ཙ་ཏུ་ཏྠ་ཀ་ཎྜ
༣༠. , ༥༨. ཨཾ བྱ་ཉྫ་ནེ ནི་གྒ་ཧི་ཏཾ.
ནི་གྒ་ཧི་ཏཾ ཁོ བྱ་ཉྫ་ནེ པ་རེ ཨཾ ཨི་ཏི ཧོ་ཏི.
ཨེ་ཝཾ ཝུ་ཏྟེ, ཏཾ སཱ་དྷཱུ་ཏི པ་ཊི་སྶུ་ཎི་ཏྭཱ.
༣༡. , ༤༩. ཝ་གྒ་ནྟཾ ཝཱ ཝ་གྒེ.
ཝ་གྒ་བྷཱུ་ཏེ བྱ་ཉྫ་ནེ པ་རེ ནི་གྒ་ཧི་ཏཾ ཁོ ཝ་གྒ་ནྟཾ ཝཱ པ་པྤོ་ཏི.
ཏ་ནྣི་ཙྩུ་ཏཾ, དྷ་མྨ་ཉྩ་རེ སུ་ཙ་རི་ཏཾ, ཙི་ར་པྤ་ཝཱ་སིཾ པུ་རི་སཾ. ས་ནྟ་ནྟ་སྶ མ་ནཾ ཧོ་ཏི, ཏ་ངྐཱ་རུ་ཎི་ཀཾ, ཨེ་ཝ་ངྑོ བྷི་ཀྑ་ཝེ སི་ཀྑི་ཏ་བྦཾ.
ཝཱ་གྒ་ཧ་ཎེ་ནནི་གྒ་ཧི་ཏཾ ཁོ ལཀཱ་རཱ་དེ་སོ ཧོ་ཏི. པུ་གྒ་ལཾ.
ཝཱ་ཏི ཀ་སྨཱ? ན ཏཾ ཀ་མྨཾ ཀ་ཏཾ སཱ་དྷུ.
༣༢. , ༥༠. ཨེ་ཧེ ཨུཾ.
ཨེ་ཀཱ་ར་ཧ་ཀཱ་རེ པ་རེ ནི་གྒ་ཧི་ཏཾ ཁོ ཉ་ཀཱ་རཾ པ་པྤོ་ཏི ཝཱ.
པ་ཙྩ་ཏྟ་ཉྙེ་ཝ པ་རི་ནི་བྦཱ་ཡི་སྶཱ་མི, ཏ་ཉྙེ་ཝེ་ཏྠ པ་ཊི་པུ་ཙྪི་སྶཱ་མི, ཨེ་ཝ་ཉྷི ཝོ བྷི་ཀྑ་ཝེ སི་ཀྑི་ཏ་བྦཾ. ཏ་ཉྷི ཏ་སྶ མུ་སཱ ཧོ་ཏི.
ཝཱཏི ཀ་སྨཱ? ཨེ་ཝ་མེ་ཏཾ ཨ་བྷི་ཉྙཱ་ཡ, ཨེ་ཝཾ ཧོ་ཏི སུ་བྷཱ་སི་ཏཾ.
༣༣. , ༥༠. ས་ཡེ ཙ.
ནི་གྒ་ཧི་ཏཾ ཁོ ཡཀཱ་རེ པ་རེ ས་ཧ ཡཀཱ་རེ་ན ཉཀཱ་རཾ པ་པྤོ་ཏི ཝཱ.
ས་ཉྙོ་གོ, ས་ཉྙུ་ཏྟཾ.
ཝཱཏི ཀ་སྨཱ? སཾ་ཡོ་གོ, སཾ་ཡུ་ཏྟཾ.
༣༤. , ༥༢. མ་དཱ ས་རེ.
ནི་གྒ་ཧི་ཏ་སྶ ཁོ ས་རེ པ་རེ མཀཱ་རདཀཱ་རཱ་དེ་སཱ ཧོ་ནྟི ཝཱ.
ཏ་མ་ཧཾ བྲཱུ་མི བྲཱ་ཧྨ་ཎཾ, ཨེ་ཏ་ད་ཝོ་ཙ ས་ཏྠཱ.
ཝཱཏི ཀ་སྨཱ? ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ.
༣༥. , ༣༤. ཡ ཝ མ ད ན ཏ ར ལཱ ཙཱ་ག་མཱ.
ས་རེ པ་རེ ཡཀཱ་རོ ཝཀཱ་རོ མཀཱ་རོ དཀཱ་རོ ནཀཱ་རོ ཏཀཱ་རོ རཀཱ་རོ ལཀཱ་རོ ཨི་མེ ཨཱ་ག་མཱ ཧོ་ནྟི ཝཱ.
