༧. པཱ་ཏཱ་ལ་ཝ་གྒ་ཝ་ཎྞ་ནཱ
༦༤༩-༦༥༠. ཙ་ཏུ་ཀྐཾ པཱ་ཏཱ་ལེ. ཨ་དྷ་རཾ བྷུ་ཝ་ནཾ ཨ་དྷོ་བྷུ་ཝ་ནཾ. པ་ཏ་ནྟི ཨ་སྨིཾ པཱ་ཏཱ་ལཾ, ཨ་ལོ, མ་ཛ྄ཛྷེ དཱི་གྷོ. ནཱ་གཱ་ནཾ ལོ་ཀོ. ར་སཱ་ཡ ཏ་ལཾ ར་སཱ་ཏ་ལཾ.
སོ་བྦྷནྟཾ ཚི་དྡ་མ་ཏྟེ. ར་ཎ ས་དྡེ, དྷོ, ནཏྟཾ, ཡ་དཱ་དི. ཝ་ར དི་ཏྟི་ཡཾ. ཝི་ག་ཏོ ཝ་རོ ཝཱ་ར་ཎཾ ཨ་སྶ ཝི་ཝ་རཾ, ཚི་དི དྭི་དྷཱ་ཀ་ར་ཎེ, དོ. ཀུ་ཧ ཝི་མྷ་ཡ་ནེ, ཨ་རོ. སུ་ས སོ་ས་ནེ, ཨི་རོ. བི་ལ བྷེ་ད་ནེ, ཨ. སུ་སཏོ ཨི, སུ་སི. ཚི་ནྡི་ཏྭཱ ག་ཙྪ་ཏཱི་ཏི ཚི་གྒ་ལཾ, ཡ་དཱ་དི. སུ་ཊྛུ ཨ་བྦྷཾ ཨཱ་ཀཱ་སཾ ཨ་སྨིཾ སོ་བྦྷཾ.
‘‘སུ་སི་ར’’ནྟི ཚི་དྡ་སཱ་མ་ཉྙེ ཡཾ ན་པུཾ་ས་ཀ་ཝ་ཙ་ནཾ, ཏཾ ས་ཙྪི་དྡེ ཚི་དྡ་ཝ་ཏི ད་བྦེ ཏཱི་སུ, ཡ་ཐཱ ‘‘སུ་སི་རོ རུ་ཀྑོ, སུ་སི་རཱ ཙི་ཉྩཱ, སུ་སི་རཾ ཀ་ཊྛ’’ནྟི.
དྭ་ཡཾ བྷཱུ་མི་ཚི་དྡེ. ཀཱ་ས དི་ཏྟི་ཡཾ, ཨུ. ཨ་ཝ ར་ཀྑ་ཎེ, ཨ་ཊོ, ཨཱ་ཝཱ་ཊོ, ཨ་ཝཱ་ཊོ་པི. དྭ་ཡཾ ས་པྤཱ་ནཾ རཱ་ཛི་ནི. ཝ་སུ ར་ཏ་ནཾ ཡ་སྶ་ཏྠཱི་ཏི ཝཱ་སུ་ཀཱི.
༦༥༡. དྭ་ཡཾ ནཱ་གཱ་ནཾ རཱ་ཛི་ནི. དེ་ཝེ་ཧི་པྱ་སྶ་ནྟོ ནོ་པ་ལ་དྡྷོ་ཏི ཨ་ན་ནྟོ, སེ་སོ་པི, སི་ས ཧིཾ་སཱ་ཡཾ, སི་ས་ཏི ཀ་པྤ་ནྟེ་ཏི སེ་སོ, ཨ.
དྭ་ཡཾ ཨ་ཛ་ག་རེ. ཝ་ཧཏི་སྨཱ ཨ་སོ, ཝཱ་ཧ་སོ. ཨ་ཛཾ ཚཱ་གཾ གི་ལ་ཏཱི་ཏི ཨ་ཛ་ག་རོ, ཨ, ཨི་སྶ་ཏྟཾ, ལ་སྶ རཏྟ་ཉྩ. ས་ཡཱི་པི, ས་ཡ་ན་སཱི་ལོ ས་ཡཱི.
དྭ་ཡཾ གོ་ན་ས་ས་པྤེ ‘‘ངཱ-ཙྭེ’’ཨི་ཏི ཁྱཱ་ཏེ. ག་ཝ་སྶེ་ཝ ནཱ་སཱ ཨ་སྶཱ་ཏི གོ་ན་སོ, ས་ཉྙཱ་ཡཾ ནཱ་སས་དྡ་སྶ ན་སོ ཀ་ཏོ [པཱ་ཎི་ནི ༥.༤.༡༡༩]. ཏི་ལཾ ཨི་ཙྪ་ཏཱི་ཏི ཏི་ལི་ཙྪོ, ཏི་རི་ཡཾ ཨ་ཉྩ་ཏཱི་ཏི ཝཱ ཏི་ལི་ཙྪོ, ཡ་དཱ་དི.
དྭ་ཡཾ དེ་ཌྜུ་བྷེ, ཡོ ‘‘ཛ་ལ་ས་པྤོ’’ཏི ཝུ་ཙྩ་ཏི. དེ་ཌྜུ་ནཱ རཱ་ཛི་ཡཱ ཨུ་བྷ་ཏཱི་ཏི དེ་ཌྜུ་བྷོ. པི་ཊྛེ རཱ་ཛི་ཡོ་གཱ རཱ་ཛུ་ལོ, ཨུ་ལོ, བ་དྷི་ར་ས་པྤེ་པྱེ་ཏེ.
༦༥༢. ཀ་མྦ་ལོ ཙ ཨ་སྶ་ཏ་རོ ཙཱ་ཏི ཨི་མེ དྭེ ནཱ་ག་ཀུ་ལཱ མེ་རུ་པཱ་དེ ཝ་ས་ནྟི.
དྭ་ཡཾ ཝེ་སྨ་ནི་ཝུ་ཊྛ་ས་པྤེ. ‘‘ཝ་མྨ་ནཱི’’ཏི་པི པཱ་ཋོ. ‘‘ཨ་སུ་དྡོ གྷ་ར་ས་པྤོ’’ཏི ཝུ་ཏྟ་ཏྟཱ ནི་བྦི་ས་ཏཱ་ཡ ཨ་མཱ་རི་ཏ་ཏྟཱ སཱི་ལ་ཡུ་ཏྟཾ ཨ་ཏྟཱ མ་ནོ ཡ་སྨིཾ སི་ལུ་ཏྟོ, ཨ་སྶུ, ར་སྶཱ་དི.
དྭ་ཡཾ རུ་ཀྑ་གྒཱ་དཱི་སུ ནི་ཝུ་ཊྛ་ས་པྤེ. ནཱི་ལོ ཧ་རི་ཏོ ས་པྤོ་ཏི ནཱི་ལ་ས་པྤོ. ‘‘ནཱི་ལོ ཀ་ཎྷ་མྷི ཧ་རི་ཏེ’’ཏི ཧི ཏཱ་ར་པཱ་ལོ. པ་ཋ་མ་ཀཱ་ལེ སི་ལཱ་ཡཾ བྷ་ཝ་ཏཱི་ཏི སི་ལཱ་བྷུ.
༦༥༣-༦༥༤. ཝི་ས་དྷ་རནྟཾ ས་པྤ་མ་ཏྟེ. ཨཱ་སི་ཡཾ ཝི་སཾ ཨེ་ཏ་སྶ ཨཱ་སཱི་ཝི་སོ, ཨཱ་སཱི ས་པྤ་དཱ་ཋཱ. བྷུ་ཛ ཀོ་ཊི་ལྱེ, ཀུ་ཊི་ལཱ་ཡ་མཱ་ནོ ག་ཙྪ་ཏཱི་ཏི བྷུ་ཛ་ངྒོ, ཨེ་ཝཾ བྷུ་ཛ་གོ, བྷུ་ཛ་ངྒ་མོ ཙ. ཨ་ཧི ག་མ་ནེ, ཨི. ས་ར་ནྟོ ས་པྤ་ཏི ག་ཙྪ་ཏཱི་ཏི ས་རཱི་ས་པོ, ཨ་སྶཱི, སཾ་ཡོ་ག་ལོ་པོ, ཨ་ལུ་ཏྟ་ས་མཱ་སོ་ཡཾ, བྷུ་ཛ་ངྒ་བྷུ་ཛ་ངྒ་མཱ་པི, ས་བྦ་དྷ་ར་ཀ་ཏེ པ་ན ‘‘བྷུ་སཾ, པུ་ན་པྤུ་ནཾ ཝཱ ཀུ་ཊི་ལཾ ས་པྤ་ཏཱི་ཏི ས་རཱི་ས་པོ’’ཏི ཝུ་ཏྟཾ. ཕ་ཎ་ཡོ་གཱ, ཨཱི, ཕ་ཎཱི. ས་པྤཏི་སྨཱ ཨ, བྷཱུ་མི་ཕུ་ཊྛེ་ན ག་ཏྟེ་ན ག་ཏི ས་པྤ་ནཾ. ཨ་རཾ སཱི་གྷཾ ག་ཙྪ་ཏཱི་ཏི ཨ་ལ་ག་དྡོ, མསྶ དོ, རསྶ ལཏྟ་ཉྩ, ཨ་ལ་ག་དྡོ, ཛ་ལ་ས་པྤེ་པྱ་ཡཾ, ‘‘ཨ་ལ་ག་དྡོ ཛ་ལ་ཝཱ་ལོ༹’’ཏི [ཨ་མ་ར ༨.༥] ཧི ཨ་མ་ར་སཱི་ཧོ. བྷོ་གོ ཕ་ཎི་ཀཱ་ཡོ, ཏཾ་ཡོ་གཱ བྷོ་གཱི. པ་ནྣཾ ག་ཙྪ་ཏཱི་ཏི པ་ནྣ་གོ, པཱ་དེ་ཧི ཝཱ ན ག་ཙྪ་ཏཱི་ཏི པ་ནྣ་གོ. དྭེ ཛི་ཝ྄ཧཱ ཨ་སྶ. ཨུ་ར་སཱ ག་ཙྪ་ཏཱི་ཏི ཨུ་ར་གོ. ཝི་སེ་སེ་ན ཨཱ་ལཱ་ཏི ག་ཎྷཱ་ཏི ཨཱ་ཡུ་ནྟི ཝཱ་ལོ༹, ལསྶ ལ༹་ཏྟཾ, ཝཱ ག་མ་ནེ ཝཱ, ཨ་ལོ. དཱི་གྷ་ས་རཱི་ར་ཏཱ་ཡ དཱི་གྷོ. དཱི་གྷཱ པི་ཊྛི ཡ་སྶ, ས་མཱ་སེ ཀོ. ཨུ་ད་ར་མེ་ཝ པཱ་དོ ཡ་སྶ. ཝི་སཾ དྷ་ར་ཏི. ཙ་ཀྐཱི, ཀུ་ཎྜ་ལཱི, གཱུ་ལ༹ྷ་པཱ་དོ, ཙ་ཀྑུ་སྶ་ཝོ, ཀཱ་ཀོ་ད་རོ, ད་བྦཱི་ཀ་རོ, བི་ལེ་ས་ཡོ, ཛི་མྷ་གོ, པ་ཝ་ནཱ་ས་ནོ་པི. སི་ར་སི ཙ་ཀྐ་ཡོ་གཱ ཙ་ཀྐཱི. ཀུ་ཎྜ་ལ་མི་ཝ ཝ་པུ ཨ་སྶ་ཏྠཱི་ཏི ཏཾ་ཡོ་གཱ ཀུ་ཎྜ་ལཱི. ཙ་ཀྑུ་ནཱ སུ་ཎོ་ཏཱི་ཏི ཙ་ཀྑུ་སྶ་ཝོ. ཀཱ་ཀོ་ད་ར་མི་ཝ ཨུ་ད་རཾ ཨ་སྶ. ད་བྦི་ག་ཏི་ཀ་ཏྟཱ ཕ་ཎཱ ད་བྦཱི, ཏཾ ཀ་རོ་ཏི བ་ནྡྷ་ཏཱི་ཏི ད་བྦཱི་ཀ་རོ. སཱ་མ་ཉྙ་ནི་དྡེ་སེ་པི ཀ་ཎྷ་ས་པྤཱ་དི་ཡེ་ཝ ད་བྦཱི་ཀ་རོ. ཛི་མྷཾ ཀུ་ཊི་ལཾ ག་ཙྪ་ཏཱི་ཏི. པ་ཝ་ནཱ་ས་ནོ ཝཱ་ཏ་བྷོ་ཛཱི.
ཕ་ཎི་ནོ ས་པྤ་སྶ ཏ་ནུ ཀཱ་ཡོ བྷོ་གོ ནཱ་མ. བྷུ་ཛ་ཏཱི་ཏི བྷོ་གོ, བྷུ་ཛ ཀོ་ཊི་ལྱེ, ཎོ.
