༡. ཝི་སེ་སྱཱ་དྷཱི་ན་ཝ་གྒ་ཝ་ཎྞ་ནཱ
༦༩༡. ཨི་ཧ ཝ་ཀྑ་མཱ་ནེ སཱ་མ་ཉྙ་ཀ་ཎྜེ སཱ་ངྒོ་པཱ་ངྒེ་ཧི ཨ་ངྒ་ཨུ་པཱ་ངྒ་དྭ་ཡ་ས་ཧི་ཏེ་ཧི ཝི་སེ་སྱཱ་དྷཱི་ནེ་ཧི ཝི་སེ་སྱཱ་ཡ་ཏྟེ་ཧི ཝི་སེ་ས་ན་ས་དྡེ་ཧི སོ་བྷ་ནཱ་དཱི་ཧི སཾ་ཀི་ཎྞེ་ཧི ཨ་ཉྙ་མ་ཉྙ་ཝི་ཛཱ་ཏི་ཡ་ཏྠེ་ཧི ད་བྦ་ཀྲི་ཡཱ་གུ་ཎཱ་དཱི་ཧི ཨ་ནེ་ཀ་ཏྠེ་ཧི ས་མ་ཡ་ཝ་ཎྞཱ་དཱི་ཧི ཨ་བྱ་ཡེ་ཧི ཙི་ར་སྶ་མཱ་དཱི་ཧི ཙ ཀ་མཱ ཀ་མ་ཏོ ཝ་གྒཱ ཀ་ཐྱ་ནྟེ, ཏེ ཙ པུ་བྦ་ཝ་གྒ་ས་ནྣི་སྶ་ཡཱ, ཏ་ཐཱ ཧི སོ་བྷ་ནཱད་ཡོ དེ་ཝ་མ་ནུ་སྶཱདཱི་སུ ཝི་སེ་ས་ན་བྷཱ་ཝེ་ན ས་མྦ་ནྡྷཱ, ཀྲི་ཡཱད་ཡོ ཏུ ཏ་དཱ་དྷཱ་ར་ཏཱ་ཡ, ས་མ་ཡཱད་ཡོ ཝཱ་ཙ་ཀ་ཏཱ་ཡ, ཙི་ར་སྶམཱ་ད་ཡོ ཏཾ་ཀྲི་ཡཱ་ཝི་སེ་ས་ན་བྷཱ་ཝེ་ན, ཏ་ཏོ་ཡེ་ཝ སཱ་དྷཱ་ར་ཎ་ཏྟཱ སཱ་མ་ཉྙ་ཀ་ཎྜ་མི་དཾ.
༦༩༢. ཨི་ཧ ས་ཏྠེ བྷི་ཡྻོ རཱུ་པ་ནྟ་རཱ ལི་ངྒ་ཝི་ནི་ཙྪ་ཡོ, སོ ཨ་ཏྲཱ་པི ཝ་གྒེ བྷི་ཡྻོ རཱུ་པ་ནྟ་རཱ་ཡེ་ཝཱ་ཏི ཝི་པྤ་ཊི་པ་ཏྟི་ནི་རཱ་ས་ཏྠཾ བྱཱ་པ་ཀ་ནྱཱ་ཡ་མཱ་ཧ ‘‘གུ་ཎི’’ཙྩཱ་དི་ནཱ. ཏ་སྶ་ཏྠོ – ཝི་སེ་ས་ན་བྷཱུ་ཏཱ ས་བྦེ གུ་ཎ་ས་དྡཱ, ད་བྦ་ས་དྡཱ, ཀྲི་ཡཱ་ས་དྡཱ ཙ ཝི་སེ་སྱཱ་དྷཱི་ན་བྷཱ་ཝེ་ན ཧེ་ཏུ་ནཱ་ཡེ་ཝ, ན བྷི་ཡྻོ རཱུ་པ་ནྟ་རཱ་པི ཝི་སེ་ས་ན་ས་དྡེ་ན ས་མ་ལི་ངྒི་ནོ སི་ཡུ་ནྟི, ཡ་ཐཱ – སོ་བྷ་ནཱ ཨི་ཏྠཱི, སོ་བྷ་ནོ པུ་རི་སོ, སོ་བྷ་ནཾ ཙི་ཏྟཾ.
༦༩༣-༦༩༦. སུ་བྷནྟཾ སོ་བྷ་ནེ. སུ་བྷ སོ་བྷ་ནེ, ཡུ. རུ་ཙ དི་ཏྟི་ཡཾ, ཨི་རོ. སཱ་དྷ སཾ་སི་དྡྷི་ཡཾ, ཨུ. མ་ནཾ ཏོ་སེ་ཏཱི་ཏི མ་ནུ་ཉྙཾ. ཉཱ པ་རི་མཱ་ཎ་ཏོ་ས་ན་ནི་སཱ་མ་ནེ་སུ, ཨ་ནྟ་སྶུ་ཀཱ་རོ, མ་ནཾ ཨཱ བྷུ་སོ ཏོ་སེ་ཏཱི་ཏི ཝཱ མ་ནུ་ཉྙཾ, ཏ་དཱ ‘‘མ་ནོ ཨ་ཉྙ’’ནྟི ཚེ་དོ, ཨཱལོ་པོ. ཙ་ར ག་ཏི་བྷ་ཀྑ་ནེ་སུ, ཎྭུ, ཙ་ར་ཏི ཙི་ཏྟ་མེ་ཏྠཱ་ཏི ཙཱ་རུ. སུ་ཊྛུ ད་རཱི་ཡ་ཏེ སུ་ནྡ་རཾ, ད་ར དཱ་ར་ཎེ. ཝ་གྒ ག་མ་ནེ, ཨུ, ཝ་གྒུ. མ་ནོ ར་མ་ཏི ཨ་སྨིཾ. ཀ་མུ ཨི་ཙྪཱ་ཡཾ, ཏོ. ཧ་ར་ཏི ཙི་ཏྟཾ ཧཱ་རཱི, ཎཱི. མ་ན ཉཱ་ཎེ, ཛུ, མ་ནོ ཛ་ཝ་ཏི ཡ་སྨིཾ ཝཱ མ་ཉྫུ, ནལོ་པོ. པི་ཡ་སཱི་ལ་ཡུ་ཏྟ་ཏཱ་ཡ པེ་ས་ལཾ, པི་ཡསྶ པེ, ཨཱི་སྶ་ཏྟཾ. བྷ་དི ཀ་ལྱཱ་ཎེ, དོ. ཝཱ ག་ཏི་ཡཾ, མོ. ཀ་ལ ས་ངྑྱཱ་ནེ, ཡཱ་ཎོ. མ་ནཾ ཨ་པྤེ་ཏི ཝ་ཌྜྷེ་ཏཱི་ཏི མ་ནཱ་པཾ, མ་ནོ ཨ་པྤོ་ཏི ཡ་སྨི་ནྟི ཝཱ མ་ནཱ་པཾ, ཨཱ་པ པཱ་པུ་ཎ་ནེ, ཨཔཱདི་པུ་བྦོ ཙ. ལ་བྷི་ཏ་བྦ་ནྟི ལ་དྡྷཾ, ཏོ, ས་ཀ་ཏྠེ ཀོ. སུ་བྷ་ཏཱི་ཏི སུ་བྷཾ, སུ་ནྡ་རེ་ན ས་བྷཱ་ཝེ་ན བྷ་ཝ་ཏཱི་ཏི ཝཱ སུ་བྷཾ.
པུ་ངྒ་ཝནྟཾ ཨུ་ཏྟ་མེ, ཨུ་བྦྷུ་ཏོ ཨ་ཏྱ་ཏྠཾ ཨུ་ཏྟ་མོ, ཨུ་བྷས་དྡ་ཏོ ཨུ་བྦྷུ་ཏ་ཏྠ་ཏོ ཝི་སེ་ས་ཏྠེ ཏ་མོ, ཨུ་གྒ་ཏ་ཏ་མ་ཏྟཱ ཝཱ ཨུ་ཏྟ་མོ. ཝ་ར པ་ཏྠ་ནཱ་ཡཾ, པ་ཝ་རོ. ཨི་ཊྛཔ་ཙྩ་ཡེ ཝུ་ཌྜྷསྶ ཛཱདེ་སོ, ཛེ་ཊྛོ. པ་ཀ་ཊྛཾ མུ་ཁཾ ཨཱ་ར་མྦྷོ ཨ་སྶ པ་མུ་ཁོ. ན་ཏྠི ཨུ་ཏྟ་རོ ཨུ་ཏྟ་མོ ཡ་སྨཱ ཨ་ནུ་ཏྟ་རོ. པ་མུ་ཁོ ཙ ཨ་ནུ་ཏྟ་རོ ཙཱ་ཏི དྭ་ནྡོ. ཨཔཱདི་པུ་བྦེ ཝ་རོ. མུ་ཁ་མི་ཝ མུ་ཁྱོ, ཨི་ཝཏྠེ ཡོ. པ་ད་དྷཱ་ཏཱི་ཏི པ་དྷཱ་ནཾ, ཡུ. པ་མུ་ཁ་བྷཱ་ཝེ ཏི་ཊྛ་ཏཱི་ཏི པཱ་མོ་ཀྑོ, ཨུ་བྷ་ཡ་ཏྲཱ་པི ཝུ་ཌྜྷི. པ་ཀ་ཊྛཾ རཱ་ཏཱི་ཏི པ་རཾ, ཎོ. ‘‘ཨ་གྒ’’ནྟི ཛཱ་ནི་ཏ་བྦ་ནྟི ཨ་གྒ་ཉྙཾ, ‘‘ཨ་གྒ’’ནྟི པ་མཱ་ནི་ཏ་བྦ་ནྟི ཝཱ ཨ་གྒ་ཉྙཾ. ཨུ་ཏྟ་རོ ཨུ་ཏྟ་མས་དི་སོ. པ་དྷཱ་ན་བྷཱ་ཝཾ ནཱི་ཏཾ པ་ཎཱི་ཏཾ, ནཱི ན་ཡེ, ཀ་མྨ་ནི ཎོ. པ་རཾ པ་ཙྩ་ནཱི་ཀཾ མཱ་རེ་ཏཱི་ཏི པ་ར་མཾ, པ་ཀ་ཊྛ་བྷཱ་ཝེ ར་མ་ཏཱི་ཏི་ཝཱ པ་ར་མཾ, ཎོ. ཨི་ཡི་ཊྛེ་སུ པ་ས་ཏྠསྶ, ཝུ་ཌྜྷསྶ ཙ སོ, སེ་ཡྻོ, སེ་ཊྛོ ཙ, ‘‘ཀྭ་ཙཱ་ས་ཝ་ཎྞཾ ལུ་ཏྟེ’’ཏི ཨི་སྶེ. གཱ་མཾ ནེ་ཏཱི་ཏི གཱ་མ་ཎི, ‘‘ཏ་སྶཱི་ལཱ་དཱི་སུ ཎཱི ཏྭཱ་ཝཱི ཙཱ’’ཏི ཎཱི, ར་སྶོ, གཱ་མ་ཎི. ས་ནྟ་ཏ་མ་ཏཱ་ཡ ས་ཏྟ་མོ, ས་ནྟཏོ ཏ་མོ, ས་ནྟསྶ ཙ སོ. ཝི་སེ་སཱི་ཡ་ཏེ་ཏི ཝི་སི་ཊྛོ, སི་ས ཝི་སེ་ས་ནེ, ཏོ. ཨ་ར ག་མ་ནེ, ཎྱོ, ཨིཀཱ་རཱ་ག་མོ, ཨ་རི་ཡོ. ན་ཏྠི ཨ་གྒོ ཡ་སྨཱ ནཱ་གོ, དཱི་གྷཱ་དི, གལོ་པོ ཙ. ཨི ག་ཏི་ཡཾ, ཎྭུ, ཨི་སྶེ, ཨལོ་པོ ཙ, ཨེ་ཀོ, ས་དི་ས་ར་ཧི་ཏ་ཏཱ་ཡ ཝཱ ཨེ་ཀཱི་བྷཱ་ཝེ ཏི་ཊྛ་ཏཱི་ཏི ཨེ་ཀོ, ཀོ. ཨུ་སྶཱ་པེ་ཏི པ་ཙྩ་ནཱི་ཀེ་ཏི ཨུ་ས་བྷོ, ཨུ་ས དཱ་ཧེ, ཨ་བྷོ. ཨ་ཛ ག་མ་ནེ, ཨ, ཛསྶ གོ, དྭི་ཏྟཾ, ཨ་གྒོ. མུ་ཙ མོ་ཙ་ནེ, ཧཱི་ན་མ་ཛ྄ཛྷི་མ་བྷཱ་ཝེ་ཧི མུ་ཙྩ་ཏཱི་ཏི མོ་ཀྑོ, ཏོ, ཏསྶ ཁོ. མོ་ཀྑ མོ་ཙ་ནེ ཝཱ, ཨ. པ་དྷཱ་ན་བྷཱ་ཝཾ ག་ཙྪ་ཏཱི་ཏི པུ་ངྒ་ཝོ, ཡ་དཱ་དི, པུ་ཀྑ་ལོ་པྱ་ཏྲ, པུ་ས ཝུ་ཌྜྷི་མྷི, ཨ་ལོ, སསྶ ཁོ, ཨ་ས་རཱུ་པ་དྭི་ཏྟཾ. ཨེ་ཏེ ཙུ་ཏྟ་མཱད་ཡོ ས་མཱ་ས་གཱ་པི ཨ་ས་མཱ་ས་གཱ་པི ཨུ་ཏྟ་མ་ཏྠ་ཝཱ་ཙ་ཀཱ. ཨ་མ་ར་ཀོ་སེ པ་ན ནཱ་གོ་ས་བྷ་པུ་ངྒ་ཝཱ་ནཾ ས་མཱ་ས་ག་ཏྟེ་ཡེ་ཝ ཨུ་ཏྟ་མ་ཏྠ་ཝཱ་ཙ་ཀ་ཏཱ ཝུ་ཏྟཱ, ཝུ་ཏྟ་ཉྩ –
‘‘ཨུ་ཏྟ་ར་སྨིཾ པ་དེ བྱ་གྒྷ-པུ་ངྒ་ཝོ’ས་བྷ་ཀུ་ཉྫ་རཱ;
སཱི་ཧ་ས་དྡཱུ་ལ་ནཱ་གཱ་དྱཱ, པུ་མེ སེ་ཊྛ་ཏྠ་གོ་ཙ་རཱ’’ཏི [ཨ་མ་ར ༢༡.༥༩].
ཏ་སྶ་ཏྠོ – བྱ་གྒྷཱད་ཡོ ཀ་མྨ་དྷཱ་ར་ཡ་ས་མཱ་སེ ས་ཏི ཨུ་ཏྟ་ར་པ་དཱི་བྷཱུ་ཏཱ སེ་ཊྛ་ཏྠ་ཝི་ས་ཡཱ པུ་བྦ་པ་ད་སྶ སེ་ཊྛ་ཏྠ་ཝཱ་ཙ་ཀཱ པུ་ལླི་ངྒཱ ཙ བྷ་ཝ་ནྟི, ཡ་ཐཱ ‘‘པུ་རི་ས་བྱ་གྒྷོ, མུ་ནི་པུ་ངྒ་ཝོ’’ཨི་ཙྩཱ་དི. སཱི་ཧཱད་ཡོ, ཨཱ་དིནཱ ཝ་རཱ་ཧ་པུ་ཎྜ་རཱི་ཀ་དྷོ་ར་ཡ྄ཧ་སོ་ཝཱི་རཱད་ཡོ ཙ ས་མཱ་ས་གཱ ཀ་མྨ་དྷཱ་ར་ཡ་ས་མཱ་སེ ཨུ་ཏྟ་ར་པ་ད་བྷཱུ་ཏཱ སེ་ཊྛ་ཏྠ་ཝཱ་ཙ་ཀཱ པུ་མེ་ཝ བྷ་ཝ་ནྟི, ཡ་ཐཱ ‘‘ས་ཀྱ་སཱི་ཧོ, ཀ་ཝི་ཀུ་ཉྫ་རོ, པུ་རི་ས་ས་དྡཱུ་ལོ, པུ་རི་ས་ཝ་རཱ་ཧོ’’ཨི་ཙྩཱ་དི.
