༡. ས་ནྡྷི་ཀ་པྤ
པ་ཋ་མ་ཀ་ཎྜ
(ཀ)
སེ་ཊྛཾ ཏི་ལོ་ཀ་མ་ཧི་ཏཾ ཨ་བྷི་ཝ་ནྡི་ཡ་གྒཾ,
བུ་དྡྷ་ཉྩ དྷ་མྨ་མ་མ་ལཾ ག་ཎ་མུ་ཏྟ་མ་ཉྩ;
ས་ཏྠུ་སྶ ཏ་སྶ ཝ་ཙ་ན་ཏྠ་ཝ་རཾ སུ་བུ་དྡྷུཾ,
ཝ་ཀྑཱ་མི སུ་ཏྟ་ཧི་ཏ་མེ་ཏྠ སུ་ས་ནྡྷི་ཀ་པྤཾ.
(ཁ)
སེ་ཡྻཾ ཛི་ནེ་རི་ཏ་ན་ཡེ་ན བུ་དྷཱ ལ་བྷ་ནྟི,
ཏ་ཉྩཱ་པི ཏ་སྶ ཝ་ཙ་ན་ཏྠ་སུ་བོ་དྷ་ནེ་ན;
ཨ་ཏྠ་ཉྩ ཨ་ཀྑ་ར་པ་དེ་སུ ཨ་མོ་ཧ་བྷཱ་ཝཱ,
སེ་ཡྻ་ཏྠི་ཀོ པ་ད་མ་ཏོ ཝི་ཝི་དྷཾ སུ་ཎེ་ཡྻཾ.
༡. , ༡. ཨ་ཏྠོ ཨ་ཀྑ་ར་ས་ཉྙཱ་ཏོ.
ས་བྦ་ཝ་ཙ་ནཱ་ན་མ་ཏྠོ ཨ་ཀྑ་རེ་ཧེ་ཝ ས་ཉྙཱ་ཡ་ཏེ. ཨ་ཀྑ་ར་ཝི་པ་ཏྟི་ཡཾ ཧི ཨ་ཏྠ་སྶ དུ་ནྣ་ཡ་ཐཱ ཧོ་ཏི, ཏ་སྨཱ ཨ་ཀྑ་ར་ཀོ་ས་ལླཾ བ་ཧཱུ་པ་ཀཱ་རཾ སུ་ཏྟ་ནྟེ་སུ.
༢. , ༢. ཨ་ཀྑ་རཱ་པཱ་ད་ཡོ ཨེ་ཀ་ཙ་ཏྟཱ་ལཱི་སཾ.
ཏེ ཙ ཁོ ཨ་ཀྑ་རཱ ཨ་པི ཨཀཱ་རཱ་ད་ཡོ ཨེ་ཀ་ཙ་ཏྟཱ ལཱི་ས སུ་ཏྟ་ནྟེ་སུ སོ་པ་ཀཱ་རཱ.
ཏཾ ཡ་ཐཱ? ཨ ཨཱ ཨི ཨཱི ཨུ ཨཱུ ཨེ ཨོ, ཀ ཁ ག གྷ ང, ཙ ཚ ཛ ཛྷ ཉ, ཊ ཋ ཌ ཌྷ ཎ, ཏ ཐ ད དྷ ན, པ ཕ བ བྷ མ, ཡ ར ལ ཝ ས ཧ ལ༹ ཨཾ, ཨི་ཏི ཨ་ཀྑ་རཱ ནཱ་མ.
ཏེ་ན ཀྭ་ཏྠོ? ཨ་ཏྠོ ཨ་ཀྑ་ར་ས་ཉྙཱ་ཏོ.
༣. , ༣. ཏ་ཏྠོ་ད་ནྟཱ ས་རཱ ཨ་ཊྛ.
ཏ་ཏྠ ཨ་ཀྑ་རེ་སུ ཨཀཱ་རཱ་དཱི་སུ ཨོད་ནྟཱ ཨ་ཊྛ ཨ་ཀྑ་རཱ ས་རཱ ནཱ་མ ཧོ་ནྟི.
