༣. ཨ་ནེ་ཀ་ཏྠ་ཝ་གྒ་ཝ་ཎྞ་ནཱ
༧༧༧. ཨི་དཱ་ནི སཾ་ཀི་ཎྞ་ཝ་གྒ་ཏོ ཨ་ན་ནྟ་རཾ གཱ་ཐཱ་ཏོ, གཱ་ཐཱ་ཡ ཨ་དྡྷ་ཏོ, པཱ་ད་ཏོ ཙཱ་ཏི ཨི་མེ་ཧི ཏཱི་ཧི པ་ཀཱ་རེ་ཧི ཨ་ནེ་ཀ་ཏྠེ ནཱ་ན་ཏྠེ ས་མ་ཡཱདི་ཀེ ས་དྡེ ཀ་མཱ ཀ་མ་ཏོ པ་ཝ་ཀྑཱ་མི. ཨེ་ཏྠ ཨ་ནེ་ཀ་ཏྠ་ཝ་གྒེ ཨེ་ཀ་སྶ བྷཱུ་ཏས་དྡཱ་དི་ཀ་སྶ ཡཱ པུ་ན་རུ་ཏྟ་ཏཱ, སཱ ཐཱི་པུ་ནྣ་པུཾ་ས་ཀ་ས་ངྑཱ་ཏ་ལི་ངྒ་ཝི་སེ་ས་ཏྠཾ ཀ་ཏཱ.
༧༧༨. ས་མ་ཝཱ་ཡ་ཏྠཱ་དི་ཝཱ་ཙ་ཀེ བ་ཧ་ཝོ ས་མ་ཡས་དྡེ ཛཱ་ཏི་ཡཱ ས་ངྒ་ཡ྄ཧ ‘‘ས་མ་ཡོ’’ཏི ཨེ་ཀ་ཝ་ཙ་ན་ནི་དྡེ་སོ ཀ་ཏོ. ཏ་ཏྲ ‘‘ཀཱ་ལ་ཉྩ ས་མ་ཡ་ཉྩ ཨུ་པཱ་དཱ་ཡཱ’’ཏྱཱ་དཱི་སུ [དཱི. ནི. ༡.༤༤༧] ས་མ་ཝཱ་ཡེ པ་ཙྩ་ཡ་སཱ་མ་གྒི་ཡཾ. ‘‘མ་ཧཱ་ས་མ་ཡོ པ་ཝ་ན་སྨིཾ, དེ་ཝ་ཀཱ་ཡཱ ས་མཱ་ག་ཏཱ’’ཏྱཱ་དཱི་སུ ས་མཱུ་ཧེ. ‘‘ས་མ་ཡོ་པི ཁོ ཏེ བྷ་དྡཱ་ལི ཨ་པྤ་ཊི་ཝི་དྡྷོ’’ཏྱཱ་དཱི་སུ [མ. ནི. ༢.༡༣༥] ཀཱ་ར་ཎེ. ‘‘ཨེ་ཀོ་ཡེ་ཝ ཙ ཁོ ཁ་ཎོ ཙ ས་མ་ཡོ ཙཱ’’ཏྱཱ་དཱི་སུ [ཨ. ནི. ༨.༢༩] ཁ་ཎེ ཨོ་ཀཱ་སེ. ‘‘ཨ་བྷི་ས་མ་ཡ་ཏྠོ’’ཏྱཱ་དཱི་སུ པ་ཊི་ཝེ་དྷེ. ‘‘ཨེ་ཀཾ ས་མ་ཡཾ བྷ་ག་ཝཱ’’ཏྱཱ་དཱི་སུ [དཱི. ནི. ༡.༡] ཀཱ་ལེ. ‘‘ས་མྨཱ མཱ་ནཱ་བྷི་ས་མ་ཡཱ’’ཏྱཱ་དཱི་སུ [མ. ནི. ༡.༢༨] པ་ཧཱ་ནེ. ‘‘ཨ་ཏྠཱ་བྷི་ས་མ་ཡཱ དྷཱི་རོ’’ཏྱཱ་དཱི་སུ ལཱ་བྷེ [སཾ. ནི. ༡.༡༢༩]. ‘‘ས་མ་ཡ་པྤ་ཝཱ་ད་ཀེ ཏི་ནྡུ་ཀཱ་ཙི་རེ’’ཏྱཱ་དཱི་སུ [མ. ནི. ༢.༢༠༨] དི་ཊྛི་ཡཾ.
ཏ་ཏྠ ས་ཧ་ཀཱ་རཱི་ཀཱ་ར་ཎ་ཏཱ་ཡ ས་ནྣི་ཛ྄ཛྷཾ ས་མེ་ཏི ས་མ་ཝེ་ཏཱི་ཏི ས་མ་ཡོ, ས་མ་ཝཱ་ཡོ. ས་མཾ, ས་ཧ ཝཱ ཨ་ཝ་ཡ་ཝཱ་ནཾ ཨ་ཡ་ནཾ པ་ཝ་ཏྟི ཨ་ཝ་ཊྛཱ་ན་ནྟི ས་མ་ཡོ, ས་མཱུ་ཧོ, ཡ་ཐཱ – ས་མུ་དཱ་ཡོ་ཏི ཨ་ཝ་ཡ་ཝ་ས་ཧཱ་ཝ་ཏྠཱ་ན་མེ་ཝ ཧི ས་མཱུ་ཧོ་ཏི. ཨ་ཝ་སེ་ས་པ་ཙྩ་ཡཱ་ནཾ ས་མཱ་ག་མེ ཨེ་ཏི ཕ་ལཾ ཨེ་ཏ་སྨཱ ཨུ་པྤ་ཛྫ་ཏི པ་ཝ་ཏྟ་ཏི ཙཱ་ཏི ས་མ་ཡོ, ཀཱ་ར་ཎཾ, ཡ་ཐཱ ‘‘ས་མུ་དཱ་ཡོ’’ཏི. ས་མེ་ཏི་ས་མཱ་ག་ཙྪ་ཏི ཨེ་ཏྠ མ་གྒ་བྲ་ཧྨ་ཙ་རི་ཡཾ ཏ་དཱ་དྷཱ་ར་པུ་གྒ་ལེ་ཧཱི་ཏི ས་མ་ཡོ, ཁ་ཎོ. ཨ་བྷི་མུ་ཁཾ ཉཱ་ཎེ་ན ས་མྨཱ ཨེ་ཏ་བྦོ ཨ་ཝ་ག་ནྟ་བྦོ་ཏི ཨ་བྷི་ས་མ་ཡོ, དྷ་མྨཱ་ནཾ ཨ་ཝི་པ་རཱི་ཏོ ས་བྷཱ་ཝོ. ཨ་བྷི་མུ་ཁ་བྷཱ་ཝེ་ན ས་མྨཱ ཨེ་ཏི ག་ཙྪ་ཏི བུ་ཛ྄ཛྷ་ཏཱི་ཏི ཨ་བྷི་ས་མ་ཡོ, དྷ་མྨཱ་ནཾ ཨ་ཝི་པ་རཱི་ཏ་ས་བྷཱ་ཝཱ་ཝ་བོ་དྷོ. ས་མེ་ཏི ཨེ་ཏྠ, ཨེ་ཏེ་ན ཝཱ ས་ངྒ་ཙྪ་ཏི ས་ཏྟོ, ས་བྷཱ་ཝ་དྷ་མྨོ ཝཱ ས་ཧ་ཛཱ་ཏཱ་དཱི་ཧི, ཨུ་པྤཱ་དཱ་དཱི་ཧི ཝཱ་ཏི ས་མ་ཡོ, ཀཱ་ལོ, དྷ་མྨ་པྤ་ཝ་ཏྟི་མ་ཏྟ་ཏཱ་ཡ ཨ་ཏྠ་ཏོ ཨ་བྷཱུ་ཏོ་པི ཧི ཀཱ་ལོ དྷ་མྨ་པྤ་ཝ་ཏྟི་ཡཱ ཨ་དྷི་ཀ་ར་ཎཾ ཝི་ཡ, ཀ་ར་ཎཾ ཝི་ཡ ཙ པ་རི་ཀ་པྤ་ནཱ་མ་ཏྟ་སི་དྡྷེ་ན རཱུ་པེ་ན ཝོ་ཧ་རཱི་ཡ་ཏཱི་ཏི. ས་མ་སྶ ནི་རོ་དྷ་སྶ ཡཱ་ནཾ, ས་མྨཱ ཝཱ ཡཱ་ནཾ ཨ་པ་ག་མོ་ཏི ས་མ་ཡོ, པ་ཧཱ་ནཾ. ས་མི་ཏི ས་ངྒ་ཏི ས་མོ་དྷཱ་ན་ནྟི ས་མ་ཡོ, པ་ཊི་ལཱ་བྷོ, ས་མེ་ཏི ས་མྦ་ནྡྷོ ཨེ་ཏི ཨ་ཏྟ་ནོ ཝི་ས་ཡེ པ་ཝ་ཏྟ་ཏི, ད་ལ༹ྷ་གྒ་ཧ་ཎ་བྷཱ་ཝ་ཏོ ཝཱ ས་མྤ་ཡུ་ཏྟཱ ཨ་ཡ་ནྟི པ་ཝ་ཏྟ་ནྟི ས་ཏྟཱ ཡ་ཐཱ་བྷི་ནི་ཝེ་སཾ ཨེ་ཏེ་ནཱ་ཏི ས་མ་ཡོ, དི་ཊྛི. དི་ཊྛི་སཾ་ཡོ་ཛ་ནེ་ན ཧི ས་ཏྟཱ ཨ་ཏི་ཝི་ཡ བ་ཛ྄ཛྷ་ནྟཱི་ཏི, ཨེ་ཝཾ ཏ་སྨིཾ ཏ་སྨིཾ ཨ་ཏྠེ ས་མ་ཡས་དྡ་སྶ པ་ཝ་ཏྟི ཝེ་དི་ཏ་བྦཱ. ས་མ་ཡས་དྡ་སྶ ཨ་ཏྠུ་དྡྷཱ་རེ ཨ་བྷི་ས་མ་ཡས་དྡ་སྶ ཨུ་དཱ་ཧ་ར་ཎཾ སོ་པ་ས་གྒོ, ཨ་ནུ་པ་ས་གྒོ ཙ ས་མ་ཡས་དྡོ ས་མ་ཝཱ་ཡཱ་དྱ་ཏྠ་ཝཱ་ཙ་ཀོ ཧོ་ཏཱི་ཏི ད་སྶ་ན་ཏྠཾ. ཨེ་ཝཾ ས་བྦ་ཏྲ ཨུ་དཱ་ཧ་ར་ཎཾ ཏཾ་ཏ་ད་ཏྠཱ་ནུ་རཱུ་པ་ནི་བྦ་ཙ་ནཱ་ད་ཡོ ད་ཊྛ་བྦཱ.