༦༩༧. ཙི་ཏྟ་སྶ, ཨ་ཀྑི་ནོ ཙ པཱི་ཏི་ཛ་ན་ཀཾ ཝ་ཏྠུ ཨ་བྱཱ་སེ་ཀཾ, ཨ་སེ་ཙ་ན་ཉྩ ནཱ་མ, ན བྱཱ་སི་ཉྩ་ནྟི ན་ཀྑ་ར་ནྟི ན་ཡ་ན་མ་ནཱ་ནི ཡ་སྨཱ་ཏི ཨ་བྱཱ་སེ་ཀཾ, ཨ་སེ་ཙ་ནཉྩ, ན བྱཱ་སི་ཉྩ་ནྟི ཙ ཡ་སྨིཾ ཨཱ་ག་ནྟུ་ཀ་བྷཱུ་ཏཱ་ནི ཨ་ཉྙ་ར་སཱ་ནཱི་ཏི ཝཱ ཨ་བྱཱ་སེ་ཀཾ, ཨ་སེ་ཙ་ནཉྩ. ཎོ, ཡུ ཙ.
ཚ་ཀྐཾ ཨི་ཊྛེ ཝ་ཏྠུ་མྷི. ཨི་ཙྪི་ཏ་བྦཾ, ཨེ་སི་ཏ་བྦ་ནྟི ཝཱ ཨི་ཊྛཾ, ཨི་སུ ཨི་ཙྪཱ་ཡཾ, ཨི་ས ག་ཝེ་ས་ནེ ཙ, ཏོ. སུ་བྷ་ཏྟཾ ག་ཙྪ་ཏཱི་ཏི སུ་བྷ་གཾ, ཀྭི. ཧ་ད་ཡེ སཱ་དྷུ, ཧ་ད་ཡ་སྶ ཝཱ པི་ཡ་ནྟི ཧ་ཛྫཾ, ཎོ, དནྟ་སྶ ལོ་པོ, དྱསྶ ཛྫོ. ད་ཡི་ཏ་བྦཾ ཨཱ་དཱ་ཏ་བྦ་ནྟི ད་ཡི་ཏཾ, ཏོ. ཝ་ལླ སཾ་ཝ་ར་ཎེ, ཀ་མྨ་ནི ཨ་བྷོ. པི་ཡཱ་ཡི་ཏ་བྦ་ནྟི པི་ཡཾ,པཱི ཏ་པྤ་ན་ཀ་ནྟཱི་སུ, ཎྱོ, ར་སྶཱ་དི.
༦༩༨. ཏི་ཀཾ ཏུ་ཙྪེ. ཏུ་ཙ ཝི་ནཱ་སེ, ཚོ. རི་ཙ ཝི་ཡོ་ཛ་ན་ས་མྦ་ཛ྄ཛྷ་ནེ་སུ, ས་མྦ་ཛ྄ཛྷ་ནཾ མི་སྶ་ནཾ, ཏོ, ས་ཀ་ཏྠེ ཀོ. སུ་ན་སྶ ཧི་ཏཾ སུ་ཉྙཾ, ཡོ, ནྱསྶ ཉྙོ, སུ་ན ག་ཏི་ཡཾ ཝཱ, ཡོ. དྭ་ཡཾ ཨ་སཱ་རེ. ཕ་ལ ནི་པྥ་ཏྟི་ཡཾ, ཨུ, གུ ཝཱ. པུ་བྦ་ཏྲ གོནྟོ, ཨ་སྶེ, ཕེ་གྒུ.
ཏི་ཀཾ པ་ཝི་ཏྟེ. མེ་དྷ ཧིཾ་སཱ་ས་ངྒ་མེ་སུ, མེ་དྷཱི་ཡ་ཏེ ས་ངྒ་མཱི་ཡ་ཏེ མེ་ཛ྄ཛྷཾ, ཎྱོ, ཛྷསྶ ཛྷོ, ཨ་ས་རཱུ་པ་དྭི་ཏྟཾ. པུ པ་ཝ་ནེ, ཏོ, དཱི་གྷཱ་དི. ཝུ་ཌྜྷཱ་ཝཱ་དེ་སོ, ཨིཀཱ་རཱ་ག་མོ ཙ. དྭ་ཡཾ ཨ་ཝི་ར་དྡྷེ. ན ཝི་ར་ཛ྄ཛྷ་ཏཱི་ཏི ཨ་ཝི་ར་དྡྷོ, ར་དྷ ཧིཾ་སཱ་པ་རཱ་དྷཱ་པ་ག་མ་ནེ་སུ, ཏོ. ‘‘དྷ་ཌྷ་བྷ་ཧེ་ཧི དྷ་ཌྷཱ ཙེ’’ཏི ཏསྶ དྷོ. པ་ཎ བྱ་ཝ་ཧཱ་ར་ཐུ་ཏཱི་སུ, ཎྭུ, ཝི་ར་དྡྷ་ཝོ་ཧཱ་རེ་ན ན པ་ཎཱ་མེ་ཏཱི་ཏི ཨ་པ་ཎྞ་ཀོ.
༦༩༩-༧༠༡. དྭ་ཡཾ ཛཱ་ཏྱཱ་ཙཱ་རཱ་དི་ནཱ ཨ་ནི་ནྡི་ཏེ. ཨུཔུ་བྦོ, པཔུ་བྦོ ཙ ཀ་ས ཝི་ལེ་ཁ་ནེ, ཧིཾ་སཱ་ཡ་ཉྩ, ཏོ, ‘‘སཱ་དི་ས་ནྟ་པུ་ཙྪ་བྷ་ནྫ་ཧཾ་སཱ་དཱི་ཧི ཊྛོ’’ཏི ས་ཧཱ་དི་བྱ་ཉྫ་ནེ་ན ཏསྶ ཊྛོ.
གཱ་ར་ཡ྄ཧནྟཾ ཛཱ་ཏྱཱ་ཙཱ་རཱ་དི་ནཱ ནི་ནྡི་ཏེ. ནི་ཧཱི་ཡ་ཏེ་ཏི ནི་ཧཱི་ནོ, ཧཱ ཙཱ་གེ, ཨི་ནོ, དཱི་གྷོ. ཨཔཱདི་པུ་བྦེ ཧཱི་ནོ. ལ་མ ནི་ནྡཱ་ཡཾ, ཎྭུ, ལཱ་མ་ཀོ. ཀི་ཊ ག་ཏི་ཡཾ, པ་ཏི ནིཔུ་བྦོ ཏུ ནི་ནྡཱ་ཡཾ, ཋོ, པ་ཏི་ཀི་ཊྛཾ, ནི་ཀི་ཊྛཉྩ. ཨི་ཏྟ་རས་དྡོ ལཱ་མ་ཀ་ཏྠ་ཝཱ་ཙ་ཀོ པཱ་ཊི་པ་དི་ཀོ, ‘‘ཛཱ་ཏྱཱ་ཙཱ་རཱ་དཱི་ཧི ནི་ཧཱི་ནོ་ཡ’’ནྟི ཨ་ཝ་དི་ཏ་བྦོ་ཏི ཨ་ཝ་ཛྫོ, ཏ་བྦྷཱ་ཝ་ཏྠོ ཙེ་ཏྠ ཨཀཱ་རོ. ཝ་ད ཝི་ཡ་ཏྟི་ཡཾ ཝཱ་ཙཱ་ཡཾ, ཎྱོ, དྱསྶ ཛྫོ. ཀུ་ཙྪཱ ས་ཉྫཱ་ཏཱ ཨ་སྶ ཀུ་ཙྪི་ཏོ. ཨ་དྷོ་བྷཱ་གེ ཛཱ་ཏོ ཨ་དྷ་མོ, ཨོ་སྶ་ཏྟཾ. ཨུ་མ ནི་ནྡཱ་ཡཾ, ཀ་མྨེ ཨ, ས་ཀ་ཏྠེ ཀོ, ཨུ་སྶོ, ཨོ་མ་ཀོ. ག་ར་ཧི་ཏ་བྦོ་ཏི གཱ་ར་ཡ྄ཧོ, ག་ར་ཧ ནི་ནྡཱ་ཡཾ, ཎྱོ, ཝ་ཎྞ་ཝི་པ་རི་ཡ་ཡོ.
དྭ་ཡཾ མ་ལ་ཡུ་ཏྟེ. མ་ལ་ཡུ་ཏྟ་ཏཱ་ཡ མ་ལཱི་ནོ, ཨི་ནོ, དཱི་གྷོ. ཨ་སྶ་ཏྠྱ་ཏྠེ ཨཱི, མ་སཔ་ཙྩ་ཡེ མ་ལཱི་མ་སོ, ཀ་ཙྩ་རཾ, མ་ལ་དཱུ་སི་ཏ་མྤི, ཀུ་ཙྪི་ཏཾ ཙ་ར་ཏཱི་ཏི ཀ་ཙྩ་རཾ.
ཏི་པཱ་དཾ ཝི་པུ་ལེ. བྲ་ཧ ཝུ་དྡྷི་ཡཾ, རཱ་ཛཱ་དི, བྲ་ཧཱ. མ་ཧ པཱུ་ཛཱ་ཡཾ, ཨ་ནྟོ. པུ་ལ མ་ཧ་ཏྟེ, ཝི་པུ་ལཾ. ས་ལ ག་མ་ནེ, ཝི་སཱ་ལཾ, ཎོ. པ་ཐ ས་ངྑྱཱ་ནེ, ཨུ་ལོ, ཨ་སྶུ, པུ་ཐུ་ལཾ, ཨུམྷི པུ་ཐུ. ག་ར སེ་ཙ་ནེ, ཨུ, ག་རུ. ཨ་ར ག་མ་ནེ, ཨུ, ཨ་སྶུ, ཨུ་རུ. ཏ་ནུ ཝི་ཏྠཱ་རེ, ཏོ, ཨི་ཎྞཱདེ་སོ, ཏསྶ ཐོ, ཨ་སྶི, ཨ་ས་རཱུ་པ་དྭི་ཏྟཾ, ཝི་ཏྠི་ཎྞཾ.
ཝ་ཋ་རནྟཾ ཐཱུ་ལེ. པཱི ཏ་པྤ་ན་ཀ་ནྟཱི་སུ, ཨི་ནོ. ཐཱུ་ལ པ་རི་བྲཱུ་ཧ་ནེ, ཨ. པཱིདྷཱ་ཏུ་ཏོ ཨཱི་ཝ་རོ, པཱི་ཝ་རཾ. ལཔ་ཙྩ་ཡེ ཐུ་ལླཾ, ར་སྶཱ་དི. ཝ་ད ཝི་ཡ་ཏྟི་ཡཾ ཝཱ་ཙཱ་ཡཾ, ཝ་ད་ཏཱི་ཏི ཝ་ཋ་རཾ, ཨ་རོ, དསྶ ཋོ. ཐཱུ་ལ་མུ་པ་ཙི་ཏ་མཾ་ས་ཝི་པུ་ལཱ་ཡ་ཏ་མཾ་སཱ་དི.
དྭ་ཡཾ ས་ནྣི་ཙི་ཏེ. ཨཱ་ནིཔུ་བྦོ ཙི ཙ་ཡེ, ཀ་མྨེ ཏོ, ཨཱ་ཙི་ཏཾ, ནི་ཙི་ཏཉྩ.
༧༠༢. སི་ལོ་ཀོ ས་བྦ་སྨིཾ. ས་ར་ཏཱི་ཏི ས་བྦཾ, ཝོ, རསྶ ཙ ཝོ. སཾཔུ་བྦོ ཨ་སུ ཁེ་པ་ནེ, ཏོ, ས་མ་ཏྟཾ, ཨ་ཐ ཝཱ ས་མ ཏི་མ ཝེ་ཀ་ལླ་བྱེ, ཏོ, ས་མ་ཏྟཾ. ན ཁི་ཡ་ཏཱི་ཏི ཨ་ཁི་ལཾ, ལོ, ཨ་ཁི་ལཾ, ནི་ཁི་ལཉྩ ཏ་ཐཱ. ས་ཀ ས་ཏྟི་ཡཾ, ཨ་ལོ, ཀ་ལཱ་བྷི ཨ་ཝ་ཡ་ཝེ་ཧི ས་ཧ ཝ་ཏྟ་ཏེ་ཏི ཝཱ ས་ཀ་ལཾ. སེ་ས་ཏོ ཨ་ཝ་སི་ཊྛ་ཏོ ནི་གྒ་ཏཾ ནི་སྶེ་སཾ. ཀ་ས ག་མ་ནེ, ཨི་ནོ, ཎཏྟཾ, ཀ་སི་ཎཾ. ན སེ་སཾ ཨ་ཝ་སི་ཊྛཾ ཨ་སེ་སཾ. ཨ་གྒེ་ན སི་ཁ་རེ་ན ས་ངྒ་ཏཾ ས་མ་གྒཾ. ཀ་ཏེ ས་མཱ་སེ པུ་བྦ་ནི་པཱ་ཏོ ཨ་བྷི་དྷཱ་ནཱ. ཨཱུ་ན པ་རི་ཧཱ་ནེ, ན ཨཱུ་ནཾ ཨ་སྨིཾ ཨ་ནཱུ་ན་ཀཾ, ཀོ.
༧༠༣. བ་ཧུ་ལནྟཾ བ་ཧུ་ཏྟེ, བྷཱ་ཝེ་ཏི ཝ་ཌྜྷེ་ཏཱི་ཏི བྷཱུ་རི, བྷཱུ ས་ཏྟཱ་ཡཾ, རི, བྷཱུ་རི, དཱི་གྷཱ་དི, ར་སྶ་ནྟོ, ཨཱིམྷི བྷཱུ་རཱི, མེ་དྷཱ. པ་ཧུ ས་ཏྟི་ཡཾ, ཏོ, ཨུཀཱ་རཱ་ག་མོ, པཔུ་བྦོ ཧཱུ ས་ཏྟཱ་ཡཾ ཝཱ, ར་སྶོ. པ་ཙི ཝི་ཏྠཱ་རེ, ཨུ་རོ, པ་ཙུ་རཾ. བྷཱི བྷ་ཡེ, བྷཱ་ཡ་ཏི ཡ་སྨཱ་ཏི བྷི་ཡྻོ, དྭི་ཏྟཾ. ས་མྤ་ཧོ་ཏཱི་ཏི ས་མྤ་ཧུ་ལཾ, ལོ. བ་ཧ ཝུ་ཌྜྷི་ཡཾ, ཨུ, བ་ཧུ. ཡེ་བྷུ་ཡྻས་དྡོ བ་ཧུ་ལ་ཏྠ་ཝཱ་ཙ་ཀོ པཱ་ཊི་པ་དི་ཀོ. བ་ཧཱུ ཨ་ཏྠེ ལཱ་བྷཱི་ཏི བ་ཧུ་ལཾ.
དྭ་ཡཾ བ་ཧི་ག་ཏེ. བ་ཧི ཛཱ་ཏཾ བཱ་ཧི་རཾ, ཨི་ར་ཎ.
༧༠༤-༧༠༦. ཡེ་སཾ པ་ད་ཏྠཱ་ནཾ མ་ཏྟཾ པ་མཱ་ཎཾ ས་ཏཱ་དི་ཏོ པ་རཾ ཨ་དྷི་ཀཾ བྷ་ཝ་ཏི, ཏེ པ་རོ་ས་ཏཱ་དཱི. ཨཱ་དིནཱ པ་རོ་ས་ཧ་སྶཱ་དི. ས་ཏ་ཏོ པ་རོ པ་རོ་ས་ཏཾ. ས་ཧ་སྶ་ཏོ པ་རོ པ་རོ་ས་ཧ་སྶཾ, པ་ར་སྶ པུ་བྦ་ནི་པཱ་ཏོ ཨ་བྷི་དྷཱ་ནཱ པ་རས་དྡཱ ཨོཀཱ་རཱ་ག་མོ. པ་ཛྫཾ ཨ་པྤེ. པ་རི་ཏོ ཨ་ཏྟཾ ཁ་ཎྜི་ཏཾ པ་རི་ཏྟཾ. སུ་ཁ ཏ་ཀྲི་ཡཱ་ཡཾ, ཏ་ཀྲི་ཡཱ སུ་ཁ་ནཾ, ཨུ་མོ. སུ་ཙ སོ་ཙ་ནེ ཝཱ. ཁུ་ད པི་པཱ་སཱ་ཡཾ, དོ, ཁུ་དྡཾ. ཐུ་ཙ པ་སཱ་དེ, ཎོ. ཨ་ལ བྷཱུ་ས་ན་པ་རི་ཡ་ཏྟི་ནི་ཝཱ་ར་ཎེ་སུ, པོ, ལསྶ པོ, ཨ་པྤཾ. ཀི་ས ཏ་ནུ་ཀ་ར་ཎེ, ཎོ. ཏ་ནུ ཝི་ཏྠཱ་རེ. ཙི ཙ་ཡེ, ཨུ་ལོ, དྭི་ཏྟཾ, ཙུ་ལླཾ, ནཱི་ཙེ པ་ན ཙུ་ལློ. མཱ མཱ་ནེ, ཚ་དཱ་དཱི་ཧི ཏོ. ར་སྶཱ་དི, མ་ཏྟཱ, ཨི་ཏྠི་ཡཾ. ལི་ས ཨ་པྤཱི་བྷཱ་ཝེ, ཨ. ལཱུ ཚེ་ད་ནེ, ལུ་ཡ་ཏེ་ཏི ལ་ཝོ, ཨ. ཨ་ཎ ག་ཏྱ་ཏྠོ, ཨུ. ཀ་ཎ ས་དྡེ, ཨ, ཀ་ཎོ. ལ་ཝཱ་དཱི་ཧི ས་ཧ ཀ་ཎོ པུ་མེ, ཝུ་ཏྟ་ཉྩ ཨ་མ་ར་ཀོ་སེ ‘‘པུ་མེ ལ་ཝ་ལེ་ས་ཀ་ཎཱ་ཎ་ཝོ’’ཏི [ཨ་མ་ར ༢༡.༦༢].