ཏཾ ཡ་ཐཱ? ཨ ཨཱ ཨི ཨཱི ཨུ ཨཱུ ཨེ ཨོ, ཨི་ཏི ས་རཱ ནཱ་མ.
ཏེ་ན ཀྭ་ཏྠོ? ས་རཱ ས་རེ ལོ་པཾ.
༤. , ༤. ལ་ཧུ་མ་ཏྟཱ ཏ་ཡོ ར་སྶཱ.
ཏ་ཏྠ ཨ་ཊྛ་སུ ས་རེ་སུ ལ་ཧུ་མ་ཏྟཱ ཏ་ཡོ ས་རཱ ར་སྶཱ ནཱ་མ ཧོ་ནྟི.
ཏཾ ཡ་ཐཱ? ཨ ཨི ཨུ, ཨི་ཏི ར་སྶཱ ནཱ་མ.
ཏེ་ན ཀྭ་ཏྠོ? ར་སྶཾ.
༥. , ༥. ཨ་ཉྙེ དཱི་གྷཱ.
ཏ་ཏྠ ཨ་ཊྛ་སུ ས་རེ་སུ ར་སྶེ་ཧི ཨ་ཉྙེ པ་ཉྩ ས་རཱ དཱི་གྷཱ ནཱ་མ ཧོ་ནྟི.
ཏཾ ཡ་ཐཱ? ཨཱ ཨཱི ཨཱུ ཨེ ཨོ, ཨི་ཏི དཱི་གྷཱ ནཱ་མ.
ཏེ་ན ཀྭ་ཏྠོ? དཱི་གྷཾ.
༦. , ༨. སེ་སཱ བྱ་ཉྫ་ནཱ.
ཋ་པེ་ཏྭཱ ཨ་ཊྛ ས་རེ སེ་སཱ ཨ་ཀྑ་རཱ ཀཀཱ་རཱ་ད་ཡོ ནི་གྒ་ཧི་ཏནྟཱ བྱ་ཉྫ་ནཱ ནཱ་མ ཧོ་ནྟི.
ཏཾ ཡ་ཐཱ? ཀ ཁ ག གྷ ང, ཙ ཚ ཛ ཛྷ ཉ, ཊ ཋ ཌ ཌྷ ཎ, ཏ ཐ ད དྷ ན, པ ཕ བ བྷ མ, ཡ ར ལ ཝ ས ཧ ལ༹ ཨཾ, ཨི་ཏི བྱ་ཉྫ་ནཱ ནཱ་མ.
ཏེ་ན ཀྭ་ཏྠོ? ས་རཱ པ་ཀ་ཏི བྱ་ཉྫ་ནེ.
༧. , ༩. ཝ་གྒཱ པ་ཉྩ་པ་ཉྩ་སོ མ་ནྟཱ.
ཏེ་སཾ ཁོ བྱ་ཉྫ་ནཱ་ནཾ ཀཀཱ་རཱ་ད་ཡོ མ་ཀཱ་ར་ནྟཱ པ་ཉྩ་པ་ཉྩ་སོ ཨ་ཀྑ་ར་ཝ་ནྟོ ཝ་གྒཱ ནཱ་མ ཧོ་ནྟི.
ཏཾ ཡ་ཐཱ? ཀ ཁ ག གྷ ང, ཙ ཚ ཛ ཛྷ ཉ, ཊ ཋ ཌ ཌྷ ཎ, ཏ ཐ ད དྷ ན, པ ཕ བ བྷ མ, ཨི་ཏི ཝ་གྒཱ ནཱ་མ.
ཏེ་ན ཀྭ་ཏྠོ? ཝ་གྒ་ནྟཾ ཝཱ ཝ་གྒེ.
༨. , ༡༠. ཨཾ ཨི་ཏི ནི་གྒ་ཧི་ཏཾ.
ཨཾ ཨི་ཏི ནི་གྒ་ཧི་ཏཾ ནཱ་མ ཧོ་ཏི.