༧༧༩. ས་ཎྛཱ་ནཾ དཱི་གྷ་ར་སྶཱ་དི. རཱུ་པཾ རཱུ་པཱ་ཡ་ཏ་ནཾ, ཛཱ་ཏི ཁ་ཏྟི་ཡཱ་དི་ཀུ་ལཾ. ཚ་ཝི བ་ཧི་ཙ་མྨཾ, པ་མཱ་ཎཾ མ་རི་ཡཱ་དོ. ཨ་ཀྑ་རཾ ཨ་ཀཱ་རཱ་དི, ཡ་སོ པ་རི་ཝཱ་རོ, ཀི་ཏྟི ཙ. གུ་ཎོ སཱི་ལཱ་དི, ཏ་པ་ནི་ཡེ་པི ཝ་ཎྞོ.
༧༨༠. པཱ་ཏི་མོ་ཀྑ་སྶ བྷི་ཀྑུ་བྷི་ཀྑུ་ནཱི་ནཾ ཝ་སེ་ན དུ་ཝི་དྷ་སྶ པཱ་ཏི་མོ་ཀྑ་སྶ ཨུ་དྡེ་སེ ‘‘ས་ངྒྷོ ཨུ་པོ་ས་ཐཾ ཀ་རེ་ཡྻཱ’’ཏི [མ་ཧཱ་ཝ. ༡༣༤]. པ་ཎྞ་ཏྟི་ཡཾ ‘‘ཨུ་པོ་ས་ཐོ ནཱ་མ ནཱ་ག་རཱ་ཛཱ’’ཏི [དཱི. ནི. ༢.༢༤༦]. ཨུ་པ་ཝཱ་སོ ཝུ་ཏྟོ. ཨ་ཊྛ་ངྒོ ‘‘པཱ་ཎཱ་ཏི་པཱ་ཏཱ ཝེ་ར་མ་ཎི’’ཨཱ་དི. ཨུ་པོ་ས་ཐ་དི་ནཾ ‘‘ཨ་ཛྫུ་པོ་ས་ཐོ པ་ནྣ་ར་སོ’’ཏྱཱ་དཱི་སུ [མ་ཧཱ་ཝ. ༡༦༨].
༧༨༡-༧༨༢. ར་ཐ་ངྒཾ ཙ་ཀྐ་དྭ་ཡཾ. ལ་ཀྑ་ཎཾ ཙ་ཀྐ་ལ་ཀྑ་ཎཾ. ‘‘མ་ཡཱ པ་ཝ་ཏྟི་ཏཾ ཙ་ཀྐ’’ནྟྱཱ་དཱི་སུ [སུ. ནི. ༥༦༢] དྷ་མྨ་ཙ་ཀྐེ. ཨུ་ར་ཙ་ཀྐཾ ནཱ་མ ཁུ་ར་ཙ་ཀྐཾ ‘‘ཙ་ཀྐཾ བྷ་མ་ཏི མ་ཏྠ་ཀེ’’ཏི [ཛཱ. ༡.༡.༡༠༤; ༡.༥.༡༠༠]. ‘‘ཙ་ཏུ་ཙ་ཀྐཾ ན་ཝ་དྭཱ་ར’’ནྟྱཱ་དཱི་སུ [སཾ. ནི. ༡.༢༩] ཨི་རི་ཡཱ་པ་ཐ་ཙ་ཀྐེ. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཙ་ཀྐཱ་ནི, ཡེ་ཧི ས་མ་ནྣཱ་ག་ཏཱ་ནཾ དེ་ཝ་མ་ནུ་སྶཱ་ནཾ ཙ་ཏུ་ཙ་ཀྐཾ ཝ་ཏྟ་ཏཱི’’ཏྱཱ་དཱི་སུ [ཨ. ནི. ༤.༡༣༡] ས་མྤ་ཏྟི་ཙ་ཀྐེ. ‘‘པི་ཏ་རཱ པ་ཝ་ཏྟི་ཏཾ ཙ་ཀྐཾ ཨ་ནུ་ཝ་ཏྟེ་ཏཱི’’ཏྱཱ་དཱི་སུ [ཨ. ནི. ༥.༡༣༢] ཙ་ཀྐ་ར་ཏ་ནེ. མ་ཎྜ་ལཾ ‘‘ཨ་ལཱ་ཏ་ཙ་ཀྐ’’ནྟྱཱ་དཱི་སུ ‘‘ཨ་ས་ནི་ཝི་ཙ་ཀྐ’’ནྟི [དཱི. ནི. ༣.༦༡; སཾ. ནི. ༢.༡༦༢] ཙ. བ་ལཾ ཐཱ་མོ. ཀུ་ལཱ་ལོ ཀུ་མྦྷ་ཀཱ་རོ, ཏ་སྶ བྷ་ཎྜེ ཀུ་ལཱ་ལ་ཙ་ཀྐ་ནྟི. ཨཱ་ཎཱ་ཡཾ ‘‘ཙ་ཀྐཾ ཝ་ཏྟ་ཡ་ཏི པཱ་ཎཱི་ན’’ནྟི [ཛཱ. ༡.༧.༡༤༩]. ཨཱ་ཡུ་དྷེ ཙ་ཀྐཱ་ཀཱ་རེ ཨཱ་ཡུ་དྷེ. དཱ་ནཾ དེ་ཡྻ་དྷ་མྨོ. རཱ་སི ཁ་ནྡྷོ. ས་དྡྷ་གཱ་ཐཱ་པི གཱ་ཐཱ་ཡེ་ཝ.
‘‘ད་ཎྜ་ཀཱ ཙ་ཎྜ་ཝུ་ཊྛྱཱ་དི, པཱ་དེ་ཧི ཚ་ཧི ཏཱི་ཧི ཏུ;
གཱ་ཐཱ་ཏི ཙ པ་ར་ཏྠེ་ཝཾ, ཚ་ནྡོ་ས་ཉྙཱ པ་ཀཱ་སི་ཏཱ.
ཨ་ན་ནྟ་རོ་དི་ཏཾ ཙ་ཉྙ-མེ་ཏཾ སཱ་མ་ཉྙ་ནཱ་མ་ཏོ;
གཱ་ཐཱ་ཨི་ཙྩེ་ཝ ནི་དྡི་ཊྛཾ, མུ་ནི་ནྡ་ཝ་ཙ་ནེ པ་ནཱ’’ཏི [ཝུ་ཏྟོ་ད་ཡ ༡༤-༡༥ གཱ་ཐཱ] ཧི ཝུ་ཏྟཾ.
༧༨༣. ‘‘ཀིཾ ཏེ ཝ་ཏཾ ཀིཾ པ་ན བྲ་ཧྨ་ཙ་རི་ཡཾ,
ཀི་སྶ སུ་ཙི་ཎྞ་སྶ ཨ་ཡཾ ཝི་པཱ་ཀོ;
ཨི་དྡྷི་ཛུ་ཏི་བ་ལ་ཝི་རི་ཡཱུ་པ་པ་ཏྟི,
ཨི་ད་ཉྩ ཏེ ནཱ་ག མ་ཧཱ་ཝི་མཱ་ནཾ.
ཨ་ཧ་ཉྩ བྷ་རི་ཡཱ ཙ མ་ནུ་སྶ་ལོ་ཀེ,
ས་དྡྷཱ ཨུ་བྷོ དཱ་ན་པ་ཏཱི ཨ་ཧུ་མྷ;
ཨོ་པཱ་ན་བྷཱུ་ཏཾ མེ གྷ་རཾ ཏ་དཱ་སི,
ས་ནྟ་པྤི་ཏཱ ས་མ་ཎ་བྲཱ་ཧྨ་ཎཱ ཙ.
ཏཾ མེ ཝ་ཏཾ ཏཾ པ་ན བྲ་ཧྨ་ཙ་རི་ཡཾ,
ཏ་སྶ སུ་ཙི་ཎྞ་སྶ ཨ་ཡཾ ཝི་པཱ་ཀོ;
ཨི་དྡྷི་ཛུ་ཏི་བ་ལ་ཝི་རི་ཡཱུ་པ་པ་ཏྟི,
ཨི་ད་ཉྩ མེ དྷཱི་ར མ་ཧཱ་ཝི་མཱ་ན’’ནྟི [ཛཱ. ༢.༢༢.༡༥༩༢, ༡༥༩༣, ༡༥༩༥]
ཨི་མ་སྨིཾ ཝི་དྷུ་ར་པ་ཎྜི་ཏ་ཛཱ་ཏ་ཀེ དཱ་ན་སྨིཾ ཨཱ་ག་ཏོ.