ཉ་ཏྟནྟཾ ས་མཱི་པེ. ས་ངྒ་ཏཱ ཨཱ་པོ ཡ་སྨིཾ ས་མཱི་པཾ, ཨཱ་སྶཱི. པཱདི་ཏོ ཡ་དཱ་དི་ནཱ ཀ་ཊོ, ནི་ཀ་ཊོ, ན་ཏྠི ཀ་ཊོ ཨཱ་ཝ་ར་ཎཾ ཨེ་ཏ་སྶཱ་ཏི ཝཱ ནི་ཀ་ཊོ. ས་དསྨཱ ཏོ, ཨཱ་ས་ནྣོ. ཀ་ཎྛཾ ས་མཱི་པཾ ཨུ་པ་ག་ཏཾ ཨུ་པ་ཀ་ཊྛོ. ‘‘ཀ་ཎྛོ ག་ལེ ས་ནྣི་ཊྛཱ་ནེ, ས་དྡེ མ་ད་ན་པཱ་ད་པེ’’ཏི ཧི ནཱ་ན་ཏྠ་ས་ངྒ་ཧོ, ཨི་དྷ པ་ན ཀ་ཎྛསྶ ཀ་ཊྛཱདེ་སོ, ཎལོ་པོ ཝཱ. ཨ་བྷྱཱ་སཱི་ད་ཏཱི་ཏི ཨ་བྷྱཱ་སོ. ‘‘ཨ་བྷྱཱ་སོ ཏུ ས་མཱི་པ་མྷི, པུ་མཱ ཨ་བྷྱ་ས་ནེ་པི ཙེ’’ཏི [ཙི་ནྟཱ་མ་ཎི་ཊཱི་ཀཱ ༢༡.༦༧] ར་བྷ་སོ. ས་ཧ ཨ་ནྟེ་ན ས་ནྟི་ཀཾ, ས་ཀ་ཏྠེ ཨི་ཀོ. ཝི་དཱུ་ར་པ་ཊི་པ་ཀྑ་ཏྟཱ ཨ་ཝི་དཱུ་རཾ. ས་ངྒ་ཏཾ ཨ་ནྟཾ སཱ་མ་ནྟཾ, སས་དྡ་སྶ དཱི་གྷོ, ནི་གྒ་ཧཱི་ཏ་སྶ མོ, སཾ ནིཔུ་བྦོ་པི ཀ་ཊྛས་དྡོ ས་མཱི་པ་ཏྠོ་ཡེ་ཝཱ་ཏི ད་སྶ་ན་ཏྠཾ ཨུ་དཱ་ཧ་ཊཾ, ཀ་ས ཝི་ལེ་ཁ་ནེ ཝཱ, ཏོ, ས་ནྣི་ཀ་ཊྛཾ. ཨ་ནྟི་ཀ་བྷཱ་ཝཾ ཨུ་པ་ག་ཏཾ ཨུ་པ་ནྟི་ཀཾ. ས་ཧ ཀཱ་སེ་ན ཝ་ཏྟ་ཏེ ས་ཀཱ་སཾ, ཀཱ་ས དི་ཏྟི་ཡཾ. ཨ་ནྟ་ཡོ་གཱ ཨ་ནྟི་ཀཾ, ཨི་ཀོ. ཉཱ་ཡ་ཏེ་ཏི ཉ་ཏྟཾ, ཏོ, ས་ཀཱ་སས་དྡེ་ན ས་ནི་ཌ་ས་དེ་ས་ས་ཝི་དྷ་ས་མ་རི་ཡཱ་ད་ས་ཝེ་སཱ་པི ག་ཡ྄ཧ་ནྟི. ས་ཧ ནི་ཌེ་ན, ས་ཧ དེ་སེ་ན, ས་ཧ ཝི་དྷཱ་ཡ, ས་ཧ མ་རི་ཡཱ་དཱ་ཡ, ས་ཧ ཝེ་སེ་ན ཝ་ཏྟ་ཏེ་ཏི ཝི་གྒ་ཧོ, བྱུ་པྤ་ཏྟི་ནི་མི་ཏྟཾ, རཱུ་ལ༹ྷཱི་ས་དྡཱ པ་ན ཨེ་ཏེ.
དྭ་ཡཾ དཱུ་ར་མ་ཏྟེ. དུ་ཀྑེ་ན ཨ་ར་ཏི ཡཾ དཱུ་རཾ. ཝི་པཔུ་བྦོ ཀ་ཊྛས་དྡོ དཱུ་རེ, ས་ཀ་ཏྠེ ཀོ, ཝི་པྤ་ཀ་ཊྛ་ཀཾ.
༧༠༧. ཏི་ཀཾ གྷ་ནེ, ན་ཏྠི ཨ་ནྟ་རཾ ཚི་དྡཾ ཡ་སྶ. ཧ་ནཏི་སྨཱ ཨ, ཧསྶ གྷོ ཙ, གྷ་ནཾ. ས་མུ ཨུ་པ་ས་མེ, དོ, ས་ནྡཾ. པཱ་དོ ཝི་ར་ལེ༹. ཝི་ར་མ་ཏཱི་ཏི ཝི་ར་ལ༹ཾ, ཨ, ཝ་ཎྞ་ཝི་ཀཱ་རོ. པི་ཡོ ལ་ཝོ ཨ་པྤོ ཡ་སྨིཾ པེ་ལ་ཝཾ, པི་ཡསྶ པེ, པི་ལི ག་མ་ནེ ཝཱ, ཨ་ཝོ. ཏ་ནུ ཨ་པྤཱ་དཱི་སུ་པི.
དྭ་ཡཾ དཱི་གྷེ. ཡ་ཏ ཨཱ་ཡ་ཏ་ནེ, ཨཱ་ཡ་ཏཾ. ཨི ག་མ་ནེ ཝཱ, ཏོ, བྷཱུ་ཝཱ་དི, ཨི་སྶེ, ཨེ ཨ་ཡ, དཱི་གྷཱ་དི. དི ཁ་ཡེ, གྷོ, དཱི་གྷཱ་དི. ཏི་ཀཾ ཝ་ཊྚ་ལེ. ནི་གྒ་ཏཾ ཏ་ལཾ ཨ་སྨཱ་ཏི ནི་ཏྟ་ལཾ. ཝ་ཊྚ ཝ་ཊྚ་ནེ, ཝ་ཊྚཾ, ལ་ཏཱ་དི. ཨུ་ལཔ་ཙྩ་ཡེ ཝ་ཊྚུ་ལཾ.
༧༠༨. ཨུ་ཙྪི་ཏནྟཾ ཨུ་ནྣ་ཏེ. ཙི ཙ་ཡེ, ཨུ་ཙྩི་ནོ་ཏཱི་ཏི ཨུ་ཙྩོ, ཨ. ཨུ་ནྣ་མ་ཏཱི་ཏི ཨུ་ནྣ་ཏོ. ཏུ་ཛ ཧིཾ་སཱ་ཡཾ, ཕ་ལ་ནེ ཙ, ཨ, ཏུ་ངྒོ. ཨུ་གྒ་ཏཾ ཨ་གྒཾ ཨ་སྶ ཨུ་ད་གྒོ. ཨུ་དྡྷཾ སི་ཏོ ཨུ་ཙྪི་ཏོ, སི སེ་ཝཱ་ཡཾ, ཏོ, སསྶ ཚོ, ཨ་ས་རཱུ་པ་དྭི་ཏྟཾ, ཨུ་ཙྪི་ཏོ. པཾ་སུ་པི, པ་ཀ་ཊྛོ ཨཾ་སུ དི་ཏྟི ཡ་སྶ པཾ་སུ.
ཏི་ཀཾ ཝཱ་མ་ནེ. ཨུ་དྡྷཾ ན ཨ་ཉྩ་ཏཱི་ཏི ནཱི་ཙོ, ཨ་ཉྩ ག་མ་ནེ, ཎོ, ཨཀཱ་རཉཀཱ་རཱ་ནཾ ལོ་པོ, ནིས་དྡོ ཨ་ཏྲ ནི་སེ་དྷེ. ར་ས ས་དྡེ, སོ, ར་སྶོ. ཝཱ ག་མ་ནེ, མ་ནོ, ཝཱ་མ་ནོ.
ཏི་ཀཾ ཨུ་ཛུ་མྷི. ན ཛི་མྷཾ ཀུ་ཊི་ལཾ ཨ་ཛི་མྷཾ. ཏ་སྨིཾ ཨ་ཝ་ངྐ་ཏཱ་ཡ པ་ཀ་ཊྛོ གུ་ཎོ ཡ་སྶ པ་གུ་ཎོ. ཨ་ཛ ག་མ་ནེ, ཨུ, ཨ་སྶུ, ཨུ་ཛུ.
༧༠༩. ཚ་ཀྐཾ ཝ་ངྐེ. ཨ་ལདྷཱ་ཏུ་མྷཱ ཨ་རོ, ལ༹ཏྟཾ. ཝེ་ལ ག་མ་ནེ, ཏོ, དྭི་ཏྟཱ་དི, ཝི་རཱུ་པེ་ན ཨི་ལ་ཡ་ཏཱི་ཏི ཝཱ ཝེ་ལླི་ཏཾ, ཏོ, ཨི་ལ ག་མ་ནེ. ཝ་ངྐ ཀོ་ཊི་ལྱེ, ཨ. ཀུ་ཊ ཚེ་ད་ནེ, ཨི་ལོ, ཀུ་ཊ ཀོ་ཊི་ལྱེ ཝཱ. ཧཱ ཙཱ་གེ, ཀ་ཏྟ་རི མོ, དྭི་ཏྟཾ, ཝ་ཎྞ་ཝི་པ་རི་ཡ་ཡཱ་དི, ཛི་མྷཾ. ཀུ་ཉྩ ཀོ་ཊི་ལྱེ, ཏོ. ཝ་ཀྐ་མྤི, ཝ་ཀྐ ག་མ་ནེ.
པ་ཉྩ་ཀཾ དྷུ་ཝེ. དྷུ ག་ཏི་ཐེ་རི་ཡེ་སུ, ཨ, ཨུ་ཝཱདེ་སོ. ས་སྶ་ཏེ ནི་ཙྩེ བྷ་ཝོ ས་སྶ་ཏོ. ནི་ཙྩོ ཝུ་ཏྟོ [ཨ་བྷི་དྷཱ་ན་པྤ་དཱི་པི་ཀཱ་ཊཱི་ཀཱ]. ས་དཱ ཀཱ་ལེ བྷ་ཝོ ས་དཱ་ཏ་ནོ. ས་ནས་དྡོ ནི་ཙྩ་ཏྠོ ས་ཏྟ་མྱ་ནྟོ ནི་པཱ་ཏོ, ས་ནཾས་དྡོ ཝཱ [ཨ་བྷི་དྷཱ་ན་པྤ་དཱི་པི་ཀཱ་ཊཱི་ཀཱ], ཏ་ཏྲ བྷ་ཝོ ས་ན་ནྟ་ནོ, ཨུ་བྷ་ཡ་ཏྲཱ་པི བྷ་ཝ་ཏྠེ ཏ་ནོ, པུ་བྦེ ནི་གྒ་ཧཱི་ཏཱ་ག་མོ.
༧༡༠. ཨེ་ཀེ་ནེ་ཝ བྷཱ་ཝཱ་དི་རཱུ་པེ་ན ཀཱ་ལ་སྶ བྱཱ་པ་ཀོ ནི་བྦཱ་ནཱ་ཀཱ་སཱ་དི་ཀཱུ་ཊ་ཊྛོ་ཏི པ་ཀཱ་སི་ཏོ. མཱ་ཡཱ་ནི་ཙྩ་ལ་ཡ་ནྟཱ་དཱི་སུ ཀཱུ་ཊཾ ཝ་ཀྑ་ཏི [ཨ་བྷི་དྷཱ་ན་པྤ་དཱི་པི་ཀཱ་ཊཱི་ཀཱ]. ནི་ཙྩ་ལོ ཏི་ཊྛ་ཏཱི་ཏི ཀཱུ་ཊ་ཊྛོ, པ་བྦ་ཏོ, ཀཱུ་ཊ་ཊྛོ ཝི་ཡ ས་དཱ ཏི་ཊྛ་ཏཱི་ཏི ཀཱུ་ཊ་ཊྛོ.
དྭ་ཡཾ ལ་ཧུ་ཀེ. ལ་ངྒྷ ག་ཏི སོ་ས་ནེ་སུ, ཨུ, གྷསྶ ཧཏྟཾ, ནི་གྒ་ཧཱི་ཏ་ལོ་པོ, ལ་ཧུ, ལ་གྷུ་པི. སཾཔུ་བྦེ, ས་ཏྠི་ཀཀཔ་ཙྩ་ཡེ ཙ ས་ལླ་ཧུ་ཀཾ. ཏི་ཀཾ ས་ངྑྱཱ་ཏེ. ཁྱཱ ཀ་ཐ་ནེ. ག་ཎ ས་ངྑྱཱ་ནེ. མཱ པ་རི་མཱ་ཎེ, ས་བྦ་ཏྲ ཏོ.
༧༡༡. ཏི་ཀཾ ཏི་ཁི་ཎེ. ཏི་ཛ ནི་སཱ་ནེ, ཧོ, ཝ་ཎྞ་ཝི་ཀཱ་རོ, ཏི་ཎྷཾ. ཏི་ཛ ནི་སཱ་ནེ, ཨི་ནོ, ཛསྶ ཁོ, ཎཏྟཾ, ཏི་ཁི་ཎཾ. ཏི་ཛཏོ་ཡེ་ཝ ཝོ, ཛསྶ ཝོ, བཏྟཾ, ཏི་བྦཾ. ཏི་ཀཾ ཙ་ཎྜེ. ཙ་ཎྜ ཀོ་པེ, ཙ་ཎྜཾ. ཨུ་ཛྫ བ་ལ་པཱ་ལ་ནེ་སུ, ཨ, ཛྫསྶ གྒོ, ཨུ་གྒཾ. ཁ་ར ཝི་ནཱ་སེ, ཨ, ཁ་རཾ.
ཙ་ཏུ་ཀྐཾ ཛ་ངྒ་མེ. ག་མུ ག་མ་ནེ, དྭི་ཏྟཱ་དི, ཛ་ངྒ་མཾ. ཙ་ར ག་མ་ནེ, ཨ, ཙ་རཾ. ཏ་ས་ཏི ཙ་ལ་ཏཱི་ཏི ཏ་སཾ, ཏ་ས ཨུ་བྦེ་གེ, ཨུ་བྦེ་གོ བྷ་ཡཾ, ཙ་ལ་ན་ཉྩ. ཙ་རབྷི་སྨཱ ཙ་རོ, མ་ཛ྄ཛྷེ དཱི་གྷོ, ཙ་རཱ་ཙ་རཾ, ཨ་བྦྷཱ་ས་ནྟེ ཝཱ རཱ་ག་མོ, ཙ་རཱ་ཙ་རཾ, ས་བྦ་ཏྲ ཨཔ་ཙྩ་ཡོ. ཨི་ངྒ་མྤི, ཨི་ངྒ་ཏཱི་ཏི ཨི་ངྒོ, ཨི་ངྒ ག་མ་ནེ.
༧༡༢-༧༡༣. དྭ་ཡཾ ཙ་ལ་ན་མ་ཏྟེ. ཀ་མྤ ཙ་ལ་ནེ. ཙ་ལ ཀ་མྤ་ནེ, ས་བྦ་ཏྲ ཀ་ཏྟ་རི ཡུ.
དྭ་ཡཾ ཨ་དྷི་ཀེ. ཨ་ཏི་རི་ཙྩ་ཏཱི་ཏི ཨ་ཏི་རི་ཏྟོ, རི་ཙ ཝི་ཡོ་ཛ་ན་ས་མྤ་ཊི་ཙྪ་ན་ག་ཏཱི་སུ, ཏོ, བྷུ་ཛཱ་དི. ཨ་དྷི ཨེ་ཏི ག་ཙྪ་ཏཱི་ཏི ཨ་དྷི་ཀོ, ཨི ག་མ་ནེ, ཀོ.
