༣. ཨ་ནེ་ཀ་ཏྠ་ཝ་གྒ
༧༧༧. ཨ་ནེ་ཀ་ཏྠེ པ་ཝ་ཀྑཱ་མི, གཱ་ཐཱ’དྡྷ་པཱ་ད་ཏོ ཀ་མཱ;
ཨེ་ཏྠ ལི་ངྒ་ཝི་སེ་ས་ཏྠ, མེ་ཀ་སྶ པུ་ན་རུ་ཏྟ་ཏཱ.
༧༧༨. ས་མ་ཡོ ས་མ་ཝཱ་ཡེ ཙ, ས་མཱུ་ཧེ ཀཱ་ར་ཎེ ཁ་ཎེ;
པ་ཊི་ཝེ་དྷེ སི་ཡཱ ཀཱ་ལེ, པ་ཧཱ་ནེ ལཱ་བྷ དི་ཊྛི་སུ.
༧༧༩. ཝ་ཎྞོ ས་ཎྛཱ་ན རཱུ་པེ་སུ, ཛཱ་ཏི,ཙྪ་ཝཱི་སུ ཀཱ་ར་ཎེ;
པ་མཱ་ཎེ ཙ པ་སཾ་སཱ་ཡཾ, ཨ་ཀྑ་རེ ཙ ཡ་སེ གུ་ཎེ.
༧༨༠. ཨུ་དྡེ་སེ པཱ་ཏི་མོ་ཀྑ་སྶ, པ་ཎྞ་ཏྟི་ཡ མུ་པོ་ས་ཐོ;
ཨུ་པ་ཝཱ་སེ ཙ ཨ་ཊྛ་ངྒེ, ཨུ་པོ་ས་ཐ་དི་ནེ སི་ཡཱ.
༧༨༡. ར་ཐ་ངྒེ ལ་ཀྑ་ཎེ དྷ་མྨོ, ར་ཙ་ཀྐེ’སྭཱི་རི་ཡཱ་པ་ཐེ;
ཙ་ཀྐཾ ས་མྤ་ཏྟི་ཡཾ ཙ་ཀྐ, ར་ཏ་ནེ མ་ཎྜ་ལེ བ་ལེ.
༧༨༢. ཀུ་ལཱ་ལ་བྷ་ཎྜེ ཨཱ་ཎཱ་ཡ, མཱ་ཡུ་དྷེ དཱ་ན རཱ་སི་སུ;
༧༨༣. དཱ་ན་སྨིཾ བྲ་ཧྨ་ཙ་རི་ཡ, མ་པྤ་མ་ཉྙཱ་སུ སཱ་ས་ནེ;
མེ་ཐུ་ནཱ་ར་ཏི་ཡཾ ཝེ་ཡྻཱ, ཝ་ཙྩེ ས་དཱ་ར་ཏུ་ཊྛི་ཡཾ;
པ་ཉྩ་སཱི་ལཱ’རི་ཡ་མ་གྒོ, པོ་ས་ཐ་ངྒ དྷི་ཏཱི་སུ [ཋི་ཏཱི་སུ (ཀ.)] ཙ.
༧༨༤. དྷ་མྨོ ས་བྷཱ་ཝེ པ་རི་ཡ་ཏྟི་པ་ཉྙཱ,
ཉཱ་ཡེ་སུ ས་ཙྩ་པྤ་ཀ་ཏཱི་སུ པུ་ཉྙེ;
ཉེ་ཡྻེ གུ་ཎཱ’ཙཱ་ར ས་མཱ་དྷི་སཱུ་པི,
ནི་སྶ་ཏྟ་ཏཱ’པ་ཏྟི་སུ ཀཱ་ར་ཎཱ་དོ.
༧༨༥. ཨ་ཏྠོ པ་ཡོ་ཛ་ནེ ས་དྡཱ, བྷི་དྷེ་ཡྻེ ཝུ་དྡྷི་ཡཾ དྷ་ནེ;
ཝ་ཏྠུ་མྷི ཀཱ་ར་ཎེ ནཱ་སེ, ཧི་ཏེ པ་ཙྪི་མ་པ་བྦ་ཏེ.
