༢. སཾ་ཀི་ཎྞ་ཝ་གྒ
༧༥༨. ཉེ་ཡྻཾ ལི་ངྒ མི་ཧ ཀྭཱ་པི, པ་ཙྩ་ཡ་ཏྠ་ཝ་སེ་ན ཙ;
ཀྲི་ཡཱ ཏུ ཀི་རི་ཡཾ ཀ་མྨཾ,
ས་ནྟི ཏུ ས་མ་ཐོ ས་མོ;
ད་མོ ཙ ད་མ་ཐོ ད་ནྟི, ཝ་ཏྟཾ ཏུ སུ་དྡྷ་ཀ་མྨ་ནི;
ཨ་ཐོ ཨཱ་ས་ངྒ་ཝ་ཙ་ནཾ, ཏཱི་སུ ཝུ་ཏྟཾ པ་རཱ་ཡ་ཎཾ.
༧༥༩. བྷེ་དོ ཝི་དཱ་རོ ཕུ་ཊ་ནཾ, ཏ་པྤ་ནཾ ཏུ ཙ པཱི་ཎ་ནཾ;
ཨ་ཀྐོ་ས་ན མ་བྷི་ས་ངྒོ,
བྷི་ཀྑཱ ཏུ ཡཱ་ཙ་ནཱ’ཏྠ་ནཱ.
༧༦༠. ནི་ནྣི་མི་ཏྟཾ ཡ་དི་ཙྪཱ ཐཱ’, པུ་ཙྪ་ནཱ ན་ནྡ་ནཱ་ནི ཙ;
ས་བྷཱ་ཛ་ན མ་ཐོ ཉཱ་ཡོ,
ན་ཡོ ཕཱ་ཏི ཏུ ཝུ་དྡྷི་ཡཾ.
༧༦༡. ཀི་ལ་མ་ཐོ ཀི་ལ་མ་ནཾ, པ་ས་ཝོ ཏུ པ་སཱུ་ཏི་ཡཾ;
ཨུ་ཀྐཾ་སོ ཏྭ་ཏི་ས་ཡོ ཐ,
ཛ་ཡོ ཙ ཛ་ཡ་ནཾ ཛི་ཏི.
༧༦༢. ཝ་སོ ཀ་ནྟི, བྱ་དྷོ ཝེ་དྷོ,
ག་ཧོ གཱ་ཧོ ཝ་རོ ཝུ་ཏི;
པ་ཙཱ པཱ་ཀོ ཧ་ཝོ ཧུ་ཏི [ཧཱུ་བྷི (སཱི. ཨ་མ་ར་ཀོ་ས)],
ཝེ་དོ ཝེ་ད་ན མི་ཏྠི ཝཱ.
༧༦༣. ཛཱི་ར་ཎཾ ཛཱ་ནི ཏཱ་ཎཾ ཏུ, ར་ཀྑ་ཎཾ པ་མི་ཏི་པྤ་མཱ;
སི་ལེ་སོ ས་ནྡྷི ཙ ཁ་ཡོ,
ཏྭ་པ་ཙ་ཡོ ར་ཝོ ར་ཎོ.
༧༦༤. ནི་གཱ་དོ ནི་ག་དོ མཱ་དོ, མ་དོ པ་སི་ཏི བ་ནྡྷ་ནཾ;
ཨཱ་ཀ་རོ ཏྭི་ངྒི་ཏཾ ཨི་ངྒོ,
ཨ་ཐ’ཏྠཱ་པ་ག་མོ བྱ་ཡོ.
༧༦༥. ཨ་ནྟ་རཱ་ཡོ ཙ པ་ཙྩཱུ་ཧོ,
ཝི་ཀཱ་རོ ཏུ ཝི་ཀ་ཏྱ’པི;
པ་ཝི་སི་ལེ་སོ ཝི་དྷུ་རཾ, ཨུ་པ་ཝེ་ས་ན་མཱ་ས་ནཾ.
༧༦༦. ཨ་ཛ྄ཛྷཱ་ས་ཡོ ཨ་དྷི་པྤཱ་ཡོ, ཨཱ་ས་ཡོ ཙཱ་བྷི་ས་ནྡྷི ཙ;
བྷཱ་ཝོ དྷི་མུ་ཏྟི ཚ་ནྡོ ཐ,
དོ་སོ ཨཱ་དཱི་ན་ཝོ བྷ་ཝེ.
