུ་ཐ་ཝི་ཡཾ, པུ་ཐ་བྱཱ, པུ་ཐ་ཝི་ཡཱ, པ་ཝ་ཏྱཾ, པ་ཝ་ཏྱཱ, པ་ཝ་ཏྟི་ཡཾ, པ་ཝ་ཏྟི་ཡཱ.
༦༩. , ༡༨༦. ཨཱ་དི་ཏོ ཨོ ཙ.
ཨཱ་དིཨི་ཙྩེ་ཏ་སྨཱ སྨིཾཝ་ཙ་ན་སྶ ཨཾ་ཨོཨཱ་དེ་སཱ ཧོ་ནྟི ཝཱ.
ཨཱ་དཱིཾ, ཨཱ་དོ.
ཝཱཏི ཀི་མ་ཏྠཾ? ཨཱ་དི་སྨིཾ, ཨཱ་དི་མྷི ནཱ་ཐཾ ན་མ་སྶི་ཏྭཱ་ན,
ཙ་གྒ་ཧ་ཎེ་ན ཨ་ཉྙ་སྨཱ་པི སྨིཾ ཝ་ཙ་ན་སྶ ཨཱ ཨོ ཨཾཨཱ་དེ་སཱ ཧོ་ནྟི. དི་ཝཱ ཙ ར་ཏྟོ ཙ ཧ་ར་ནྟི ཡེ བ་ལི. བཱ་རཱ་ཎ་སིཾ ཨ་ཧུ རཱ་ཛཱ.
༧༠. , ༣༠. ཛྷ་ལཱ་ན་མི་ཡུ་ཝཱ ས་རེ ཝཱ.
ཛྷ་ལཨི་ཙྩེ་ཏེ་སཾ ཨི་ཡ ཨུ་ཝཨི་ཙྩེ་ཏེ ཨཱ་དེ་སཱ ཧོ་ནྟི ཝཱ ས་རེ པ་རེ ཡ་ཐཱ་ས་ངྑྱཾ.
ཏི་ཡ་ནྟཾ པ་ཙྪི་ཡཱ་གཱ་རེ, ཨ་གྒི་ཡཱ་གཱ་རེ, བྷི་ཀྑུ་ཝཱ་ས་ནེ ནི་སཱི་ད་ཏི, ཝུ་ཐུ་ཝཱ་ས་ནེ ནི་སཱི་ད་ཏི.
ས་རེཏི ཀི་མ་ཏྠཾ? ཏི་མ་ལཾ, ཏི་ཕ་ལཾ, ཏི་ཙ་ཏུ་ཀྐཾ, ཏི་ད་ཎྜཾ, ཏི་ལོ་ཀཾ, ཏི་ན་ཡ་ནཾ, ཏི་པཱ་སཾ, ཏི་ཧཾ་སཾ, ཏི་བྷ་ཝཾ, ཏི་ཁ་ནྡྷཾ, ཏི་པི་ཊ་ཀཾ, ཏི་ཝེ་ད་ནཾ, ཙ་ཏུ་དྡི་སཾ, པུ་ཐུ་བྷཱུ་ཏཾ.
ཝཱཏི ཀི་མ་ཏྠཾ? པ་ཉྩ་ཧ་ངྒེ་ཧི ཏཱི་ཧཱ་ཀཱ་རེ་ཧི. ཙ་ཀྑཱ་ཡ་ཏ་ནཾ.
ཝཱཏི ཝི་ཀ་པྤ་ན་ཏྠཾ, ཨིཀཱ་ར་སྶ ཨ་ཡཱདེ་སོ ཧོ་ཏི, ཝ་ཏྠུ་ཏྟ་ཡཾ.
༧༡. , ༥༠༥. ཡ་ཝ་ཀཱ་རཱ ཙ.
ཛྷ་ལཱ་ནཾ ཡཀཱ་ར ཝཀཱ་རཱ་དེ་སཱ ཧོ་ནྟི ས་རེ པ་རེ ཡ་ཐཱ་ས་ངྑྱཾ.
ཨ་གྱཱ་གཱ་རཾ, པ་ཀྑཱ་ཡ་ཏ་ནཾ, སྭཱ་ག་ཏཾ, ཏེ མ་ཧཱ་ཝཱི་ར.
ཙ་གྒ་ཧ་ཎཾ ས་མྤི་ཎྜ་ན་ཏྠཾ.
༧༢. , ༡༨༥. པ་ས་ཉྙ་སྶ ཙ.