༧༨༦. ཡེ་བྷུ་ཡྻ་ཏཱ’བྱཱ་མི་སྶེ་སུ, ཝི་སཾ་ཡོ་གེ ཙ ཀེ་ཝ་ལཾ;
ད་ལ༹ྷ་ཏྠེ’ན་ཏི་རེ་ཀེ ཙཱ, ན་ཝ་སེ་ས་མྷི ཏཾ ཏི་སུ.
༧༨༧. གུ་ཎོ པ་ཊ་ལ རཱ་སཱི་སུ, ཨཱ་ནི་སཾ་སེ ཙ བ་ནྡྷ་ནེ;
ཨ་པྤ་དྷཱ་ནེ ཙ སཱི་ལཱ་དོ, སུ་ཀྐཱ་དི་མྷི ཛི་ཡཱ་ཡ ཙ.
༧༨༨. རུ་ཀྑཱ་དོ ཝི་ཛྫ་མཱ་ནེ ཙཱ, ར་ཧ་ནྟེ ཁ་ནྡྷ་པ་ཉྩ་ཀེ;
བྷཱུ་ཏོ ས་ཏྟ མ་ཧཱ་བྷཱུ་ཏཱ, མ་ནུ་སྶེ་སུ ན ནཱ་རི་ཡཾ.
༧༨༩. ཝཱ་ཙྩ་ལི་ངྒོ ཨ་ཏཱི་ཏ་སྨིཾ, ཛཱ་ཏེ པ་ཏྟེ ས་མེ མ་ཏོ;
༧༩༠. སུ་ནྡ་རེ ད་ལ༹ྷི་ཀ་མྨེ ཙཱ, ཡཱ་ཙ་ནེ ས་མྤ་ཊི་ཙྪ་ནེ;
ས་ཛྫ་ནེ ས་མྤ་ཧཾ་སཱ་ཡཾ, སཱ་དྷྭཱ’བྷི་དྷེ་ཡྻ་ལི་ངྒི་ཀཾ.
༧༩༡. ཨ་ནྟོ ནི་ཏྠཱི ས་མཱི་པེ ཙཱ, ཝ་སཱ་ནེ པ་ད་པཱུ་ར་ཎེ;
དེ་ཧཱ་ཝ་ཡ་ཝེ ཀོ་ཊྛཱ་སེ, ནཱ་ས སཱི་མཱ་སུ ལཱ་མ་ཀེ.
༧༩༢. ནི་ཀཱ་ཡེ ས་ནྡྷི སཱ་མ་ཉྙ, པྤ་སཱུ་ཏཱི་སུ ཀུ་ལེ བྷ་ཝེ;
ཝི་སེ་སེ སུ་མ་ནཱ་ཡ་ཉྩ, ཛཱ་ཏི ས་ངྑ་ཏ་ལ་ཀྑ་ཎེ.
༧༩༣. བྷ་ཝ་བྷེ་དེ པ་ཏི་ཊྛཱ་ཡཾ, ནི་ཊྛཱ’ཛ྄ཛྷཱ་ས་ཡ་བུ་དྡྷི་སུ;
ཝཱ་ས་ཊྛཱ་ནེ ཙ ག་མ་ནེ, ཝི་ས་ཊ་ཏྟེ [ཝི་ས་ར་ཏྟ ཝི་ས་ད་ཏྟེ] ག་ཏཱིརི་ཏཱ.
༧༩༤. ཕ་ལེ ཝི་པ་སྶ་ནཱ དི་བྦ, ཙ་ཀྑུ ས་བྦ་ཉྙུ་ཏཱ་སུ ཙ;
པ་ཙྩ་ཝེ་ཀྑ་ཎ་ཉཱ་ཎ་མྷི, མ་གྒེ ཙ ཉཱ་ཎ་ད་སྶ་ནཾ.