༦༥༥-༦༥༦. དྭ་ཡཾ ས་པྤ་སྶ དཱ་ཋཱ་ཡཾ. ཨ་ས་ཏི ཡེ་ན ཨ་སཾ, མུ་ཁཾ, ཏ་སྨིཾ བྷ་ཝཱ ཨཱ་སཱི, ས་པྤ་སྶ དཱ་ཋཱ ད་ནྟུ་ཏྟ་མཱ. དྭ་ཡཾ ས་པྤ་སྶ ཛི་ཎྞ་ཏ་ཙེ, ནི་མུ་ཙྩ་ཏེ ཡ་སྨཱ ས་པྤོ་ཏི, ཎོ. ཀ་ཉྩུ་ཀ་ས་དི་ས་ཏྟཱ ཀ་ཉྩུ་ཀོ. ས་མཱ ཏུ་ལྱ་ཏྠཱ.
དྭ་ཡཾ ཝི་ས་མ་ཏྟེ. སོ་ཎི་པ་ཐ་ག་ཏཾ ཝི་ས་ཏི དེ་ཧ་ནྟི ཝི་སཾ, ཝི་ས པ་ཝེ་ས་ནེ. གི་ར་ཏཱི་ཏི ག་ར་ལ༹ཾ, ཨ་ལོ༹.
ཧ་ལཱ་ཧ་ལོ, ཀཱ་ལ༹་ཀཱུ་ཊོ, ཨཱ་དིནཱ ཀཱ་ཀོ་ལཱ་ད་ཡོ ཙ ས་ཏྟཱ་ཏི ཨི་མེ ན་ཝ ཏ་བྦྷེ་དཱ ཏ་སྶ ཝི་ས་སྶ བྷེ་དཱ. ཝུ་ཏྟ་ཉྩ –
‘‘པུ་མེ པ་ཎྜེ ཙ ཀཱ་ཀོ་ལ-ཀཱ་ལ༹་ཀཱུ་ཊ་ཧ་ལཱ་ཧ་ལཱ;
སོ་ར་ཊྛི་ཀོ སུ་ཀྐི་ཀེ་ཡྻོ, བྲ་ཧྨ་པུ་ཏྟོ པ་དཱི་པ་ནོ;
དཱ་ར་དོ ཝ་ཙྪ་ནཱ་བྷོ ཙ, ཝི་ས་བྷེ་དཱ ཨི་མེ ན་ཝཱ’’ཏི [ཨ་མ་ར ༨.༡༠-༡༡].
ཏ་ཏྲ ཧ་ལཱ་ཧ་ལོ པུ་མེ, ཝཱཀཱ་རེ་ན ན་པུཾ་ས་ཀེ་པི, ‘‘ཧཱ་ལཱ་ཧ་ལ’’ནྟི ཧི ཏི་ཀ་ཎྜ་སེ་སེ [ཏི་ཀ་ཎྜ་སེ་ས ༡.༨.༥] དཱི་གྷཱ་དི་པི. ཏཱ་ལ་པ་ཏྲ་ས་ཎྛཱ་ནོ ནཱི་ལ་པ་ཏྲོ གོ་ཐ་ནཱ་ཀ་ཏི་ཕ་ལོ ག་ཙྪོ ཧ་ལཱ་ཧ་ལོ. ཨ་སྶ ཙ ས་མཱི་པེ རུ་ཀྑཱ་ད་ཡོ ཌ་ཡ྄ཧ་ནྟེ. ཧི་མ་ཝ་ཏི, ཀི་ཀྐི་ནྡཱ་ཡཾ, ཀོ་ངྐ་ཎེ་སུ, ད་ཀྑི་ཎ་ས་མུ་དྡེ ཙ ཛཱ་ཡ་ཏེ, ཧ་ན་ཏཱི་ཏི ཧ་ལོ, ཨ, ནསྶ ལོ, ཧ་ལཱ་ན་མྤི ཧ་ལོ ཧ་ལཱ་ཧ་ལོ, མ་ཛ྄ཛྷ་དཱི་གྷོ. ཏི་རི་ཡ་ལེ་ཁཱ་ཡ ཙི་ཏཾ དྭི་ཛ་པ་དེ་ཧི ཡུ་ཏྟཾ, ཏ་ཐཱ ག་ཎྛི་བྷི བྱཱ་པི་ཏཾ བི་ནྡུ་བྷི་དེ་ཝ ཡཾ གྷ་ན་ཏ་རེ་ཧི, ཏཾ ཀཱ་ལ༹་ཀཱུ་ཊཾ. ཨི་ད་ཉྩ པུ་ཐུ་མཱ་ལི་ནཱ་མ་སྶཱ་སུ་ར་སྶ སོ་ཎི་ཏ་མྷཱ ཨེ་ཝ ཨ་སུ་ར་ས་མ་ཡེ [དེ་ཝཱ་སུ་ར་ར་ཎེ (?)] ས་མུ་པྤ་ནྣ་སྶ ཨ་སྶ་ཏྠ་རུ་ཀྑ་ས་དི་ས་སྶ རུ་ཀྑ་སྶ ནི་ཡྻཱ་སོ, ཨ་ཧི་ཙྪ་ཏྟ་མ་ལ་ཡ་ཀོ་ངྐ་ཎ་སི་ངྒ་ཝེ་ར་པ་བྦ་ཏཱ་དཱི་སུ ཙོ་པྤ་ཛྫ་ཏེ. ཝ་ཎྞེ་ན ཀཱ་ལ༹་ཉྩ ཏཾ ས་ཏྟཱ་ནཾ ཛཱི་ཝི་ཏ་ཧ་ར་ཎ་ཏོ ལོ་ཧ་མུ་གྒ་ར་ས་དི་ས་ཏཱ་ཡ ཀཱུ་ཊ་ཉྩེ་ཏི ཀཱ་ལ༹་ཀཱུ་ཊཾ.
བྲ་ཧྨ་པུ་ཏྟོ ཏུ ཀ་པི་ལོ, མ་ལ་ཡ་དྡི་བྷ་ཝོ ཁ་རོ;
པ་དཱི་པ་ནོ ཏུ ད་ཧ་ནོ, ར་ཏྟ་ཝ་ཎྞོ’ཉྫ་ན་དྡི་ཛོ [ཙི་ནྟཱ་མ་ཎི་ཊཱི་ཀཱ ༨.༡༠-༡༡].
ད་ར་དེ བྷ་ཝོ དཱ་ར་དོ, སུ་པྤ་བྷ་ནཱ་མ་ཀོ ཏཾ་དེ་ས་པ་སི་དྡྷོ ཙ. ཝ་ཙྪ་ནཱ་བྷོ སི་ནྡུ་ཝཱ་ར་པ་ཏྟ་ས་དི་སོ ཙ ཏཾ་ས་མཱི་པེ རུ་ཀྑོ ན ཝ་དྡྷ་ཏེ, ཏཾ་ས་མྥ་སྶ་ཝཱ་ཡུ ཙ ཛ་ར་ཡ་ཏི, ཝི་ཉྫྷཱ་ཡཾ, ཀི་ཀྐི་ནྡཱ་ཡ་ཉྩ ཛཱ་ཡ་ཏེ, ཨེ་ཝཾ ཝི་ས་ནྟ་རཱ་ན་མྤི ས་རཱུ་པཾ ཨཱ་ག་མ་ཏོ ཝི་ཉྙེ་ཡྻཾ.
དྭ་ཡཾ དྷ་ན་ཏྠཾ ས་པྤ་གྒཱ་ཧེ. ཝཱ་ལ༹ཾ ས་པྤཾ ག་ཎྷ་ན་སཱི་ལ་ཏཱ་ཡ ཝཱ་ལ༹་གཱ་ཧཱི. ཨ་ཧི་ནོ ཏུ་ཎྜེ་ན མུ་ཁེ་ན དི་བྦ་ཏཱི་ཏི ཨ་ཧི་ཏུ་ཎྜི་ཀོ, ཎི་ཀོ, ‘‘ཝཱ་ལ༹་གྒཱ་ཧོ’ཧི་ཏུ་ཎྜི་ཀོ’’ཏི [ཨ་མ་ར་ཀོ་སེ ༨.༡༡-གཱ་ཐཱ་ཡ་མྤི] ཨ་མ་ར་མཱ་ལཱ.
༦༥༧. ཏི་ཀཾ ནི་ར་ཡེ. ཨ་ཡོ ཨི་ཊྛ་ཕ་ལཾ, སོ ནི་གྒ་ཏོ ཨ་སྨཱ་ཏི ནི་ར་ཡོ, ནི་ནྡི་ཏོ ར་ཡོ ག་མ་ནཾ ཨེ་ཏྠཱ་ཏི ཝཱ ནི་ར་ཡོ. དུ་ཊྛཱ ག་ཏི དུ་གྒ་ཏི. ཨ་པུ་ཉྙེ ནེ་ཏཱི་ཏི ན་ར་ཀོ, ཎྭུ, རནྟོ ཙ, ན་ར་ཀོ.
ཏེ་སུ ནི་ར་ཡེ་སུ ཡོ ‘‘མ་ཧཱ་ནི་ར་ཡོ’’ཏི ཝུ་ཏྟོ, སོ ཨ་ཊྛ་དྷཱ ཧོ་ཏཱི་ཏི ཏཾ ད་སྶེ་ཏི ‘‘ས་ཉྫཱི་ཝོ’’ཙྩཱ་དི་ནཱ སི་ལོ་ཀེ་ན. མ་ར་ནྟཱ་པི ཀ་མྨ་ཕ་ལཱ་ནུ་བྷ་ཝ་ན་ཏྠཾ པུ་ན་པྤུ་ནཾ ཛཱི་ཝ་ནྟི ཨ་སྨིཾ ས་ཉྫཱི་ཝོ. ཡ་ཏྠ ནི་ར་ཡེ ནེ་ར་ཡི་ཀཱ་ནཾ ས་རཱི་རཱ་ནི ཝ་ཌྜྷ་ཀཱི་ནཾ ཀཱ་ལ༹་སུ་ཏྟེ་ན ས་ཉྙཱ་ཎཾ ཀ་ཏྭཱ ཝཱ་སི་ཡཱ ཏ་ཙྪ་ནྟི, སོ ཀཱ་ལ༹་སུ་ཏྟོ. བྷུ་སཾ, པུ་ན་པྤུ་ནཾ ཝཱ དུ་ཀྑི་ཏ་ས་དྡེ་ན ར་ཝ་ནྟི ཨ་སྨིཾ རོ་རུ་ཝོ, མ་ཧ་ནྟོ ཙ སོ རོ་རུ་ཝོ ཙཱ་ཏི མ་ཧཱ་རོ་རུ་ཝོ. པུ་ན ‘‘རོ་རུ་ཝོ’’ཏི ཙཱུ་ལ༹་རོ་རུ་ཝོ ཝུ་ཏྟོ. བྷུ་སཾ པ་ཏ་ནྟི ཨ་སྨིཾ པ་ཏཱ་པ་ནོ, ‘‘ཝཱི་ཙི ཏ་ར་ངྒེ ཨ་པྤེ ཙཱ’’ཏི རུ་དྡོ, ན་ཏྠི སུ་ཁ་སྶ ཝཱི་ཙི ལེ་སོ་པི ཨ་ཏྲཱ་ཏི ཨ་ཝཱི་ཙི, ‘‘ཝཱི་ཙི སུ་ཁ་ཏ་ར་ངྒེ་སཱུ’’ཏི ཏི་ཀ་ཎྜ་སེ་སོ [ཏི་ཀ་ཎྜ་སེ་ས ༣.༣.༧༨], ཏ་སྨཱ ན་ཏྠི ཝཱི་ཙི སུ་ཁཾ ཨེ་ཏྠཱ་ཏི ཨ་ཝཱི་ཙི. ས་མ་ནྟ་ཏོ ཨཱ་ག་ཏེ་ཧི པ་བྦ་ཏེ་ཧི ཧ་ཉྙ་ནྟི ཨ་ཏྲཱ་ཏི ས་ངྒྷཱ་ཏོ. ཏ་པ་ནྟི ཨ་ཏྲ ཏཱ་པ་ནོ, ཨི་ཏིས་དྡོ ཨ་ཊྛ་ནྣཾ པ་རི་ས་མཱ་པ་ན་ཏྠོ.
༦༥༨. ཏ་ཏྠ ནི་ར་ཡེ་སུ ཝེ་ཏ་ར་ཎཱི ཙ ལོ་ཧ་ཀུ་མྦྷཱི ཙཱ་ཏི ཨི་མེ དྭེ ནི་ར་ཡཱ ཛ་ལཱ་ས་ཡཱ ཛ་ལཱ་དྷཱ་རཱ, ཏེ ཙ ཐི་ཡཾ, ཏ་ར་ཎཱི ནཱ་ཝཱ, སཱ ན་ཏྠི ཡ་སྶཾ ཝེ་ཏ་ར་ཎཱི. ལོ་ཧ་མ་ཡཱ ཀུ་མྦྷཱི ལོ་ཧ་ཀུ་མྦྷཱི.