ཛ་ངྒ་མཱ པཱ་ཎི་ཏོ ཨ་ཉྙོ ཐཱ་ཝ་རོ ནཱ་མ, ཏི་ཊྛ་ཏཱི་ཏི ཐཱ་ཝ་རོ, ཋཱ ག་ཏི་ནི་ཝ་ཏྟི་ཡཾ, ཝ་རོ, ཝ་ཎྞ་ཝི་ཀཱ་རོ, ཐཱ་ཝ་རོ, ཋཱ་ཝ་རོ་པཱི་ཏྱེ་ཀེ.
ཙ་ཏུ་ཀྐཾ ལོ་ལེ. ལོ་ལ ཨུ་མྨཱ་ད་ནེ. ཙ་ལ ཀ་མྤ་ནེ, དྭི་ཏྟཱ་དི, ཙ་ཉྩ་ལཾ. ཏ་ར པླ་ཝ་ན་ཏ་ར་ཎེ་སུ, ཏ་རཾ ལཱ་ཏཱི་ཏི ཏ་ར་ལཾ, ཨེ་ཏེ ཙ་ལ་ན་མ་ཏྟེ་པི.
ཙ་ཏུ་ཀྐཾ པུ་རཱ་ཎེ. པུ་རེ བྷ་ཝོ པུ་རཱ་ཎོ, ཡ་དཱ་དི་ནཱ ནཔ་ཙྩ་ཡོ, ཎཏྟཾ. པུ་རཱ བྷ་ཝོ པུ་རཱ་ཏ་ནོ, ཏ་ནཔ་ཙྩ་ཡོ. ས་ནཾས་དྡོ ཨི་ཧ ས་ཏྟ་མྱ་ནྟོ པུ་རཱ་ཎ་ཏྠེ ནི་པཱ་ཏོ. ཏ་ཏྲ བྷ་ཝོ ས་ན་ནྟ་ནོ, པུ་བྦེ ཝི་ཡ ས་ནཾས་དྡོ ཝཱ, ཏ་ཏྲཱ་པི པུ་བྦེ ཝི་ཡ ནི་གྒ་ཧཱི་ཏཱ་ག་མོ. ཙི་རཾས་དྡོ ནི་པཱ་ཏོ ས་ཏྟ་མྱ་ནྟོ པུ་རཱ་ཎ་ཏྠོ ཨི་ཧ ག་ཡ྄ཧ་ཏེ, ཏ་ཏྲ བྷ་ཝོ ཙི་ར་ནྟ་ནོ. ནི་གྒ་ཧཱི་ཏ་ལོ་པོ ཙི་ར་ཀཱ་ལཱདཱི་སུ.
ཙ་ཏུ་ཀྐཾ ཨ་བྷི་ན་ཝེ. པ་ཏི་ཏོ ཨ་གྒོ ཡ་སྶ པ་ཙྩ་གྒྷོ, གསྶ གྷོ, བ་ཧུ་ཀོ ཝཱ ཨ་གྒྷོ ཡ་སྶ པ་ཙྩ་གྒྷོ, ཨ་ནེ་ཀ་ཏྠ་ཏྟཱ ཧི ཨུ་པ་ས་གྒ་ནི་པཱ་ཏཱ་ནཾ བ་ཧུ་ཀ་ཏྠོ ཨེ་ཏྠ པ་ཏིས་དྡོ. ན་ཝས་དྡཱ་ས་ཀ་ཏྠེ ཏ་ནོ, ན་ཝསྶ ནུབྷཱ་ཝོ ཙ. ན་ཝོ ཨེ་ཝ ཨ་བྷི་ན་ཝོ, ནུ ཐུ་ཏི་ཡཾ, ཨ, ན་ཝོ.
༧༡༤-༧༡༥. པ་ཉྩ་ཀཾ ཀ་ཀྑ་ལེ༹. ཀ་ནྟ་ཏཱི་ཏི ཀུ་རཱུ་རཾ, ཨཱུ་རོ, ཀ་ནྟསྶ ཙ ཀུ་རཱདེ་སོ, ཀ་ར ཧིཾ་སཱ་ཡཾ ཝཱ, ཨཱུ་རོ, ཨ་སྶུ. ཀ་ཋ ཀི་ཙྪ་ཛཱི་ཝ་ནེ, མུ་དྡྷ་ཛ་དུ་ཏི་ཡ་ནྟོ དྷཱ་ཏུ, ཨི་ནོ, ཝ་ཎྞ་ཝི་པ་རི་ཡ་ཡེ ཀ་ཐི་ན་ནྟི་པི. ད་ལ ཝི་དཱ་ར་ཎེ, ཧོ, ལ༹་ཏྟཾ, བ་ཧ ཝུ་དྡྷི་མྷི ཝཱ, བསྶ དོ, ལ༹་ནྟོ ཙ, ད་ལ༹ྷཾ ད་ཧ བྷ་སྨཱི་ཀ་ར་ཎེ ཝཱ, ཨ, ལ༹་ནྟོ ཙ. ནི་ཊྛཱ་ཏཱི་ཏི ནི་ཊྛུ་རཾ, ཋཱ ག་ཏི་ནི་ཝ་ཏྟི་ཡཾ, ཨུ་རོ. ཀ་ཀྑ ཧ་ས་ནེ, ཨ་ལོ, ལ༹་ཏྟཾ. ཀ་ཋོ་རཾ, ཛ་ར་ཋཾ, མུ་ཏྟི་མཾ, མུ་ཏྟ་མྤི, ཀ་ཋ ཀི་ཙྪ་ཛཱི་ཝ་ནེ, ཨོ་རོ. ཛ་ར ཛཱི་ར་ཎེ, བྷཱུ་ཝཱ་དི, ཋོ. མུ་ཏྟི ཀ་ཐི་ནྱཾ, ཏཾ་ཡོ་གཱ མུ་ཏྟི་མཾ. ཨཔ་ཙྩ་ཡེ མུ་ཏྟཾ.
ས་ཏྟ་ཀཾ ཨ་ནྟེ. ཨ་མ ག་མ་ནེ, ཏོ, ཨ་ནྟོ, ཨ་ནི་ཏྠཱི. པ་རིཔུ་བྦོ པ་རི་ཡ་ནྟོ. པཔུ་བྦོ པ་ནྟོ. པ་ཙྪཱ བྷ་ཝོ པ་ཙྪི་མོ. ཨ་ནྟེ བྷ་ཝོ ཨ་ནྟི་མོ, ཨི་མོ. ཛ་གྷ་ནེ སཱ་དྷུ ཛི་གྷ་ཉྙཾ, ཡོ, ཨ་སྶི. ཙ་རཏི་སྨཱ ཨི་མོ. ཙ་རི་མཾ, ཙ་རས་དྡཱ ཝཱ ཨི་མོ.
ཙ་ཏུ་ཀྐཾ པ་ཋ་མེ. པུ་བྦ པཱུ་ར་ཎེ, ཨ. ཨ་གྒཾ སེ་ཊྛེ་པི ཝུ་ཏྟཾ. པ་ཋ ཝི་ཡ་ཏྟི་ཡཾ ཝཱ་ཙཱ་ཡཾ, ཨ་མོ, པ་ཐ ས་ངྑྱཱ་ནེ ཝཱ, ཨ་མོ, ཝ་ཎྞ་ཝི་ཀཱ་རོ, པ་ཋ་མཾ, པ་ཐ་མ་ནྟི་པི. ཨཱ་དཱི་ཡ་ཏེ པ་ཋ་མཾ ག་ཎྷཱི་ཡ་ཏེ་ཏི ཨཱ་དི, ཨི, པུ་མེ, སོས་དྡོ ཨཱ་དིསྶ པུ་ལླི་ངྒ་ཏྟ་ཛོ་ཏ་ཀོ, པུ་རི་མཾ, པུ་ར་ཏྠཱ་པི, བྷ་ཝ་ཏྠེ ཨི་མ་ཏྠཱ.
དྭ་ཡཾ ཨ་ནུ་ཙྪ་ཝི་ཀེ. པ་ཊི་གྒ་ཧི་ཏོ རཱུ་པོ པ་ཏི་རཱུ་པོ. ཚ་ཝི་ཡཱ ཨ་ནུ་རཱུ་པཾ ཨ་ནུ་ཙྪ་ཝི་ཀཾ, ས་ཀ་ཏྠེ ཀོ.
དྭ་ཡཾ ནི་ར་ཏྠ་ཀེ. མཱུ་ཧ ཝེ་ཙི་ཏྟེ, ཨ, ཧསྶ གྷོ. ན་ཏྠི ཨ་ཏྠོ ཡ་སྶ, ས་ཀ་ཏྠེ ཀོ.
༧༡༦. དྭ་ཡཾ པཱ་ཀ་ཊེ. ཝི་སི་ཊྛོ ཨ་ཏྟཱ ཡ་སྶ བྱ་ཏྟཾ. པུ་ཊ པ་ཀཱ་ས་ནེ, པུ་ཊ ཝི་ཀཱ་ས་ནེ ཝཱ.
ཏི་ཀཾ མུ་དུ་མྷི. མུ་ད མོ་ད་ནེ, ཨུ, མུ་ད སཾ་ས་གྒེ ཝཱ. སོ་བྷ་ནཾ ཀུ་མཱ་རཾ ཀ་ནྟི ཡ་སྶ. ཀུ ས་དྡེ, ཨ་ལོ, མ་ནྟོ ཙ.
དྭ་ཡཾ ཨི་ནྡྲི་ཡ་གྒ་ཡ྄ཧེ. ཨ་ཀྑཾ ཨི་ནྡྲི་ཡཾ པ་ཏི་ག་ཏཾ ནི་སྶི་ཏཾ, ཨ་ཀྑེ་ན ཝཱ པ་ཏི་ག་ཏཾ པ་ཙྩ་ཀྑཾ, ཀ་ཏེ ས་མཱ་སེ པ་ཏིས་དྡ་སྶ པུ་བྦ་ནི་པཱ་ཏོ ཨ་བྷི་དྷཱ་ན་ཏོ. ཨི་ནྡྲི་ཡཾ ཙ་ཀྑཱ་དི་ཀཾ, ཏེ་ན ག་ཡ྄ཧཾ ཨི་ནྡྲི་ཡ་གྒ་ཡ྄ཧཾ.
དྭ་ཡཾ ཨ་པ་ཙྩ་ཀྑེ. པ་ཙྩ་ཀྑ་ཝི་པ་རཱི་ཏཾ ཨ་པ་ཙྩ་ཀྑཾ, པ་ར་མཱ་ཎྭཱ་དི. ཨི་ནྡྲི་ཡཾ ཨ་ཏི་ཀྐ་ནྟཾ ཨ་ཏི་ནྡྲི་ཡཾ.
༧༡༧. ཙ་ཏུ་ཀྐཾ ཨ་ཉྙ་ཏྠེ. ཨི་ཏ་རས་དྡོ པཱ་ཊི་པ་དི་ཀོ ཨ་ཉྙ་ཏྠ་ཝཱ་ཙ་ཀོ, ཨི་དཾས་དྡཱ ཝཱ ཏ་རོ ཨ་ཉྙ་ཏྠེ, དཾལོ་པོ ཙ. ཨ་ཉྙས་དྡཱ ས་ཀ་ཏྠེ ཏ་རོ. ཨེ་ཀོ སེ་ཊྛེ་པི ཝུ་ཏྟོ. ཨ་ཉྙས་དྡོ པཱ་ཊི་པ་དི་ཀོ བྷི་ནྣ་ཏྠོ, ན ཉཱ་ཡ་ཏེ་ཏི ཝཱ ཨ་ཉྙོ.
ཏི་ཀཾ ནཱ་ན་པྤ་ཀཱ་རེ. བ་ཧ་ཝོ ཝི་དྷཱ པ་ཀཱ་རཱ ཨ་སྶ བ་ཧུ་ཝི་དྷོ. ཝི་ཙི་ཏྟཱ ཝི་དྷཱ ཡ་སྶ ཝི་ཝི་དྷོ.
དྭ་ཡཾ ཨ་ནི་ཝཱ་རི་ཏེ. ན་ཏྠི བཱ་དྷོ ནི་སེ་དྷོ ཡ་སྶ ཨ་བཱ་དྷཾ. ན་ཏྠི ཨ་གྒ་ལ༹ཾ ཨ་སྶ.
༧༡༨. ཙ་ཏུ་ཀྐཾ ཨ་ས་ཧཱ་ཡེ. ཨ་ས་ཧཱ་ཡ་ཏྠེ ཨེ་ཀཏོ ཨཱ་ཀཱི, ཙྩོ, ཀོ ཙ, ཨེ་ཀཱ་ཀཱི, ཨེ་ཀ་ཙྩོ. ཨ་ཉྙ་ཏྠེ་པི ཨེ་ཀ་ཀོ ཝུ་ཏྟོ. ས་མཱ ཏུ་ལྱ་ཏྠཱ.
ཨ་ནེ་ཀ་ས་མྦ་ནྡྷི་ནི སཱ་དྷཱ་ར་ཎཱདི་དྭ་ཡཾ. ས་ཧ ཨཱ་དྷཱ་ར་ཎེ་ན ཝ་ཏྟ་ཏཱི་ཏི སཱ་དྷཱ་ར་ཎཾ, ཡ་དཱ་དི, ཐི་ཡཾ སཱ་དྷཱ་ར་ཎཱི, སཱ་དྷཱ་ར་ཎཱ ཙ. ས་མཱ་ན་མེ་ཝ སཱ་མ་ཉྙཾ, ཡོ, སཱ་མ་ཉྙཱ ཨི་ཏྠི་ཡཾ.
དྭ་ཡཾ ཨ་པྤཱ་ཝ་ཀཱ་སེ. ས་མྦཱ་དྷ་ཏེ ཨ་སྨིཾ, རོ. སཾས་དྡཱ ཀ་ཊོ, ཡ་དཱ་དི, ས་ངྐ་ཊཾ, ས་ཧ ཨཱ་ཝ་ར་ཎེ་ན ཝ་ཏྟ་ཏཱི་ཏི ཝཱ ས་ངྐ་ཊཾ, ས་ཧ་ཏྠོ སཾས་དྡོ.
༧༡༩. ཝཱ་མཾ ཀ་ལེ༹་ཝ་རཾ ཝཱ་མ་ཀཱ་ཡོ ས་བྱཾ ནཱ་མ. ‘‘ས་བྱཾ ཝཱ་མེ ཙ ད་ཀྑི་ཎེ’’ཏི [ཙི་ནྟཱ་མ་ཎི་ཊཱི་ཀཱ ༢༡.༨༤] ཧི ཨ་ཛ་ཡོ, ས་ཝ ག་ཏི་ཡཾ, ཡོ. ད་ཀྑི་ཎཾ ཀ་ལེ༹་ཝ་རཾ ཨ་པ་ས་བྱཾ, ས་བྱ་ཏོ ཨ་པ་ག་ཏཾ ཨ་པ་ས་བྱཾ.
དྭ་ཡཾ ཝི་པ་རཱི་ཏེ. པ་ཊི་ཀཱུ་ལ་ཏི ཨཱ་ཝ་ར་ཏཱི་ཏི པ་ཊི་ཀཱུ་ལཾ, ཀཱུ་ལ ཨཱ་ཝ་ར་ཎེ. ཨ་པ་ས་བྱཾ ད་ཀྑི་ཎེ་པི ཝུ་ཏྟཾ.
དུ་ར་དྷི་ག་མ་ནྟོ པ་ཐཾ ག་ཧ་ནཾ, ཡ་ཐཱ – ག་ཧ་ན་མེ་ཏཾ ས་ཏྠཾ, དུ་བྦི་ཝེ་ཀ་མི་ཙྩ་ཏྠོ. ག་ཙྪ་ནྟཾ ཧ་ནྟཱི་ཏི ག་ཧ་ནཾ, ག་ཧ་ཎ་མྤི, ཡ་དཱ་དི. ཀ་ལ ག་མ་ནེ, ཨི་ལོ, ཀ་ལིཾ ལཱ་ཏཱི་ཏི ཝཱ ཀ་ལི་ལཾ.
༧༢༠-༧༢༡. དྭ་ཡཾ བ་ཧུ་པྤ་ཀཱ་རེ. ཨུ་ཙྩ་ཉྩ ཏཾ ཨ་ཝ་ཙ་ཉྩེ་ཏི ཨུ་ཙྩཱ་ཝ་ཙཾ, ཀ་མྨ་དྷཱ་ར་ཡོ. བ་ཧ་ཝོ བྷེ་དཱ ཨ་སྶ.