༧༩༥. ཀ་མྨཱ་རུ་དྡྷ་ན ཨ་ངྒཱ་ར, ཀ་པ་ལླ དཱི་པི་ཀཱ་སུ ཙ;
སུ་ཝ་ཎྞ་ཀཱ་ར་མཱུ་སཱ་ཡཾ, ཨུ་ཀྐཱ ཝེ་གེ ཙ ཝཱ་ཡུ་ནོ.
༧༩༦. ཀེ་སོ་ཧཱ་ར་ཎ, ཛཱི་ཝི་ཏ, ཝུ་ཏྟི་སུ ཝ་པ་ནེ ཙ ཝཱ་པ་ས་མ་ཀ་ར་ཎེ;
ཀ་ཐ་ནེ པ་མུ་ཏྟ་བྷཱ་ཝ, ཛ྄ཛྷེ་ནཱ་དོ [ཛ྄ཛྷེ་ས་ནཱ་དོ (སཱི.)] ཝུ་ཏྟ མ་པི ཏཱི་སུ.
༧༩༧. ག་མ་ནེ ཝི་སྶུ་ཏེ ཙཱ’ཝ, དྷཱ་རི་ཏོ’པ་ཙི་ཏེ་སུ ཙ;
ཨ་ནུ་ཡོ་གེ ཀི་ལི་ནྣེ ཙ, སུ་ཏོ’ བྷི་དྷེ་ཡྻ་ལི་ངྒི་ཀོ.
༧༩༨. སོ་ཏ་ཝི་ཉྙེ་ཡྻ ས་ཏྠེ་སུ, སུ་ཏཾ པུ་ཏྟེ སུ་ཏོ སི་ཡཱ;
༧༩༩. ཀ་པྤོ ཀཱ་ལེ ཡུ་གེ ལེ་སེ, པ་ཉྙ་ཏྟི པ་ར་མཱ་ཡུ་སུ;
ས་དི་སེ ཏཱི་སུ ས་མ་ཎ, ཝོ་ཧཱ་ར ཀ་པྤ་བི་ནྡུ་སུ;
ས་མ་ནྟ་ཏྠེ’ནྟ་ར་ཀ་པྤཱ, དི་ཀེ ཏ་ཀྐེ ཝི་དྷི་མྷི ཙ.
༨༠༠. ནི་བྦཱ་ན མ་གྒ ཝི་ར་ཏི, ས་པ་ཐེ ས་ཙྩ་བྷཱ་སི་ཏེ;
ཏ་ཙྪེ ཙཱ’རི་ཡ་ས་ཙྩ་མྷི, དི་ཊྛི་ཡཾ ས་ཙྩ མཱི་རི་ཏཾ.
༨༠༡. ས་ཉྫཱ་ཏི་དེ་སེ ཧེ་ཏུ་མྷི, ཝཱ་ས་ཊྛཱ་ནཱ’ཀ་རེ་སུ ཙ;
ས་མོ་ས་ར་ཎ་ཊྛཱ་ནེ ཙཱ, ཡ་ཏ་ནཾ པ་ད་པཱུ་ར་ཎེ.
༨༠༢. ཨ་ནྟ་རཾ མ་ཛ྄ཛྷ ཝ་ཏྠ’ཉྙ, ཁ་ཎོ’ཀཱ་སོ’དྷི ཧེ་ཏུ་སུ;
བྱ་ཝ་དྷཱ་ནེ ཝི་ན་ཊྛེ ཙ, བྷེ་དེ ཚི་དྡེ མ་ན་སྱ’པི.
༨༠༣. ཨཱ་རོ་གྱེ ཀུ་ས་ལཾ ཨི་ཊྛ, ཝི་པཱ་ཀེ ཀུ་ས་ལོ ཏ་ཐཱ;
ཨ་ན་ཝ་ཛྫ་མྷི ཚེ་ཀེ ཙ, ཀ་ཐི་ཏོ ཝཱ་ཙྩ་ལི་ངྒི་ཀོ.
