༢. སཾ་ཀི་ཎྞ་ཝ་གྒ་ཝ་ཎྞ་ནཱ
༧༥༨. པུ་བྦ་སྨིཾ ཀ་ཎྜ་དྭ་ཡེ བུ་དྡྷཱ་དཱི་ནི ནཱ་མཱ་ནི ས་མཱ་ན་ཏྠཱ་ནི པ་ཀ་ར་ཎེ་ན ནི་བ་དྡྷཱ་ནི, ཨ་སྨི་མྤི ཀ་ཎྜེ སོ་བྷ་ནཱ་དཱི་ནི ཝི་སེ་ས་ན་ནཱ་མཱ་ནི, ས་མ་ཡཱ་དཱི་ནྱ་ནེ་ཀ་ཏྠཱ་ནི, ཙི་ར་སྶ་མཱ་དཱི་ནི ཙ ཨ་བྱ་ཡཱ་ནི པ་ཀ་ར་ཎེ་ནེ་ཝ ནི་བ་དྡྷཱ་ནི, ཨི་དཱ་ནི པ་ན པུ་བྦ་ཝ་གྒེ་སུ ཝི་ཏྠཱ་ར་བྷ་ཡཱ ཡེ ན ནི་བ་དྡྷཱ, ཏཾ་ས་ངྒ་ཧ་ཏྠཾ, ཏཾ་ས་མ་ཡཱ་ནུ་པཱ་ལ་ན་ཏྠ་ཉྩ སཾ་ཀི་ཎྞ་མཱ་ར་བྷ་ཏེ ‘‘ཉེ ཡྻ’’མི་ཙྩཱ་དི་ནཱ. ཏ་སྶ་ཏྠོ – ཨི་ཧཱ་པི སཾ་ཀི་ཎྞ་ཝ་གྒེ་པི ཀྭཱ་པི ཀ་ཏྠ་ཙི ཀྲི་ཡཱ་དཱི་སུ པ་ཙྩ་ཡ་ཏྠ་ཝ་སེ་ན ཨཱཔ་ཙྩ་ཡཱ་དཱི་ནཾ ཨི་ཏྠི་ལི་ངྒཱ་དི་བྷཱ་ཝ་ཛོ་ཏ་ཀ་སྶ ས་བྷཱ་ཝ་སྶ ཝ་སེ་ན ལི་ངྒཾ ཨི་ཏྠི་ལི་ངྒཱ་དི་ཀཾ ཉེ་ཡྻ་ནྟི. ཙཀཱ་རེ་ན བྷི་ཡྻོ རཱུ་པ་ནྟ་རཱ་དི་པ་རི་གྒ་ཧོ་པི. ཨི་ཧཱཏི ཙ ཨུ་པ་ལ་ཀྑ་ཎཾ, ཝ་གྒ་ནྟ་རེ་སུ་པི པ་ཙྩ་ཡ་ཏྠ་ཝ་སེ་ན ལི་ངྒཱ་དི་ནི་ཙྪ་ཡ་ས་མྦྷ་ཝ་ཏོ.
ཀ་ཏྟ་བྦ་ཏོ ཀྲི་ཡཱ, ཀ་ར ཀ་ར་ཎེ, ཎྱོ, ཨིཀཱ་རཱགམོ, ཨ་སྶི, ཝ་ཎྞ་ཝི་པ་རི་ཡ་ཡེ ཀྲི་ཡཱ, ཀྲི་ཡ་མྤི, རི་རི་ཡཔ་ཙྩ་ཡེ ཀི་རི་ཡཾ, ཀི་རི་ཡཱ་པི. ར་མྨཔ་ཙྩ་ཡེ ཀ་མྨཾ.
ཏི་ཀཾ ཙི་ཏྟོ་པ་ས་མེ. ས་མུ ཨུ་པ་ས་མེ,ཏི, ས་ནྟི. ཐམྷི ས་མ་ཐོ.ཨམྷི ས་མོ.
ཏི་ཀཾ ཀཱ་ཡོ་པ་ས་མེ. ད་མུ ཨུ་པ་ས་མེ. ཐམྷི ད་མ་ཐོ. ཏིམྷི ད་ནྟི. ཙི་ཏྟོ་པ་ས་མེ་པྱེ་ཏེ.
སུ་དྡྷ་ཀ་མྨ་ནི ཝ་ཏྟཾ བྷ་ཝ་ཏི. ཝ་ཏྟ ཝ་ཏྟ་ནེ, ཝ་ཏྟ ས་མཱ་དཱ་ནེ ཝཱ ཝ་ཏྟཾ, ཨ་སཱི་ཏི་མ་ཧཱ་ཝ་ཏྟཱ་དི.