‘‘ཏཾ ཁོ པ་ན པ་ཉྩ་སི་ཁ བྲ་ཧྨ་ཙ་རི་ཡཾ ནེ་ཝ ནི་བྦི་དཱ་ཡ ན ཝི་རཱ་གཱ་ཡ ཡཱ་ཝ་དེ་ཝ བྲ་ཧྨ་ལོ་ཀཱུ་པ་པ་ཏྟི་ཡཱ’’ཏི [དཱི. ནི. ༢.༣༢༩] ཨི་མ་སྨིཾ མ་ཧཱ་གོ་ཝི་ནྡ་སུ་ཏྟེ ཨ་པྤ་མ་ཉྙཱ་སུ. ‘‘ཏ་ཡི་དཾ བྲ་ཧྨ་ཙ་རི་ཡཾ ཨི་དྡྷ་ཉྩེ་ཝ ཕཱི་ཏ་ཉྩ ཝི་ཏྠཱ་རི་ཀཾ བཱ་ཧུ་ཛ་ཉྙཾ པུ་ཐུ་བྷཱུ་ཏཾ ཡཱ་ཝ་དེ་ཝ མ་ནུ་སྶེ་སུ སུ་པྤ་ཀཱ་སི་ཏ’’ནྟི [དཱི. ནི. ༣.༡༧༤] པཱ་སཱ་དི་ཀ་སུ་ཏྟེ སི་ཀྑ་ཏྟ་ཡ་ས་ངྒ་ཧེ ས་ཀ་ལ་སྨིཾ སཱ་ས་ནེ. ‘‘པ་རེ ཨ་བྲ་ཧྨ་ཙཱ་རཱི བྷ་ཝི་སྶ་ནྟི, མ་ཡ་མེ་ཏྠ བྲ་ཧྨ་ཙཱ་རི་ནོ བྷ་ཝི་སྶཱ་མཱ’’ཏི [མ. ནི. ༡.༨༣] ཨི་མ་སྨིཾ ས་ལླེ་ཁ་སུ་ཏྟེ མེ་ཐུ་ནཱ ཝི་ར་ཏི་ཡཾ.
‘‘ཀེ་ན པཱ་ཎི ཀཱ་མ་ད་དོ, ཀེ་ན པཱ་ཎི མ་དྷུ་སྶ་ཝོ;
ཀེ་ན ཏེ བྲ་ཧྨ་ཙ་རི་ཡེ་ན, པུ་ཉྙཾ པཱ་ཎི་མྷི ཨི་ཛ྄ཛྷ་ཏི.
ཏེ་ན པཱ་ཎི ཀཱ་མ་ད་དོ, ཏེ་ན པཱ་ཎི མ་དྷུ་སྶ་ཝོ;
ཏེ་ན མེ བྲ་ཧྨ་ཙ་རི་ཡེ་ན, པུ་ཉྙཾ པཱ་ཎི་མྷི ཨི་ཛ྄ཛྷ་ཏཱི’’ཏི [པེ. ཝ. ༢༧༥]. –
ཨི་མ་སྨིཾ ཨ་ངྐུ་ར་པེ་ཏ་ཝ་ཏྠུ་མྷི ཝེ་ཡྻཱ་ཝ་ཙྩེ.
‘‘མ་ཡ་ཉྩ བྷ་རི་ཡཱ ནཱ་ཏི་ཀྐ་མཱ་མ,
ཨ་མྷེ ཙ བྷ་རི་ཡཱ ནཱ་ཏི་ཀྐ་མ་ནྟི;
ཨ་ཉྙ་ཏྲ ཏཱ བྲ་ཧྨ་ཙ་རི་ཡཾ ཙ་རཱ་མ,
ཏ་སྨཱ ཧི ཨ་མྷཾ ད་ཧ་རཱ ན མི་ཡྻ་རེ’’ཏི [ཛཱ. ༡.༡༠.༩༧]. –
མ་ཧཱ་དྷ་མྨ་པཱ་ལ་ཛཱ་ཏ་ཀེ ས་དཱ་ར་ཏུ་ཊྛི་ཡཾ.
‘‘ཨེ་ཝཾ ཁོ ཏཾ, བྷི་ཀྑ་ཝེ, ཏི་ཏྟི་རི་ཡཾ ནཱ་མ བྲ་ཧྨ་ཙ་རི་ཡཾ ཨ་ཧོ་སཱི’’ཏི [ཙཱུ་ལ༹་ཝ. ༣༡༡] ཨི་མ་སྨིཾ ཏི་ཏྟི་ར་ཛཱ་ཏ་ཀེ པ་ཉྩ་སཱི་ལེ.
‘‘ཨི་དཾ ཁོ པ་ན པ་ཉྩ་སི་ཁ བྲ་ཧྨ་ཙ་རི་ཡཾ ཨེ་ཀ་ནྟ་ནི་བྦི་དཱ་ཡ ཝི་རཱ་གཱ་ཡ…པེ… ཨ་ཡ་མེ་ཝ ཨ་རི་ཡོ ཨ་ཊྛ་ངྒི་ཀོ མ་གྒོ’’ཏི [དཱི. ནི. ༢.༣༢༩] མ་ཧཱ་གོ་ཝི་ནྡ་སུ་ཏྟེ་ཡེ་ཝ ཨ་རི་ཡ་མ་གྒེ.
‘‘ཧཱི་ནེ་ན བྲ་ཧྨ་ཙ་རི་ཡེ་ན, ཁ་ཏྟི་ཡེ ཨུ་པ་པ་ཛྫ་ཏི;
མ་ཛ྄ཛྷི་མེ་ན ཙ དེ་ཝ་ཏྟཾ, ཨུ་ཏྟ་མེ་ན ཝི་སུ་ཛ྄ཛྷ་ཏཱི’’ཏི [ཛཱ. ༡.༨.༧༥]. –
ནི་མི་ཛཱ་ཏ་ཀེ ཨ་ཏྟ་ད་མ་ན་ཝ་སེ་ན ཀ་ཏེ ཨ་ཊྛ་ངྒུ་པོ་ས་ཐེ.
‘‘ཨ་བྷི་ཛཱ་ནཱ་མི ཁོ པ་ནཱ་ཧཾ, སཱ་རི་པུ་ཏྟ, ཙ་ཏུ་ར་ངྒ་ས་མ་ནྣཱ་ག་ཏཾ བྲ་ཧྨ་ཙ་རི་ཡཾ ཙ་རི་ཏྭཱ ཏ་པ་སྶི སུ་དཾ ཧོ་མཱི’’ཏི [མ. ནི. ༡.༡༥༥] ལོ་མ་ཧཾ་ས་སུ་ཏྟེ དྷི་ཏི་ས་ངྑཱ་ཏེ ཝཱི་རི་ཡེ.
༧༨༤. ས་བྷཱ་ཝོ ཨ་ཝི་པ་རཱི་ཏ་ཏྠོ. པ་རི་ཡ་ཏྟི པ་རི་ཡཱ་པུ་ཎི་ཏ་བྦཱ ཝི་ན་ཡཱ་བྷི་དྷ་མྨ་སུ་ཏྟ་ནྟཱ. ཉཱ་ཡོ ཡུ་ཏྟི, ས་པྤ་ཊི་པ་དཱ ཝཱ མ་གྒཱ་ད་ཡོ. ཉེ་ཡྻེ ས་ངྑཱ་ར་ཝི་ཀཱ་ར་ལ་ཀྑ་ཎ་ནི་བྦཱ་ན་པ་ཉྙ་ཏྟི་ཝ་སེ་ན པ་ཉྩ་ཝི་དྷེ ཉེ་ཡྻེ. ནི་སྶ་ཏྟ་ཏཱ ས་ཏྟ་ས་བྷཱ་ཝ་སྶ ཨ་བྷཱ་ཝ་ཏཱ. ཨཱ་པ་ཏྟི་ཡཾ ‘‘པཱ་རཱ་ཛི་ཀཾ དྷ་མྨ’’ནྟི. ‘‘ས་ཧ དྷ་མྨེ་ན ནི་གྒ་ཡ྄ཧཱ’’ཏྱཱ་དཱི་སུ ཀཱ་ར་ཎེ. ཨཱ་དིནཱ ས་མ་ཡ་ཉྙཱུ་པ་མཱ་ཧིཾ་སཱ་དཱི་སུ་པི དྷ་མྨོ.
༧༨༥. པ་ཡོ་ཛ་ནཾ ཕ་ལཾ. ས་དྡཱ་བྷི་དྷེ་ཡྻེ ས་དྡ་ཏྠེ. ཝུ་ཌྜྷི་ཡཾ ཝ་ཌྜྷ་ནེ. ཝ་ཏྠུ་མྷི ད་བྦེ. ནཱ་སེ ཝི་ནཱ་སེ. པ་ཙྪི་མ་པ་བྦ་ཏེ ཨ་ཏྠ་གི་རི་མྷི. ནི་ཝ་ཏྟི་ཝི་ས་ཡུ་པྤ་ཏྟི་ས་བྷཱ་ཝཱ་དཱི་སུ་པི.
༧༨༦. ཡེ་བྷུ་ཡྻ་ཏཱ བཱ་ཧུ་ལྱ་ཏཱ. ཨ་བྱཱ་མི་སྶཾ ཨ་ས་མྨི་སྶཾ. ཝི་སཾ་ཡོ་གེ ཝི་པྤ་ཡོ་གེ. ད་ལ༹ྷ་ཏྠེ དལ༹ྷ་ས་དྡ་སྶ ཨ་ཏྠེ. ཨ་ན་ཏི་རེ་ཀེ ཨ་ཏི་རེ་ཀཱ་བྷཱ་ཝེ. ཨ་ན་ཝ་སེ་ས་མྷི ས་བྦ་སྨིཾ, ཏཾ ཀེ་ཝ་ལཝ་ཙ་ནཾ ཏཱི་སུ ལི་ངྒེ་སུ.