༨༠༤. དྲ་ཝཱ’ཙཱ་རེ་སུ ཝཱི་རི་ཡེ, མ་དྷུ་རཱ་དཱི་སུ པཱ་ར་དེ;
སི་ངྒཱ་རཱ་དོ དྷཱ་ཏུ་བྷེ་དེ, ཀི་ཙྩེ ས་མྤ་ཏྟི་ཡཾ ར་སོ.
༨༠༥. བོ་དྷི ས་བྦ་ཉྙུ་ཏ་ཉྙཱ་ཎེ, རི་ཡ་མ་གྒེ ཙ ནཱ་རི་ཡཾ;
པ་ཉྙ་ཏྟི་ཡཾ པུ་མེ’ སྶ་ཏྠ, རུ་ཀྑ་མྷི པུ་རི་སི་ཏྠི་ཡཾ.
༨༠༦. སེ་ཝི་ཏོ ཡེ་ན ཡོ ནི་ཙྩཾ, ཏ་ཏྠཱ་པི ཝི་ས་ཡོ སི་ཡཱ;
རཱུ་པཱ་དི་ཀེ ཛ་ན་པ་དེ, ཏ་ཐཱ དེ་སེ ཙ གོ་ཙ་རེ.
༨༠༧. བྷཱ་ཝོ པ་ད་ཏྠེ ས་ཏྟཱ་ཡ, མ་དྷི་པྤཱ་ཡ ཀྲི་ཡཱ་སུ ཙ;
ས་བྷཱ་ཝ་སྨི་ཉྩ ལཱི་ལཱ་ཡཾ, པུ་རི་སི’ཏྠི་ནྡྲི་ཡེ་སུ ཙ.
༨༠༨. སོ བ་ནྡྷ་ཝེ’ཏྟ་ནི ཙ སཾ, སོ དྷ་ན་སྨི མ་ནི་ཏྠི་ཡཾ;
སཱ པུ་མེ སུ་ན་ཁེ ཝུ་ཏྟོ, ཏྟ་ནི་ཡེ སོ ཏི་ལི་ངྒི་ཀོ.
༨༠༩. སུ་ཝ་ཎྞཾ ཀ་ན་ཀེ ཝུ་ཏྟཾ, སུ་ཝ་ཎྞོ ག་རུ་ལེ༹ ཏ་ཐཱ;
པ་ཉྩ་དྷ་ར་ཎ་མ་ཏྟེ ཙ, ཚ་ཝི ས་མྤ་ཏྟི་ཡ་མྤི ཙ.
༨༡༠. ཝ་རོ དེ་ཝཱ་དི་ཀཱ [དེ་ཝཱ་དི་ཏོ (སཱི.)] ཨི་ཊྛེ, ཛཱ་མཱ་ཏ་རི པ་ཏི་མྷི ཙ,
ཨུ་ཏྟ་མེ ཝཱ་ཙྩ་ལི་ངྒོ སོ, ཝ་རཾ མ་ནྡ་པྤི་ཡེ བྱ་ཡཾ.
༨༡. ༡.
མ་ཀུ་ལེ དྷ་ན་རཱ་སི་མྷི, སི་ཡཱ ཀོ་ས མ་ནི་ཏྠི་ཡཾ;
ནེ་ཏྟིཾ་སཱ་དི པི་དྷཱ་ནེ ཙ, དྷ་ནུ་པ་ཉྩ་ས་ཏེ་པི ཙ.
༨༡༢. པི་ཏཱ་མ་ཧེ ཛི་ནེ སེ་ཊྛེ, བྲཱ་ཧྨ་ཎེ ཙ པི་ཏཱུ་སྭ་པི;
བྲ་ཧྨཱ ཝུ་ཏྟོ ཏ་ཐཱ བྲ་ཧྨཾ, ཝེ་དེ ཏ་པ་སི ཝུ་ཙྩ་ཏེ.