ཨཱ་ས་ངྒ་ཝ་ཙ་ནཾ ཨཱ་ས་ཏྟ་ཝ་ཙ་ནཾ ས་དྡ་ས་རཱུ་པཾ པ་རཱ་ཡ་ཎཾ ནཱ་མ ཝུ་ཏྟཾ, ཏ་ཉྩ ཏཱི་སུ. པ་རཾ ཨཱ་ཡ་ནཾ ཨཱ་ཡ་ཏྟོ ཏཱ་ཎཾ པ་རཱ་ཡ་ཎཾ, ཀ་མྨཱ་ས་ཏྟོ ཨི་ཙྩ་ཏྠོ, སཱ་ཀ་ལྱ་ཝ་ཙ་ནེ ཏུ པཱ་རཱ་ཡ་ཎཾ, པཱ་རཾ པ་རི་ཡ་ནྟཾ ཨ་ཡ་ནྟི ག་ཙྪ་ནྟི ཀ་སྶ་ཙི ཨ་ནེ་ནཱ་ཏི པཱ་རཱ་ཡ་ཎཾ, ཡུ, ཎཏྟཾ, ཡ་ཐཱ – ནཱ་མ་པཱ་རཱ་ཡ་ཎཾ, དྷཱ་ཏུ་པཱ་རཱ་ཡ་ཎཾ.
༧༥༩. ཏི་ཀཾ དྭི་དྷཱ་བྷཱ་ཝེ. བྷི་དི དྭི་དྷཱ་ཀ་ར་ཎེ, ཎོ. ད་ར ཝི་དཱ་ར་ཎེ. ཕུ་ཊ ཝི་ཀ་ས་ནེ, ཕུ་ཊ བྷེ་ད་ནེ ཝཱ, ཡུ.
དྭ་ཡཾ ཏ་པྤ་ནེ. ཏ་པ པཱི་ཎ་ནེ, ཡུ. པཱི ཏ་པྤ་ནེ, ཡུ, ཀི་ཡཱ་དི, ནསྶ ཎཏྟཾ. ཨ་ཝ་ན་མྤི, ཨ་ཝ པཱ་ལ་ནེ, དི་ཏྟི་ཡ་ཉྩ ཨ་ནེ་ཀ་ཏྠ་ཏྟཱ.
དྭ་ཡཾ སཱ་པེ. ཀུ་ས ཨ་ཝ྄ཧཱ་ནེ, བྷེ་ད་ནེ ཙ, ཡུ. ས་ནྫ ས་ངྒེ, ཨ་བྷི་ས་ངྒོ.
ཏི་ཀཾ ཡཱ་ཙ་ནཱ་ཡཾ. བྷི་ཀྑ ཡཱ་ཙ་ནེ, ཡུ. ཡཱ་ཙ ཡཱ་ཙ་ནེ. ཨ་ཏྠ ཡཱ་ཙ་ནེ. ཨ་དྡ་ནོ་པྱ་ཏྲ, ཨ་དྡ ག་ཏི་མྷི, ཡཱ་ཙ་ནེ ཙ.
༧༦༠. ནི་མི་ཏྟ་ར་ཧི་ཏཾ ཡ་དི་ཙྪཱ ནཱ་མ, ཡཱ ཡཱ ཨི་ཙྪཱ ཨ་དྷི་པྤཱ་ཡོ ཡ་དི་ཙྪཱ ནཱ་མ. སེ་རི་ཏཱ་པི.
ཏི་ཀཾ ཨཱ་པུ་ཙྪ་ནེ, ཨཱ་པུ་ཙྪ་ན་ཉྩ ག་མ་ནཱ་ག་མ་ནཱ་དི་ས་མ་ཡེ སུ་ཧ་ཛྫ བ་ནྡྷ་ཝཱ་དཱི་ན་མཱ་ལི་ངྒ་ན ཙུ་མྦ་ན་སྭཱ་ག་ཏ་པི་ཡ་ཝ་ཙ་ནཱ་རོ་གྱ་པུ་ཙྪ་ན་ག་མ་ནཱ་ནུ་ཉྙཱ་དི་ནཱ ཨཱ་ན་ནྡ་ནཾ. པུ་ཙྪ པུ་ཙྪ་ནེ, ཨཱ་པུ་ཙྪ་ནཾ. ན་ནྡ ས་མི་དྡྷི་ཡཾ, ཨཱ་ན་ནྡ་ནཾ. ས་བྷཱ་ཛ པཱི་ཏི་ད་སྶ་ནེ་སུ, ས་བྷཱ་ཛ པཱི་ཏི་ཝ་ཙ་ནེ་སུ ཝཱ, ཙུ་རཱ་དི, ཡུ, ས་བྷཱ་ཛ་ནཾ.
དྭ་ཡཾ ན་ཡེ. ཉཱ་ཡ་ནྟི ཡེ་ནཱ་ཏི ཉཱ་ཡོ, ཨཱ་ཀཱ་ར་ནྟཱ་ན་མཱ་ཡོ. ནྱཱ་ཡོ་པི, ནི་སྶེ་ས་ཏོ ཨ་ཡ་ཏི ཡེ་ན ནྱཱ་ཡོ. ནཱི ན་ཡེ, ཨ་ཡཱདེ་སོ, ན་ཡོ.