ཏི་ཀཾ ཛ་ནཱ་དི་ནི་ར་ནྟ་ར་ག་ཏེ. ས་ངྐ ས་ངྐཱ་ཡཾ, ཏོ. ཀི་ར པ་ཀྑེ་པ་ཝི་ཀྑི་པ་ནེ་སུ, ཏོ, ཨི་ཎྞཱདེ་སོ. ས་ངྐ ས་ངྐཱ་ཡཾ, ཨུ་ལོ, ས་ངྐུ་ལཾ, སཾཔུ་བྦོ ཀུ་ལ ས་ནྟཱ་ནེ ཝཱ, རོ.
སི་ལོ་ཀོ ཚེ་ཀེ. ཀ་ཏོ ཨ་བྷྱཱ་སི་ཏོ ཧ་ཏྠོ པ་ད་ཏྠོ ཡེ་ན ཀ་ཏ་ཧ་ཏྠོ. ཀུ་ས སི་ལེ་ས་ནེ, ཨ་ལོ. པ་ཀ་ཊྛཱ ཝཱི་ཎཱ ཨ་སྶ. ཨ་བྷི་ཛཱ་ནཱ་ཏི ཨ་བྷི་ཉྙོ. སི་ཀྑ ཝི་ཛྫོ་པཱ་དཱ་ནེ, ཏོ. པུ་ཎ ཀ་མྨ་ནི སུ་བྷེ, རོ. པ་ཊ ག་མ་ནེ, ཨུ. ཚི་དི དྭི་དྷཱ་ཀ་ར་ཎེ, ཀ་ཏྟ་རི ཨ, དསྶ ཀོ. ཙ་ཏ ཡཱ་ཙ་ནེ, ཨུ་རོ. ད་ལ དི་ཏྟི་ཡཾ, ཁོ, ལསྶ ཀོ, ད་ཀྑ ཝུ་ཌྜྷི་ཡཾ ཝཱ, ཨ, ད་ཀྑ ཝུ་ཌྜྷི་ཧིཾ་སཱ་ག་ཏི་སཱི་གྷེ་སུ ཝཱ. པི་ས ཧིཾ་སཱ་བ་ལ་དཱ་ན་ནི་ཀེ་ཏ་ནེ་སུ, ཨ་ལོ, པེ་ས་ལོ. ཀ་ཏ་མུ་ཁོ, ཀ་ཏཱི་པི, ཀ་ཏས་དྡོ ཨ་བྷྱཱ་སི་ཏ་ཏྠོ, ཀ་ཏཾ ཨ་བྱཱ་སི་ཏཾ མུ་ཁཾ ཨུ་པཱ་ཡོ ཨ་ནེ་ནཱ་ཏི ཀ་ཏ་མུ་ཁོ. ཀ་ཏཾ ཨ་སྶ་ཏྠཱི་ཏི ཀ་ཏཱི.
ས་ཏྟ་ཀཾ བཱ་ལེ. བ་ལ པཱ་ཎ་ནེ, བ་ལ་ཏཱི་ཏི བཱ་ལོ, ཨ་སྶཱ་སི་ཏ་པ་སྶཱ་སི་ཏ་མ་ཏྟེ་ན ཛཱི་ཝ་ཏི, ན པ་ཉྙཱ་ཛཱི་ཝི་ཏེ་ནཱ་ཏྱ་ཏྠོ. དཱ ཀུ་ཙྪཱ་ཡཾ ག་ཏི་ཡཾ ཝཱ, ཏུ, དྭི་ཏྟཾ, ར་སྶཱ་དི. ཛ་ལ དྷ་ཉྙེ, ཨ, ལ༹་ཏྟཾ. མཱུ་ཧ ཝེ་ཙི་ཏྟེ, ལོ, ཝ་ཎྞ་ཝི་པ་རི་ཡ་ཡོ, མཱུ་ལ༹ྷོ. མ་ནྡ ཛ་ལ༹་ཏྟེ. བཱ་ལྱ་ཡོ་གཱ བཱ་ལི་སོ, ཨི་སོ. ཨ་ཉྙོ, ཡ་ཐཱ་ཛཱ་ཏོ་པི, ན ཛཱ་ནཱ་ཏཱི་ཏི ཨ་ཉྙོ. ཡཱ་དི་སོ ཛཱ་ཏོ ཝི་ཝེ་ཀོ ཡ་ཐཱ་ཛཱ་ཏོ.
༧༢༢. ཏི་ཀཾ བྷཱ་གྱ་ས་མྤ་ནྣེ. པུ་ཉྙཾ, སུ་ཀ་ཏ་ཉྩ ཡ་སྨིཾ ཨ་ཏྠི པུ་ཉྙ་ཝཱ, སུ་ཀ་ཏཱི, ཝ་ནྟུ, ཨཱི ཙ. དྷ་ནཾ ག་ཧ་ཎཾ ལ་དྡྷོ་ཏི དྷ་ཉྙོ, ཡོ. དྭ་ཡཾ མ་ཧཱ་ཝཱི་རི་ཡེ. མ་ཧཱ་དྷི་ཏི མ་ཧཱ་ཝཱི་རི་ཡོ. དྭ་ཡཾ མ་ཧི་ཙྪེ. མ་ཧཱ་ས་ཡོ་པི.
དྭ་ཡཾ བ་ཧུ་ལ་ཧ་ད་ཡེ, པ་ས་ཏྠ་ཧ་ད་ཡེ ཙ. ཧ་ད་ཡཾ བ་ཧུ་ལཾ, པ་ས་ཏྠ་ཉྩ ཡ་སྶ ཧ་ད་ཡཱི, ཧ་ད་ཡཱ་ལུ ཙ, ཏ་བྦ་ཧུ་ལེ ཨཱི, ཨཱ་ལུ ཙ, སུ་ཧ་ད་ཡོ་པི.
༧༢༣. དྭ་ཡཾ ཧ་ཊྛ་ཙི་ཏྟེ. ‘‘ཧཱ་ས་མ་ནོ ཝི་ཀུ་བྦཱ་ནོ, པ་མཱ་ནོ ཧ་ཊྛ་མཱ་ན་སོ’’ཏི [ཨ་མ་ར ༢༡.༧] ཨ་མ་ར་སཱི་ཧོ. དྭ་ཡཾ དུ་མྨ་ནེ. དུ་ཊྛཾ, དུ་ཀྑི་ཏཾ ཝཱ མ་ནོ ཡ་སྶ. ཝི་རཱུ་པཾ མ་ནོ ཡ་སྶ. ཨ་ནྟ་མ་ནོ་པི.
ཙ་ཏུ་ཀྐཾ བ་ཧུ་པྤ་དེ. ཡཱ་ཙ་ཀཱ་ནཾ ཝ་དཾ ཝ་ཙ་ནཾ ཛཱ་ནཱ་ཏཱི་ཏི ཝ་དཱ་ནི་ཡོ, ཝ་ད་ཉྙཱུ ཙ, ཨི་ཡོ, རཱུ ཙ, པུ་བྦ་ཏྲ་ཉྙ་སྶ ནཱ་དེསོ, མ་ཛ྄ཛྷ་དཱི་གྷོ ཙ. དཱ་ནེ སོ་ཎྜོ པ་སུ་ཏོ. སོ་ཎྜས་དྡོ་ཏྲ མ་ཛྫ་མ་དེ་ཏྱེ་ཀེ, ཐཱུ་ལ་ལ་ཀྑོ་པྱ་ཏྲ, དཱ་ན་ཏྠཾ ཐཱུ་ལཾ ལ་ཀྑཾ ཨ་སྶ.
༧༢༤. སི་ལོ་ཀོ པཱ་ཀ་ཊ་མ་ཏྟེ. ཁྱཱ པ་ཀཱ་ས་ནེ, ཏོ. པ་ཏིཔུ་བྦོ ཨི ག་མ་ནེ, ཏོ. ཨ་བྷི་མུ་ཁཾ ཨེ་ཏཱི་ཏི པ་ཏཱི་ཏོ. ཉཱ ཨ་ཝ་བོ་དྷ་ནེ, ཏོ, པ་ཉྙཱ་ཏོ, ཨ་བྷི་ཉྙཱ་ཏོ ཙ. པ་ཐ ཁྱཱ་ནེ. སུ ག་ཏི་བུ་དྡྷཱི་སུ, ཏོ, སུ་ཏོ, ཝི་སྶུ་ཏོ ཙ, སུ ས་ཝ་ནེ ཝཱ, ཀ་མྨེ ཏོ. ཝི་ད ཉཱ་ཎེ, ཝི་དི་ཏོ. སི་དྷུ སཾ་རཱ་དྷེ, ཏོ, སི་དྷ སཾ་སི་དྡྷི་ཡཾ ཝཱ. ཀ་ཊ ག་ཏི་ཡཾ, ད་སྶ་ནཾ ཀ་ཊ་ཏཱི་ཏི པཱ་ཀ་ཊོ, ཨུ་པ་ས་གྒ་སྶ དཱི་གྷོ.
༧༢༥. ཏི་པཱ་དཾ ཨི་སྶ་རེ. ཨཱི་ས ཨི་སྶ་རི་ཡེ, ཨཱི་ས་ཏཱི་ཏི ཨི་སྶ་རོ, ཨ་རོ, ར་སྶཱ་དི, དྭི་ཏྟཾ. ནཱི ན་ཡེ, ཎྭུ, ནཱ་ཡ་ཀོ. སཾ དྷ་ནཾ ཨ་སྶ་ཏྠཱི་ཏི སཱ་མཱི, དཱི་གྷཱ་དི, ར་སྶ་ནྟེ སཱ་མི་པི. པཱ ར་ཀྑ་ཎེ,ཏི, ར་སྶཱ་དི, པ་ཏི. ཨ་དྷིཔུ་བྦེ ཨ་དྷི་པ་ཏི. ཨཱི་ས ཨི་སྶ་རི་ཡེ, ཨ, ཨཱི་སོ. པ་བྷ་ཝ་ཏཱི་ཏི པ་བྷུ, ཨུ, པ་བྷཱུ་པི. ཨ་ཡ ག་མ་ནེ, ཡོ, ཨ་ཡྻོ. ཨ་དྷི་པཱ་ཏཱི་ཏི ཨ་དྷི་པོ, རོ. ཨ་དྷི་བྷ་ཝ་ཏཱི་ཏི ཨ་དྷི་བྷཱུ, ཀྭི. ནཱི ན་ཡེ, རི་ཏུ, ནེ་ཏཱ.
ཏི་ཀཾ བ་ཧུ་དྷ་ནེ. ཨི་བྷཾ ཨ་ར་ཧ་ཏཱི་ཏི ཨི་བྦྷོ, ཝོ, ཝ་ཎྞ་ཝི་པ་རི་ཡ་ཡོ. ཛྷེ ཙི་ནྟཱ་ཡཾ, ཨ, ཨ་ཛ྄ཛྷཱ་ཡ་ཏི དྷ་ནཾ ཨ་ཌྜྷོ, ཛྷ་སྶ ཌྷོ, ཨ་ས་རཱུ་པ་དྭི་ཏྟཾ, ར་སྶཱ་དི ཙ. དྷ་ནཱ ཨ་ཏི་ས་ཡེ ཨཱི, དྷ་ནཱི.
༧༢༦. དྭ་ཡཾ ད་ཀྑི་ཎེ་ཡྻེ. དཱ་ནཾ པ་ཊི་གྒ་ཎྷི་ཏུཾ ཨ་ར་ཧ་ཏཱི་ཏི དཱ་ནཱ་ར་ཧོ, ད་ཀྑ ཝུ་དྡྷི་ཡཾ, སཱི་གྷ་ཏྠེ ཙ, ད་ཀྑ་ནྟི བྷོ་ག་ས་མྤ་དཱ་དཱི་ཧི ཡཱ་ཡ, སཱ ད་ཀྑི་ཎཱ, ཨི་ཎོ, ཏཾ ཨ་ར་ཧ་ཏཱི་ཏི ད་ཀྑི་ཎེ་ཡྻོ.
དྭ་ཡཾ སྣེ་ཧ་ཝ་ཏི. སི་ནི་ཧ པཱི་ཏི་ཡཾ, དྷོ, ཧསྶ དོ, སི་ནི་དྡྷོ, ཝ་ཙྪོ སི་ནེ་ཧོ ཡ་སྶ་ཏྠི ཝ་ཙྪ་ལོ, ལོ.
པ་མཱ་ཎི་ཀོ པ་རི་ཀྑ་ཀོ, པ་རི་ཀྑ་ཏེ ཨ་ཝ་དྷཱ་ར་ཡ་ཏེ པ་མཱ་ཎེ་ཧི ཨ་ཏྠ་ནྟི པ་རི་ཀྑ་ཀོ, ཨི་ཀྑ ད་སྶ་ན་ངྐེ་སུ, ཎྭུ. ཀཱ་ར་ཎཾ ཛཱ་ནཱ་ཏཱི་ཏི ཀཱ་ར་ཎི་ཀོ, ཨི་ཀོ.
དྭ་ཡཾ ཨཱ་ས་ཏྟེ. ས་ནྫ ས་ངྒེ, ཏོ. ཏཾ ཏཾ ཝ་ཏྠུ པ་རཾ པ་དྷཱ་ནཾ ཨ་སྶ ཏ་པྤ་རོ.
༧༢༧. ཏི་ཀཾ ཀཱ་རུ་ཎི་ཀེ. ཀ་རུ་ཎཱ སཱི་ལཾ ཨ་སྶ ཀཱ་རུ་ཎི་ཀོ. ད་ཡཱ ཀ་རུ་ཎཱ ཡ་སྶ་ཏྠི ད་ཡཱ་ལུ, ཨཱ་ལུ. དུ་ཀྑི་ཏེ་སུ སུ་ཊྛུ ར་མ་ཏཱི་ཏི སཱུ་ར་ཏོ, ཨུ་པ་ས་གྒ་སྶ དཱི་གྷ་ཏཱ.
ཨི་ཊྛ་ཏྠེ ཨ་བྷི་མ་ཏ་པྤ་ཡོ་ཛ་ནེ ཨུ་ཡྻུ་ཏོ པུ་གྒ་ལོ ཨུ་སྶུ་ཀོ ནཱ་མ, ཨུ་ཊྛཱ་ནཾ སུ་ཊྛུ ཀཱ་ཡ་ཏཱི་ཏི ཨུ་སྶུ་ཀོ, ཧ་སཱ་དྱ་ནུ་ཊྛེ་ཡཾ.
ཡོ ཨཱ་ལ་སྱཱ་ཝ་སཱ་དཱི་ཧི ཨ་ནུ་ཏི་ཊྛ་ཏི, སོ དཱི་གྷ་སུ་ཏྟོ, དཱི་གྷ་ཉྩ ཏཾ སུ་ཏྟ་ཉྩ, ཏ་མི་ཝ ཙ་ར་ཏཱི་ཏི དཱི་གྷ་སུ་ཏྟཾ, དཱི་གྷ་སུ་ཏྟ་པ་རི་ཡ་ནྟི་ཀཾ ཀཱ་རི་ཡཾ ཀ་རོ་ཏཱི་ཏི དཱི་གྷ་སུ་ཏྟོ. ཙི་རེ་ན ཀྲི་ཡཱ་ནུ་ཊྛཱ་ནཾ ཨ་སྶ.
༧༢༨. དྭ་ཡཾ པ་རཱ་ཡ་ཏྟེ, པ་ར་སྨིཾ, པ་རེ་ན ཝཱ ཨ་དྷཱི་ནོ པ་རཱ་དྷཱི་ནོ, ཨ་ཛྷ་ནྟཱ ས་ཀ་ཏྠེ ཨི་ནོ ཡ་དཱ་དི་ནཱ. པ་ར་ཏ་ནྟོ, པ་ར་ཝཱ, ཨ་ཏྟ་ཝཱ་པི [ནཱ་ཐ་ཝཱ (ཨ་མ་ར ༢༡.༢༦], ཏ་ནྟ་ཡ་ཏཱི་ཏི ཏ་ནྟོ, ཏ་ནྟ ཀུ་ཊུ་མྦ་དྷཱ་ར་ཎེ, ཨ, པ་རོ ཏ་ནྟོ ནི་ཡཱ་མ་ཀོ ཡ་སྶ. པ་རོ སེ་ཊྛོ ནཱ་ཡ་ཀོ, ཨ་ཏྟཱ ཙ ཨ་ཏྠཱི་ཏི པ་ར་ཝཱ, ཨ་ཏྟ་ཝཱ ཙ, ཝ་ནྟུ.