པས་ཉྙ་སྶ ཙ ཨི་ཝ་ཎྞ་སྶ ཝི་བྷ་ཏྟཱ་དེ་སེ ས་རེ པ་རེ ཡཀཱ་རཱ་དེ་སོ ཧོ་ཏི.
པུ་ཐ་བྱཱ, ར་ཏྱཱ, མ་ཏྱཱ.
ས་རེཏི ཀི་མ་ཏྠཾ? པུ་ཐ་ཝི་ཡཾ.
༧༣. , ༡༧༤. གཱ་ཝ སེ.
གོཨི་ཙྩེ་ཏ་སྶ ཨོཀཱ་ར་སྶ ཨཱ་ཝཱདེ་སོ ཧོ་ཏི སེ ཝི་བྷ་ཏྟི་མྷི.
གཱ་ཝ་སྶ.
༧༤. , ༡༦༩. ཡོ་སུ ཙ.
གོཨི་ཙྩེ་ཏ་སྶ ཨོཀཱ་ར་སྶ ཨཱ་ཝཱདེ་སོ ཧོ་ཏི ཡོཨི་ཙྩེ་ཏེ་སུ པ་རེ་སུ.
གཱ་ཝོ ག་ཙྪ་ནྟི, གཱ་ཝོ པ་སྶ་ནྟི, གཱ་ཝཱི ག་ཙྪ་ནྟི, གཱ་ཝཱི པ་སྶ་ནྟི.
ཙ་གྒ་ཧ་ཎཾ ཀི་མ་ཏྠཾ? ནཱ་སྨཱ་སྨིཾསུ ཝ་ཙ་ནེ་སུ ཨཱ་ཝཱ དེ་སོ ཧོ་ཏི.
གཱ་ཝེ་ན, གཱ་ཝཱ, གཱ་ཝེ, གཱ་ཝེ་སུ.
༧༥. , ༡༧༠. ཨ་ཝ་མྷི ཙ.
གོཨི་ཙྩེ་ཏ་སྶ ཨོཀཱ་ར་སྶ ཨཱ་ཝ་ཨ་ཝཨི་ཙྩེ་ཏེ ཨཱ་དེ་སཱ ཧོ་ནྟི ཨཾ་མྷི ཝི་བྷ་ཏྟི་མྷི.
གཱ་ཝཾ, ག་ཝཾ.
ཙ་གྒ་ཧ་ཎེ་ན སཱདི་སེ་སེ་སུ པུ་བྦུ་ཏྟ་ཝ་ཙ་ནེ་སུ གོཨི་ཙྩེ་ཏ་སྶ ཨོཀཱ་ར་སྶ ཨ་ཝཱདེ་སོ ཧོ་ཏི.
ག་ཝ་སྶ, ག་ཝོ, ག་ཝེ་ན, ག་ཝཱ, ག་ཝེ, ག་ཝེ་སུ.
༧༦. , ༡༧༡. ཨཱ་ཝ་སྶུ ཝཱ.
ཨཱ་ཝཨི་ཙྩེ་ཏ་སྶ གཱ་ཝཱདེ་ས་སྶ ཨ་ནྟ ས་ར་སྶ ཨུཀཱ་རཱ་དེ་སོ ཧོ་ཏི ཝཱ ཨཾ་མྷི ཝི་བྷ་ཏྟི་མྷི.
གཱ་ཝུཾ, གཱ་ཝཾ.
ཨཱ་ཝ་སྶེཏི ཀི་མ་ཏྠཾ? གཱ་ཝོ ཏི་ཊྛ་ནྟི.
༧༧. , ༡༧༥. ཏ་ཏོ ན་མཾ པ་ཏི་མྷཱ ལུ་ཏྟེ ཙ ས་མཱ་སེ.
ཏ་ཏོ གོས་དྡ་ཏོ ནཾ་ཝ་ཙ་ན་སྶ ཨཾཨཱ་དེ་སོ ཧོ་ཏི, གོཨི་ཙྩེ་ཏ་སྶ ཨོཀཱ་ར་སྶ ཨ་ཝཱདེ་སོ ཧོ་ཏི པ་ཏིམྷི པ་རེ ཨ་ལུ་ཏྟེ ཙ ས་མཱ་སེ.
ག་ཝ་པ་ཏི.
ཨ་ལུ་ཏྟེཏི ཀི་མ་ཏྠཾ? གོ་པ་ཏི.