དྭ་ཡཾ ཝུ་དྡྷི་མྷི. ཕཱ ཝུ་དྡྷི་མྷི, ཕཱ་ཡ ཝུ་དྡྷི་ཡཾ ཝཱ, ཡལོ་པོ,ཏི, ཕཱ་ཏི, ནཱ་རི་ཡཾ. ཝ་དྡྷ ཝ་དྡྷ་ནེ,ཏི, དལོ་པོ, དྷ་ཌྷ་བྷ་ཧེ་ཧི དྷ་ཌྷཱ ཙ, ཨ་སྶུ, ཝུ་དྡྷི, ཝུ་ཌྜྷི་པི.
༧༦༡. ཀི་ལ་མ ཧཱ་ས་ཀྑ་ཡེ, ཐོ, ཀི་ལ་མ་ཐོ. ཡུམྷི ཀི་ལ་མ་ནཾ. སཱུ པཱ་ཎི་པ་ས་ཝེ, པ་ས་ཝ་ནཾ པ་ས་ཝོ, ཏིམྷི པ་སཱུ་ཏི.
ཀ་ས ག་ཏི་ཡཾ ཧིཾ་སཱ་ཡ་ཉྩ, ནི་གྒ་ཧཱི་ཏཱ་ག་མོ, ཨུ་ཀྐཾ་སོ, ཀ་ས ཝི་ལེ་ཁ་ནེ ཝཱ. ཨ་ཏི་ས་ཡོ ཝུ་ཏྟོ. བྷུ་སཱད་ཡོ པ་མཱ་ཎཱ་ཏི་ས་ཡ་ཝ་སེ་ན ཝུ་ཏྟཱ, ཨུ་ཀྐཾ་སོ གུ་ཎཱ་ཏི་ས་ཡ་ཝ་སེ་ན ཝུ་ཏྟོ, ཨ་ཏི་ས་ཡོ པ་ན ཨུ་བྷ་ཡ་ཝ་སེ་ནཱ་ཏི ཨུ་བྷ་ཡ་ཏྲ ནི་དྡི་ཊྛཱ་ནཾ བྷེ་དོ. ཏི་ཀཾ ཛ་ཡ་ནེ. ཛ་ཡ་ནཾ ཛ་ཡོ, ཡུ, ཛ་ཡ་ནཾ. ཏིམྷི ཛི་ཏི, ནཱ་རཱི.
༧༦༢. བ་ནྡྷ་ནནྟཱ་ནི དྭེ དྭེ ནཱ་མཱ་ནི. ཝ་ས ཀ་ནྟི་ཡཾ. ཀ་མུ ཀ་ནྟི་ཡཾ,ཏི. ཝི་དྷ ཝེ་དྷ་ནེ, བྱ་ཐ་ནེ ཙ ཨ་ནེ་ཀ་ཏྠ་ཏྟཱ, ཨ, ཨི་ཀཱ་ར་སྶ ཡཱདེ་སོ, བྱ་དྷོ, ཝེ་དྷོ. ག་ཧ ཨུ་པཱ་དཱ་ནེ ནི་བ་ནྡྷ་ནེ ཙ, ག་ཧོ, གཱ་ཧོ ཙ. ཝ་ར ཨཱ་ཝ་ར་ཎེ, ཝ་རོ. ཝུ སཾ་ཝ་ར་ཎེ,ཏི, ཝུ་ཏི. པ་ཙ པཱ་ཀེ, ཨི་ཏྠི་ཡ་མ་ཏི་ཡ་ཝོ ཝཱ, ཨ. པ་ཙ་ནཾ པཱ་ཀོ, ཎོ.
དྭ་ཡཾ ཨཱ་ཧྭཱ་ནེ. ཧུ དཱ་ནཱ་ད་ན་ཧ་བྱ་པྤ་དཱ་ནེ་སུ, ཎོ, ཧ་ཝོ. ཏིམྷི ཧུ་ཏི. དྭ་ཡཾ ཨ་ནུ་བྷ་ཝ་ནེ. ཝི་ད ཉཱ་ཎེ, ཎོ, ཝེ་དོ. ཝི་ད ཝེ་ད་ནཱ་ཁྱཱ་ན་ནི་ཝཱ་སེ་སུ, ཙུ་རཱ་དི, ཡུ, ཝེ་ད་ནཾ, ཝཱཀཱ་རོ ཝེ་ད་ནཱས་དྡ་སྶ ན་པུཾ་ས་ཀ་ཏྟཱ་པེ་ཀྑོ.
༧༦༣. དྭ་ཡཾ དྷ་ནཱ་དི་ཛཱ་ནི་ཡཾ. ཛ་ར ཝ་ཡོ་ཧཱ་ནི་མྷི, ཡུ, ཛཱི་ར་ཎཾ, ཨ་སྶཱི. ཧཱ ཙཱ་གེ, ཡུ, ན་དཱ་དི, ར་སྶོ, ཧསྶ ཛོ, ཛཱ་ནི. ཏཱ པཱ་ལ་ནེ, ཡུ, ཎཏྟཾ. དྭ་ཡཾ པ་མཱ་ཎེ. མཱ མཱ་ནེ,ཏི, པ་མི་ཏི. ཨམྷི པ་མཱ.