ཨཱ་ཡ་ཏྟ་ཏཱ་མ་ཏྟེ ཙ་ཏུ་ཀྐཾ. ཡ་ཏ པ་ཡ་ཏ་ནེ, ཨཱཔུ་བྦོ ཨ་ཝ་སཱི་བྷཱ་ཝེ, ཏོ. ཨ་ནྟེ་ན ས་མཱི་པེ་ན ས་ཧཱ་ཏི ས་ནྟ་ཀོ, ས་ཀ་ཏྠེ ཀོ. པ་རི་གྒ་ཡ྄ཧ་ཏེ ‘‘ས་ཀ’’ནྟི ཀ་རཱི་ཡ་ཏེ་ཏི པ་རི་གྒ་ཧོ. ཨ་དྷི་ག་ཏོ ཨི་ནོ པ་བྷཱུ ཡེ་ནཱ་ཏི ཨ་དྷཱི་ནོ.
སེ་ན ཨ་ཏྟ་ནཱ ཨཱི་རི་ཏཾ སཱི་ལཾ ཨ་སྶཱ་ཏི སེ་རཱི, ཏ་སྨིཾ སེ་རི་ནི ཙ ས་ཙྪ་ནྡོ ཝ་ཏྟ་ཏི, ས་སྶ ཨ་ཏྟ་ནོ ཚ་ནྡོ ཡ་སྶ་ཏྠཱི་ཏི ས་ཙྪ་ནྡོ, ཨ. ས་ཝ་སོ, ས་ཡཾ་ཝ་སཱི, ནི་ར་ཝ་གྒ་ཧོ་པི.
༧༢༩. གུ་ཎ་དོ་སེ ཨ་ནི་ས་མྨ ཨ་ནུ་པ་པ་རི་ཀྑི་ཏྭཱ ཡོ ཀ་རོ་ཏི, སོ ཛ་མྨོ, ཛ་མ ཨ་ད་ནེ, མོ.
དྭ་ཡཾ ཨ་ཏི་ཏ་ཎྷེ. ལུ་བྷ ལོ་བྷེ, ཨ, དྭི་ཏྟཾ, བྷསྶ པོ, ལོ་ལུ་པོ, ལོ་ལུ་བྷོ་པི.
ཏི་ཀཾ ལུ་དྡྷེ. གི་དྷ ཨ་བྷི་ཀ་ངྑཱ་ཡཾ, ཏོ. ལུ་བྷ གི་དྡྷི་ཡཾ, ཏོ. ལོ་ལ ཨུ་མྨཱ་ད་ནེ, ཨ, ལོ་ལོ. ཨ་ཐ མ་ཧཱ་ཏ་ཎྷཱ་ཏི་ཏ་ཎྷ་གི་དྡྷཱ་ནཾ ཀོ བྷེ་དོ? མ་ཧཱ་ཏ་ཎྷོ ནཱ་ནཱ་ར་མྨ་ཎཾ ཨི་ཙྪ་ཏི, ཨ་ཏི་ཏ་ཎྷོ ཨེ་ཀ་སྨི་མྤི ཨཱ་ར་མྨ་ཎེ ཨ་ནེ་ཀ་ཝཱ་རཾ, ཨ་དྷི་ཀ་ཉྩ ཏ་ས་ཏི, གི་དྡྷོ པ་ན ཨུ་བྷ་ཡ་ཐཱ་པཱི་ཏི ཨ་ཡ་མེ་ཏེ་སཾ ཝི་སེ་སོ.
ཡོ ཀྲི་ཡཱ་སུ མ་ནྡོ, སོ ཀུ་ཎྛོ, ཀུ་ཎྛ པ་ཊི་གྷཱ་ཏེ, ཨཱ་ལ་སྱེ ཙ, ཨ.
༧༣༠. པ་ཉྩ་ཀཾ ཀཱ་མ་ཀེ. ཀ་མུ ཨི་ཙྪཱ་ཡཾ, ཙུ་རཱ་དི, རི་ཏུ, ཀཱ་མ་ཡི་ཏཱ, ཀཱ་རི་ཏ་ལོ་པེ ཀ་མི་ཏཱ. ཡུམྷི ཀཱ་མ་ནོ, ཀ་མ་ནོ་པི. ཎཱིཔ་ཙྩ་ཡེ ཀཱ་མཱི, ཎུ་ཀཔ་ཙྩ་ཡེ ཀཱ་མུ་ཀོ, ཨ་ནུ་ཀོ, ཨ་བྷི་ཀོ་པྱ་ཏྲ, ཨ་ནུ་ཀཱ་མ་ཡ་ཏེ ཨ་ནུ་ཀོ, ཀྭི. ཨ་བྷི་ཀཱ་མ་ཡ་ཏེ ཨ་བྷི་ཀོ, ཀྭི. ཨ་ཏི་ཀོ་པི.
དྭ་ཡཾ མ་ཏྟེ. སུ་ཎྜཱ སུ་རཱ, ཏ་ཏྲ ཀུ་ས་ལོ སོ་ཎྜོ, པཱ་ནཱ་གཱ་རཾ ཝཱ སུ་ཎྜཱ, ཏ་ཏྲ བྷ་ཝོ, ཋི་ཏཾ ཝཱ སོ་ཎྜོ. མ་ད ཨུ་མྨཱ་དེ, ཏོ. ཨུ་ཀྐ་ཊོ, ཁི་ཝོ་པི, མ་དེ་ན ཨུ་དྡྷ་ཏོ ཨུ་ཀྐ་ཊོ, ཡ་དཱ་དི་ནཱ ཨུ་ཏོ ཀ་ཊོ མ་ཏྟ་ཏྠེ [པཱ་ཎི་ནི ༥.༢.༢༩]. ཁི་ཝ མ་དེ, ཨ.
ཏི་ཀཾ ཝ་ཙ་ན་ཀཱ་རི་ནི. པ་ཝ་ཏྟི་ནི་ཝ་ཏྟཱི་སུ ཝི་དྷཱ་ཏུཾ ས་ཀྱོ ཝི་དྷེ་ཡྻོ, ཨི་ཡྻོ. ཨཱ་དེ་སི་ཏཾ, ཨཱ་ད་རེ་ན ཝཱ སུ་ཎོ་ཏཱི་ཏི ཨ་སྶ་ཝོ, ར་སྶཱ་དི, ཨ. སུ་ནྡ་རཾ ཝ་ཙོ ཨཱ་ཙ་རི་ཡཱ་དཱི་ནཾ ཨེ་ཏ་སྨིཾ ཧེ་ཏུ་བྷཱུ་ཏེ་ཏི སུ་བྦ་ཙོ. ཝི་ན་ཡ་གྒཱ་ཧཱི་པི, ཝི་ན་ཡཾ ཝི་དྷི་པ་ཊི་སེ་དྷ་ཝ་ཙ་ནཾ ག་ཧེ་ཏུཾ སཱི་ལོ ཝི་ན་ཡ་གྒཱ་ཧཱི.
༧༣༡. ཏ་ངྑ་ཎུ་པྤ་ཏྟི་ཉཱ་ཎཾ པ་ཊི་བྷཱ, ཏཱ་ཡ ཡུ་ཏྟོ པ་ག་བྦྷོ, སཱི་གྷ་མེ་ཝ ག་བྦྷ་ཏཱི་ཏི པ་ག་བྦྷོ, ག་བྦྷ དྷཱ་ར་ཎེ.
ཏི་ཀཾ བྷཱི་རུ་ཀེ. བྷཱི བྷ་ཡཾ སཱི་ལོ ཡ་སྶ བྷཱི་སཱི་ལོ. བྷཱ་ཡ་ཏཱི་ཏི བྷཱི་རུ, བྷཱི བྷ་ཡེ, རུ. རུ་ཀཔ་ཙྩ་ཡེ བྷཱི་རུ་ཀོ, ས་ཀ་ཏྠེ ཝཱ ཀོ.
དྭ་ཡཾ ཨ་སཱུ་རེ. ན ཝཱི་རོ སཱུ་རོ ཨ་ཝཱི་རོ. ཀུ་ཙྪི་ཏ་ཏ་ར་ཏྟཱ ཀཱ་ཏ་རོ, ཀུསྶ ཀཱདེ་སོ.
དྭ་ཡཾ ཧིཾ་སཱ་སཱི་ལེ, ཧ་ན་ན་སཱི་ལོ ཧིཾ་སཱ་སཱི་ལོ, གྷཱ་ཏུ་ཀོ, ཨུ་ཀོ, ཧ་ནསྶ གྷཱ་ཏོ. ས་རཱ་རུ, ཧིཾ་སོ་པི.
༧༣༢. ཏི་ཀཾ ཀོ་དྷ་ཡུ་ཏྟེ. ཀུ་དྷ ཀོ་པེ, ཀུ་ཛ྄ཛྷ་ན་སཱི་ལོ ཀོ་དྷ་ནོ, ཡུ. དུ་ས དོ་སེ, དོ་ས་ནོ, པ་ཊི་གྷོ, ཡུ. ཀུ་པ ཀོ་པེ, ཀུ་པ་ཏཱི་ཏི ཀོ་པཱི, ཎཱི. ཨ་མ་རི་ས་ནོ་པི, ན་ཏྠི མ་རི་ས་ནཾ ཁ་མཱ ཨ་སྶ ཨ་མ་རི་ས་ནོ, མ་རི་ས ཨ་ས་ཧ་ནེ.
དྭ་ཡཾ ཨ་དྷི་ཀ་ཀོ་དྷ་ཡུ་ཏྟེ. ཙ་ཎྜ་ཏེ་ཏི ཙ་ཎྜོ, ཨ, ཙ་ཎྜ ཀོ་པེ. ཨ་ཏི་རེ་ཀཾ ཀུ་ཛ྄ཛྷ་ཏཱི་ཏི ཨ་ཙྩ་ནྟ་ཀོ་དྷ་ནོ. ཨ་ཙྩ་ནྟ་ཀོ་པ་ནོ་པི, ཏ་དཱ ཀུ་པཏོ ཡུ.
པ་ཉྩ་ཀཾ ཁ་ནྟི་ཡུ་ཏྟེ. ས་ཧ ཁ་མ་ནེ, ཡུ. ཁ་མུ ས་ཧ་ནེ, ཡུ. ཏུམྷི ཁ་ནྟཱ, ས་ཏྠཱ་དི. ཏི་ཏི་ཀྑཱ ཡ་སྶ་ཏྠཱི་ཏི ཏི་ཏི་ཀྑ་ཝཱ. མ་ནྟུམྷི ཁ་ནྟི་མཱ, ས་ཝི་བྷ་ཏྟི་སྶ ནྟུསྶ ཨཱ.
༧༣༣. དྭ་ཡཾ ས་དྡྷཱ་ཡུ་ཏྟེ. ཧི པ་ད་པཱུ་ར་ཎེ. ས་དྡྷཱ ཡ་སྶ་ཏྠཱི་ཏི ས་དྡྷཱ་ལུ. ས་དྡྷཱ ར་ཏ་ན་ཏྟ་ཡཱ་དཱི་སུ པ་སཱ་དོ, ཏ་ཎྷཱ, ཨཱ་ད་རོ ཙ. དྭ་ཡཾ དྷ་ཛ་ཡུ་ཏྟེ. ཙི་ཧ་ནེ ཙ པ་ཊཱ་ཀཱ་ཡཾ, དྷ་ཛོ སོ་ཕེ ཙ སོ་ཎྜི་ཀེ, སོ་ཕོ པུ་ལླི་ངྒཾ.
དྭ་ཡཾ ནི་དྡཱ་སཱི་ལེ. ནི་དྡཱ ཨེ་ཝ སཱི་ལཾ ཡ་སྶ སོ ནི་དྡཱ་སཱི་ལོ. དྭ་ཡཾ པ་བྷཱ་ཡུ་ཏྟེ. བྷཱ དི་ཏྟི་མྷི, ས་རཔ་ཙྩ་ཡོ, ར་སྶཱ་དི, དྭི་ཏྟ་ཉྩ, བྷ་སྶ་རོ, བྷཱ་སཱ ར་ཏི ཡ་སྶཱ་ཏི ཝཱ བྷ་སྶ་རོ, ར་སྶཱ་དི ཨེ་ཝ. སསྶ དྭི་ཏྟཱ་བྷཱ་ཝེ བྷཱ་སུ་རོ, ཨ་སྶུ, བྷཱ་ས དི་ཏྟི་ཡཾ ཝཱ, ཨུ་རོ, ཨ་ཐ ཝཱ དྭ་ཡཾ བ་ཧུ་ཀ་ཐཱ་ཡུ་ཏྟེ, བྷཱ་སཱ་སུ ས་བྦཱ་སུ བ་ཧཱུ་སུ ཀ་ཐཱ་སུ ར་མ་ཏཱི་ཏི བྷ་སྶ་རོ, ཀྭི, བྷཱ་ས་ཏཱི་ཏི ཝཱ བྷ་སྶ་རོ, ཨ་རོ, ར་སྶཱ་དི, དྭི་ཏྟ་ཉྩ, བྷཱ་སཱ་སུ ར་མ་ཏཱི་ཏི ཝཱ བྷཱ་ས་རོ, ཀྭི, མ་ཛ྄ཛྷ་ར་སྶོ, བྷཱ་ས་ཏཱི་ཏི ཝཱ བྷཱ་ས་རོ, ཨ་རོ, ཨི་མ་སྨིཾ པ་ཀྑེ ཨ་སྶུ་ཏྟཱ་བྷཱ་ཝོ.
༧༣༤. ཏི་ཀཾ ན་གྒེ. ན ག་ཙྪ་ཏཱི་ཏི ན་གྒོ, དྭི་ཏྟཾ, ལ་གྒ ས་ངྒེ ཝཱ, ནཏྟཾ, ན་ཛི ལ་ཛི བི་ལེ ཝཱ, ཎོ, ཛསྶ གོ, དྭི་ཏྟཾ. དི་སཱ ཨེ་ཝ ཨ་མྦ་རཾ ཝ་ཏྠཾ ཨེ་ཏ་སྶ, ན པ་ཀ་ཏི་ཝ་ཏྠ་ནྟི དི་ག་མྦ་རོ. སསྶ གོ. ན་ཏྠི ཝ་ཏྠཾ ཨེ་ཏ་སྶ, ཨ་ཐ ཝཱ དི་ག་མྦ་རཱ ཝ་ཏྠཱ, ཨ་ཉྙ་ཏི་ཏྠི་ཀོ ཨ་ཝ་ཏྠོ ཙཱ་ཏི ཨེ་ཏེ དྭེ ན་གྒོ ནཱ་མ, ན་གྒཱ ནཱ་མཱ་ཏི ཝཱ, ‘‘ཏེ ཨི་ཏྠི་ཁྱཱ པོ, ས་ཏྟ པ་ཀ་ར་ཎཱ་ནི ཨ་བྷི་དྷ་མྨོ ནཱ་མཱ’’ཏྱཱ་དཱི་སུ ཝི་ཡ ས་ཉྙཱ་ས་ཉྙཱི་ས་དྡཱ་ནཾ ཝ་ཙ་ན་བྷེ་ད་སྶཱ་པི ས་མྦྷ་ཝ་ཏོ. ན་གྒོ ཙ ན་གྒོ ཙ ན་གྒཱ, པུ་རི་མ་སྨིཾ པ་ཀྑེ པ་ན སཱ་མ་ཉྙ་ཏཱ་ཡ ཨེ་ཀ་ཝ་ཙ་ན་ནི་དྡེ་སོ.
དྭ་ཡཾ བྷ་ཀྑ་ཀེ. གྷ་ས ཨ་ད་ནེ, མ་རོ, གྷ་སྨ་རོ. བྷ་ཀྑ ཨ་ད་ནེ, ཎྭུ.
ཝ་ཏྟུཾ སོ་ཏུ་ཉྩ ཨ་ཀུ་ས་ལོ, ཝ་ཙ་ནེ ས་ཝ་ནེ ཙ ཨ་ཀུ་ས་ལོ ཨེ་ལ༹་མཱུ་གོ ནཱ་མ, ཨེ་ལོ༹ བ་དྷི་རོ, མཱུ་གོ ཨ་ཝ་ཙ་ནོ, ཀ་མྨ་དྷཱ་ར་ཡོ, ས་ཋེ་པི ཨེ་ལ༹་མཱུ་གོ.
༧༣༥. མུ་ཁ་རཱད་ཡོ ཏ་ཡོ ཨ་པྤི་ཡ་ཝཱ་དི་ནི. ཝཱ་ཛྷཱ་ཝཱ་ཛྷེ་སུ མུ་ཁཾ ཨ་སྶ་ཏྠི, ནི་ནྡཱ་ཡཾ རོ. ནི་ནྡི་ཏཾ མུ་ཁཾ ཡ་སྶ དུ་མྨུ་ཁོ. ཨ་བ་དྡྷཾ ཨ་ན་གྒ་ལ༹ཾ མུ་ཁཾ ཡ་སྶ ཨ་བ་དྡྷ་མུ་ཁོ.