༧༨༧. པ་ཊ་ལཾ ‘‘དི་གུ་ཎཾ ས་ངྒྷཱ་ཊིཾ པཱ་རུ་པི་ཏྭཱ’’ཏྱཱ་དཱི་སུ [མ་ཧཱ་ཝ. ༣༤༨]. ‘‘ཝ་ཡོ་གུ་ཎཱ ཨ་ནུ་པུ་བྦཾ ཛ་ཧ་ནྟཱི’’ཏི [སཾ. ནི. ༡.༤] རཱ་སི་མྷི. ‘‘ས་ཏ་གུ་ཎཱ ད་ཀྑི་ཎཱ པཱ་ཊི་ཀ་ངྑི་ཏ་བྦཱ’’ཏི [མ. ནི. ༣.༣༧༩] ཨཱ་ནི་སཾ་སེ. བ་ནྡྷ་ནཾ ཀཱ་མ་གུ་ཎཾ. ཨ་པྤ་དྷཱ་ནེ ཝི་སེ་ས་ནེ. ཛི་ཡཱ་ཡ དྷ་ནུ་ནོ.
༧༨༨-༧༨༩. རུ་ཀྑཱ་དོ དུ་མཱ་དི་མྷི. ཝི་ཛྫ་མཱ་ནེ བྷཱུ་ཏ་གུ་ཎེ. ཨ་ར་ཧ་ནྟེ ‘‘ཡོ ཙ ཀཱ་ལ་གྷ་སོ བྷཱུ་ཏོ, ས་བྷཱུ་ཏ་པ་ཙི་ནིཾ པ་ཙཱི’’ཏི [ཛཱ. ༡.༢.༡༩༠]. ཁ་ནྡྷ་པ་ཉྩ་ཀེ ‘‘བྷཱུ་ཏ་མི་དཾ, སཱ་རི་པུ་ཏྟ, ས་མ་ནུ་པ་སྶ་ཐཱ’’ཏི [མ. ནི. ༡.༤༠༡]. ས་ཏྟེ པཱ་ཎི་མྷི. མ་ཧཱ་བྷཱུ་ཏེ པ་ཐ་ཝཱ་དི་ཀེ. ཨ་མ་ནུ་སྶོ དེ་ཝ་ར་ཀྑ་སཱ་དི. ཝི་ཛྫ་མཱ་ན་ཏྠ་ཝ་ཛྫི་ཏེ རུ་ཀྑཱ་དོ ནཱ་རི་ཡཾ ན བྷ་ཝ་ཏི, ཝི་ཛྫ་མཱ་ན་ཏྠེ, པ་ན ཨ་ཏཱི་ཏཱ་དཱི་སུ ཙ ཝཱ་ཙྩ་ལི་ངྒོ. པ་ཏྟེ ས་མྤ་ཏྟེ. ས་མེ ཏུ་ལྱ་ཏྠེ.
༧༩༠. ས་ཛྫ་ནེ ས་པྤུ་རི་སེ.
༧༩༡. པ་ད་པཱུ་ར་ཎེ ‘‘སུ་ཏྟ་ནྟ ཝ་ན་ནྟཱ’’ཏྱཱ་དཱི་སུ. དེ་ཧཱ་ཝ་ཡ་ཝེ ‘‘ཨ་ནྟཾ ཨ་ནྟ་གུ་ཎ’’ནྟྱཱ་དཱི་སུ [ཁུ. པཱ. ༣.དྭ་ཏྟིཾ་སཱ་ཀཱ་ར]. དེ་ཧོ ཙ ཨ་ཝ་ཡ་ཝོ ཙཱ་ཏི ཨེ་ཀེ. ཀོ་ཊྛཱ་སེ ‘‘ཨ་ཡ་མེ་ཀོ ཨ་ནྟོ’’ཏྱཱ་དཱི་སུ [ཨ. ནི. ༦.༦༡]. ལཱ་མ་ཀཾ ནི་ཧཱི་ན་ཀཾ.
༧༩༢. ནི་ཀཱ་ཡོ ས་དྷ་མྨཱི་ནཾ ག་ཎོ. ས་ནྡྷི པ་ཊི་ས་ནྡྷི. སཱ་མ་ཉྙེ ཝི་སེ་སཱ་དྷཱ་རེ. པ་སཱུ་ཏི མཱ་ཏུ་ཀུ་ཙྪི་ཏོ ནི་ཀྑ་མ་ནཾ, ཀུ་ལཾ ཁ་ཏྟི་ཡཱ་དི་ཀུ་ལཾ. བྷ་ཝོ བྷ་ཝ་ན་ཀྲི་ཡཱ. ཝི་སེ་སྱོ ཨུ་པཱ་དྷི, ཡ་སྶ ཝ་སེ་ན བྷི་ནྣེ་སུ ས་བ་ལཱ་དཱི་སུ ཨ་བྷི་ནྣཱ དྷཱི་ས་དྡཱ ཝ་ཏྟ་ནྟེ. སུ་མ་ནཱ་ཡཾ མཱ་ལ་ཏི་ཡཾ. ས་ངྑ་ཏ་ལ་ཀྑ་ཎེ ས་ངྑ་ཏ་དྷ་མྨཱ་ནཾ ལ་ཀྑ་ཎེ.
༧༩༣. བྷ་ཝ་བྷེ་དོ ཀཱ་མ་བྷ་ཝཱ་དི. པ་ཏི་ཊྛཱ་ཡཾ ནི་སྶ་ཡེ. ནི་ཊྛཱ ནི་པྥ་ཏྟི. ཨ་ཛ྄ཛྷཱ་ས་ཡོ ཨ་དྷི་པྤཱ་ཡོ. བུ་དྡྷི ཉཱ་ཎཾ. ཝཱ་ས་ཊྛཱ་ནཾ ཝ་ས་ན་ཊྛཱ་ནཾ. ཝི་ས་ར་ཏྟཾ ཝི་ས་ར་ཎ་བྷཱ་ཝོ. ‘‘ཝི་ས་ད་ཏྠེ’’ཏི་པི པཱ་ཋོ, ཏ་དཱ ས་དདྷཱ་ཏུ་སྶ ཝི་ས་ར་ཎ་ཏྠ་ཏཱ ད་ཊྛ་བྦཱ.
༧༩༤. ཕ་ལེ སོ་ཏཱ་པ་ཏྟཱ་དི་ཀེ. ཨ་ནི་ཙྩཱ་དི་ཨ་ནུ་པ་སྶ་ནཱ ཝི་པ་སྶ་ནཱ ནཱ་མ. མ་གྒེ སོ་ཏཱ་པ་ཏྟི་མ་གྒཱ་དི་ཀེ.
༧༩༥. ཀ་མྨཱ་རུ་དྡྷ་ནཾ ཀ་མྨཱ་རཱ་ནཾ ཨུ་དྡྷ་ནཾ, ཀ་མྨཱ་རཱ་ནཾ ཡ་ཐཱ ཨུ་ཀྐཱ་ཏི. ཨ་ངྒཱ་ར་ཀ་པ་ལླཾ ཨ་ངྒཱ་རཱ་ནཾ བྷཱ་ཛ་ནཾ. དཱི་པི་ཀཱ ནཱ་མ མ་དྷུ་ཙྪི་ཊྛཱ་དི་མ་ཡཱ པ་དཱི་པ་ཀི་ཙྩ་ཀཱ་རི་ཀཱ. སུ་ཝ་ཎྞ་ཀཱ་ར་མཱུ་སཱ མ་ཏྟི་ཀ་མ་ཡཱ ཨེ་ཀཱ བྷཱ་ཛ་ན་ཝི་ཀ་ཏི. ཝཱ་ཡུ་ནོ ཝེ་གེ ཙ ཨུ་ཀྐཱས་དྡོ, ཡོ ‘‘དེ་ཝ་དུ་དྲ་བྷཱི’’ཏི ཝུ་ཏྟོ.
༧༩༦. ཀེ་སོ་ཧཱ་ར་ཎཾ ཀེ་སཱ་ནཾ ལ་ཝ་ནཾ. ཛཱི་ཝི་ཏ་ཝུ་ཏྟི ཛཱི་ཝི་ཏ་སྶ ཝ་ཏྟ་ནཾ. ཝ་པ་ནཾ བཱི་ཛ་སྶ ཝ་པ་ནཾ. ཝཱ་པ་ས་མ་ཀ་ར་ཎཾ ཝ་པི་ཏ་སྶ བཱི་ཛ་སྶ ས་མ་ཀ་ར་ཎཾ. པ་ཝུ་ཏྟ་བྷཱ་ཝོ བ་ནྡྷ་ནཱ མུ་ཏྟི.
༧༩༧-༧༩༨. སུ་ཏོ ཝི་སྶུ་ཏེ པཱ་ཀ་ཊེ. ཨ་ཝ་དྷཱ་རི་ཏེ ཨུ་པ་ལ་ཀྑི་ཏེ. ཨུ་པ་ཙི་ཏེ རཱ་སཱི་ཀ་ཏེ. ཨ་ནུ་ཡོ་གོ པུ་ཙྪཱ. ཀི་ལི་ནྣེ ཏི་ནྟེ. སོ་ཏ་ཝི་ཉྙེ་ཡྻཾ ས་དྡཱ་ཡ་ཏ་ནཾ. ས་ཏྠཾ ས་དྡ་ས་ཏྠཱ་དི, སུ་ཏ་ནཱ་མ་ཀོ ཝཱ ཨེ་ཀོ ས་ཏྠ་ཝི་སེ་སོ. ཨེ་ཏེ་སུ དྭཱི་སུ ཨ་ཏྠེ་སུ སུ་ཏཾ ན་པུཾ་ས་ཀཾ. པུ་ཏྟེ སུ་ཏོ པུ་ལླི་ངྒོ, རཱ་ཛི་ནི་པི སུ་ཏོ.