༨༡༣. ཧ་ཏྠཱི་ནཾ མ་ཛ྄ཛྷ་བ་ནྡྷེ ཙ, པ་ཀོ་ཊྛེ ཀ་ཙྪ་བ་ནྡྷ་ནེ;
མེ་ཁ་ལཱ་ཡཾ མ་ཏཱ ཀ་ཙྪཱ, ཀ་ཙྪོ ཝུ་ཏྟོ ལ་ཏཱ་ཡ ཙ.
༨༡༤. ཏ་ཐེ་ཝ བཱ་ཧུ་མཱུ་ལ་མྷི, ཨ་ནཱུ་པ་མྷི ཏི་ཎེ་པི ཙ;
༨༡༥. པ་མཱ་ཎཾ ཧེ་ཏུ ས་ཏྠེ་སུ, མཱ་ནེ ཙ ས་ཙྩ་ཝཱ་དི་ནི;
པ་མཱ་ཏ་རི ཙ ནི་ཙྩ་མྷི, མ་རི་ཡཱ་དཱ་ཡ མུ་ཙྩ་ཏེ.
༨༡༦. ས་ཏྟཾ ད་བྦ’ཏྟ་བྷཱ་ཝེ་སུ, པཱ་ཎེ་སུ ཙ བ་ལེ, སི་ཡཱ [བ་ལེ ས་ཀྐཱ (ཊཱི.)];
ས་ཏྟཱ་ཡ་ཉྩ, ཛ་ནེས་ཏྟོ, ཨཱ་ས་ཏྟེ སོ ཏི་ལི་ངྒི་ཀོ.
༨༡༧. སེ་མྷཱ་དོ ར་ས་ར་ཏྟཱ་དོ, མ་ཧཱ་བྷཱུ་ཏེ པ་བྷཱ་དི་ཀེ;
དྷཱ་ཏུ དྭཱི་སྭ’ཊྛི་ཙ་ཀྑཱ’དི, བྷྭཱ’དཱི་སུ གེ་རི་ཀཱ་དི་སུ.
༨༡༨. ཨ་མ་ཙྩཱ་དོ ས་བྷཱ་ཝེ ཙ, ཡོ་ནི་ཡཾ པ་ཀ་ཏཱི’རི་ཏཱ;
ས་ཏྭཱ་དི་སཱ་མྱཱ’ཝ་ཏྠཱ་ཡཾ, པ་ཙྩ་ཡཱ པ་ཋ་མེ་པི ཙ.
༨༡༩. པ་དཾ ཋཱ་ནེ པ་རི་ཏྟཱ་ཎེ, ནི་བྦཱ་ན་མྷི ཙ ཀཱ་ར་ཎེ;
ས་དྡེ ཝ་ཏྠུ་མྷི ཀོ་ཊྛཱ་སེ, པཱ་དེ ཏ་ལླ་ཉྪ་ནེ མ་ཏཾ.
༨༢༠. ལོ་ཧ་མུ་གྒ་ར མེ་གྷེ་སུ, གྷ་ནོ, ཏཱ་ལཱ་དི་ཀེ གྷ་ནཾ,;
ནི་ར་ནྟ་རེ ཙ ཀ་ཋི་ནེ, ཝཱ་ཙྩ་ལི་ངྒི་ཀ མུ་ཙྩ་ཏེ.
༨༢༡. ཁུ་དྡཱ ཙ མ་ཀྑི་ཀཱ་བྷེ་དེ, མ་དྷུ་མྷི ཁུ་དྡ, མ་པྤ་ཀེ;
ཨ་དྷ་མེ ཀ་པ་ཎེ ཙཱ་པི, བ་ཧུ་མྷི ཙ་ཏཱུ་སུ ཏྟི་སུ.
༨༢༢. ཏ་ཀྐེ མ་ར་ཎ་ལི་ངྒེ ཙ, ཨ་རི་ཊྛཾ ཨ་སུ་བྷེ སུ་བྷེ,;
ཨ་རི་ཊྛོ ཨཱ་ས་ཝེ ཀཱ་ཀེ, ནི་མྦེ ཙ ཕེ་ནི་ལ་དྡུ་མེ.