ཏེ་ན ཀྭ་ཏྠོ? ཨཾ བྱ་ཉྫ་ནེ ནི་གྒ་ཧི་ཏཾ.
༩. , ༡༡. པ་ར་ས་མ་ཉྙཱ པ་ཡོ་གེ.
ཡཱ ཙ པ་ན པ་རེ་སུ ས་ཀྐ་ཏ་ག་ནྠེ་སུ ས་མ་ཉྙཱ གྷོ་སཱ་ཏི ཝཱ ཨ་གྷོ་སཱ་ཏི ཝཱ, ཏཱ པ་ཡོ་གེ ས་ཏི ཨེ་ཏྠཱ་པི ཡུ་ཛྫ་ནྟེ.
ཏ་ཏྠ གྷོ་སཱ ནཱ་མ-ག གྷ ང, ཛ ཛྷ ཉ, ཌ ཌྷ ཎ, ད དྷ ན, བ བྷ མ, ཡ ར ལ ཝ ཧ ལ༹, ཨི་ཏི གྷོ་སཱ ནཱ་མ. ཨ་གྷོ་སཱ ནཱ་མ-ཀ ཁ, ཙ ཚ, ཊ ཋ, ཏ ཐ, པ ཕ, ས, ཨི་ཏི ཨ་གྷོ་སཱ ནཱ་མ.
ཏེ་ན ཀྭ་ཏྠོ? ཝ་གྒེ གྷོ་སཱ་གྷོ་སཱ་ནཾ ཏ་ཏི་ཡ་པ་ཋ་མཱ.
༡༠. , ༡༢. པུ་བྦ་མ་དྷོ་ཋི་ཏ མ་སྶ་རཾ ས་རེ་ན ཝི་ཡོ་ཛ་ཡེ.
ཏ་ཏྠ ས་ནྡྷིཾ ཀ་ཏྟུ་ཀཱ་མོ པུ་བྦ་བྱ་ཉྫ་ནཾ ཨ་དྷོ་ཋི་ཏཾ ཨ་སྶ་རཾ ཀ་ཏྭཱ ས་ར་ཉྩ ཨུ་པ་རི ཀ་ཏྭཱ ས་རེ་ན ཝི་ཡོ་ཛ་ཡེ.
ཏ་ཏྲཱ་ཡ་མཱ་དི.
༡༡. , ༡༤. ན་ཡེ པ་རཾ ཡུ་ཏྟེ.
ཨ་སྶ་རཾ ཁོ བྱ་ཉྫ་ནཾ ཨ་དྷོ་ཋ་ཏཾ པ་ར་ཀྑ་རཾ ན་ཡེ ཡུ་ཏྟེ. ཏ་ཏྲཱ་བྷི་ར་ཏི་མི་ཙྪེ་ཡྻ.
ཡུ་ཏྟེཏི་ཀ་སྨཱ? ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ. ཨེ་ཏྠ པ་ན ཡུ་ཏྟཾ ན ཧོ་ཏི.
ཨི་ཏི ས་ནྡྷི་ཀ་པྤེ པ་ཋ་མོ ཀ་ཎྜོ.
དུ་ཏི་ཡ་ཀ་ཎྜ
༡༢. , ༡༣. ས་རཱ ས་རེ ལོ་པཾ.
ས་རཱ ཁོ ས་རེ པ་རེ ལོ་པཾ པ་པྤོ་ནྟི.
ཡ་སྶི་ནྡྲི་ཡཱ་ནི ས་མ་ཐ་ངྒ་ཏཱ་ནི. ནོ ཧེ་ཏཾ བྷ་ནྟེ ས་མེ་ཏཱ་ཡ་སྨཱ ས་ངྒྷེ་ན.
༡༣. , ༡༥. ཝཱ པ་རོ ཨ་ས་རཱུ་པཱ.
ས་ར་མྷཱ ཨ་ས་རཱུ་པཱ པ་རོ ས་རོ ལོ་པཾ པ་པྤོ་ཏི ཝཱ.