དྭ་ཡཾ སཾ་ཡོ་གེ. སི་ལི་ས ཨཱ་ལི་ངྒ་ནེ. སཾཔུ་བྦོ དྷཱ དྷཱ་ར་ཎེ, ཨི, ས་ནྡྷ་ནཾ ས་ནྡྷི. དྭ་ཡཾ ཁ་ཡེ. ཁི ཁ་ཡེ, ཎོ, ཨི་སྶེ, ཨེ ཨ་ཡ, ཁ་ཡོ. ཙི ཙ་ཡེ, ཨ་པཔུ་བྦོ ཁ་ཡེ. དྭ་ཡཾ ས་དྡེ. རུ ས་དྡེ, ཎོ, ཝུ་དྡྷྱཱ་དེ་སོ. ར་ཎ ས་དྡེ. ཨ, ར་ཎོ.
༧༦༤. ག་ད བྱ་ཏྟི་ཡཾ ཝཱ་ཙཱ་ཡཾ, ཎོ, ཨ ཙ, ནི་གཱ་དོ, ནི་ག་དོ ཙ. དྭ་ཡཾ མ་དེ. མ་ད ཨུ་མྨཱ་དེ, མཱ་དོ, མ་དོ ཙ. སི བ་ནྡྷ་ནེ,ཏི, སི་ཏི.
ཏི་ཀཾ ཨཱ་ཀཱ་རེ. ཨཱ་ཀ་ར་ཎཾ ཨཱ་ཀཱ་རོ, ཨ་ནེ་ཀ་ཏྠ་ཏྟཱ མུ་ཁ་ཝ་ངྐཱ་དྱ་ངྒ་ཝི་ཀཱ་རོ ཝཱ, ཨི་ངྒ་ཏི ཛཱ་ནཱ་ཏཱི་ཏི ཝཱ ཡེ་ན ཨཱ་ཀཱ་རོ. ཨི་ངྒ ག་མ་ན་ཏྠོ, ཏོ, ཨ ཙ, ཨི་ངྒི་ཏཾ, ཨི་ངྒོ ཙ. ཨ་ཏྠ་སྶ དྷ་ན་སྶ ཨ་པ་ག་མོ ཝི་ནཱ་སོ བྱ་ཡོ ནཱ་མ. བྱ་ཡ ཙི་ཏྟ་ས་མུ་སྶ་གྒེ.
༧༦༥. དྭ་ཡཾ ཨ་ནྟ་རཱ་ཡེ. ཙུ་ཏི་པ་ཊི་ས་ནྡྷཱི་ན་མ་ནྟ་རེ ཨ་ཡ་ཏཱི་ཏི ཨ་ནྟ་རཱ་ཡོ. པ་ཊི་པ་ཀྑ་ཝ་སེ་ན ཨཱུ་ཧ་ཏི པ་ཝ་ཏྟ་ཏཱི་ཏི པ་ཙྩཱུ་ཧོ, ཨ་ཐ ཝཱ ཀཱ་རི་ཡ་སི་དྡྷི ཨ་ནྟ་རཾ བྱ་ཝ་དྷཱ་ནཾ ཨ་ཡ་ཏི ག་མ་ཡ་ཏཱི་ཏི ཨ་ནྟ་རཱ་ཡོ. པ་ཙྩཱུ་ཧ་ནྟི ཝི་ནི་ཧ་ནྟཱི་ཏི པ་ཙྩཱུ་ཧོ.
ཝི་ཀ་ར་ཎཾ ཨ་ཉྙ་ཐཱ བྷ་ཝ་ན་ནྟི ཝི་ཀཱ་རོ, ཝི་ཀ་ཏི ཙ, ཀ་ར ཀ་ར་ཎེ, ཎོ,ཏི ཙ.
དྭ་ཡཾ ས་བྷཱ་ཝ་ཝི་ག་མེ. སི་ལི་ས ཨཱ་ལི་ངྒ་ནེ, པ་ཝིཔུ་བྦོ ཏཾ་ས་བྷཱ་ཝ་ཝི་ག་མེ, ཝི་ག་ཏོ དྷུ་རོ ས་དི་ས་བྷཱ་ཝོ ཡ་སྨཱ་ཏི ཝི་དྷུ་རོ, ‘‘ཝི་དྷུ་རཾ པ་ཝི་སི་ལེ་སེ, ཀླི་ཝ་ཉྩ ཝི་ཀ་ལེ ཏི་སཱུ’’ཏི [ཙི་ནྟཱ་མ་ཎི་ཊཱི་ཀཱ ༢༢.༢༠] ར་བྷ་སོ. ཝི་དྷ ཝི་དྷཱ་ནེ ཝཱ, ཨུ་རོ. དྭ་ཡཾ ཨཱ་ས་ནེ. ཝི་ས པ་ཝེ་ས་ནེ, ཨུ་པ་ཝེ་ས་ནཾ. ཨཱ་ས ཨུ་པ་ཝེ་ས་ནེ, ཨཱ་ས་ནཾ.