༨༢༣. མཱ་ན་བྷ་ཎྜེ པ་ལ་ས་ཏེ, ས་དི་ས་ཏྟེ ཏུ་ལཱ ཏ་ཐཱ;
གེ་ཧཱ་ནཾ དཱ་རུ་བ་ནྡྷ་ཏྠ, པཱི་ཋི་ཀཱ་ཡ་ཉྩ དི་སྶ་ཏི.
༨༢༤. མི་ཏྟ་ཀཱ་རེ ལ་ཉྫ་དཱ་ནེ, བ་ལེ རཱ་སི ཝི་པ་ཏྟི་སུ [བ་ལ་རཱ་སི ཝི་པ་ཏྟི་སུ (ཀ.)];
ཡུ་དྡྷེ ཙེ་ཝ པ་ཊི་ཉྙཱ་ཡཾ, ས་ངྒ་རོ ས་མྤ་ཀཱ་སི་ཏོ.
༨༢༥. ཁ་ནྡྷེ བྷ་ཝེ ནི་མི་ཏྟ་མྷི, རཱུ་པཾ ཝ་ཎྞེ ཙ པ་ཙྩ་ཡེ;
ས་བྷཱ་ཝ ས་དྡ ས་ཎྛཱ་ན, རཱུ་པ་ཛ྄ཛྷཱ་ན ཝ་པཱུ་སུ ཙ.
༨༢༦. ཝ་ཏྠུ ཀི་ལེ་ས ཀཱ་མེ་སུ, ཨི་ཙྪཱ་ཡཾ མ་ད་ནེ ར་ཏེ;
ཀཱ་མོ, ཀཱ་མཾ ནི་ཀཱ་མེ, ཙཱ, ནུ་ཉྙཱ་ཡཾ ཀཱ་མ མ་བྱ་ཡཾ.
༨༢༧. པོ་ཀྑ་རཾ པ་དུ་མེ དེ་ཧེ, ཝ་ཛྫ་བྷ་ཎྜ་མུ་ཁེ་པི ཙ;
སུ་ནྡ་ར་ཏྟེ ཙ ས་ལི་ལེ, མཱ་ཏ་ངྒ་ཀ་ར་ཀོ་ཊི་ཡཾ.
༨༢༨. རཱ་སི་ནི་ཙྩ་ལ མཱ་ཡཱ་སུ, ད་མྦྷཱ’ས་ཙྩེ་སྭ’ཡོ་གྷ་ནེ;
གི་རི་སི་ངྒ་མྷི སཱི་ར་ངྒེ, ཡ་ནྟེ ཀཱུ་ཊ མ་ནི་ཏྠི་ཡཾ.
༨༢༩. ཝུ་དྡྷི་ཡཾ ཛ་ན་ནེ ཀཱ་མ, དྷཱ་ཏྭཱ་དཱི་མྷི ཙ པ་ཏྟི་ཡཾ;
ས་ཏྟཱ་ཡ་ཉྩེ་ཝ སཾ་སཱ་རེ, བྷ་ཝོ ས་སྶ་ཏ་དི་ཊྛི་ཡཾ.
༨༣༠. པ་ཊི་ཝཱ་ཀྱོ’ཏྟ་རཱ་ས་ངྒེ, སུ’ཏྟ་རཾ ཨུ་ཏྟ་རོ ཏི་སུ;
སེ་ཊྛེ དི་སཱ་དི་བྷེ་དེ ཙ, པ་ར་སྨི མུ་པ་རཱི’རི་ཏོ.
༨༣༡. ནེ་ཀྑ་མྨཾ པ་ཋ་མ་ཛ྄ཛྷཱ་ནེ, པ་བྦ་ཛྫཱ་ཡཾ ཝི་མུ་ཏྟི་ཡཾ;
ཝི་པ་སྶ་ནཱ་ཡ ནི་སྶེ་ས, ཀུ་ས་ལ་མྷི ཙ དི་སྶ་ཏི.