ཙ་ཏྟཱ་རོ’མེ བྷི་ཀྑ་ཝེ དྷ་མྨཱ, ཀི་ནྣུ’ མཱ་ཝ་ས་མ་ཎི་ཡོ. ཝཱ་ཏི ཀ་སྨཱ? པ་ཉྩི་ནྡྲི་ཡཱ་ནི, ཏ་ཡ་སྶུ དྷ་མྨཱ ཛ་ཧི་ཏཱ བྷ་ཝ་ནྟི.
༡༤. , ༡༦. ཀྭ་ཙཱ་ས་ཙ་ཎྞཾ ལུ་ཏྟེ.
ས་རོ ཁོ པ་རོ པུ་བྦ་ས་རེ ལུ་ཏྟེ ཀྭ་ཙི ཨ་ས་ཝ་ཎྞཾ པ་པྤོ་ཏི.
ས་ངྑྱཾ ནོ་པེ་ཏི ཝེ་ད་གཱུ, བ་ནྡྷུ་སྶེ་ཝ ས་མཱ་ག་མོ.
ཀྭ་ཙཱིཏི ཀ་སྨཱ? ཡ་སྶི་ནྡྲི་ཡཱ་ནི, ཏ་ཐཱུ་པ་མཾ དྷ་མྨ་ཝ་རཾ ཨ་དེ་ས་ཡི.
༡༥. , ༡༧. དཱི་གྷཾ.
ས་རོ ཁོ པ་རོ པུ་བྦ་ས་རེ ལུ་ཏྟེ ཀྭ་ཙི དཱི་གྷཾ པ་པྤོ་ཏི. ས་དྡྷཱི་དྷ ཝི་ཏྟཾ པུ་རི་ས་སྶ སེ་ཊྛཾ, ཨ་ནཱ་གཱ་རེ་ཧི ཙཱུ་བྷ་ཡཾ.
ཀྭ་ཙཱིཏི ཀ་སྨཱ? པ་ཉྩ་ཧུ་པཱ་ལི ཨ་ངྒེ་ཧི ས་མ་ནྣཱ་ག་ཏོ. ན་ཏྠ་ཉྙཾ ཀི་ཉྩི.
༡༦. , ༡༨. པུ་བྦོ ཙ.
པུ་བྦོ ཙ ས་རོ པ་ར་ས་ར་ལོ་པེ ཀ་ཏེ ཀྭ་ཙི དཱི་གྷཾ པ་པྤོ་ཏི.
ཀིཾ་སཱུ་དྷ ཝི་ཏྟཾ པུ་རི་ས་སྶ སེ་ཊྛཾ, སཱ་དྷཱུ་ཏི པ་ཊི་སྶུ་ཎི་ཏྭཱ, ཀྭ་ཙཱིཏི ཀ་སྨཱ? ཨི་ཏི་སྶ མུ་ཧུ་ཏྟ་མྤི.
༡༧. , ༡༩. ཡ་མེ་ད་ནྟ་སྶཱ་དེ་སོ.
ཨེ་ཀཱ་ར་སྶ ཨ་ནྟ་བྷཱུ་ཏ་སྶ ས་རེ པ་རེ ཀྭ་ཙི ཡཀཱ་རཱ་དེ་སོ ཧོ་ཏི.
ཨ་དྷི་ག་ཏོ ཁོ མྱཱ་ཡཾ དྷ་མྨོ, ཏྱཱ་ཧཾ ཨེ་ཝཾ ཝ་དེ་ཡྻཾ, ཏྱཱ་སྶ པ་ཧཱི་ནཱ ཧོ་ནྟི.
ཀྭ་ཙཱིཏི ཀ་སྨཱ? ནེ’ནཱ་ག་ཏཱ, ཨི་ཏི ནེ་ཏྠ.
༡༨. , ༢༠. ཝ་མོ་དུ་ད་ནྟཱ་ནཾ.