དྭ་ཡཾ ནི་ར་ཡ་པཱ་ལེ. ཀཱ་ར་ཎཱ ཡཱ་ཏ་ནཱ, སཱ ཙ ཏི་བྦ་ཝེ་ད་ནཱ, ཏཾ ཀ་རོ་ཏཱི་ཏི ཀཱ་ར་ཎི་ཀོ. ནི་ར་ཡ་ག་ཏ་ས་ཏྟེ པཱ་ཏཱི་ཏི ནི་ར་ཡ་པོ.
དྭ་ཡཾ ནི་ར་ཡ་ག་ཏ་ས་ཏྟེ. ནི་ར་ཡཾ ག་ཙྪ་ཏཱི་ཏི ནེ་ར་ཡི་ཀོ. ན་ར་ཀཾ ག་ཙྪ་ཏཱི་ཏི ནཱ་ར་ཀོ.
༦༥༩. ཨུ་ད་དྷི པ་རི་ཡ་ནྟཾ ས་མུ་དྡ་སྶ ནཱ་མཾ. ཨ་ཎྞོ ཛ་ལཾ, སོ ཝཱ་ཏི ག་ཙྪ་ཏི ཡ་སྨིཾ ཨ་ཎྞ་ཝོ, ཨ་ཎྞོ ཡ་སྨིཾ ཝི་ཛྫ་ཏཱི་ཏི ཝཱ ཨ་ཎྞ་ཝོ, ཨ་སྶ་ཏྠྱ་ཏྠེ ཝོ. ས་ག་རེ་ཧི རཱ་ཛ་ཀུ་མཱ་རེ་ཧི ཁ་ཏོ སཱ་ག་རོ, སཱ་ནཾ དྷ་ནཱ་ནཾ ཨཱ་ཀ་རོ་ཏི ཝཱ སཱ་ག་རོ, ཀསྶ གོ, སཱ་ག སཾ་ཝ་ར་ཎེ ཝཱ, ཨ་རོ. ས་ནྡ་ཏེ་ཏི སི་ནྡྷུ, ས་ནྡ ས་ཝ་ནེ, ཡ་དཱ་དི. ཨུ་དི ཀླེ་ད་ནེ, ས་མྨཱ ཀླི་ད་ནྟི ཙ་ནྡོ་ད་ཡེ ཨ་སྨཱ ཨཱ་པཱ་ནཱི་ཏི ས་མུ་དྡོ. ཛ་ལཱ་ནི, ཨུ་ད་ཀཱ་ནི ཙ ནི་དྷཱི་ཡ་ནྟེ, དྷཱི་ཡ་ནྟེ ཙཱ་ཏྲཱ་ཏི ཛ་ལ་ནི་དྷི, ཨུ་ད་དྷི ཙ, ཨུ་ད་ཀསྶ ཨུ་དཱདེ་སོ.
ཏ་སྶ ས་མུ་དྡ་སྶ ཁཱི་ར་ཎྞ་ཝོ, ཨཱ་དིནཱ ལ་ཝ་ཎོ་དོ, ད་དྷྱུ་དོ, གྷ་ཏོ་དོ, ཨུ་ཙྪུ་ར་སོ་དོ, མ་དི་རོ་དོ, སཱ་དུ་ད་ཀོ ཙཱ་ཏི ཨི་མེ ས་ཏྟ མ་ཧ་ཎྞ་ཝ་ཝི་སེ་སཱ བྷ་ཝ་ནྟི [བྱཱ་ཁྱཱ་སུ་དྷཱ ༡.༡༠.༢]. ཁཱི་ར་ཝ་ཎྞོ ཨ་ཎྞ་ཝོ ཁཱི་ར་ཎྞ་ཝོ.
༦༦༠. ཨ་སྶ ས་མུ་དྡ་སྶ ཀཱུ་ལ་དེ་སོ ཏཱི་ར་དེ་སོ ཝེ་ལཱ ནཱ་མ, ཝི་ག་ཙྪ་ནྟི ཨི་རཱ ཡ་སྶཾ ཝེ་ལཱ, ལ་ཏྟཾ. ཙ་ཀྐ་མི་ཝ ས་ལི་ལཱ་ནཾ ཛ་ལཱ་ནཾ བྷ་མོ བྷ་མ་ནཾ ཨཱ་ཝ་ཊྚོ ནཱ་མ, ཨཱ་ཝ་ཊྚ་ནྟི ཛ་ལཱ་ནི ཨ་ཏྲཱ་ཏི ཨཱ་ཝ་ཊྚོ.
ཏི་ཀཾ བི་ནྡུ་མྷི. ཐུ ཨ་བྷི་ཏྠ་ཝེ, ཝོ, ཨུ་སྶེ. ཝི་དི ཨ་ཝ་ཡ་ཝེ, ཨུ, བི་ནྡུ. ཕུ་ས ཕུ་ས་ནེ, ཏོ, ཕུ་སི་ཏཾ. པཱ་ཀཱ་རེ, གེ་ཧཱ་དི་ཏི་ཏྟི་ཡ་ཉྩ ཛ་ལ་ནི་གྒ་མོ བྷ་མོ ནཱ་མ, བྷ་མུ ཨ་ན་ཝ་ཊྛཱ་ནེ.
༦༦༡. སི་ལོ་ཀོ ཨུ་ད་ཀེ. ཨཱ་པ བྱཱ་པ་ནེ, ཨ་པྤོ་ཏི ས་བྦ་ཏྲཱ་ཏི ཨཱ་པོ. པཱ་ཏ་བྦ་ནྟི པ་ཡོ, པཱ པཱ་ནེ, ཎྱོ. ར་སྶོ, པ་ཡོ. ཛ་ལ དྷ་ཉྙེ, ཨ. ཝཱ་ར་ཡ་ཏི ནི་ནྣོ་ན་ཏ་ནྟི ཝཱ་རི, ཝ་ར ནི་སེ་དྷེ, ཎི, ཝཱ་ར་ཡ་ཏི པི་པཱ་ས་ནྟི ཝཱ ཝཱ་རི. པཱི་ཡ་ཏེ་ཏི པཱ་ནཱི་ཡཾ, ཨ་ནཱི་ཡོ. ས་ལ་ཏཱི་ཏི ས་ལི་ལཾ, ས་ལ ག་ཏི་ཡཾ, ཨི་ལོ. ཨུ་དི ཀླེ་ད་ནེ, ཎྭུ, ཨུལོ་པོ, ད་ཀཾ པི་པཱ་ས་ཙྪེ་དཾ ཀ་རོ་ཏཱི་ཏི ཝཱ ད་ཀཾ, ‘‘དཱ དཱ་ན་ཙྪེ་ད་དྷཱ་ཏཱུ’’ཏི [ཨེ་ཀ་ཀྑ་ར་ཀོ་ས ༢༠ གཱ་ཐཱ] ཧི ཨེ་ཀ་ཀྑ་ར་ཀོ་སེ, ར་སྶོ. ཨ་ན ས་དྡེ, ཨ, དྭི་ཏྟཾ, ཨ་ར ག་མ་ནེ ཝཱ, ཏོ, ཨ་ནྣཱདེ་སོ, ཎཏྟཾ. ནཱི ན་ཡེ, ཨཱི་རོ. ཝ་ན ས་མྦྷ་ཏྟི་ཡཾ. ཝ་ནཱི་ཡ་ཏེ པི་པཱ་སེ་ཧཱི་ཏི ཝ་ནཾ. ཝཱ ག་མ་ནེ, ཨ་ལོ. ཏཱ་ཡ་ཏེ པཱ་ལ་ཡ་ཏེ་ཏི ཏོ་ཡཾ, ཏཱ པཱ་ལ་ནེ, ཙུ་རཱ་དི, ཡོ, ཨཱ་ཀཱ་ར་སྶོ་ཏྟཾ. ཨ་མྦ ས་དྡེ, ཨུ, ཨ་མྦུ. ཨུ་དི པ་ས་ཝ་ན་ཀླེ་ད་ནེ་སུ, ཎྭུ, ཨུ་ད་ཀཾ. ཀ་ར ཀ་ར་ཎེ, ཀྭི, ཀཾ. ཀ་མ་ལཾ, ཁཱི་ར་མྤི, ཀ་མུ ཨི་ཙྪཱ་ཀ་ནྟཱི་སུ, ཨ་ལོ. ཁ་ནུ ཧིཾ་སཱ་ཡཾ, ཨཱི་རོ, ནལོ་པོ, ཁཱི ཁ་ཡེ ཝཱ, ཁཱི་རཾ.
༦༦༢. ཙ་ཏུ་ཀྐཾ ཏ་ར་ངྒེ. ཏ་ར་ནྟོ ག་ཙྪ་ཏི, ཏཱི་རཾ ཝཱ ག་ཙྪ་ཏཱི་ཏི ཏ་ར་ངྒོ, ཨ་ལུ་ཏྟ་ས་མཱ་སོ, པ་ར་ཏྲ ཨཱི་སྶ་ཏྟཾ. ས་ཡ་མེ་ཝ བྷི་ཛྫ་ཏེ་ཏི བྷ་ངྒོ, ཨ. ཨཱུ་ཧ ཝི་ཏ་ཀྐེ, མི, ཧལོ་པོ, ཨཱུ་མི, ཨ་ར ག་མ་ནེ ཝཱ, མི, ཨ་སྶཱུ, རལོ་པོ. ཝི་མྷ་ཡཾ ཝི་ཙི་ཏྟཾ ཙི་ནོ་ཏཱི་ཏི ཝཱི་ཙི, ཨི, ཨུ་པ་ས་གྒ་སྶ དཱི་གྷོ, ཨེ་ཏེ དྭེ པུ་མི་ཏྠི་ཡཾ.
ཨུ་ལློ་ལོ, ཀ་ལློ་ལོ ཙཱ་ཏི ཨི་དཾ དྭ་ཡཾ མ་ཧཱ་ཝཱི་ཙཱི་སུ ཀ་ཐྱ་ཏེ, ལོ་ལ ཨུ་མྨཱ་ད་ནེ, ཨུ་ལློ་ལ་ཡ་ཏཱི་ཏི ཨུ་ལློ་ལོ, ཎོ, ཨུ་ལ ག་མ་ནེ ཝཱ, ཨོ་ལོ, དྭི་ཏྟཾ. ཀ་ལླ ས་དྡེ, ཨོ་ལོ, ཀ་ལློ་ལོ.
༦༦༣. སི་ལོ་ཀ་དྡྷཾ ཀ་དྡ་མེ. ཛ་ལཾ བ་ལ་ཏེ ཛ་མྦཱ་ལོ, ཀ་མྨ་ནི ཎོ, མཀཱ་རོ ཝ་ཎྞ་ཝི་ཀཱ་རོ. ཀ་ལ ས་ངྑྱཱ་ནེ, ཨ་ལོ. པ་ཙ ཝི་ཏྠཱ་ར་ཝ་ཙ་ནེ, ཀ་མྨ་ནི ཎོ. ཙི་ཀྑ ཝ་ཙ་ནེ, ཨ་ལོ, དྭི་ཏྟཾ. ཀ་ད མ་དྡེ, ཨ་མོ, དྭི་ཏྟཾ.
ཚ་ཀྐཾ ཝཱ་ལུ་ཀཱ་ཡཾ. པུ་ལ མ་ཧ་ཏྠེ, ཨི་ནོ, ལ༹ཏྟཾ. ཝ་ལ སཾ་ཝ་ར་ཎེ, ཎྭུ, ཨ་སྶུ, ཝཱ་ལུ་ཀཱ, ཐཱི. ཝ་ཎྞ ས་དྡེ, ཝ་ཎྞོ. མ་ར པཱ་ཎ་ཙཱ་གེ, ཨུ, མ་རུ, དེ་ཝེ་པི. ཨ་ར ག་མ་ནེ, ཨུ, ཨ་སྶུ, ཨུ་རུ, མ་ཧ་ནྟེ་པི, ཝ་ཎྞོ ཙ མ་རུ ཙ ཨུ་རུ ཙ ཝ་ཎྞ་མ་རཱུ་རུ. སི་ཙ པ་གྒྷ་ར་ཎེ, ཏོ, སི་ཀ་ཏཱ, ཐཱི.