༨༣༢. ས་ངྑཱ་རོ ས་ངྑ་ཏེ པུ་ཉྙཱ, བྷི་ས་ངྑཱ་རཱ་དི་ཀེ་པི ཙ;
པ་ཡོ་གེ ཀཱ་ཡ་ས་ངྑཱ་རཱ, དྱ’བྷི་ས་ངྑ་ར་ཎེ་སུ ཙ.
༨༣༣. ཨཱ་ར་མྨ་ཎེ ཙ སཾ་ས་ཊྛེ, ཝོ་ཀི་ཎྞེ ནི་སྶ་ཡེ ཏ་ཐཱ;
ཏ་བྦྷཱ་ཝེ ཙཱ་པྱ་བྷི་དྷེ་ཡྻ, ལི་ངྒོ ས་ཧ་ག་ཏོ བྷ་ཝེ.
༨༣༤. ཏཱི་སུ ཚ་ནྣཾ པ་ཏི་རཱུ་པེ, ཚཱ་དི་ཏེ ཙ ནི་གཱུ་ཧི་ཏེ;
ནི་ཝཱ་ས་ན པཱ་རུ་པ་ནེ, ར་ཧོ པ་ཉྙ་ཏྟི་ཡཾ པུ་མེ.
༨༣༥. བུ་དྡྷ་ས་མ་ནྟ་ཙ་ཀྑཱུ་སུ, ཙ་ཀྑུ པ་ཉྙཱ་ཡ མཱི་རི་ཏཾ;
དྷ་མྨ་ཙ་ཀྑུ་མྷི ཙ མཾ་ས, དི་བྦ་ཙ་ཀྑུ་དྭ་ཡེ་སུ ཙ.
༨༣༦. ཝཱ་ཙྩ་ལི་ངྒོ ཨ་བྷི་ཀྐ་ནྟོ, སུ་ནྡ་ར་མྷི ཨ་བྷི་ཀྐ་མེ;
ཨ་བྷི་རཱུ་པེ ཁ་ཡེ ཝུ་ཏྟོ, ཏ་ཐེ་ཝ’བྦྷ་ནུ་མོ་ད་ནེ.
༨༣༧. ཀཱ་ར་ཎེ དེ་ས་ནཱ་ཡ་ཉྩ, ཝཱ་རེ ཝེ་ཝ་ཙ་ནེ་པི ཙ;
པཱ་ཀཱ་ར་སྨིཾ [པ་ཀཱ་ར་སྨིཾ (ཀ.)] ཨ་ཝ་ས་རེ, པ་རི་ཡཱ་ཡོ ཀ་ཐཱི་ཡ་ཏི.
༨༣༨. ཝི་ཉྙཱ་ཎེ ཙི་ཏྟ་ཀ་མྨེ ཙ, ཝི་ཙི་ཏྟེ ཙི་ཏྟ མུ་ཙྩ་ཏེ;
པ་ཉྙ་ཏྟི ཙི་ཏྟ་མཱ་སེ་སུ, ཙི་ཏྟོ, ཏཱ་ར་ནྟ་རེ ཐི་ཡཾ.
༨༣༩. སཱ་མཾ ཝེ་ད་ནྟ་རེ སཱ་ནྟྭེ, ཏཾ པཱི་ཏེ སཱ་མ་ལེ ཏི་སུ;
ས་ཡ་མ་ཏྠེ བྱ་ཡཾ སཱ་མཾ, སཱ་མཱ ཙ སཱ་རི་ཝཱ་ཡ་པི.
༨༤༠. པུ་མེ ཨཱ་ཙ་རི་ཡཱ་དི་མྷི, ག་རུ [གུ་རུ (ཀ. ཊཱི.)] མཱ་ཏཱ་པི་ཏཱུ་སྭ་པི;
ག་རུ ཏཱི་སུ མ་ཧ་ནྟེ ཙ, དུ་ཛྫ་རཱ’ལ་ཧུ་ཀེ་སུ ཙ.