ཙ་གྒ་ཧ་ཎེ་ན ཨ་ས་མཱ་སེ་པི ནཾ་ཝ་ཙ་ན་སྶ ཨཾ་ཨཱ་དེ་སོ ཧོ་ཏི, གོཨི་ཙྩེ་ཏ་སྶ ཨོཀཱ་ར་སྶ ཨ་ཝཱདེ་སོ ཧོ་ཏི.
ག་ཝཾ.
༧༨. , ༣. ཨོ་ས་རེ ཙ.
གོ་ཨིཙྩེ་ཏ་སྶ ཨོཀཱ་ར་སྶ ཨ་ཝཱདེ་སོ ཧོ་ཏི ས་མཱ་སེ ཙ ས་རེ པ་རེ.
ག་ཝ་སྶ་ཀཾ, ག་ཝེ་ལ༹་ཀཾ, ག་ཝཱ་ཛི་ནཾ.
ཙ་གྒ་ཧ་ཎེ་ན ཨུ་ཝ་ཎྞ་ཨི་ཙྩེ་ཝ་མ་ནྟཱ་ནཾ ལི་ངྒཱ་ནཾ ཨུ་ཝ་ཨ་ཝ་ཨུ་རཱདེ་སཱ ཧོ་ནྟི སྨིཾ་ཡོཨི་ཙྩེ་ཏེ་སུ ཀྭ་ཙི.
བྷུ་ཝི, པ་ས་ཝོ, གུ་ར་ཝོ, ཙ་ཏུ་རོ.
ས་རེ་ཏི ཀི་མ་ཏྠཾ? གོ་དྷ་ནོ, གོ་ཝི་ནྡོ.
༧༩. , ༤༦. ཏ་བྦི་པ་རཱི་ཏཱུ་པ་པ་དེ བྱ་ཉྫ་ནེ ཙ.
ཏ་སྶ ཨ་ཝས་དྡ་སྶ ཡ་དཱ ཨུ་པ་པ་དེ ཏི་ཊྛ་མཱ་ན་སྶ ཏ་སྶ ཨོཀཱ་ར་སྶ ཝི་པ་རཱི་ཏོ ཧོ་ཏི བྱ་ཉྫ་ནེ པ་རེ.
ཨུ་གྒ་ཏེ སཱུ་རི་ཡེ, ཨུ་གྒ་ཙྪ་ཏི, ཨུ་གྒ་ཧེ་ཏྭཱ.
ཙ་གྒ་ཧ་ཎམ་ཝ་དྷཱ་ར་ཎ་ཏྠཾ. ཨ་ཝ་སཱ་ནེ, ཨ་ཝ་ཀི་ར་ཎེ, ཨ་ཝ་ཀི་ར་ཏི.
༨༠. , ༡༧༣. གོ་ཎ ནཾ་མྷི ཝཱ.
ས་བྦ་སྶེ་ཝ གོས་དྡ་སྶ གོ་ཎཱདེ་སོ ཧོ་ཏི ཝཱ ནཾ་མྷི ཝི་བྷ་ཏྟི་མྷི.
གོ་ཎཱ་ནཾ ས་ཏྟ་ནྣཾ.
ཝཱཏི ཀི་མ་ཏྠཾ?
གོ་ན་ཉྩེ ཏ་ར་མཱ་ནཱ་ནཾ, ཨུ་ཛུཾ ག་ཙྪ་ཏི པུ་ངྒ་ཝོ.
ས་བྦཱ གཱ་ཝཱི ཨུ་ཛུཾ ཡ་ནྟི, ནེ་ཏྟེ ཨུ་ཛུཾ ག་ཏེ ས་ཏི.
ཡོ་ག་ཝི་བྷཱ་གེ་ན ཨ་ཉྙ་ཏྲཱ་པི གོ་ཎཱདེ་སོ ཧོ་ཏི. གོ་ཎ་བྷཱུ་ཏཱ་ནཾ.
༨༡. , ༡༧༢. སུ་ཧི་ནཱ་སུ ཙ.
སུ་ཧི་ནཱཨི་ཙྩེ་ཏེ་སུ ས་བྦ་སྶ གོས་དྡ་སྶ གོ་ཎཱདེ་སོ ཧོ་ཏི ཝཱ.
གོ་ཎེ་སུ, གོ་ཎེ་ཧི, གོ་ཎེ་བྷི, གོ་ཎེ་ན.
ཝཱཏི ཀི་མ་ཏྠཾ? གོ་སུ, གོ་ཧི, གོ་བྷི, ག་ཝེ་ན.