༧༩༩. ཡུ་གེ ཀ་ཏཱ་དི་ཙ་ཏུ་ཀྐེ. ལེ་སོ ཨ་ནུ་མཱ་ན་ཉཱ་ཎ་ཝི་ས་ཡོ. པ་ཉྙ་ཏྟི་ཡཾ ‘‘ཀ་པྤ་ཏྠེ་རོ’’ཏི. པ་ར་མཱ་ཡུ་མྷི ‘‘ཀ་པྤཾ ས་གྒ་མྷི མོ་ད་ཏཱི’’ཏི. ཨ་ཉྙ་ཏྲ ཀ་པྤཱ་དཱི་སུ པུ་ལླི་ངྒེ. ས་དི་སེ པ་ན ཏཱི་སུ ལི་ངྒེ་སུ. ས་མ་ཎ་ཝོ་ཧཱ་རོ ཝི་ན་ཡཱ་ག་ཏོ ས་མ་ཎཱ་ནཾ ཝོ་ཧཱ་རོ. ཀ་པྤ་བི་ནྡུ ཙཱི་ཝ་རེ ཀ་ཏ་བི་ནྡུ. ས་མ་ནྟ་ཏྟེ ས་མ་ནྟ་བྷཱ་ཝེ. ཨ་ནྟ་ར་ཀ་པྤོ མ་ཧཱ་ཀ་པྤ་སྶ ཨ་སཱི་ཏི་མོ བྷཱ་གོ. ཨཱ་དིས་དྡེ་ན ཨ་ས་ངྑྱེ་ཡྻ་མ་ཧཱ་ཀ་པྤེ ས་ངྒ་ཎྷཱ་ཏི. ཏ་ཀྐེ ཝི་ཏ་ཀྐེ. ཝི་དྷི ཝི་དྷཱ་ནཾ.
༨༠༠. ཝི་ར་ཏི ཝི་ར་ཏི་ཏྟ་ཡཾ. ས་པ་ཐོ ཨ་ཀྐོ་སོ. ཏ་ཙྪེ ཏ་ཐ་བྷཱ་ཝེ. ཨ་རི་ཡ་ས་ཙྩ་མྷི དུ་ཀྑ་ས་ཙྩཱ་དི་ཀེ. དི་ཊྛི མི་ཙྪཱ་དི་ཊྛི.
༨༠༡. ས་ཉྫཱ་ཏི་དེ་སོ ‘‘ཀ་མྦོ་ཛོ ཨ་སྶཱ་ཡ་ཏ་ན’’ནྟི. ཝཱ་ས་ཊྛཱ་ནཾ ནི་ཝཱ་ས་ཊྛཱ་ནཾ ‘‘དེ་ཝཱ་ནཾ དེ་ཝཱ་ཡ་ཏ་ན’’ནྟི. ཨཱ་ཀ་རོཏི ཡ་ཏྠ སུ་ཝ་ཎྞ་ར་ཛ་ཏཱ་ད་ཡོ ཨུ་པྤ་ཛྫ་ནྟི. ས་མོ་ས་ར་ཎ་ཊྛཱ་ནཾ བ་ཧཱུ་ནཾ ས་ནྣི་པཱ་ཏ་ཊྛཱ་ནཾ. པ་ད་པཱུ་ར་ཎེ ‘‘ཀ་མྨཱ་ཡ་ཏ་ནཾ, སི་པྤཱ་ཡ་ཏ་ན’’ནྟི.
༨༠༢. ཝ་ཏྠཾ ཨ་མྦ་རཾ. ཨ་ཉྙོ ཡོ ས་ཀོ ན ཧོ་ཏི. ཨོ་དྷི མ་རི་ཡཱ་དོ. བྷེ་དོ ཝི་སེ་སོ. མ་ན་སི་པི ཙི་ཏྟེ་པི.
༨༠༣. ཝི་པཱ་ཀེ ཨི་ཊྛ་ཝི་པཱ་ཀེ ཀུ་ས་ལོ. ཨ་ན་ཝ་ཛྫཱ་དཱི་སུ ཝཱ་ཙྩ་ལི་ངྒི་ཀོ.
༨༠༤. དྲ་ཝོ མ་དྷྭཱ་དི. མ་དྷུ་རཱ་དཱི་སུ ཚ་སུ ར་སེ་སུ. པཱ་ར་དོ སཱུ་ཏོ. སི་ངྒཱ་རཱ་དོ ན་ཝ ནཱ་ཊྱ་ར་སེ. ར་ས་ར་ཏྟ་མཾ་ས་མེ་ད་ཊྛི་སུ་ཀྐ་ཊྛི་མི་ཉྫ་ཝ་སེ་ན ས་ཏྟ དྷཱ་ཏ་ཝོ, ཏ་བྦྷེ་དེ. ཀི་ཙྩེ ཕ་སྶཱ་དི་དྷ་མྨཱ་ནཾ ས་ངྒྷ་ཊྚ་ནཱ་དི་ཀི་ཙྩེ. ས་མྤ་ཏྟི ཏེ་སཾ་ཡེ་ཝ.
༨༠༥. བོ་དྷིས་དྡོ ཉཱ་ཎ་དྭ་ཡེ ནཱ་རི་ཡཾ, བོ་དྷི་རཱ་ཛ་ཀུ་མཱ་རཱ་དི་པ་ཉྙ་ཏྟི་ཡཾ པུ་མེ. ཨ་སྶ་ཏྠ་རུ་ཀྑེ པུ་མི་ཏྠི་ཡཾ.
༨༠༦. ཡེ་ན ཀ་ཏྟུ་བྷཱུ་ཏེ་ན ཡོ ཀ་མྨ་བྷཱུ་ཏོ ནི་ཙྩ་སེ་ཝི་ཏོ, ཏ་ཏྠཱ་པི ཀ་མྨ་བྷཱུ་ཏེ. ཝི་ས་ཡོ ཨ་ན་ཉྙ་ཐཱ་བྷཱ་ཝོ. ཛ་ན་པ་དེ ཀུ་རུ་ཨཱ་དི་ཀེ. གོ་ཙ་རེ ཏ་བྦ་ཧུ་ལཱ་ཙཱ་རེ.
༨༠༧. ས་ཏྟཱ་ཡཾ ཝི་ཛྫ་མཱ་ན་ཏཱ་ཡཾ.
༨༠༨. བ་ནྡྷ་ཝེ སོ པུ་མེ. ཨ་ཏྟ་ནི སཾ ན་པུཾ་ས་ཀེ. དྷ་ན་སྨིཾ སོ སཾ ཨ་ནི་ཏྠི་ཡཾ. སུ་ན་ཁེ སཱ པུ་མེ ཝུ་ཏྟོ. ཨ་ཏྟ་ནི་ཡེ སོ ཏི་ལི་ངྒི་ཀོ.
༨༠༩. ཚ་ཝི་ས་མྤ་ཏྟི་ཡཾ ཚ་ཝི་ཡཱ ས་མྤ་ཏྟི་ཡཾ.
༨༡༠. ཛཱ་མཱ་ཏཱ དྷཱི་ཏུ་སཱ་མི་ཀོ. མ་ནྡ་པྤི་ཡེ ཨ་པྤ་པི་ཡེ ཝ་རཾ ཨ་བྱ་ཡཾ.
༨༡༡. མ་ཀུ་ལེ ཨ་ཝི་ཀཱ་ས་ས་མྤ་ཏྟེ. ནེ་ཏྟིཾ་སཱ་དི་པི་དྷཱ་ནེ ཁ་གྒཱ་དཱི་ནཾ གེ་ཧེ.
༨༡༢. པི་ཏཱ་མ་ཧོ བྲ་ཧྨཱ. པི་ཏཱུ་སུ མཱ་ཏཱ་པི་ཏཱུ་སུ. ཏ་ཐཱ པ་ཀྑ་ནྟ་རེ. ཏ་པ་སི སཱི་ལེ.
༨༡༣-༨༡༤. མ་ཛ྄ཛྷ་བ་ནྡྷེ ཨུ་རོ་བ་ནྡྷ་ནེ. པ་ཀོ་ཊྛོ ཀ་པྤ་ར་སྶཱ་དྷོ་བྷཱ་གོ. ཀ་ཙྪ་བ་ནྡྷ་ནཾ ཨ་དྷོ་མྦ་ར་སྶ ད་ལ༹ྷ་བ་ནྡྷ་ནཾ. མེ་ཁ་ལཱ་ཡ་ཉྩཱ་ཏི ཀ་ཙྪཱ ཙ་ཏཱུ་སྭ་ཏྠེ་སུ. ཀ་ཙྪོ ལ་ཏཱ་དཱི་སུ. ཀ་ཙྪོ བཱ་ཧུ་མཱུ་ལ་མྷི པ་རཱུ་ལ༹ྷ་ཀ་ཙྪ་ན་ཁ་ལོ་མེ, ‘‘ཀ་ཙྪེ་ཧི སེ་དཱ མུ་ཉྩ་ནྟཱི’’ཏི. ཨ་ནཱུ་པོ བ་ཧཱུ་ད་ཀ་དེ་སོ.
༨༡༥. མཱ་ནཾ ཏུ་ལཱ་པ་ཏྠ་ངྒུ་ལཱི་ཧི. པ་མཱ་ཏ་རི པ་མཱ་ཎ་སྶ ཀ་ཏྟ་རི.