༨༤༡. ཨ་ཙྩི་ཏེ ཝི་ཛྫ་མཱ་ནེ ཙ, པ་ས་ཏྠེ ས་ཙྩ སཱ་དྷུ་སུ;
ཁི་ནྣེ ཙ ས་མི་ཏེ ཙེ་ཝ, ས་ནྟོབྷི་དྷེ་ཡྻ་ལི་ངྒི་ཀོ་ཏི.
ཨི་ཏི གཱ་ཐཱ་ཨ་ནེ་ཀ་ཏྠ་ཝ་གྒོ.
༨༤༢. དེ་ཝོ ཝི་སུ་དྡྷི་དེ་ཝཱ’དོ, མེ་གྷ མ་ཙྩུ ན་བྷེ་སུ ཙ;
ཨ་ཐོ་པི ཏ་རུ་ཎེ ས་ཏྟེ, ཙོ་རེ་པི མཱ་ཎ་ཝོ བྷ་ཝེ.
༨༤༣. ཨཱ་དི ཀོ་ཊྛཱ་ས ཀོ་ཊཱི་སུ, པུ་ར་ཏོ’གྒཾཝ་རེ ཏཱི་སུ;
པ་ཙྩ་ནཱི་ཀོ’ཏྟ་མེ་སྭ’ཉྙེ, པ་ཙྪཱ་བྷཱ་གེ པ་རོ ཏི་སུ.
༨༤༤. ཡོ་ནི ཀཱ་མ སི་རི’སྶ་རེ, དྷ་མྨུ’ཡྻཱ་མ ཡ་སེ བྷ་གཾ;
ཨུ་ལཱ༹་རོ ཏཱི་སུ ཝི་པུ་ལེ, སེ་ཊྛེ ཙ མ་དྷུ་རེ སི་ཡཱ.
༨༤༥. ས་མྤ་ནྣོ ཏཱི་སུ ས་མྤུ་ཎྞེ, མ་དྷུ་རེ ཙ ས་མ་ངྒི་ནི;
ས་ངྑཱ ཏུ ཉཱ་ཎེ ཀོ་ཊྛཱ་ས, པ་ཉྙ་ཏྟི ག་ཎ་ནེ་སུ ཙ.
༨༤༦. ཋཱ་ནཾ ཨི་སྶ་རི་ཡོ’ཀཱ་ས, ཧེ་ཏཱུ་སུ ཋི་ཏི་ཡ་མྤི ཙ;
ཨ་ཐོ མཱ་ནེ པ་ཀཱ་རེ་ཙ, ཀོ་ཊྛཱ་སེ་ཙ ཝི་དྷོ དྭི་སུ.
༨༤༧. པ་ཉྙོ’པ་ཝཱ་ས ཁ་ནྟཱི་སུ, ད་མོ ཨི་ནྡྲི་ཡ་སཾ་ཝ་རེ;
ཉཱ་ཎེ ཙ སོ་མ་ན་སྶེ་ཙ, ཝེ་དོ ཚ་ནྡ་སི ཙོ’ཙྩ་ཏེ.
༨༤༨. ཁ་ནྡྷ་ཀོ་ཊྛཱ་ས, པ་སྶཱ་ཝ, མ་གྒ, ཧེ་ཏཱུ་སུ ཡོ་ནི སཱ [ཡོ་ནི སོ (ཊཱི.)];
ཀཱ་ལེ ཏུ ཀཱུ་ལེ སཱི་མཱ་ཡཾ, ཝེ་ལཱ རཱ་སི་མྷི བྷཱ་སི་ཏཱ.
༨༤༩. ཝོ་ཧཱ་རོ ས་དྡ པ་ཎྞ་ཏྟི, ཝ་ཎི་ཛྫཱ ཙེ་ཏ་ནཱ་སུ ཙ;
ནཱ་གོ ཏུ’ར་ག ཧ་ཏྠཱི་སུ, ནཱ་ག་རུ་ཀྑེ ཏ་ཐུ’ཏྟ་མེ.
༨༥༠. སེ་ཊྛཱ’ས་ཧཱ་ཡ ས་ངྑྱཱ’ཉྙ,