༧༦༦. ཏི་པཱ་དཾ ཨ་དྷི་པྤཱ་ཡེ. ཙི་ཏྟ་མ་དྷྱཱ་ག་ནྟྭཱ ས་ཡ་ཏཱི་ཏི ཨ་ཛ྄ཛྷཱ་ས་ཡོ. ཨ་ན་མི་པུ་བྦེ ཨཱ་ས་ཡོ. ཨ་དྷི་པ་ཡ་ཏི ཙི་ཏྟེ་ཏི ཨ་དྷི་པྤཱ་ཡོ, ཎོ, པ་ཡ ག་མ་ནེ. ཙི་ཏྟེ ཨ་བྷི་ས་ནྡྷཱ་ཡ་ཏཱི་ཏི ཨ་བྷི་ས་ནྡྷི, དྭཱི་སུ. བྷ་ཝ་ཏི ཙི་ཏྟེ་ཏི བྷཱ་ཝོ, ཎོ. ཨ་དྷི་མུ་ཙྩ་ནཾ ཙི་ཏྟེ ཨ་དྷི་ཊྛཱ་ནཾ ཨ་དྷི་མུ་ཏྟི, ནཱ་རཱི. ཚ་ནྡོ ཏ་ཎྷཱ་ཡ་མྤི ཝུ་ཏྟོ.
དྭ་ཡཾ ཨཱ་དཱི་ན་ཝེ. དོ་སོ པ་ཊི་གྷེ ཝུ་ཏྟོ. ཨཱ བྷུ་སོ དཱི་ནཾ ཝཱ་ཡ་ཏི ག་མ་ཡ་ཏཱི་ཏི ཨཱ་དཱི་ན་ཝོ, དཱི་ན དུ་གྒ་ཏ་བྷཱ་ཝེ, ཝོ, ཝཱི ག་མ་ནེ ཙ.
༧༦༧. དྭ་ཡཾ ཨཱ་ནི་སཾ་སེ. སཾ་ས ཧིཾ་སཱ་ཐུ་ཏཱི་སུ, ཨཱ་ནི་སཾ་སོ ཨ་མུ་ཁྱ་ཕ་ལེ, མུ་ཁྱ་ཕ་ལེ ཙ, ཏ་ཐཱ གུ་ཎོ. གུ་ཎ པ་ཀཱ་ས་ནེ, པ་ཀཱ་སེ་ཏི ཀཱ་ར་ཎ་ནྟི གུ་ཎོ, ག་ཎ ས་ངྑྱཱ་ནེ ཝཱ, ཨ་སྶུ, གུ་ཎོ. དྭ་ཡཾ མ་ཛ྄ཛྷེ. མ་ཛ སུ་དྡྷི་ཡཾ, ཛྷོ. ཝིཔུ་བྦེ ཝེ་མ་ཛ྄ཛྷཾ.
དྭ་ཡཾ ཏ་རུ་ཎ་སཱུ་རི་ཡ་ཊྛཱ་ནེ. ཨ་ཧ་སྶ མ་ཛ྄ཛྷོ མ་ཛ྄ཛྷ་ཧོ, སོ ཨེ་ཝ མ་ཛ྄ཛྷ་ནྷི་ཀོ, ཧསྶ ནྷོ [མོ་གྒ་ལླཱ་ན ༣.༡༡༠ སུ་ཏྟཾ པ་སྶི་ཏ་བྦཾ]. ཨ་ཧ་སྶ མ་ཛ྄ཛྷོ མ་ཛ྄ཛྷ་ནྷོ, མ་ཛ྄ཛྷ་ནྟོཔི. དྭ་ཡཾ ནཱ་ན་ཏྟཱ་ཡཾ. ཝི་ག་ཏཱ མ་ཏྟཱ ས་དི་ས་པྤ་མཱ་ཎཾ ཨེ་ཏེ་ན ཧེ་ཏུ་བྷཱུ་ཏེ་ན ཝེ་མ་ཏྟཾ. ནཱ་ན་མེ་ཝ ནཱ་ན་ཏཱ, ནཱ་ནས་དྡོ པུ་ནྣ་པུཾ་ས་ཀེ, ཨ་བྱ་ཡེ ཏུ ནཱ་ནཱ.
༧༦༨. དྭ་ཡཾ ནི་དྡཱ་པ་ཊི་ཀྑེ་པེ. ཛཱ་ག་ར ནི་དྡ་ཀྑ་ཡེ, ཛཱ་ག་ར་མེ་ཝ ཛཱ་ག་རི་ཡོ. དྭ་ཡཾ ཛ་ལཱ་དཱི་ན་མ་ཝི་ཙྪ་ནྣཱ་ཡཾ ས་ནྟ་ཏི་ཡཾ. ཝ་ཧཏི་སྨཱ ཎོ, པ་ཝཱ་ཧོ. ཝ་ཏུ ཨཱ་ཝ་ཏྟ་ནེ,ཏི, པ་ཝ་ཏྟི.