༧༦༧. ཨཱ་ནི་སཾ་སོ གུ་ཎོ ཙཱ་ཐ,
མ་ཛ྄ཛྷཾ ཝེ་མ་ཛ྄ཛྷ མུ་ཙྩ་ཏེ;
མ་ཛ྄ཛྷ་ནྷི་ཀོ [མ་ཛ྄ཛྷ་ནྟི་ཀོ (ཊཱི. སཱི. པཱི.)] ཏུ མ་ཛ྄ཛྷ་ནྷོ, ཝེ་མ་ཏྟཾ ཏུ ཙ ནཱ་ན་ཏཱ.
༧༦༨. ཝཱ ཛཱ་ག་རོ ཛཱ་ག་རི་ཡཾ [ཛཱ་ག་རི་ཡོ (ཊཱི.)], པ་ཝཱ་ཧོ ཏུ པ་ཝ་ཏྟི ཙ;
བྱཱ་སོ པ་པ་ཉྩོ ཝི་ཏྠཱ་རོ,
ཡཱ་མོ ཏུ སཾ་ཡ་མོ ཡ་མོ.
༧༦༩. ས་མྦཱ་ཧ་ནཾ མ་དྡ་ན་ཉྩ, པ་ས་རོ ཏུ ཝི་ས་པྤ་ནཾ;
ས་ནྠ་ཝོ ཏུ པ་རི་ཙ་ཡོ,
མེ་ལ་ཀོ ས་ངྒ ས་ངྒ་མཱ.
༧༧༠. ས་ནྣི་དྷི ས་ནྣི་ཀ་ཊྛ་མྷི, ཝི་ནཱ་སོ ཏུ ཨ་ད་སྶ་ནཾ;
ལ་ཝོ བྷི་ལཱ་ཝོ ལ་ཝ་ནཾ,
པ་ཏྠཱ་ཝོ’ཝ་ས་རོ ས་མཱ.
༧༧༡. ཨོ་སཱ་ནཾ པ་རི་ཡོ་སཱ་ནཾ, ཨུ་ཀྐཾ་སོ’ཏི་ས་ཡོ བྷ་ཝེ [ཨ་ཝ་སཱ་ནཾ ས་མཱ་པ་ནཾ (?)];
ས་ནྣི་ཝེ་སོ ཙ ས་ཎྛཱ་ནཾ, ཨ་ཐཱ’བྦྷ་ནྟ་ར མ་ནྟ་རཾ.
༧༧༢. པཱ་ཊི་ཧཱི་རཾ པཱ་ཊི་ཧེ་རཾ, པཱ་ཊི་ཧཱ་རི་ཡ མུ་ཙྩ་ཏེ;
ཀི་ཙྩཾ ཏུ ཀ་ར་ཎཱི་ཡ་ཉྩ, ས་ངྑཱ་རོ ཝཱ་ས་ནཱ བྷ་ཝེ.
༧༧༣. པ་ཝ་ནཾ པ་ཝ ནི་པྤཱ་ཝཱ, ཏ་ས་རོ སུ་ཏྟ་ཝེ་ཋ་ནཾ;
ས་ངྐ་མོ དུ་གྒ་ས་ཉྩཱ་རོ, པ་ཀྐ་མོ ཏུ ཨུ་པ་ཀྐ་མོ.
༧༧༤. པཱ་ཋོ ནི་པཱ་ཋོ ནི་པ་ཋོ, ཝི་ཙ་ཡོ མ་གྒ་ནཱ པུ་མེ;
ཨཱ་ལི་ངྒ་ནཾ པ་རི་སྶ་ངྒོ, སི་ལེ་སོ ཨུ་པ་གཱུ་ཧ་ནཾ.
༧༧༥. ཨཱ་ལོ་ཀ་ན་ཉྩ ནི་ཛ྄ཛྷཱ་ནཾ, ཨི་ཀྑ་ཎཾ ད་སྶ་ནཾ པྱ་ཐ;
པ་ཙྩཱ་དེ་སོ ནི་ར་ས་ནཾ, པ་ཙྩ་ཀྑཱ་ནཾ ནི་རཱ་ཀ་ཏི.
༧༧༦. ཝི་པ་ལླཱ་སོ’ཉྙ་ཐཱ་བྷཱ་ཝོ, བྱ་ཏྟ་ཡོ ཝི་པ་རཱི་ཡ་ཡོ;
ཝི་པ་རི་ཡཱ་སོ’ཏི་ཀྐ་མོ, ཏྭ’ཏི་པཱ་ཏོ ཨུ་པ་ཙྩ་ཡོ.
ཨི་ཏི སཾ་ཀི་ཎྞ་ཝ་གྒོ.