༨༡༦. ད་བྦཾ དྷ་ནཾ. ཨ་ཏྟ་བྷཱ་ཝོ པ་ཉྩ་ཀྑ་ནྡྷ་ས་མཱུ་ཧོ. པཱ་ཎོ ཛཱི་ཝི་ཏི་ནྡྲི་ཡཾ. ད་བྦཱ་དཱི་སུ ཙ་ཏཱུ་སུ ས་ཏྟཾ. ས་ཏྟཱ་ཡཾ ཝི་ཛྫ་མཱ་ན་ཏཱ་ཡཾ ས་ཏྟཱ. ཛ་ནེ ས་ཏྟོ. སོ ས་ཏྟས་དྡོ, ཨཱ་ས་ཏྟེ ལ་གྒི་ཏེ ཏི་ལི་ངྒི་ཀོ.
༨༡༧. སེ་མྷཱ་དོ ཏི་དོ་སེ. ར་ས་ར་ཏྟཱ་དི པུ་བྦེ་ཝུ་ཏྟོ. པ་བྷཱ་དི་ཀེ རཱུ་པ་དྷཱ་ཏུ་མྷི. ཙ་ཀྑཱ་དི་ཀེ ཝི་ས་ཡ་དྷཱ་ཏུ་མྷི.
༨༡༨. ཨ་མ་ཙྩཱ་དི་ཀཱ ས་ཏྟ པ་ཀ་ཏི་ཡོ ཝུ་ཏྟཱ. ས་ཏྟཱ་དི་སཱ་མྱ་ཝ་ཏྠཱ ས་ཏྟ་ར་ཛ་ཏ་མ་བྷཱུ་ཏཱ་ནཾ ཏི་ཎྞཾ གུ་ཎཱ་ནཾ སཱ་མྱ་ཝ་ཏྠཱ. པ་ཙྩ་ཡཱ ཎཔ་ཙྩ་ཡཱ་དི་ཏོ པ་ཋ་མེ པ་ཋ་མ་ས་ཎྛི་ཏེ ཀ་རོཏྱཱ་དི་དྷཱ་ཏུ་མྷི.
༨༡༩. པ་རི་ཏྟཱ་ཎཾ ར་ཀྑ་ཎཾ. ཝ་ཏྠུ་མྷི ཨོ་ཀཱ་སེ. ཏ་ལླ་ཉྪ་ནཾ པཱ་ད་སྶ ཋཱ་ནཾ.
༨༢༠. ལོ་ཧ་མུ་གྒ་རེ ལོ་ཧ་མ་ཡེ མུ་གྒ་རེ. ཏཱ་ལཱ༹་དི་ཀེ ས་མྨ་ཏཱ་ལ༹་ཀཾ་ས་ཏཱ་ལཱ༹་དི་ཀེ. ཀ་ཋི་ནེ ཀ་ཀྑ་ལེ༹.
༨༢༡. མ་ཀྑི་ཀཱ ནཱི་ལ་མ་ཀྑི་ཀཱ་དི་ཀཱ. ཏཱ་སཾ བྷེ་དཱ ས་ཝི་སཱ མ་དྷུ་ཀ་ཏཱ པི་ངྒ་ལ་མ་ཀྑི་ཀཱ. མ་དྷུ་མྷི ཁུ་དྡཾ ཨ་པྤ་ཀཱ་དཱི་སུ ཙ་ཏཱུ་སྭ་ཏྠེ་སུ ཝ་ཏྟ་མཱ་ནཾ ཏཱི་སུ ལི་ངྒེ་སུ. ཨ་དྷ་མོ ནི་ཧཱི་ནོ. ཀ་པ་ཎོ ཨེ་ཀ་ཙཱ་རཱི.
༨༢༢. ཏ་ཀྐེ གོ་ར་ས་ཝི་སེ་སེ. མ་ར་ཎ་ལི་ངྒེ མ་ར་ཎ་ཉཱ་པ་ཀ་ལ་ཀྑ་ཎེ. ཨ་སུ་བྷེ, སུ་བྷེ ཙཱ་ཏི ཙ་ཏཱུ་སྭ་ཏྠེ་སུ ཨ་རི་ཊྛཾ. ཨཱ་ས་ཝོ མ་ཛྫ་ཝི་སེ་སོ. ཕེ་ཎི་ལ་དྡུ་མོ ‘‘བ་ཌཱི-ཡ྄ौ-ཁོ’’.
༨༢༣. གེ་ཧཱ་ནཾ དཱ་རུ་བ་ནྡྷ་པྤ་ཡོ་ཛ་ནཾ པཱི་ཋི་ཀཱ ནཱ་མ. པ་ཀྑ་ནྡ་དྭ་ཡ་སྶ, ཀ་ཎྞི་ཀཱ་དཱི་ན་ཉྩ ནི་སྶ་ཡ་བྷཱུ་ཏཱ པཱི་ཋི་ཀཱ.
༨༢༤. མི་ཏྟཱ་ཀཱ་རེ ཨ་མི་ཏྟ་སྶཱ་པི མི་ཏྟ་ས་ཎྛཱ་ནེ. བ་ལེ, རཱ་སི་མྷི, ཝི་པ་ཏྟི་ཡ་ཉྩ, ‘‘བ་ལ་སྶ རཱ་སཱི’’ཏི་པི ཨེ་ཀེ.
༨༢༥. ཁ་ནྡྷེ རཱུ་པ་ཀྑ་ནྡྷེ. བྷ་ཝེ རཱུ་པ་བྷ་ཝེ. ནི་མི་ཏྟ་མྷི ཀཱ་ར་ཎེ. ཝ་པུ ས་རཱི་རཾ.
༨༢༦. ཝ་ཏྠུ་ཀི་ལེ་ས་ཀཱ་མེ་སཱུཏི ཝ་ཏྠུ་ཀཱ་མ་ཀི་ལེ་ས་ཀཱ་མེ་སུ. མ་ད་ནེ མཱ་ར་དེ་ཝ་པུ་ཏྟེ. ར་ཏེ མེ་ཐུ་ནེ. ནི་ཀཱ་མེ ཨི་ཙྪཱ་ར་ཧི་ཏེ ཀཱ་མཾ ན་པུཾ་ས་ཀེ. ཨ་ནུ་ཉྙཱ་ཡཾ ཀཱ་མམ་བྱ་ཡཾ བྷ་ཝེ.
༨༢༧. ཝ་ཛྫ་བྷ་ཎྜ་མུ་ཁེ ཝཱི་ཎཱ་དོ་ཎི་མུ་ཁེ. མཱ་ཏ་ངྒ་སྶ ཧ་ཏྠི་ནོ ཀ་ར་ཀོ་ཊི ཧ་ཏྠ་གྒཾ.
༨༢༨. ར་མྦྷོ ས་ཋྱཾ, ཀེ་ཏ་ཝ་ནྟྱ་ཏྠོ. ཨ་ས་ཙྩཾ མུ་སཱ. ཨ་ཡོ་གྷ་ནཾ ཡེ་ན པ་ཧ་ར་ཏི. གི་རི་སི་ངྒ་མྷི གི་ར་གྒེ. སཱི་ར་ངྒེ ཕཱ་ལ་ངྒེ. ཡ་ནྟེ ཀཱུ་ཊ་ཡ་ནྟེ.
༨༣༠. པ་ཊི་ཝཱ་ཀྱེ པ་ཊི་ཝ་ཙ་ནེ. ཨུ་ཏྟ་རཱ་ས་ངྒེ ཨུ་པ་རི་ཝ་ཏྠེ. སེ་ཊྛཱ་དཱི་སུ ཨུ་ཏྟ་རོ ཏཱི་སུ, པ་ར་སྨིཾ ཨུ་པ་རི་སྨི་ཉྩ ཨཱི་རི་ཏོ.
༨༣༡. ཝི་མུ་ཏྟི ཨ་ར་ཧ་ཏྟ་ཕ་ལཾ མ་གྒ་ནི་བྦཱ་ནཱ་ནི་པི.
༨༣༢. ས་ངྑ་ཏེ པ་ཙྩ་ཡཱ་བྷི་ས་ངྑ་ཏེ དྷ་མྨེ. པུ་ཉྙཱ་བྷི་ས་ངྑཱ་རོ, ཨ་པུ་ཉྙཱ་བྷི་ས་ངྑཱ་རོ, ཨཱ་ནེ་ཉྫཱ་བྷི་ས་ངྑཱ་རོ་ཏི པུ་ཉྙཱ་བྷི་ས་ངྑཱ་རཱ་དི. པ་ཡོ་གོ ཨུ་སྶཱ་ཧོ. ཀཱ་ཡ་ས་ངྑཱ་རོ, ཝ་ཙཱི་ས་ངྑཱ་རོ, ཙི་ཏྟ་ས་ངྑཱ་རོ་ཏི ཀཱ་ཡ་ས་ངྑཱ་རཱ་དི. ཨ་བྷི་ས་ངྑ་ར་ཎཾ ཨ་བྷི་ས་ངྑ་ར་ཎ་ཀྲི་ཡཱ.
༨༣༣. ཏ་བྦྷཱ་ཝེ དི་ཊྛི་ས་ཧ་ག་ཏཾ.
༨༣༤. པ་ཏི་རཱུ་པེ ཡུ་ཏྟེ. ཚཱ་དི་ཏེ ཏི་ཎཱ་དཱི་ཧི. ར་ཧོ སུ་ཉྙ་ཊྛཱ་ནཾ. པ་ཉྙ་ཏྟི་ཡཾ ཚ་ནྣོ བྷི་ཀྑུ, པ་ཉྙ་ཏྟི་ཡཾ་ཡེ་ཝ པུ་མེ.