༦༦༤. ཛ་ལ་མ་ཛ྄ཛྷ་ག་ཏཾ ཏ་ལཾ ཀ་མྨ་བྷཱུ་ཏཾ ‘‘ཨ་ནྟ་རཱི་པཾ, དཱི་པོ’’ཏི ཙོ་ཙྩ་ཏེ. དྭི་དྷཱ་ག་ཏཱ་ནཾ ཨཱ་པཱ་ནཾ ཨ་ནྟ་ར་ག་ཏཾ ཨ་ནྟ་རཱི་པཾ, ཨཱ་ཀཱ་ར་སྶཱི. ‘‘ཨ་ནྟ་རཱི་ཡ’’ནྟི ཝཱ པཱ་ཋོ, ཏ་དཱ དྭི་དྷཱ་ག་ཏཱ་ནཾ ཨཱ་པཱ་ནཾ ཨ་ནྟ་རེ བྷ་ཝཾ ཨ་ནྟ་རཱི་ཡནྟི ཝི་གྒ་ཧོ, ཨ་ཀཱ་ར་སྶཱི. དྭི་དྷཱ་ག་ཏཱ་ནི ཨཱ་པཱ་ནི ཨ་སྨིཾ ཧེ་ཏུ་བྷཱུ་ཏེ་ཏི དཱི་པོ. ཝཀཱ་རཨཱཀཱ་རཱ་ནཾ ལོ་པོ, ཨི་སྶཱི ཙ, དཱི་པོ, ཝཱཀཱ་རེ་ན དཱི་པ་མྤི.
པ་ཉྩ་ཀཾ ཏཱི་ར་སྶ ནཱ་མཾ. པཱ་ར ཏཱི་ར ཀ་མྨ་ས་མྤ་ཏྟི་ཡཾ, ཙུ་རཱ་དི, ཨ. ཀཱུ་ལ ཨཱ་ཝ་ར་ཎེ, ཎོ. རུ་དྷ ཨཱ་ཝ་ར་ཎེ, རོ་དྷཾ. ཨ་ཉྙ་པཱ་རཱ་དི་ནི་ཝ་ཏྟ་ན་ཏྠཾ ‘‘པ་ཏཱི་ར’’ནྟི ཝུ་ཏྟཾ. ཏ་ཊ ཨུ་སྶ་ཡེ, ཨ, ཐི་ཡཾ, ཏ་ཊཱི.
༦༦༥. པ་ར་མྷི ཏཱི་ར་སྨིཾ པཱ་རས་དྡོ, སོ ཙ ན་པུཾ་ས་ཀེ, པཱ་ར ཏཱི་ར ཀ་མྨ་ས་མྤ་ཏྟི་ཡཾ, པཱ་ར སཱ་མ་ཏྠི་ཡེ ཝཱ, པཱ་ར་ཡ་ཏི ཏ་ར་ངྒཱ་ད་ཡོ ཝཱ་རེ་ཏུ་ནྟི པཱ་རཾ. ཨོ་ར་ནྟུ་ཏཱི་རཾ ‘‘ཨ་པཱ་ར’’ནྟྱུ་ཙྩ་ཏེ, ཨ་ཝ་རེ ཏཱི་ར་དེ་སེ བྷ་ཝཾ ཨོ་རཾ, ཎོ. པཱ་ར་ཏོ ཨ་ཉྙཾ ཏཱི་རཾ ཨ་པཱ་རཾ.
པ་ཉྩ་ཀཾ ཨུ་ལུ༹་མྤེ. ཨུ་ལུ༹་ཏོ ད་ཀ་ཏོ པཱ་ཏི ར་ཀྑ་ཏི ཨུ་ལུ༹་པོ, སོ་ཡེ་ཝ ནི་གྒ་ཧཱི་ཏཱ་ག་མ་ཝ་སེ་ན ཨུ་ལུ༹་མྤོ. པླ་ཝ་ཏི, པླ་ཝ་ནྟི ཨ་ནེ་ནཱ་ཏི ཝཱ པླ་ཝོ, པླ་ཝ ག་མ་ནེ, ག་མ་ནཾ ཨ་ཏྲ ཛ་ལ་ག་མ་ནཾ. ཀུ་ལ ས་ནྟཱ་ནེ, ཨ, ཀེ ཨུ་ལ་ཏི ག་ཙྪ་ཏཱི་ཏི ཝཱ ཀུ་ལློ, ཨ, དྭི་ཏྟཾ. ཏ་ར་ནྟི ཨ་ནེ་ན ཏ་རོ, ཏ་ར པླ་ཝ་ཏ་ར་ཎེ་སུ. ག་མ་ནཱ་ག་མ་ན་ཝ་སེ་ན པུ་ན་པྤུ་ནཾ ཛ་ལེ ཨ་ར་ནྟི ཡཱ་ཡ, སཱ པ་ཙྩ་རཱི, ཨ, ན་དཱ་དི.
༦༦༦. ཏི་ཀཾ ནཱ་ཝཱ་ཡཾ. ཏ་ར་ནྟི ཡཱ་ཡ ཏ་ར་ཎཱི, ཡུ, ན་དཱ་དི, ཨིཔ་ཙྩ་ཡེ ཏ་རི, ཨཱིམྷི ཏུ ཏ་རཱི. ནུ ཐུ་ཏི་ཡཾ, ཨ, ཝུ་ཌྜྷཱ་ཝཱ་དེ་སཱ, ནཱ་ཝཱ. དྭ་ཡཾ ལ་ངྐཱ་ར་ཐ་མྦྷེ. ཀཱུ་པ ག་མ་ནེ, ཎྭུ, ཀཱུ་པ་ཀོ, ཨཔ་ཙྩ་ཡོ ཝཱ, ཏ་དཱ ས་ཀ་ཏྠེ ཀོ. ཀ་མུ ཨི་ཙྪཱ་ཡཾ, བྷོ, ས་ཀ་ཏྠེ ཀོ, ཨ་སྶུ ཙ, ཀུ་མྦྷ་ཀཾ.
དྭ་ཡཾ ‘‘པེ སེཾ’’ཨི་ཏི ཁྱཱ་ཏེ. ཏ་ར་སྶ པ་ཙྪཱ་བྷཱ་གེ བ་ནྡྷི་ཏ་བྦོ་ཏི པ་ཙྪཱ་བ་ནྡྷོ. ག’མི་ཙྪི་ཏ་དི་སཾ ཨ་ཊ་ཏི ཡེ་ན གོ་ཊ་ཝི་སོ, ཨི་སོ, ཨ་ཝནྟོ ཙ ཨ་སྶོ་ཏྟ་ཉྩ, གོ་ཊ་ཝི་སོ. དྭ་ཡཾ ‘‘པེ ཏ་མཱ’’ཨི་ཏི ཁྱཱ་ཏེ. ནཱ་ཝཱ་ཡ ཀ་ཎྞོ ཝི་ཡ ཀ་ཎྞོ, མ་ཧ་ནྟོ ཀེ་ནི་པཱ་ཏོ, ཏེ་ན པ་ཝ་ཧ་ཎ་པ་ཏི་ས་ཝ་ན་ཏོ, ཏཾ དྷ་ར་ཏཱི་ཏི, ཀ་མྨ་ནི ཎོ. ནཱ་ཝཱ་ཡ ཡུ་ཏྟོ ནཱ་ཝི་ཀོ.
༦༦༧. དྭ་ཡཾ ནཱ་ཝཱ་ཡ ག་མ་ནོ་པཱ་ཡེ. ཨ་ར་ཏི ཡེ་ནཱ་ཏི ཨ་རི་ཏྟཾ, ཚ་དཱ་དཱི་ཧི ཏ་ཏྲ་ཎ, ཨི་ཀཱ་རཱ་ག་མོ, དྭི་ཏྟ་ཉྩ. ཀེ ཛ་ལེ ནི་པཱ་ཏི་ཡ་ཏེ ཀེ་ནི་པཱ་ཏོ, ཨ་ལུ་ཏྟ་ས་མཱ་སོ་ཡཾ.
དྭ་ཡཾ ནི་ཡཱ་མ་ཀེ. པོ་ཏོ པ་ཝ་ཧ་ནཾ, ཏཾ ཝཱ་ཧ་ཡ་ཏཱི་ཏི པོ་ཏ་ཝཱ་ཧོ. ནི་ཡ་ཙྪ་ཏི པོ་ཏ་ནྟི ནི་ཡཱ་མ་ཀོ, ཡ་མུ ཨུ་པ་ར་མེ, ནིཔུ་བྦོ ག་མ་ནེ, ཎྭུ, ནི་ཡཱ་མ་ཀོ, ཙུ་རཱ་དི. ནི་ཡཱ་མ་ཀེ་པི.
ཡེ ཝཱ་ཎི་ཛཱ ནཱ་ཝཱ་ཡ ཝཱ་ཎི་ཛ་ཀ་མྨཾ ཨཱ་ཙ་ར་ནྟི, ཏེ སཾ་ཡ་ཏྟི་ཀཱ ནཱ་མ, སཾ་ཡཱ་ནཾ སཾ་ཡཱ་ཏྲཱ, དཱི་པ་ནྟ་ར་ག་མ་ནཾ, ཏྲ་ཎ, སཱ པ་ཡོ་ཛ་ན་མེ་ཏེ་སཾ སཾ་ཡ་ཏྟི་ཀཱ, ཎི་ཀོ, རལོ་པོ, ར་སྶོ ཙ. ཏཔ་ཙྩ་ཡེ་ན ཝཱ སི་དྡྷཾ. པོ་ཏ་ཝཱ་ཎི་ཛཱ་པི, པོ་ཏོ པ་ཝ་ཧ་ནཾ, ཏ་སྶ ཝཱ་ཎི་ཛཱ.
༦༦༨. ལ་ངྐཱ་རཱ་ད་ཡོ, ཕི་ཡཱ་ད་ཡོ ཙ ནཱ་ཝཱ་ཡ ཨ་ངྒཱ ཨ་ཝ་ཡ་ཝཱ. ལོ ཨི་ནྡོ, ཏ་སྶ ཀཱ་ར་ཎཾ ལ་ངྐཱ་རོ. ཝ་ཊོ ཝུ་ཙྩ་ཏི སི་ཝ་ཊོ, ཏ་དཱ་ཀཱ་ར་ཏཱ་ཡ ཝ་ཊཱ་ཀཱ་རོ. ‘‘ཝ་ཊོ ཀ་མ་དྡེ ནི་གྲོ་དྷེ’’ཏི ཧི ནཱ་ན་ཏྠ་ས་ངྒ་ཧོ. ཕཱ ཝུ་ཌྜྷི་ཡཾ, ཨི་ཡོ, ཕི་ཡོ.
དྭ་ཡཾ ‘‘ཏ་ལ་ཀ’’ཨི་ཏི ཁྱཱ་ཏེ. པཱུ པ་ཝ་ནེ, ཏོ, ཝུ་ཌྜྷི, པ་ཝ་ཧ་ཏི ནི་ཡཱ་མ་ཀེ་ཏི པ་ཝ་ཧ་ནཾ. ཝུ་ཏྟནྟི ཀྲི་ཡཱ་པ་དཾ. དྭ་ཡཾ ཀ་ཊྛ་མྦུ་ཝཱ་ཧི་ནི་ཡཾ, དུ་ཎ ག་ཏི་ཧིཾ་སཱ་སུ, ཨ, ན་དཱ་དི, ཝུ་ཌྜྷི, དོ་ཎཱི. ཨ་མྦུཾ ནེ་ཏི ཡེ་ན ཨ་མྦ་ཎཾ, ཨུ་སྶ་ཏྟཾ, ཎཏྟ་ཉྩ, ཨ་མྦ ས་དྡེ ཝཱ, ཡུ.
༦༦༩. ཏི་ཀཾ ག་མྦྷཱི་རེ. ག་མུ ག་མ་ནེ, ཨཱི་རོ, བྷོནྟོ ཙ མལོ་པོ ཙ, ག་བྷཱི་རོ. མཱལོ་པེ ཏུ ག་མྦྷཱི་རོ, ག་ཙྪ་ནྟཱ བྷཱ་ཡ་ནྟི ཨ་སྨི་ནྟི ཝཱ ག་བྷཱི་རོ, ག་མྦྷཱི་རོ ཙ. ནིཔུ་བྦོ མ་ན ཨ་བྷྱཱ་སེ, ཎོ, མསྶ ནོ. ཏ་བྦི་པ་ཀྑ་ཏོ ག་མྦྷཱི་ར་ཝི་པ་རཱི་ཏ་ཏོ ཨུ་ཏྟཱ་ནཾ ནཱ་མ, ཨུ་གྒ་ཏཾ ཏཱ་ནཾ པ་མཱ་ཎཾ ཨ་སྶ ཨུ་ཏྟཱ་ནཾ, ཨ་ག་མྦྷཱི་རཾ.
དྭ་ཡཾ ཨ་གཱ་དྷེ. གཱ་དྷ པ་ཏི་ཊྛཱ་ཀ་ངྑཱ་སུ, ག་ནྠེ ཙ, ན་ཏྠི གཱ་དྷཾ ཡ་ཏྲ ཨ་གཱ་དྷཾ. ན ཧེ་ཊྛི་མ་ཏ་ལཾ ཕུ་ས་ཏི ཡ་ཏྲ ཨ་ཏ་ལ་མྥ་སྶཾ.