བ་ཧུ ཙ གཱ་ར་ཡ྄ཧ་ཉྩ ཝ་ཙོ ཡ་སྶ སོ ཝཱ་ཙཱ་ལོ ནཱ་མ. ཀུ་ཙྪི་ཏཱ ཝཱ་ཙཱ ཨ་སྶ ས་ནྟཱི་ཏི ཝཱ་ཙཱ་ལོ, ནི་ནྡཱ་ཡཾ ལོ.
དྭ་ཡཾ སུ་ཝ་ཙ་ནེ. ཝ་ད་ཏཱི་ཏི ཝ་ཏྟཱ, པ་སཾ་སཱ་ཡཾ ཏུ. ཝ་ད་ཏཱི་ཏི ཝ་དོ. སོ པ་ད་པཱུ་ར་ཎེ.
༧༣༦. ཏི་ཀཾ ཨ་ཏྟ་ནི་ཡེ. ནེ་ཏ་བྦོ་ཏི ནི་ཡོ, ནི་ཡོ ཨེ་ཝ ནི་ཛོ, ནཱི ན་ཡེ, ཎྱོ, ཡསྶ ཛོ, ས་མཱི་པེ ཛཱ་ཡ་ཏཱི་ཏི ཝཱ ནི་ཛོ. ས་སྶ ཨ་ཏྟ་ནོ ཨ་ཡཾ ས་ཀོ, ཨི་ད་མ་ཏྠེ ཀོ, སོ ཨེ་ཝ ཝཱ ས་ཀོ, ས་སྶཱ་ཡཾ ས་ཀོ, ཎོ. ཨ་ཏྟ་ནི ཛཱ་ཏོ ཨ་ཏྟ་ནི་ཡོ, ཨ་ནི་ཡོ.
ཏི་ཀཾ ཨ་ཙྪ་རི་ཡེ. ཝིཔུ་བྦོ མ་ཧ པཱུ་ཛཱ་ཡཾ, བྷཱུ་ཝཱ་དི, ཎྱོ, མ་ནྟ་ལོ་པོ, ཝི་མྷ་ཡོ. ཨཱཔུ་བྦོ ཙ་ར ག་ཏི་བྷ་ཀྑ་ནེ་སུ, ཨ, ཙ་རསྶ ཙྪ་རི་ཡོ, ར་སྶཱ་དི ཙ, ཨ་ཙྪ་རི་ཡོ. ན བྷ་ཝི་ཏྠཱ་ཏི ཨ་བྦྷུ་ཏོ, ཨ་ས་རཱུ་པ་དྭི་ཏྟཾ, ར་སྶོ ཙ, ཨ་བྷཱུ་ཏོ་པི [ས་དྡ་ནཱི་ཏི་པ་ད་མཱ་ལཱ་ཡཾ ༣༤༠.༡ པི་ཊྛེ་སུ པ་སྶི་ཏ་བྦཾ].
སོ་ཀཱ་དཱི་ཧི ཨི་ཏི་ཀ་ཏྟ་བྦ་ཏཱ་པ་ཊི་པ་ཏྟི་སུ་ཉྙོ ཝི་ཧ་ཏྠོ, བྱཱ་ཀུ་ལོ ཙ. ཝི་ཀྑི་ཏྟོ ཧ་ཏྠོ ཡ་སྶ ཝི་ཧ་ཏྠོ. ཀུ་ལ ས་ངྑྱཱ་ནེ ཝི་ཨཱཔུ་བྦོ.
ཀ་ཏ་ས་ནྣཱ་ཧོ ཝ་དྷུ་དྱ་ཏོ ཧ་ནྟུ་མུ་དྱ་ཏོ ཨུ་ཡྻུ་ཏོ ཨཱ་ཏ་ཏཱ་ཡཱི ནཱ་མ. ‘‘ཝ་དྷུ་ཡྻུ་ཏྟོ’’ཏི་པི པཱ་ཋོ. ཨཱཔུ་བྦོ ཏཱ པཱ་ལ་ནེ, ཎཱི, དྭི་ཏྟཾ, ཨཱ་ཀཱ་ར་ནྟཱ་ན་མཱ་ཡོ, ཨཱ་ཏ་ཏཱ་ཡཱི.
༧༣༧. སཱི་ས་ཙྪེ་ཛྫ་མྷི སཱི་ས་ཙྪེ་དཱ་ར་ཧེ ཝ་ཛ྄ཛྷོ. ཧ་ནྟ་བྦོ་ཏི ཝ་ཛ྄ཛྷོ, ཧ་ན ཧིཾ་སཱ་ཡཾ, ཎྱོ, ཧ་ནསྶ ཝ་དྷོ, ཛྷསྶ ཛྷོ. ཨ་ས་རཱུ་པ་དྭི་ཏྟཾ, ཝ་ཛ྄ཛྷོ.
ཏི་ཀཾ ཝ་ཀྐཱ་ས་ཡེ. ནི་ཀ་ནྟ་ཏཱི་ཏི ནི་ཀ་ཏོ, ཀ་ནྟ ཚེ་ད་ནེ, ཨ, ནལོ་པོ. ས་ཋ ཀེ་ཏ་ཝེ, ཨ. ན་ཏྠི ཨུ་ཛུ་ཏཱ ཡ་སྶ ཨ་ནུ་ཛུ.
ཏི་ཀཾ བྷེ་ད་ཀཱ་ར་ཀེ. སཱུ་ཙ པེ་སུ་ཉྙེ, ཎྭུ. པི་སི ས་ཉྩུ་ཎྞ་ནེ, པི་སི ཨ་ཝ་ཡ་ཝེ ཝཱ, པི་ས་ཏཱི་ཏི པི་སུ་ཎོ, ཡ་དཱ་དི་ནཱ ཨུ་ནོ, ཎཏྟཾ. ཀ་ཎྞེ ཛ་པ་ཏཱི་ཏི, ཨ་ལུ་ཏྟ་ས་མཱ་སོ, ཨ་རུ་ཙི་ཏ་བྦ་རོ་ཙ་ཀེ་པི ཀ་ཎྞེ་ཛ་པོ.
དྭ་ཡཾ པ་ཧ་ར་ཎ་སཱི་ལེ. དྷུ་བྦཱི ཧིཾ་སཱ་ཡཾ, ཏོ, བྷུ་ཛཱ་དི. ཝ་ཉྩ་ཡ་ཏེ ཝི་པྤ་ལ་པ་ཏེ་ཏི ཝ་ཉྩ་ཀོ, ཝ་ཉྩ ག་མ་ནེ.
༧༣༨. ཨ་རི་ཡཱ་སཱ་མ་ཉྙེ་ན ཙ བཱ་ལ་པུ་རི་ས་སྶ ལ་ཀྑ་ཎ་མཱ་ཧ. ཧི པ་ད་པཱུ་ར་ཎེ. ཡོ པུ་རི་སོ ཡོ ཛ་ནོ, ཛ་ནཔ་རི་ཡཱ་ཡོ ཙེ་ཏྠ པུ་རི་སས་དྡོ ‘‘དྭེ མ་ཧཱ་པུ་རི་སཱ ཨ་བྷི་ནི་ཀྑ་ནྟཱ’’ཏྱཱ་དཱི་སུ ཝི་ཡ, ཨ་ནི་ས་མྨ ཨ་ནུ་པ་པ་རི་ཀྑི་ཏྭཱ ཝ་དྷ་བ་ནྡྷ་ནཱ་དི་ཀི་ཙྩཾ ཀ་རོ་ཏི, སོ ཁ་ལུ ཨེ་ཀ་ནྟ་ཏོ ‘‘ཙ་པ་ལོ’’ཏི ཝི་ཉྙེ་ཡྻོ, ཀ་སྨཱ? ཨ་ཝི་ནི་ཙྪི་ཏ་ཀཱ་རི་ཏྟཱ ས་མྨཱ ཨ་ཝི་ནི་ཙྪི་ཏ་སྶ ཀཱ་རི་ཡ་སྶ ཀ་ར་ཎ་སཱི་ལ་ཏྟཱ. ཙ་པ ཀ་ཀྐ་ར་ཎེ, ཙ་པ ས་ནྟཱ་ནེ ཝཱ, ཨ་ལོ, ཙ་པ་ལོ.
༧༣༩. ཙ་ཏུ་ཀྐཾ ཀ་ད་རི་ཡེ. ཀུ་ཙྪི་ཏཾ ད་དཱ་ཏཱི་ཏི ཁུ་དྡོ, དོ, ཀསྶ ཁོ, ཨ་དཱ་ན་སཱི་ལ་ཏཱ་ཡ ས་མྤ་རཱ་ཡེ་སུ ཁུ་དྡཾ བུ་བྷུ་ཀྑི་སྶཱ་མཱི་ཏི ཝཱ ཁུ་དྡོ, ཁུ་ད བུ་བྷུ་ཀྑཱ་ཡཾ, དོ ཨ་ནཱ་ག་ཏ་ཏྠེ. པ་རཱ་ནུ་པ་བྷོ་གེ་ན ཨ་ཏྠ་ས་ཉྩ་ཡ་སཱི་ལ་ཏྟཱ ཀུ་ཙྪི་ཏོ ཨ་རི་ཡོ ཨ་ཏྠ་པ་ཏི ཀ་ད་རི་ཡོ, ཨ་དཱ་ཡ་ཀ་ཏྟཱ ཀུ་ཙྪི་ཏཾ ཋཱ་ནཾ ཨ་ར་ཏཱི་ཏི ཝཱ ཀ་ད་རི་ཡོ, ཨི་ཡོ. དཱ་ནཱ་དཱི་སུ ན་མ་ནཱ་བྷཱ་ཝེ་ན ཐ་དྡྷེ་ན མ་ཙྪེ་ར་ཡུ་ཏྟ་ཙི་ཏྟེ་ན ས་ཧི་ཏ་ཏཱ་ཡ ཐ་དྡྷ་མ་ཙྪ་རཱི, ཨཱི. ཀུ་ཙྪི་ཏོ པ་ཎོ ཡ་སྶ ཀ་པ་ཎོ, ཀི་པ་ཙཱ་ནོ, མི་ཏ་པྤ་ཙོ་པི. ཀུ་ཙྪི་ཏཾ པ་ཙཱ་ནོ་ཏི དུ་ཏི་ཡཱ་ས་མཱ་སོ. མི་ཏཾ པ་ཙ་ཏཱི་ཏི མི་ཏ་པྤ་ཙོ, ཎོ.
ཨ་དྡྷཾ ད་ལི་དྡེ. ན་ཏྠི ཀི་ཉྩ་ནཾ ཨ་པྤ་མ་ཏྟ་ཀ་མྤི དྷ་ནཾ ཡ་སྶ ཨ་ཀི་ཉྩ་ནོ. ད་ལི་དྡ དུ་གྒ་ཏི་ཡཾ, ཨ, ད་ལ ཝི་དཱ་ར་ཎེ ཝཱ, ཨི་དོ, དྭི་ཏྟཾ. དཱི་ན དུ་གྒ་ཏ་བྷཱ་ཝེ, དཱི་ནོ, དི ཁ་ཡེ ཝཱ, ཨཱི་ནོ. ན་ཏྠི དྷ་ནཾ ཨ་སྶ. ནི་ནྡི་ཏཾ ག་མ་ནཾ ཨ་སྶ དུ་གྒ་ཏོ.
༧༤༠. ཡཾ ཀ་མྨཾ ‘‘ཨི་ད་མ་ཧཾ ཨུ་པྤཱ་དེ་སྶཱ་མཱི’’ཏི ཨ་ས་མྦྷཱ་ཝི་ཏཾ ཨ་ཙི་ནྟི་ཏ་མེ་ཝ ཧུ་ཏྭཱ ས་མྤ་ཏྟཾ, ཏཾ ‘‘ཀཱ་ཀ་ཏཱ་ལཱི་ཡ’’ནྟྱུ་ཙྩ་ཏེ. ཏཱ་ལ་སྶ ཨི་དཾ ཕ་ལཾ ཏཱ་ལཾ, ཀཱ་ཀོ ཙ ཏཱ་ལ་ཉྩ ཀཱ་ཀ་ཏཱ་ལཱ་ནི, ཏེ་ཧི ས་དི་སཾ ཀ་མྨཾ ཀཱ་ཀ་ཏཱ་ལི་ཡཾ, ཀཱ་ཀ་སྶ, ཏཱ་ལ་ཕ་ལ་སྶ ཨུ་ཌྜ་ན་པ་ཏ་ན་ས་དི་སཾ ཀ་མྨ་ནྟྱ་ཏྠོ.
ཙ་ཏུ་ཀྐཾ ཡཱ་ཙ་ཀེ. ཡཱ་ཙ་ནཾ ཀ་རོ་ཏཱི་ཏི ཡཱ་ཙ་ན་ཀོ, ཡཱ་ཙ་ཏཱི་ཏི ཝཱ, ཡཱ་ཙ ཡཱ་ཙ་ནེ, ཡུ. ས་ཀ་ཏྠེ ཀོ. ཨ་ཏྠ ཡཱ་ཙ་ནཱ་ཡཾ, ཨ་ཏྠ་ནཾ ཨ་ཏྠོ, སོ ཨ་སྶ་ཏྠཱི་ཏི ཨ་ཏྠཱི. ཎྭུ, ཡཱ་ཙ་ཀོ. ‘‘མཱ་དི་ས་སྶ དྷ་ནཾ ད་ཏྭཱ རཱ་ཛཱ ས་གྒཾ ག་མི་སྶ་ཏཱི’’ཏྱཱ་དི་ནཱ དཱ་ན་ཕ་ལཾ ཝ་ཎྞེ་ཏྭཱ ཝ་ཀ་ཏི ཡཱ་ཙ་ཏཱི་ཏི ཝ་ནི་བྦ་ཀོ, ཝ་ཎྞ་སྶ ཝ་ནི, ཝ་ཀ ཨཱ་དཱ་ནེ, ཨཱ་དཱ་ན་མེ་ཏྠ ཡཱ་ཙ་ན་མེ་ཝ.
༧༤༡. ཀི་ཉྩི་དཱུ་ན་ཀནྟཾ པ་ཏི་པཱ་དེ་ན ནཱ་མཾ. པ་ཀྑི་ས་པྤ་མ་ཙྪཱ་ད་ཡོ ཨ་ཎྜ་ཏོ ཛཱ་ཏ་ཏྟཱ ཨ་ཎྜ་ཛཱ. ན་རཱ་ད་ཡོ པ་ན ག་བྦྷཱ་ས་ཡ་ས་ངྑཱ་ཏ་ཛ་ལཱ་བུ་ཏོ, ཏ་ཏྲ ཝཱ ཛཱ་ཏ་ཏྟཱ ཛ་ལཱ་བུ་ཛཱ. ཀི་མི ཙ ཌཾ་སཱ ཙ ཨཱ་དིནཱ མ་ཀ་ས་མ་ངྒུ་རཱ་ད་ཡོ ཙ སེ་ད་ཛཱ, སེ་ད་ཀཱ་ར་ཎ་ཏྟཱ ཨུ་སྨཱ སེ་དོ, ཏ་ཏོ ཛཱ་ཏཱ སེ་ད་ཛཱ. དེ་ཝོ ཙ ཨཱ་དིནཱ བྲ་ཧྨ་ནེ་ར་ཡི་ཀཱ་ད་ཡོ ཙ ཨོ་པ་པཱ་ཏི་ཀཱ, ཨུ་པ་ག་ནྟྭཱ པ་ཏ་ཏཱི་ཏི ཨུ་པ་པཱ་ཏཱི, ཎཱི, སོ་ལ༹་ས་ཝ་སྶུ་དྡེ་སི་ཀཱ་དི་ཀོ ཨ་ཏྟ་བྷཱ་ཝོ, སོ ཡེ་ས་མ་ཏྠི, ཏེ ཨོ་པ་པཱ་ཏི་ཀཱ.
༧༤༢. ཛ་ཎྞུ་མ་ཏྟེ ཛ་ཎྞུ་པྤ་མཱ་ཎ་ཡུ་ཏྟེ ཨུ་ད་ཀཱ་དི་མྷི ཛ་ཎྞུ་ཏ་གྒྷོ, ཛ་ཎྞུ་པྤ་མཱ་ཎོ ཛ་ཎྞུ་ཏ་གྒྷོ, པ་མཱ་ཎ་ཏྠེ ཏ་གྒྷོ, ཛ་ཎྞུ་པྤ་མཱ་ཎོ ཛ་ཎྞུ་མ་ཏྟོ, པ་མཱ་ཎ་ཏྠེ མ་ཏྟོ [མོ་གྒ་ལླཱ་ནེ ༤.༤༧ སུ་ཏྟེ པ་སྶི་ཏ་བྦཾ], ཏ་སྨིཾ.