ཨོ་ཀཱ་རུ་ཀཱ་རཱ་ནཾ ཨ་ནྟ་བྷཱུ་ཏཱ་ནཾ ས་རེ པ་རེ ཀྭ་ཙི ཝ་ཀཱ་རཱ་དེ་སོ ཧོ་ཏི.
ཨ་ཐ ཁྭ་སྶ, སྭ་སྶ ཧོ་ཏི, བ་ཧྭཱ་བཱ་དྷོ, ཝ་ཏྠྭེ་ཏྠ ཝི་ཧི་ཏཾ ནི་ཙྩཾ ཙ་ཀྑཱ་པཱ་ཐ་མཱ་ག་ཙྪ་ཏི.
ཀྭ་ཙཱིཏི་ཀ་སྨཱ? ཙ་ཏྟཱ་རོ’མེ བྷི་ཀྑ་ཝེ དྷ་མྨཱ, ཀི་ནྣུ་མཱ་ཝ ས་མ་ཎི་ཡོ.
༡༩. , ༢༢. ས་བྦོ ཙཾ་ཏི.
ས་བྦོ ཨི་ཙྩེ་སོ ཏིས་དྡོ བྱ་ཉྫ་ནོ ས་རེ པ་རེ ཀྭ་ཙི ཙཀཱ་རཾ པ་པྤོ་ཏི.
ཨི་ཙྩེ་ཏཾ ཀུ་ས་ལཾ, ཨི་ཙྩ་སྶ ཝ་ཙ་ནཱི་ཡཾ, པ་ཙྩུ་ཏྟ་རི་ཏྭཱ, པ་ཙྩཱ་ཧ་ར་ཏི.
ཀྭ་ཙཱིཏི ཀ་སྨཱ? ཨི་ཏི་སྶ མུ་ཧུ་ཏྟ་མྤི.
༢༠. , ༢༧. དོ དྷ་སྶ ཙ.
དྷཨི་ཙྩེ་ཏ་སྶ ས་རེ པ་རེ ཀྭ་ཙི དཀཱ་རཱ་དེ་སོ ཧོ་ཏི.
ཨེ་ཀ་མི་དཱ་ཧཾ བྷི་ཀྑ་ཝེ ས་མ་ཡཾ.
ཀྭ་ཙཱིཏི ཀ་སྨཱ? ཨི་དྷེ་ཝ མ་ར་ཎཾ བྷ་ཝི་སྶ་ཏི.
ཝ་གྒ་ཧ་ཎེ་ན དྷཀཱ་ར་སྶ ཧཀཱ་རཱ་དེ་སོ ཧོ་ཏི སཱ་ཧུ ད་སྶ་ན མ་རི་ཡཱ་ནཾ.
སུ་ཏྟ་ཝི་བྷཱ་གེ་ན བ་ཧུ་དྷཱ སི་ཡཱ-
ཏོ ད་སྶ, ཡ་ཐཱ? སུ་ག་ཏོ.
ཊོ ཏ་སྶ, ཡ་ཐཱ? དུ་ཀྐ་ཊཾ.
དྷོ ཏ་སྶ, ཡ་ཐཱ? ག་ནྡྷ་བྦོ.
ཏྲོ ཏྟ་སྶ, ཡ་ཐཱ? ཨ་ཏྲ་ཛོ.
ཀོ ག་སྶ, ཡ་ཐཱ? ཀུ་ལཱུ་པ་ཀོ.
ལོ ར་སྶ, ཡ་ཐཱ? མ་ཧཱ་སཱ་ལོ.
ཛོ ཡ་སྶ, ཡ་ཐཱ? ག་ཝ་ཛོ.
བྦོ ཝ་སྶ, ཡ་ཐཱ? ཀུ་བྦ་ཏོ.
ཀོ ཡ་སྶ, ཡ་ཐཱ? ས་ཀེ.
ཡོ ཛ་སྶ, ཡ་ཐཱ? ནི་ཡཾ་པུ་ཏྟཾ.
ཀོ ཏ་སྶ, ཡ་ཐཱ? ནི་ཡ་ཀོ.