ཏི་ཀཾ ཨ་པྤ་ས་ནྣེ. ན་ཏྠི ཨ་ཙྪ་བྷཱ་ཝོ ཨ་ཏྲ ཨ་ན་ཙྪོ. ཀ་ལུ་སཾ པཱ་པེ་པི ཝུ་ཏྟཾ. ཝི་ལ བྷེ་ད་ནེ, ཎོ, ཨཱ་ཝི་ལོ. ཨ་ཝ ར་ཀྑ་ཎེ ཝཱ, ཨི་ལོ.
༦༧༠. ཏི་ཀཾ ནི་མྨ་ལེ. ཚོ ཚེ་ད་ནེ, ན ཚི་ནྡ་ཏི ད་སྶ་ན་ནྟི ཨ་ཙྪོ, ཎོ, ས་ཙྪོ་པི, ས་ར ཝི་ས་ར་ཎེ, ཏོ, ཨ་ནྣཱདེ་སོ. ན་ཏྠི མ་ལཾ ཨེ་ཏ་སྨིཾ ཝི་མ་ལོ. ག་བྷཱི་ར་པྤ་བྷུ་ཏཱི ག་བྷཱི་རཱད་ཡོ ཝི་མ་ལནྟཱ ཏཱི་སུ ལི་ངྒེ་སུ.
པ་ཉྩ་ཀཾ ཀེ་ཝ་ཊྚེ. དྷཱ དྷཱ་ར་ཎེ, ཨཱི་ཝ་རོ. མ་ཙྪེ ཧ་ནྟྭཱ ཛཱི་ཝ་ཏཱི་ཏི མ་ཙྪི་ཀོ, ཨི་ཀོ. མ་ཙྪེ བ་ནྡྷ་ཏི ཛཱ་ལེ་ནཱ་ཏི མ་ཙྪ་བ་ནྡྷོ, མ་ཙྪེ ཝ་དྷ་ཏཱི་ཏི ཝཱ མ་ཙྪ་བ་ནྡྷོ, ནི་གྒ་ཧཱི་ཏཱ་ག་མོ, ཀཾ ཛ་ལཾ, ཏ་སྶ ཨཱི་ལ་ཀྑཱི, ཏཱ་ཡ ཝ་ཊྚོ ཝ་ཊྚ་ནཾ ཨ་སྶ་ཏྠཱི་ཏི ཀེ་ཝ་ཊྚོ. ཀེ་ཝ་ཏྟོ་པི, ཎོ. ཛཱ་ལེ ནི་ཡུ་ཏྟོ, ཛཱ་ལེ་ན ཧ་ནྟཱི་ཏི ཝཱ ཛཱ་ལི་ཀོ, དཱ་སོ་པྱ་ཏྲ, དཱ་ས དཱ་ནེ, ཨ, ‘‘དཱ་སོ ཀེ་ཝ་ཊྚ་བྷ་ཙྩེ་སཱུ’’ཏི [ཙི་ནྟཱ་མ་ཎི་ཊཱི་ཀཱ ༡༠.༡༥] རུ་དྡོ.
༦༧༡-༦༧༢. ཛྷ་སཱནྟཾ མ་ཙྪེ. མ་ས ཨཱ་མ་ས་ནེ, ཚོ, མ་རདྷཱ་ཏུ་ཝ་སེ་ན ཝཱ སི་དྡྷོ, མ་ར པཱ་ཎ་ཙཱ་གེ, ཨི་ནོ, རལོ་པོ. མུ་ཁ་པྤ་དེ་སེ པུ་ཐཱུ་ནི ལོ་མཱ་ནི ཨ་སྶ པུ་ཐུ་ལོ་མོ. པཱ་ཋཱི་ནཱ་དཱི་ནཾ མ་ཙྪ་ཏྟཱ ཝི་སེ་ས་ཏོ ཨ་ལོ་མ་ཀེ་པྱ་སྶ ཝུ་ཏྟི. ཛྷ་ས ཧིཾ་ས་ཏྠོ ད་ཎྜ་ཀོ དྷཱ་ཏུ, ཨ, ཛྷ་སོ. ཨ་ཎྜ་ཛོ, ཝི་སཱ་རོ, ས་ཀ་ལཱི་པི, ཝི་ཙི་ཏྲཾ ས་ར་ཏི ཨ་ནེ་ན ཝི་སཱ་རོ, ཎོ. རོ་ཧི་ཏཱ་དཱི་ནཾ ཝ་ཀྐ་ལ་པྤཱ་ཡོ [བ་ཏྟ་ལ་པྤཱ་ཡོ (ཀ.)] ཏ་ཙོ ས་ཀ་ལཾ. ཏཾ་ཡོ་གཱ, ཨཱི, ས་ཀ་ལཱི.
རོ་ཧི་ཏཱ་ད་ཡོ, མ་ཀ་རཱ་ད་ཡོ ཙ མ་ཙྪ་པྤ་བྷེ་དཱ. རུ་ཧ ཛ་ན་ནེ, ཏོ, རོ་ཧི་ཏོ. ཝི་པཱ་ཀེ མ་དྷུ་ར་ས་ཏྟཱ མ་གྒུ་རོ, ཝ་ཎྞ་ཝི་ཀཱ་རོ, མ་ཛྫ་ཏཱི་ཏི ཝཱ མ་གྒུ་རོ, ཨཱུ་རོ, མ་ཛྫ སུ་དྡྷི་ཡཾ, ཛྫསྶ གྒཏྟཾ, ར་སྶོ ཙ, མ་གྒུ་རོ, ‘‘ངཱ ཁཱུ’’. སི་ངྒ་ཡུ་ཏྟ་ཏཱ་ཡ སི་ངྒཱི, ཎོ, ན་དཱ་དི, ས་ངྒུ་པི, ས་ར་ཏི ཝཱ་ཏ་ནྟི ཝཱ སི་ངྒཱི, ས་ར ཧིཾ་སཱ་ཡཾ, ཨ, རསྶ གོ, ཨ་སྶི, ནི་གྒ་ཧཱི་ཏཱ་ག་མོ, ན་དཱ་དི, སི་ངྒཱི, ‘‘ང ཙྭེ’’. བ་ལ སཾ་ཝ་ར་ཎེ, ཨ་ལོ, ལསྶ ཛོ, བ་ལ་ཛོ,’’ང པཱ’’. མུ་ཉྫ ས་དྡ་ཏྠོ, མུ་ཉྫོ. པཱུ པ་ཝ་ནེ, ཨུ་སོ, ཝུ་དྡྷྱཱ་ཝཱ་དེ་སཱ, པཱ་ཝུ་སོ, མ་ཧཱ་མུ་ཁ་མ་ཙྪོ, ‘‘ང ཊཱ’’.
ས་ཏྟ་ཀྑ་ཏྟུཾ ཝ་ངྐ་ཏཱི་ཏི ས་ཏྟ་ཝ་ངྐོ, ‘‘ང སེ’’. ས་ཧ ཝ་ངྐེ་ན, སཾ་ཝི་ཛྫ་མཱ་ནོ ཝཱ ཝ་ངྐོ ཡ་སྶ ས་ཝ་ངྐོ, ‘‘ང མྭེ’’. ན་ལ༹་ས་ཎྛཱ་ནོ མཱི་ནོ ན་ལ༹་མཱི་ནོ, ‘‘ང ཕ྄ौ-ཡོ’’. ཀ་ཌི ས་ནྣི་ཙ་ཡ་ཝ་ད་ནེ་ཀ་དེ་སེ་སུ, ཎྭུ, ག་ཎྜ་ཀོ, ‘‘ང མཱ’’. ས་སུ ཧིཾ་སཱ་ཡཾ, ཨུ, ཨ་སྶུ, སུ་སུ་ཀཱ, ས་ཀ་ཏྠེ་ཀོ, ‘‘ང-པ྄ौ-ཊ་ཡེ’’. ས་ཡ་ན་ཏོ པ་སྶེ་ན ཕ་ར་ཏཱི་ཏི ས་ཕ་རཱི, ན་དཱ་དི, ཕ་ར ཕ་ར་ཎེ, ས་ཕ་རཱི དྭཱི་སུ, ‘‘ང ཁཱུ-མཱ’’. པཱ་ཎི་གྒ་ཧ་ཎེ མུ་ཁཾ ཀི་ར་ཏཱི་ཏི མ་ཀ་རོ, ཡ་དཱ་དི.
༦༧༣. ཏི་མི་ཨཱ་ད་ཡོ ས་ཏྟ མ་ཧཱ་མ་ཙྪཱ ནཱ་མ. ཏི་མ ཨ་དྡ་བྷཱ་ཝེ, ཏི་མ་ཏཱི་ཏི ཏི་མི, ཨི, ཏི་མི མ་ཙྪ་མ་ཏྟེ་པི. གི་ར ནི་གྒི་ར་ཎེ, ཎོ, ལཏྟཾ, ཨི་སྶ་ཏྟཾ. ཏི་མི་ནོ ག་ལོ ཏི་མི་ངྒ་ལོ, ནི་གྒ་ཧཱི་ཏཱ་ག་མོ. ཝ་ཎྞེ་ན པི་ངྒ་ལ་ཏི་མི་ར་ས་དི་ས་ཏཱ་ཡ ཏི་མི་ར་པི་ངྒ་ལོ. ཨཱ བྷུ་སོ ན་ནྡ་ཏཱི་ཏི ཨཱ་ན་ནྡོ, ན་ནྡ ས་མི་དྡྷི་ཡཾ. ཏི་མི་ནོ མ་ཙྪེ ན་ནྡ་ཡ་ཏཱི་ཏི ཏི་མི་ན་ནྡོ. ‘‘ཏི་མི་ནྡོ’’ཏི་པི པཱ་ཋོ, ཏི་མཱི་ནཾ མ་ཙྪཱ་ནཾ ཨི་ནྡོ ཏི་མི་ནྡོ. ཨ་དྷི་ཀོ ཨཱ་རོ་ཧོ ཡ་སྶ ཨ་ཛ྄ཛྷཱ་རོ་ཧོ. མ་ཧ་ནྟོ ཏི་མི མ་ཙྪོ མ་ཧཱ་ཏི་མི.
༦༧༤. དྭ་ཡཾ ‘‘ང ཕེ’’ཨི་ཏི ཁྱཱ་ཏེ. པཱ་སཱ་ཎ་ས་དི་ས་ས་ཎྛཱ་ནོ མ་ཙྪོ པཱ་སཱ་ཎ་མ་ཙྪོ. པ་ཋ ཝི་ཡ་ཏྟི་ཡཾ ཝཱ་ཙཱ་ཡཾ, ཨི་ནོ, ཨུ་བྷ་ཡ་ཏྲ དཱི་གྷོ, པཱ་ཋཱི་ནོ, ‘‘ང-པ྄ौ’’ཏི ཙ ཝ་ད་ནྟི. དྭ་ཡཾ བ་ལི༹་སེ. ཝ་ངྐ་ཏཱི་ཏི ཝ་ངྐོ, ཝ་ངྐ ཀོ་ཊི་ལྱེ. བ་ལ སཾ་ཝ་ར་ཎེ, ཨི་སོ, ལ༹་ཏྟཾ. མ་ཙྪ་ཝེ་དྷ་ན་མྤི, ཝི་དྷ ཝི་དྷཱ་ནེ, བྷེ་ད་ནེ ཙ, ཨ་ནེ་ཀ་ཏྠ་ཏྟཱ, ཡུ.
ཏི་ཀཾ ཀུ་མྦྷཱི་ལེ. ‘‘སུཾ་སུ་མཱ་རོ’’ཏི ས་མུ་དི་ཏ་ནཱ་མཾ, ས་ས་ཏཱི་ཏི སུ་སུ. སུ་སུ ཨེ་ཝ སུཾ་སུ, མཱ་རེ་ཏཱི་ཏི མཱ་རོ, སུཾ་སུ ཨེ་ཝ མཱ་རོ སུཾ་སུ་མཱ་རོ. ཀེ་ན ཨུ་བྷ་ཏི པཱུ་རེ་ཏཱི་ཏི ཀུ་མྦྷོ, ཛ་ལཱ་ས་ཡོ, ཏ་ཏྲ ཨུ་ལ་ཏི ག་ཙྪ་ཏཱི་ཏི ཀུ་མྦྷཱི་ལོ, ཀུ་མྦྷཱི ཝཱ གྷ་ཊོ, ཏཾ ལཱ་ཏཱི་ཏི ཀུ་མྦྷཱི་ལོ. ན ཀ་མ་ཏཱི་ཏི ན་ཀྐོ, ཀྭི, ས་ཉྙཱ་ས་དྡ་ཏྟཱ ནསྶ པ་ཀ་ཏི, ན་ཀྐ ནཱ་ས་ནེ ཝཱ, ཙུ་རཱ་དི.