༨༣༥. བུ་དྡྷ་ཙ་ཀྑུ བུ་དྡྷཱ་ནཾ ཙ་ཀྑུ. ས་མ་ནྟ་ཙ་ཀྑུ ས་བྦ་ཉྙུ་ཏ་ཉཱ་ཎཾ. དྷ་མྨ་ཙ་ཀྑུ ཧེ་ཊྛཱ་མ་གྒ་ཏྟ་ཡེ ཉཱ་ཎཾ.
༨༣༦. ཨ་བྷི་ཀྐ་མོ ཨ་བྷི་ཀྐ་མ་ནཱི་ཡོ.
༨༣༧. ཝེ་ཝ་ཙ་ནཾ ཨ་བྷི་ནྣ་ཏྠོ ས་དྡོ. པ་ཀཱ་ར་སྨིཾ བྷེ་དེ. ཨ་ཝ་ས་རོ ཨ་ཝ་ཀཱ་སོ.
༨༣༨. ཙི་ཏྟ་ཀ་མྨཾ ཙི་ཏྟ་ཀཱ་རཱ་ནཾ ཀ་མྨཾ. ཝི་ཙི་ཏྟེ ནཱ་ནཱ་ཝི་དྷེ. པ་ཉྙ་ཏྟི་ཡཾ ཙི་ཏྟོ དྷ་ནུ་དྷ་རོ་ཡེ་ཝ. ཙི་ཏྟ་མཱ་སོ པུ་ཎྞེ་ནྡུ་ཡུ་ཏྟེ་ན ཙི་ཏྟེ་ན ན་ཀྑ་ཏྟེ་ན ལ་ཀྑི་ཏོ མཱ་སོ. ཏཱ་ར་ནྟ་རེ ཙི་ཏྟ་ན་ཀྑ་ཏྟེ. ཐི་ཡཾ ནཱ་རི་ཡཾ.
༨༣༩. སཱ་མ་ལེ ནཱི་ལེ. ས་ཡ་མ་ཏྠེ ས་ཡཾས་དྡ་སྶ ཨ་ཏྠེ. སཱ་རི་ཝཱ ཨུ་པཱ་ས་ཀཱ.
༨༤༠. ‘‘པུ་མེ’’ཏྱཱ་དི་ནཱ པུ་བྦ་དྡྷེ་ན གུ་རུས་དྡ་སྶ ཨ་ཏྠཱ ཝུ་ཏྟཱ, ཨ་པ་ར་དྡྷེ་ན ག་རུས་དྡ་སྶ, ‘‘ཨེ་ཀ་དེ་སེ་ཀ་ཏྟ་མ་ན་ཉྙཾ་ཝེ’’ཏི ནྱཱ་ཡེ་ན དྭི་ནྣ་མྤི ཨེ་ཀ་ཏྟ་མ་ཉྙ་མཱ་ནེ་ན གཱ་ཐཱ་ནེ་ཀ་ཏྠ་ཝ་གྒེ ཀ་ཐི་ཏཱ. མ་ཧ་ནྟེ བ་ཧུ་ཏྟེ. དུ་ཛྫ་རེ ཛཱི་རཱ་པེ་ཏུ་མ་ས་ཀྐུ་ཎེ་ཡྻེ, དུ་ཀྐ་རེ ཝཱ.
༨༤༡. ཨ་ཙྩི་ཏེ པཱུ་ཛི་ཏེ. ཁི་ནྣེ ཀི་ལ་མ་ཐ་པྤ་ཏྟེ. ས་མི་ཏེ ཨུ་པ་ས་མི་ཏེ.
གཱ་ཐཱ་ནེ་ཀ་ཏྠ་ཝ་གྒ་ཝ་ཎྞ་ནཱ ནི་ཊྛི་ཏཱ.
༨༤༢. ཝི་སུ་དྡྷི་དེ་ཝོ, ས་མྨུ་ཏི་དེ་ཝོ, ཨུ་པ་པ་ཏྟི་དེ་ཝོ ཙཱ་ཏི ཝི་སུ་དྡྷི་དེ་ཝཱ་དི. ན་བྷཾ ཨཱ་ཀཱ་སོ.
ཏ་རུ་ཎཱ་དཱི་སུ ཏཱི་སྭ་ཏྠེ་སུ མཱ་ཎ་ཝོ.
༨༤༣. ཨཱ་དྱ་ཏྠཱ་དཱི་སུ ཨ་གྒཾ. ཝ་རེ སེ་ཊྛེ ཏཱི་སུ.
པ་ཙྩ་ནཱི་ཀོ ས་ཏྟུ. ཨ་ཉྙེ ཨ་ཉྙ་ཏྠེ. པ་ཙྪཱ་བྷཱ་གེ ‘‘དྷཱ་ཏུ་ལི་ངྒེ་ཧི པ་རཱ པ་ཙྩ་ཡཱ’’ཏི.
༨༤༤. ཡོ་ནི ཨི་ཏྠཱི་ནཾ ཡོ་ནི་མ་གྒོ. ཀཱ་མོ ཨི་ཙྪཱ. སི་རཱི པ་ཉྙཱ, པུ་ཉྙོ ཙ. ཨི་སྶ་རཾ པ་བྷུ་ཏཱ. དྷ་མྨོ སཱི་ལཱ་དི. ཨུ་ཡྻཱ་མོ ཝཱི་རི་ཡཾ. ཡ་སོ པ་རི་ཝཱ་རོ, ཀི་ཏྟི ཙ.
༨༤༥. ས་མ་ངྒི་ནི ས་མ་ནྣཱ་ག་ཏེ.
༨༤༦. ཋི་ཏི ཋཱ་ན་ཀྲི་ཡཱ.
༨༤༨. ཁ་ནྡྷ་ཀོ་ཊྛཱ་སོ ཨ་ཎྜ་ཛཱ་དི་ཙ་ཏུ་ཀྐཾ. པ་སྶཱ་ཝ་མ་གྒོ ཨི་ཏྠཱི་ནཾ ཡོ་ནི. སོ པུ་ལླི་ངྒོ. ཀཱུ་ལེ ཏཱི་རེ.
༨༤༩. ནཱ་གོ་ཏུ་ནཱ་གས་དྡོ ཏུ. ཨུ་ར་གེ ས་པྤེ, ཧ་ཏྠི་ནི ཙ.
༨༥༠. ས་ངྑྱཱ ག་ཎ་ནཱ. ‘‘ཨ་ཉྙ་ཏྠེ’’ཏྱེ་ཀེ ཝ་ད་ནྟི.
༨༥༡. བྷེ ན་ཀྑ་ཏྟ་ཝི་སེ་སེ. ས་ནྟི་ཀེ ས་མཱི་པེ. མཱུ་ལ་མཱུ་ལེ ལོ་བྷཱ་དི་ཀེ. པཱ་བྷ་ཏེ མཱུ་ལ་དྷ་ནེ. ཨཾ་སོ ས་རཱི་རཱ་ཝ་ཡ་ཝོ. པ་ཀ་ཎྜེ རུ་ཀྑཱ་དཱི་ནཾ ས་རཱི་རེ.
༨༥༢. ཀ་མྨེ ཀྲི་ཡཱ་ཡཾ. ཝི་ཀོ་པ་ནཾ ཝི་དྡྷཾ་ས་ནཾ.
༨༥༣. པ་ཙྪཱ་ཏཱ་པོ ཝི་པྤ་ཊི་སཱ་རོ. ཨ་ནུ་བ་ནྡྷོ པུ་ན་པྤུ་ནཾ པ་ཝ་ཏྟ་ནཾ. རཱ་གཱ་དོ ས་ཏྟ་ཀེ. མཱ་ཏ་ངྒ་སྶ མུ་དྡྷ་ནི པི་ཎྜ་དྭ་ཡེ ཀུ་མྦྷོ.
༨༥༤. ཁ་གྒ་ཀོ་སེ ཁ་གྒ་པི་དྷཱ་ནེ. པ་ཊི་ཙྪ་དེ ས་མ་ནྟ་ཏོ ཚཱ་ད་ནེ. སཱ་ར་མྦྷེ ཀོ་ལཱ་ཧ་ལེ.
༨༥༥. ཀཱ་ལ་ཝི་སེ་སོ ད་ས་ཙྪ་ར་ཀཱ་ལོ. ནི་བྱཱ་པཱ་ར་ཊྛི་ཏི ཨ་ཙི་ར་ཊྛི་ཏི, ཨ་ཙི་ར་ཊྛི་ཏཱིཏི ད་ས་ཙྪ་ར་ཏོ་པི ཨཱུ་ན་ཊྛི་ཏི.
ཨུ་པྤ་ཏྟི་བྷཱུ་མི ཛཱ་ཏི་བྷཱུ་མི.
༨༥༦. ཀ་བ་ལཱི༹་ཀཱ་རཱ་ཧཱ་རཱ་དཱི་སུ ཙ་ཏཱུ་སུ.
༨༥༧. ས་དྡྷཱ་ཡ ཨ་པ་ར་པྤ་ཙྩ་ཡེ. ཙཱི་ཝ་རཱ་དཱི་སུ ཙ་ཏཱུ་སུ. ཨཱ་དྷཱ་རོ ནི་སྶ་ཡོ.
དི་བྦ་ཝི་ཧཱ་རོ, ཨ་རི་ཡ་ཝི་ཧཱ་རོ, བྲ་ཧྨ་ཝི་ཧཱ་རོ ཙཱ་ཏི དི་བྦ་ཝི་ཧཱ་རཱ་དི. སུ་ག་ཏཱ་ལ་ཡེ བྷི་ཀྑཱུ་ན་མཱ་ཝཱ་སེ.