ཙྩོ ཏྟ་སྶ, ཡ་ཐཱ བྷ་ཙྩོ.
ཕོ པ་སྶ, ཡ་ཐཱ? ནི་པྥ་ཏྟི.
ཁོ ཀ་སྶ, ཡ་ཐཱ? ནི་ཀྑ་མ་ཏི. ཨི་ཙྩེ་ཝ་མཱ་དཱི ཡོ་ཛེ་ཏ་བྦཱ.
༢༡. , ༢༡. ཨི་ཝ་ཎྞོ ཡཾ ན་ཝཱ.
པུ་བྦོ ཨི་ཝ་ཎྞོ ས་རེ པ་རེ ཡཀཱ་རཾ པ་པྤོ་ཏི ན་ཝཱ. པ་ཊི་སུ་ནྠཱ་ར་ཝུ་ཏྱ་སྶ, ས་བྦཱ ཝི་ཏྱཱ་ནུ་བྷཱུ་ཡ་ཏེ.
ན་ཝཱཏི ཀ་སྨཱ? པ་ཉྩ་ཧ་ངྒེ་ཧི ས་མ་ནྣཱ་ག་ཏོ, མུ་ཏྟ་ཙཱ་གཱི ཨ་ནུ་དྡྷ་ཏོ.
༢༢. , ༢༨. ཨེ་ཝཱ་དི་སྶ རི པུ་བྦོ ཙ ར་སྶོ.
ས་ར་མྷཱ པ་ར་སྶ ཨེ་ཝ་སྶ ཨེ་ཀཱ་ར་སྶ ཨཱ་དི་སྶ རིཀཱ་རོ ཧོ་ཏི, པུ་བྦོ ཙ ས་རོ ར་སྶོ ཧོ་ཏི ན་ཝཱ.
ཡ་ཐ་རི་ཝ ཝ་སུ་དྷཱ་ཏ་ལ་ཉྩ ས་བྦཾ, ཏ་ཐ་རི་ཝ གུ་ཎ་ཝཱ སུ་པཱུ་ཛ་ནི་ཡོ.
ན་ཝཱཏི ཀ་སྨཱ? ཡ་ཐཱ ཨེ་ཝ, ཏ་ཐཱ ཨེ་ཝ.
ཨི་ཏི ས་ནྡྷི་ཀ་པྤེ དུ་ཏི་ཡོ ཀ་ཎྜོ.
ཏ་ཏི་ཡ་ཀ་ཎྜ
༢༣. , ༢༦. ས་རཱ པ་ཀ་ཏི བྱ་ཉྫ་ནེ.
ས་རཱ ཁོ བྱ་ཉྫ་ནེ པ་རེ པ་ཀ་ཏི་རཱུ་པཱ་ནི ཧོ་ནྟི.
མ་ནོ་པུ་བྦ་ངྒ་མཱ དྷ་མྨཱ, པ་མཱ་དོ མ་ཙྩུ་ནོ པ་དཾ, ཏི་ཎྞོ པཱ་ར་ངྒ་ཏོ ཨ་ཧུ.
༢༤. , ༣༥. ས་རེ ཀྭ་ཙི.
ས་རཱ ཁོ ས་རེ པ་རེ ཀྭ་ཙི པ་ཀ་ཏི་རཱུ་པཱ་ནི ཧོ་ནྟི.
ཀོ ཨི་མཾ པ་ཐ་ཝིཾ ཝི་ཙེ་སྶ་ཏི.
ཀྭ་ཙཱིཏི ཀ་སྨཱ? ཨ་པྤ་སྶུ་ཏཱ་ཡཾ པུ་རི་སོ.
༢༥. , ༣༧. དཱི་གྷཾ.
ས་རཱ ཁོ བྱ་ཉྫ་ནེ པ་རེ ཀྭ་ཙི དཱི་གྷཾ པ་པྤོ་ནྟི.