དྭ་ཡཾ ཀ་ཙྪ་པེ. ཀུ་ཙྪི་ཏོ ཨཱུ་མི ཝེ་གོ ཨ་སྶ ཀུ་མྨོ, ‘‘པ་ཀཱ་སེ ཝེ་ག་བྷ་ངྒེ་སུ, ཏ་ར་ངྒེ ཨཱུ་མི པུཾ་ཐི་ཡ’’ནྟི [ཙི་ནྟཱ་མ་ཎི་ཊཱི་ཀཱ ༡༠.༢༡] ར་བྷ་སོ, ‘‘ཝེ་གེ བྷ་ངྒ་པྤ་ཀཱ་སེ་སུ, བི་ལཱ་ཡཾ ཨཱུ་མི ཝཱི་ཙི་ཡ’’ནྟི ནཱ་ན་ཏྠ་ས་ངྒ་ཧོ. ཀ་ཙྪེ་ན པི་ཝ་ཏཱི་ཏི ཀ་ཙྪ་པོ, ཎོ, ཀ་མ་ཋོ་པྱ་ཏྲ, ཀ་མུ ཨི་ཙྪཱ་ཡཾ, ཨ་ཋོ.
༦༧༥. དྭ་ཡཾ ཀ་ཀྐ་ཊེ. ཀ་ཀ་ཏཱི་ཏི ཀ་ཀྐ་ཊ་ཀོ. ས་ཀ་ཏྠེ ཀོ, ཀུ་ཀ ཨཱ་དཱ་ནེ ཝཱ, ཨ་ཊོ, ཨུ་སྶ་ཏྟཾ. ཀུ་ལ ས་ནྟཱ་ནེ, བ་ནྡྷུ་མྷི ཙ, ཨཱི་རོ, ཀུཾ ཝཱ པ་ཐ་ཝིཾ ལུ་ནཱ་ཏཱི་ཏི ཀུ་ལཱི༹་རོ, ཨཱི་རོ. དྭ་ཡཾ ར་ཏྟ་པེ. ཛ་ལ་སྶ ཨཱུ་ཀཱ ཀི་མི་ཝི་སེ་སོ ཛ་ལཱུ་ཀཱ, ཛ་ལཾ ཨོ་ཀཾ གེ་ཧཾ ཨེ་ཏི་སྶཱ་ཏི ཝཱ ཛ་ལཱུ་ཀཱ, ཨོ་སྶཱུ, ཨུ་ཙ ས་མ་ཝཱ་ཡེ, ཎོ, ཨོ་ཀཾ. ར་ཏྟཾ རུ་དྷི་རཾ པི་ཝ་ཏཱི་ཏི ར་ཏྟ་པཱ.
ཏི་ཀཾ མ་ཎྜཱུ་ཀེ. མ་ཎྜ བྷཱུ་ས་ནེ, ཨུ་ཀོ, དཱི་གྷོ. ད་ད དཱ་ནེ, ཨུ་རོ, དྭི་ཏྟཾ. བྷཱི བྷ་ཡེ, ས་པྤ་ཏོ བྷཱ་ཡ་ཏཱི་ཏི བྷེ་ཀོ, ཨི་ཀོ, ཨཱི་སྶེ. ཝ་སྶཱ་བྷཱུ, སཱ་ལུ་རོ, པླ་ཝོ་པི. དྭ་ཡཾ ‘‘ཏཱི’’ཨི་ཏི ཁྱཱ་ཏེ. ག་ཎྜཾ ཝ་ཙྩ་ས་ནྣི་ཙ་ཡཾ ཨུ་པྤཱ་དེ་ཏཱི་ཏི ག་ཎྜུ་པྤཱ་དོ. མ་ཧི་ཡཱ ལ་ཏཱ མ་ཧཱི་ལ་ཏཱ, ཀི་ཉྩུ་ལུ་ཀོ་པི. ཀི་ཉྩ ཙུ་ལ་ཏཱི་ཏི ཀི་ཉྩུ་ལུ་ཀོ, ཨུ་ཀོ.
༦༧༦. དྭ་ཡཾ མུ་ཏྟཱ་ཕོ་ཊེ. ས་པྤ ག་མ་ནེ, ཨི, ཨ་སྶི, སི་པྤི, ཐཱི. སུ ཨ་བྷི་ས་ཝེ, ཏྟི, སུ་ཏྟི. དྭ་ཡཾ ས་ངྑེ. ཁ་ནུ ཨ་ཝ་དཱ་ར་ཎེ, ཀྭི, ས་ངྑོ. ས་མུ ཨུ་པ་ས་མེ ཝཱ, ཁོ, ས་ངྑོ. ཀཾ ཝཱ་ཏི ག་ཙྪ་ཏཱི་ཏི ཀུ་མྦུ, ཨུ, དྭེ་པྱ་ནི་ཏྠི་ཡཾ.
དྭ་ཡཾ ཁུ་དྡ་ས་ངྑ་ཛཱ་ཏི་ཡཾ. ས་ངྑ་སྶ ན་ཁོ ཨི་ཝ ས་ངྑ་ན་ཁོ. དྭ་ཡཾ ‘‘ཁ་རུ’’ཨི་ཏི ཁྱཱ་ཏེ. ཛ་ལེ ས་ཝ་ཏཱི་ཏི ཛ་ལ་སུ་ཏྟི, སུ པ་ས་ཝེ, ཏྟི. ས་མ་ཏཱི་ཏི ས་མྦུ་ཀོ, ཨུ་ཀོ, བོནྟོ ཙ, ‘‘ས་མྦུ་ཀོ ཛ་ལ་སུ་ཏྟི’ཏྠཱི’’ཏི [ཙི་ནྟཱ་མ་ཎི་ཊཱི་ཀཱ ༡༠.༢༣] པུཾ་ཀ་ཎྜེ ཝོ་པཱ་ལི་ཏོ.
༦༧༧. དྭ་ཡཾ ཛ་ལཱ་ས་ཡེ. ཛ་ལཱ་ནཾ ཨཱ་ས་ཡོ པ་ཏི་ཊྛི་ཏ་ཊྛཱ་ནཾ ཛ་ལཱ་ས་ཡོ. ཏེ་སུ ཛ་ལཱ་ས་ཡེ་སུ མ་ཛ྄ཛྷེ ཡོ ག་མྦྷཱི་རོ ཨ་གཱ་དྷོ, སོ ར་ཧ་དཱཁྱོ, ཧ་ར ཧ་ར་ཎེ, བྷཱུ་ཝཱ་དི, དོ, ཝ་ཎྞ་ཝི་པ་རི་ཡ་ཡོ, ར་ཧ་དོ.
དྭ་ཡཾ ཨུ་ད་པཱ་ནེ. ཨུ་ད་ཀཾ པི་ཝ་ནྟི ཨ་སྨིཾ, ཡུ, ཀལོ་པོ. པི་ཝ་ནྟི ཨ་སྨིཾ པཱ་ནོ, སོ ཨེ་ཝ ཀཱུ་པོ པཱ་ན་ཀཱུ་པོ, ཀུ ས་དྡེ, པོ, དཱི་གྷཱ་དི, ཀཱུ་པོ, ཀེ་ན ཨུ་བྷ་ཏཱི་ཏི ཝཱ ཀཱུ་པོ, བྷསྶ པོ. ཨ་ནྡྷུ་པི, ཨ་ནྡྷ ད་སྶ་ནུ་པ་ས་ངྒྷཱ་ཏེ, ཙུ་རཱ་དི, ཨུ. དྭ་ཡཾ ས་མ་ཙ་ཏུ་ར་སྶ་པོ་ཀྑ་ར་ཎི་ཡཾ. ཁ་ནུ ཨ་ཝ་དཱ་ར་ཎེ, ཀ་མྨེ ཏོ, ནལོ་པོ, དཱི་གྷཱ་དི. པོ་ཀྑ་རཾ ཛ་ལཾ, ཏཾ་ཡོ་གཱ ཨ་ནོ, ན་དཱ་དི, པོ་ཀྑ་ར་ཎཱི.
༦༧༨. ཏི་པཱ་དེ་ན མ་ཧ་ཏོ ས་དཱ ཨ་གཱ་དྷ་ཛ་ལ་སྶ པ་དྨ་ཊྛཱ་ན་སྶ ཙ པ་དྨ་སུ་ཉྙ་སྶ ཙ ཡོ་གྱ་ཏཱ་ཡ ནཱ་མཾ [ཨ་མ་ར ༡༠.༢༨ གཱ་ཐཱ་ཡཾ པ་སྶི་ཏ་བྦཾ]. ཏ་ལ༹ ཨཱ་གྷཱ་ཏེ, ཏ་ལ པ་ཏི་ཊྛཱ་ཡཾ ཝཱ, ཨཱ་ཀོ, ཨ་པ་ར་པ་ཀྑེ ལ༹་ཏྟཾ. ས་ར ག་མ་ནེ, ཨ, ས་རོ. ཝ་པ བཱི་ཛ་ནི་ཀྑེ་པེ, ཝ་པ་ནྟི ཡཱ་ཡ ཝཱ་པཱི, ཨཱ་ཡ་ཏ་ཙ་ཏུ་ར་སྶཱ་ཡ་མྤི. ས་རཏི་སྨཱ ཨ་སོ, ན་དཱ་དི, ས་ར་སཱི. ད་ཧ བྷ་སྨཱི་ཀ་ར་ཎེ, ཨ, ད་དྷ དྷཱ་ར་ཎེ ཝཱ, དྷསྶ ཧོ. ཨ་མྦུ་ཛཱ་ནཾ པ་དྡྷཱ་ནཾ ཨཱ་ཀ་རོ ཨུ་པྤ་ཏྟི་ཊྛཱ་ནཾ.
ཁུ་དྡ་ཀོ ས་རོ ‘‘པ་ལླ་ལ’’ནྟྱུ་ཙྩ་ཏེ. ཡ་ཏྲ ཝ་སྶཱ་སུ ཨ་དྷི་ཀཾ ཛ་ལཾ, གི་མྷེ་སུ ཛཱ་ཎུ་མ་ཏྟཾ, སུ་ཀྑ་ཏྱེ་ཝ ཝཱ, པ་ལླ ར་ཀྑ་ཎེ, ཙུ་རཱ་དི, ཨ་ལོ, པ་ལླ་ལཾ.
༦༧༩-༦༨༠. ཨ་ནོ་ཏ་ཏྟཱ་ད་ཡོ ཨེ་ཏེ ས་ཏྟ མ་ཧཱ་ས་རཱ ནཱ་མ. ཏ་ཏྲ སཱུ་རི་ཡ་རཾ་སི་ས་མྥུ་ཊྛཱ་བྷཱ་ཝེ་ན ན ཨ་ཝ་ཏ་པ་ཏི ཨུ་ད་ཀ་མེ་ཏྠཱ་ཏི ཨ་ནོ་ཏ་ཏྟོ. ཀ་ཎྞ་མུ་ཎྜ་པ་བྦ་ཏ་ས་མཱི་པ་ཏྟཱ ཀ་ཎྞ་མུ་ཎྜོ. ར་ཐཾ ཀ་རོ་ཏཱི་ཏི ར་ཐ་ཀཱ་ར་ཀོ, ཡ་ཐཱ་ཀ་ཐ་ཉྩི ཨ་ཡཾ བྱུ་པྤ་ཏྟི ནཱ་མ, ས་ཉྙཱ པ་ན ལོ་ཀ་ཏོ་ཡེ་ཝཱ་ཝ་ག་ནྟ་བྦཱ. ཚ་བྦ་ཎྞ་ད་ནྟ་ཝ་ནྟ་ཏཱ་ཡ ཚ་དྡ་ནྟོ, ནཱ་ག་རཱ་ཛཱ, ཏ་སྶ ནི་ཝཱ་ས་ན་ཊྛཱ་ན་ས་མཱི་པ་ཏྟཱ ཚ་དྡ་ནྟོ, ས་རོ. ཀུ་ཎཱ་ལ་ས་ཀུ་ཎཱ བ་ཧ་ཝོ ཡ་ཏྠ ས་ནྟི ཀུ་ཎཱ་ལོ. མ་ནྡཱ་ཀི་ནཱི ཨཱ་ཀཱ་ས་ག་ངྒཱ་ཡ་མྤི ཝུ་ཏྟཱ. བ་ཧ་ཝོ སཱི་ཧཱ པ་པ་ཏ་ནྟི ཨ་སྨིཾ སཱི་ཧ་པྤ་པཱ་ཏོ.