ཏི་ཀཾ ཝི་ཏྠཱ་རེ. ཨ་སུ ཁེ་པ་ནེ, ཎོ, བྱཱ་སོ. པཔུ་བྦོ པ་ཉྩ ཝི་ཏྠཱ་རེ. ཐ་ར ས་ནྠ་ར་ཎེ, པཱདི་པུ་བྦོ ཙ ཝི་ཏྠཱ་རེ. ཏི་ཀཾ སཾ་ཡ་མེ. ཡ་མུ ཨུ་པ་ར་མེ, ཎོ, ཡཱ་མོ. ཨི་ཏ་རེ་སུ ཨ.
༧༦༩. དྭ་ཡཾ ག་ཏྟཱ་ནཾ མ་དྡ་ནེ. ‘‘ས་མྦཱ་ཧ་ནོ’ངྒ་མ་དྡ་ཀོ’’ཏི ཝོ་པཱ་ལི་ཏོ, སཾཔུ་བྦོ ཝཱ་ཧ པ་ཡ་ཏ་ནེ, མ་དྡ་ནེ ཝཱ, ཡུ. མ་དྡ མ་དྡ་ནེ. དྭ་ཡཾ ནཱ་ནཱ་ར་མྨ་ཎཱ་དཱི་སུ ཝི་ས་པྤ་ནེ. ས་ར ག་མ་ནེ, ཎ. ས་པྤ ག་མ་ནེ, ཡུ, ཝི་ས་པྤ་ནཾ.
དྭ་ཡཾ པ་རི་ཙ་ཡེ. ཐུ ཨ་བྷི་ཏྠ་ཝེ. ཙི ཙ་ཡེ. ཏི་ཀཾ ས་ངྒ་མེ. མི་ལ སི་ལེ་ས་ནེ, ཎོ, ས་ཀ་ཏྠེ ཀོ, མེ་ལ་ཀོ. ས་ནྫ ས་ངྒེ, ཎོ. སཾཔུ་བྦཱ ག་མིཏོ ཨ.
༧༧༠. ས་ནྣི་ཀ་ཊྛ་མྷི ས་མཱི་པེ ས་ནྣི་དྷིས་དྡོ, ས་ནྣི་དྷཱ་ནཾ ས་ནྣི་དྷི, པུ་མེ, ཋ་པ་ནེ་པྱ་ཡཾ. ན་ས ཨ་ད་སྶ་ནེ, ཎོ. དི་ས པེ་ཀྑ་ནེ, ཡུ, དི་སྶཱ་དེ་སོ, ཨི་སྶ་ཏྟཾ.
ཏི་ཀཾ དྷ་ཉྙཱ་དཱི་ནཾ ལ་ཝ་ནེ. ལཱུ ཚེ་ད་ནེ, ཨ. ཎམྷི ཨ་བྷི་ལཱ་ཝོ. ཡུམྷི ལ་ཝ་ནཾ. དྭ་ཡཾ ཁ་ཎ་པྤ་ཏྟི་ཡཾ. པཔུ་བྦོ ཐུ ཨ་བྷི་ཏྠ་ཝེ. ས་ར ག་མ་ནེ, ཨ་ཝ་ས་རོ. ས་མཱཏི དྭེ ཏུ་ལྱ་ཏྠཱ.
༧༧༡. ཙ་ཏུ་ཀྐཾ པ་རི་ཡོ་སཱ་ནེ. སཱ ཏ་ནུ་ཀ་ར་ཎེ, ཡུ, ཨོ་སཱ་ནཾ. པ་རིཔུ་བྦོ པ་རི་ཡོ་སཱ་ནཾ. ཨུ་ཀྐཾ་སཱ་ཏི་ས་ཡཱ པ་ཀ་ཊྛེ་པྱུ་ཏྟཱ.
དྭ་ཡཾ ས་ཎྛཱ་ནེ. ཝི་ས པ་ཝེ་ས་ནེ, ས་ནྣི་ཝེ་སོ. ཋཱ ག་ཏི་ནི་ཝ་ཏྟི་ཡཾ, ཡུ, ས་ཎྛཱ་ནཾ. དྭ་ཡཾ ཨ་བྦྷ་ནྟ་ར་ཝཱ་ཙ་ཀཾ པཱ་ཊི་པ་དི་ཀཾ. ཨ་ཐ ཝཱ ཨ་བྷི བ་ནྡྷ་ནེ, ཨ་རོ, དྷཱ་ཏྭ་ཏྠཱ་ནུ་ཝ་ཏྟ་ཀོ ཨ་བྷི, ཨ་བྦྷ་ནྟ་རཾ. ཨ་བྦྷཱ་བྷཱ་ཝེ ཨ་ནྟ་རཾ.