ཀི་ཉྩི་དཱུ་ན་ཀེ ཨ་པྤ་མ་ཏྟ་ཀ་ཡུ་ཏྟེ ཀ་པྤོ [པཱ་ཎི་ནི ༥.༤.༦༧], ཨཱུ་ན་སྶ ཨ་པྤ་ཀ་ཏཱ་ཡ ཀ་པྤཱི་ཡ་ཏི ཨེ་ཀཱ་དི་ཝ་སེ་ན པ་རི་ཙྪི་ཛྫ་ཏཱི་ཏི ཀ་པྤོ, ཀ་པྤ པ་རི་ཙྪེ་ད་ནེ.
ཙ་ཏུ་ཀྐཾ པ་རི་ཡཱ་པ་ནྣེ. ཨ་ནྟོ ག་ཙྪ་ཏཱི་ཏི ཨ་ནྟ་གྒ་ཏཾ, ‘‘ལོ་པ་ཉྩ ཏ་ཏྲཱ་ཀཱ་རོ’’ཏི ཨོལོ་པེ ཨཨཱ་ག་མོ, དྭི་ཏྟཾ. ཨ་ནྟོ་ག་ཏ་མྤི. པ་རི་ཙྪི་ནྡི་ཏྭཱ ཨཱ་པ་ནྣཾ ག་ཧི་ཏཾ པ་རི་ཡཱ་པ་ནྣཾ. གཱ་དྷ པ་ཏི་ཊྛཱ་ཡཾ, ཨ་ནྟོ ཨོ་གཱ་དྷ་ཏཱི་ཏི ཨ་ནྟོ་ག་དྷཾ, ར་སྶོ, ཨོ་གཱ་དྷ་ཏཱི་ཏི ཨོ་ག་དྷཾ.
༧༤༣. དྭ་ཡཾ སཱ་དྷི་ཏེ. རཱ་དྷ སཱ་དྷ སི་དྡྷི་ཡཾ, ཀ་མྨ་ནི ཏོ.
དྭ་ཡཾ ཀུ་ཐི་ཏེ. པ་ཙ པཱ་ཀེ, ཨ་ཏཱི་ཏེ ཀ་ཏྟ་རི ཏོ, ཏསྶ ཀྐོ, ཙལོ་པོ. ཀུ་ཐ ནི་པྤ་ཀྐེ, ཏོ.
ཨཱ་པ་དཾ བྱ་ས་ནཾ པ་ཏྟོ ཨཱ་པ་ནྣོ ནཱ་མ, ཨ་ཏི་པཱི་ལ༹་ནཾ ཨཱ་པ་ཛྫ་ཏཱི་ཏི ཨཱ་པ་ནྣོ, ‘‘ཨཱ ཏུ་ཀོ་དྷ་མུ་དཱ་ཊྚཱི་སཱུ’’ཏི ཧི ཨེ་ཀ་ཀྑ་ར་ཀོ་སོ [ཨེ་ཀ་ཀྑ་ར་ཀོ་ས ༡༤ གཱ་ཐཱ] . པ་ད ག་མ་ནེ, ‘‘ཨཱ་པ་ནྣོ ཙ ཝི་པ་ཏྟི་མྷི, པ་ཏྟེ ཙ ཝཱ་ཙྩ་ལི་ངྒི་ཀོ’’ཏི ནཱ་ན་ཏྠ་ས་ངྒ་ཧོ.
དྭ་ཡཾ པ་རེ་ས་མ་ཝ་ས་ག་ཏེ. ན་ཏྠི ཝ་སོ ཨཱ་ཡ་ཏྟོ པ་རེ་སཾ ཨེ་ཏ་སྨིཾ སེ་རཱི་བྷཱུ་ཏེ་ཏི ཝི་ཝ་སོ, ཨ་ཝ་སོ ཙ.
༧༤༤. ཚ་ཀྐཾ ཁི་ཏྟེ. ནུ་ད པེ་ར་ཎེ, ནུ་ད ཁེ་པེ ཝཱ, ཏོ, ཏསྶ ཨི་ནྣོ. ཨ་ནི་ནྣཱ་དེ་སེ བྷུ་ཛཱ་དི, ནུ་ཏྟོ. ནུ་ཏོ་པི. ཨ་སུ ཁེ་པ་ནེ, ཏོ, བྷུ་ཛཱ་དི, ཨ་ཏྟོ. ཁི་པ པེ་ར་ཎེ, ཏོ.
ཨཱི་ར ག་ཏི་ཡཾ, ཀ་མྤ་ནེ ཙ, ཨི་ཏོ, ཨཱི་རི་ཏོ. ཨཱཔུ་བྦོ ཝི་དྷ པེ་ར་ཎེ, ཏོ, ཨཱ་ཝི་དྡྷོ.
ཙ་ཏུ་ཀྐཾ ཀ་མྤི་ཏེ. ཀ་མྤ ཙ་ལ་ནེ, དྷཱུ ཝི་དྷུ་ན་ནེ, ཀ་མྤ་ནེ ཙ. དྷཱུ་ཏོ, ཨཱ་དྷཱུ་ཏོ, ཙ་ལ ཀ་མྤ་ནེ, ཙ་ལི་ཏོ. ཝེ་ལླི་ཏོ, པེ་ཁི་ཏོ་པི. ཝེ་ལླ ཙ་ལ་ན་ཏྠོ. པེ་ཁ ག་ཏྱ་ཏྠོ, པེ་ཁི་ཏོ.
དྭ་ཡཾ ནི་སི་ཏེ. ནི་སི ནི་སཱ་ནེ. ཏི་ཛ ནི་སཱ་ནེ, ནི་སཱ་ནཾ ཏི་ཀྑ་ཀ་ར་ཎཾ, ཨུ་བྷ་ཡ་ཏྲཱ་པི ཀ་མྨ་ནི ཏོ.
༧༤༥-༧༤༦. ཏི་ཀཾ པ་ཏྟ་བྦེ. པ་ཏ ག་མ་ནེ, ཏ་བྦོ. ག་མུ ག་ཏི་ཡཾ, ཎྱོ, མྱསྶ མྨོ ཝཱ, ག་མྨཾ, ག་མྱཾ, དྱསྶ ཛྫོ, ཨཱ་པ་ཛྫཾ.
དྭ་ཡཾ པ་རི་ཎ་ཏེ. པ་ཙིནོ ཨ་ནེ་ཀ་ཏྠ་ཏྟཱ ཨི་ཧ པ་རི་ཎ་ཏ་ཏྠོ. ན་མུ ན་མ་ནེ, བྷཱུ་ཝཱ་དི, ཀ་ཏྟ་རི ཏོ, ས་མཱ དྭེ ཏུ་ལྱ་ཏྠཱ.
པ་ཉྩ་ཀཾ ཝེ་ཋི་ཏེ. ཝེ་ཋ ཝེ་ཋ་ནེ. ཝ་ལ་མི་ཝ ཝ་ལ་ཡཾ, ཀུ་ཎྜ་ལཱ་ཀཱ་རཾ ཝ་ལ་ཡཾ ཀ་ཏཾ ཝ་ལ་ཡི་ཏཾ, ནཱ་མ་དྷཱ་ཏུ, ཀཱ་རི་ཏ་ནྟཱ ཏོ. རུ་དྷ ཨཱ་ཝ་ར་ཎེ, རུ་དྡྷཾ. སཾཔུ་བྦོ ཝུ སཾ་ཝ་ར་ཎེ, སཾ་ཝུ་ཏཾ. ས་མ་ནྟ་ཏོ ཝུ་ཏཾ ཨཱ་ཝུ་ཏཾ, ཝུ སཾ་ཝ་ར་ཎེ, ས་བྦ་ཏྲ ཀ་མྨ་ནི ཏོ.
དྭ་ཡཾ པ་རི་ཁཱ་དི་ནཱ པ་རི་ཀྑི་ཏྟེ. པ་རི ས་མ་ནྟ་ཏོ ཀ་རཱི་ཡ་ཏེ་ཏི པ་རི་ཀྑི་ཏྟཾ, པ་རི་ཀྑ་ཏ་མྤི. ཝུ སཾ་ཝ་ར་ཎེ, ནི་ཝུ་ཏཾ.
ཏི་ཀཾ ཝི་ཏྠ་ཏེ. ས་ར ག་ཏི་ཡཾ, ཏོ, ཏསྶ ཊོ, རལོ་པོ, ཝི་ས་ཊཾ. ཏ་ནུ ཝི་ཏྠཱ་རེ, ཏོ, ཏསྶ ཏོ, ནལོ་པོ, ཝི་ཏྠ་ཏཾ, ཏ་ཏཾ.
དྭ་ཡཾ ལེ་པ་ནཱི་ཡེ. ལི་པ ལེ་པ་ནེ, དི་ཧ ཨུ་པ་ལེ་པ་ནེ, ཨུ་བྷ་ཡ་ཏྲཱ་པི ཀ་མྨ་ནི ཏོ.
དྭ་ཡཾ གུ་ལ༹ྷེ. གུ་ཧ སཾ་ཝ་ར་ཎེ, ལོ༹, གུ་ལ༹ྷོ. གུ་པ གོ་པ་ནེ, གུ་ཏྟོ.
དྭ་ཡཾ པོ་ས་ནཱི་ཡེ. པུ་ས པོ་ས་ནེ, ཏོ, ས་ཏཱ་ནཾ ཊྛོ, ཊྛཱབྷཱ་ཝེ པོ་སི་ཏོ.
༧༤༧. དྭ་ཡཾ ས་ལ་ཛྫེ. ལ་ཛྫ པཱི་ལེ༹, པཱི་ལོ༹ ལ་ཛྫཱ་ཝ. ཧཱི་ལ༹ ནི་ནྡཱ་ལ་ཛྫཱ་སུ, ཧཱི་ལི༹་ཏོ.
དྭ་ཡཾ ས་དྡེ. ས་ན དྷ་ན ས་དྡེ, ས་ནི་ཏཾ, དྷ་ནི་ཏཾ.
པ་ཉྩ་ཀཾ བ་ནྡྷ་ནཱི་ཡེ. ས་ནྡ་ནཾ བ་ནྡྷ་ནཾ, ཏཾ་ཡོ་གཱ ཝ་ནྟུ. ས་ནྡཱ་ན་ཝ་ནྟཾ ཀ་ཏཾ ས་ནྡཱ་ནི་ཏཾ, ནཱ་མ་དྷཱ་ཏུ་མྷཱ ཏོ, ཝ་ནྟུལོ་པོ. ས་ནྡཱ་ནཾ ས་ཛྫཱ, ཏ་མ་སྶཱ་ཏི ཝཱ, ཨི་ཏོ. སི བ་ནྡྷ་ནེ, ཏོ. བ་ནྡྷ བ་ནྡྷ་ནེ, བ་དྡྷོ. ཀཱི་ལ བ་ནྡྷ་ནེ. ཡ་མུ ཨུ་པ་ར་མེ, སཾཔུ་བྦོ བ་ནྡྷ་ནེ, ས་བྦ་ཏྲ ཀ་མྨ་ནི ཏོ. མཱུ་ཏཾ, ཨུ་དྡི་ཏཾ, ས་དྡི་ཏ་མྤི. མཱུ བ་ནྡྷ་ནེ. དཱ ཨ་ཝ་ཁ་ཎྜ་ནེ. ཨུ སཾཔུ་བྦོ བ་ནྡྷ་ནེ. ཝུ་ཏྟ་ཉྩ ‘‘ཨུ་དྡཱ་ན་ནྟུ ཙ བ་ནྡྷ་ན’’ནྟི.
༧༤༨. ཏི་ཀཾ སི་དྡྷེ. སི་དྷ སཾ་སི་དྡྷི་མྷི. པ་ད ག་མ་ནེ, ནི་པུ་བྦོ སི་དྡྷི་ཡཾ. ཝ་ཏྟ ཝ་ཏྟ་ནེ, ཝ་ཏྟ་ནཾ་པྱ་ཏྲ སི་ཛ྄ཛྷ་ནཾ ནིཔུ་བྦ་ཏྟཱ.
ཏི་ཀཾ ཝི་དཱ་རི་ཏེ. ད་ར བྷི་ད ཝི་དཱ་ར་ཎེ, ཨི་ནྣཱདེ་སོ. བྷི་ནྣཾ. ཨ་ནི་ནྣཱ་དེ་སེ ཏུ བྷེ་དི་ཏཾ.
དྭ་ཡཾ ཏི་ཎཱ་དཱི་ཧི ཚཱ་ད་ནཱི་ཡེ. ཚ་ད སཾ་ཝ་ར་ཎེ, ཏོ, ཏསྶ ས་དྷཱ་ཏྭ་ནྟ་སྶ ཨ་ནྣཱདེ་སོ.
ཏི་ཀཾ ཚི་ནྡི་ཏེ. ཝི་དྷ ཝེ་དྷ་ནེ. ཚི་དྡ ཀ་ཎྞ་བྷེ་དེ, ཙུ་རཱ་དི. ཝི་དྷ ཝེ་དྷ་ནེ, ས་བྦ་ཏྲ ཀ་མྨེ ཏོ, ཨ་པ་ར་དྭ་ཡེ ཙ ས་ཉྫཱ་ཏ་ཏྠེ ཨི་ཏོ.
༧༤༩. ཏི་ཀཾ ཨཱ་ནཱི་ཏེ. ཧ་ར ཧ་ར་ཎེ, བྷ་ར དྷཱ་ར་ཎ་པོ་ས་ནེ་སུ, ཨཱཔུ་བྦོ ནཱི ན་ཡེ.
དྭ་ཡཾ ད་མ་ཡུ་ཏྟེ. ད་མུ ད་མ་ནེ, ཀ་ཏྟ་རི ཏོ. པ་ཀྐ་མཱ་དཱི་ཧི ནྟོ. ཨནྟཱདེ་སེ ད་མི་ཏོ. ཀ་མྨ་སཱ་དྷ་ནོ་པྱ་ཡཾ.
དྭ་ཡཾ ས་ནྟེ. ས་མུ ཨུ་པ་ས་མེ, ཀ་ཏྟ་རི་ཏོ. ཨནྟཱདེ་སེ ས་མི་ཏོ, ཀ་མྨ་སཱ་དྷ་ནོ་པྱ་ཡཾ.
དྭ་ཡཾ པུ་ཎྞེ. པཱུ་ར པཱུ་ར་ཎེ, ཏ་རཱ་དཱི་ཧི ཨི་ཎྞོ, དྭཱི་སུ་པི ཀ་ཏྟུ་ཀ་མྨ་སཱ་དྷ་ནཱ་ནི ལ་བྦྷ་ནྟི.
༧༥༠. ཏི་པཱ་དཾ པཱུ་ཛི་ཏེ. ཙཱ་ཡ པཱུ་ཛཱ་ནི་སཱ་མ་ནེ་སུ. མ་ཧ པཱུ་ཛཱ་ཡཾ, པཱུ་ཛ པཱུ་ཛ་ནེ, ཨ་ར་ཧ པཱུ་ཛཱ་ཡཾ, ཨ་ར་ཧི་ཏོ. ཨ་ཙྩ པཱུ་ཛཱ་ཡཾ. མཱ་ན པཱུ་ཛཱ་ཡཾ. ཙི ཙ་ཡེ, ཨ་པཔུ་བྦོ པཱུ་ཛ་ནེ. ན་མ་སྶི་ཏོ་པི, ན་མ་སྶདྷཱ་ཏུ པཱུ་ཛཱ་ཡཾ.
དྭ་ཡཾ ཏ་ཙྪི་ཏེ དཱ་རུ་ཨཱ་དི་མྷི. ཏ་ཙྪ ཏ་ནུ་ཀ་ར་ཎེ, ཏ་ནུ་ཀ་རཱི་ཡ་ཏེ་ཏི ཏ་ནཱུ་ཀ་ཏོ, དཱི་གྷོ.
༧༥༡. དྭ་ཡཾ ཨ་གྒི་ཨཱ་དཱི་ཧི ཏ་ཏྟེ. ཏ་པ དྷཱུ་པ ས་ནྟཱ་པེ.
དྭ་ཡཾ རཱ་ཛཱ་དཱི་ནཾ ས་ནྟི་ཀེ བྷ་ཛ་ནཱ་དི་ཝ་སེ་ན ཨུ་པ་ག་ཏེ. ཙ་ར ག་ཏྱ་ཏྠོ, ཨུ་པ་ཙ་རི་ཏོ. ཨཱ་ས ཨུ་པ་ཝེ་ས་ནེ, ཨུ་པཱ་སི་ཏོ.