དྭ་ཡཾ ཛ་ལ་པྤཱ་ཡེ དེ་སེ ཀཱུ་པ་ནི་ཀ་ཊེ པ་སུ་པཱ་ན་ཏྠཾ པ་ཏྠཱ་རཱ་དི་ར་ཙི་ཏེ ཛ་ལཱ་ས་ཡེ. ཨཱ་ཧཱུ་ཡ་ནྟེ པ་ས་ཝོ ཨ་ཏྲ པཱ་ནཱ་ཡཱ་ཏི ཨཱ་ཧཱ་ཝོ, ཎོ, ཝུ་ཌྜྷཱ་ཝཱ་དེ་སོ. ནི་པི་ཝ་ནྟི ཨ་སྨིཾ ནི་པཱ་ནཾ, ཡུ. དྭ་ཡཾ སུ་ར་ཁཱ་ཏེ, ཨ་པོ་རི་སེ དེ་ཝ་ནི་མྨི་ཏེ་ཏི བྷཱ་ཝོ, སོ་ཎྜེ་ཨི་ཙྩ་ཉྙེ. ‘‘ཨ་ཁཱ་ཏོ དེ་ཝ་ཁཱ་ཏ་ཀོ’’ཏི [ཨ་མ་ར ༡༠.༢༧] ཧི ཨ་མ་ར་མཱ་ལཱ་ཡཾ པུཾ་ས་ཀ་ཎྜཾ.
༦༨༡. ན་དྱནྟཾ ན་དཱི་ཡཾ. ས་ཝ་ཏཱི་ཏི, ཨ་ནྟོ, ན་དཱ་དི, ས་ཝ་ནྟཱི. ནི་ནྣ་ཊྛཱ་ནཾ ག་ཙྪ་ཏཱི་ཏི ནི་ནྣ་གཱ, ཀྭི. ས་ནྡ པ་ས་ཝ་ནེ, ཨུ, ཨ་སྶི་ཏྟཾ, ཝ་ཎྞ་ཝི་ཀཱ་རོ, སི་ནྡྷུ. ས་ར ག་མ་ནེ, ཏོ, ཨི་ཀཱ་རཱ་ག་མོ, ས་རི་ཏཱ. ཨཱ་པཱ་ནཾ ནི་ཝཱ་སོ ཨཱ་པོ, ས་མུ་དྡོ, ཎོ, ཏཾ ག་ཙྪ་ཏཱི་ཏི ཨཱ་པ་གཱ. ན་ད ཨ་བྱ་ཏྟ་ས་དྡེ, ན་ད་ཏཱི་ཏི ན་དཱི, ན་དཱ་དི, ཏ་ར་ངྒ་ནཱི་པྱ་ཏྲ.
དྭ་ཡཾ ག་ངྒཱ་ཡཾ. བྷ་གཱི་ར་ཐེ་ན ར་ཉྙཱ ནི་བྦ་ཏྟི་ཏཱ བྷཱ་གཱི་ར་ཐཱི་ཏི ལོ་ཀི་ཡཱ, ཨ་སྨཱ་ཀ་ནྟུ མ་ཏེ་ན ནཱ་མ་མ་ཏྟ་མེ་ཝེ་ཏཾ ཏ་སྶཱ་ཏི ས་ནྣི་ཊྛཱ་ནཾ, ཨེ་ཝཾ ས་བྦ་ཏྲ. ག་ཙྪ་ཏཱི་ཏི ག་ངྒཱ, ག་མིཏོ གོ, ཏི་པ་ཐ་ག་ཏཱ་པི, ཏ་ཡོ ས་གྒ་མ་ཙྩ་པཱ་ཏཱ་ལ་པ་ཐེ ག་ཏཱ ཏི་པ་ཐ་ག་ཏཱ. སི་ནྡྷཱུ་ནཾ ན་དཱི་ནཾ ས་ངྒ་མོ མེ་ལ་ཀོ ས་མྦྷེ་དོ. ས་མྨཱ བྷི་ཛྫ་ནྟི ཨ་སྨིཾ ས་མྦྷེ་དོ, སཾཔུ་བྦོ བྷི་དི མེ་ལ་ནེ, ཎོ.
༦༨༢. ག་ངྒཱ་དི་ཀཱ ཨི་མཱ པ་ཉྩ ན་དི་ཡོ མ་ཧཱ་ན་དཱི ནཱ་མ. ཨ་ཙི་རཾ སཱི་གྷ་ག་མ་ནཾ ཨེ་ཏི་སྶ་མ་ཏྠཱི་ཏི ཨ་ཙི་ར་ཝ་ཏཱི. ཡ་མུ ཨུ་པ་ར་མེ, ཨུ་ནོ, ཡ་མ་སྶ བྷ་གི་ནཱི ཝཱ ཡ་མུ་ནཱ, བྷ་གི་ནྱ་ཏྠེ ཨུ་ནོ. ས་རཱ་ནི བྷ་ཝ་ནྟི ཡཱ་ཡ ཨ་ཝ་དྷི་བྷཱུ་ཏཱ་ཡཱ་ཏི ས་ར་བྷཱུ, ས་ར ག་ཏི་ཧིཾ་སཱ་ཙི་ནྟཱ་སུ ཝཱ, ཨཱུ, ཨ་བྷོནྟོ ཙ, ས་ར་བྷཱུ. མ་ཧ པཱུ་ཛཱ་ཡཾ, ཨ, ན་དཱ་དི.
ཙ་ནྡ་བྷཱ་གཱ་དི་ཀཱ ནི་ནྣ་གཱ པ་ཉྩ མ་ཧཱ་ན་དི་ཏོ ཨ་ཉྙཱ་སཾ ན་དཱི་ནཾ བྷེ་དཱ. ཙ་ནྡ་བྷཱ་གོ ནཱ་མ པ་བྦ་ཏོ, ཏ་ཏོ པ་བྷ་ཝ་ཏཱི་ཏི ཙ་ནྡ་བྷཱ་གཱ. ས་ར་ཡོ་གཱ ཝ་ནྟུ, མ་ཛ྄ཛྷེ སཀཱ་རཱ་ག་མོ, ན་དཱ་དི, ས་ར་སྭ་ཏཱི. ཝ་ནྟུ་ར་ཏྲཱ་ཏི་ས་ཡེ.
༦༨༣. ནི་དྡོ་སཾ ཛ་ལཾ ཨ་སྶཾ ནེ་ར་ཉྫ་རཱ, ཡ་དཱ་དི, ཨ་ཐ ཝཱ ནེ་ར་ཉྫ་རཱ ནཱ་མ ཏཱུ་རི་ཡ་ཝི་སེ་སོ, ཏཾ་ས་མཱ་ན་ས་དྡ་ཏཱ་ཡ ཨ་ཡཾ ན་དཱི ནེ་ར་ཉྫ་རཱ ནཱ་མ. ནཱ་ནཱ་གཱ་ཧཱ་ཀུ་ལཱི་བྷཱུ་ཏ་ཏཱ་ཡ ཀུ་ཙྪི་ཏཾ ཝེ་རཾ ཨ་སྶཱ ཀཱ་ཝེ་རཱི, ན་དཱ་དི. ན་མྨཾ སུ་ཁཾ ད་དཱ་ཏཱི་ཏི ན་མྨ་དཱ, ཎོ. ཨཱ་དིནཱ ས་རཱ་ཝ་ཏཱི ཝེ་ཏྟ་ཝ་ཏཱི ཀ་ཎྚ་ཀཱི ཀོ་སི་ཀཱི་ཨཱ་དི་ཀཱ ཨ་ནེ་ཀཱ ན་དཱི་བྷེ་དཱ ས་ངྒ་ཧི་ཏཱ.
དྭ་ཡཾ ཧ་མྨི་ཡ་དེ་ཝཱ་ལ་ཡཱ་དཱི་སུ ཛ་ལ་མ་གྒེ. ཝཱ་རི་ནོ ནི་ཀྑ་མ་ན་མ་གྒོ ཝཱ་རི་མ་གྒོ. ན་ལ ག་ནྡྷེ, ཨ, ན་དཱ་དི, ལ༹་ཏྟཾ, པ་ནཱ་ལི༹, ཨ་ཡཾ ཨི་ཏྠི་ཡཾ, པུ་མེ ཙ.
ཏི་ཀཾ གཱ་མ་དྭཱ་ར་མྷི ཨ་སུ་ཙི་པཱུ་ཏི་པ་ངྐ་ས་མྤུ་ཎྞཱ་ཡཾ ཀཱ་སུ་ཡཾ. ཙི་ཏྟཾ དུ་ནོ་ཏཱི་ཏི ཙ་ནྡ་ནི་ཀཱ, ཡ་དཱ་དི.
༦༨༤-༦༨༥. ཛ་མུ ཨ་ད་ནེ, ཨ་ལོ, ན་དཱ་དི, བོནྟོ ཙ, ལ༹་ཏྟཾ, ཛ་མྦཱ་ལཱི༹. ཨ་ཝ་ལ་གྒ་ནྟི ཨ་སྨིཾ ཨོ་ལི༹་ག་ལློ, ལ་གྒ ས་ངྒེ, ཨ་ལོ, ལ༹་ཏྟཾ, ཨ་སྶི, གལོ་པོ, དྭི་ཏྟ་ཉྩ. སཱ་དྡྷ་པ་ཛྫེ་ན པ་དུ་མ་སྶ ནཱ་མཾ. ས་ར་སི རུ་ཧ་ཏཱི་ཏི ས་རོ་རུ་ཧཾ, རོ. ས་ཏཾ པ་ཏྟཱ་ནི ཨ་སྶ, པ་དྨ་ཝི་སེ་ས་ཏྠེ་པྱ་སྶ པ་དྨ་ཏྟཱ ཝི་སེ་ས་ཏོ ཨ་བྷེ་དོ. ཨ་རཾ ཝི་ནྡ་ཏཱི་ཏི ཨ་ར་ཝི་ནྡཾ. པ་ད ག་མ་ནེ, ཨུ་མོ. པ་དུ་མཾ, ཨ་ནི་ཏྠཱི. པ་ངྐེ ཀ་དྡ་མེ རུ་ཧ་ཏཱི་ཏི པ་ངྐེ་རུ་ཧཾ, ཨ་ལུ་ཏྟ་ས་མཱ་སོ་ཡཾ. ན་ལ ག་ནྡྷེ, ཨི་ནོ, ལ༹་ཏྟཾ. པུ་ས ཝུ་ཌྜྷི་མྷི, ཁ་རོ, ཝུ་ཌྜྷི, སསྶ ཀོ, པོ་ཀྑ་རེ ཛ་ལེ ཛཱ་ཏ་ནྟི ཝཱ པོ་ཀྑ་རཾ. མུ་ལཱ༹་ལ་ཏོ་པི ཨུ་གྒ་ནྟྭཱ པུ་པྥ་ཏི མུ་ལཱ༹་ལ་པུ་པྥཾ. ཀཾ ཛ་ལཾ ཨ་ལ་ཡ་ཏི བྷཱུ་ས་ཡ་ཏཱི་ཏི ཀ་མ་ལཾ, ཨ་ལ བྷཱུ་ས་ནེ. བྷི་ས་ཏོ་པི ཨུ་གྒ་ནྟྭཱ པུ་པྥ་ཏཱི་ཏི བྷི་ས་པུ་པྥཾ. ཀུ་སེ ཛ་ལེ སེ་ཏི ཏི་ཊྛ་ཏཱི་ཏི ཀུ་སེ་ས་ཡཾ, རོ, ཨ་ལུ་ཏྟ་ས་མཱ་སོ. ཏཱ་མ་ར་ས་མྤི, ཏཱ་མ་རཾ ཛ་ལཾ, ‘‘ཏཱ་མ་རཾ གྷ་ཏ་མ་ཎྞོ ཙེ’’ཏི ཏ་ནྟ་ཏ་ནྟ་རཾ, ཏ་ཏྲ སེ་ཏི ཏི་ཊྛ་ཏཱི་ཏི ཏཱ་མ་ར་སཾ, རོ.
༦༨༦. སི་ཏཾ སེ་ཏཾ ཀ་མ་ལཾ ‘‘པུ་ཎྜ་རཱི་ཀ’’ནྟྱུ་ཙྩ་ཏེ, པུ་ཌི ཁ་ཎྜ་ནེ, མུ་ཌི་རི་ཏྱེ་ཀེ, ཨི་ཀོ, ཨ་རཱག་མོ ཙ, མསྶ པོ, ཨི་སྶཱི་ཀཱ་རོ ཙ, པུ་ཎྜ་རཱི་ཀཾ. ར་ཏྟཾ ཏུ ཀ་མ་ལཾ ‘‘ཀོ་ཀ་ན་དཾ, ཀོ་ཀཱ་ས་ཀོ’’ཏི ཙོ་ཙྩ་ཏེ. ཀོ་ཀེ ནཱ་ད་ཡ་ཏཱི་ཏི ཀོ་ཀ་ནཱ་དཾ, ཎོ. ར་ཏྟུ་པྤ་ལེ ཙ, ‘‘ཀོ་ཀ་ན་དཾ, ཀོ་ཀ་ནུ་ད’’ནྟི་པི པཱ་ཋོ, ཀེ ཀ་ན་ཏི དི་བྦ་ཏཱི་ཏི ཝཱ ཀོ་ཀ་ན་དཾ, བྷཱུ་ཝཱ་དི, དོ, ཨ་སྶོ. ཀ་ན དི་ཏྟི་ཀ་ནྟི་ག་ཏཱི་སུ, ཀེ ཀཱ་ས་ཏཱི་ཏི ཀོ་ཀཱ་ས་ཀོ, ཎྭུ, ཀཱ་ས དི་ཏྟི་ཡཾ.