ས་མྨཱ དྷ་མྨཾ ཝི་པ་སྶ་ཏོ, ཨེ་ཝཾ གཱ་མེ མུ་ནཱི ཙ་རེ, ཁ་ནྟཱི པ་ར་མཾ ཏ་པོ ཏི་ཏི་ཀྑཱ.
ཀྭ་ཙཱིཏི ཀ་སྨཱ? ཨི་དྷ མོ་ད་ཏི པེ་ཙྩ མོ་ད་ཏི, པ་ཏི་ལཱི་ཡ་ཏི, པ་ཊི་ཧ་ཉྙ་ཏི.
༢༦. , ༣༨. ར་སྶཾ.
ས་རཱ ཁོ བྱ་ཉྫ་ནེ པ་རེ ཀྭ་ཙི ར་སྶཾ པ་པྤོ་ནྟི.
བྷོ་ཝཱ་དི་ནཱ་མ སོ ཧོ་ཏི, ཡ་ཐཱ་བྷཱ་ཝི གུ་ཎེ་ན སོ.
ཀྭ་ཙཱིཏི ཀ་སྨཱ? ས་མྨཱ་ས་མཱ་དྷི, སཱ་ཝི་ཏྟཱི ཚ་ནྡ་སོ མུ་ཁཾ, ཨུ་པ་ནཱི་ཡ་ཏི ཛཱི་ཝི་ཏ་མ་པྤ་མཱ་ཡུ.
༢༧. , ༣༩. ལོ་པ་ཉྩ ཏ་ཏྲཱ་ཀཱ་རོ.
ས་རཱ ཁོ བྱ་ཉྫ་ནེ པ་རེ ཀྭ་ཙི ལོ་པཾ པ་པྤོ་ནྟི. ཏ་ཏྲ ཙ ལོ་པེ ཀ་ཏེ ཨ་ཀཱ་རཱ་ག་མོ ཧོ་ཏི.
ས སཱི་ལ་ཝཱ. ས པ་ཉྙ་ཝཱ ཨེ་ས དྷ་མྨོ ས་ན་ནྟ་ནོ, ས ཝེ ཀ་སཱ་ཝ་མ་ར་ཧ་ཏི, ས མཱ་ན་ཀཱ་མོ་པི བྷ་ཝེ་ཡྻ, ས ཝེ མུ་ནི ཛཱ་ཏི་བྷ་ཡཾ ཨ་ད་སྶི.
ཀྭ་ཙཱིཏི ཀ་སྨཱ? སོ མུ་ནི, ཨེ་སོ དྷ་མྨོ པ་དི་སྶ་ཏི, ན སོ ཀཱ་སཱ་ཝ་མ་ར་ཧ་ཏི.
༢༨. , ༤༠. པ་ར དྭེ་བྷཱ་ཝོ ཋཱ་ནེ.
ས་ར་མྷཱ པ་ར་སྶ བྱ་ཉྫ་ན་སྶ དྭེ་བྷཱ་ཝོ ཧོ་ཏི ཋཱ་ནེ.
ཨི་དྷ་པྤ་མཱ་དོ, པུ་རི་ས་སྶ ཛ་ནྟུ་ནོ, པ་བྦ་ཛྫཾ ཀི་ཏྟ་ཡི་སྶཱ་མི, ཙཱ་ཏུ་དྡ་སི, པ་ཉྩ་དྡ་སི, ཨ་བྷི་ཀྐ་ནྟ་ཏ་རོ ཙ་ནྡོ.
ཋཱ་ནེཏི ཀ་སྨཱ? ཨི་དྷ མོ་ད་ཏི པེ་ཙྩ མོ་ད་ཏི.
༢༩. , ༤༢. ཝ་གྒེ གྷོ་སཱ་གྷོ་སཱ་ནཾ ཏ་ཏི་ཡ་པ་ཋ་མཱ.
ཝ་གྒེ ཁོ པུ་བྦེ་སཾ བྱ་ཉྫ་ནཱ་ནཾ གྷོ་སཱ་གྷོ་ས་བྷཱུ་ཏཱ་ནཾ ས་ར་མྷཱ ཡ་ཐཱ་ས་ངྑྱཾ ཏ་ཏི་ཡ་པ་ཋ་མ་ཀྑ་རཱ དྭེ་བྷཱ་ཝཾ ག་ཙྪ་ནྟི ཋཱ་ནེ.