ཙ་གྒ་ཧ་ཎེ་ན སྱཱདི་སེ་སེ་སུ པུ་བྦུ་ཏྟ་ར་ཝ་ཙ་ནེ་སུ་པི གོ་ཎ གུ ག་ཝ་ཡཱདེ་སཱ ཧོ་ནྟི. གོ་ཎོ, གོ་ཎཱ, གོ་ཎཾ, གོ་ཎེ, གོ་ཎ་སྶ, གོ་ཎ་མྷཱ. གོ་ཎ་མྷི, གུ་ནྣཾ, ག་ཝ་ཡེ་ཧི, ག་ཝ་ཡེ་བྷི.
༨༢. , ༡༤༩. ཨཾ་མོ ནི་གྒ་ཧི་ཏཾ ཛྷ་ལ་པེ་ཧི.
ཨཾཝ་ཙ་ན་སྶ མཀཱ་ར་སྶ ཙ ཛྷ་ལ་པཨི་ཙྩེ་ཏེ་ཧི ནི་གྒ་ཧི་ཏཾ ཧོ་ཏི
ཨ་གྒིཾ, ཨི་སིཾ, ག་ཧ་པ་ཏིཾ, ད་ཎྜིཾ, མ་ཧེ་སིཾ, བྷི་ཀྑུཾ, པ་ཊུཾ, ས་ཡ་མྦྷུཾ, ཨ་བྷི་བྷུཾ, ར་ཏྟིཾ, ཨི་ཏྠིཾ, ཝ་དྷུཾ, པུ་ལླི་ངྒཾ, པུ་མྦྷཱ་ཝོ, པུ་ངྐོ་ཀི་ལོ.
ཨཾ་མོཏི ཀི་མ་ཏྠཾ? ཨ་གྒི་ནཱ, པཱ་ཎི་ནཱ, བྷི་ཀྑུ་ནཱ, ར་ཏྟི་ཡཱ, ཨི་ཏྠི་ཡཱ, ཝ་དྷུ་ཡཱ.
ཛྷ་ལ་པེ་ཧཱི་ཏི ཀི་མ་ཏྠཾ? སུ་ཁཾ, དུ་ཀྑཾ.
པུ་ནཱ་ར་མྦྷ ཧ་ཎཾ ཝི་བྷཱ་སཱ་ནི་ཝ་ཏྟ་ན་ཏྠཾ. ཨ་གྒིཾ, པ་ཊུཾ, བུ་དྡྷིཾ, ཝ་དྷུཾ.
༨༣. , ༦༧. ས་ར་ལོ་པོ’ མཱ་དེ་ས པ་ཙྩ་ཡཱ་དི་མྷི ས་ར་ལོ་པེ ཏུ པ་ཀ་ཏི.
ས་ར་ལོ་པོ ཧོ་ཏི ཨ་མཱ་དེ་ས་པ་ཙྩ་ཡཱ་དི་མྷི ས་ར ལོ་པེ ཏུ པ་ཀ་ཏི ཧོ་ཏི.
པུ་རི་སཾ, པུ་རི་སེ, པཱ་པཾ, པཱ་པེ, པཱ་པི་ཡོ, པཱ་པི་ཊྛོ.
ཨ་མཱ་དེ་ས་པ་ཙྩ་ཡཱ་དི་མྷཱིཏི ཀི ཏྠཾ? ཨ་པྤ་མཱ་དོ ཨ་མ་ཏཾ པ་དཾ.
ས་ར་ལོ་པེ་ཏི ཀི་མ་ཏྠཾ? པུ་རི་ས་སྶ, ད་ཎྜི་ནཾ.
ཏུ་གྒ་ཧ་ཎམ་ཝ་དྷཱ་ར་ཎ་ཏྠཾ. བྷི་ཀྑུ་ནཱི, ག་ཧ་པ་ཏཱ་ནཱི.
པ་ཀ་ཏི་གྒ་ཧ་ཎ་སཱ་མ་ཏྠེ་ན པུ་ན ས་ནྡྷི་བྷཱ་ཝོ ཙ ཧོ་ཏི. སེ་ཡྻོ, སེ་ཊྛོ, ཛེ་ཡྻོ, ཛེ་ཊྛོ.
༨༤. , ༡༤༤. ཨ་གྷོ་ར་སྶ་མེ་ཀ་ཝ་ཙ་ན་ཡོ་སྭ་པི ཙ.