དྭ་ཡཾ ཀེ་ས་རེ, ཀེ ཛཱ་ཡ་ཏཱི་ཏི ཀི, ཀ་མ་ལཱ་དི, ཏ་སྨིཾ ཛཱ་ཡ་ཏི, ཛ་ལ་ཏཱི་ཏི ཝཱ ཀི་ཉྫ་ཀྑོ, ཁོ, ན་སྶ, ལསྶ ཝཱ ཀོ, ནི་གྒ་ཧཱི་ཏཱ་ག་མོ, ཀེ ས་ར་ཏཱི་ཏི, ཨ, ས་ཏྟ་མི་ཡཱ ཨ་ལོ་པོ, དྭ་ཡ་མ་ནི་ཏྠཱི. དྭ་ཡཾ པ་དྨཱ་དི་ད་ཎྜེ. ད་ཎྜ་ས་དི་ས་ཏཱ་ཡ ད་ཎྜོ. ན་ལ ག་ནྡྷེ, ཎོ.
༦༨༧. དྭ་ཡཾ མུ་ལཱ༹་ལེ. ཝི་ས པེ་ར་ཎེ, ཝསྶ བྷོ, བྷི་སཾ, བྷཱ་ས དི་ཏྟི་ཡཾ ཝཱ, ཨཱ་ཀཱ་ར་སྶི. མཱུ་ལེ ཛཱ་ཡ་ཏཱི་ཏི མུ་ལཱ༹་ལོ, ཨ་ཉྙ་ཏྠེ ཨ་ལོ, ར་སྶཱ་དི, ལ༹ཏྟ་ཉྩ, མཱུ་ལ པ་ཏི་ཊྛཱ་ཡཾ ཝཱ, ཨ་ལོ, སེ་སཾ པུ་བྦ་ས་དི་སཾ, དྭ་ཡཾ་པྱ་ནི་ཏྠཱི.
དྭ་ཡཾ ཀ་ཎྞི་ཀཱ་ཡཾ. བཱི་ཛ་སྶ ཀོ་སོ ཨཱ་ཀ་རོ བཱི་ཛ་ཀོ་སོ. ཀ་ཎྞེ ཀ་རཱི་ཡ་ཏཱི་ཏི ཀ་ཎྞི་ཀཱ, ཀ་ཎྞཱ་ལ་ངྐཱ་རོ, ཏཾ་ས་དི་ས་ས་ཎྛཱ་ན་ཏཱ་ཡ ཀ་ཎྞི་ཀཱ, པ་དུ་མཱ་དཱི་ནཾ ས་མཱུ་ཧེ ག་ཧ་ནེ ཝ་ནེ་ཏྱ་ཏྠོ. ས་ཎ དཱ་ནེ, ཌོ, ས་ཎྜཾ, ‘‘ས་ཎྜཾ པ་དྡྷཱ་དི་ས་ངྒྷཱ་ཏེ, གོ་པ་ཏི་མྷི པུ་མེ བྷ་ཝེ’’ཏི ནཱ་ན་ཏྠ་ས་ངྒ་ཧོ.
༦༨༨. དྭ་ཡཾ པ་དྨ་ཀུ་མུ་དཱ་དི་སཱ་མ་ཉྙེ, ཏ་ཐཱ ཧི པ་དྨཾ མ་ཧོ་པྤ་ལཾ སི་ཏོ་པྤ་ལ་མུ་ཙྩ་ཏེ, ‘‘ཀུ་ཝ་ལ་ཡཾ ཨུ་པྤ་ལ་ཉྩ, ནཱི་ལ་མི་ནྡཱི་ཝ་ར་ནྟི ཧི’’ཨི་ཏི བྱཱ་ཌི, ‘‘ཨུ་པྤ་ལ་ཉྩ ཀུ་ཝ་ལ་ཡཾ, ནཱི་ལ་མི་ནྡཱི་ཝ་རཾ མ་ཏ’’ནྟི བྷཱ་གུ་རི ཙ, ‘‘རོ་མོ སི་ཏི ཙ ནཱི་ལོ, ཀུ་ཝ་ལ་ཡ་མི་ནྡཱི་ཝ་ར་ཉྩ ནཱི་ལ་མྦུ་ཛ’’ནྟི ཏུ ཝ་ར་རུ་ཙི. ‘‘ཀུ་ཝ་ལ་ཡ་ད་ལ་སཱ་མོ་པྱ་ངྒ་ད་དྷི་ཏི པ་རི་དྷཱུ ས་ར’’ནྟི མཱ་ལ་དྷི, མཱ་དྷ་ཝོ ཙ, ཏ་ཏྲ པུ་བྦ་ཀ་མ་ཏ་མི་ཧ ནི་སྶཱི་ཡ་ཏེ. ཡ་དྱེ་ཝཾ ཀ་ཐམུ་པྤ་ལས་དྡེ་ན ནཱི་ལུ་པྤ་ལཱ་དཱི་སྭེ་ཝ བུ་དྡྷི, ན པ་ན མ་ཧོ་པྤ་ལཱ་དི་མྷཱི་ཏི? ཝུ་ཙྩ་ཏེ – སཱ་མ་ཉྙེ་པི དྷ་ཉྙ་ཏྟེ ཡ་ཐཱ དྷ་ཉྙས་དྡེ་ན ཀ་ལ་མཱ་དཱི་སྭེ་ཝ བུ་དྡྷི, ན པ་ན མུ་གྒཱ་དཱི་སུ, ཨེ་ཝ་མི་ཧཱ་པི. ཨུཔུ་བྦོ པཱ པཱ་ནེ, ཨ་ལོ, དྭི་ཏྟཾ, ཨུ་ད་ཀེ པླ་ཝ་ཏཱི་ཏི ཝཱ ཨུ་པྤ་ལཾ, ཡ་དཱ་དི. ཀུ་ཡཱ པ་ཐ་ཝི་ཡཱ ཝ་ལ་ཡཾ ཨི་ཝ སོ་བྷཱ་ཀ་ར་ཏྟཱ ཀུ་ཝ་ལ་ཡཾ.
དྭ་ཡཾ ནཱི་ལུ་པྤ་ལེ. ནཱི་ལ་ཝ་ཎྞེ, ཨ, ནཱི་ལཾ, ཨི་ནྡ་ཏཱི་ཏི ཨི་ནྡཱི, ན་དཱ་དི, ཨི་ནྡཱི ལ་ཀྑཱི, ཏ་སྶཱ ཝ་རཾ ཨི་ནྡཱི་ཝ་རཾ, ཨི་ནྡ པ་ར་མི་སྶ་རི་ཡེ ཝཱ, ཨཱི་རོ.
ཨ་སྨིཾ ནཱི་ལུ་པྤ་ལེ སེ་ཏེ ཀུ་མུ་དཾ ནཱ་མ. ཀུ་ཡཾ མོ་ད་ཏེ ཀུ་མུ་དཾ, ཎོ. ཨ་སྶ པ་དུ་མཱ་དི་ནོ ཀ་ནྡོ སཱ་ལཱུ་ཀ་མུ་ཙྩ་ཏེ. ཀཾ སུ་ཁཾ ད་དཱ་ཏཱི་ཏི ཀ་ནྡོ, ཀ་ནྡ ཨ་ཝ྄ཧཱ་ནེ ཝཱ རོ་ད་ནེ ཙ. ས་ལ ག་མ་ན་ཏྠོ ད་ཎྜ་ཀོ དྷཱ་ཏུ, ཨུ་ཀོ, དཱི་གྷོ, སཱ་ལཱུ་ཀཾ.
༦༨༩. ཏི་ཀཾ ར་ཏྟཱ་ར་ཏྟ་སཱ་མ་ཉྙེ. ཀ་མ་ལ་ཏོ ཨ་ཉྙ་ཏ་ར་སྨིཾ ཛ་ལ་ཀུ་སུ་མེ, ན ཏུ ར་ཏྟེ་ཡེ་ཝ, སུ་ག་ནྡྷེ་ན ཡུ་ཏྟཾ སོ་ག་ནྡྷི་ཀཾ. ཀ་སྶ ཧཱ་རཾ ཨི་ཝ སོ་བྷཱ་ཀ་ར་ཏྟཱ ཀ་ལླ་ཧཱ་རཾ, ལཱག་མོ, དྭི་ཏྟ་ཉྩ. ད་ཀཾ སཱི་ཏ་ལཾ ཀ་རོ་ཏཱི་ཏི ད་ཀ་སཱི་ཏ་ལི་ཀཾ.
དྭ་ཡཾ སེ་ཝཱ་ལེ. ཨུ་ད་ཀཾ སེ་ཝ་ཏཱི་ཏི སེ་ཝཱ་ལོ, ཨ་ལོ, ཝཀཱ་རཱ་ག་མོ, ཨི་སྶེ ཙ. ནཱི་ལ་ཏཱི་ཏི ནཱི་ལི་ཀཱ, ནཱི་ལ ཝ་ཎྞེ, ཨི་ཀོ, ནཱི་ལ་ཝ་ཎྞ་ཡོ་ག་ཏོ ཝཱ ནཱི་ལི་ཀཱ, སེ་ཝ་ལོ་པི, དྭ་ཡཾ པ་དྨ་ཡུ་ཏྟེ དེ་སེ, པ་དྨ་ས་མཱུ་ཧེ ཙ. ན་ལི༹་ནཱི ཙ པ་ངྐ་ཛི་ནཱི ཝི་སི་ནཱི ཙ ས་རོ་ཛི་ནཱི པ་དྨི་ནཱི་ཏི པ་རི་ཡཱ་ཡཱ. ‘‘པ་དྨ་ས་ཎྜཾ ཏ་དཱ་ཀ་རེ’’ཏི ཧི པ་རི་ཡཱ་ཡཾ ར་ཏ་ན་མཱ་ལཱ་ཡཾ མཱ་དྷ་ཝོ, ཝི་སཾ ས་མཾ, ཏ་བྦ་ནྟ་ཏཱ་ཡ ཝི་སི་ནཱི, ཨི་ནོ, ན་དཱ་དི. ཨ་མྦུ་ཛ་ཡོ་ག་ཏོ, ཨ་མྦུ་ཛཱ་ནཾ ས་མཱུ་ཧ་ཏོ ཝཱ ཨ་མྦུ་ཛི་ནཱི.
༦༩༠. ཏི་ལ་བཱི་ཛཱ་ད་ཡོ སེ་ཝཱ་ལོ ནཱ་མ. ཏ་ཏྲ ཏི་ལ་བཱི་ཛ་པྤ་མཱ་ཎཾ ཛ་ལ་ས་ཎྛི་ཏཾ ནཱི་ལཱ་དི་ཝ་ཎྞ་ཡུ་ཏྟཾ ཏི་ལ་བཱི་ཛཾ ནཱ་མ. ས་ངྑོ ནཱ་མ ས་པ་ཏྟོ ཨ་པྤ་ཀ་ཎྜོ ཨུ་ཁཱ་པི་དྷཱ་ནཱ་དི་པྤ་མཱ་ཎོ ས་མཱུ་ལོ ཨེ་ཀོ སེ་ཝཱ་ལ་ཝི་སེ་སོ. པ་ཎ་ཀོ ནཱ་མ བྷ་མ་ར་ས་ཎྛཱ་ནོ ནཱི་ལ་ཝ་ཎྞོ ཨེ་ཀོ སེ་ཝཱ་ལ་ཝི་སེ་སོ, པ་ཎ ས་ངྑཱ་ཏེ, ཎྭུ, པ་ཎ་ཀོ.
པཱ་ཏཱ་ལ་ཝ་གྒ་ཝ་ཎྞ་ནཱ ནི་ཊྛི་ཏཱ.
ཨི་ཏི ས་ཀ་ལ་བྱཱ་ཀ་ར་ཎ་མ་ཧཱ་ཝ་ནཱ་ས་ངྒ་ཉཱ་ཎ་ཙཱ་རི་ནཱ ཀ་ཝི་ཀུ་ཉྫ་ར་ཀེ་ས་རི་ནཱ དྷཱི་མ་ཏཱ སི་རི་མ་ཧཱ་ཙ་ཏུ་ར་ངྒ་བ་ལེ་ན མ་ཧཱ་མ་ཙྩེ་ན ཝི་ར་ཙི་ཏཱ་ཡཾ ཨ་བྷི་དྷཱ་ན་པྤ་དཱི་པི་ཀཱ་ཝ་ཎྞ་ནཱ་ཡཾ བྷཱུ་ཀ་ཎྜ་ཝ་ཎྞ་ནཱ ས་མ་ཏྟཱ.