ན་ཡི་མ་སྶ ཝི་ཛྫཱ, ཡ་ཐ་ཡི་དཾ ཙི་ཏྟཾ. མི་གཱི བྷ་ནྟཱ ཝུ་དི་ཀྑ་ཏི, སི་ཏྟཱ ཏེ ལ་ཧུ མེ་སྶ་ཏི, ཨ་སི་ཏྟཱ ཏེ ག་རུ མེ་སྶ་ཏི. ཨ་སྶོ བྷ་དྲོ ཀ་སཱ་མི་ཝ, ས་མྨ་ད་ཉྙཱ ཝི་མུ་ཏྟཱ་ནཾ. མ་ན་སཱ་ད་ཉྙཱ ཝི་མུ་ཏྟཱ་ནཾ, ཨ་ཏྟ་ད་ཏྠ་མ་བྷི་ཉྙཱ་ཡ. ཙི་རཾ་ནཱ་ཡ་ཏི, ཨི་ཏོ ནཱ་ཡ་ཏི. ཡ་སྨཱ་ཏི་ཧ བྷི་ཀྑ་ཝེ, ཏ་སྨཱ་ཏི་ཧ བྷི་ཀྑ་ཝེ, ཨ་ཛྫ་ཏ་གྒེ པཱ་ཎུ་པེ་ཏཾ. ས་བྦྷི་རེ་ཝ ས་མཱ་སེ་ཐ, ཨཱ་ར་གྒེ་རི་ཝ སཱ་ས་པོ, སཱ་ས་པོ་རི་ཝ ཨཱ་ར་གྒཱ. ཚ་ལ༹་བྷི་ཉྙཱ, ས་ལཱ༹་ཡ་ཏ་ནཾ.
ཝཱཏི ཀ་སྨཱ? ཨེ་ཝཾ མ་ཧི་དྡྷི་ཡཱ ཨེ་སཱ, ཨ་ཀྐོ་ཙྪི མཾ ཨ་ཝ་དྷི མཾ, ཨ་ཛི་ནི མཾ ཨ་ཧཱ་སི མེ, ཨ་ཛེ་ཡྻོ ཨ་ནུ་གཱ་མི་ཀོ.
ཙ་གྒ་ཧ་ཎེ་ན ཨི་དྷེ་ཝ མཀཱ་ར་སྶ པཀཱ་རོ ཧོ་ཏི. ཙི་ར་པྤ་ཝཱ་སིཾ པུ་རི་སཾ.
ཀཀཱ་ར་སྶ ཙ དཀཱ་རོ ཧོ་ཏི. ས་ད་ཏྠ་པ་སུ་ཏོ སི་ཡཱ.
དཀཱ་ར་སྶ ཙ ཏཀཱ་རོ ཧོ་ཏི, སུ་ག་ཏོ.
༣༦. , ༤༧. ཀྭ་ཙི ཨོ བྱ་ཉྫ་ནེ.
བྱ་ཉྫ་ནེ པ་རེ ཀྭ་ཙི ཨོཀཱ་རཱ་ག་མོ ཧོ་ཏི.
ཨ་ཏི་པྤ་གོ ཁོ ཏཱ་ཝ སཱ་ཝ་ཏྠི་ཡཾ པི་ཎྜཱ་ཡ ཙ་རི་ཏུཾ. པ་རོ་ས་ཧ་སྶཾ.
ཀྭ་ཙཱིཀི ཀ་སྨཱ? ཨེ་ཐ པ་སྶ་ཐི་མཾ ལོ་ཀཾ, ཨ་ནྡྷཱི་བྷཱུ་ཏོ ཨ་ཡཾ ལོ་ཀོ.
༣༧. , ༥༧. ནི་གྒ་ཧི་ཏ་ཉྩ.
ནི་གྒ་ཧི་ཏ་ཉྩཱ་ག་མོ ཧོ་ཏི ས་རེ ཝཱ བྱ་ཉྫ་ནེ ཝཱ པ་རེ ཀྭ་ཙི.
ཙ་ཀྑུཾ་ཨུ་ད་པཱ་དི, ཨ་ཝཾ་སི་རོ, ཡཱ་ཝ་ཉྩི་དྷ བྷི་ཀྑ་ཝེ པུ་རི་མཾ ཛཱ་ཏིཾ ས་རཱ་མི, ཨ་ཎུཾ་ཐཱུ་ལཱ་ནི ས་བྦ་སོ, མ་ནོ་པུ་བྦ་ངྒ་མཱ དྷ་མྨཱ.