ཨེ་སེ་ཝ ཙ་ཛ྄ཛྷཱ་ན་པྥ་ལོ, ཡ་ཏྲ་ཊྛི་ཏཾ ན་པྤ་ས་ཧེ་ཡྻ མ་ཙྩུ, སེ་ལེ ཡ་ཐཱ པ་བྦ་ཏ་མུ་དྡྷ་ནི་ཊྛི་ཏོ, ཙ་ཏྟཱ་རི་ཊྛཱ་ནཱ་ནི ན་རོ པ་མ་ཏྟོ.
ཋཱ་ནེཏི ཀ་སྨཱ? ཨི་དྷ ཙེ་ཏ་སོ ད་ལ༹ྷཾ ག་ཎྷཱ་ཏི ཐཱ་མ་སཱ.
ཨི་ཏི ས་ནྡྷི་ཀ་པྤེ ཏ་ཏི་ཡོ ཀ་ཎྜོ.
ཙ་ཏུ་ཏྠ་ཀ་ཎྜ
༣༠. , ༥༨. ཨཾ བྱ་ཉྫ་ནེ ནི་གྒ་ཧི་ཏཾ.
ནི་གྒ་ཧི་ཏཾ ཁོ བྱ་ཉྫ་ནེ པ་རེ ཨཾ ཨི་ཏི ཧོ་ཏི.
ཨེ་ཝཾ ཝུ་ཏྟེ, ཏཾ སཱ་དྷཱུ་ཏི པ་ཊི་སྶུ་ཎི་ཏྭཱ.
༣༡. , ༤༩. ཝ་གྒ་ནྟཾ ཝཱ ཝ་གྒེ.
ཝ་གྒ་བྷཱུ་ཏེ བྱ་ཉྫ་ནེ པ་རེ ནི་གྒ་ཧི་ཏཾ ཁོ ཝ་གྒ་ནྟཾ ཝཱ པ་པྤོ་ཏི.
ཏ་ནྣི་ཙྩུ་ཏཾ, དྷ་མྨ་ཉྩ་རེ སུ་ཙ་རི་ཏཾ, ཙི་ར་པྤ་ཝཱ་སིཾ པུ་རི་སཾ. ས་ནྟ་ནྟ་སྶ མ་ནཾ ཧོ་ཏི, ཏ་ངྐཱ་རུ་ཎི་ཀཾ, ཨེ་ཝ་ངྑོ བྷི་ཀྑ་ཝེ སི་ཀྑི་ཏ་བྦཾ.
ཝཱ་གྒ་ཧ་ཎེ་ནནི་གྒ་ཧི་ཏཾ ཁོ ལཀཱ་རཱ་དེ་སོ ཧོ་ཏི. པུ་གྒ་ལཾ.
ཝཱ་ཏི ཀ་སྨཱ? ན ཏཾ ཀ་མྨཾ ཀ་ཏཾ སཱ་དྷུ.
༣༢. , ༥༠. ཨེ་ཧེ ཨུཾ.
ཨེ་ཀཱ་ར་ཧ་ཀཱ་རེ པ་རེ ནི་གྒ་ཧི་ཏཾ ཁོ ཉ་ཀཱ་རཾ པ་པྤོ་ཏི ཝཱ.
པ་ཙྩ་ཏྟ་ཉྙེ་ཝ པ་རི་ནི་བྦཱ་ཡི་སྶཱ་མི, ཏ་ཉྙེ་ཝེ་ཏྠ པ་ཊི་པུ་ཙྪི་སྶཱ་མི, ཨེ་ཝ་ཉྷི ཝོ བྷི་ཀྑ་ཝེ སི་ཀྑི་ཏ་བྦཾ. ཏ་ཉྷི ཏ་སྶ མུ་སཱ ཧོ་ཏི.