༧༧༢. ཏི་ཀཾ པཱ་ཊི་ཧཱ་རི་ཡེ. ཧི ག་ཏི་མྷི, པ་ཊི་ཏོ ཧི་སྶ ཧེ་ར་ཎ ཧཱི་ར་ཎ, པཱ་ཊི་ཧེ་རཾ, པཱ་ཊི་ཧཱི་རཾ. ཡ་དཱ་དི་ནཱ ཧཱ་རི་ཡ་ཉྩ, པཱ་ཊི་ཧཱ་རི་ཡཾ, ཨ་ཐ ཝཱ པ་ཊི་པ་ཀྑེ ཧ་ར་ཏཱི་ཏི པཱ་ཊི་ཧཱི་རཾ, ཎོ, ཨ་སྶཱི. ཨེཀཱ་རཱ་དེ་སེ པཱ་ཊི་ཧེ་རཾ. ཎྱམྷི པཱ་ཊི་ཧཱ་རི་ཡཾ, ཝི་ཧ་ཏུ་པ་ཀྐི་ལེ་སེ་ན པ་ཙྩཱ་ཧ་རི་ཏ་བྦཾ པ་ཝ་ཏྟེ་ཏ་བྦ་ནྟི པཱ་ཊི་ཧཱི་རནྟི་ཨཱ་དི་པི ཀཱ་ཏ་བྦཾ.
དྭ་ཡཾ ཀ་ཏྟ་བྦ་མ་ཏྟེ. ཀ་རམྷཱ རི་ཙྩ, ཀི་ཙྩཾ, ཨ་ཝ་སྶཾ ཀཱ་ཏ་བྦེ་པི. ཨ་ནཱི་ཡཔ་ཙྩ་ཡེ ཀ་ར་ཎཱི་ཡཾ.
དྭ་ཡཾ པུ་པྥཱ་དི་ནཱ ཨུ་ད་ཀཱ་དཱི་ནཾ པ་རི་བྷཱ་ཝ་ནེ. སུ་ནྡ་རཾ ཀ་རཱི་ཡ་ཏེ ཡེ་ནཱ་ཏི ས་ངྑཱ་རོ, ཎོ, ཁ་རཱདེ་སོ. ཝ་ས ནི་ཝཱ་སེ, ཡུ, ཝཱ་ས་ནཱ, ཀི་ལེ་སཱ་དཱི་ནཾ ས་ཏྟི་ཝི་སེ་སེ་པི. སཱ ཧི ཀུ་ས་ལཱ་པི ཨ་ཏྠི ཨ་ཀུ་ས་ལཱ་པི ཨ་བྱཱ་ཀ་ཏཱ་པི, ཏ་ཐཱ པ་ཧཱ་ཏ་བྦཱ་པི ཨ་ཏྠི ཨ་པྤ་ཧཱ་ཏ་བྦཱ་པི. ཏ་ཏྠ ཡཱ ཀུ་ས་ལཱ་བྱཱ་ཀ་ཏཱ, ན སཱ པ་ཧཱ་ཏ་བྦཱ. ཡཱ པ་ན ཨ་ཀུ་ས་ལཱ, སཱ སུ་ཁུ་མ་ཏ་ར་ཏཱ་ཡ བྷ་ག་ཝ་ཏོ་ཡེ་ཝ ཨ་རི་ཡ་མ་གྒེ་ན པ་ཧཱ་ཏ་བྦཱ, ནཱ་ཉྙེ་སཾ. ཨེ་ཝཾ ས་ནྟེ ཨ་རི་ཡཱ་ན་མྤི ཨ་པཱ་ཡཱུ་པ་པ་ཏྟི སི་ཡཱ་ཏི? ན སི་ཡཱ, ས་བྦེ་ས་མེ་ཝ ཨ་རི་ཡཱ་ནཾ ཨ་པཱ་ཡཱུ་པ་པ་ཏྟི་ཧེ་ཏུ་ཀཱ་ཡ ཝཱ་ས་ནཱ་ཡ པ་ཧཱི་ན་ཏྟཱ. དུ་ཝི་དྷཱ ཧི ཨ་ཀུ་ས་ལཱ ཝཱ་ས་ནཱ ཀཱ་ཡ་ཝ་ཙཱི་པ་ཡོ་ག་ཧེ་ཏུ་བྷཱུ་ཏཱ ཙ ཨ་པཱ་ཡཱུ་པ་པ་ཏྟི་ཧེ་ཏུ་བྷཱུ་ཏཱ ཙ. ཏ་ཏྠ པུ་རི་མཱ བྷ་ག་ཝ་ཏོ་ཡེ་ཝ ཨ་རི་ཡ་མ་གྒེ་ན པ་ཧཱ་ཏ་བྦཱ, ཨི་ཏ་རཱ ས་བྦེ་ས་མྤི ཨ་རི་ཡ་མ་གྒེ་ནཱ་ཏི, ཏ་སྨཱ ཡཾ ཝུ་ཏྟཾ ‘‘བུ་དྡྷཱ་ཝ ས་ཝཱ་ས་ནེ ཀི་ལེ་སེ པ་ཛ་ཧི་ཏུཾ ས་ཀྐོ་ནྟི, ནཱ་ཉྙེ’’ཏི, ཏཾ ཀཱ་ཡ་ཝ་ཙཱི་པ་ཡོ་ག་ཧེ་ཏུ་བྷཱུ་ཏཾ ཝཱ་ས་ནཾ ས་ནྡྷཱ་ཡ ཝུ་ཏྟཾ, ནེ་ཏ་ར་ནྟི ནི་ཊྛ་མེ་ཏྠཱ་ཝ་ག་ནྟ་བྦཾ.