ཀྭ་ཙཱིཏི ཀ་སྨཱ? ཨི་དྷེ་ཝ ནཾ པ་སཾ་ས་ནྟི, པེ་ཙྩ ས་གྒེ པ་མོ་ད་ཏི, ན ཧི ཨེ་ཏེ་ཧི ཡཱ་ནེ་ཧི, ག་ཙྪེ་ཡྻ ཨ་ག་ཏཾ དི་སཾ.
ཙ་གྒ་ཧ་ཎེ་ན ཝི་ས་དྡ་སྶ ཙ པ་ཀཱ་རོ ཧོ་ཏི. པ་ཙེ་སྶ་ཏི, ཝི་ཙེ་སྶ་ཏི ཝཱ.
༣༨. , ༥༣. ཀྭ་ཙི ལོ་པཾ.
ནི་གྒ་ཧི་ཏཾ ཁོ ས་རེ པ་རེ ཀྭ་ཙི ལོ་པཾ པ་པྤོ་ཏི.
ཏཱ་སཱ་ཧཾ ས་ནྟི་ཀེ, ཝི་དཱུ་ན་གྒ་མི་ཏི.
ཀྭ་ཙཱིཏི ཀ་སྨཱ? ཨ་ཧ་མེ་ཝ ནཱུ་ན བཱ་ལོ ཨེ་ཏ་མ་ཏྠཾ ཝི་དི་ཏྭཱ་ན.
༣༩. , ༥༤. བྱ་ཉྫ་ནེ ཙ.
ནི་གྒ་ཧི་ཏཾ ཁོ བྱ་ཉྫ་ནེ པ་རེ ཀྭ་ཙི ལོ་པཾ པ་པྤོ་ཏི.
ཨ་རི་ཡ་ས་ཙྩཱ་ན་ད་སྶ་ནཾ, ཨེ་ཏཾ བུ་དྡྷཱ་ན་སཱ་ས་ནཾ.
ཀྭ་ཙཱིཏི ཀ་སྨཱ? ཨེ་ཏཾ མ་ངྒ་ལ་མུ་ཏྟ་མཾ, ཏཾ ཝོ ཝ་དཱ་མི བྷ་དྡ་ནྟེ.
༤༠. , ༥༥. པ་རོ ཝཱ་ས་རོ.
ནི་གྒ་ཧི་ཏ་མྷཱ པ་རོ ས་རོ ལོ་པཾ པ་པྤོ་ཏི ཝཱ.
བྷཱ་སི་ཏཾ ཨ་བྷི་ན་ནྡུ་ནྟི, ཨུ་ཏྟ་ཏྟཾ་ཝ, ཡ་ཐཱ་བཱི་ཛཾ་ཝ, ཡ་ཐཱ་དྷ་ཉྙཾ་ཝ.
ཝཱ་ཏི ཀ་སྨཱ? ཨ་ཧ་མེ་ཝ ནཱུ་ན བཱ་ལོ, ཨེ་ཏ་ད་ཧོ་སི.
༤༡. , ༥༦. བྱ་ཉྫ་ནོ ཙ ཝི་ས་ཉྙོ་གོ.
ནི་གྒ་ཧི་ཏ་མྷཱ པ་ར་སྨིཾ ས་རེ ལུ་ཏྟེ ཡ་དི བྱ་ཉྫ་ནོ ས་ས་ཉྙོ་གོ ཝི་ས་ཉྙོ་གོ ཧོ་ཏི.
ཨེ་ཝཾ་ས ཏེ ཨཱ་ས་ཝོ, པུ་པྥཾ་སཱ ཨུ་པྤ་ཛྫི.
ལུ་ཏྟེཏི ཀ་སྨཱ? ཨེ་ཝ་མ་སྶ ཝི་དཱུ་ན་གྒ་མི་ཏི.
ཙ་གྒ་ཧ་ཎེ་ན ཏི་ཎྞཾ བྱ་ཉྫ་ནཱ་ན་མ་ནྟ་རེ ཡེ ས་རཱུ་པཱ, ཏེ་ས་མྤི ལོ་པོ ཧོ་ཏི. ཨ་གྱཱ་གཱ་རཾ, པ་ཊི་ས་ནྠཱ་ར་ཝུ་ཏྱ་སྶ.
ཨི་ཏི ས་ནྡྷི་ཀ་པྤེ ཙ་ཏུ་ཏྠོ ཀ་ཎྜོ.