༨༥༨. ས་མ་ཏྟ་ནེ ནི་ཊྛཱ་ཡཾ. ཙཀཱ་རེ་ན ནི་ཡ་མཱ་དི་ཀེ ས་ངྒ་ཎྷཱ་ཏི.
ས་ངྒེ ལ་གྒེ. ཀཱ་མཱ་དོ ཙ་ཏུ་ཀྐེ.
༨༥༩. ས་པྤ་ཕ་ཎ་ངྒེ་སཱུཏི ས་པྤ་སྶ ཕ་ཎེ, ཨ་ངྒེ ཙ ས་རཱི་རེ. ཀོ་ཊི་ལླེ ཀུ་ཊི་ལ་ཏཱ་ཡ. བྷུ་ཉྫ་ནཾ བྷོ་ཛ་ན་ཀྲི་ཡཱ.
བྷཱུ་མི་བྷཱ་གེ རཱ་ཛ་ངྒ་ཎཱ་དི་མྷི. ཀི་ལེ་སེ སཾ་ཀི་ལེ་སེ. མ་ལེ རཱ་གཱ་དི་ཀེ.
༨༦༠. དྷ་ནཱ་དི་ད་པྤེཏི དྷ་ནཱ་དི་ཀེ པ་ཊི་ཙྩ ཨུ་པྤ་ནྣེ ད་པྤེ.
ནི་མི་ཏྟེ ཀཱ་ར་ཎེ. ཚ་ལེ ས་ཋྱེ.
༨༦༡. སོ པུ་ལླི་ངྒོ. པ་ར་མ་ཏྟ་ནི དི་ཊྛཱི་ནཾ གཱ་ཧ་ལ་དྡྷེ ཨ་ཏྟ་ནི. ཐ་མྦྷ་སྨིཾ གེ་ཧཱ་དཱི་ནཾ ཐ་མྦྷེ. བ་ལ་ས་ཛྫ་ནཾ ཡུ་དྡྷ་ཀཱ་ལེ བ་ལ་སྶ ས་ཛྫ་ནཾ.
༨༦༢. ཀུ་སཱུ་ལོ དྷ་ཉྙཱ་དཱི་ནཾ གེ་ཧཾ.
སོ་པཱ་ན་ངྒ་མྷི སོ་པཱ་ན་སཱི་སེ.
༨༦༣. ནི་ཡྻཱ་སེ སི་ལེ་སེ. སེ་ཁ་རེ སཱི་སེ. ནཱ་ག་ད་ནྟ་ཀེ བྷི་ཏྟི་ཨཱ་དཱི་སུ པ་ཝེ་སི་ཏེ ནཱ་ག་ད་ནྟཱ་ཀཱ་རེ ད་ཎྜེ.
སི་ཁ་ཎྜོ པི་ཉྪཾ. ཏཱུ་ཎཱི་རེ ཨུ་སུ་ནི་དྷི་མྷི. ནི་ཀ་རེ ས་མཱུ་ཧེ.
༨༦༤. སཾ་ཡ་ཏ་ཀེ་སེ་སུ བ་ནྡྷི་ཏ་ཀེ་སེ་སུ.
ཀ་མྦུ ཛ་ལ་ཛ་ནྟུ་ཝི་སེ་སོ. ན་ལཱ་ཊ་ཊྛི ན་ལཱ་ཊེ ཛཱ་ཏ་ཊྛི. གོ་པྥ་ཀེ པཱ་ད་ག་ཎྛི་མྷི.
༨༦༥. ཀཱ་ལེ པ་ཉྩ་ད་སཱི་དི་ཝ་ས་པ་རི་མཱ་ཎེ. སཱ་དྷྱེ པ་ཏྟ་སཱ་དྷ་ནཱི་ཡེ. ས་ཁཱི ས་ཧཱ་ཡོ. ཝཱ་ཛོ པ་ཏྟཾ. པ་ངྒུ་ལོ༹ པཱི་ཋ་ས་མྤཱི.
དེ་སེ དེ་ས་ཝི་སེ་སེ. ཨ་ཎྞ་ཝེ ས་མུ་དྡེ, ཨེ་ཏེ པུ་མེ. སོ སི་ནྡྷུས་དྡོ ས་རི་ཏཱ་ཡཾ ན་དི་ཡཾ བྷ་ཝེ.
༨༦༦. ཀ་རེ་ཎུས་དྡོ ག་ཛེ ཧ་ཏྠི་མྷི, པུ་རི་སེ པུ་ལླི་ངྒེ ཝ་ཏྟ་ཏི. ཧ་ཏྠི་ནི་ཡཾ ཏུ ཨི་ཏྠི་ཡཾ.
ར་ཏ་ནེ ར་ཏ་ན་ཝི་སེ་སེ. མ་ཎི་ཝེ་དྷོ ནཱ་མ ཡཾ ལོ་ཀེ ‘‘ཙི་ན’’ ཨི་ཏི ཝུ་ཙྩ་ཏི. ཨི་ནྡ་ཧེ་ཏི ཨི་ནྡཱ་ཝུ་དྷོ.
༨༦༧. ཀོ་ཊི་ཡཾ ཨ་ནྟེ. ཝཱ་དི་ཏྟ་ཝཱ་ད་ནེ ཝཱི་ཎཱ་དི་ཝཱ་དི་ཏྟ་ཝཱ་ད་ནོ་པཱ་ཡེ.
‘‘ཀོ་ཎོ ཝ་ཛྫ་པྤ་བྷེ་དེ ཙ,
ཀོ་ཎོ སེ་ལ་གུ་ལེ༹ ཨི་ཛེ;
ཝཱི་ཎཱ་དི་ཝཱ་ད་ནོ་པཱ་ཡེ,
ཨེ་ཀ་དེ་སེ ག་ཏ་སྶ ཙེ’’ཏི. –
ཏི་ཀ་ཎྜ་སེ་སོ [ཏི་ཀ་ཎྜ་སེ་ས ༣.༣.༡༢༥].
༨༦༨. ཝ་ཎི་པྤ་ཐེ ཝཱ་ཎི་ཛཱ་ནཾ ཝོ་ཧཱ་ར་ཀ་མྨ་པ་ཐེ. ཝེ་དེ ཝེ་ད་ཝི་སེ་སེ, ཝཱ་ཎི་ཛེ་པི ནི་ག་མོ.
ཝི་ཝཱ་དཱ་དོ ‘‘ཝི་ཝཱ་དཱ་དྷི་ཀ་ར་ཎ’’ [པཱ་ཙི. ༣༩༤] ནྟྱཱ་དཱི་སུ. ཨཱ་དྷཱ་རོ ཀཱ་ར་ཀ་ཝི་སེ་སོ, ནི་སྶ་ཡོ ཙ. ཀཱ་ར་ཎེ ‘‘ཡ་ཏྭཱ་དྷི་ཀ་ར་ཎ་མེ་ན’’ནྟི [དྷ. ས. ༡༣༥༤].
༨༦༩. པ་སུ་མྷི གོ་ཎེ. ཝ་སུ་དྷཱ པ་ཐ་ཝཱི. ཝཱ་ཙཱ ཝ་ཙ་ནཾ. ཨཱ་དི་ནཱ ས་གྒ་རཾ་སི་ཝ་ཛི་ར་ཙ་ནྡ་ཛ་ལཱ་ད་ཡོ ག་ཧི་ཏཱ.
ཧ་རི་ཏེ སུ་ཀ་པ་ཏྟ་ས་དི་སེ ཝ་ཎྞ་ཝི་སེ་སེ. ཝཱ་སུ་དེ་ཝེ ཀ་ཎྷེ.
༨༧༠. ཨཱ་ཡ་ཏྟེ ནི་སྶ་ཡེ.
ཀ་ཎྞ་པཱུ་རོ ཀ་ཎྞཱ་ལ་ངྐཱ་རོ. སེ་ཁ་རེ ཨ་གྒེ. ཨེ་ཏེ དྭི་ནྣ་མྤི ཨ་ཏྠཱ.
༨༧༡. ཝི་ཛྫུ་ཡཾ ཙ་ཉྩ་ལཱ་ཡཾ. ཨི་ཏྠི་པུ་རི་སེ པུ་རི་སི་ཏྠི་ཡཾ.
ཀོ་ཎེ ཨ་སྶེ. ས་ངྑྱཱ་ཝི་སེ་སོ ‘‘ཀོ་ཊི་པ་ཀོ་ཊཱི’’ཏྱཱ་དཱི་སུ. ཨུ་ཀྐཾ་སེ པ་རི་ཡོ་སཱ་ནེ.
༨༧༢. ཛཱ་ལཱ ཨ་གྒི་ཛཱ་ལཱ. ཨ་གྒཾ ཀོ་ཊི.
ནཱ་རཱི ཨཱ་སཱིས་དྡོ ས་པྤ་དཱ་ཋཱ་ཡཾ. ཨི་ཊྛ་སྶ ཝ་ཏྠུ་ནོ ཨཱ་སཱི་ས་ནཱ་ཡཾ པ་ཏྠ་ནཱ་ཡ་མྤི ཨི་ཏྠཱི ཨེ་ཝ.
༨༧༣. ཝི་ལཱི་ན་ཏེ་ལེ ཝི་ས་ར་ཎ་ཏེ་ལེ. ཝ་ས་གཱ ཝ་སཾ ག་ཙྪ་ནྟཱི ནཱ་རཱི. ཝ་ཉྩྱ་གཱ་ཝཱི ཨ་ན་ཝ་ཙྪཱ སོ་ར་བྷེ་ཡཱི.
ཨ་བྷི་ལཱ་སེ ཨི་ཙྪཱ་ཡཾ. ཀི་ར་ཎེ རཾ་སི་མྷི. ཨ་བྷི་ས་ངྒེ ལ་གྒ་ནེ.