༧༧༣. ཏི་ཀཾ དྷ་ཉྙཱ་དཱི་ནཾ པཱུ་ཏ་ཀ་ར་ཎེ. པཱུ པ་ཝ་ནེ, ཡུ. ཨཔ་ཙྩ་ཡེ པ་ཝོ. ཎམྷི ནི་པྤཱ་ཝོ. དྭ་ཡཾ ཏ་ས་རེ. ཏ་ས ཨུ་བྦེ་གེ, ཨ་རོ. སུ་ཏྟེ་ན ཝེ་ཋ་ནཾ སུ་ཏྟ་ཝེ་ཋ་ནཾ.
དྭ་ཡཾ དུ་གྒ་ས་ཉྩཱ་རེ. ས་ངྐ་མྱ་ཏེ ཡེ་ནཱ་ཏི ས་ངྐ་མོ. ས་ཉྩ་ར་ནྟི ཨ་ནེ་ནཱ་ཏི ས་ཉྩཱ་རོ, དུ་གྒ་སྶ ས་ཉྩཱ་རོ དུ་གྒ་ས་ཉྩཱ་རོ. དྭ་ཡཾ པ་ཋ་མཱ་ར་མྦྷེ. པ་ཋ་མཾ ཀ་མོ པ་ཀྐ་མོ, ཨུ་པ་ཀྐ་མོ ཙ.
༧༧༤. ཏི་ཀཾ པཱ་ཋེ. པ་ཋ ཝི་ཡ་ཏྟི་ཡཾ ཝཱ་ཙཱ་ཡཾ, ཎོ, པཱ་ཋོ. ནིཔུ་བྦེ ནི་པཱ་ཋོ, ཨམྷི ནི་པ་ཋོ. དྭ་ཡཾ ཨ་པ་ཧ་རི་ཏཱ་དི་ནོ ཝ་ཏྠུ་ནོ ཨ་ནྭེ་ས་ནེ. ཙི ཙ་ཡེ, ཙ་ཡ་ན་མ་ཏྲ ཨ་ནྭེ་ས་ནཾ. མ་གྒ ཨ་ནྭེ་ས་ནེ, ཙུ་རཱ་དི, ཡུ, ཨེ་ཏེ དྭེ ཨ་པུ་མེ, སཾ་ཝི་ཀྑ་ནཾ་པྱ་ཏྲ.
ཙ་ཏུ་ཀྐཾ ཨཱ་ལི་ངྒ་ནེ. ལི་ངྒ ག་ཏྱ་ཏྠོ. ས་ནྫ ས་ངྒེ. སི་ལི་ས ཨཱ་ལི་ངྒ་ནེ. གུ་ཧ སཾ་ཝ་ར་ཎེ, ཡུ, པ་རི་ར་མྦྷོ་པྱ་ཏྲ. ར་མྦྷ ས་དྡེ.
༧༧༥. ཙ་ཏུ་ཀྐཾ ཨཱ་ལོ་ཀ་ནེ. ལོ་ཀ ད་སྶ་ནེ. ཛྷེ ཙི་ནྟཱ་ཡཾ. ཨི་ཀྑ ད་སྶ་ན་ངྐེ་སུ. དི་ས པེ་ཀྑ་ནེ, ས་བྦ་ཏྲ བྷཱ་ཝེ ཡུ.
ཙ་ཏུ་ཀྐཾ ནི་རཱ་ཀ་ར་ཎེ. དི་ས པེ་ཀྑ་ནེ. ཨ་སུ ཁེ་པ་ནེ, ནི་ར་ས་ནཾ. པ་ཏི ཨཱཔུ་བྦོ ཁཱཀ་ཐ་ནེ. ཀ་ར ཀ་ར་ཎེ, ཨི་ཏྠི་ཡ་མ་ཏི་ཡ་ཝོ ཝཱ,ཏི.
༧༧༦. པ་ཉྩ་ཀཾ ཝི་པ་རི་ཡ་ཡེ. ཝི་པ་རིཔུ་བྦོ ཨ་སུ ཁེ་པ་ནེ, ཎོ, ཝི་པ་ལླཱ་སོ. ཨ་ཉྙེ་ན པ་ཀཱ་རེ་ན བྷ་ཝ་ནཾ ཨ་ཉྙ་ཐཱ་བྷཱ་ཝོ. ཝི་པ་རིཔུ་བྦོ ཨ་ཡ ག་མ་ནེ, ཝི་པ་རི་ཡ་ཡོ. ཨ་སུ ཁེ་པ་ནེ, ཝི་པ་རི་ཡཱ་སོ.
ཏི་ཀཾ ཨ་ཏི་ཀྐ་མེ. ཨ་ཏི་ཀྐ་མ་ནཾ ཨ་ཏི་ཀྐ་མོ. ཨ་ཏི་ཀྐ་མྨ པ་ཏ་ནཾ ཨ་ཏི་པཱ་ཏོ. ཨ་ཡ ག་མ་ནེ, ཨུ་པ་ཙྩ་ཡོ.
སཾ་ཀི་ཎྞ་ཝ་གྒ་ཝ་ཎྞ་ནཱ ནི་ཊྛི་ཏཱ.